Category صحت

نیویارک(ویب ڈیسک) امریکی ماہرِ اعصابیات و نفسیات اور اس شعبے میں ڈاکٹریٹ کرنے والی ماہرہ وینڈی سوزوکی نے اپنے تجربے کے بنیاد پر انتہائی قیمتی مشورے دیئے ہیں جن پر عمل کرکے دماغی مضبوطی، نفسیاتی اور اعصابی سکون اور توانائی حاصل کی جاسکتی ہے۔ ان کے 6 ٹوٹکے درج ذیل ہیں:
1: مثبت نتائج کا تصور کیجیے
دن کے آغاز سے انجام تک، اپنے، اپنے گھر کے اور بچوں کے تمام چھوٹے بڑے معاملات جب بھی یاد آئیں ان میں سے ہر ایک کا اختتام مثبت طور پر سوچیں اور اس کا ایک نقشہ یا خیالی منظر ذہن میں جمائیں۔ یہ نہیں کہ صرف اچھا انجام سوچیں بلکہ سب سے بہترین صورتحال کا تصور کیجئے۔

اس سے نہ صرف دماغ مثبت سوچنے لگے گا، جسم پر اچھے اثرات مرتب ہوں گے بلکہ مسائل کے حل کے نئے راستے بھی نکلیں گے۔

2: بے چینی اور اضطراب کو ترقی میں بدلیں

مشکلات اور چیلنج میں ہماری دماغی لچک بڑھ جاتی ہے اور کوشش کی جائے تو اس سے فائدہ اٹھایا جاسکتا ہے۔ اس موقع پر ہمیں جائزہ لینا چاہیے کہ پرسکون کیسے ہیں، صورتحال کا دوبارہ جائزہ لیا جائے، خیالات کو مثبت انداز میں جمع کرکے درست فیصلے کئے جائیں۔

یعنی بے چینی اور منفی جذبات کو گھماکر دوسرے مثبت کاموں میں بھی استعمال کیا جاسکتا ہے جس کی لاتعداد مثالیں ہیں۔ ان میں سے چند درج ذیل ہیں۔

غصہ آپ کی توجہ کھاجاتا ہے اور عمل کو روکتا ہے لیکن اسی سے آپ جذبہ لے کر اپنی توجہ بڑھا سکتےہیں۔

خوف وہ جذبہ ہے جو ماضی کی ناکامیاں بھی یاددلاتا ہے، یہ توجہ اور ارتکاز کو تباہ کرتا ہے اور آپ کی صلاحیتوں کو گھن لگادیتا ہے ، یا پھر آپ کو درست اور واضح فیصلے میں مدد بھی دے سکتا ہے اور بدلتی ہوئی فضا میں آپ کے لیے مواقع بھی بڑھاتا ہے۔

اداسی سے دل بجھ جاتا ہے اور انسان حوصلہ ہارنے لگتا ہے یا پھر اس کی بدولت آپ اپنی ترجیحات نئے سرے سے مرتب کرسکے، ماحول اور واقع کو اپنے حق میں ہموار کرسکتے ہیں۔

پریشانی سے کوئی فائدہ نہیں ہوتا ہے اور انسان اپنے مقصد سے دور ہوتا جاتا ہے یا پھر آپ اپنے مسائل کے حل پر توجہ دے سکتےہ یں، اپنی توقعات کی درجہ بندی کرسکتے ہیں اور حقیقت پر مبنی منصوبے بناسکتے ہیں۔

فرسٹریشن سے دل بیٹھنے لگتا ہے یا پھر آپ اسے استعمال کرکے مزید بہتر کام کرسکتے ہیں۔

ہم اکثر دیکھتے ہیں چندافراد کےمزاج میں اچانک تبدیلی آتی ہے، یہ ممکن ہے کہ اسے زیادہ سنجیدہ نہ لیا جائے لیکن اگر کوئی شخص انتہائی خوشی کی حالت سے مستقل اور پے در پے شدیدڈپریشن کی طرف چلاجاتا ہےاس کیلئےادویات کی ضرورت ہوتی ہے۔ انسان کے مزاج میں تیزی سے تبدیلی کی چند وجوہات ہوتی ہیں ،مزاج میں تبدیلی کی کچھ وجوہات ذہنی صحت، ہارمونز یا دیگر صحت کے حالات سے متعلق ہوسکتی ہیں۔
بائی پولرڈس آرڈر کوپہلےمینک ڈپریشن (manic-depression)کے نام سے جانا جاتا تھا۔ اس بیماری میں موڈ کبھی حد سے زیادہ خوش ہو جاتا ہے اور اس میں بے انتہا تیزی آ جاتی ہے، اور کبھی اس میں بے انتہا اداسی ہو جاتی ہے۔ اس بیماری میں مختلف اوقات میں مختلف کیفیات پائی جاتی ہیں۔ بائی پولر ڈس آرڈر تقریباً ایک فیصد لوگوں کو زندگی کے کسی حصے میں ہو سکتا ہے۔ یہ بیماری بلوغت کے بعد کسی بھی عمر میں شروع ہو سکتی ہے لیکن چالیس سال کی عمر کے بعد یہ بیماری شاذونادر ہی شروع ہوتی ہے۔ مرد اور عورت دونوں میں اس کی شرح یکساں ہے۔
بائی پولر ڈس آرڈر تقریباً ایک فیصد لوگوں کو زندگی کے کسی حصے میں ہو سکتا ہے۔ یہ بیماری بلوغت کے بعد کسی بھی عمر میں شروع ہو سکتی ہے لیکن چالیس سال کی عمر کے بعد یہ بیماری شاذونادر ہی شروع ہوتی ہے۔ مرد اور عورت دونوں میں اس کی شرح یکساں ہے۔
تحقیق کے مطابق یہ بات سامنے آئی ہے کہ یہ خاندانی مرض ہے۔ اس کا وراثت سےزیادہ اورماحول سے کم تعلق ہے۔ ایسا معلوم ہوتا ہے کہ دماغ میں جو نظام ہمارے موڈ کو صحیح رکھتا ہے، بائی پولر ڈس آرڈرمیں اس نظام میں خرابی پیدا ہوجاتی ہے۔ اسی وجہ سے اس بیماری کی علامات دواؤں سے صحیح ہو جاتی ہیں۔ یہ بیماری کبھی کبھی مشکل حالات ، ذہنی دباؤ یا جسمانی بیماری کے بعد بھی شروع ہو جاتی ہے۔
۔ذہنی صحت کے مختلف حالات مزاج کی تبدیلی کی وجہ بن سکتے ہیں،جن کواکثر موڈ ڈس آرڈر کہاجاتاہے۔ بائی پولر ڈس آرڈر میں کسی شخص کے جذبات انتہائی خوشی سے لے کر انتہائی اداسی تک ہو سکتے ہیں، لیکن بائی پولر ڈس آرڈر سے وابستہ مزاج میں ہونے والی تبدیلیاں عام طور پر سال میں صرف چند بار ہوتی ہیں، سائیکلک موڈ ڈس آرڈر ایک ہلکا سا موڈ ڈس آرڈر جو بائی پولر ٹو ڈس آرڈر سے ملتا جلتا ہے ، جس میں کسی شخص کے جذبات اتار چڑھاؤ کا شکار ہوتے ہیں لیکن دو قطبی عارضے سے وابستہ افراد سے کم شدید ہوتے ہیں۔
ہارمونز مزاج میں تبدیلی کا سبب بھی بن سکتے ہیں، اور ان کا تعلق ان ہارمونز سے ہوتا ہے جو دماغ کی کیمسٹری کو متاثر کرتے ہیں۔ نوجوان لڑکیوں اور خواتین میں جو حاملہ ہیں یا حیض کے مرحلے تک پہنچ چکی ہیں،وہ جسمانی نشونما کے اس مرحلے سے جڑی ہارمونل تبدیلیوں کی وجہ سے موڈ میں تبدیلی محسوس کرتی ہیں۔
میجر ڈپریشن ڈس آرڈر میں ڈپریشن میں مریض طویل عرصے تک بہت اداس رہتا ہے، ایم ڈی ڈی کو بعض اوقات کلینیکل ڈپریشن کہا جاتا ہے۔اسے مسلسل ڈپریشن ڈس آرڈر کہا جاتا ہے ، یہ ڈپریشن کی ایک دائمی شکل ہے۔ ڈی ایم ڈی ڈی کی تشخیص عام طور پر صرف بچوں میں ہوتی ہے، جس میں بچے میں چڑچڑا پن پیدا ہوتا ہے اور موڈ سوئنگز ہوتے ہیں

ہیوسٹن، ٹیکساس(ویب ڈیسک) امریکی سائنس دانوں نے لچک دار کاربن نینو فائبر استعمال کرتے ہوئے ایک ایسی قمیص ایجاد کرلی ہے جو اپنے پہننے والے کے دل کی دھڑکنوں پر مسلسل نظر رکھ سکتی ہے۔

یہ ’ذہین قمیص‘ رائس یونیورسٹی کے ماہرین کی قیادت میں کئی امریکی جامعات کے اشتراک سے تقریباً دو سال میں تیار کی گئی ہے۔
ریسرچ جرنل ’’نینو لیٹرز‘‘ کے تازہ شمارے میں شائع ہونے والی رپورٹ کے مطابق، اس ذہین قمیص کی تیاری میں سب سے بڑا چیلنج نینومیٹر جتنے چوڑے، لچک دار کاربن ریشوں کو ایک دوسرے کے ساتھ لپیٹ کر ایک ایسا دھاگہ تیار کرنا تھا جس میں سے بجلی گزر سکے اور اسے لباس کی سلائی میں استعمال بھی کیا جاسکے۔
اس مقصد کےلیے بال سے بھی زیادہ باریک، صرف 22 مائیکرومیٹر جتنی چوڑائی والے سات کاربن ریشوں کو ایک دوسرے کے گرد بل دے کر ان کے بنڈل بنائے گئے، اور پھر ایسے تین بنڈلز کو آپس میں لپیٹ کر کاربن نینو فائبر والا دھاگہ تیار کیا گیا۔
زگ زیگ پیٹرن کی طرز پر اس نینو فائبر دھاگے کو قمیص کے ساتھ سی دیا گیا۔ اس طرح تیار ہونے والی ٹی شرٹ ایک ادھیڑ عمر رضاکار کو پہنا کر اس کی دل کی دھڑکنوں پر کئی گھنٹوں تک مسلسل نظر رکھی گئی۔

نینو فائبر والے ان دھاگوں میں سے نہ صرف بجلی گزرسکتی ہے بلکہ یہ آرام دہ اور پائیدار بھی ہیں جو قمیص دھوئے جانے پر بھی خراب نہیں ہوتے۔
تجربے کے دوران یہ قمیص پہننے والا رضاکار بھی مطمئن رہا اور اسے کسی قسم کی بے چینی یا الجھن کا سامنا نہیں ہوا۔
یہ قمیص چست لیکن نرم اور لچک دار کپڑے سے بنی ہے، جبکہ یہ لگاتار کئی گھنٹوں تک اپنے پہننے والے کی دھڑکنوں کا ریکارڈ رکھ سکتی ہے۔
واضح رہے کہ ’’ذہین قمیص‘‘ فی الحال تجرباتی مرحلے پر ہے جس کا مقصد اس کی تیاری کو کم خرچ اور تیز رفتار بنانا ہے تاکہ آنے والے برسوں میں یہ بڑے پیمانے پر تیار کی جاسکے؛ اور ممکنہ طور پر اسمارٹ واچ یا اس جیسے دوسرے آلات کی جگہ لے سکے جو آج کل صحت پر نگاہ رکھنے کےلیے عام استعمال ہورہے ہیں۔

سندھ حکومت کاکل سےصوبےبھرکےسکولزمیں ویکسی نیشن مہم شروع کرنےکافیصلہ،وزیر تعلیم سندھ سردار شا ہ کی زیر صدارت ایک اجلاس میں اسکولوں میں ویکسی نیشن مہم شروع کرنے، نجی اسکولز کی رجسٹریشن کا ازسر نو جائزہ لینے، انسپیکشن کیلئے ٹیمیں تشکیل دینے، ڈیٹا بیس مکمل کرکےمکینزم بنانےاوراساتذہ کی تنخواہ بھی معلوم کرنےکا فیصلہ کیا گیا ہے۔
وزیر تعلیم سندھ سردار شاہ کا کہنا تھا کہ دنیابھرکے ترقی یافتہ ممالک میں ویکسی نیشن سےزندگی معمول پرآئی ہے،اسکول کھلےرکھنے کیلئےہمیں بھی نویں سےبارہویں تک طلبہ کی ویکسی نیشن کرناہوگی،والدین سےبچوں کوویکسین لگانےکےرضامندی سرٹیفکیٹ لیے جائیں گے۔ وزیر تعلیم سندھ سردارشاہ کا کہنا تھاکہ نجی اسکولزکوسندھ حکومت کی جانب سےمزدورکی مقررہ کردہ تنخواہ کےمطابق تنخواہ دینا ہوگی، اسی طرح تمام اسکولز کو 10 فیصد بچوں کو مفت تعلیم دینی ہوگی۔

ملک بھر میں کورونا کےپھیلاؤ میں تیز کے باعث مزید61 افراد انتقال کر گئے اور 3747 نئے کیسز بھی رپورٹ ہوئے ہیں۔ این سی او سی کے مطابق گزشتہ 24 گھنٹوں کے دوران ملک بھر میں کورونا کے 57 ہزار 908 ٹیسٹ کیے گئے جن میں سے 3747 افراد میں وائرس کی تصدیق ہوئی جب کہ وائرس سے 61 افراد انتقال کر گئے۔ ملک میں گزشتہ 24 گھنٹوں کے دوران کورونا کے مثبت کیسز کی شرح 6.47 فیصد رہی۔
این سی او سی کے مطابق ملک بھر میں کورونا سے ہلاکتوں کی تعداد 26 ہزار 175 ہو گئی اور مجموعی کیسز 11 لاکھ 79 ہزار 305 تک جاپہنچے ہیں۔
گزشتہ24گھنٹوں کے دوران ملک بھر میں 2940 مریض صحتیاب ہوئے،صحتیاب ہو نیوالے افراد کی تعداد10لاکھ60 ہزار881 ہو گئی ہے جب کہ فعال کیسز کی تعداد 92249 ہے۔

بولونا، اٹلی(ویب ڈیسک) ماں قدرت کا انمول تحفہ ہے اوراب ایک تحقیق سے معلوم ہوا ہے کہ ماں کی آواز بھی بچے میں تکلیف کے احساس کو کم کرتی ہے۔

معمول کی مدتِ حمل سے پہلے پیدا ہونے والے بچوں کو ماں سے الگ کرکے کئی دنوں بلکہ ہفتوں تک انکیوبیٹر اور دیگر نگہداشت میں رکھا جاتا ہے۔ اس طرح بچہ پیدائش کے بعد ماں س الگ ہوجاتا ہے۔ اب یہاں ادویہ، ٹیکے اور نلکیاں لگانے سے بچہ درد سے بےحال ہوجاتا ہے جس کے لیے طرح طرح کی درد کش ادویہ دی جاتی ہیں ۔ اب اگر اس دوران والدہ کو بچے کے پاس لایا جائے اور وہ اس سے باتیں کریں تو نومولود کی تکلیف کم ہوجاتی ہے۔

یونیورسٹی آف جنیوا میں سائنسدانوں کی ایک ٹیم نے اٹلی کی یونیورسٹی آف ویلے ڈی اوسٹا اور پارینی ہسپتال کے اشتراک سے ایک مطالعہ کیا ہے۔ اس کا خلاصہ یہ ہے کہ جب جب ماں بچے سے بات کرتی ہے تو اس میں آکسیٹوسِن کی شرح بڑھتی ہے جس سے درد کم ہوجاتا ہے۔ آکسیٹوسِن ایک ہارمون ہے جو کسی سے لگاوٹ یا پھر تناؤ، دونوں میں ہی اہم کردار ادا کرتا ہے۔ اس طرح ڈاکٹر اور ہسپتال انتظامیہ ماں کو بچے کے پاس بلاکر درد کا قدرتی علاج کرسکتی ہے۔

اس سے قبل ایک اور جائزہ بتاتا ہے کہ ماں اور باپ کی موجودگی بھی بچے کا درد بٹاسکتی ہے۔ تجربے میں پارینی ہسپتال کے 20 ایسے بچوں کو لیا گیا جنہوں نے اپنے وقت سے قبل دنیا میں آنکھ کھولی تھی۔ تمام مائیں اپنے بچوں کے پاس اس وقت موجود تھیں جب ٹیسٹ کے لیے ایڑھی سے خون کے چند قطرے لئے گئے۔ ماؤں سے یہ بھی کہا گیا کہ بچے کے سامنے کچھ نہ کچھ بولتی رہیں۔

اس تجربے میں تین روز تک تین ٹیسٹ کئے گئے۔ پہلے بچوں کو ماں کے بغیر ٹیکہ لگایا گیا، دوسرے روز بچے کو انجیکشن لگاتے ہوئے ماں نے بچے سے باتیں کیں اور تیسرے روز ماں نے بچے کے سامنے واضح آوازمیں گانے گائے۔ ماں سے کہا گیا کہ ٹیکہ لگانے سے پہلے، اس دوران اور ٹیکے لگانے کے بعد پانچ پانچ منٹ تک گانا گائے۔ تینوں تمام مراحل میں خون کے ٹیسٹ لیے گئے۔

اس کے علاوہ ہرے اور جسمانی انداز کو دیکھتے ہوئے بچوں میں درد کا ایک پیمانہ استعمال کیا گیا جسے ’پری ٹرم پین پروفائل ( پی آئی پی پی) کہتے ہیںل۔ اس میں صفر سے 21 تک درجے ہوتے ہیں۔ خون نکالتے وقت ماہر کوبچے کے چہرے کی ویڈیو دکھائی گئی۔ لیکن آواز بند کردی گئی تاکہ ماہر ماں کی آواز نہ سن سکے اور اس پر غلط فیصلہ سامنے نہ آسکے۔

معلوم ہوا کہ ماں غائب ہونے کی صورت میں پی آئی پی پی کی شرح 4.5 نوٹ ہوئی اور جیسے ہی ماں نے بچے سے بات کی تو پی آئی پی پی کی شرح تین درجے کم ہوگئی جو غیرمعمولی بات ہے۔

اس سے معلوم ہوتا ہے کہ ماں کی آواز بچے کے لیے قدرتی پین کلر کا درجہ رکھتی ہے۔

کورونا کے پھیلاؤ میں تیزی کے پیش نظر فیصل آباد سے ملتان موٹر وے پر پبلک ٹرانسپورٹ کا داخلہ بند کردیا گیا، پرائیویٹ گاڑیوں کو موٹروے پر سفر کرنے کی اجازت ہوگی۔ اشیائےخورونوش اور تیل سپلائی کرنیوالی گاڑ یوں سفر کرنے کی اجازت ہوگی. این سی او سی نے گزشتہ روزاسلام آباداورلاہورسمیت ملک کے24شہروں میں نئی پابندیاں نافذ کی تھیں جو 12 ستمبر تک نافذرہیں گی.
منتخب اضلاع میں تعلیمی ادارے بند رہیں گے جبکہ 24 شہروں میں انٹرسٹی ٹرانسپورٹ کی آمد و رفت پر بھی پابندی ہوگی جبکہ این سی اوسی نےان ڈوراورآؤٹ ڈورتمام تقاریب کےانعقادپرپابندی عائدکردی اورشادی بیاہ کی تقاریب کو300افرادکی تعداد سےمشروط کیا گیا ہے۔ شادی بیاہ کی تقاریب کا انعقاد صرف آؤٹ ڈور کیا جا سکےگا۔ اسلام آباد، راولپنڈی، سرگودھا، خوشاب، میانوالی، رحیم یار خان، گجرات، گوجرانوالہ، ملتان، بہاولپور، لاہور، شیخوپورہ، بھکر، خانیوال، سیالکوٹ اور فیصل آباد میں نئی پابندیاں عائد کی گئی ہیں.

پنجاب حکومت کی جانب سےصوبےکے15 شہروں میں طبی ادارے 4 تا 12 ستمبر بند کرنےکافیصلہ، محکمہ صحت پنجاب کے جاری کردہ اعلامیےکےمطابق صوبےکے15شہروں میں طبی ادارےآئندہ9روز کیلئےبندرہیں گے۔لاہور،راولپنڈی،گوجرانولہ،شیخوپورہ،سیالکوٹ، فیصل آباد،سرگودھا،خوشاب،گجرات،میانوالی،بھکر،خانیوال،ملتان،بہاولپوراور رحیم یار خان میں طبی ادارے 4 تا 12ستمبر بند رہیں گے۔ طبی اداروں میں عملہ اور ڈاکٹرزڈیوٹی پر موجود رہیں گے اور متعلقہ وی سی اور پرنسپل اپنے اداروں میں ویکسینیشن یقینی بنائیں گے۔
دوسری جانب این سی اوسی کی جانب سے جاری بیان میں کہا گیا ہے کہ جن کی دوسری ڈوزکاوقت ہوچکا ہے وہ میسج کا انتظار کیے بغیر دوسری ڈوز لگوا سکتے ہیں۔ دوسری ڈوز کسی بھی ویکسین سینٹر سے لگوائی جاسکتی ہے ، اتوار کا دن خصوصی طور پر دوسری ڈوز کیلئے مقررکیاگیا ہے
معاونِ خصوصی برائے صحت نے کہاتھاکہ سائنو فارم کی دوسری خوراک تین ہفتےبعدلگوائی جاسکتی ہے،سائنوویک اور اسٹرازنیکاکی دوسری خوراک 4 ہفتے بعد لگوا سکتے ہیں۔ معان خصوصی صحت ڈاکٹر فیصل سلطان نےواضح کیا تھا کہ ویکسین کی دوسری خوراک کیلئے 1166سے ایس ایم ایس کے انتظار کی ضرورت نہیں۔

ویب ڈیسک: چین سے شروع ہونیوالی عالمی وبانے پوری دنیا کواپنی لپیٹ میں لے رکھا ہے جس سے پوری دنیا کی معیشت متاثر ہورہی ہے ،تمام ممالک کی جانب سے کورونا کی روک تھام کیلئے پابندیاں اور شرائط عائد کی گئیں ہیں .دنیا میں اپنے ‌آپ کو سپر پاور کہنے والے امریکا کو کورونا کی چوتھی لہر کےدوران کورونا کی خطرناک ترین قسم ڈیلٹا ویرئنٹ کاسامنا کرناپڑ رہا ہے جس سے آئندہ3 ماہ میں ایک لاکھ ہلاکتوں کا خدشہ ظاہر کیا جارہا ہے.

یونیورسٹی آف واشنگٹن تحقیق میں انکشاف کیا گیا ہے کہ دسمبر تک کورونا سے ایک لاکھ اموات کا خدشہ ہے جس کے مطابق رواں برس کےاختتام تک کوروناسےامریکا میں اموات کی تعداد7لاکھ30ہزارکےقریب پہنچنے کاامکان ہےجبکہ اب تک یہ تعداد 6 لاکھ 32 ہزار ہے۔

یونیورسٹی آف ٹیکساس کے شعبہ کوروناوائرس ریسرچ کی ڈائرکٹر لارن اینسل کاکہنا تھا کہ کورونا کے پھیلاؤ میں تیزی یا کمی کا انحصار انسوں کے میل جول سے ہے۔ہم ڈیلٹاویرینٹ کوفوری طورپرختم نہیں کرسکتے لیکن ہم اس کے پھیلاؤ کو کم کرسکتے ہیں۔ لارن اینسل کامزید کہنا تھا کہ اگرعوامی مقامات پرشہری ماسک کےاستعمال،سماجی فاصلے کو یقینی بنائیں اور ویکسی نیشن کرائیں جس سے کورونا کیسز میں واضح کمی ‌آسکتی ہے. بھارت سے شروع ہونیوالے کوروناوائرس کی نئی قسم ڈیلٹا تیزی سے تباہی مچا رہی ہے جس کی وجہ سے اسپتالوں میں مریضوں کی تعداد اور اموات میں بھی اضافہ دیکھنے میں آیا ہے۔

پاکستان میں کورونا ایس اوپیز کی خلاف ورزیاں‌اکثر مقامات پرہورہی ہیں‌اور کورونا بھی بے قابو ہے لوگ سنجیدگی کامظاہرہ نہیں کررہے..ادھراب سندھ کے اندر صورتحال یہ ہے کہ صوبہ سندھ میں کورونا ضابطہ کار (ایس او پیز) سے متعلق نیا حکم نامہ جاری ہوگیا۔محکمہ داخلہ سندھ نے کورونا پابندیوں سے متعلق نوٹیفکیشن جاری کردیا ہے جس کے مطابق کراچی میں جمعہ اور اتوار جبکہ حیدرآباد میں جمعے اور ہفتے کو کاروبار بند رہے گا۔

نوٹیفکیشن میں کہا گیا ہے کہ کراچی اورحیدرآباد میں بازار رات 8 بجے تک کھلے رہیں گے اور صوبے کے باقی شہروں میں بازار رات 10 بجے تک کھولنے کی اجازت ہوگی۔نوٹیفکیشن کے مطابق ریسٹورینٹس میں انڈور ڈائننگ پرپابندی ہوگی جبکہ آؤٹ ڈور ڈائننگ کی رات 10 بجے تک اجازت ہوگی اور فوڈ ڈیلیوری 24 گھنٹے کی جاسکے گی۔

محکمہ داخلہ سندھ کے نوٹیفکیشن کے مطابق شادی ہالز میں تقریبات پر پابندی برقرار رہے گی، اس کے علاوہ کراچی اورحیدرآباد میں مزارات بند رہیں گے۔نوٹیفکیشن میں کہا گیا ہے کہ انڈور جم صرف ویکسینیٹڈ افراد استعمال کرسکیں گے جبکہ میڈیکل اسٹورز، بیکریاں، سی این جی اسٹیشن اور پیٹرول پمپ 24 گھنٹے کھلے رہیں گے اور یہ پابندیاں یکم سے 15 ستمبر تک ہوں گی۔