Category صحت

چیف جسٹس پاکستان جسٹس گلزار احمد نے ایک کیس کی سماعت کے دوران ریمارکس دیے کہ پختونخوا کے اسپتالوں میں عام شہریوں کے لیے کوئی سہولت نہیں ہے اور مجھے خطرہ لگ رہا ہے کہ جلد کے پی کے اسپتال فائیو اسٹارہوٹل بن جائیں گے۔
سپریم کورٹ میں چیف جسٹس پاکستان جسٹس گلزاراحمد کی سربراہی میں اقلیتوں کی عبادت گاہوں سے متعلق کیس کی سماعت ہوئی جس سلسلے میں چیئرمین متروکہ وقف املاک بورڈ، چیف سیکرٹری کے پی اور دیگر عدالت میں پیش ہوئے۔
دورانِ سماعت رمیش کمار نے عدالت کو بتایا کہ کراچی میں دھرم شالا کی زمین پرکمرشل پلازہ بنایا جا رہا ہے، اس پر چیئرمین متروکہ وقف املاک بورڈ نے کہا کہ دھرم شالا قدیم تھا اور زمین متروکہ وقف کی ہے،اس پرتعمیرات ہوسکتی ہیں۔
چیف جسٹس نے ریمارکس دیےکہ کیا اس طرح تمام پرانی عمارتیں گرانے کا حکم دے دیں؟ 1932 سے قائم دھرم شالا آپ اصل حالت میں محفوظ نہیں رکھ سکے، چیئرمین صاحب، آپ اپنی ذمہ داریوں سے فرارحاصل نہیں کرسکتے، لاہورکے جین مندر اور نیلا گنبد کے معاملے پر ایف آئی اے نے کیا کاروائی کی؟
عدالت نے ایف آئی اے کو کراچی میں دھرم شالاکی زمین پرقبضےکا مقدمہ اورشواہد پیش کرنےکاحکم دیتے ہوئے کہا کہ ایف آئی اے لوگوں کو ہراساں نہ کرے، لوگوں کو ایف آئی اے سے خوفزدہ نہیں ہونا چاہیے کہ یہ اٹھا کرلےجائیں گے، ایف آئی اے تفتیش کے نام پرجال بچھا دیتا ہے کہ کتنی مچھلیاں بیچ میں آئیں گی، پورا ملک ان حرکات کی وجہ سے عدم استحکام کا شکار ہے۔
چیف جسٹس نے ریمارکس دیے کہ اتنی بڑی کرتارپور راہداری بنادی، باقی ملک میں بھی اقلیتی عبادت گاہیں ہیں، رمیش کمار نے کہا کہ خیبرپختونخوا کے سرکاری اسپتالوں میں اقلیتوں کے لیے کوئی سہولیات نہیں، اس پر چیف جسٹس نے چیف سیکرٹری کے پی کو روسٹرم پر بلالیا اور سوال کیا کہ چیف سیکرٹری صاحب، آپ نے کے پی کے سرکاری اسپتالوں کا دورہ کیا؟ چیف سیکرٹری نے کہا کہ ایک اسپتال کا دورہ کیا جس میں تمام طبی سہولیات موجود تھیں۔
جسٹس گلزار احمد نے کہا کہ آپ کو یہ بیان زیب نہیں دیتا، آپ کے لیے تو ہرجگہ سہولتیں موجود ہیں، پختونخوا کے اسپتالوں میں عام شہریوں کے لیے کوئی سہولت نہیں ہے، مجھے خطرہ لگ رہا ہے کہ جلد کے پی کے اسپتال فائیو اسٹارہوٹل بن جائیں گے۔
بعد ازاں عدالت نے چیف سیکرٹری خیبرپختونخوا کو صوبے کے تمام سرکاری اسپتالوں پر تفصیلی رپورٹ جمع کرانے کا حکم دیا۔

ملک میں کرونا کا پھیلاؤ پھر تیز ہو گیا، چوبیس گھنٹوں میں 3ہزار انیس نئے کیس سامنے آ گئے
این سی اوسی کے مطابق مثبت کیسز کی شرح 6.12 فیصد تک پہنچ گئی، ملک میں وائرس مزید 5 زندگیاں بھی نگل گیا، 651مریضوں کی حالت تشویشناک ہے،چوبیس گھنٹوں میں 49ہزار 270افراد کے کرونا ٹیسٹ کیے گئے،،پنجاب میں اومی کرون کے کیسز بڑھنے لگے، گزشتہ 24گھنٹوں میں 50نئے اومیکرن کے کیسز رپورٹ ہوئے ہیں،، پنجاب میں اومیکرون ویرینٹ کے کیسز کی تعداد 372 ہو گئی،، فیصل آباد سے ایک، شیخوپورہ سے 6، لاہور سے 43 نئے کیسز رپورٹ ہوئے ہیں،، پنجاب میں گزشتہ 24 گھنٹوں میں کرونا وائرس کے ریکارڈ 919 کیسز رپورٹ ہوئے،، پنجاب میں اب تک کرونا کیسز کی تعداد 449944 ہو گئی،، پنجاب میں کرونا مثبت آنے کی شرح 4.69 فیصد ریکارڈ ہوئی۔

ملک میں کرونا کے کیسز میں بدستور اضافہ جاری ہے، مزید 2 افراد جاں بحق جبکہ ایک ہزار 467 نئے کیس رپورٹ ہوئے
نیشنل کمانڈ اینڈ کنٹرول سینٹر کے مطابق ملک بھر میں 24گھنٹے میں 43ہزار 540 کرونا ٹیسٹ کیے گئے، کرونا کی مثبت شرح 3.33 فیصد رہی،،ملک بھر میں کرونا کے 615 مریض انتہائی نگہداشت کے شعبے میں زیر علاج ہیں، سندھ کرونا سے سب سے زیادہ متاثر ہے، 24گھنٹوں کے دوران 940 نئے کیسز سامنے آئے،،،اس سے ایک روز قبل ملک بھر میں کرونا کے 3مریضوں نے دم توڑا جبکہ ایک ہزار 649 افراد وائرس میں مبتلا ہوئے

ڈاکٹر نوشین حامد نے خبردار کرتے ہوئے کہا کہ کراچی میں کرونا وائرس تیزی سے پھیل رہا ہے، اسمارٹ لاک ڈاؤن کی طرف جانا پڑے گا
پارلیمانی سیکرٹری صحت ڈاکٹر نوشین حامد نے کہا کہ اب تک کراچی میں 40 فیصد شہریوں کی ویکسی نیشن ہوچکی،، پارلیمانی سیکرٹری صحت کا کہنا تھا کہ صوبائی حکومتوں نے تعلیمی اداروں کی چھٹیوں سے متعلق این سی اوسی کی ہدایت پرعمل نہیں کیا،، دسمبر میں سکول بند نہ ہوتے تو بچوں کی ویکسی نیشن تیز ہوجاتی۔

کورونا وائرس سے 3 افراد جاں بحق ہوگئے، جس کے بعد اموات کی تعداد 28 ہزار 972 ہوگئی۔ پاکستان میں کورونا کے تصدیق شدہ کیسز کی تعداد 13 لاکھ 5 ہزار 707 ہوگئی۔
نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران ایک ہزار 649 نئے کیسز رپورٹ ہوئے، پنجاب میں 4 لاکھ 48 ہزار 91، سندھ میں 4 لاکھ 87 ہزار 668، خیبر پختونخوا میں ایک لاکھ 81 ہزار 757، بلوچستان میں 33 ہزار 659، گلگت بلتستان میں 10 ہزار 432، اسلام آباد میں ایک لاکھ 9 ہزار 396 جبکہ آزاد کشمیر میں 34 ہزار 704 کیسز رپورٹ ہوئے۔
ملک بھر میں اب تک 2 کروڑ 38 لاکھ 47 ہزار 572 افراد کے ٹیسٹ کئے گئے، گذشتہ 24 گھنٹوں کے دوران 45 ہزار 2 نئے ٹیسٹ کئے گئے، اب تک 12 لاکھ 58 ہزار 987 مریض صحتیاب ہوچکے ہیں جبکہ 617 مریضوں کی حالت تشویشناک ہے۔
پاکستان میں کورونا سے ایک دن میں 3 افراد جاں بحق ہوئے، جس کے بعد وائرس سے مرنے والوں کی تعداد 28 ہزار 972 ہوگئی۔ پنجاب میں 13 ہزار 80، سندھ میں 7 ہزار 681، خیبرپختونخوا میں 5 ہزار 943، اسلام آباد میں 967، بلوچستان میں 367، گلگت بلتستان میں 186 اور آزاد کشمیر میں 748 مریض جان سے ہاتھ دھو بیٹھے۔

عالمی ادارہ صحت کا کہنا ہے امیکرون کو کرونا کی معمولی قسم نہ سمجھا جائے
عالمی ادارہ صحت کے سربراہ ٹیڈروس اذانوم گریبیسس نے میڈیا بریفنگ میں کہا اومیکرون کو ہلکے ویر ینٹ کے طور پر نہ دیکھا جائے، اومیکرون کا پھیلاؤ بہت تیزی سے ہو رہا ہے،عالمی سطح پر ویکسین کی تقسیم بہت سست ہے، جولائی تک 109ممالک ویکسین کے ہدف سے محروم رہ جائیں گے،،دنیا بھر میں کرونا کی شدید لہر چھائی ہوئی ہے،متاثرین کی تعداد 30کروڑ 32لاکھ سے تجاوز کر گئی، دنیا بھر میں کرونا سے مرنے والوں کی تعداد 54لاکھ 88ہزار سے بڑھ گئی،،

دنیا میں کرونا کیسز کی تعداد 29 کروڑ 79 لاکھ سے تجاوز کر گئی
امریکا میں 5 لاکھ 95 ہزار، برطانیہ میں 2 لاکھ 18 ہزار نئے کیس رپورٹ ہوئے، اٹلی ایک لاکھ 89 ہزار ،ترکی 66 ہزار ،بھارت 57 ہزار، برازیل 19 ہزار اور بلغاریہ میں 6 ہزار یومیہ کیس سامنے آ گئے،، بلغاریہ میں انٹری کے لئے منفی کرونا رپورٹ دکھانا لازمی قرار دے دی گئی،،اٹلی میں کرونا وائرس سے مزید 183 افراد کی موت ہوئی،، کرونا کیسز کی مجموعی تعداد 67 لاکھ 56 ہزار سے بڑھ گئی ،، اٹلی میں اومیکرون کا دباؤ بڑھتا جا رہا ہے،،فرانسیسی صدر کوغیر ویکسین شدہ افراد کے لیے غیر اخلاقی الفاظ کے استعمال پر تنقید کا سامنا بھی کرنا پڑگیا،، فرانس کے صدر نے کہا تھا وہ لوگوں کی زندگی مشکل بنا رہے ہیں،فرانسیسی حکومت غیر ویکسین شدہ افراد پر 15 جنوری سے پابندیاں لگا رہی ہے۔

ملک میں کرونا کیس بڑھنے لگے،مزید ایک ہزار 293 افراد وائرس کا شکار ہو گئے
نیشنل کمانڈ اینڈ آپریشن سینٹر نے کرونا کے تازہ اعداد و شمار جاری کر دیئے، گذشتہ 24گھنٹوں کے دوران کرونا سے مزید 6 افراد انتقال کر گئے، ملک بھر میں 51ہزار 145کرونا ٹیسٹ کیے گئے، کرونا کے مثبت آنے کی شرح 2.52فیصد رہی، کرونا کے 1293مثبت کیسزرپورٹ ہوئے،کرونا کے 609مریض انتہائی نگہداشت کے شعبے میں زیر علاج ہیں،پنجاب میں اومیکرون کے کیسز میں تیزی سے اضافہ ہونے لگا، چوبیس گھنٹے میں مزید 33 نئے کیسز رپورٹ ہوئے، صوبے میں اومیکرون کیسز کی مجموعی تعداد 250 ہو گئی، ملک بھر میں کرونا کے مثبت کیسز کی شرح 2.52 فیصد ریکارڈ کی گئی، وائرس مزید 6 افراد کی جان بھی لے گیا،،صدر مملکت ڈاکٹر عارف علوی بھی دوبارہ کرونا میں مبتلا ہو گئے، ٹویٹ میں عارف علوی نے کہا میرا کرونا ٹیسٹ دوبارہ مثبت آیا ہے، 4،5 دن سے گلا خراب تھا مگر بہتر ہو رہا تھا، دو رات قبل چند گھنٹے کیلئے معمولی سا بخار ہوا، میرے دوستو، احتیاط کریں اور ایس او پیز پر عمل کریں۔

وزیراعظم عمران خان کہتے ہیں عالمی منڈی میں اجناس کی بلند قیمتوں کے براہ راست اثرات ملکی معیشت پر پڑے، کرونا کے باوجود شرح نمو 4 فیصد ہونا بڑی کامیابی ہے
وزیراعظم کی زیرصدارت میکرواکنامک ایڈوائزری گروپ کا اجلاس ہوا،اجلاس میں مجموعی معاشی صورتحال اور اشیا کی قیمتوں میں کمی کیلئے اقدامات پرغور کیا گیا، عمران خان نے کہا کہ میکرو اکنامک کی حالت مزید بہتر بنائی جائے، معیشت کی بہتری کیلئے منصوبوں پرعملدرآمد یقینی بنایا جائے، پاکستان نے انسداد کرونا میں غیرمعمولی کارکردگی دکھائی، سمارٹ لاک ڈاؤن کی پالیسی کامیاب رہی، عالمی مبصرین نے پاکستان کی معاشی پالیسی کی تعریف کی،،وزیراعظم نے کہا کہ سابق حکومت غیرمستحکم مالی حالات چھوڑ کر گئی، سابق حکومت نےکم مسابقتی کاروباری ماحول چھوڑا، ہماری حکومت کو نجی شعبے کیلئے کم مراعاتی پالیسی ورثے میں ملی،، کرونا کی وجہ سے معاشی مشکلات بڑھیں، عالمی منڈی میں اجناس کی بلند قیمتوں سے براہ راست متاثر ہوئے، افغانستان میں انسانی بحران کےاثرات پاکستان پربھی ہورہےہیں، کرونا کے باوجود بھی شرح نمو 4 فیصد ہونا بڑی کامیابی ہے۔

وفاقی وزیراسد عمر نے کہاہے کہ کرونا کی قسم اومی کرون پر نظر رکھے ہوئے ہیں، لاک ڈاؤن کا ابھی فیصلہ نہیں کیا۔
ملک بھر میں اومی کرون تیزی سے پھیلنے لگا ہے جس کیلئے حکومت تمام تر ممکنہ اقدامات بروئے کار لانے میں مصروف ہے۔ اسلام آباد اور لاہور میں درجنوں نئے کیسز سامنے آگئے۔ پشاور کے ایک ہی خاندان کے 4 افراد میں اومی کرون وائرس کی تصدیق ہوگئی۔ متاثرہ افراد میں 2 بچے بھی شامل ہیں۔
پنجاب میں بھی اومی کرون کے 43نئے کیسز سامنے آئے۔ لاہور میں متاثرہ افراد کی تعداد 211 ہوگئی۔ اومی کرون کے 98 فیصد کیسز صرف لاہور سے رپورٹ ہوئے۔ اسلام آباد میں گزشتہ چوبیس گھنٹے میں مزید 36 افراد میں اومی کرون کی تصدیق ہوئی۔ وفاقی دارالحکومت میں اومی کرون کیسز کی تعداد 177 ہوگئی۔
دوسری جانب نیشنل کمانڈ اینڈ آپریشن سینٹر کے تازہ ترین اعدادوشمار کے مطابق کورونا وائرس سے 5 افراد جاں بحق ہوگئے جس کے بعد اموات کی تعداد 28 ہزار 955 ہوگئی۔ پاکستان میں کورونا کے تصدیق شدہ کیسز کی تعداد 12 لاکھ 99 ہزار 848 ہوگئی ہے۔