Category صحت

ملک میں جاری کرونا کی لہر کو قابو میں کرنے کے لئے نیشنل ڈیزاسٹر میجنمنٹ اتھارٹی کے مؤثر اقدامات جاری ہیں۔ این ڈی ایم کے مطابق وفاقی حکومت کی جانب سے جون 2021 میں نیشنل ڈیزاسٹر مینجمنٹ اتھارٹی کو ایمر جنسی بنیاد پرکرونا ویکسین کی خریداری کی ذمہ داری سونپی گئی تھی۔ جس کے بعد این ڈی ایم اے نے چھ ماہ کے قلیل عرصہ میں تقریباًدس کڑور آبادی کے لیے کرونا ویکسین کی خریداری کو یقینی بنایا اور 167 ملین ویکسین کی خوراکیں وزارت صحت کے حوالے کیں.

ویکسین کی تسلسل سے فراہمی نے31 دسمبر2021 تک ویکسینیشن کے لیے مقرر ہ ہدف کے حصول کو ممکن بنایا۔

کرونا کے ویرینٹ اومی کرون کے پھیلاؤ کے خدشات کے باعث حرمین شریفین سمیت تمام مساجد میں ماسک کی پابندی لاگو کر دی گئی،
سعودی عرب نے کرونا کے تیزی سے پھیلاؤ کے سبب حرمین سمیت پورے ملک میں نئی پابندیاں لگا دیں، مطاف میں سماجی فاصلہ برقرار رکھنے کیلئے پہلے کی طرح ٹریک بنا دیئے گئے جن پر چلتے ہوئے زائرین طواف کعبہ اور سعی کریںگے، زمین پر نشانات کے سٹیکرز بھی چسپاں کر دیئے گئے، نمازیوں کے درمیان ڈیڑھ میٹر کا فاصلہ قائم کرنے کیلئے مصلوں کی دوبارہ تقسیم بھی کر دی گئی۔نئی پابندیوں کا اطلاق مسجد الحرام اور مسجد نبویؐ پر بھی ہو گا، نمازیوں کو نماز کے ساتھ ساتھ طواف میں بھی سماجی فاصلہ اختیار کرنا ہو گا،،۔

کرونا وائرس سے 3 افراد جاں بحق، اموات کی تعداد 28 ہزار 921 ہوگئی، پاکستان میں کرونا کے تصدیق شدہ کیسز کی تعداد 12لاکھ 94ہزار 861ہوگئی،
نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24گھنٹوں کے دوران 482 نئے کیسز رپورٹ ہوئے، پنجاب میں 4لاکھ 44ہزار 862، سندھ میں 4لاکھ 81ہزار 381، خیبر پختونخوا میں ایک لاکھ 81ہزار 334، بلوچستان میں 33 ہزار 630، گلگت بلتستان میں 10ہزار 429، اسلام آباد میں ایک لاکھ 8ہزار 565 جبکہ آزاد کشمیر میں 34 ہزار 660 کیسز رپورٹ ہوئے،،ملک بھرمیں اب تک 2 کروڑ 33لاکھ 24ہزار 549افراد کے ٹیسٹ کئے گئے، گذشتہ 24گھنٹوں کے دوران 50ہزار 662نئے ٹیسٹ کئے گئے، اب تک 12لاکھ 55ہزار 931مریض صحتیاب ہوچکے ہیں جبکہ 639 مریضوں کی حالت تشویشناک ہے،ملک میں کرونا سے ایک دن میں 3 افراد جاں بحق، مرنے والوں کی تعداد 28 ہزار 921 ہوگئی، پنجاب میں 13 ہزار 66، سندھ میں 7 ہزار 666، خیبرپختونخوا میں 5 ہزار 927، اسلام آباد میں 967، بلوچستان میں 363، گلگت بلتستان میں 186 اور آزاد کشمیر میں 746 مریض جان سے ہاتھ دھو بیٹھے۔

پارلیمانی سیکرٹری صحت نوشین حامد نے ملک میں کرونا کی صورتحال کو بہتر قرار دیا،
نوشین حامد نے کہا کہ کیسز میں اس طرح کی تیزی نہیں آئی جیسے خدشہ تھا، ہسپتالوں میں آکسیجن سپلائی میں بہتری کو یقینی بنایا جارہا ہے، پارلیمانی سیکرٹری کا کہنا تھا کہ اعداد و شمار کے مطابق ملک میں کرونا کیسز کی شرح ایک فیصد سے نیچے ہے لہٰذا لوگ جلد از جلد ویکسی نیشن کرائیں، بوسٹر ڈوز لگوائیں۔

سال 2021تعلیمی لحاظ سے مشکلات کا شکار، کرونا نے سب سے زیادہ متاثر کیا

سال 2021 تعلیمی لحاظ سے اچھا نہیں رہا، کرونا نے سب سے زیادہ تعلیمی نظام کو متاثر کیا،
سال 2021 بھی کرونا کی لپیٹ میں ہی رہا جس کے باعث تمام شعبہ زندگی کیساتھ تعلیمی سرگرمیاں متاثر رہیں، کبھی پچاس فیصد حاضری ہوئی تو کبھی تعلیمی ادارے مکمل بند کردیئے گئے، وزیر تعلیم سندھ سردار شاہ کا کہنا ہے کہ تعلیمی اعتبار سے رواں سال تعلیم کا حرج ہوا تو ضرور ہے، آن لائن پڑھنا سکول میں بیٹھ کر پڑھنے کا متبادل نہیں ہوسکتا،،آئے روز کرونا کیسز میں اضافے کے سبب میٹرک اور انٹر کے امتحان میں صرف اختیاری مضامین کے پرچے ہی دیئے جا سکے، 5جولائی سے میٹرک کے امتحان ہوئے تو 26جولائی سے انٹر کے امتحانات تاخیر کا شکار ہوئے، نتیجے کا اعلان بھی دیر سے ہوا تو نیا تعلیمی سال بھی تاخیر سے شروع ہوا،،وزیر تعلیم نے یقین دہانی کروائی ہے کہ سال 2022میں تعلیمی سرگرمیوں کو جاری رکھنے کی ہر ممکن کوشش کریں گے۔

کرونا نے امریکا اور یورپ میں خطرے کی گھنٹی بجادی، امریکا میں ایک ہی روز تین لاکھ تیرہ ہزار افراد وائرس سے متاثر اور دو ہزار کے قریب مریض ہلاک ہو گئے۔
کورونا دنیا بھر کے انسانوں میں موت بانٹنے لگا،اب تک 28 کروڑ 32 لاکھ 9 ہزار 339 افرادکورونا سے متاثر ہو چکے ہیں ۔ دنیا بھر میں کورونا سے ہلاکتوں کی تعداد 54 لاکھ 30 ہزار 731 ہوگئی تاہم 25 کروڑ 18 لاکھ 6 ہزار 489 مریض صحت یاب بھی ہوئے ہیں۔
یورپ میں بھی کرونا کی تباہ کاریاں جاری ہیں، فرانس میں گذشتہ 24 گھنٹوں کے دوران ریکارڈ ایک لاکھ اسی ہزار کیسز رپورٹ ہوئے، برطانیہ ایک لاکھ انتیس ہزار، سپین ننانوے ہزار، اور اٹلی میں اٹھتر ہزار سے زائد مریضوں کا اضافہ ہوا ہے۔
جرمنی میں 31 ہزار کے قریب، یونان 21 ہزار 657 اور ڈنمارک میں مزید 12 ہزار 330 افراد گذشتہ روز کورونا سے متاثر ہوئے۔ کینیڈا میں بھی کورونا کی صورتحال خراب ہے جہاں 27 ہزار سے زائد نئے مریضوں کا اضافہ ہوا ہے۔ آسٹریلیا میں 11 ہزار 267 افراد کا کورونا ٹیسٹ مثبت آیا ہے۔
ایشیائی ممالک میں بھی کرونا کا پھیلاو بڑھنے لگا، ویت نام میں 14 ہزار 440 نئے مریض سامنے آئے ہیں۔ بھارت میں 8 ہزار 376، ترکی میں 32 ہزار 176، تھائی لینڈ 2 ہزار اور ملائشیا میں 2 ہزار 897 افراد کورونا سے متاثر ہوئے ہیں۔

اومی کرون کیسز کی وجہ سے پاکستان میں فروری میں عالمی وبا کی پانچویں لہر کا خدشہ ظاہر کیا جا رہا ہے۔
پاکستان میں کرونا کی جنوبی افریقی قسم اومی کرون کے 75کیسز سامنے آنے پر ماہرین صحت نے کرونا وبا کی پانچویں لہر کے خدشات ظاہر کیے ہیں۔
وزارت صحت کے حکام کا کہنا ہے اومی کرون کے کیسز جس تیزی سے سامنے آ رہے ہیں اس سے ظاہر ہوتا ہے کہ اگلے دو ہفتے میں ملک بھر سے اومی کرون کے کیسز رپورٹ ہونے لگیں گے۔
طبی ماہرین کے مطابق اگلے برس فروری کے وسط میں کورونا کے 3سے4ہزار نئے کیسز یومیہ سامنے آسکتے ہیں۔
حکام نے واضح کیا کہ ویکسین لگوانے والے اومی کرون کے باعث شدید بیماری سے محفوظ رہ سکتے ہیں۔

کرونا وائرس سے 3 افراد جاں بحق ہوگئے، جس کے بعد اموات کی تعداد 28 ہزار 912 ہوگئی۔ پاکستان میں کرونا کے تصدیق شدہ کیسز کی تعداد 12 لاکھ 94 ہزار 31 ہوگئی۔
نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 294 نئے کیسز رپورٹ ہوئے، پنجاب میں 4 لاکھ 44 ہزار 670، سندھ میں 4 لاکھ 80 ہزار 901، خیبر پختونخوا میں ایک لاکھ 81 ہزار 247، بلوچستان میں 33 ہزار 625، گلگت بلتستان میں 10 ہزار 429، اسلام آباد میں ایک لاکھ 8 ہزار 502 جبکہ آزاد کشمیر میں 34 ہزار 657 کیسز رپورٹ ہوئے۔
ملک بھر میں اب تک 2 کروڑ 32 لاکھ 34 ہزار 148 افراد کے ٹیسٹ کئے گئے، گذشتہ 24 گھنٹوں کے دوران 41 ہزار 869 نئے ٹیسٹ کئے گئے، اب تک 12 لاکھ 55 ہزار 204 مریض صحتیاب ہوچکے ہیں جبکہ 636 مریضوں کی حالت تشویشناک ہے۔
پاکستان میں کرونا سے ایک دن میں 3 افراد جاں بحق ہوئے جس کے بعد وائرس سے مرنے والوں کی تعداد 28 ہزار 912 ہوگئی۔ پنجاب میں 13 ہزار 66، سندھ میں 7 ہزار 663، خیبرپختونخوا میں 5 ہزار 922، اسلام آباد میں 966، بلوچستان میں 363، گلگت بلتستان میں 186 اور آزاد کشمیر میں 746 مریض جان سے ہاتھ دھو بیٹھے۔

امریکا میں اومی کرون نے پنجے گاڑ دیے اور نیو یارک سٹی کے ہسپتالوں میں اومی کرون سے متاثر بچوں کی تعداد میں 4گنا تک اضافہ ہوگیا۔
نیویارک میں ہسپتال میں داخل ہونے والے بچوں کی نصف تعداد 5 سال سے کم عمر ہے اور انہیں ویکسین نہیں لگی، کرونا ٹیسٹنگ بھی کم ہوگئی جس سے شہریوں کو مسائل کا سامنا ہے۔

کرونا وائرس سے 2افراد جاں بحق ہوگئے، جس کے بعد اموات کی تعداد 28 ہزار 909 ہوگئی۔ پاکستان میں کرونا کے تصدیق شدہ کیسز کی تعداد 12 لاکھ 93 ہزار 715 ہوگئی۔
نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24گھنٹوں کے دوران 301نئے کیسز رپورٹ ہوئے، پنجاب میں 4 لاکھ 44 ہزار 610، سندھ میں 4 لاکھ 80 ہزار 710، خیبر پختونخوا میں ایک لاکھ 81 ہزار 235، بلوچستان میں 33 ہزار 624، گلگت بلتستان میں 10 ہزار 429، اسلام آباد میں ایک لاکھ 8 ہزار 450 جبکہ آزاد کشمیر میں 34 ہزار 657 کیسز رپورٹ ہوئے۔
ملک بھر میں اب تک 2 کروڑ 31 لاکھ 89 ہزار 338 افراد کے ٹیسٹ کئے گئے، گذشتہ 24 گھنٹوں کے دوران 44 ہزار 129 نئے ٹیسٹ کئے گئے، اب تک 12 لاکھ 54 ہزار 975 مریض صحتیاب ہوچکے ہیں جبکہ 625 مریضوں کی حالت تشویشناک ہے۔
پاکستان میں کرونا سے ایک دن میں 2 افراد جاں بحق ہوئے جس کے بعد وائرس سے مرنے والوں کی تعداد 28 ہزار 909 ہوگئی۔ پنجاب میں 13 ہزار 64، سندھ میں 7 ہزار 662، خیبرپختونخوا میں 5 ہزار 922، اسلام آباد میں 966، بلوچستان میں 363، گلگت بلتستان میں 186 اور آزاد کشمیر میں 746 مریض جان سے ہاتھ دھو بیٹھے۔