Category تازہ ترین

نیو یارک : ہالی ووڈ کے مشہور اداکار بروس ویلیس لاعلاج دماغی بیماری میں مبتلا ہوگئے۔غیرملکی میڈیا کے مطابق 67 سالہ بروس ویلیس کے اہلخانہ نے بتایا کہ گزشتہ سال اداکار کو دماغی بیماری’آفیشیا‘ کے باعث بولنے میں مشکلات ہوتی تھیں جس کے بعد ان کی حالت میں بہتری آئی۔رپورٹس کے مطابق اہلخانہ نے کہا کہ اب بروس ویلیس کے دماغ میں مزید بیماری کی تشخیص ہوئی ہے۔ ڈیمینشیا نامی بیماری انسان کے دماغ کے ان حصوں کو متاثر کرتی ہے جس سے اس کی شخصیت، زبان اور برتاو کا تعلق ہوتا ہے۔اداکار کے خاندان کی جانب سے جاری ہونے والے بیان میں کہا گیا ہے کہ بیماری تکلیف دہ ہے تاہم اس کی صحیح تشخیص سے اطمینان ہوا۔

جڑانوالہ :جڑانوالہ میں غریب محنت کش خا تو ن نے فریضہ حج کے لئے پائی پائی جو ڑ کر بینک میں رکھوا ئی سا دہ لو ح خا تو ن کو انشو ر نس کے نام پر بینک نے فرا ڈ کرکے رقم ہڑپ کرلی مجھے زیا دہ کا جھا نسہ دے کر سا دہ کا غذ پر انگو ٹھے لگوا لئے 10سا ل بعد پتہ چلا کہ میری اصل رقم بھی انشو ر نس کی قسطوں کی نذر ہو چکی ہے میں نے لوگو ں کے گھرو ں میں کام کر کے رقم اکٹھی کی تھی مجھ سا دہ ان پڑھ خا تو ن کو انشو رنس نام کی چڑیا سے بھی آ شنائی نہ ہے اب بینک رقم دینے کی بجا ئے ایک سال سے مجھے چکر لگوا رہا ہے اور الٹا دھمکیا ں بھی دے رہا ہے متا ثرہ خا تو ن کو ثر پروین کا اعلیٰ احکام سے مطا لبہ، بتا یاگیا ہے کہ چک نمبر 59گ ب کی رہا ئشی خا تو ن کو ثر پر وین نے اپنے بیان میں کہا کہ اس نے حبیب بینک مین برا نچ میں اپنا اکا ? نٹ کھلوا یا اور لو گو ں کے گھرو ں میں کام کر کے فریضہ حج کے لئے رو پیہ ر و پیہ اکٹھا کر کے بینک میں رکھوا دیا مجھ کو جوبلی لا ئف انشو رنس لا جھا نسہ دے کر بینک کی انتظامیہ نے انگو ٹھے لگوا لئے اور اب میری بینک میں رکھی ہوئی رقم سے بھی کٹو تی کر لی گئی اور د س سال بعد مجھے انشو رنس کے نام پر ملنے والی رقم کے حصول میں ایک سال سے چکر لگوائے جا رہے ہیں اور دھمکیا ں دی جا رہی ہیں۔

چین کے ارب پتی سرمایہ کار بینکر باؤ فین پراسرار طور پر غائب ہوگئے ہیں۔

یہ بات ان کے قائم کردہ بینک China Renaissance Holdings (سی آر ایچ) کی جانب سے ہانگ کانگ ایکسچینج میں جمع کرائی گئی دستاویزات میں بتائی گئی۔

بینک کی جانب سے جاری بیان میں بتایا گیا کہ ہمیں باؤ فین کی عدم دستیابی کے بارے میں کچھ علم نہیں اور گزشتہ چند دن سے ان سے رابطہ نہیں ہوسکا۔

بیان میں یہ نہیں بتایا گیا کہ باؤ فین کو غائب ہوئے کتنا عرصہ ہوچکا ہے، مگر میڈیا رپورٹس کے مطابق باؤ فین 2 دن سے اپنے دفتر نہیں آئے اور ان سے رابطے کی کوششیں بھی ناکام ثابت ہوئیں۔

رپورٹس میں بتایا گیا کہ سی آر ایچ کے صدر کونگ لین کے خلاف ستمبر 2022 سے تحقیقات کی جا رہی ہے۔

باؤ فین کا شمار چین کی ٹیکنالوجی صنعت کے اہم ترین ڈیل میکرز میں ہوتا ہے جو متعدد بڑی کمپنیوں کے معاملات کی نگرانی کرتے ہیں۔

انہوں نے امریکی کمپنی مورگن اسٹینلے میں ایک بینکر کے طور پر کیرئیر کا آغاز کیا تھا اور 2005 میں سی ایچ آر کی بنیاد رکھی تھی۔

خیال رہے کہ اس سے قبل بھی چین میں چند بڑے سرمایہ کار پراسرار طور پر گمشدہ ہوئے اور کئی ماہ یا سال بعد دوبارہ سامنے آئے۔

جاپان نے ملک میں شرح آبادی میں آنے والی ڈرامائی کمی پر قابو پانے کے لیے دفاعی بجٹ سے بھی دوگنا زیادہ رقم خرچ کرنے کا فیصلہ کیا ہے۔

یہ اعلان جاپان کے وزیراعظم فومیو کشیدا نے کیا۔

انہوں نے کہا کہ جاپان میں شرح آبادی میں اضافے کے لیے مختلف اقدامات کیے جائیں گے۔

انہوں نے بتایا کہ شرح آبادی میں اضافے کے لیے 200 کھرب ین (390 کھرب پاکستانی روپے سے زائد) خرچ کیے جائیں گے تاکہ جوڑوں میں زیادہ بچوں کے حصول کی حوصلہ افزائی ہوسکے۔

مجموعی طور پر  جاپانی جی ڈی پی کا 4 فیصد حصہ اس مقصد کے لیے خرچ کیا جائے گا جبکہ دفاعی بجٹ کے لیے جی ڈی پی کا 2 فیصد حصہ مختص کیا جائے گا۔

یہ اعلان اس وقت سامنے آیا ہے جب جاپانی حکومت کی جانب سے بچوں اور خاندانوں کے حوالے سے ایک نئے ادارے کو تشکیل دینے کی تیاری کی جا رہی ہے تاکہ لوگوں میں شادی اور اولاد کے حصول کے رجحان کی حوصلہ افزائی کی جاسکے۔

یہ نیا ادارہ شادی شدہ جوڑوں کو مختلف امور میں معاونت بھی فراہم کرے گا اور اپریل 2023 سے اپنا کام شروع کرے گا۔

جاپانی حکومت نے حال ہی میں ماہرین کی ایک کمیٹی بھی تشکیل دی تھی تاکہ آبادی کی شرح میں نمایاں کمی کے مسئلے کے حوالے سے لائحہ عمل تیار کیا جاسکے ۔

ابھی یہ تو واضح نہیں کہ جاپانی حکومت کی جانب سے جوڑوں کے لیے کس طرح کی مراعات کا اعلان کیا جاسکتا ہے مگر امکان ہے کہ 2 سے زائد بچوں پر ٹیکسوں میں چھوٹ دی جائے گی جبکہ ڈے کیئر مراکز جیسی سہولیات بھی فراہم کی جائیں گی۔

2017 میں جاپان کی آبادی 12 کروڑ 80 لاکھ تھی جو 2021 میں گھٹ کر 12 کروڑ 50 لاکھ تک پہنچ گئی۔

کورونا وائرس کی وبا سے قبل ایک تحقیق میں بتایا گیا تھا کہ رواں صدی کے اختتام تک جاپان کی آبادی مسلسل کمی کے بعد 5 کروڑ 30 لاکھ ہو جائے گی ۔

بھکر:بھکر کے ایک گھر میں گیس بھر جانے کے بعد چولہا جلاتے ہوئے دھماکا ہوا ہے جس کے نتیجے میں مکان کی چھت گر گئی۔ریسکیو ذرائع کے مطابق چھت کے ملبے تلے دب کر 2 افراد جاں بحق جبکہ 3 زخمی ہو گئے۔ریسکیو ذرائع نے بتایا ہے کہ چھت گرنے کا واقعہ بھکر میں واقع دربار سردار بخش کے قریب پیش آیا ہے، واقعے کے تمام زخمیوں کو اسپتال منتقل کر دیا گیا ہے۔ ریسکیو ذرائع کا یہ بھی کہنا ہے کہ گھر میں گیس لیکیج کے باعث کچن میں گیس بھر گئی تھی، ماچس جلاتے ہی دھماکا ہوا ہے

اسلام آباد: وزیر دفاع و مسلم لیگ ن کے رہنما خواجہ آصف نے کہا کہ ساری پارٹی کوکہتا ہے کہ جیلیں بھردو لیکن خود چوہا گھر چھپ گیا ہے۔ سماجی رابطے کی ویب سائٹ ٹوئٹر پر اپنے ایک ٹویٹ میں عمران کو تنقید کا نشانہ بناتے ہوئے خواجہ آصف نے کہا کہ کارکنوں کوآوازیں دے رہا ہے زمان پارک پہنچو مجھے بچاؤ، عدالت کوکہتا ہے میں بزرگ وعمر رسیدہ زخمی ہوں حاضر نہیں ہوسکتا، اسکے ساتھی دو دن قید ہوتے ہیں تو ٹی وی پہ بیٹھ کیروتے ہیں. نواز شریف کا حوالہ دیتے ہوئے خواجہ آصف نے لکھا کہ نواز شریف تھا بیٹی کا ہاتھ پکڑے وطن واپس قید کاٹنے آگیا تھا

اسلام آباد:سپریم کورٹ آف پاکستان نے سی سی پی او لاہور غلام محمود ڈوگر کی ٹرانسفر کے احکامات معطل قرار دیتے ہوئے غلام محمود ڈوگر کی واپس ان کے عہدے پر بحالی کے احکامات جاری کر دیئے ہیں۔عدالت نے اس موقع پر ای سی پی حکام کی طرف سے ٹرانسفر پوسٹنگز کی تفصیلات کیلئے مہلت دینے کی استدعا مسترد کرنے سمیت اسلام آباد ہائی کورٹ بار کی طرف سے پنجاب انتخابات کی درخواست پر حکم جاری کرنے کی استدعا بھی مسترد کرتے ہوئے قرار دیا کہ ہمارے سامنے صرف سی سی پی او لاہور کی ٹرانسفر کا کیس ہے،پنجاب میں انتخابات میں تاخیر کا معاملہ پہلے ہی چیف جسٹس آف کو بھیج چکے ہیں۔جمعہ کو عدالت عظمی میں معاملے کی سماعت جسٹس اعجاز الحسن کی سربراہی میں تین رکنی بنچ نے کی۔ دوران سماعت عدالت کے استفسار پر سیکرٹری ای سی پی عمر حمید نے عدالت کو بتایا کہ سکندر سلطان راجہ طبیعت ناسازی کے سبب عدالت حاظر ہونے سے قاصر ہیں۔ عدالت کے استفسار پر سیکرٹری ای سی پی نے بتایا کہ نگران پنجاب حکومت کی طرف سے سی سی پی او لاہور غلام محمود ڈوگر کی ٹرانسفر کیلئے زبانی درخواست دی گئی۔جسٹس منیب اختر نے اس موقع پر پوچھا کہ کیا الیکشن کمیشن آف پاکستان زبانی درخواست پر ٹرانسفرپوسٹنگ کرتا ہے کیا اس سے پہلے اس طرح کی کوئی مثال موجود ہے۔چیف الیکشن کمشنر کو کس نے فون کرکے ٹرانسفر کی درخواست کی ؟مسٹر ایکس کو کہہ دیتے صبر کریں کمیشن آپ کی درخواست پر فیصلہ کرے گا،چیف الیکشن کمشنر خود ہی پورا الیکشن کمیشن بن کر کیسے فیصلے کررہے ہیں ؟ ڈی جی لاء الیکشن کمیشن آف پاکستان ارشد خان نے عدالت کو بتایا کہ زبانی درخواست کی بعد پنجاب حکومت کی طرف سے 24 جنوری کو تحریری درخواست دی گئی جس پر 6 فروری کو غلام محمود ڈوگر سمیت صوبے بھر میں دیگر افسران کے تبادلوں کی چیف الیکشن کمیشنر کی طرف سے اجازت دی گئی۔ جسٹس اعجاز الحسن نے اس موقع پر پوچھا کہ ایکٹ کے مطابق نگران دور حکومت میں ٹرانسفر پوسٹنگز کی اجازت کمیشن نے دینا ہوتی ہے۔انہوں نے سوال اٹھایا کہ کیا مجوزہ ٹرانسفر پوسٹنگز کی اجازت کیلئے سی ای سی کو کمیشن نے پاور ڈیلیگیٹ کیں تھیں۔ جس پر ڈی جی لاء￿ الیکشن کمیشن آف پاکستان نے موقف اپنایا کہ اس طرح کی کوئی تحریری اجازت موجود نہیں ہیں۔ الیکشن کمیشن نے سپریم کورٹ کی آبزرویشن کی روشنی میں تبادلوں کا حکم دیا،سپریم کورٹ نے 2013 میں اپنے فیصلے میان آبزرویشن دی تھی، جسٹس منیب اختر نے اس موقع پر ریمارکس دیئے کہ عدالتی فیصلے کی روشنی میں تو قانون سازی بھی ہوچکی ہے،عدالتی فیصلہ صرف سیکرٹریز کے حوالے سے تھا،الیکشن کمیشن نے تو اسسٹنٹ کمشنرز کے بھی تبادلوں کا حکم دے دیا،صوبائی حکومت کی تحریری درخواست کے بغیر کمیشن کیسے حکم دے سکتا ہے؟ جسٹس مظاہر نقوی نے پوچھا زبانی احکامات کی قانونی حیثیت سے بھی آگاہ کریں، سپریم کورٹ زبانی احکامات کے حوالے سے متعدد فیصلے جاری کر چکی ہے،جسٹس منیب اختر نے ریمارکس دیئے کہ گھڑی بہت تیز چل رہی ہے، ٹک، ٹک، ٹک، 90 روز ختم ہونے ہیں اور الیکشن کمیشن مزید وقت مانگ رہا ہے، جسٹس اعجازالاحسن نے کہا الیکشن کمیشن کا کام ہی شفاف الیکشن کرانا ہے اور اس کے لیے بھی وقت مانگ رہے ہیں۔عدالت عظمی نے اس موقع پر قرار دیا کہ بادی النظر میں غلام محمود ڈوگر کے تبادلے کا حکم قانون کے برخلاف تھا،غلام محمود ڈوگر کی ٹرانسفر کا حکم پہلے زبانی اور پھر تحریری دیا گیا،عدالت نے اپنے حکم میں غلام محمود ڈوگر کی ٹرانسفر معطل قرار دیتے ہوئے سابق سی سی پی او کی ٹرانسفر سے متعلق کیس عدالت عظمی کے پانچ رکنی لارجر بنچ کو بھیج دیا ہے

ذرائع کے مطابق کسٹمز انٹیلی جنس حکام ڈی جی کسٹمر فیض احمد چدھڑ کی ہدایات پر کارروائیاں جاری ہیں، کسٹم حکام نے نے خفیہ اطلاع پر کارروائی کرتے ہوئے دو سمگلرز گرفتار کر لیے ، ملزمان کے قبضے سے ساڑھے 14 کروڑ روپے سے زائد کی گاڑیاں، ہیوی بائیکس اور مختلف اشیاء برآمد کی گئیں ۔

ایڈیشنل ڈائریکٹر رضوان بشیر کلیر نے اس حوالے سے  بتایا کہ دو سمگلرز سے 4 کروڑ70 لاکھ روپے سے زائد مالیت کی نان کسٹمز پیڈ گاڑیاں اور ہیوی بائیکس پکڑی گئیں، اس کے علاوہ دس کروڑ روپے سے زائد کی مختلف سمگل شدہ اشیاء ملزمان سے برآمد ہوئیں، پکڑی گئی گاڑیوں میں ایک ٹویوٹا مارک ایکس، ٹویوٹا وٹز کاریں، ایکوا کاریں شامل ہیں۔

نیو دہلی :بھارت کی ریاست ہریانہ میں دو مسلمانوں کو مبینہ طور پرکار سمیت زندہ جلادیا گیا۔

بھارتی میڈیا رپورٹس کے مطابق دونوں افراد کو بدھ کے روز اغوا کیا گیا تھا اور اگلے روز جلی ہوئی  کار سے ان کی نعشیں برآمد ہوئیں ، نعش  ملنے کے واقعے کے اگلے دن 5 ملزمان کیخلاف اغوا کا مقدمہ درج کرلیا گیا ہے۔

مقتولین کے اہل خانہ کی جانب سے درج کرائے گئے مقدمے کے مطابق جاں بحق ناصر 25 اور جنید کی عمر 35 برس تھی جنہیں راجستھان سے اغوا کیا گیا۔

بھارتی پولیس کے مطابق اس بات کی تحقیقات کی جارہی ہیں کہ واقعے میں گائے کی حفاظت کرنے والے انتہاپسند تو شامل نہیں کیونکہ جنید پر گائے کی سمگلنگ کے 5 مقدمات درج تھے جبکہ ناصر کا کوئی مجرمانہ ریکارڈ موجود نہیں ہے۔

بھارتی میڈیا کے مطابق مونو مانیسر، لوکیش سنگھیا، رنکو سینی، انیل اور سری کانت پر مسلمان افراد کے اغوا کا الزام لگایا گیا ہے ، ان پانچوں ملزمان کا تعلق اس انتہا پسند مذہبی تنظیم سے ہے جو گائے کے محافظ ہونے کا دعویٰ کرتی ہے ۔

لاہور: رہنمان لیگ شاہد خاقان عباسی کی مسلم لیگ ن کی سینیئر نائب صدر مریم نواز سے ملاقات ہوئی ہے۔

ذرائع کے مطابق شاہد خاقان عباسی اور مریم نواز کی ملاقات ماڈل ٹاؤن میں ہوئی۔

ملاقات کے بعد شاہد خاقان عباسی ماڈل ٹاؤن سےواپس روانہ ہوئے۔

خیال رہے کہ گزشتہ روز ن لیگ کے پارٹی معاملات کے حوالے سے گفتگو کرتے ہوئے شاہد خاقان نے کہا تھا کہ مریم نواز آئی تھیں، مجھے اسلام آباد کنونشن میں دعوت نہیں دی گئی تھی، یہ اسلام آباد کا کنونشن تھا میں پنڈی ڈویژن کا ہوں، 19 فروری کو مریم پنڈی ڈویژن میں آئیں گی میں وہاں جاؤں گا، مریم نواز نے اتوار کو آنے کا کہا تھا لیکن میں اس دن لاہور لٹریری فیسٹول میں تھا، میں نے مریم نواز کو کہا تھا آپ نہ آئیں، میں جب لاہور آؤں گا تو ملاقات ہوجائےگی۔