Category پاکستان

کالعدم تحریک لبیک پاکستان (ٹی ایل پی) کے سربراہ سعد رضوی کی رہائی کے احکامات جاری کردیے گئے۔ڈپٹی کمشنر لاہور نے عدالتی فیصلے کی روشی میں سعد رضوی کی رہائی کے احکامات جاری کیے۔اس سے قبل پنجاب حکومت نے حافظ سعد رضوی کی نظر بندی میں توسیع کی درخواست واپس لے لی تھی۔ کالعدم تحریک لبیک کے سربراہ سعد رضوی کی نظر بندی سے متعلق درخواست کی سماعت ہوئی تھی۔ درخواست پر سماعت سپریم کورٹ کے جسٹس مقبول باقر کی سربراہی میں 3 رکنی وفاقی نظر ثانی بورڈ نےکی تھی۔

وفاقی نظرثانی بورڈ نے حکم دیا تھا کہ اگر سعد رضوی کسی اور کیس میں مطلوب نہیں تورہا کر دیا جائے۔

قومی اسمبلی میں اپوزیشن لیڈر شہباز شریف اور جے یو آئی کے سربراہ فضل الرحمان نے ملک میں فوری الیکشن کا مطالبہ کردیا۔ جمعیت علماء اسلام ف کے سربراہ اور پاکستان ڈیموکریٹک موومنٹ کے صدر مولانا فضل الرحمان نے صدر پاکستان مسلم لیگ ن محمد شہباز شریف کے گھر پر ان سے ملاقات کی، جس میں ملکی سیاسی صورتحال، اپوزیشن اتحاد پی ڈی ایم، مہنگائی اور بجلی و گیس کی قیمتوں میں اضافے پر گفتگو ہوئی۔
شہباز شریف نے مولانا فضل الرحمان کے ہمراہ میڈیا سے گفتگو کرتے ہوئے کہا کہ آٹے و چینی کی قیمتیں آسمان سے باتیں کر رہی ہیں، لیکن حکومت غفلت کی نیند سو رہی ہے، پی ڈی ایم سمیت تمام سیاسی جماعتوں کا مطالبہ ہے ملک میں فی الفور شفاف انتخابات کروائے جائیں، ملک کو ترقی کی منزل کی طرف لے جانے کا یہی ایک راستہ ہے، اگرچہ یہ منزل آسان نہیں اور بہت محنت کرنی ہوگی، تب جاکر 2018 سے پہلے کی صورتحال پر آئیں گے، اس منزل کی بنیادی سیڑھی شفاف الیکشن ہے، جس پر میں اور مولانا متفق ہیں، حکومت اور مہنگائی کے خلاف مارچ ہرصورت کرنا ہوگا، حکومت کا محاسبہ کرنا ہوگا، مودی فوج کے وقار کو وہ نقصان نہیں پہنچا سکا، جو عمران خان نے نازک معاملات کو ہینڈل کرکے پہنچایا، یہ انتہائی قابل افسوس ہے۔
مولانا فضل الرحمان نے کہا کہ پی ڈی ایم اپنے اہداف کے حصول کے لئے سنجیدہ اور متحرک ہے، 16 اکتوبر کو فیصل آباد میں پی ڈی ایم کا تاریخی اجتماع ہوگا، ہر شخص اس حکومت سے جان چھڑانا چاہتا ہے، ملک میں فوری انتخابات ضروری ہیں، سرکاری ملازمین کی برطرفیوں کے خلاف ہم ان کے ساتھ کھڑے ہیں، ہر طبقہ اس وقت مشکل حالات میں ہے، ہر غریب آدمی آج اشیائے ضروریہ خریدنے کی پوزیشن میں نہیں رہا۔
سربراہ جے یو آئی نے مزید کہا کہ تمام ادارے تباہ ہوگئے ہیں، ہم پورے ملک، اداروں اور عوام کو رو رہے ہیں، فوج جسے ہم طاقتور دیکھنا چاہتے ہیں، گزشتہ چند روز سے جو خبریں چل رہی ہیں، یونٹی آف کمانڈ کے حوالے سے ساری قوم دیکھ رہی ہے، مودی ہماری فوج کو اتنا نقصان نہیں پہنچا سکا جتنا عمران خان نے فوج کو پہنچایا ہے، یونٹی آف کمانڈ کے ادارے کا کیا حشر کردیا گیا ہے، ہم اس ادارے کو ملکی دفاع کے لیے منظم اور طاقتور دیکھنا چاہتے ہیں، اس صورتحال میں مل کر ہم نے آگے بڑھنا ہے۔

سندھ(ویب ڈیسک)ملک بھر میں گیس کا بحران شدت اختیار کر گیا ہے جس کے بعد 3 دن کے لیے نان ایکسپورٹ صنعتوں کو گیس کی فراہمی بند کر دی گئی۔ سندھ میں بھی گیس بحران کی وجہ سے سوئی سدرن کوگیس پریشرمیں شدید دشواری پیش ہے جب کہ سوئی سدرن کو آرایل این جی سپلائی میں بھی کمی کا سامنا ہے۔تفصیلات کے مطابق گیس بحران کے پیش نظر نان ایکسپورٹ صنعتوں سمیت نجی بجلی گھروں کوبھی گیس کی سپلائی پیر تک بند کردی گئی ہے جو پیر کی صبح 8 بجے تک بحال کی جائے گی۔ترجمان سوئی سدرن کا اس حوالے سے کہنا ہے کہ سمندرمیں تیز لہروں کے باعث ایل این جی کےجہازکی آمد میں تاخیر ہے،گیس کی کمی پرلوڈ مینجمنٹ پلان کے تحت تقسیم کی جارہی ہے لہذٰا گھریلوصارفین کو بلا تعطل گیس فراہم کی جائےگی۔

اسلام آباد (ویب ڈیسک) پینڈورا پیپرز میں شامل 700 پاکستانیوں کے خلاف باضابطہ طور پر تحقیقات کا آغاز کردیا گیا ہے۔پینڈورا پیپرز میں 700 پاکستانیوں کی غیر ملکی آف شور کمپنیاں رکھنے کے بعد وزیراعظم عمران خان نے پینڈورا پیپر کی تحقیقات کا اعلان کیا تھا۔ اعلیٰ وفاقی تحقیقاتی ادارے نے اپنی تحقیقات کا آغاز کر دیا ہے۔ تحقیقات میں ملک بھر کے ریونیو ڈیپارٹمنٹ اور نادرا سے بھی مدد لی جائے گی علاوہ ازیں تحقیقات کی روشنی میں رپورٹس ایف آئی اے، نیب اور ایف بی آر کو بھی فراہم کی جائیں گی تاکہ پاکستانی قوانین کے مطابق قانونی کاروائی ہوسکے۔تفصیلات کت مطابق پینڈورا پیپرز تحقیقات کو دو حصوں میں تقسیم کیا گیا ہے، جس کے تحت موجودہ یا سابق پبلک آفس ہولڈرز اور دیگر کاروباری شخصیات کے خلاف الگ الگ تحقیقات ہوں گی۔ تحقیقات کے پہلے مرحلے میں پینڈورا پیپرز میں سامنے آنے والے تمام پاکستانیوں کے ملک میں کاروبار، بینک اکاؤنٹس اور جائیدادوں کی تفصیلات جمع کی جارہی ہیں، اس کے علاوہ ان کے روزانہ کے اخراجات، بچوں کی تعلیم اور شادیوں سم یت دیگر تفصیلات بھی اکھٹی کی جائیں گی۔

اسلام آباد (ویب ڈیسک)وزیراعظم عمران خان کی زیر صدارت قومی سلامتی کمیٹی کا اجلاس ہوا. اجلاس میں ملکی اورافغانستان کی صورتحال سمیت بارڈرز کے حوالے سے گفتگوہوئی۔تفصیلات کے مطابق قومی سلامتی کمیٹی کا اجلاس وزیر اعظم ہاؤس میں ہوا، جس میں آرمی چیف،پاک بحریہ ،پاک فضائیہ کےسربراہان اور ڈی جی آئی ایس آئی نے شرکت کی۔اجلاس میں وزیر خارجہ شاہ محمود قریشی، وزیر داخلہ شیخ رشید، وزیر دفاع پرویزخٹک، وزیر خزانہ شوکت ترین، وزیر اطلاعات فواد چوہدری اور قومی سلامتی کے مشیر ڈاکٹر معید یوسف بھی موجود تھے۔وزیرداخلہ شیخ رشید نے اس اجلاس کے حوالے سے بتایا کہ اجلاس میں ملکی اورافغانستان کی صورتحال سمیت بارڈرز کے حوالے سے گفتگو کی گئی.

کوئٹہ/ راولپنڈی (ویب ڈیسک) آرمی چیف جنرل قمر جاوید باجوہ نے پاک فوج کو بلوچستان میں زلزلہ متاثرین کی مدد کی ہدایت کی ہے۔ آئی ایس پی آر کے مطابق بلوچستان کے ضلع ہرنائی میں تباہ کن زلزلے اور اس کے نقصانات کے ازالے کے لئے آرمی چیف جنرل قمر جاوید باجوہ نے پاک فوج کوہداتای جاری کی ہیں کہ وہ زلزلہ متاثرین کی مدد کریں، علاوہ ازیں انہوں نے کہا ہے کہ فوجی جوان زلزلہ زدگان کی مشکلات میں کمی کیلئے ریسکیو، ریلیف اور بحالی کی کوششیں تیز کریں، زلزلہ سے متاثرہ آبادی کو درپیش مشکلات کو کم کرنے میں انتظامیہ کی مدد کی جائے۔

اسلام آباد (ویب ڈیسک) وزیرخارجہ شاہ محمود قریشی کی امریکی نائب وزیر خارجہ سے ملاقات ہوئی.ملاقات کے دوران وزیر خارجہ شاہ محمود نے کہا کہ پاکستان اور امریکہ کے نقطہ نظر میں ہم آہنگی موجود ہے، پاکستان خطے میں قیام امن کیلئے پائیدار تعلقات کے قیام کا خواہاں ہے۔تفصیلات کے مطابق امریکی نائب وزیرخارجہ وینڈی آرشرمن وفد کے ہمراہ وزارتِ خارجہ پہنچیں ، جہاں انہوں نےوزیرخارجہ سے ملاقات کی۔ملاقات میں دوطرفہ تعلقات ، افغانستان اور علاقائی امن سے متعلق امور پر تبادلہ خیال ہوا .
امریکی نائب وزیر خارجہ نے پاکستان کی معاونت اور کوشش کو سراہتے ہوئے کہا کہ افغانستان میں نیا سیٹ اپ افغان عوام کی بہتری کیلئےکام کرے گا، افغان عوام کی نمائندہ حکومت قابل اعتماد شراکت دار ہو سکتی ہے۔

کراچی (ویب ڈیسک)سندھ میں 72 گھنٹوں کیلئے سی این جی بند کرنے کا فیصلہ کیا گیا ہے.تفصیلات کے مطابق موسم سرما سے قبل ہی سوئی سدرن گیس نے سندھ میں اچانک 72 گھنٹوں کیلئے سی این جی بند کرنے کا اعلان کیا ہے۔ایس ایس جی سی کے جاری بیان کے مطابق گیس پریشر میں کمی کے باعث سی این جی اسٹیشنز بند کرنے کا فیصلہ کیا ہے۔سوئی سدرن گیس کمپنی کے مطابق آج صبح 8 بجے سے 3 دن کیلئے سندھ بھر کے سی این جی اسٹیشنز کو گیس کی فراہمی مکمل بند رہے گی۔

لاہور (ویب ڈیسک)لاہور میں ہونے والے کرکٹ میچز کے باعث ٹریف شدید جام ہے جس کی وجہ سے عوام پریشانی کا شکارہیں.اس حوالے سے لاہور ہائیکورٹ نے اہم حکم جاری کیا ہے.لاہور ہائیکورٹ نے حکام کوحکم دیا ہے کہ میچز کے لیے مکمل ٹریفک بند نہ کی جائے۔ کرکٹ میچز کی وجہ سے راستے بند کرنے کے معاملے پر عدالت میں کیس کی سماعت ہوئی .سماعت کے دوران جسٹس شاہد کریم نے کہا کہ میچز کے لیے ٹریفک مکمل بند کرنے کی بجائے سگنل فری کریں کیونکہ جو آلودگی ٹریفک پر بند ہونے سے پھیلے گی اسے سارا سیزن کنٹرول نہیں کرسکیں گے۔ درخواست گزار نے مؤقف اپنایا کہ جب ٹریفک بند کریں تو پندرہ لاکھ گاڑیاں پھنس جاتی ہیں، اس پر عدالت نے سی ٹی او سے استفسار کیا کہ یہ تو ڈومیسٹک کرکٹ ہے اتنا کیوں کر رہے ہیں، بین الاقوامی ٹیمیں ڈومیسٹک کے لیے ایسی سکیورٹی دیکھیں گی تو سوچ میں پڑجائیں گی، سی ٹی او نے کہا کہ ہم ایس او پیز پر عمل کررہے ہیں۔
عدالت کا مزیدکہنا تھا کہ لاہور میں اسموگ شروع ہوچکا ہے لہٰذا ٹریفک بند نہیں ہونی چاہیے، میں دو دن سے ٹریفک میں پھنس رہا ہوں، مجھے گھر جانے میں ڈیڑھ گھنٹہ لگ جاتا ہے، اگرمریض نے ایمبولینس میں مرنا ہے یا ہمیں خوار ہونا ہے تو اس کی وجہ ہونی چاہیے، یہ وجہ کم از کم قومی مفاد ہونی چاہیے۔
جسٹس شاہد کریم نے مزید کہا کہ ایسی سکیورٹی توصدر کے لیے ہوتی ہے لیکن اب شہر کے ساتھ یہ نہیں ہو سکتا پلان بنانا ہوگا۔پولیس نے عدالت میں مؤقف اپنایا کہ ایسے ایونٹ کے لیے ہمیں ہدایات حکومت سے آتی ہیں، اس پر عدالت کا کہنا تھا کہ ڈومیسٹک ایونٹ کے لیے اتنا سب کچھ کرنے کی ضرورت نہیں، لوگوں کے کاروبار بند کرادیے اب کوئی اپنے حقوق کے لیے بھی نہیں آتا۔بعد ازاں عدالت نے اس معاملے پر سیکرٹری داخلہ کو پیر کو طلب کرلیا۔

اسلام آباد (ویب ڈیسک) وزیراعظم عمران خان نے کل قومی سلامتی کمیٹی کا اجلاس طلب کر لیا ہے. اجلاس میں افغان صورتحال اور عمومی سیکیورٹی صورتحال پر غورو فکر کیا جائے گا۔تفصیلات کے مطابق وزیر اعظم عمران خان نے قومی سلامتی کمیٹی کا اجلاس طلب کیا ہے.علاوہ ازیں اس اجلاس میں مسلح افواج کے سربراہان،انٹیلی جنسی ایجنسیز کے نمائندے شریک ہوں گے.