Category Pin post

تل ابیب: اسرائیلی وزیراعظم بنیامین نیتن یاہو نے 100 ارب شیکل(27ارب ڈالر)کی لاگت سے سے ریل نیٹ ورک کے توسیعی منصوبے کا اعلان کردیا،میڈیارپورٹس کے مطابق اس ریلوے نیٹ ورک کے ذریعے اسرائیل کے مضافاتی علاقوں کو میٹروپولیٹن تل ابیب سے مربوط کیا جائے گا اوراسی کے ذریعے مستقبل میں سعودی عرب کے ساتھ زمینی رابطہ قائم کیا جائے گا۔نیتن یاہو نے اس آئینی بحران کو نظر انداز کیا جس نے ملک کو گذشتہ سات ماہ سے تعطل کا شکار کر رکھا ہے، جس سے صہیونی ریاست کی معیشت کو دھچکا لگا ہے اور اس کی جمہوری صحت پر مغربی اتحادیوں کے اعتماد کو دھچکا لگا ہے۔اس کے بجائے ،انھوں نے ون اسرائیل پروجیکٹ سمیت بنیادی ڈھانچے کے اقدامات کے بارے میں گفتگو کی ہے۔اسے انھوں نے ملک کے کاروباری اور سرکاری مراکز تک ٹرین کے ذریعے سفر کے وقت کو دو گھنٹے یا اس سے کم کرنے کے لیے ڈیزائن کیا گیا ہے۔انھوں نے کہا کہ میں یہ بھی کہنا چاہوں گا کہ مستقبل میں ہم ایلات سے بحیرہ روم تک ریل کے ذریعے سامان کی نقل وحمل کے قابل ہوں گے اور اسرائیل کو ٹرین کے ذریعے سعودی عرب اور جزیرہ نما عرب سے بھی جوڑ سکیں گے۔اس پر بھی، ہم کام کر رہے ہیں۔اسرائیل کے ایک سینیر قانون ساز نے کہا کہ سعودی عرب کے ساتھ کسی بھی قسم کے تعلقات استوار ہونے کا امکان نظر نہیں آتا، حالانکہ امریکی صدر جو بائیڈن نے گذشتہ ہفتے مشرقِ اوسط کی طاقتوں کے درمیان ممکنہ مفاہمت کی پیشین گوئی کی تھی۔

اسلام آباد: حکومت کی مدت کا آخری عشرہ یکم اگست سے سے شروع ہوجائے گا، اتحادیوں اور حکومت کے اتفاق سے قومی اسمبلی 11 اگست کو تحلیل کیے جانے کا امکان ہے۔میڈیا رپورٹ کے مطابق حکومت کی مدت ختم ہونے کے قریب ہے جس کے سبب اتحادی جماعتوں کا اجلاس کچھ روز بعد بلایا جائے گا، مشاورت کے بعد ایڈوائس 11 اگست کو صدر مملکت کو ارسال کردی جائے گی۔ صدر نے دستخط نہ کیے تو اسمبلی ایڈوائس بھجوانے کے 48 گھنٹے بعد خود بخود تحلیل ہو جائے گی، قومی اسمبلی کی مدت 13 اگست کو رات بارہ بجے ختم ہو جائے گی۔ایڈوائس ملنے پر صدر مملکت حکومت اور اپوزیشن کو خط لکھیں گے کہ نگران وزیر اعظم کا نام دیا جائے، اتفاق رائے ہونے کی صورت میں تین دن کی مشاورت کے بعد صدر مملکت کو نوٹی فکیشن کے لیے چند گھنٹے ملیں گے۔حکومت اور اپوزیشن، نگران وزیر اعظم کے لیے تین دن میں مشاورت مکمل کر کے نام بھیجنے کے پابند ہیں، اتفاق رائے نہ ہونے کی صورت میں الیکشن کمیشن تین روز کے اندر تجویز کردہ ناموں میں سے نگران وزیر اعظم کے نام کا اعلان کردے

لاہور : لاہور میں مزار حضرت علی ہجویری کو 50 من عرق گلاب سے غسل دیدیا گیا ۔غسل نگران وزیراعلیٰ پنجاب محسن نقوی اور وزیر خزانہ ااسحاق ڈار نے دیا ۔ اسحاق ڈار نے کہا کہ کہ داتا دربار کی توسیع کا کارنامہ سنہری حروف سے لکھا جائے گا، 1999 میں نواز شریف کے دور میں بھی دربار کی توسیع کی گئی جبکہ محسن نقوی کا کہنا تھا کہ حضرت داتا علی ہجویری کی تعلیمات ہمارے لئے روشن باب ہیں۔جمعہ کو حضرت علی ہجویری داتا گنج بخش رحمتہ اللہ علیہ کے مزار کو غسل دینے کی 980 ویں تقریب منعقد ہوئی، وفاقی وزیر خزانہ اسحاق ڈار اور نگران وزیراعلیٰ پنجاب محسن نقوی نے خصوصی شرکت کی۔سادہ مگر پروقار تقریب میں مزار حضرت علی ہجویری کو 50 من عرق گلاب سے غسل دیا گیا، وزیر خزانہ اسحاق ڈار اور نگران وزیراعلیٰ پنجاب محسن نقوی نے مزار پر چادر پوشی کی، اس موقع پر قومی وملکی سلامتی و استحکام اور ترقی کیلئے خصوصی دعا کی گئی۔نگران وزیراعلیٰ پنجاب محسن نقوی اور وفاقی وزیر خزانہ اسحاق ڈار نے داتا دربار کے توسیعی منصوبے کا سنگ بنیاد بھی رکھا۔وزیر خزانہ اسحاق ڈار نے میڈیا سے گفتگو کرتے ہوئے وزیراعلیٰ پنجاب محسن نقوی کو مبارک باد دی اور کہا کہ داتا دربار کی توسیع کا کارنامہ سنہری حروف سے لکھا جائے گا، 1999 میں نواز شریف کے دور میں بھی دربار کی توسیع کی گئی۔نگران وزیر اعلیٰ پنجاب نے کہا کہ حضرت داتا علی ہجویری کی تعلیمات ہمارے لئے روشن باب ہیں، محرم الحرام کے ایام میں امت مسلمہ شہدائے کربلا کی لازوال قربانیوں کو خراج عقیدت پیش کرتی ہے۔محسن نقوی کا کہنا تھا کہ شہریوں کی سہولت کیلئے آن لائن نذرانہ ایپ کا افتتاح کر دیا ہے، آن لائن نذرانہ دینے والوں کو تصدیقی میسج بھی موصول ہوگا۔تقریب میں سابق صوبائی وزیر بلال یاسین، ایڈمنسٹریٹر داتا دربار شاہد حمید ورک، صوبائی وزیر اوقاف و مذہبی امور اظفرعلی ناصر اور سیکرٹری اوقاف پنجاب ڈاکٹر طاہر رضا بخاری سمیت دیگر افراد نے بھی شرکت کی۔یاد رہے کہ حضرت داتا گنج بخش کے عرس کی تقریبات غسل کے 40 روز بعد 18 صفر سے شروع ہوں گی

اسلام آباد: ایوان بالا میں وفاقی وزیر قانون سینیٹر اعظم نذیر تارڑ نے کہاہے کہ ڈاکٹر عافیہ صدیقی کی رہائی کیلئے تمام وسائل بروئے کار لائیں گے۔جمعرات کے روز سینیٹ اجلاس کے دوران سینیٹر مشتاق احمد خان نے توجہ دلائو نوٹس پر بات کرتے ہوئے کہاکہ امریکہ میں قید عافیہ صدیقی سے ملاقات کیلئے امریکہ گیا تھا انہوں نے کہاکہ ڈاکٹر عافیہ کو امریکی جیل میں 7ہزار 425دن ہوگئے ہیں اس پر شدید قسم کا تشدد کیا جارہا ہے ہم نے 20سال کے بعد ڈاکٹر عافیہ سے ملاقات کی ہے اس کو ملاقات میں زنجیروں میں لایا گیا اور اس کے چار دانت ٹوٹ چکے ہیں اس کی سماعت متاثر ہوچکی ہے اور سکارف پھٹا ہوا تھا ہمیں ان کے بچوں کی تصویریں بھی نہیں دکھا سکے ہیں انہوں نے کہاکہ جب 2033میں یہ اغوا ہوگئی تھی تو اس کے ساتھ چھ ماہ کا بیٹا سلیمان بھی تھا جو ابھی تک لاپتہ ہے انہوں نے کہاکہ تین گھنٹو ں تک اس سے ملاقات کی انہوں نے کہاکہ میری حکومت سے درخواست ہے کہ اس کیس کو دیکھے نہ تو وہ امریکی شہری ہے اور نہ ہی کسی قسم کی دہشت گردی میں ملوث ہے اس پر الزام ہے کہ وہ غزنی میں پائی گئی اور چار امریکی فوجیوں نے ان سے تفتیش کی تھی اس دوران انہوں نے ایک امریکی سے بندوق چھین کر ان پر فائرنگ کی تھی تاہم اس فائرنگ سے کوئی بھی امریکی فوجی زخمی نہیں ہوا اور نہ ہی مرا تھا انہوں نے کہاکہ جس جیل میں وہ ہے اس میں 235ایسے قیدی موجود ہیں جو جنسی جرائم میں قید ہیں وہ ایک جہنم میں قید ہیں ان کا مطالبہ ہے کہ مجھے اس جہنم سے نکالا جائے انہوں نے کہاکہ حکومت ڈاکٹر عافیہ کے کیس میں مدعی بن جائے وہ 15سال سے ذہنی مریضوں کے قید میں ہے اس کو ریلیف دیا جائے انہوں نے کہاکہ اس حوالے سے حکومت اس کیس کی مدعی بن جائے اور یہ مقدمہ لڑے انہوں نے کہاکہ امریکہ میں صدارتی انتخابات کے موقع پر بھی صدر کے پاس کسی بھی غیر ملکی قیدی کو معاف کرنے کا اختیار ہوتا ہے اور روس و ایران کے جاسوسی کے الزام میں قید افراد کو بھی رہا کیا گیا ہے انہوں نے کہاکہ اسی طرح حکومتی سطح پر بھی پاکستان نے امریکہ کیلئے جو اقدامات کئے ہیں اس کے جواب میں ڈاکٹر عافیہ صدیقی کی رہائی کا مطالبہ کیا جائے انہوںنے کہاکہ ڈاکٹر عافیہ صدیقی کو ٹیکساس جیل سے کسی مناسب مقام پر منتقلی کیلئے بھی کوششیں کی جائیں انہوں نے کہاکہ تمام سیاسی جماعتیں مانتی ہیں کہ ڈاکٹر عافیہ صدیقی بے گناہ ہیں اگر ہم ریمنڈ ڈیوس کو رہا کر سکتے ہیں تو عافیہ صدیقی کی رہائی کیلئے اقدامات کیوں نہیں کر سکتے ہیں انہوں نے کہاکہ ہمیں اس کیس کے حوال سے کسی قسم کی دستاویزات نہیں دی جارہی ہیں ڈاکٹر عافیہ صدیقی بے گناہ اور مظلوم ہیں انہوں نے چیرمین سینیٹ سمیت تمام سیاسی جماعتوں کے ارکین سے التجاء￿ کی کہ ڈاکٹر عافیہ صدیقی کی رہائی کیلئے مخلصانہ کوششیں کی جائیں اس موقع پر وفاقی وزیر قانون سینیٹر اعظم نذیر تارڑ نے کہاکہ وزارت خارجہ کی جانب سے تحریری طور پر اگاہ کیا گیا ہے کہ وفاقی وزیر اور وزیر مملکت ملک میں موجود نہیں ہیں اس حوالے سے جب بھی وہ موجود ہونگے تو مفصل رپورٹ ایوان میں پیش کی جائے گی انہوں نے کہاکہ شہریوں کے حقوق کا تحفظ ریاست کی ذمہ داری ہے انہوں نے کہاکہ ڈاکٹر عافیہ صدیقی اس قوم کی بیٹی ہیں اور اس مسئلے پر ہر حکومت نے کوششیں کی ہیں انہوں نے کہاکہ ڈاکٹر عافیہ صدیقی کی رہائی کے حوالے سے تمام تر وسائل بروئے کار لائیں گے۔۔

اسلام آباد:شہدائے کربلا کی لازوال قربانیوں کی یاد میں یوم عاشور 10محرم الحرام29جولائی ہفتہ کو نہایت عقیدت و احترام اور مذہبی رواداری کے ساتھ منایا جائے گا، یوم عاشور کے موقع پر ملک بھر میں مجالس عزاء منعقد ہوں گی جبکہ علم،تعزیے اور ذوالجناح کے ماتمی جلوس نکالے جائیں گے شام کو مجالس شام غریباں برپا ہوں گی۔نواسہ رسول ؐ ،جگر گوشہ بتول ؑ،حضرت امام حسین ؑ اورشہدائے کربلا کو خراج عقیدت پیش کرنے کیلئے10محرم کو ملک کے طول و عرض میںمجالس عزاء،علم وتعزیہ اورذوالجناح کے ہزاروں جلوس برآمد ہوں گے جس میں لاکھوں کی تعداد میں عزادار شامل ہو کر ماتم داری ور نوحہ خوانی کرکے اپنا پر سہ پیش کریں گے۔ملک بھر میں منعقدہ مجالس عزاء میں علمائے کرام اور ذاکرین فلسفہ شہادت بیان کرتے ہوئے حضرت امام حسین ؑ اور ان کے رفقاء کی دین اسلام کی سربلندی کیلئے کربلا کے تپتے ریگزار میں پیش کی گئی عظیم قربانیوںکو خراج عقیدت پیش کریں گے مجالس عزا ء کے اختتام پرشبیہہ علم وذوالجناح اور تعزیے کے بڑے بڑے جلوس برآمد ہوں گے جو کہ اپنے مقررہ راستوں سے گزر کر شام کو واپس آستانوں پر اختتام پذیر ہوں گے جہاں پر مجالس شام غریباؓ بپا ہوں گی اس موقع پر پولیس و انتظامیہ کی جانب سے انتہائی سخت حفاظتی اقدامات کیے جائیں گے پولیس اہلکاروں کی چھٹیاں منسوخ کی جا چکی ہیں۔نواسہ رسول ؐ حضرت امام حسین ؑ کا یوم شہادت ملک بھر کی طرح جہانیاںمیں بھی نہایت عقیدت و احترام سے منایا جائے گا۔شہدائے کربلا کو خراج عقیدت پیش کرنے کیلئے امام بارگاہ حسینیہ ؓ ملتان روڈ جہانیاںسے دس محرم کو صبح نو بجے علم و ذوالجناح اور تعزیہ کا ماتمی جلوس برآمد ہو گا اس ماتمی جلوس میں بڑی تعداد میں عزادار شامل ہو کر ماتم داری اور نوحہ خوانی کرکے اپنا پرسہ پیش کریں گے۔ دوپہر بارہ بجے مرکزی چوک میں مجلس عزاء منعقد ہو گی جس میں ملک کے ممتاز علماء کرام اور ذاکرین فلسفہ شہادت بیان کرتے ہوئے حضرت امام حسین ؑ اور ان کے رفقاء کی دین اسلام کی سربلندی کیلئے کربلا کے تپتے ریگزار میں پیش کی گئی عظیم قربانیوںکو خراج عقیدت پیش کریں گے جبکہ بعد از مجلس سہہ پہر تین بجے مذکورہ چوک میں زنجیر زنی ہو گی ا س موقع پر پولیس و انتظامیہ کی جانب سے انتہائی سخت حفاظتی اقدامات کیے جائیں گے حکومت کی جانب سے 9اور 10محرم الحرام کو تعطیل کا اعلان کیا گیا ہے مختلف شہروں میں پاک فوج اور رینجرز کے دستے تعینات کیے گئے ہیںمختلف اضلاع میں موٹر سائیکل کی ڈبل سواری پر پابندی اور موبائل فون سروس بھی معطل رہے گی کسی بھی ناخوشگوار واقعہ سے نمٹنے کیلئے ہسپتالوں میں ایمر جنسی کا نفاذ کرکے ڈاکٹرز اور پیرا میڈیکل سٹاف کی چھٹیاں منسوخ کر دی گئی ہیں۔

لاہور:پولیس نے جناح ہاؤس حملہ کیس میں تحریک انصاف کی سوشل میڈیا ایکٹوسٹ صنم جاوید کے شوہر عتیق ریاض کو بھی گرفتار کرلیا۔ انسداد دہشتگردی عدالت نے عتیق ریاض کو شناخت پریڈ کے لیے جیل بھجوا دیا ہے۔ پولیس نے صنم جاوید کے شوہر عتیق ریاض کو چہرہ ڈھانپ کر انسداد دہشتگردی کی عدالت میں پیش کیا اور شناخت پریڈ کی اجازت طلب کیجس پر عدالت نے استدعا منظور کرتے ہوئے عتیق ریاض کو شناخت پریڈ کے لیے 6 دن کے جوڈیشل ریمانڈ پر جیل بھجوا دیا۔عتیق ریاض کے وکیل کا کہنا تھاکہ عتیق ریاض کو صنم جاوید کیس کی پیروی کرنے کیباعث گرفتار کیا گیا۔ پی ٹی آئی کی کارکن صنم جاوید 9 مئی کے جلاؤ گھیراؤ کیس میں جیل میں قید ہیں۔

اسلام آباد:سپریم کورٹ نے توشہ خانہ فوجداری کیس میں چیئرمین تحریک انصاف کی درخواست پر ٹرائل روکنے کی استدعا مسترد کرتے ہوئے معاملہ اسلام آباد ہائیکورٹ کوبھیج دیا ہے۔عدالت نے حکم دیا کہ وکیل درخواست گزار اور ڈی جی لاء الیکشن کمیشن دونوں نے اتفاق کیا کہ اسلام آباد ہائیکورٹ پہلے دونوں درخواستوں کو سن کر فیصلہ کرے۔جسٹس یحییٰ آفریدی نے ریمارکس دیئے کہ کیس میں دائرہ اختیار سے متعلق نکتہ بنیادی اور اہم ہے۔ ہم تو صرف ہائیکورٹ سے درخواست کر سکتے ہیں۔میرے خیال میں ہمیں اس وقت اس معاملے میں مداخلت سے گریز کرنا چاہئے۔ بدھکو عدالت عظمٰی میں معاملے کی سماعت جسٹس یحییٰ آفریدی کی سربراہی میں دو رکنی بنچ نے کی۔ سماعت شروع ہونے سے قبل کمرہ عدالت کے باہر شور شرابے پر عدالت نے برہمی کا اظہار کرتے ہوئے کہا کہ خواجہ حارث آپ باہر جاکر معاملات کو دیکھیں ، ہم ایسے مقدمہ کو نہیں سن سکتے،عدالت کی عزت و احترام سب پرلازم ہے۔یہ آپکی اور درخواستگزار کی ذمہ داری ہے کہ عدالت کی تکریم کو یقینی بنائیں۔ ہم ایسے سماعت نہیں سن سکتے، چیئرمین پی ٹی آ ئیکے کمرہ عدالت آنے کے باوجود شور شرابہ نہ رکنے پر عدالت اٹھ کر چلی گئی۔ کمرہ عدالت کے باہر خاموشی ہونے پر دو رکنی بینچ نے سماعت دوبارہ شروع کی۔جسٹس مسرت ہلالی نے کہا کہ معاملہ ہائیکورٹ کو بھجوا رہے تو ٹرائل کیسے روک دیں جسٹس یحییٰ آفریدی نے کہا کہ ہائیکورٹ کا حکم چینلج کریں گیتو تفصیل سے سن کر مناسب حکم جاری کریں گے۔ابھی تو ہائیکورٹ نے براہ راست کوئی حکم نہیں دیا جس پر وکیل خواجہ حارث نے کہا کہ ہائیکورٹ نے ٹرائل کورٹ کو سات روز میں فیصلے کا حکم دیا تھا، الیکشن کمیشن نے وکیل امجد پرویز نے کہا کہ ہائیکورٹ کے حکم پر عمل ہو چکا،ٹرائل کورٹ کے فیصلے کے خلاف اپیل بھی کل سماعت کیلئے مقرر ہیجسٹس یخیی آفریدی نے ریمارکس دیئے کہ کیس میں دائرہ اختیار سے متعلق نکتہ بنیادی اور اہم ہے۔ہم ہائیکورٹ کو کوئی حکم نہیں دے رہے۔ ماتحت عدلیہ سے متعلق ایڈوائزری اختیار سماعت ہائیکورٹس کے پاس ہے۔ ہم تو صرف ہائیکورٹ سے درخواست کر سکتے ہیں۔میرے خیال میں ہمیں اس وقت اس معاملے میں مداخلت سے گریز کرنا چاہئے۔ عدالت نے چیئرمین تحریک انصاف کی ٹرائل روکنے کی استدعا مسترد کرتے ہوئے حکم دیا کہ وکیل درخواست گزار اور ڈی جی لاء￿ الیکشن کمیشن دونوں نے اتفاق کیا کہ اسلام آباد ہائیکورٹ پہلے دونوں درخواستوں کو سن کر فیصلہ کرے۔ درخواست گزار کی جانب سے توشہ خانہ ٹرائل کورٹ کے جج پر اعتراض کی درخواست ہائیکورٹ میں زیر التواء ہے۔درخواست گزار نے ہائیکورٹ کے مقدمہ ٹرائل کورٹ میں منتقل کرنے کے فیصلے کو بھی چیلنج کررکھا ہے۔عدالت نے درخواست نمٹاتے ہوئے حکم دیا کہ اسلام آباد ہائی کورٹ دونوں درخواستوں کو سن کر فیصلہ کرے

فیصل آباد: چیمبر آ ف کامرس اینڈانڈسٹری کے صدر ڈاکٹر خرم طارق کی قیادت میں فیصل آباد کے صنعتکاروں اور تاجروں کی وزیر اعظم میاں شہباز شریف سے ملاقات کی اندرونی کہانی سامنے آگئی وفاقی وزیر خزانہ اسحاق ڈار ن کی معاشی پالسییوں پرپھٹ پڑے ، ٹیکسوں ،بجلی گیس ،خام مال کی بڑھتی ہوئی قیمتوں سمیت مختلف امورپر تحفظات کا اظہار،آن لائن کے مطابق گذشتہ روز وزیر اعظم میاں شہباز شریف کے دورہ فیصل آباد کے موقع پر فیصل آباد چیمبر آ ف کامرس اینڈانڈسٹری زیر اہتمام صنعتکاروں اور تاجروں کی ایک تقریب کا اہتمام فیصل آباد کے ایک مقامی ہوٹل میں کیا گیا یہاں پر صنعتکاروں اور تاجروں وفد نے وزیر اعظم میاں شہباز شریف خصوصی ملاقات کی وزیر عظم نے بزنس کمیونٹی کے تمامسائل اورتحفظات کو ترجیحی بنیادوں پر حل کرنے کی یقین دہانی کے بعد وزیر اعظم نے اس وقت وزیر خزانہ اسحاق ڈار سے رابط کیا وفاقی وزیر خزانہ اسحاق ڈار اور پیٹرولیم کے وزیر مصدق ملک نے آن لائن زوم پر ملاقات میں شرکت کی اور صنعتکاروں کے ساتھ فیصل آباد میں ملاقات کے دوران وزیر اعظم کا بڑا علان‘ انڈسٹری کیلئے گیس فراہم کرنے کا فارمولا تبدیل کر دیا‘ اب سے انڈسٹڑی کو 50 فیصد ایل این جی اور50فیصد سسٹم گیس فراہم کی جائے گی۔ وزیراعظم شہباز شریف نے سیلز ٹیکس ریفنڈز بھی جلد بحال کرنیکی یقین دہانی کروائی ہے ۔ایکسپورٹ انڈسٹری کے نمائندوں سے فیصل آباد میں ملاقات میں وزیراعظم نے ایل این جی کی لاگت کم کرنے کے لئے 50 فیصد سسٹم گیس فراہم کرنے کا مطالبہ نہ صرف مان لیا بلکہ اس پر فوری عملدرآمد بھی کروا دیا۔ منسٹری آف پیٹرولیم نے صنعتی اداروں کو پچاس فیصد سسٹم گیس اور پچاس فیصد آر ایل این جی فراہم کنے کا نوٹیفیکیشن جاری کر دیا۔ پی ایچ ایم اے کے سابق چیئرمین کاشف ضیا ء نے بتایا کہ یہ سہولت پانچ ایکسپورٹ اورینٹڈ سیکٹر کے لئے فراہم کی گئی ہے۔ اس سے پہلے سو فیصد آر ایل این جی انڈسٹری میں استعمال ہورہی تھی جس کی لاگت بڑھنے سے ایکسپورٹ انڈسٹڑیز کے لئے انرجی کی کاسٹ کو مینیج کرنا ناممکن ہو چلا تھا۔ صنعتکار کاشف ضیا نے کہا کہ وزیراعظم شہباز شریف کے انڈسٹری کو 50 فیصد سسٹم گیس فراہم کرنے کے فیصلہ سے اوریج گیس کا ریٹ انڈسٹری کے لئے سستا ہوجائے گا۔ پٹرولیم منسٹری کے نوٹفکیشن میں کہا گیا ہے کہ انڈسٹری کو ان کی ضرورت کا 50 فیصد حصہ سسٹم گیس کی فراہمی کی سہولت کی فراہمی ماہ نومبر سال دو ہزار تئیس تک جاری رہے گی۔برآمدی صنعتوں کے مالکان کی جانب سے وزیراعظم شہباز شریف کے اس فیصلہ کو سراہا جا رہا ہے۔ کاشف ضیا نے کہا کہ امید ہے انرجی کی لاگت میں کمی کے اس اقدام سے ایکسپورٹ انڈسٹری ترقی کرے گی۔ وفاقی وزیر خزانہ اسحاق ڈار نے کہا کہ فیصل آباد چیمبر آف کامرس اینڈانڈسٹری کے صدر ڈاکٹر خرم طارق کی قیادت میں بزنس کمیونٹی نے انتہائی مثبت کردار ادا کیا ہے۔ ڈاکٹر خرم طارق کی خدا داد صلاحیتوں کو بھی سراہا اور کہا کہ ہم نے بجٹ سے پہلے اور بجٹ کے بعد بزنس کمیونٹی کو زیادہ سے زیادہ سہولتیں دینے کی کوشش کی۔ اس سلسلہ میں ڈاکٹر خرم طارق کا رد عمل بھی انتہائی مثبت تھا مگر بعد میں خارجی عوامل کی وجہ سے بجٹ میں ناگزیر تبدیلیاں کرنا پڑیں۔ انہوں نے کہا کہ بجلی اور گیس کے بارے میں پہلے وضاحت کر دی گئی ہے تاہم ری فنڈ کا مسئلہ حل کرنے کیلئے وہ فیصل آباد کی بزنس کمیونٹی سے الگ میٹنگ کریں گے،علاوہ ازیں فیصل آباد چیمبر آ ف کامرس اینڈانڈسٹری کے صدر ڈاکٹر خرم طارق نے بتایا کہ فیصل آباد ملک کے عین وسط میں واقع ہے ۔ یہ ملک کا سب سے بڑا صنعتی اور ریونیو جنریشن کے حوالے سے دوسرا بڑا شہر ہے یہاں ملک کی سب سے بڑی انڈسٹریل اسٹیٹ قائم کی گئی جس کا مجموعی رقبہ 10ہزار ایکڑ ہے۔ مگر بدقسمتی سے 15سالوں میں اِس کا صرف 19فیصد ترقیاتی کام مکمل کیا جا سکا۔ فیصل آباد سے سوتیلی ماں جیسا سلوک کیا گیا ۔ سیف سٹی کا منصوبہ زیر التواء ہے۔ اسی طرح فیصل آباد سے چھوٹے شہروں میں پبلک ٹرانسپورٹ چل رہی ہیں۔ مگر یہ شہر اس سہولت سے بھی محروم ہے۔ انہوں نے ایم فور کو بھی دو لین سے تین لین کرنے کا مطالبہ کیا اور کہا کہ تیسری لین کی بنیادیں پہلے ہی مکمل ہیں جبکہ اس سے صرف اپر ٹاپ کی ضرورت ہے۔ انہوں نے کہا کہ اس شہر کو آپ کی توجہ کی ضرورت ہے تاکہ یہاں ٹھوس بنیادی ڈھانچہ مہیا کیا جا سکے۔ انہوں نے بتایا کہ فیصل آباد چیمبر آف کامرس اینڈانڈسٹری نے مقامی انتظامیہ سے ملکر شہر کی خوشحالی کیلئے ہر ممکن کوششیں کی ہیں جبکہ ہم اس شہر کو اب ٹیکسٹائل سٹی کے ساتھ ساتھ سائبر آباد بنانا چاہتے ہیں۔ انہوںنے کہا کہ آپ نے بھی یہاں آئی ٹی یونیورسٹی بنانے کا اعلان کیا تھا مگر تاحال اس پر عمل درآمد نہیں ہو سکا۔ انہوں نے کہا کہ پہلے چیمبر اور حکومت کے درمیان آہنی پر دہ حائل تھا تاہم جب یہ ہٹا تو پھر ہم نے انتہائی قابل عمل پری اور پوسٹ بجٹ سفارشات پیش کیں۔ انہوں نے حکومت کا شکریہ ادا کیا جس نے ہماری خدمات کے اعتراف میں پہلی بار فیصل آباد چیمبر کو بزنس بارے Anomaly committee کا سربراہ بنایا۔ انہوں نے فیصل آباد کی سماجی خدمات کا بھی ذکر کیا اور کہا کہ اب فیصل آباد چیمبر اس شہر کو ’’شہر اخواہ‘‘ بنانا چاہتا ہے اور اس سلسلہ میں ہماراسلوگن ہے کہ مزدور کا بچہ مزدور نہیں ہوگا اس مقصد کیلئے ہم نے انتظامیہ سے ملکر لیبر ویلفیئر سکولوں میں بہترین سہولتیں مہیا کی ہیں جس کی وجہ سے اُن کا نتیجہ نجی سکولوں سے بہت بہتر ہے۔ ڈاکٹر خرم طارق نے کہا کہ فیصل آباد چیمبر کو ملک کی سب سے بڑی فلڈ ریلیف کمپین چلانے کا بھی منفرد اعزاز حاصل ہے۔

راولپنڈی:آرمی چیف جنرل عاصم منیر سے کمانڈر یو ایس سینٹ کام جنرل مائیکل ایرک کوریلا نے ملاقات کی ہے۔پاک فوج کے شعبہ تعلقاتِ عامہ (آئی ایس پی آر) کے مطابق ملاقات میں باہمی دلچسپی کے امور پر تبادلہ خیال کیا گیا۔آئی ایس پی آر کا کہنا ہے کہ ملاقات میں خطے کی صورتِ حال اور دفاعی تعاون کے فروغ پر بات چیت کی گئی۔ ملاقات میں تمام شعبوں میں دو طرفہ تعلقات مزید بڑھانے کی خواہش کا اعادہ کیا ہے۔آئی ایس پی آر کا مزید کہنا ہے کہ جنرل مائیکل ایرک کوریلا نے دہشت گردی کے خلاف جنگ میں پاک فوج کی کامیابیوں کوسراہا۔ امریکی سینٹ کام کے کمانڈر نے خطے میں امن و استحکام کے لیے پاکستان کی مسلسل کوششوں کو سراہا۔

فیصل آباد:وزیر اعظم میاں محمد شہباز شریف نے ایک بار پھر کہا ہے کہ ہم 12 اگست سے پہلے حکومت چھوڑ دیں گے اِس کے بعد نگران حکومت آئے گی جس کی زیر نگرانی عام انتخابات ہوں گے اور اس کے نتیجہ میں مینڈیٹ کے ساتھ جو حکومت بنے گی وہ آئندہ حکمت عملی طے کرے گی ،نواز شریف کے دور حکومت میں پاکستان کی جامع ،سماجی ، معاشی اور صنعتی ترقی کی راہ ہموار کر دی گئی تھی مگر بعد میں آنے والی حکومت نے دانستہ معاشی تباہی کو فروغ دیا جس کی وجہ سے نہ صرف افراط زر اور مہنگائی بڑھی بلکہ ہمیں آئی ایم ایف کی کڑی شرائط کی کڑوی گولی بھی نگلنا پڑی۔ وہ آج فیصل آباد چیمبر آف کامرس اینڈانڈسٹری کے زیر اہتمام تاجروں اور صنعتکاروں کی ایک تقریب سے خطاب کر رہے تھے جس میں وفاقی وزراء رانا ثناء اللہ، مریم اورنگزیب اور وزیر اعظم کے معاونین خصوصی ، وفاقی سیکرٹری حضرات اور اعلیٰ بیوروکریسی نے بھی شرکت کی۔ انہوں نے ملک کی معاشی ترقی میں فیصل آباد کی خدمات کو سراہا اور کہا کہ یہاں کی بزنس کمیونٹی نے برآمدات بڑھانے کے ساتھ ساتھ سماجی خدمت کے شعبہ میں قابل قدر کام کیا ہے اور یہ دین اور دنیا دونوں کمانے کے مترادف ہے۔ انہوں نے کہا کہ ملکی ترقی میں برآمدات کو ریڑھ کی ہڈی کی حیثیت حاصل ہے اور اس شعبہ میں سب سے بڑا حصہ ٹیکسٹائل کا شعبہ ڈال رہا ہے۔ بجلی اور گیس کے نرخوں کے حوالے سے انہوں نے کہا کہ خارجی عوامل نے ہمارے اختیارات کو بھی محدود کر دیا ہے اور ہمیں سختی سے منع کر دیا گیا کہ ہم سبسڈی نہ دیں۔ گیس کے حوالے سے انہوں نے کہا کہ 18ویں ترمیم آئین کا حصہ ہے اِس لئے اس مسئلہ کو بین ا لصوبائی سطح پر حل کرنے کی کوشش کی جائے گی۔ انہوں نے کہا کہ معاشی خود مختاری ناگزیر ہے اور برآمدات بڑھا کے ہی ہم عزت و وقار سے زندگی گزار سکتے ہیں۔ انہوں نے درآمدات اور برآمدات کے بڑھتے ہوئے فرق پر تشویش کا اظہار کیا اور کہا کہ اِس کیلئے ہمیں مل کر کام کرنا ہوگا۔ انہوں نے مزید کہا کہ پاکستان زرعی ملک ہے مگر گندم اور کپاس کی درآمد ہمارے لئے لمحہ فکریہ ہے۔ انہوں نے کہا کہ کپاس کی پیداوار بڑھانے کیلئے خصوصی پروگرام شروع کیا گیا ہے ۔ انہوں نے کہا کہ اس وقت ’’ Do or Die‘‘ کا مرحلہ ہے۔ انہوں نے کہا کہ۔ ایل سی نہ کھلنے کی شکایت کے بارے میں وزیر اعظم نے کہا کہ زرمبادلہ کی قلت کی وجہ سے درآمدات کو کنٹرول کرنا پڑا۔ شمسی توانائی کے بارے میں انہوں نے کہا کہ نواز شریف کے دور میں اِس منصوبے پر کام شروع ہو گیا تھا جبکہ پہلا سولر پارک بہاولپور میں لگایا گیا مگر بعد میں آنے والی حکومت نے قومی مفاد کے اِن منصوبوں پرکام روک دیا ۔ اگر ہم اس راستے پر چلتے تو آج لوگوں کی بڑی تعداد شمسی توانائی سے فائدہ اٹھا رہی ہوتی۔ انہوں نے کہا کہ ہمیں اب بھی سولر پینل کی مقامی طور پر تیاری اور پن بجلی بارے پالیسی واضع کرنا ہو گی۔ انہوں نے کہا کہ اگر اِن منصوبوں میں کسی نے کرپشن کی تھی تو اِس کی رو ک تھام کیلئے شفاف نظام تشکیل دیا جا سکتا تھا مگر اِس کی آڑ میں ملک کی مجموعی ترقی کو نقصان پہنچانا وطن عزیز پر ظلم کے مترادف ہے۔ انہوں نے کہا کہ ہم پہلے دور میں دس ہزار میگا واٹ بجلی باہر سے لیکر آرہے تھے۔ انہوں نے کہا کہ اب بھی مختلف ملکوں کی حکومتیں یہاں سرمایہ کاری کرنا چاہتی ہیں مگر اِس کیلئے سیاسی استحکام نا گزیر ہے۔ انہوں نے بتایا کہ پاکستان میں شمسی توانائی اور دیگر متبادل ذرائع کیلئے ونڈ ملز بھی لگائی جا سکتی ہے جس کیلئے کوششیں جاری ہیں ۔سیف سٹی کے بارے میں انہوں نے کہا کہ نواز شریف حکومت نے اِس کی منظوری دے دی تھی مگر اس کو کیوں مکمل نہیں کیا گیا یہ سوال آپ لوگوں کو گزشتہ حکومت سے کرنا چاہیے تھا۔ فیڈمک کے بارے میں انہوں نے کہا کہ صنعتیں لگانے کیلئے حکومت کو کمرشل قیمت کی بجائے طویل المدتی لیز پر زمین دینی چاہیے ۔ انہوں نے کہا کہ بدقسمتی سے ہمارے ہاں پہیہ الٹتا چلتا ہے۔ انہوں نے کہا کہ ایل سی کھلوانے کی بھی ہر ممکن کوششیں کیں لیکن سیاسی عدم استحکام کی وجہ سے آئی ایم ایف کی طرف سے بعض پابندیاں عائد کر دی گئیں۔ تاہم اب یہ مسئلہ حل ہو گیا ہے۔ انہوں نے کہا کہ پیسے درختوں سے نہیں لگتے ۔ آئی ایم ایف کے معاہدے سے ہمیں سانس لینے کی مہلت مل گئی ہے تاہم ہمیں اِس موقع سے فائدہ اٹھا کے معیشت کو ٹھوس اور پائیدار بنیادوں پر استوار کرنا ہوگا۔ انہوں نے کہا کہ ایک خود دار قوم کی حیثیت سے ہم قرضوں پر زندہ نہیں رہ سکتے اِس لئے ہمیں اس مرحلہ پر قومی معیشت کے تمام سٹیک ہولڈرز کو اعتماد میں لیکر آگے بڑھنا ہو گا۔ انہوں نے مزید کہا کہ ہمیں ذاتی مفادات سے بالا تر ہو کے وطن عزیز کے معاشی استحکام کیلئے جدوجہد کرنا ہو گی۔ انہوں نے یقین دلایا کہ جیسے ہی مالیاتی گنجائش نکلی آئی ایم ایف کی پابندیوں کے اندر رہتے ہوئے بزنس کمیونٹی کیلئے مزید آسانیاں پیدا کرنے کی کوشش کی جائے گی۔ انہوں نے کہا کہ انڈیا نے آئی ایم ایف کا آخری پروگرام 1991ء میں لیا تھا مگر ہم ہر تین سال بعد آئی ایم ایف کے پاس جانے پر مجبور ہو جاتے ہیں۔ انہوں نے کہا کہ حکومت کی کوشش ہو گی کہ یہ آئی ایم ایف کا آخری پروگرام ہو اور ملک کو پائیدار ترقی کی راہ پر ڈال دیا جا ئے۔ وفاقی وزیر خزانہ اسحاق ڈار نے بھی زوم پر میٹنگ میں شرکت کی اور کہا کہ فیصل آباد چیمبر آف کامرس اینڈانڈسٹری کے صدر ڈاکٹر خرم طارق کی قیادت میں بزنس کمیونٹی نے انتہائی مثبت کردار ادا کیا ہے۔ انہوں نے ڈاکٹر خرم طارق کی خدا داد صلاحیتوں کو بھی سراہا اور کہا کہ ہم نے بجٹ سے پہلے اور بجٹ کے بعد بزنس کمیونٹی کو زیادہ سے زیادہ سہولتیں دینے کی کوشش کی۔ اس سلسلہ میں ڈاکٹر خرم طارق کا رد عمل بھی انتہائی مثبت تھا مگر بعد میں خارجی عوامل کی وجہ سے بجٹ میں ناگزیر تبدیلیاں کرنا پڑیں۔ انہوں نے کہا کہ بجلی اور گیس کے بارے میں پہلے وضاحت کر دی گئی ہے تاہم ری فنڈ کا مسئلہ حل کرنے کیلئے وہ فیصل آباد کی بزنس کمیونٹی سے الگ میٹنگ کریں گے۔ پٹرولیم کے وزیر مصدق ملک نے کہا کہ وزیر اعظم کی ہدایت پر انہوں نے گیس کی قیمت کم کرنے کیلئے متعدد اقدامات اٹھائے ہیں ۔ ففٹی ففٹی کا فارمولا منظور کر لیا گیا ہے جس کے تحت صنعتکار نومبر تک کی منصوبہ بندی کر سکیں گے۔ اِس دوران انھیں 50فیصد مقامی گیس اور پچاس فیصد ایل این جی مکس کر کے دی جائے گی۔ انہوں نے بتایا کہ سستی گیس کیلئے آذربائیجان سے بھی بات چیت ہو رہی ہے۔ کل سے ہر ماہ سپاٹ ریٹ پر ایل این جی کے کارگو آنا شروع ہو جائیں گے جس سے گیس کی قیمتیں کم ہوں گی۔ انہوں نے کہا کہ حکومت نے قطر سے 200ایم ایم ایف سی گیس کے معاہدے 13ڈالر پر کئے تھے۔ جبکہ اس وقت سپاٹ ریٹ 7/8ڈالر ہے۔ انہوں نے کہا کہ موجودہ حالات میں حکومت خود قطر سے ایل این جی سپاٹ ریٹ پر نہیں خرید سکتی اِس لئے صنعتکاروں کو اپنی ضرورت کیلئے قطر سے سپاٹ ریٹ پر ایل این جی درآمد کرنے کی اجازت دے دی گئی ہے جسے حکومت اس درآمدی گیس کو ان کے دروازے تک پہنچائے گی۔ تاہم اس گیس کو فروخت کرنے کی اجازت نہیں دی جائے گی۔اس سے قبل فیصل آباد چیمبر آ ف کامرس اینڈانڈسٹری کے صدر ڈاکٹر خرم طارق نے کہا کہ فیصل آباد ملک کا واحد نان گریژن او ر آگینک سٹی ہے جس نے تیزی سے ترقی کی۔ انہوں نے کہا کہ چند ماہ قبل ملک کی سیاسی او رمعاشی صورتحال انتہائی مخدوش تھی تاہم موجودہ حکومت نے انتہائی جانفشانی سے کام کیا اور اب ہمیں سانس لینے کی گنجائش مل گئی ہے۔ تاہم دیکھنا یہ ہے کہ ہم اس سہولت کاکس طرح اور بروقت فائدہ اٹھاتے ہیں۔ انہوں نے کہا کہ اگر چہ سب کچھ اچھا نہیں لیکن بہت سی اچھی چیزیں بھی ہوتی ہیں۔ انہوں نے کہا کہ فیصل آباد ملک کے عین وسط میں واقع ہے ۔ یہ ملک کا سب سے بڑا صنعتی اور ریونیو جنریشن کے حوالے سے دوسرا بڑا شہر ہے یہاں ملک کی سب سے بڑی انڈسٹریل اسٹیٹ قائم کی گئی جس کا مجموعی رقبہ 10ہزار ایکڑ ہے۔ مگر بدقسمتی سے 15سالوں میں اِس کا صرف 19فیصد ترقیاتی کام مکمل کیا جا سکا۔ انہوں نے کہا کہ اس شہر سے سوتیلی ماں جیسا سلوک کیا گیا ۔ سیف سٹی کا منصوبہ زیر التواء ہے۔ اسی طرح فیصل آباد سے چھوٹے شہروں میں پبلک ٹرانسپورٹ چل رہی ہیں۔ مگر یہ شہر اس سہولت سے بھی محروم ہے۔ انہوں نے ایم فور کو بھی دو لین سے تین لین کرنے کا مطالبہ کیا اور کہا کہ تیسری لین کی بنیادیں پہلے ہی مکمل ہیں جبکہ اس سے صرف اپر ٹاپ کی ضرورت ہے۔ انہوں نے کہا کہ اس شہر کو آپ کی توجہ کی ضرورت ہے تاکہ یہاں ٹھوس بنیادی ڈھانچہ مہیا کیا جا سکے۔ انہوں نے بتایا کہ فیصل آباد چیمبر آف کامرس اینڈانڈسٹری نے مقامی انتظامیہ سے ملکر شہر کی خوشحالی کیلئے ہر ممکن کوششیں کی ہیں جبکہ ہم اس شہر کو اب ٹیکسٹائل سٹی کے ساتھ ساتھ سائبر آباد بنانا چاہتے ہیں۔ انہوںنے کہا کہ آپ نے بھی یہاں آئی ٹی یونیورسٹی بنانے کا اعلان کیا تھا مگر تاحال اس پر عمل درآمد نہیں ہو سکا۔ انہوں نے کہا کہ پہلے چیمبر اور حکومت کے درمیان آہنی پر دہ حائل تھا تاہم جب یہ ہٹا تو پھر ہم نے انتہائی قابل عمل پری اور پوسٹ بجٹ سفارشات پیش کیں۔ انہوں نے حکومت کا شکریہ ادا کیا جس نے ہماری خدمات کے اعتراف میں پہلی بار فیصل آباد چیمبر کو بزنس بارے Anomaly committee کا سربراہ بنایا۔ انہوں نے فیصل آباد کی سماجی خدمات کا بھی ذکر کیا اور کہا کہ اب فیصل آباد چیمبر اس شہر کو ’’شہر اخواہ‘‘ بنانا چاہتا ہے اور اس سلسلہ میں ہماراسلوگن ہے کہ مزدور کا بچہ مزدور نہیں ہوگا اس مقصد کیلئے ہم نے انتظامیہ سے ملکر لیبر ویلفیئر سکولوں میں بہترین سہولتیں مہیا کی ہیں جس کی وجہ سے اُن کا نتیجہ نجی سکولوں سے بہت بہتر ہے۔ ڈاکٹر خرم طارق نے کہا کہ فیصل آباد چیمبر کو ملک کی سب سے بڑی فلڈ ریلیف کمپین چلانے کا بھی منفرد اعزاز حاصل ہے