Category Pin post

لاہور: حکومت نے سرکاری اور نجی شعبہ میں ملازمت کرنے والی خواتین اور طالبات کو رعایتی قیمت پر سکوٹیز دینے کا فیصلہ کیا ہے ۔ بتایا گیا ہے کہ پاکستان بھر سے 22 ہزار خواتین کو وزیراعظم ویمن آن ویلز پروگرام کے تحت رعایتی قیمت پرسکوٹیز اور موٹرسائیکلز کی فراہمی کا آغاز جلد ہو گا اور اس کے لئے انہیں صرف ساڑھے 4 ہزار روپے ماہانہ قسط ادا کرنا ہوگی۔قومی کمیشن برائے وقارنسواں کی چیئرپرسن نیلوفربختیارکے مطابق پروگرام پرعملدرآمد کے لیے 5 ارب روپے مل گئے ہیں، سکوٹیز کی تقسیم کا عمل مکمل طور پر شفاف ہو گا۔وزیر اعظم شہبازشریف کی ذاتی دلچسپی کے نتیجے میں وزیراعظم ویمن آن ویلز پراجیکٹ جلد شروع ہو گا، 18 سے 55 سال تک کی خواتین درخواست دے سکیں گی۔قومی کمیشن برائے وقار نسواں کی چیئرپرسن نیلوفر بختیار نے بتایا کہ 22 ہزارسکوٹیز کے لیے فنڈز فراہم کر دئیے گئے ہیں، سکوٹیز کی تقسیم کا آغاز جلد ہو گا جو بالکل شفاف ہوگا۔انہوں نے کہا کہ 4 ہزار سکوٹیز ہر صوبے کی ہے، اسلام آباد کیلئے بھی 4 ہزار، گلگت بلتستان کے لئے ایک ہزاراورایک ہزارآزاد کشمیر کیلئے ہوں گی ، یہ 3 سال کا پروگرام ہو گا، 30 ہزارسے لے کر ڈیڑھ لاکھ روپے تک کمانے والے اس کے اہل ہوں گے ۔انہوں نے کہا کہ کوشش ہو گی کہ ملازمت پیشہ خواتین اور طالبات کے ساتھ ساتھ پولیو ہیلتھ ورکرز اورخواتین صحافی بھی مستفید ہوں تاکہ وہ ملکی معاشی ترقی میں مدد گارثابت ہوسکیں۔

اسلام آباد: وزیراعظم محمد شہبازشریف نے کہا ہے کہ غذائی تحفظ اور زراعت سے متعلق قومی سیمینار کوئی معمول کی تقریب نہیں تھی، زرعی شعبہ ہماری اقتصادی ترقی کا سب سے بڑامحرک بن سکتا ہے، خلیجی ممالک سے زرعی شعبے میں اگلے 4 سے 5 سال میں 40 ارب ڈالر کی سرمایہ کاری کے ساتھ ساتھ 40 لاکھ نئی ملازمتیں پیداہوں گی، قرضوں سے نجات پا کر مضبوط معیشت کی تعمیر کریں گے۔منگل کو اپنے ٹویٹ میں وزیراعظم نے کہا کہ زراعت اور فوڈ سکیورٹی کے قومی سیمینار میں میں نے دوسرے سبز انقلاب کی بنیاد کے طور پر زراعت کے شعبے میں بہتری لانے کی اہمیت پرزور دیا ہے۔ ہم سب نے بلند بانگ دعوے اورپرکشش وڑنز کے باریمیں سنا ہے لیکن بغیر محنت، استقامت اور تندہی کے بغیر یہ بے سود رہے ہیں۔انہوں نے کہا کہ خلیجی ممالک سالانہ 40 ارب ڈالر کی غذائی اشیاء اور زرعی مصنوعات درآمد کرتے ہیں۔حکومت کاعزم اسپیشل انویسٹمنٹ فیسیلی ٹیشن کونسل (ایس آئی ایف سی) کے تحت خلیجی ممالک سے پاکستان کے زرعی شعبے میں اربوں ڈالر کی سرمایہ کاری لانا ہے، جس کے لیے اقدامات کر لئے گئے ہیں۔ اگلے چار سے پانچ سالوں میں 40 لاکھ نئی ملازمتیں پیدا کرنے کے علاوہ تقریباً 40 بلین ڈالر کی سرمایہ کاری ہوگی۔ انہوں نے کہا کہ دوسرا سبز انقلاب پاکستان کی اقتصادی ترقی کے لئے زرعی شعبے کو بڑا محرک بنانے کا سبب بنے گا، جس سے غذائی تحفظ ہو گا اور ہماری قومی سلامتی کو تقویت ملے گی۔انہوں نے کہا کہ زراعت اور غذائی تحفظ سے متعلق قومی سیمینار کوئی معمول کی تقریب نہیں تھی بلکہ تمام متعلقہ فریقین کی طرف سے ملکی اقتصادی بحالی کے لئے طویل مدت سے توجہ طلب قومی کاوش کا آغاز ہے۔ انہوں نے کہا کہ ہم اندرونی وسائل پر انحصار اور قرضوں سے نجات پاکر مضبوط معیشت کی تعمیر کے خواہاں ہیں اور ہم سب مل کر اپنا یہ مقصد حاصل کریں گے۔

ممبئی : بالی وڈ کنگ شاہ رخ خان ائیرپورٹ پر باڈی سرچنگ کے دوران آئیکونک پوز دیتے رہے۔بھارتی سوشل میڈیا پر شاہ رخ خان کی ایک ویڈیو سامنے آئی ہے جس میں وہ ائیرپورٹ پر موجود ہیں۔ائیرپورٹ پر ڈیوٹی پر مامور پولیس اہلکار نے بالی وڈ کنگ کی جب باڈی سرچنگ کی تو انہوں نے اس دوران انتہائی خوشگوار موڈ میں باڈی سرچنگ کرائی۔

نتھیا گلی: وزیراعظم میاں محمد شہباز شریف نے کہا ہے کہ پاکستان خطے میں تنائو نہیں چاہتا،دنیا میں امن اور خوشحالی چاہتے ہیں۔ قدرتی آفات سے نمٹنے کیلیئے تعاون کی مفاہتی یاداشت پر دستخط کی تقریب سے خطاب کرتے ہوئے وزیراعظم نے کہا کہ سوئٹزر لینڈ کے وزیر خارجہ اگنازئیوکاسیس سے مختلف شعبوں میں تعاون بڑھانے پر بات چیت ہو ئی،تعلیم، آئی ٹی اور خواتین کو بااختیار بنانے میں پاکستان اپنا کردار ادا کرتا رہے گا،سوئٹرز لینڈ کے وزیر خارجہ سے مفید اور تعمیر ی گفتگو ہوئی ،دوست ملک سوئٹرز لینڈ کے وزیر خارجہ کو پاکستان آمد پر خوش آمدید کہتا ہوں،دونوں ممالک کے درمیان سیاحت کو فروغ دیں گے ،پاکستان دنیا میں امن اور خوشحالی چاہتا ہے ،پاکستان خطے میں تنائو نہیں چاہتا،ماضی کی طرح و سائل کو ضائع نہیں کرنا چاہتے ، جدید ٹیکنالوجی سمیت مختلف شعبوں میں تعاون چاہتے ہیں، وزیراعظم نے سوئس وفد کے ساتھ ساتھ علحیدہ علحیدہ ملاقات بھی کی، اس موقع پر سوئس وزیر خارجہجہ اگنازئیوکاسیس نے کہا کہ پاکستان کے ساتھ تعلقات کو مضبوط بنانا چاہتے ہیں، سوئٹرز لینڈ قدرتی آفات سے نمنٹے کیلئے پاکستان کی مدد کرے گا،سوئٹزر لینڈ نے 2010کے تباہ کن سیلاب میں بھی پاکستان کی مدد کی تھی آئندہ بھی کرتے رہیں گے ۔

لاہور : وزیراعظم شہباز شریف نے پاکستان کرکٹ ٹیم کے ورلڈ کپ میں شرکت کرنے سے متعلق فیصلے کیلئے ہائی پروفائل کمیٹی تشکیل دے دی، کمیٹی کی سربراہی وزیر خارجہ بلاول بھٹو کریں گے۔پاکستان آئی سی سی ورلڈ کپ میں شرکت کرے گا یا نہیں، کمیٹی اس حوالے سے بھارت میں ورلڈ کپ سے متعلق تمام امور پر سفارشارت مرتب کر کے وزیراعظم کو بھجوائے گی جو پی سی بی کے پیٹرن ان چیف ہیں۔کمیٹی کے سربراہ وزیر خارجہ بلاول بھٹو زرداری ہیں جبکہ اس کے دیگر ارکان میں وفاقی وزراء رانا ثناء اللہ، اعظم نذیر تارڑ، مریم اورنگزیب، احسان مزاری، اسعد محمود اورامین الحق شامل ہیں۔اس کے علاوہ قمرزمان کائرہ اور طارق فاطمی بھی کمیٹی کا حصہ ہوں گے، قومی سلامتی اداروں کے سربراہان اور سیکرٹری خارجہ کو بھی اس ہائی پروفائل کمیٹی میں شامل کیا گیا ہے۔ذرائع کا کہنا ہے کہ پاکستانی ٹیم کی شرکت سے متعلق سفارشارت مرتب کیے جانے کے بعد حتمی فیصلہ کیا جائے گا کہ اس بڑے ایونٹ میں کھیلا جائے گا یا نہیں۔واضح رہے کہ کرکٹ ورلڈ کپ کا آغاز 5 اکتوبر سے بھارت میں ہو رہا ہے، بڑے ایونٹ میں پاک بھارت کے درمیان ٹاکرا 15 اکتوبر کو احمد آباد میں شیڈول ہے ۔

کراچی : کراچی میں نیگلیریا فولیری سے ایک اور شخص جاں بحق ہوگیا۔تفصیلات کے مطابق بخار میں مبتلا 21 سال کے نوجوان کو 18 جون کو نجی اسپتال لایا گیا تھا جہاں طبیعت بگڑنے پر نوجوان کو وینٹی لیٹر پر منتقل کیا گیا تھا۔محکمہ صحت کے مطابق نیگلیریا سے اب تک 6 اموات ہوچکی ہیں جن میں سے 4 افراد کا تعلق کراچی، ایک کا کوئٹہ اور ایک کا حیدرآباد سے ہے ۔

لاہور ؔ:خلیفہ سوم سیدنا حضرت عثمان غنیؓ کا یو م شہادت انتہائی مذہبی عقیدت و احترام سے منایا گیا۔ اس دن کی مناسبت سے مختلف مذہبی جماعتوں اور تنظیموں کی جانب سے ملک کے چھوٹے بڑے شہروں میں خصوصی سیمینار اور دیگر تقریبات منعقد کیں ، نمازجمعہ کے اجتماعات میں بھی حضرت عثمان غنی کے یوم شہادت کو موضوع بنایا گیا ۔محکمہ اوقاف مذہبی امور پنجاب کے زیر اہتمام داتا دربار میں امیر المومنین حضرت سیدنا عثمان غنیؓ کے یومِ شہادت کی مناسبت سے ’’حضرت سیدنا عثمان غنیؓ کانفرنس‘‘کا انعقاد کیا گیا ۔ خلیفہ سوم سید نا حضرت عثمان غنیؓ کے یوم شہادت کی مناسبت سے اخبارات نے خصوصی ایڈیشن شائع کئے ۔

پولیس ذرائع کے مطابق  عالمگیر ترین نے پستول سے اپنے سر میں گولی مارلی۔عالمگیر ترین معروف بزنس مین اور پاکستان سپر لیگ(پی ایس ایل) کی ٹیم ملتان سلطانز کے مالک اور مینیجنگ ڈائریکٹر تھے۔

پولیس ذرائع کا کہنا ہے عالمگیر ترین لاہور کے علاقےگلبرگ میں واقع اپنےگھر میں تھے، وہاں سے اطلاع ملنے پر پولیس پہنچی۔پولیس حکام کے مطابق عالمگیر ترین نے خودکشی سے قبل ایک تحریر بھی چھوڑی ہے جس میں انہوں نے اپنی بیماری کا ذکر کیا ہے۔

دوسری جانب ان کے قریبی دوستوں کا کہنا ہے انہیں عالمگیر ترین کی بیماری کا علم نہیں۔

عالمگیر ترین غیر شادی شدہ تھے، ان کے دوستوں کے مطابق عالمگیر ترین کی عمر 63 سال تھی، ان کی منگنی ہوئی تھی اور  وہ دسمبر میں شادی کرنے جا رہے تھے۔ملتان سلطانز کی جانب سے ٹوئٹرپر پوسٹ میں عالمگیر ترین کی موت پر دکھ اور افسوس کا اظہار کیا گیا ہے اور مداحوں سے درخواست کی گئی ہےکہ وہ ترین فیملی کی پرائیویسی کا خیال رکھیں۔ 

اسلام آباد :یوم تقدیس قرآن پاک آج جمعہ کو منایا جائے گا ،وفاقی حکومت نے عوام سے باہر نکلنے کی اپیل کر دی ۔تفصیل کے مطابق یوم تقدیس کے حوالے سے وفاقی حکومت کی جانب سے خصوصی لوگو جاری کردیا گیا ہے ،وفاقی وزیر اطلاعات مریم اورنگزیب نے عوام سے آج جمعہ کو یوم تقدیس قرآن پاک کیلئے باہر نکلنے کی اپیل کرتے ہوئے کہا کہ ہر شہری سویڈن میں قرآن پاک کی بے حرمتی کی مذمت کرے اور اس پیغام کو زیادہ سے زیادہ شئیر کرے،نماز جمعہ کے اجتماعات میں اس واقعہ کی شدید مذمت کی جائے گی اور عظمت قرآن کو اجاگر کیا جائے گا مساجد اور امام بارگاہوں میں بھی اسلامو فوبیا کے حوالے سے علماء اظہار خیال کرینگے۔