Category سیاست

الیکشن کمیشن آف پاکستان کے اسپیشل سیکرٹری ظفر اقبال نے کہا ہے کہ 12 اگست کو مدت مکمل ہونے پر اسمبلی تحلیل ہوئی تو 11 اکتوبر سے پہلےالیکشن کرادیں گے، اگر اس سے قبل اسمبلی تحلیل ہوئی تو 3 ماہ میں الیکشن کرا لیں گے۔

میڈیا کو بریفنگ دیتے ہوئے ظفراقبال نے مزید کہا کہ ہمیں سکیورٹی اہلکار لازمی ملیں گے، پرانی حلقہ بندیوں پر الیکشن ہو گا، الیکشن کیلئے واٹر مارک پیپر لے لیا، تمام اداروں سے رابطہ ہے، ڈی آر او اور آر او کے لیے عدلیہ سے رجوع کیا ہے، الیکشن کیلئے مکمل تیار ہیں، مواد تیار کر رکھا ہے، رجسٹرار ہائی کورٹس سے آر اوز کے لیے درخواست کی ہے۔

اسپیشل سیکرٹری الیکشن کمیشن ظفر اقبال نے کہا کہ الیکشن کمیشن انتظامی افسران ، اپنے افسران اور جوڈیشل افسران کو استعمال کر سکتا ہے، نئی انتخابی اصلاحات کے مطابق الیکشن کرائیں گے۔

علاوہ ازیں سیکرٹری الیکشن کمیشن عمر حمید نے تقریب سے خطاب میں کہا کہ پی ٹی آئی فارن فنڈنگ کا معاملہ عدالت میں ہے، سیاست میں کالے دھن سے سسٹم کو نقصان ہو  رہا ہے، ایک سال میں تدارک نہیں کیا جا سکتا، ٹیکس قوانین کو  بہتر کرنا  ہے۔

سیکرٹری الیکشن کمیشن عمر حمید نے کہا کہ پی ٹی آئی فارن فنڈنگ کا معاملہ عدالت میں ہے، ٹیکس قوانین کو بہتر کرنا ہے۔

پولیٹیکل فنانس ونگ کے مسعود شیروانی نے کہا کہ پولیٹیکل فنانس منیجمٹ انفارمیشن سسٹم قائم کیا ہے۔ متعلقہ ریگولیٹر بشمول نادرا، اسٹیٹ بینک ، ایف بی آر ، ایس ای سی پی، ان سے ڈیٹا لیا جائے گا، ان سے پروٹوکول معاہدہ کیا جا چکا ہے، چارٹرڈ اکاؤنٹنٹ کیلئے اصول تیار کیے ہیں۔ آڈٹ رپورٹ کیلئے معیار طے کیے ہیں۔ سیاسی جماعتوں کو فنانس کے حوالے سے چیک لسٹ دیں گے۔ سیاسی جماعتوں کے اثاثے ویب سائٹ پر ڈالیں گے۔

خیال رہے کہ گزشتہ روز وزیراعظم شہباز شریف نے ایم کیو ایم پاکستان کو یقین دہانی کروائی ہے کہ انتخابات پرانی مردم شماری پر کروانےکا تاحال کوئی فیصلہ نہیں ہوا۔

قبل ازیں اپنے ایک اور بیان میں وزیراعظم شہباز شریف نے واضح کیا تھا  ہماری حکومت کی مدت اگست میں  ختم ہوجائے گی، الیکشن اکتوبر، نومبر میں جب بھی ہوں گے الیکشن کمیشن اس کا اعلان کرےگا۔

اسلام آباد :توہین الیکشن کمیشن کیس میںفواد چوہدری نے ذاتی حیثیت میں الیکشن کمیشن سے معذرت کر لی۔سابق وفاقی وزیر فواد چوہدری کیخلاف توہین الیکشن کمیشن کیس کی سماعت ہوئی،چیف الیکشن کمشنر سکندر سلطان راجہ کی سربراہی میں 5 رکنی کمیشن نے سماعت کی۔ فواد چوہدری الیکشن کمیشن میں پیش ہوئے اور کہا کہ میں ذاتی حیثیت میں معذرت کر سکتا ہوں،میری معذرت قبول کریں اور شوکاز نوٹس واپس لے لیں۔انہوں نے کہا کہ پارٹی ایک ادارہ ہے میں اس کا ترجمان تھا،میں قانونی کیسز میں نہیں پڑنا چاہتا آپ کیلئے احترام ہے۔اس وقت پارٹی پوزیشن کی وجہ سے میں نے بیان دیا تھا۔ چیف الیکشن کمشنر نے استفسار کیا کہ کہ پارٹی چیئرمین آپ سے قتل کرائیں تو آپ کریں گے؟ فواد چوہدری نے جواب دیا کہ میں ایسا نہیں کروں گا۔سکندر سلطان راجہ نے کہا کہ پارٹی چیئرمین غلط بات کریں گے تو کیا آپ مان لیں گے،آپ کی پارٹی نے الیکشن کمیشن اور میری ذات کے حوالے سے کیا کیا کچھ نہیں کہا،میری اہلیہ کے بارے میں جلسے میں کہا گیا،میری فیملی کو دھمکیاں دیں اور بعد میں میڈیا پر مکر گئے۔فواد چوہدری نے کہا کہ میری معذرت قبول کریں اور کیس ڈراپ کریں جس پر چیف الیکشن کمشنر نے ریمارکس دئیے کہ آپ تحریری معافی نامہ دے دیں اگر دینا چاہتے ہیں۔ سابق وفاقی وزیر نے جواب دیا کہ میں نے زبانی معافی مانگ لی ہے، جس پر سکندر سلطان راجہ نے کہا کہ معافی تحریری ہوتی ہے۔ آپ تحریری طور پر معافی نامہ جمع کرا دیں،الیکشن کمیشن اس پر غور کر لے گا۔ چیف الیکشن کمشنر نے فواد چوہدری کو تحریری طور پر معافی نامہ جمع کرانے کی ہدایت کر دی،کیس کی سماعت یکم اگست تک ملتوی کر دی گئی۔

اسلام آباد: پاکستان تحریک انصاف کے رہنما اسد عمر نے جوڈیشل کمپلیکس کے باہر میڈیا سے گفتگو کرتے ہوئے کہا کہ مجھے اور شاہ محمود قریشی کو سائفر تحقیقات کے لیے 24 جولائی کو بلایا ہے۔وہاں جا کر حقائق بتائیں گے۔انہوں نے کہا پارٹی بن رہی ہیں، لیکن پارٹیوں کے فیصلے بند کمروں میں نہیں ہوتے، پارٹیاں عوام بناتے ہیں اور وہی چلاتے ہیں،کسی پارٹی کا فیصلہ کوئی دوسرا نہیں صرف عوام کر سکتے ہیں۔اسد عمر نے کہا کہ پرویز خٹک تجربہ کار سیاستدان ہیں مگر اب دیکھتے ہیں انہیں کیا کامیابی ملتی ہے۔اعظم خان کے مبینہ وعدہ معاف گواہ بننے پر اسد عمر نے کہا کہ اعظم خان کا 164 کا جو بیان سامنے آیا ہے ،اس میں قانونی لحاظ سے کچھ نظر نہیں آ رہا۔

اسلام آباد:سپریم کورٹ نے سابق صدر پرویز مشرف کی 2013 کے انتخابات میں نااہل قرار دینے کے خلاف دائر درخواست درخواست گزار کے انتقال اور اسمبلی کی مدت مکمل ہونے کے سبب غیر موثر ہونے کی بنیاد پر خارج قرار دے دی ہے۔ جمعرات کو عدالت عظمی میں معاملہ کی سماعت چیف جسٹس آف پاکستان کی سربراہی میں تین رکنی بنچ نے کی۔ دوران سماعت ایڈیشنل اٹارنی جنرل نے عدالت کو بتایا کہ درخواست وفات پا چکے ہیں،2013 کے عام انتخابات میں نااہلی کو چیلنج کیا گیا تھا،2013 کی اسمبلی مدت بھی ختم ہو چکی ہے،پرویز مشرف نے 2013 عام انتخابات میں چترال سے کاغذات نامزدگی جمع کروائے تھے ،پرویز مشرف کے کاغذات نامزدگی مسترد کر دیئے گئے تھے۔عدالت عظمی نے اسمبلی کی مدت مکمل ہونے اور درخواست گزار کے انتقال کے سبب معاملہ غیر موثر قرار دیتے ہوئے نمٹا دیا ہے۔۔

اسلام آباد:سپریم کورٹ نے کوئٹہ وکیل قتل کیس میں چیئرمین پی ٹی آئی کو24 جولائی کو ذاتی حیثیت میں طلب کرلیا ہے،عدالت عظمی نے اس موقع پر پراسیکوٹر جنرل بلوچستان کی جواب جمع کروانے کیلئے مہلت دینے کی استدعا منظور کرتے کیس کی سماعت آئندہ سوموار تک کیلئے ملتوی کر دی ہے۔ جمعرات کو عدالت عظمی میں چیئرمین پی ٹی آئی کی درخواست پر سماعت جسٹس یحییٰ خان آفریدی کی سربراہی میں تین رکنی بینچ نے کی۔دوران سماعت جسٹس یحیی آفریدی نے وکیل چیئرمین پی ٹی آئی لطیف کھوسہ سے استفسار کیا ریلیف لینے کیلئے درخواست گزارکوذاتی حیثیت میں پیش ہوکرعدالت کے سامنے سرنڈرکرنا ہوتا ہے،چیئرمین پی ٹی آئی کو کہیں کہ وہ خود عدالت میں پیش ہوں، جسٹس مظاہرعلی اکبر نقوی نے پوچھا کیاچیئرمین پی ٹی آئی آج پیش ہوسکتے ہیں؟ وکیل لطیف کھوسہ نے کہاکہ ایک گھنٹے میں سپریم کورٹ آجائیں گے، جسٹس مظاہرعلی اکبرنقوی نے کہاکہ چئیرمین پی ٹی آئی کو آج آنے کا کہہ دیتے ہیں، جسٹس یحییٰ آفریدی نے ریمارکس دیے کہ بہترہوگا پہلے حکومتی وکیل کا اس کیس میں جواب آجائے پھرچئیرمین پی ٹی آئی پیش ہوں۔ وکیل شکایت کنندگان امان اللہ کنرانی نے اس موقع پر عدالت کو بتایا کہ وکیل قتل کیس میں معاملہ چیئرمین پی ٹی آئی کے جے آئی ٹی کے سامنے پیش ہونے کا ہے، وکیل چیئرمین پی ٹی آئی لطیف کھوسہ نے کہا کہ وکیل قتل کیس میں بنائی گئی جے آئی ٹی کو ہم تسلیم نہیں کرتے،جسٹس یحییٰ آفریدی نے اس موقع پر کہا کہ عبوری ریلیف لینے کے لیے درخواست گزار کو ہر صورت عدالت میں پیش ہونا ہو گا، ایف آئی آر ختم کرانے کے لیے چیئرمین پی ٹی آئی نے متعلقہ فورم سے رجوع کیوں نہیں کیا؟لطیف کھوسہ نے بتایا کہ بلوچستان ہائیکورٹ سے ہو کر ہی سپریم کورٹ آئے ہیں اور یہی متعلقہ فورم ہے۔ جسٹس مظاہر علی نقوی نے ا س موقع پر درخواست گزار کے وکیل کو مخاطب کرتے ہوئے کہا کہ آپ اس معاملے کو سنجیدگی سے لیں،ضمانت اور ایف آئی آر ختم کرانے کے لیے درخواست گزار کو خود آنا پڑتا ہے،چیئرمین پی ٹی آئی کے خلاف مقدمہ ختم کرنے کی درخواست میں ایف آئی آر کی کاپی موجود ہی نہیں ہے،آپ کی درخواست میں درج ہونا چاہیے کہ چیئرمین پی ٹی آئی کے خلاف مقدمہ بے بنیاد ہے،جب تفتیشی افسر چیئرمین پی ٹی آئی کو ملزم کہا ہی نہیں تو مقدمہ کیسا؟لطیف کھوسہ نے اس موقع پر بتایا بتایا کہ چیئرمین پی ٹی آئی کے خلاف دہشتگردی کی دفعات کا مقدمہ درج ہے، جس پر جسٹس مظاہر نقوی نے کہا کہ تفتیشی کا موقف ہے کہ چیئرمین پی ٹی آئی تفتیش میں تعاون ہی نہیں کر رہے،بتایا جائے کہ چیئرمین پی ٹی آئی کے خلاف ناقابل ضمانت وارنٹ آف گرفتاری کس نے اور کیسے نکالے ہیں؟وکیل بلوچستان حکومت نے بتایا کہ ہماری اطلاعات کے مطابق چیئرمین پی ٹی آئی کے خلاف ایسے کوئی وارنٹ نہیں ہیں، جسٹس مسرت ہلالی نے اس موقع پر پوچھا کہ کیا ابھی بھی شکایت کنندہ چیئرمین پی ٹی آئی کو ملزم ٹھہراتے ہیں؟ لطیف کھوسہ بتایا کہ مقتول کی بیوہ نے کہا ہے کہ چیئرمین پی ٹی آئی کا ان کے شوہر کے قتل سے کوئی تعلق نہیں،عبدالرزاق شر کے سوتیلے بیٹے نے چیئرمین پی ٹی آئی کے خلاف مقدمہ درج کرایا ہے، جسٹس مسرت ہلالی نے پھر پوچھا کیا عبدالرزاق شر کے سوتیلے بیٹے کے خلاف کوئی انکوائری ہوئی؟ وکیل امان اللہ کنرانی نے بتایا کہ عبدالرزاق شر کا بیٹا اس کیس میں مدعی ہے بیوہ نہیں۔ بعد ازاں عدالت عظمی نے معاملہ کی سماعت سوموار 24 جولائی تک کیلئے ملتوی کر دی ہے۔۔۔۔

اسلام آباد:ڈسٹرکٹ اینڈ سیشن کورٹ اسلام آباد نے غیر شرعی نکاح سے متعلق کیس میں چیئرمین تحریک انصاف عمران خان کی ایک روز کیلئے حاضری سے استثنیٰ کی درخواست منظور کرلی. سول جج قدرت اللہ نے چیئرمین پی ٹی آئی اور ان کی اہلیہ بشری بی بی کے غیر شرعی نکاح سے متعلق کیس کی سماعت کی۔ رخواست گزار محمد حنیف عدالت میں پیش ہوئے جبکہ چیئرمین پی ٹی آئی کی جانب سے شیر افضل مروت کورٹ میں پیش ہوئے۔وکلا کی جانب سے چیئرمین پی ٹی آئی کی ایک روز کیلئے حاضری سے استثنیٰ کی درخواست دائر کی گئی۔ عدالت نے عمران خان کی حاضری سے استثنیٰ کی درخواست منظور کرلی۔وکیل شیر افضل مروت کی جانب سے وکالت نامہ بھی جمع کروا دیا گیا ہے۔وکیل شیر افضل نے عدالت کو بتایا کہ سیشن جج کے فیصلے کو اسلام آباد ہائیکورٹ میں چیلنج کر رکھا ہے۔انھوں نے کہا کہ عدت کیس بے بنیاد اور سیاسی مقاصد کیلئے بنایا گیا۔جج قدرت اللہ نے ریمارکس دیے کہ آپ درخواست دائر کردیں نوٹس کر کے درخواست گزار کا موقف جاننا ضروری ہے۔جس کے بعد عدالت نے سماعت میں وقفہ کر دیا۔یاد رہے کہ گزشتہ روز چیئرمین پاکستان تحریک انصاف عمران خان نے غیرشرعی نکاح کیس کو قابل سماعت قراردینے کے خلاف اسلام آباد ہائیکورٹ میں اپیل دائر کرائی تھی۔منگل کو اسلام آباد کی سیشن کورٹ میں سول جج قدت اللہ نے محفوظ شدہ فیصلہ سْناتے ہوئے اس کیس کو قابل سماعت قرار دیا تھا۔وکیل راجہ رضوان عباسی کا کہنا تھا کہ عدت کے دوران شادی غیر قانونی ہے، ایسا کہنا فراڈ ہے کہ 2018 کے پہلے دن شادی کریں گے تو وزیرِ اعظم بن جائیں گے۔انہوں نے کہا کہ جنوری 2018 میں بشریٰ بی بی عدت میں تھیں۔ان کی طلاق نومبر میں ہوئی تھی۔ اگر شادی قانونی تھی تو دوبارہ نکاح کیوں کیا۔بنی گالہ سے فراڈ شروع ہوا اور نکاح لاہور میں ہوا۔ نکاح خواں کو بھی اسلام آباد سے نکاح کے لیے لے جایا گیا، فروری 2018 میں عمران خان اور بشریٰ بی بی کا نکاح دوبارہ اسلام آباد میں پڑھایا گیا۔۔۔

اسلام آباد:چیئرمین پاکستان تحریک انصاف عمران خان نے غیرشرعی نکاح کیس کو قابل سماعت قراردینے کے خلاف اسلام آباد ہائیکورٹ میں اپیل دائر کردی۔اسلام آباد کے سیشن کورٹ میں سول جج قدت اللہ نے گزشتہ روز محفوظ شدہ فیصلہ سْناتے ہوئے اس کیس کو قابل سماعت قراردیا تھا،تفصیلات کے مطابق عدالت نے کیس قابل سماعت قراردینے کے علاوہ عمران خان اور بشریٰ بی بی کی 20 جولائی کو طلبی کے لیے نوٹس جاری کیے تھے۔گزشتہ روز غیرشرعی نکاح کیس میں درخواست گزارکے وکیل رضوان عباسی نیدلائل دیے تھے۔وکیل راجہ رضوان عباسی کا کہنا ہے کہ عدت کے دوران شادی غیر قانونی ہے۔ایسا کہنا فراڈ ہے کہ 2018 کے پہلے دن شادی کریں گے تو وزیرِ اعظم بن جائیں گے۔انہوں نے کہا کہ جنوری 2018 میں بشریٰ بی بی عدت میں تھیں۔ان کی طلاق نومبر میں ہوئی تھی۔اگر شادی قانونی تھی تو دوبارہ نکاح کیوں کیا۔بنی گالہ سے فراڈ شروع ہوا اور نکاح لاہور میں ہوا۔ نکاح خواں کو بھی اسلام آباد سے نکاح کے لیے لے جایا گیا۔فروری 2018 میں عمران خان اور بشریٰ بی بی کا نکاح دوبارہ اسلام آباد میں پڑھایا گیا۔واضح رہے کہ عمران خان کیخلاف دوران عدت نکاح کا مقدمہ چند روز پہلے دوبارہ کھل گیا تھا جب 13 جولائی کو ڈسٹرکٹ اینڈ سیشن کورٹس اسلام آباد کے سیشن جج اعظم خان نے چئیرمین پی ٹی آئی کے خلاف غیر شرعی نکاح کیس پر دائر اپیل منظور کی تھی۔فاضل عدالت نے غیر شرعی نکاح کیس قابل سماعت قرار دیتے ہوئے سول جج نصر مِن اللہ کے فیصلے کو کالعدم قرار دیتے ہوئے سول کورٹ کو دوبارہ سننے کی ہدایت کی تھی۔سول جج نصرمِن اللہ نے چیئرمین پی ٹی آئی کے خلاف غیر شرعی نکاح کیس ناقابلِ سماعت قرار دیتے ہوئے کہا تھا کہ دوران عدت نکاح کا معاملہ عدالت کے دائرہ اختیار سے باہر ہے۔

لاہور :وزیر آباد فائرنگ کیس میں شریک ملزم طیب جہانگیر بٹ کی ضمانت منظور کرلی گئی۔لاہور ہائیکورٹ میں جسٹس عالیہ نیلم اور جسٹس شہرام سرور پر مشتمل ڈویژنل بنچ نیدرخواست ضمانت پر سماعت کی۔شریک ملزم طیب جہانگیر کی طرف سے میاں دائود ایڈووکیٹ عدالت میں پیش ہوئے۔ملزم کے وکیل نے عدالت کو بتایا کہ پولیس نے طیب جہانگیر کو 4نومبر2021ء سے گرفتار کر رکھا ہے، جے آئی ٹی نے طیب جہانگیر کی 10 جنوری کو گرفتاری ظاہر کی، جے آئی ٹی سربراہ نے طیب جہانگیر پر تشدد کرکے مرضی کے بیانات لئے۔وکیل میاں داد نے کہا کہ 6 ماہ کی تفتیش میں پراسیکیوشن ایک بھی ٹھوس شہادت اکٹھی نہیں کرسکی، اور استدعا کی کہ لاہور ہائیکورٹ شریک ملزم طیب جہانگیر کو ضمانت پر رہا کرنے کا حکم دے۔دوران سماعت پراسیکیوشن کی طرف سے مقدمے کا ریکارڈ عدالت میں پیش کیا گیا۔سرکاری وکیل نے بتایا کہ طیب جہانگیر کو شریک ملزم وقاص کے بیان پر نامزد کیا گیا۔وکیل میاں داد نے کہا کہ طیب بٹ کی وقوعہ میں شمولیت یا سازش کی کوئی شہادت موجود نہیں۔عدالت نے 5 لاکھ کے مچلکوں کے عوض ملزم طیب جہانگیر کی ضمانت منظور کرلی۔خیال رہے کہ وزیرآباد فائرنگ واقعے میں اب تک مرکزی ملزم نوید سمیت 5 افراد کو حراست میں لیا جاچکا ہے۔

لا: پاکستان تحریک انصاف کے مرکزی صدر و سابق وزیراعلی پنجاب چودھری پرویز الٰہی کو اڈیالہ جیل منتقل کردیا گیا۔ذرائع کے مطابق پرویز الٰہی کو بدھ کی صبح کیمپ جیل لاہور سے اڈیالہ جیل راولپنڈی منتقل کیا گیا ۔ ذرائع کا کہنا ہے کہ صدر پاکستان تحریک کو لاہور سے بذریعہ موٹروے روالپنڈی کی اڈیالہ جیل منتقل کیا گیا۔واضح رہے کہ پرویز الٰہی رقم کی مشکوک ٹرانزیکشنز کیس میں جوڈیشل ریمانڈ پرجیل میں ہیں ۔ انہیں 26 جون کو اینٹی کرپشن کیس میں ضمانت کے بعد ایف آئی اے نے حراست میں لیا تھا۔

اسلام آباد:سول شہریوں کے ملٹری ٹرائل کے خلاف زیر سماعت درخواستوں کی سماعت کے موقع پر اٹارنی جنرل آف پاکستان بیرسٹر منصور عثمان اعوان نے عدالت کو بتایا ہے کہ 9 مئی کو ملک بھر کے حساس فوجی تنصیبات پر حملہ 3 بجے سے لے کر 7 بجے تک کئے گئے،تمام حساس فوجی تنصیبات پر حملہ تقریباً ایک ہی وقت پر ہوا، کور کمانڈر ہاؤس پر حملہ 5 بجکر 40 منٹ پر ہوا،جی ایف بیس میانوالی جہاں حصاری دیوار گرائی گء وہاں معراجِ طیارے کھڑے تھے،پی اے ایف بیس میانوالی میں جہازوں کے استعمال کے لیے فیول بھی موجود تھا،نو مئی کے واقعات میں مجموعی طور پر 2 ارب 50 کروڑ روپے کا نقصان ہوا۔بدھ کو عدالت عظمی میں معاملے کی سماعت چیف جسٹس آف پاکستان کی سربراہی میں چھ رکنی لارجر بنچ نے کی۔دودان سماعت اٹارنی جنرل نو مئی واقعات کی تصاویر عدالت میں پیش کرتے ہوئے بتایا کہ تصاویر میں دیکھا جا سکتا ہے جس طرح لوگ جی ایچ کیو میں داخل ہوئے ،حمزہ کیمپ آئی ایس آئی آفس راولپنڈی پر بلوائیوں نے حملہ کیا،سگنل میس اور اے ایف آئی سی پر بھی حملہ کیا گیا،چکلالہ راولپنڈی میں بھی پرتشدد واقعات رونما ہوئے،پیٹرول بم استعمال کیے گیے،کور کمانڈر آفس اور وہاں موجود مسجد کو بھی نقصان پہنچایا گیا، اٹارنی جنرل نے عدالت میں جمع کرائی تصاویر میں سپریم کورٹ کے سامنے کور کمانڈر لاہور کی وردی چرا کر پہنچنے والے حملہ آور جی تصویر پیش کر دی گئی۔ اٹارنی جنرل نے بتایا کہ لاہور میں سی ایس ڈی کو جلا دیا گیا،فوج ہتھار چلانے میں مکمل تربیت یافتہ ہوتی ہے،9 مئی کے واقعہ پر فوج نے لچک کا مظاہرہ کیا،فیصل آباد ائی ایس ائی دفتر میں ملوث افراد مسلح تھے ،لاہور اور پشاور کور کمانڈر ہوسز کو مکمل طور پر تباہ کیا گیا،تمیرگرہ میں سکول کو نقصان پہنچایا گیا،پنجاب رجمنٹ مردان سنیٹر،بلوچستان رجمنٹ ایبٹ آباد پر حملہ کیا گیا،موٹروے ٹول پلازہ سوات کو جلایا گیا مگر اس کاروائی کی ویڈیو نہیں،9 مئی کو بلوچستان اور سندھ میں صورتحال قابو میں تھی،فوجی افسران کی پولیس کی طرح مظاہرین سے نمٹنے کی تربیت نہیں ہوتی، چیف جسٹس پاکستان نے اس موقع پر پوچھا کہ کیا آپ یہ کہہ رہے ہیں کہ فوجی صرف گولی چلانا جانتے ہیں؟جس پر اٹارنی جنرل نے بتایا کہ فوجی افسران کو اس طرح کے جتھوں کو منتشر کرنا نہیں سکھایا جاتا،کور کمانڈر ہاؤس، جی ایچ کیو، ائیربیسز سمیت کئی حساس تنصیبات پر ایک ساتھ منظم انداز میں حملہ کیا گیا،مجموعی نقصان میں فوجی تنصیبات کا نقصان 1.99ارب روپے تک کا ہے ،ان واقعات کے دوران دوپچاس سے زائد لوگ زخمی ہوئے،زخمیوں میں ایک سو چوراسی قانون نافز کرنے والے اداروں کے لوگ شامل ہیں،9 مئی کے واقعات اچانک نہیں منظم طریقے سے کیے گے،پاکستان کو اندرونی اور بیرونی دہشت گردی کا سامنا رہا،اٹارنی جنرل نے استدعا کی کہ سپریم کورٹ ان وجوہات کی بنا پر فل کورٹ تشکیل دیکر مقدمے کی سماعت کرے۔ اٹارنی جنرل نے کہا کہ پاکستان کی تاریخ میں اس سے پہلے ایسا نہیں ہوا،لیاقت حسین کیس میں جرم سویلین نوعیت کا تھا م،21 ویں آئینی ترمیم میں بھی جرم سویلین نوعیت کا تھا،جسٹس مظاہر علی اکبر نقوی نے اس موقع پر کہا کہ وہاں صورتحال باکل مختلف تھی،ائینی ترمیم کرکے فوجی عدالتیں قائم کی گی تھی۔چیف جسٹس نے کہا کہ آپ کہہ رہے ہیں کہ ایسا پہلی بار ہوا کہ عوام نے فوجی تنصیبات پر حملے کئے،درخواست گزاروں نے جو نکات اٹھائے ان پر بھی بات کریں ، یہ بتائیں سیکشن 7 کے تحت ملٹری کورٹس میں سزا کتنی ہے؟اٹارنی جنرل نے بتایا کہ سیکشن 7 اور 9 کے تحت ملٹری عدالتوں میں سزا دو سال قید ہے جس پر چیف جسٹس نے پوچھا کیا یہی سزا زیادہ سے زیادہ بنتی ہے۔ اٹارنی جنرل نے بتایا کہ جی،یہی سزا بنتی ہے۔ چیف جسٹس نے اس موقع پر کہا کہ عام عدالتوں میں تو پھر سزا زیادہ بنتی ہے،سول قوانین کے تحت زیادہ سنگین سزائیں موجود ہیں،9 مئی کے واقعات مین سنگینی کا پہلو موجود ہے،میری یاداشت میں ماضی کا ایسا کوئی واقعہ موجود نہیں جب ملک بھر میں اداروں ہر حملہ ہوا ہو،اٹارنی جنرل شفاف ٹرائل اور پراسس کی یقین دہانی کروائیں توپھر آئینی سوال پر آتے ہیں،یقینی طور پر عدالت غیر آئینی چیز کی اجازت نہیں دے گی،ملٹری کورٹس میں ٹرائل کے بعد موثر اپیل کا حق ملے گا یا نہیں؟عدالت عظمی نے اس سوال پر اٹارنی جنرل کو آئندہ سماعت پر اس بابت عدالت کو مطمئن کرنے کی ہدائیت کر دی ہے۔اٹارنی جنرل نے بتایا کہ میانوالی میں ایم ایم عالم کا استعمال کردہ جہاز توڑ دیا گیا۔جسٹس منیب اختر نے اس موقع پر ریمارکس دیئے کہ اپ نے جو مواد ریکارڈپر رکھا وہ تفتش ہی بنیاد بنے گا،آپ نے جو ڈیٹا پیش کیا اس کے حقائق،الزامات کی نوعیت بہت سنگین ہے۔اٹارنی جنرل نے عدالت کے استفسار پر بتایا کہ سیکشن 3 کے معاملے پر حکومت سے ہدایت لیکر عدالت کو آگاہ کرونگا،میں نے ٹرائل سے پہلے شواہد کی سمری پیش کی ہے،ٹراٹل کے لیے اگر عدالت بہتر تجویز دے تو اس پر عمل کریں گے۔جسٹس مظاہر علی اکبر نقوی نے اس موقع پر کہا کہ فیصلوں میں ملٹری کورٹس صرف اتنا ہی لکھتی ہیں کہ جرم ثابت ہوا یا نہیں، چیف جسٹس نے پوچھا کیا فوجی عدالتوں میں تفصیلی وجوہات ہوں گی۔اٹارنی جنرل نے بتایا کہ اگر عدالت حکم دے تو وہ وجوہات بھی فوجی عدالتوں کے فیصلے میں شامل ہوں گی۔بعد ازاں کیس کی سماعت جمعہ 21 جولائی تک کیلئے ملتوی کر دی گئی ہے۔