Tag Balochistan

کراچی(ایمرا نیوزآن لائن رپورٹ مظہرمحمود سے) کراچی کے علاقے سائٹ ایریا میں روئی کے گودام میں لگی آگ پر 11 گھنٹے بعد بھی قابو نہ پایا جاسکا، آگ سے متاثر گودام کی چھت کا ایک حصہ گر گیا ہے۔سائٹ ایریا میں غنی چورنگی کے قریب واقع روئی کے گودام میں اچانک آگ بھڑک اٹھی، ابتدائی طور پر آگ پر قابو پانے کے لیے 5 فائر ٹینڈر روانہ کیے گئے، تاہم آگ نے فیکٹری کے بڑے حصے کو اپنی لپیٹ میں لے رکھا ہے۔ذرائع کا بتانا ہے کہ آگ کی شدت دیکھتے ہوئے مزید فائر ٹینڈر روانہ کئے گئے، جبکہ آگ کے باعث گودام میں رکھی روئی کی درجنوں گانٹھے جل گئیں ۔چیف فائر آفیسرکے مطابق گودام میں لگنے والی آگ تیسرے درجے کی ہے، گودام میں روئی کی گانٹھیں موجود ہیں، آگ بجھانے میں کافی وقت لگے گا۔انہوں نے کہا کہ گودام میں گنجائش سے زیادہ مال بھرا گیا ہے، گودام میں ہزاروں کی تعداد میں چنے اور دالوں کی بوریاں بھی موجود ہیں۔گودام میں موجود آگ سے بچ جانےوالی روئی کی گانٹھوں کو وہاں سے منتقل کردیا گیا ہے، کئی گھنٹے گزرجانے کے بعد بھی آگ پر قابو نہیں پایا جا سکا ہے۔

ملتان(ایمرا نیوزآن لائن رپورٹ عمر خالد سے) پنجاب کے شہر ملتان میں سابقہ بیوی کی جعلی فحش ویڈیو بنا کر بلیک میل کرنے والے شخص کو ایف آئی اے سائبر کرائم ونگ نے گرفتار کر لیا ہے۔ایف آئی اے حکام کے مطابق خاتون نے ایف آئی اے سائبر کرائم ونگ کو درخواست دی تھی کہ اس کے سابق شوہرمحمد نعیم انصاری نے جعلی فحش ویڈیو بنا کر اس سے رقم کا مطالبہ کیا ہے۔درخواست میں خاتون نے یہ بھی کہا ہے کہ اس کے انکار پر اس کے سابق شوہر نے جعلی ویڈیو اس کے عزیز و اقارب کو بھیج دی۔درخواست پرتحقیقات کی گئی اور ملزم کو گرفتار کرکے اس کے خلاف مقدمہ درج کر لیا گیا۔

فیصل آباد(ایمرا نیوز آن لائن) پنجاب کے سرکاری ہسپتالوں میںایکسرے ، الٹرا ساﺅنڈ، ایم آر آئی اور آپریشن سمیت 561ٹیسٹوں کی فیسوں میں 100 فیصد اضافے کی تجویز پر گہری تشویشن کا اظہار کرتے ہوئے صدر انجمن تاجران سٹی فیصل آباد خواجہ شاہد رزاق سکا،جنرل سیکرٹری چوہدری محمود عالم جٹ اور سینئر تاجر رہنماﺅںمیاں شاہد گوگی ،مرزا طالب صدیق بیگ ،مرزا مظہر صدیق بیگ ،مرزا محمد شفیق ،میاں اشر ف مٹھو،حاجی شمشاد ،مرزا اشرف مغل ،شیخ سعید،راﺅ ہاشم علی ، خواجہ عماد خالد سکا،عبدالقیوم انور، میاں مبین شہزاد ، مظفر یوسف کھوکھر، شیخ وحید ببر،چوہدری محمد اکرم اوردیگرنے کہا ہے کہ ایسے معاشرے میں جہاں خطرناک بیماریو ں اور غربت کی شرح بڑھ رہی ہو۔غریب عوام جو نجی (پرائیویٹ )ہسپتالوں اور ڈاکٹروںکی بھاری فیسوں کا بوجھ نہیں اٹھا سکتے پنجاب حکومت کے اس اقدام سے صوبہ کے غریبوں سے ٹھوڑی بہت صحت ملنے والی سہولتیں چھننا کسی طرح بھی جائز نہیں صدر انجمن تاجران سٹی خواجہ شاہد رزاق سکانے کہا کہ ابھی تک عوام ادویات کی قیمتوں میں بے تحاشہ اضافے سے پریشان ہیںوزیر اعظم عمران خان صوبہ کے سرکاری ہسپتالوں میں ٹیسٹ اور آپریشن فیسوں میں اضافے کو روکنے اور سستی دواﺅں کے امکانات کا در کھلا رکھنے کا حکم دیںکیونکہ پنجاب حکومت کی یہ تجویز وفاقی حکومت کی پالیسیوں کے خلاف ہے جو صحت کارڈ تقسیم کرکے عوام کو علاج معالجے کی سستی سہولتیں فرا ہم کرنے کے عزم پر کار بند ہیں انہوںنے کہا کہ نئی حکومت کے قیام کے بعد جسطرح مہنگائی اور قیمتوں میں بے لگام اضافے کا رجحان سامنے آیا ہے اس سے عوامی سطح پر حکومت کے بارے میں منفی تاثر پھیل رہا ہے اب پنجاب حکومت کے ااقدام سے علاج مزید مہنگا ہو جائیگا تاجر رہنماﺅں نے وزیر اعظم عمران خان سے مطالبہ کیا ہے پنجاب حکومت کو ایسا کرنے سے روکا جائے بصورت دیگر غریب و متوسط طبقہ جن کےلئے علاج کی سہولتیں پہلے ہی ناپید ہیںائندہ انہیں سرکاری ہسپتالوں کے مہنے ٹیسٹ اور مارکیٹ سے مہنگی دوائیں خریدنے کی سکت نہ ہونے کی وجہ سے بے بسی و لاچاری کا سامنا ہوگا انہوں نے کہا کہ نئے پاکستان اور تبدیلی کا نعرہ لئے اقتدار میں آنے والی موجودہ حکومت سے عوام کو امید تھی کہ اس حکومت میں پرانی غلطیاں اور کوہتائیاں نظر نہیں آئیں گی لیکن عمران خان نے وزیر اعظم بنکر قوم کی تمام امیدوں پر پانی پھیر دیا ان حالات میں حکومت کو کم ازکم اتنا احساس کرنا چاہئے تھا کہ عام آدمی اور کم آمدنی والے طبقے کےلئے یہ اضافہ جان لیوا ثابت ہوگا اور پنجاب حکومت کے اس اقدام سےPTI حکومت کے خلاف عوام کا غصہ مزید بڑھے گااور عمران خان کی 22 سالہ جد وجہد کو بھی نقصان پہنچے گا ۔

فیصل آباد(ایمرا نیوز آن لائن) جھنگ روڈ رحمانیہ کالونی میں موٹر سائیکل سوار طالب علم کی گلے میں کیمیکل ڈور پھرنے سے ہلاکت پرایس ایچ او فیکٹری ایریا معطل کردیا گیا ،فیصل آبادچند روز میں کیمیکل ڈور پھرنے سے ایک خاتون سمیت چار افراد جاں بحق اور 25سے زائد افراد زخمی ہوچکے ہیں آن لائن کے مطابق خالدہ آباد گلی نمبر تین کا رہائشی بائیس سالہ وقاص ولد محبوب الٰہی تھرڈ ایئر کا طالب علم تھا ،گزشتہ شام سات بجے کے قریب پارٹ ٹائم کلینک پر ڈیوٹی دینے کیلئے موٹر سائیکل پر جارہا تھا کہ جھنگ روڈ رحمانیہ روڈ پر گلے میں دھاتی ڈو ر پھر گئی جسے تشویشناک حالت میں ریسکیو کی امدادی ٹیم نے الائیڈ ہسپتال منتقل کیا جہاں طبی امداد ملنے سے پہلے ہی جان کی بازی ہار گیا ، یاد رہے کہ بسنت پر پابندی کے باوجود اسی تھانہ کے علاقہ پرتاب نگر میں ہوائی فائرنگ کے دوران بلقیس بی بی تھانہ سرگودھا روڈ کے علاقہ تاج کالونی گلی نمبر تیرہ میں رہائش پذیر تیرہ سالہ حمزہ اور تھانہ سول لائن کے علاقہ نیو سول لائن گلی نمبر چھ میں پی ایچ ا ے ملازم اٹھائیس سالہ محمد شکیلموت کا شکار ہوئے تھت پتنگ بازی کے دوران دو درجن کے قریب افراد ہوائی فائرنگ اور گلے میں ڈور اورگرنے کے واقعات میں بھی زخمی ہوئے اور تھانہ سول لائن کے علاقہ میں پتنگ بازی کے دوران نوجوان کی کرنٹ لگنے سے ہلاکت ہوئی تھی ریجنل پولیس آفیسر غلام محمود ڈوگر نے رحمانیہ روڈ پر نوجوان کی ہلاکت کی رپورٹ طلب کرلی قائم مقام سی پی او کا چارج سنبھالنے والے ایس ایس ایچ او فیکٹری ایریا علی عمران جپہ کو معطل کرتے ہوئے پولیس لائن رپورٹ کرنے کاحکم دیا ۔

اسلام آباد(ایمرا نیوز آن لائن ) پاکستان کی کم عمر ایتھلیٹ عائشہ ایاز کو وزیراعظم عمران خان نے ملاقات کے لیے بلا لیا،کم عمر ترین کھلاڑی کا اعزاز حاصل کرنے والی عائشہ ایاز نے ورلڈ تھائی کوانڈون کے تین مقابلوں میں کانسی کا تغمہ جیتنے کے بعد اپنی جیت وزیراعظم عمران خان کے نام کر دی تھی۔ تفصیلا ت کے مطابق وزیراعظم کے معاون خصوصی افتخار درانی نے کہا ہے کہ عائشہ ایاز کو وزیراعظم عمران خان سے ملاقات کی باقاعدہ دعوت دی جا رہی ہے8 سالہ عائشہ ایاز کی جلد وزیراعظم عمران خان سے ملاقات کروائی جائے گی۔واضح رہے سوات کی 8 سالہ عائشہ ایاز نے دوبئی میں ورلڈ تھائی کوانڈون کے تین مقابلوں میں کانسی کا تغمہ جیتا تھا۔اس کامیابی کے ساتھ عائشہ کو ملک بھر میں کم عمر ترین کھلاڑی کا اعزاز بھی حاصل ہوا،عائشہ سوات کی رہائشی ہے عائشہ ایا ز نے اپنی کا میا بی وزیر اعظم عمر ان خان کے نا م کی تھی ۔ وزیراعظم عمران خان ہمیشہ پاکستان میں ٹیلنٹ کی قدر کرتے ہیںوہ مخلتف شعبوں میں کارگردگی دکھانے والے نوجوانوں کی حوصلہ افزائی بھی کرتے ہیںوزیراعظم عمران خان نے دو روز قبل کیلی گرافر مس سونیا سے بھی ملاقات کی تھی جنھوں نے قومی ترانے کے الفاظ میں بنی وزیراعظم خان کی تصویر بنائی تھی عمران خان کیلی گرافر مس سونیا کے فن سے متاثر ہو گئے تھے۔

آصف زرداری کے خلاف مزید شواہد مل چکے ہیں لہذا بریت ختم کرکے ملزم کو نااہل قرار دیا جائے، نیب
راولپنڈی(آن لائن)نیب راولپنڈی نے سابق صدر کے خلاف اثاثہ جات کیس میں بریت کے خلاف اپیل ری اوپن کرادی۔ میڈیا رپورٹ کے مطابق آصف علی زرداری کے خلاف شکنجہ سخت ہوگیا، نیب راولپنڈی نے سابق صدر کے خلاف اثاثہ جات کیس میں بریت کے خلاف اپیل ری اوپن کرادی۔ نیب نے اپنی اپیل میں موقف اختیار کیا کہ آصف زرداری کے خلاف ریفرنس مضبوط ہے اور اس میں مزید شواہد بھی مل چکے لہذا بریت ختم کرکے ملزم کو کڑی سزا اور نااہل قرار دیا جائے۔ دوسری جانب جسٹس قاسم خان نے نیب کی درخواست منظور کرتے ہوئے اپیل 6 مارچ کو سماعت کے لئے مقرر کردی جب کہ ہائی کورٹ نے احتساب عدالت کو نوٹس کرتے ہوئے ریکارڈ بھی طلب کر لیا۔واضح رہے کہ راولپنڈی کی احتساب عدالت نے سابق صدر آصف علی زرداری کو غیر قانونی اثاثہ جات ریفرنس کیس میں بری کردیا تھا۔

کراچی کے میچز کے ٹکٹ 500 سے 12 ہزار ، لاہور کے میچز کے ٹکٹ ایک ہزار سے 12 ہزار تک فروخت کرنےکا فیصلہ
لاہور (ایمرا نیوز آن لائن)پاکستان سپر لیگ4کے پاکستان میں ہونے والے 8میچز کا کم سے کم ٹکٹ 500 روپے رکھنے کا فیصلہ کیا گیا ہے۔ذرائع کے مطابق پی ایس ایل کے چوتھے ایڈیشن میں کراچی اور لاہور میں شیڈول میچز کی آن لائن بکنگ رواں ہفتے سے شروع ہوگی ،ان میچز کے لیے مہنگا ترین ٹکٹ 12 ہزار روپے اور سستا ترین ٹکٹ 500 روپے رکھنے کا فیصلہ کیا گیا ہے۔،کراچی کے نیشنل سٹیڈیم میں کھیلے جانے والے 5 میچز کے ٹکٹ 500 روپے سے لے کر 12 ہزار روپے تک ہوں گے جب کہ قذافی سٹیڈیم، لاہور میں شیڈول تین میچز کے ٹکٹ ایک ہزار روپے سے 12 ہزار روپے تک میں فروخت ہوں گے،17مارچ کو نیشنل سٹیڈیم ،کراچی میںشیڈول فائنل میچ کے ٹکٹوں کی قیمت زیادہ رکھنے کا فیصلہ کیا گیا ہے۔یاد رہے کہ پی ایس ایل فور کے لاہور میں میچز 9، 10 اور 12 مارچ کو ہوں گے جب کہ کراچی میں کھیلے جانے والے میچز 7، 10، 13، 15 اور 17 مارچ کو ہوں گے۔یاد رہے کہ پاکستان کرکٹ بورڈ (پی سی بی) کے زیر اہتمام پاکستان سپر لیگ کا چوتھا ایڈیشن 14 فروری سے یو اے ای اور پاکستان میں شروع ہوگا، لیگ کا فائنل 17مارچ کو کراچی میں کھیلا جائیگا، لیگ میں 6 ٹیمیں ٹائٹل کے حصول کیلئے پنجہ آزمائی کرینگی، لیگ رانڈ روبن فارمیٹ کے تحت کھیلی جائیگی۔ ابتک اسلام آباد یونائیٹڈ کی ٹیم دو دفعہ اور پشاور زلمی کی ٹیم ایک بار لیگ جیت چکی ہے۔پاکستان سپر لیگ کا افتتاحی میچ 14فروری کو دفاعی چمپئن اسلام آباد یونائیٹڈ اور لاہور قلندرز ٹیموں کے درمیان دبئی میں کھیلا جائیگا۔ پی ایس ایل کے چوتھے ایڈیشن میں فائنل سمیت کل 34 میچز کھیلے جائیں گے جس میں سے آخری 8 میچز پاکستان کے شہروں لاہور اور کراچی میں کھیلے جائینگے۔ لاہور میں 3 میچز جبکہ فائنل سمیت پانچ میچز کراچی میں کھیلے جائینگے۔نیشنل سٹیڈیم، کراچی میں پہلا میچ 7 مارچ کو کراچی کنگز اور پشاور زلمی کے مابین فلڈ لائٹس میں ہوگا جبکہ لاہور میں پہلامیچ 9 مارچ کو لاہور قلندر اور اسلام آباد یونائیٹڈ کے مابین کھیلا جائیگا۔ پاکستان میں کھیلے جانےوالے 8 میچز کے علاوہ دبئی انٹرنیشنل سٹیڈیم میں 14میچز اور چار میچز شیخ زید سٹیڈیم ابوظہبی میں کھیلے جائینگے۔ شیڈول کے مطابق پی ایس ایل میں شرکت کرنےوالی تمام ٹیمیں ہر ٹیم کےساتھ دو دو میچز کھیلیں گی۔ جنوبی افریقہ کے اے بی ڈی ویلیئرز، زمبابوے کے برینڈن ٹیلرسمیت 19کھلاڑی پہلی بار پی ایس ایل میں ایکشن میں نظر آئینگے۔ پاکستان سپر لیگ کے چوتھے ایڈیشن کا فائنل میچ 17 مارچ کو کھیلا جائیگا جو نیشنل کرکٹ سٹیڈیم کراچی میں کھیلا جائیگا۔

بابر اعظم کی پہلی پوزیشن برقرار، شاہین شاہ آفریدی کیریئر کی بہترین پوزیشن پر پہنچ گئے
دبئی (ایمرا نیوز آن لائن)بھارتی چائنہ مین سپنر کلدیپ یادو نے انٹر نیشنل کرکٹ کونسل(آئی سی سی ) کی جانب سے جاری کردہ نئی ٹی ٹونٹی رینکنگ میں پاکستان کے شاداب خان کو پیچھے چھوڑتے ہوئے دوسری پوزیشن سنبھال لی ہے ،پاکستان کے عماد وسیم بھی ٹاپ5بالرز کی فہرست میں آگئے ہیں جبکہ بلے بازوں کی فہرست میں بابر اعظم نے اپنی پہلی پوزیشن مزید مستحکم کرلی ہے۔24سالہ کلدیپ یادو نے نیوزی لینڈ کے خلاف تیسرے ٹی ٹونٹی مقابلے میں 26رنز کے عوض2شکار کیے جس کے بعد وہ اب افغانستان کے راشد خان سے پیچھے دوسری پوزیشن پر موجود ہیں ، پاکستانی لیفٹ آرم سپنر عماد وسیم نے نئی رینکنگ میں 5درجے ترقی کے بعد چوتھی پوزیشن اپنے نام کرلی ہے جب کہ کیوی لیفٹ آرم سپنر مچل سینٹنر 14ویں سے10ویں پوزیشن پرآگئے ہیں،بھارتی لیفٹ آرم سپنر کرونال پانڈیا نے39درجے ترقی کے بعدکیریئر کی بہترین58ویں پوزیشن اپنے نام کرلی ہے۔بلے بازوں کی فہرست میں روہت شرما 3درجے ترقی کے ساتھ7ویں پوزیشن پر آگئے ہیں جبکہ ان کے اوپننگ پارٹنر شیکھر دھون نے12ویں سے11ویں پوزیشن پر چھلانگ لگائی ہے ۔نیوزی لینڈ کے کین ولیمسن(13ویں سے12ویں پوزیشن)،روس ٹیلر(58ویں سے51ویں پوزیشن) اور ٹم سائیفرٹ(170ویں سے83ویں پوزیشن) ترقی پانے والے کیوی بلے باز ہیں جبکہ بالرز میں ٹم ساتھی نے 37ویں سے30ویں پوزیشن پر ترقی پائی ہے ۔پاکستان کے خلاف تین ٹی ٹونٹی میچز کی سیریز میں 8وکٹیں لینے والے پروٹیز فاسٹ بالر بیرون ہینڈرکس نے رینکنگ میں81ویں پوزیشن اپنے نام کی ہے جبکہ سیریز میں 6شکار کرنے والے کرس مورس نے28ویں سے21ویں اور 5شکار کرنے والے ایڈائل پھیلکوایو نے38ویں سے23ویں پوزیشن پر چھلانگ لگائی ہے ،بلے بازوں کی فہرست میں نمایاں ترقی پانے والے پروٹیز بیٹسمین فاف ڈوپلیسی(20ویں سے17ویں پوزیشن) اور ریزاہینڈرکس(73ویں سے42ویں پوزیشن) رہے۔پاکستان کے بابر اعظم نے جنوبی افریقہ کے خلاف سیریز میں151رنز سکور کرکے اپنی پہلی پوزیشن مزید مستحکم کرلی ہے جبکہ حسین طلعت نے سیریز میں98رنز سکور کرکے75ویں سے56ویں پوزیشن پر چھلانگ لگائی ہے ، بالر کی فہرست میں شاہین شاہ آفریدی 28درجے ترقی پاکر کیریئر کی بہترین48ویں پوزیشن پر آگئے ہیں ۔

دونوں کی کارکردگی اچھی رہی تو زائد سکور کی بدولت حریف ٹیموں پر دبا ڈالنا ممکن ہو سکے گا :ہیڈ کوچ
لاہور (ایمرا نیوز آن لائن)امیدوں کا محور تبدیل کرتے ہوئے قومی کرکٹ ٹیم کے ہیڈ کوچ مکی آرتھر کو اب ورلڈ کپ میں سینئرز کے چمکنے کا انتظار ہے ،ان کا کہنا ہے کہ محمد حفیظ اور شعیب ملک کیلئے رواں سال میگاایونٹ غیر معمولی ثابت ہو سکتا ہے ،ان کی کارکردگی اچھی رہی تو زائد سکور کی بدولت حریف ٹیموں پر دبا ڈالنا ممکن ہو سکے گا،محمد عامر کی ون ڈے فارم پر کافی پریشانی لاحق ہے ،ہماری طرح وہ بھی اس بات سے واقف ہے ،بال سوئنگ ہونے لگے تو پھر اس سے اچھا بالر کوئی بھی نہیں ہو سکتا۔تفصیلات کے مطابق حالیہ عرصے میں جونیئر اور نئے کھلاڑیوں پر دا کھیلنے کے بعد آخرکار ہیڈ کوچ مکی آرتھر کو سینئر کھلاڑیوں کا بھی خیال آ ہی گیا جنہوں نے اعتراف کیا ہے کہ محمد حفیظ اور شعیب ملک کیلئے رواں سال ورلڈ کپ غیر معمولی ایونٹ ثابت ہوگا۔ان کا کہنا تھا کہ محمد حفیظ اور شعیب ملک مڈل آرڈر میں انتہائی اہم بیٹسمین ہیں جن کی سپن بالنگ کی صلاحیت سے بھی ضرورت کے وقت عالمی کپ میں استفادہ کیا جائے گا۔مکی آرتھر کو یقین ہے کہ ورلڈ کپ میں سینئر کھلاڑی اپنا بھرپور کردار نبھائیں گے کیونکہ بڑے ایونٹس میں ایسے کھلاڑیوں کی ضرورت ہوتی ہے جو پہلے بھی اس امتحان سے گزر کر بہترین کھیل پیش کر چکے ہوں اور امید ہے کہ محمد حفیظ اور شعیب ملک اپنا موثر کردار ادا کریں گے۔ مکی آرتھر کا کہنا تھا کہ اگرچہ محمد عامر کے اعداد و شمار مثالی نہیں لیکن بعض اوقات چھٹی حس کسی بالر پر بھروسہ کرنے پر اکساتی ہے اور جنوبی افریقہ میں اہم موقع پر محمد عامر کی جانب سے عمدہ کارکردگی پر انہیں اطمینان حاصل ہوا ہے کہ وہ ضرورت کے وقت اپنی بہترین کارکردگی کا مظاہرہ کر سکتے ہیں۔

ای سی سی اجلاس 6 نکاتی ایجنڈے پر غور کیا جائے گا
اسلام آباد(ایمرا نیوز آن لائن) وزیر خزانہ اسد عمر نے آج (منگل کو ) اقتصادی رابطہ کمیٹی کا اہم اجلاس طلب کر لیا ۔ جس میں 6 نکاتی ایجنڈے پر غور کیا جائے گا ۔ تفصیلات کے مطابق وزیر خزانہ اسد عمر کی زیر صدارت اقتصادی رابطہ کمیٹی کا اجلاس آج (منگل کو) دن 11 بجے وزارت خزانہ میں ہو گا جس میں 6 نکاتی ایجنڈے پر غور کیا جائے گا ۔ ای سی سی اجلاس میں پی آئی اے کے لئے درکار حکومتی مالی معاؤنت کی سمری پیش کی جائے گی جبکہ خریف 2019 ءکے لئے کپاس کی پیداوار بڑھانے کی حکمت عملی پر بھی غور و خوص ہو گا ۔ اس کے علاوہ گوادر پورٹ ، گوادر فری زون کے لئے ترمیم کی سمری بھی ایجنڈے میں شامل ہے ۔ اجلاس میں ماچیک تارو جابا آئل پائپ لائن کی سمری بھی منظوری کے لئے پیش کی جائے گی ۔( جاوید/ اشفاق)