Tag انڈیا

روس(نیٹ نیوز/ایمرا نیوز) روس میں 67بر س کی دا دی اماں نے ہزاروں فٹ کی بلندی سے اسکائی ڈائیونگ کا مظاہرہ کرکے دیکھنے والوں کو دنگ کردیا۔اپنے خوابوں کو حقیقت کا رنگ دینے کے لئے اس دادی اماں نے اپنے انسٹرکٹر کے ہمراہ زندگی میں پہلی بار جہازسے ہزاروں فٹ کی بلندی سے چھلانگ لگائی۔انہوں نے کامیاب اسٹنٹ پرفارم کر کے یہ ثابت کردیا کہ عمر میں کیا رکھا ہے، بس ہمت اور حوصلہ جوان ہونا چاہیے۔

ڈیرہ اسماعیل خان(نیٹ نیوز/ایمرا نیوز) ڈیرہ اسماعیل خان کے دور افتادہ علاقے چودہوان میں پاک آرمی کی جانب سے فری میڈیکل کیمپ لگایا گیا جس میں 2ہزار مریضوں کا فری چیک اپ کیا گیا اور انہیں مفت ادویات فراہم کی گئیں۔ڈیرہ اسماعیل خان کے علاقے چودہوان میں پاک آرمی کے تعاون سے فری میڈیکل کیمپ میں ماہر ڈاکٹروں نے مختلف بیماریوں میں مبتلا 2000 سے زائد مریضوں کا معائنہ کیا اور مفت ادویات دیں۔چودہوان تحصیل کلاچی کی پسماندہ یونین کونسل ہے، جہاں نبیادی مراکز صحت پر سہولتیں دستیاب نہیں ہیں جس کی وجہ سے مریضوں کو ڈسٹرکٹ ہیڈ کوارٹر اسپتال ڈیرہ اسماعیل خان آنا پڑتا ہے۔پاک آرمی کی جانب سے منعقدہ اس کیمپ میں علاقے کے غریب اور نادار مریضوں کا علاج کیا گیا۔

روس(نیٹ نیوز/ایمرا نیوز) روسی صدر پیوٹن آئس ہاکی کھیلنے پہنچ گئے۔روسی صدرپیوٹن نہ صرف آئس ہاکی کا میچ کھیلنے پہنچے بلکہ پانچ گول بھی کرڈالے۔ماسکو کے ریڈ اسکوائر پر نئے سال کا جشن منانے کیلئے منعقد کئے گئے، اس دوستانہ میچ میں روسی صدر پیوٹن سمیت روسی وزیر دفاع سمیت سیاسی شخصیات نے بھی شرکت کی۔

اپنے صدر کو شاندار انداز میں ہاکی کھیلتا دیکھ شائقین بھی محظوظ ہوئے اور اس ٹورنامنٹ کو خوب انجوائے کیا۔

لاہور(سپورٹس ڈیسک/ایمرا نیوز) پاکستانی کرکٹر ثنا میر کو آئی سی سی کی وویمن ون ڈے ٹیم آف دی ائیر میں شامل کر لیا گیا،جبکہ فاسٹ بولر محمد عباس ٹیسٹ اور وہاب ریاض ٹی ٹونٹی ٹیم آف دی ائیر کا حصہ بن گئے۔آئی سی سی نے وویمن ون ڈے ٹیم آف دی ائیر کا اعلان کیا ہے جس میں پاکستان کی سابق کپتان ثنامیر کو شامل کیا گیا ہے، انہیں کرکٹ آسٹریلیا کی جانب سے سال کی بہترین ون ڈے ٹیم میں بھی شامل کیا ہے، وہ اس سے قبل دنیا کی بہترین بولر کا اعزاز بھی اپنے نام کر چکی ہیں۔

دوسری جانب سال 2018 کی ٹیسٹ ٹیم میں پاکستان کے فاسٹ بولر محمد عباس کو شامل کیا گیا ہے ، انہوں نے سال بھر میں 7 ٹیسٹ میچز میں 38 وکٹیں حاصل کیں ، اس ٹیم کا کپتان نیوزی لینڈ کے کپتان کین ولیمسن کو بنایا گیا ہے۔ون ڈے ٹیم آف دی ائیر کے کپتان ویرات کوہلی ہیں جبکہ ٹیم میں بھارت کے 4 کھلاڑی ہیں اور پاکستان، آسٹریلیا اور جنوبی افریقا کا کوئی کرکٹر اس میں شامل نہیں ہے۔ٹی ٹونٹی ٹیم کا کپتان ایرون فنچ کو مقرر کیا گیا ہے ، حیرت انگیز طور پر ٹی ٹونٹی کے نمبر ون بیٹسمین بابرا عظم کانام بھی سال کی بہترین ٹیم میں شامل نہیں، تاہم اس ٹیم میں پاکستان کی نمائندگی فاسٹ بولر وہاب ریاض کر رہے ہیں۔سال 2018 کی ٹیسٹ ٹیم میں پاکستان کے فاسٹ بولر محمد عباس کو شامل کیا گیا ہے ۔۔ جنہوں نے سال بھر میں سات ٹیسٹ میچز میں 38 وکٹیں حاصل کیں ۔۔ٹیسٹ ٹیم کا کپتان کین ولیمسن کو مقرر کیا ہے ۔۔ون ڈے ٹیم آف دی ائیر کا کپتان ویرات کوہلی ہیں ۔ ٹیم میں بھارت کے چار کھلاڑی ہیں جبکہ پاکستان ، آسٹریلیا اور جنوبی افریقا کا کوئی کرکٹر ٹیم میں جگہ نہ بنا سکا ۔۔ٹی ٹونٹی ٹیم کا کپتان ایرون فنچ کو مقرر کیاہے ۔۔ حیرت انگیز طور پر ٹی ٹوئنٹی کے نمبر ون بیٹسمین بابرا عظم کانام بھی سال کی بہترین ٹیم میں شامل نہیں ۔۔۔ لیکن فاسٹ باولر وہاب ریاض کا حصہ ہیں

اسلام آباد(نیٹ نیوز/ایمرا نیوز) وزیر مملکت برائے داخلہ امور شہریار آفریدی نے جعلی بینک اکاؤنٹ کیس میں کابینہ ارکان کے بیان بازی نہ کرنےکی یقین دہانی کراتے ہوئے سابقہ بیانات پر عدالت سے معذرت کرلی۔انہوں نے کہا کہ وہ عدالت کویقین دلاتے ہیں کہ آئندہ کوئی وزیراس بارے میں بیان جاری نہیں کرے گا، وزیرمملکت نے عدالتی حکم سے پہلے کے بیانات پر سپریم کورٹ سے معذرت بھی کی۔اس سے پہلے کیس کی سماعت کے دوران چیف جسٹس پاکستان نے ریمارکس دیئے کہ مقدمے سے متعلق حکومت اوردوسری طرف کے لوگ تبصرے سے گریز کریں، اگر عدالت نے کسی کا بیان پکڑ لیا تو کارروائی ہوگی۔چیف جسٹس کا کہنا تھا کہ کچھ لوگ یہ تاثر دے رہےہیں کہ یہ کارروائی ’کسی‘ کےکہنے پرکی جارہی ہے، یہ کارروائی ’کسی‘ کےکہنے پرنہیں کی جارہی،معاملات سامنے آئے اور عدالت اپنے ضمیر کے مطابق یہ کررہی ہے۔اس موقع پر عدالت نے کیس کی سماعت آئندہ پیر تک ملتوی کر دی، اٹارنی جنرل کو آئندہ کابینہ اجلاس میں ای سی ایل لسٹ کا دوبارہ جائزہ لینے کاحکمبھی دے دیا۔

لاہور(نیٹ نیوز/ایمرا نیوز) لاہور پولیس نے سال نو کی آمد پر شہر کے لیے بنائے گئے سیکیورٹی پلان کی تفصیلات بتا دیں۔ڈی آئی جی آپریشنز محمد وقاص نذیر کا کہنا ہے کہ لاہور میں نیو ایئرنائٹ پر پولیس کے 10ہزار اہلکار ڈیوٹی انجام دیں گے۔انہوں نے مزید کہا کہ لاہور میں نیوایئرنائٹ پر قانون کی خلاف ورزی کرنے والوں کے خلاف سخت کارروائی ہو گی۔ڈی آئی جی آپریشنز نے مزید کہا کہ شہری آت شبازی ، ون ویلنگ اور ہوائی فائرنگ سے گریز کریں، نیو ایئرنائٹ کے سلسلے میں سابقہ ریکارڈ یافتہ ون وہیلرز سے ضمانتی مچلکے لیے جا رہے ہیں۔محمد وقاص نذیر نے یہ بھی کہا کہ نیوایئرنائٹ پر پولیس افسران سکیورٹی پلان پرعملدرآمد یقینی بنائیں۔

لندن(نیٹ نیوز/ایمرا نیوز) برطانیہ میں نئے سال کے جشن کی تیاریاں عروج پر پہنچ چکی ہیں اسی سلسلے میں ریہرسل کے دورا ن لندن آئی ‘کے دیوہیکل فیرس وہیل پر سالِ نو کے کاؤنٹ ڈاؤن اورروشنیوں کی ریہرسل کی گئی ۔لندن آئی کو سرخ ، نیلے اوردیگر دلکش رنگوں کی روشنیوں سے روشن کیااور سال نو کے اس جشن کو منانے کی ریہرسل کے دوران کئی افراد نے شرکت کی۔ریہرسل کے دوران پرفارم کی گئی تمام تیاری کو فائر ورک کے ساتھ نیو ایئر نائٹ پر باقاعدہ جشن کی صورت میں منایا جائیگا۔

کراچی(نیٹ نیوز/ایمرا نیوز) پاکستان نیوی فلیٹ کی سالانہ ایفیشنسی کمپٹیشن پریڈ 2018ء کا کراچی میں انعقاد کیا گیا۔ترجمان پاک بحریہ کے مطابق چیف آف دی نیول اسٹاف ایڈمرل ظفر محمود عباسی تقریب کے مہمان خصوصی تھےجنہوں نے پاکستان فلیٹ کی 2018ء کے دوران آپریشنل سرگرمیوں پر اطمینان کا اظہار کیا۔نیول چیف کا اس موقع پر خطاب کرتے ہوئے کہنا ہے کہ گزشتہ سال کے دوران پاکستان فلیٹ نے مختلف بحری مشقوں بالخصوص سی اسپارک میں مختلف ویپن سسٹمز کی فائرنگ سے آپریشنل تیاریوں میں گراں قدر اضافہ کیا۔

انہوں نے کہا کہ اسٹریٹجک نوعیت کی بین الاقوامی اور دوطرفہ مشقوں میں پاکستانی فلیٹ کی بھرپور شمولیت قابل تحسین ہے، پاک بحریہ کے جہازوں نے پہلی بار جرمنی اور روس کی بندرگاہوں کے دورے کیے جو نیول ڈپلومیسی میں ایک اہم سنگ میل ہے۔نیول چیف نے مزید کہا کہ پاک بحریہ قومی دفاع کے علاوہ بین الاقوامی سمندروں میں امن اور سلامتی کی بحالی کے لیے بھی کوشاں ہے، پاک بحریہ نے گزشتہ سال سے ریجنل میری ٹائم سیکیورٹی پٹرول کے تحت بحر ہند میں اہم مقامات کی نگرانی اور خلیج عدن میں تجارتی جہازوں کی سیکیورٹی کا آغاز کیا۔انہوں نے مزید کہ کہ پاک بحریہ کی اس کاوش سے خطے میں معاشی سرگرمیوں کو موزوں سمندری ماحول اور علاقائی امن و سلامتی کو فروغ ملے گا، فلیٹ کی ضروریات پورا کرنے کے لیے جدید جنگی سازو سامان سے لیس 4نئے جہازوں کا معاہدہ چین اور چار کا ترکی سے طے پا چکا ہے۔نیول چیف ایڈمرل ظفر محمود عباسی نے 2018ء کے دوران دفاع وطن میں جانوں کا نذرانہ پیش کرنے والے افسروں اور جوانوں کو خراج تحسین پیش کیا۔قبل ازیں کمانڈر پاکستان فلیٹ ریئر ایڈمرل محمد امجد خان نیازی نے 2018ءکے دوران فلیٹ کی آپریشنل مصروفیات کا جائزہ پیش کیا۔

(نیٹ نیوز/ایمرا نیوز)
سال2019 کا جشن منانے کیلئے عالمی شہرت یافتہ سرچ انجن گوگل بھی کسی سے پیچھے نہیں رہا اور اس خوشی کے موقع پر اپنا نیا ڈوڈل متعارف کروا دیا ۔نئے سال کے حوالے سے جاری کئے گئے اس ڈوڈل میں دو ہاتھی بے صبری سے گھڑی کی جانب دیکھ رہے ہیں جس کا کانٹا بس بارہ کے ہندسے پر آنے ہی والا ہے یعنی جیسے ہی غبارے پھٹیں گے ہم نئے سال میں داخل ہوجائیں گے ۔دنیا بھر میں سال نو کے جشن کی تیاریاں اپنے آخری مراحل میں ہیں اورہر فرد اپنے طور پر نئے سال کومنفرد انداز میں خوش آمدید کہنے کا ارادہ رکھتا ہے۔

لاہور(سپورٹس ڈیسک/ایمرا نیوز)
John Cena کا پورا نام John Felix Anthony Cena ہے، لیکن ڈبلیو ڈبلیو ای میں ان کو John Cena کے نام کے طور پر جانا جاتا ہے.جان سین West Newbury, Massachusetts میں 23 اپریل 1977 میں پیدا ہوئے.ان کے والد Italian اور ان کی والدہ French-Canadian and English ہیں.

وہ مشہور بیس بال کھلاڑی Tony Lupien کے پوتے ہیں.جب وہ کولج میں تھے تو وہ ایک فٹ بال کھلاڑی تھے.پھر انہوں نے bodybuilder بننے کا فیصلہ کیا اور اس طرح وہ ڈبلیو ڈبلیو ای میں آگئے،اُن کا وزن 240 pounds ہیں اور وہ ڈبلیو ڈبلیو ای کے کامیاب ترین ریسلرز میں سے ایک ہیں.

2016 میں جان سین نے جب ڈبلیو ڈبلیو میں واپسی کی تو انہوں ایک بڑا فیصلہ کیا اور یہ فیصلہ تھا کہ وہ ایک نئے ٹیلنٹ کو حاصل کریں گے، اس لیے انہوں نے فیصلہ کیا کہ وہ اپنی ریسلنگ کے ذریعے دنیا بھر کو انٹرٹین کریں گے، اس لیے انہوں Mandarin Chinese زبان سیکھنے کا فیصلہ کیا، اور پھر جان سین نے Mandarin سیکھ بھی لی اور ایک تقریب میں 3 منٹ تک بولی بھی. اس وجہ سے وہ پوری چین میں بہت مشہور بھی ہوگئے.