Category بزنس

پالیسی سازی کی کوششیں مزید تیز کی جائیں، تیل درآمد کرنے والے متعدد ممالک کے لیے قرض کی بڑھتی ہوئی شرح بڑے پیمانے پر اقتصادی استحکام کیلئے چیلنج بن چکی ،ڈائریکٹر آئی ایم ایف محکمہ مشرق وسطیٰ اور وسط ایشیا
واشنگٹن(ایمرا نیوز آن لائن)انٹرنیشنل مانیٹری فنڈ (آئی ایم ایف) کے محکمہ مشرق وسطیٰ اور وسط ایشیا کے ڈائریکٹر جہاد آزور نے کہا ہے کہ پاکستانی معیشت مستقبل میں بڑے پیمانے پر سست روی کا شکار ہو گی اور یہ خطے کی مجموعی معاشی ترقی کی شرح پر بوجھ بن جائےگی۔مشرق وسطیٰ، شمالی افریقہ، افغانستان اور پاکستان(MENAP) کے معاشی منظر نامے کے حوالے سے گفتگو میں عالمی معاشی صورتحال اس بات کا تقاضا کرتی ہے کہ مذکورہ خطوں میں پالیسی سازی کی کوششیں مزید تیز تر کی جائیں۔اس خطے کے تیل کے درآمد کنندگان کے لیے شرح نمو 2018 میں 4.2 فیصد کے مقابلے میں کم ہو کر 3.6فیصد تک ہونے کا امکان ہے جس کی وجہ کمزور عالمی معاشی ماحول ہے۔جہاد آزور نے کہا کہ تیل درآمد کرنے والے متعدد ممالک کے لیے قرض کی بڑھتی ہوئی شرح بڑے پیمانے پر اقتصادی استحکام کیلئے چیلنج بن چکی ہے اور بھاری قرض کے سبب صحت، تعلیم، انفرا اسٹرکچر اور سماجی پروگراموں میں اہم سرمایہ کاری کے لیے مالیاتی خلا محدود ہو گیا ہے۔آئی ایم ایف نے کہا کہ بجٹ پر پڑنے والا یہ دباؤ اصلاحات کےساتھ ساتھ درمیانی شرح نمو میں تیزی سے اضافے کے متقاضی ہیں، مطلب ایسے اقدامات کیے جائیں جس سے کاروباری ماحول اور انتظامی امور کو بہتر بنایا جائے اور مزدوروں کے لیے مارکیٹ میں لچک اور مارکیٹ میں مسابقت کو مضبوط کیا جا سکے۔عالمی مالیاتی ادارے کے ڈائریکٹر نے مزید بتایا کہ سست ہوتی عالمی معاشی شرح نمو اور تجارت کےساتھ ساتھ عالمی سیاسی تناؤ اور دیگر بیرونی دھچکوں کے سبب اس خطے کو معاشی طور پر چیلنجز کا سامنا ہے، یہ صورتحال اس بات کا تقاضا کرتی ہے کہ فوری طور پر ایسی اصلاحات پر عملدرآمد کیا جائے جن سے اقتصادی لچک اور محفوظ مجموعی شرح نمو حاصل کی جا سکے۔اس حوالے سے ایک رپورٹ میں آئی ایم ایف نے بڑھتے ہوئے عالمی قرض پر تحفظات کا اظہار کیا اور کہا کہ عالمی قرض اب 164ٹریلین ڈالر تک پہنچ گیا ہے جو عالمی جی ڈی پی کا 225فیصد ہے اور خبردار کیا کہ دنیا بھر کے عوام اور نجی شعبے 2008 کے مالیاتی بحران کے مقابلے میں زیادہ قرض میں ڈوبے ہوئے ہوں گے جہاں اس وقت عالمی قرض اپنی بلند ترین شرح پر تھا جو مجموعی جی ڈی پی کا 213فیصد تھا۔جہاں عالمی قرضوں میں اضافے کی وجہ سے تیزی سے ترقی کرتی معییشتیں ہیں، وہیں گزشتہ دس سال میں چین جیسی تیزی سے ابھرتی ہوئی معاشی طاقتیں بھی اس اضافے کی ذمے دار ہیں جہاں 2007 سے اب تک صرف چین عالمی قرض میں کل 43فیصد اضافے کی وجہ بنا۔

اسلام آباد:(ایمرا نیوزآن لائن) امریکا نے پاکستان کو ڈیوٹی فری مارکیٹ تک رسائی دینے سے انکار کردیا۔ٹرمپ انتظامیہ نے پاکستان کی جانب سے امریکی مارکیٹ تک ڈیوٹی فری رسائی کا مطالبہ مسترد کردیا۔ اس بات کا انکشاف وزیر اعظم عمران خان کے معاون خصوصی عبدالرزاق داود نے کیا۔وزیر اعظم کے مشیر برائے تجارت، ٹیکسٹائل اور انڈسٹری عبدالرزاق داؤد نے قومی اسمبلی کی قائمہ کمیٹی برائے تجارت اور ٹیکسٹائل کو بتایا کہ پاکستان اپنی برآمدات کی امریکی مارکیٹ تک ترسیل کے لیے ڈیوٹی فری رسائی چاہتا ہے، تاہم ٹرمپ انتظامیہ اس کے راستے میں بڑی رکاوٹ ہے۔

ان کا کہنا تھا کہ امریکی صدر ڈونلڈ ٹرمپ کی مدت صدارت پورا ہونے کے بعد حکومت پاکستان ایک بار پھر امریکی انتظامیہ سے اس بارے میں بات کرے گی۔امریکا کی جانب سے ترکی اور بھارت کو تجارتی مراعات کے خاتمے کیے جانے کے بعد پاکستان کی کوشش تھی کہ امریکا کو پاکستانی مصنوعات کی برآمدات میں ڈیوٹی رعایت حاصل کی جائے کیونکہ عالمی مارکیٹ میں بھارت اور ترکی پاکستان کے بڑے تجارتی حریف سمجھے جاتے ہیں۔

عبدالرزاق داؤد نے مزید بتایا کہ چین کے ساتھ آزاد تجارتی معاہدے کے دوسرے مرحلے میں بیجنگ نے مزید پاکستانی مصنوعات کی برآمدی مصنوعات کی ڈیوٹی میں کمی پر رضامندی ظاہر کی ہے، اور اس حوالے سے حتمی معاہدہ 28 اپریل کو وزیر اعظم عمران خان کے دورہ بیجنگ پر طے پا جائے گا۔انہوں نے بتایا کہ چین کی اندرونی سیاست کی وجہ سے آزاد تجارتی معاہدے کا دوسرا مرحلہ پہلے ہی چھ سال تاخیر کا شکار ہوچکا ہے۔عبدلرزاق داؤد کا مزید کہنا تھا کہ چین کے وزیر تجارت 313 پاکستانی مصنوعات کی برآمدات پر کوئی ڈیوٹی رعایت دینے پر تیار نہیں ہیں تاہم چینی وزیر خارجہ اور چینی وزیر اعظم اس بات کے حق میں ہیں کہ مذکورہ پاکستانی مصنوعات پر ڈیوٹی میں رعایت دی جانی چاہیے۔

لاہور(میڈیا 92 نیوز آن لائن ) چیئرپرسن اوگرا عظمی عادل نے گیس کی قیمتوں میں 80 فیصد تک اضافے کا عندیہ دے دیا ۔نجی نیوز چینل ایکسپریس نیوز کے مطابق ا عظمی عادل نے کہا کہ سوئی گیس کی قیمتوں میں اضافہ ناگزیر ہے، اس کی قیمت خرید اور فروخت میں فرق بڑھ گیا ہے۔

ان کا کہنا تھا کہ 723 روپے فی ایم ایم بی ٹی یو گیس کی قیمت میں اضافہ مانگا گیا ہے جس کے باعث 75 سے 80 فیصد اضافہ ہوسکتا ہے جب کہ نئی قیمتوں کا اطلاق یکم جولائی سے ہوگا۔ ان کا کہنا تھا کہ سوئی نادرن کے غیر ضروری اخراجات کو نہیں مانا جائے گا، ڈالر کی قیمت بڑھنا بھی ایک فیکٹر ہے۔

لاہور (میڈیا 92 نیوز آن لائن ) آن لائن سفری سہولیات فراہم کرنے والی کمپنی اوبر کے حالیہ فیصلے نے پاکستان بھر میں کام کرنے والے ہزاروں ڈرائیوروں کو کشمکش میں مبتلا کردیا۔

اوبر کی جانب سے کلٹس گاڑی کو ’گو‘ سے ’منی‘ گٹیگری میں شامل کرنے کے اقدام سے ڈرائیور غصے کا شکار ہیں اور دعویٰ کرتے ہیں کہ اس اقدام سے انہیں بری طرح مالی نقصان ہوا ہے۔

واضح رہے کہ گزشتہ ہفتے ڈرائیوروں کو کمپنی کی جانب سے بذریعہ ایک پیغام آگاہ کیا گیا تھا کہ بہت سے وجوہات کی بنا پر 2017 اور اس کے بعد کی گاڑیوں کو چھوڑ کر تمام کلٹس گاڑیاں گو سے منی کٹیگری میں شامل کی جارہی ہیں۔

61 سالہ ریٹائر محمد اسماعیل کہتے ہیں کہ انہوں نے 14 ماہ میں 3 ہزار سے زائد رائڈ (سواریاں) مکمل کرچکا ہوں اور ’میں نے ایک اچھی رقم بنائی ہے تاہم گزشتہ ایک ہفتے سے مجھے اپنی کمائی کم ہوتی دکھ رہی ہے‘۔

وہ کہتے ہیں کہ ’میں کام کے حساب سے سست دن میں بھی 16سو روپے بنا لیا کرتا تھا لیکن اب زیادہ سے زیادہ میں 900 روپے بنا رہا ہوں‘۔

اوبر کے فیصلے کو ’ناانصافی‘ قرار دیتے ہوئے انہوں نے شکایت کی کہ ’منی رائڈ حاصل کرنے سے قبل مجھے کم سے کم 5 سے 6 کلو میٹر کا فیصلہ کور کرنا پڑ رہا ہے جبکہ جب میں گو میں تھا تو عموماً سواری 3 کلو میٹر کی حدود میں ہی ہوتی تھی، جس کا مطلب یہ ہے کہ مجھے زیادہ ایندھن خرچ کرنا پڑ رہا ہے‘۔

ان کا کہنا تھا کہ گزشتہ ہفتے نوٹیفکیشن موصول ہونے کے بعد سے میں اوبر کے دفتر گیا لیکن کسی قسم کا جواب نہیں دیا گیا۔

اسلام آباد (میڈیا 92 نیوز آن لائن ) وفاقی وزیِر خزانہ اسد عمر نے کہا کہ پاکستان اور عالمی مالیاتی فنڈ (آئی ایم ایف) نے شرح تبادلہ، پبلک فنانس، مالی خسارے اور توانائی کی قیمتوں پر دستخط شدہ دستاویزی بیل آؤٹ پیکج کو حتمی شکل دے دی ہے۔
رپورٹ کے مطابق اس کے ساتھ انہوں نے تصدیق کی کہ آئی ایم ایف کا وفد رواں ماہ کے تیسرے ہفتے میں اسلام آباد کا دورہ کرے گا جس میں تکنیکی امور زیر غور آئیں گے۔

ایک ہفتے تک جاری رہنے والے دورہ امریکا کے بعد قومی اسمبلی کی قائمہ کمیٹی برائے فنانس اور ریونیو کو اجلاس میں وزیر خزانہ نے بتایا کہ ’ہم نے سمجھوتے پر اتفاق کرلیا ہے اور تمام بڑے مسائل کو حل کر کے دستاویزی شکل دے دی گئی ہے‘۔

اس کے ساتھ انہوں نے یہ بھی بتایا کہ ’پاکستان نے فنانشل ٹاسک فورس (ایف اے ٹی ایف) کو عملدرآمد رپورٹ بھیج دی ہے جس پر پیرس سے تعلق رکھنے والی ایجنسی، زمینی صورتحال کا جائزہ لینے کے لیے مئی کے تیسرے ہفتے میں اپنا وفد بھیجنے سے قبل نظرِ ثانی کرے گی۔

انہوں نے کہا کہ آئی ایم ایف کا مشن رواں ماہ اسلام آباد کا دورہ کرے گا جس میں متعدد تکنیکی امور کو حتمی شکل دی جائے گی اور اس سے قومی اسمبلی کی قائمہ کمیٹی کو بھی آگاہ کیا جائے گا۔

اجلاس کے دورن مختلف تجارتی چیمبرز، صنعتوں کے نمائندوں اور صوبائی حکام نے ٹیکس ایمنسٹی اسکیم کے لیے قلیل مدت کی مخالفت کی اور تجویز دی کہ اس کے لیے بہتر منصوبہ بندی اور زائد وقت دیا جانا چاہیے۔

بعدازاں صحافیوں سے گفتگو کرتے ہوئے انہوں نے بتایا کہ آئی ایم ایف کے ساتھ بیل آؤٹ پیکج پر تحریری سمجھوتہ ہوگیا ہے اور تمام پالیسی معاملات پر سمجھوتہ طے پاگیا ہے۔

ان کا کہنا تھا کہ اس میں قرض کی کل رقم کا ذکر نہیں ہے، تاہم یہ رقم 6 ارب ڈالر سے 8 ارب ڈالر ہوسکتی ہے، اس کے علاوہ عالمی بینک اور ایشیئن ڈیولپمنٹ بینک کی جانب سے بڑی رقم موصول ہوگی جو پہلے سے طے شدہ تھی۔

انہوں نے کہا کہ پاکستان کو 15 ارب ڈالر کی مالیاتی کمی کا سامنا ہے جس کے لیے 7 سے 8 ارب ڈالر عالمی بینک جبکہ 6 سے 8 ارب ڈالر آئی ایم ایف اور ایشئن ڈیولپمنٹ بینک سے ملنے کا امکان ہے جبکہ بین الاقوامی بانڈز پیش کرنے کے لیے بھی تیاریاں کی جارہی ہیں۔

اسد عمر کے مطابق اس سلسلے میں نیویارک میں بڑے مالیاتی اداروں اور سرمایہ کاروں سے رابطہ ہوا اور انہیں یہ بتاتے ہوئے خوشی محسوس ہورہی ہے کہ پاکستانی بانڈز کی قیمت میں 9 سے 7 فیصد تک کمی ہوگئی ہے جبکہ اس حوالے سے مجموعی صورتحال بھی خاصی تسلی بخش ہے۔

اس ضمن میں جب ان سے چینی قرضوں سے متعلق آئی ایم ایف کے مطالبات کے بارے میں سوال کیا گیا تو ان کا کہنا تھا کہ اس قسم کی اطلاعات بے بنیاد اور حیران کن ہیں کیوں کہ آئی ایم ایف نے اس بارے میں گزشتہ برس اکتوبر میں پوچھا تھا جس کے بعد حکومت نے چینی قرضوں سے متعلق تمام تر تفصیلات فراہم کردی تھیں کیوں کہ ہمیں محسوس ہوا کہ اس میں کچھ بھی چھپانے کی ضرورت نہیں۔

ایک اور سوال کے جواب میں ان کا کہنا تھا کہ آئی ایم ایف کی شراط کا بوجھ عام عوام پر نہیں آئے گا تاہم خراب پالیسیوں کی بدولت بحران کا شکار معاشی معاملات کو بہتر کرنے کے لیے مشکل فیصلے کرنے ہوں گے۔

توانائی کی قیمتوں کے حوالے سے پوچھے گئے سوال کے جواب میں انہوں نے کہا کہ حکومت نے اس حوالے سے اب تک کوئی فیصلہ نہیں کیا، تاہم حکام اس بارے میں مجھے وقتاً فوقتاً آگاہ کرتے رہیں گے۔

اس کے ساتھ انہوں نے اس بات کی بھی تردید کی کہ آئی ایم ایف نے دفاعی بجٹ میں کمی کا مطالبہ کیا تھا۔

قائمہ کمیٹی نے وزیر خزانہ نے کہا تھا کہ حکومت کی کامیاب حکمتِ عملی کے باعث گزشتہ 8 ماہ کے دوران معاشی بحران پر قابو پالیا گیا ہے اور دوست ممالک سے موصول ہونے والے قرضوں نے کرنٹ اکاؤنٹ خسارے کو کم کرنے میں مدد دی۔

جس کے نتیجے میں اب حکومت اور آئی ایم ایف کے درمیان گزشتہ برس اکتوبر، نومبر میں ہونے والی بات چیت سے معاملات قدرے مختلف ہیں۔

اسلام آباد:(ایمرا نیوزآن لائن) وزیراعظم عمران خان سے چائنہ سلک روڈ لمیٹڈکے چیئرمین یان لیجن کی ملاقات ہوئی جس میں چائنہ سلک روڈگروپ کا وزیراعظم کے کم لاگت والے ہائوسنگ منصوبے میں دلچسپی کا اظہارکیا ہے۔وزیراعظم آفس سے جاری بیان کے مطابق وزیراعظم عمران خان سے چائنہ سلک روڈ لمیٹڈکے چیئرمین یان لیجن کی ملاقات ہوئی،ملاقات میں چائنہ سلک روڈ گروپ کا وزیراعظم کے کم لاگت والے ہائوسنگ منصوبے میں دلچسپی کا اظہار کیا۔چائنہ سلک روڈگروپ نے پاکستان میں کم لاگت والے تیارشدہ مکانات کے ڈھانچوں کا پلانٹ لگانے کی پیشکش کی۔

وزیراعظم نے چینی کمپنی کی پیشکش کا خیرمقدم کیا اورکہاکہ حکومت ملک میں بیرون سرمایہ کاروں کے لیے آسانیاں پیداکررہی ہے۔ سی پیک پروجیکٹ کے تحت پاک چین تعلقات مزید مضبوط ہوںگے۔بعدازاں وزیراعظم عمران خان کی زیرصدارت میڈیا اسٹریٹجی کمیٹی کا اجلاس ہوا جس میں وفاقی وزیراطلاعات فواد چوہدری، یوسف بیگ مرزا، ندیم افضل چن ودیگر شریک تھے ۔عمران خان نے وفاقی وزرا کووزارتوں کی کارکردگی عوام تک پہنچانے کی حکمت عملی بنانے کی ہدایت کرتے ہوئے کہاکہ حکومتی اورپارٹی ترجمان بغیرتیاری ٹاک شوز پر نہ جائیں۔اجلاس میں وزارتوں کی کارکردگی اوراقدامات کے حوالے سے ترجمانوں کو متواتربریفنگ دیے جانے کا فیصلہ کیاگیااورفواد چوہدری، یوسف بیگ مرزا، ندیم افضل چن اور فردوس عاشق اعوان پرمشتمل میڈیا ٹیم تشکیل دی گئی۔

چاررکنی میڈیا ٹیم حکمت عملی پر عملدرآمدکی ذمے دار ہوگی۔مزیدبرآں ترجمان وزیراعظم ہاوس کے مطابق وزیراعظم عمران خان سے برطانوی پارلیمنٹ کے ممبر برینڈن لیوس کی ملاقات ہوئی، جس میں دوطرفہ تعلقات،باہمی تجارت بڑھانے اورسرمایہ کاری سے متعلق معاملات اور خطے کی سیکیورٹی صورتحال پربھی تبادلہ خیال کیاگیا۔وزیراعظم عمران خان نے خطے میں قیام امن کی کوششوں اور ہندوستان اور افغانستان کی صورتحال کا مجموعی جائزہ پیش کرتے ہوئے کہاکہ پاکستان تمام ہمسایہ ممالک سے پرامن اور مثبت تعلقات چاہتا ہے۔وزیر اعظم عمران خان سے امان اللہ کنرانی کی زیرقیادت سپریم کورٹ بار ایسوسی ایشن کے وفدنے ملاقات کی۔ صدر سپریم کورٹ بار نے بارکی جانب سے وزیراعظم کے وژن اور حکومت کے اصلاحاتی ایجنڈے کو سراہا بارکی درخواست پروزیراعظم نے بارممبران خصوصا عمر رسیدہ وکلا کے لیے صحت انصاف کارڈکی فراہمی کا اعلان کیا۔وزیراعظم عمران خان سے وزیرخزانہ اسدعمر نے بھی ملاقات کی اورانہیں آئی ایم ایف سے مذاکرات اوردورہ امریکا پر بریفنگ دی۔اسدعمرنے آئی ایم ایف مشن کے متوقع دورہ پاکستان سے بھی وزیراعظم کوآگاہ کیا اورآئی ایم ایف کی شرائط سے متعلق بھی ملاقات میں بات چیت ہوئی۔ وزیرخزانہ اسد عمر نے وزیراعظم کو اثاثہ جات ظاہرکرنے کے حوالے سے ایمنسٹی اسکیم پربھی بریفنگ دی۔

لاہور(نیٹ نیوز) مرغی کا گوشت 11 روپے فی کلو مزید مہنگا ہو گیا، قیمت 270 سے بڑھ کر 281 روپے فی کلو ہو گئی ہے، ایک ہفتے میں قیمت میں 46 روپے فی کلو کا اضافہ ہوا ہے۔ اس ذحوالے سے شہریوں کا کہنا ہے کہ غریب کہاں جائیں مہنگائی نے تو عام آدمی کو پریشان کر دیا ہے۔

لاہور(ایمرا نیوزآن لائن) بین الاقوامی مالیاتی فنڈ(آئی ایم ایف) کے پاکستان کے ساتھ معاملات طے پا گئے۔ذرائع کا کہنا ہے کہ آئی ایم ایف کا بیل آؤٹ پیکیج تین سال کے لیے ہو گا، آئی ایم ایف اورعالمی بینک کےاجلاسوں میں شرکت کے بعدپاکستانی وفد واپس پہنچ گیا ہے۔ذرائع کے مطابق آئی ایم ایف نے پاکستان کے مجوزہ اثاثہ جات ڈیکلیئریشن اسکیم سے اختلاف نہیں کیا، پاکستان نے مجوزہ اسکیم کا مسودہ آئی ایم ایف اور ایف اے ٹی ایف سے پہلےہی شیئر کرلیا تھا۔ذرائع نے بتایا ہے کہ آئی ایم ایف اور ایف اے ٹی ایف نے اس اسکیم پر کوئی اعتراض نہیں اٹھایا، قرض 6 ارب ڈالر ہو یا 9 ارب ڈالر اس بات کا فیصلہ آئی ایم ایف کے وفد کے دورۂ پاکستان کے موقع پر کیا جائے گا۔ذرائع نے بتایا کہ آئی ایم ایف وفد کے دورے کی تاریخ اگلے ایک دو روز میں طے ہو جائے گی، جبکہ آٗئی ایم ایف کے ساتھ بیل آؤٹ پیکیج پر دستخط اپریل میں ہی کر لیے جائیں گے۔ذرائع کا مزید کہنا ہے کہ اثاثہ جات ڈیکلیریشن اسکیم کو آئی ایم ایف کے دورے سے پہلے قانونی شکل دی جائے گی،اس اسکیم کی حتمی منظوری کل کابینہ سے لی جائے گی۔ذرائع کا یہ بھی کہنا ہے کہ کابینہ سے منظوری پر ایک 2 روز میں صدارتی آرڈیننس کے ذریعے نافذ کر دی جائے گی، آرڈیننس جاری ہوتے ہی اثاثہ جات ڈیکلیریشن اسکیم فوری طور پر نافذ ہوگی۔

سیول(آن لائن) جنوبی کوریا کے مرکزی بینک نے کہا ہے کہ اس نے متحدہ عرب امارات کےساتھ 5.4 ارب ڈالر مالیت کے کرنسی سویپ (ادل بدل) معاہدے کی تجدید نو پر رضامندی ظاہر کی ہے جس کا مقصد دونوں ملکوں کی کرنسیوں کا استحکام ہے۔ بینک آف کوریا کی جانب سے جاری بیان کے مطابق 5.4 ارب ڈالر مالیت کا کرنسی سویپ معاہدہ پہلی بار 2013 ئ میں کیا گیا تھا جو اکتوبر 2016 ئ میں اپنی مدت پوری کرگیا، اب اس معاہدے کو اپریل 2022 ئ تک توسیع دی جارہی ہے۔#/s#

اسلام آباد:(ایمرا نیوزآن لائن) چینی قرضوں سے حکومت کو مالی ضروریات پوری کرنے میں مدد ملی یہی ایک بنیادی وجہ ہے جس کے سبب آئی ایم ایف کے بیل آؤٹ پیکیج کی منظوری میں تاخیر ہورہی ہے۔آئی ایم ایف سے بیل آؤٹ پیکیج کے اجرا میں تاخیر کا سبب عالمی مالیاتی فنڈ کی شرائط ہیں جن میں چینی قرضوں کی تفصیلات سے آگہی، بجلی کے نرخ میں اضافہ،روپے کی قدر، قرضوں کی ایڈجسٹمنٹ اور ٹیکسز کانفاذ شامل ہے۔ حکومتی ذرائع کا کہناہے کہ میڈیا کی توجہ صرف قرضوں، روپے کی قدر اور بجلی کے نرخ پر ہے۔ آئی ایم ایف چین اور پاکستان کے درمیان مالی تعاون کی تفصیلات کے حصول سے دست بردار ہونے کو تیارنہیں۔ بیجنگ اور اسلام آباد کا دوطرفہ تعاون صرف سی پیک تک محدود نہیں ہے، پاکستان قومی اہمیت کے کئی منصوبے چین کے تعاون سے چلارہاہے جن میں انفرااسٹرکچر، جوہری توانائی، جے ایف17تھنڈرکی تیاری اور آبدوزوں کی خریداری شامل ہے۔واضح رہے کہ چین نے پاکستان کو بطوربیل آؤٹ 6.5ارب ڈالر کے تجارتی قرضے دیے ہیں اور اسٹیٹ بینک آف پاکستان میں 2ارب ڈالر جمع کرائے ہیں۔