Category بزنس

اسلام آباد (میڈیا 92 نیوز آن لائن ) وفاقی حکومت نے آئندہ مالی سال 2019-20 کے وفاقی بجٹ میں 778 ارب کے نئے ٹیکسز تجاویز کو حتمی شکل دے دی۔

وفاقی حکومت نے آئندہ مالی سال 2019-20 کے وفاقی بجٹ میں بے نامی جائیدادیں رکھنے والوں کے خلاف کارروائی کیلیے قائم کیے جانیوالے 3بے نامی زونز،ایڈجوڈیکیٹنگ اتھارٹی اور ایپلٹ ٹربیونلز کیلیے الگ سے فنڈز مختص کرنے ،ان اداروں کیلئے گریڈ 17 تا 21 کی 10نئی اسامیوں کی منظوری دینے، آف شور اثاثہ جات ہر پریزمپٹو ٹیکس کے نفاذ، غیر منقولہ جائیدادوں اور سیکورٹیز جات پر کیپٹل گین ٹیکس کیلئے ہولڈنگ پیریڈ کی معیاد بڑھانے، وفاقی بجٹ میں غیر منقولہ جائیداد پر ٹیکس وصولی کیلئے رہائشی و کمرشل جائیدادوں و پلاٹس کی ویلیو ایشن میں اضافہ کرکے مارکیٹ ریٹ کے 75 فیصد کے برابر لانے،پٹرولیم مصنو عات پر عائد سیلز ٹیکس کی شرح میں اضافہ،
ایڈیشنل کسٹمز ڈیوٹی کی شرح بڑھانے،تمام اسپیشل پروسیجرز پر نظر ثانی،متعدد اشیاء کی پرچون قیمت پر سیلز ٹیکس لاگو کرنے، ایل این جی کی درآمد پر دی جانی والی کسٹمز ڈیوٹی کی چھوٹ ختم کرکے پانچ فیصد مشروط کسٹمز ڈیوٹی عائد کرنے، چینی پر جی ایس ٹی کی شرح بڑھانے،گیس پر فیڈرل ایکسائز ڈیوٹی عائد کرنے ، چھٹے شیڈول میں دی جانیوالی غیر ضروری ٹیکس چھوٹ ختم کرنے سمیت مجموعی طور 778 ارب روپے کے نئے ٹیکس عائد کرنے اور مینوفیکچرنگ کیلئے 40 ارب روپے کے لگ بھگ ڈیوٹی ،ٹیکسوں میں ریلیف دینے کی بجٹ تجاویز کو حتمی شکل دیدی ہے۔

اگلے بجٹ میں کاروبار میں آسانیاں لانے کیلئے سنگل پورٹل متعارف کروانے اور ٹیکس دہندگان کو ایک سے زائد ٹیکس گوشواروں کی بجائے ایک ہی ٹیکس گوشوارہ داخل کروانیکا نظام متعارف کروانے کا بھی امکان ہے اور بجٹ میں ٹوبیکو،بیوریجز،شوگر،فرٹیلائزر اور سیمنٹ سیکٹر کی پیداوار و سپلائی کی الیکٹرانیکلی مانیٹرنگ کے منصوبے ٹریک اینڈ ٹریس پر عملدرآمد کیلئے کمپنیوں کو لائننس کے اجراء بارے (آئی ایف ایل) اور لائنسنسنگ رْولز2019 اورٹریک اینڈ ٹریس رْولز متعارف کروائے جائیں گے اور بجٹ میں سنگل ٹیکس ریٹرم فارم متعارف کروانے، وفاقی و صوبائی ٹیکسوں کو ہم آہنگ بنانے، امیر ترین نان فائلرز کا سراغ لگانے اور غیر رجسٹرڈ مینوفیکچررز یونٹس کی سیلز ٹیکس رجسٹڑیشن کیلئیڈائریکٹریٹ جنرل خصوصی اقدامات کو آپریشنل بنانے کا فیصلہ کیا ہے اور اور آئندہ مالی سال 2019-20 کے وفاقی بجٹ میں اس ادارے کیلئے الگ سے بجٹ کی منظوری لی جائے گی اور فنڈ مختص کئے جائیں گے۔

آئندہ مالی سال 2019-20کے وفاقی بجٹ میں کسٹمز ایکٹ کے تحت اسپیشل ججز کی تقرری کا اختیار وزیراعظم کو دینے غیر ظاہر شْدہ آف شور اثاثہ جات و آمدنی پر ٹیکس عائد کرکے وصول کرنے کیلئے ڈائریکٹریٹ جنرل آف انٹرنیشنل ٹیکس آپریشنز ،اور انکے ماتحت ادارے ڈائریکٹریٹ انٹرنیشنل ٹیکس آپریشنز ہیڈ کوارٹرز کراچی، لاہور،ملتان،پشاور،کوئٹہ اور اسلام آباد ،دوسرے ادارے ڈائریکٹریٹ جنرل آف ان پْٹ ،آوٹ پْٹ کو آفیشئنٹ آرگنائزیشن(آئی او سی او) اور اسکے ذیلی ادارے ڈائریکٹریٹ ان پْٹ ،آوٹ پْٹ کو آفیشئنٹ آرگنائزیشن اسلام آباد ،لاہور اور کراچی اور تیسرے ادارے ڈائریکٹریٹ جنرل آف براڈننگ آف ٹیکس بیس(بی ٹی بی) اور اسکے ذیلی ڈائریکٹریٹ آف براڈننگ آف ٹیکس بیس(بی ٹی بی) کراچی ،لاہور اور اسلام آباد کیلئے الگ سے بجٹ اور آسامیوں کی بھی منظوری دی جائے گی۔

لاہور ( میڈیا 92 نیوز آن لائن ) وفاقی حکومت نے آئندہ مالی سال 2019-20 کے وفاقی بجٹ میں چین کی طرح پاکستان میں اسمال انڈسٹریل اسٹیٹ متعارف کروائے جانیکا امکان ہے۔
دستیاب دستاویز کے مطابق فیڈرل بورڈ آف ریونیو کی جانب سے مختلف شعبوں کی جانب سے موصول ہونیووالی بجٹ تجاویز کو حتمی شکل دے کر بجٹ کا حصہ بنایا جارہا ہے۔

دستاویز کے مطابق ایف بی آر کو موصول ہونیوالی تجاویز میں کہا گیا ہے کہ سرکاری ملازمین و افسران کو صرف 5 مرلہ کے مکانات تک پراپرٹی ٹیکس سے چھوٹ کو محدود کیا جائے اور ایک کنال و اس سے بڑے تمام گھروں پر پراپرٹی ٹیکس عائد کیا جائے۔
اسی طرح جو ملازمین اپنی معیاد پوری کرنے کے بعد ملازمت سے ریٹائر ہو کر بھاری تنخواہوں و مراعات پر کنٹریکٹ پر ملازمتیں کررہے ہیں ان کے لیے بھی ڈیوٹٰی و ٹیکسوں میں اضافی شرح عائد کی جائے اور پنشن کے حوالے سے بھی ان پر نظر ثانی کی جائے۔

اس کے علاوہ گذشتہ کئی سال سے ٹرانسپورٹ مونیٹائزیشن کے نام سے لاکھوں روپے ماہانہ وصول کرنے والے بیوروکریٹس کو اس الاؤنس پر حاصل ٹیکس کی چھوٹ بھی واپس لینے کی تجویز ہے ۔اس کے علاوہ ٹرانسپورٹ مونیٹائزیشن اسکیم کے غلط استعمقال کو روکنے کے حوالے سے بھی تجاویز زیر غور ہیں۔

اسی طرح ایس ایم ایزسیکٹرز کیلیے چائنیز ماڈل پر پاکستان میں بھی اسمال انڈسٹریل اسٹیٹ متعارف کروائے جانے کا امکان ہے ۔ذرائع کا کہنا ہے کہ پائلٹ پراجیکٹ کے طور پر لاہور،فیصل آباد، پشاور، ملتان، سیالکوٹ، سکھر ،حیدرآباد ،رحیم یار خان سمیت دیگر بڑے شہروں میں یہ اسمال انڈسٹریل اسٹیٹ متعارف کروانے کی تجاویز ہیں۔

ان انڈسٹریل اسٹیٹ میں روزمرہ کے استعمال کی اشیاکی مینوفیکچرنگ کو فروغ دیا جائیگا اور ان انڈسٹریل اسٹیٹس میں نئی سرمایہ کاری پر ڈیوٹی و ٹیکسوں سے چھوٹ و مراعات دینے کی تجاویز ہیں جبکہ خام مال پر بھی ڈیوٹی و ٹیکسوں میں چھوٹ و رعایات کی تجاویز زیر غور ہیں اور پہلے مرحلے میں ان صنعتوں کو ترجیع دی جائے گی جنکی مقامی سطع پر کھپت زیادہ ہے اور وہ ضرورت درآمدات کے ذریعے پوری کی جارہی ہیں۔

ان اشیاکی مقامی سطع پر مینوفیکچرنگ کے ذریعے درآمدی بل میں کمی کے ساتھ ساتھ مقامی سطع پر اشیاتیار کرکے ضروریات پوری کرنے کی پالیسی اپنائی جائے گی جس سے بھاری زرمبادلہ کی بچت ہوگی۔

لاہور (میڈیا 92 نیوز آن لائن ) : وزیراعظم کی معاون خصوصی ڈاکٹر ثانیہ نشتر نے کہاہے کہ کفایت شعار وفاقی بجٹ 20-2019 میں وزیراعظم عمران خان نے سماجی تحفظ کا بجٹ دگنا کردیا ہے جو تاریخی اقدام ہے جب کہ 10 لاکھ غربا کو راشن کارڈ اور غریب طلبا کو ٹیوشن فیس اور وظیفہ دینے کا فیصلہ کیا ہے۔

معاون خصوصی ڈاکٹر ثانیہ نشتر نے کہاہے کہ کسی بھی ملک میں سماجی تحفظ کی پالیسی ضرور ہوتی ہے، یہ بھکاری بنانا نہیں ہے،ہم غریب مستحق افراد کو ان کے پاؤں پر کھڑا کرنے جارہے ہیں،6 ماہ سے فوکس اس بات پر ہے کہ سسٹم بہتر ہو، جہاں غربت میں کمی آئی ان ملکوں میں بڑھتی ہوئی آبادی کو کنٹرول کیا گیا، پاکستان میں بھی اس کی ضرورت ہے، توانا پروگرام کا اچھا تاثر آیا تھا لیکن کرپشن کی شکایات بھی موصول ہوئیں، یہ ابھی آغاز ہے، پوری کوشش ہوگی کہ کسی بھی اسٹیج پر کرپشن نہ ہو۔

پریس کانفرنس سے خطاب کرتے ہوئے انھوں نے کہا کہ ایسے حالات میں جہاں فنڈ کی کمی ہے وہاں بہت سے اداروں نے رضاکارانہ اپنا بجٹ کم کردیا ہے۔ مستحق افراد کو وھیل چیئر اوربینائی سے محروم افرادکو سفید چھڑی انصاف کارڈ کے تحت مفت دی جائے گی جبکہ سماعت سے محروم افراد کو مفت ہیئرنگ ایڈ دیے جائیں گے۔

ڈاکٹر ثانیہ نشتر نے بتایاکہ وزیر اعظم نے ہدایت کی ہے کہ ملازمتوں میں معذور افراد کے لیے2 فیصد کوٹے پر سختی سے عمل کیا جائے۔ غریب طلبا کو ٹیوشن فیس، ہاسٹل خرچہ اور وظیفہ دیا جائے گا۔ یتیم خانوں کی حالت بہتر کی جائے گی، حکومت 10 لاکھ غربا کے لیے راشن کارڈ لارہی ہے، تمام منصوبوں کا تیزی سے کام ہورہا ہے۔

اسلام آباد (میڈیا 92 نیوز آن لائن ) حکومت کی جانب سے تیار کردہ قومی اقتصادی سروے 19۔ 2018 کے مسودے میں وفاقی حکومت کی جانب سے رواں مالی سال 19-2018 کیلیے معاشی ترقی، زراعت، صنعت، مینوفیکچرنگ، خدمات سمیت دیگر تمام اہم اقتصادی اہداف حاصل کرنے میں ناکام ہونے کا انکشاف ہوا ہے۔

حکومت کی جانب سے تیار کردہ اقتصادی سروے کل (پیر) جاری کیا جائے گا۔ ذرائع کا کہنا ہے کہ اقتصادی سروے کے مندرجات کے مطابق معاشی ترقی، زراعت، صنعت، مینوفیکچرنگ، خدمات سمیت اہم اہداف حاصل نہ ہوسکے۔

مجموعی معاشی ترقی 6.2 فیصد ہدف کے مقابلے میں 3.3 فیصد،عمومی حکومتی خدمات نے 7.2 فیصد کا ہدف پورا کر لیا، کارکردگی 7.9 فیصد رہی۔ زرعی شعبے کی گروتھ 3.8 فیصد ہدف کے مقابلے میں صرف 0.8 فیصد،صنعتی شعبے کی ترقی 4.9 فیصد ہدف کے مقابلے میں 1.4 فیصد،خدمات کے شعبے کی گروتھ 6.5 فیصد ہدف کے مقابلے میں 4.7 فیصد،بجلی کی پیداوار اور گیس کی ترسیل میں نمایاں اضافہ، 7.5 فیصد ہدف کے مقابلے میں 40.5 فیصد،تعمیرات کا 10 فیصد ہدف پورا نہ ہوا، گروتھ منفی 7.6 فیصد رہی جبکہ بڑی فصلوں کی پیداوار کا ہدف 3.01 فیصد لیکن نتائج منفی 6.5 فیصد رہے۔

کاٹن، جنگلات، فشریز سمیت دیگر شعبوں کا ہدف بھی پورا نہ ہوسکا،لائیو اسٹاک نے 3.8 فیصد کے ہدف سے زیادہ 4 فیصد شرح سے ترقی کی، سمال اینڈ ہاؤس ہولڈ سیکٹر نے بھی 8.2 فیصد کا ہدف پورا کر لیا اورہول سیل، ری ٹیل شعبے نے 7.8 فیصد ہدف کے مقابلے میں صرف 3.1 فیصد شرح سے ترقی کی۔

اسلام آباد (ایمرا نیوز آن لائن) حکومت نے آئندہ مالی سال کے بجٹ میں ٹیکس چوروں کے خلاف بھرپور ایکشن کی تیاری کرلی۔ ایف بی آر نے بڑے ٹیکس چوروں کا ڈیٹا اکھٹا کرنا شروع کر دیا۔

دستاویزات کے مطابق اگر اکاؤنٹ میں ایک سال تک 5 لاکھ روپے پڑے رہے، 2400 سی سی گاڑی خریدی، 2 کنال کے گھر میں رہ رہے ہیں یا سال میں تین دفعہ بیرون ملک دورے کیے تو بچنا مشکل ہو جائے گا۔ فیڈرل بورڈ آف ریونیو کے مراسلے میں کہا گیا ہے کہ 5 لاکھ روپے کے بینک اکاونٹس ہولڈرز کی تفصیلات طلب کی جائیں، 5 لاکھ اکاؤنٹ میں ہونے کے باجود اگر ٹیکس گوشوارہ جمع نہیں تو ایکشن ہوگا۔

ایف بی آر نے بجلی کی تقسیم کار کمپنیوں سے بھی انڈسٹریل اور کمرشل صارفین کا ڈیٹا طلب کرلیا گیا ہے جبکہ نادرا اور ایف آئی اے بیرون ملک سفر کرنے والے افراد کا ڈیٹا فراہم کریں گے۔

چین (ایمرا نیوز آن لائن)

چین کی ٹیلی کام کمپنی ہواوے نے 30 ملکوں سے فائیو جی ٹیکنالوجی کے 46 تجارتی معاہدے کرلیے۔

کمپنی کے مطابق اس نے دنیا میں سب سے بہتر درجہ بندی رکھنے والے ایک لاکھ سے زائد 5G بیس اسٹیشنز بھیجے ہیں۔

ہواوے کا کہنا ہےکہ وہ چین کی 5G ٹیکنالوجی کے تجارتی استعمال کے لیے مکمل تیار ہے۔

چینی میڈیا کی رپورٹ کےمطابق ہواوے نے فروری 2018 میں دنیا کے پہلا ٹرمینل ڈیوائس اور پہلی 5G کال کا آغاز کیا۔

چین کی وزارت صنعت اورانفارمیشن ٹیکنالوجی نے چائنا براڈ کاسٹنگ نیٹ ورک اورملک کے تین بہترین آپریٹرز، چائنا ٹیلی کام، چائنا موبائل اور چائنا یونی کام 5G کے کمرشل استعمال کے لائسنس جاری کیے ہیں۔

اسلام آباد (ایمرا نیوز آن لائن) تمام بینکوں سے ود ہولڈنگ ڈیٹا ایف بی آر کو رواں ماہ کے تیسرے ہفتے میں دستیاب ہو گا۔ جو نادرا کی معاونت سے تیار کردہ ڈیٹا بینک میں استعمال ہو گا۔ جس کا مقصد ٹیکس بیس کو وسعت دینا ہے۔ اس میں ممکنہ نان فائلرز کے بارے میں تمام تر معلومات دستیاب ہوں گی۔ اس میں بینک ڈیٹا کے بارے میں معلومات حاصل نہیں تھیں۔ اب ایف بی آر کو یقین ہے کہ ود ہولڈنگ کٹوتیوں کے اعداد و شمار 18جون تک دستیاب ہوں گے۔ جس کی مدد سے فیڈرل بورڈ آف ریونیو ٹیکس بیس کو وسعت دینے کیلئے یکم جولائی 2019ء سے اپنا پائلٹ پروجیکٹ شروع کر سکے گا۔ اسٹیٹ بینک نے ایف بی آر کو اپنے جواب میں بتایا تھا کہ ان کے پاس صارفین کے اعداد و شمار نہیں ہیں۔ لیکن ملکی قانون کے تحت بینکس براہ راست اعداد و شمار ایف بی آر کو فراہم کر سکتے ہیں۔ اسٹیٹ بینک کے ایک اعلیٰ افسر کا رابطہ کرنے پر کہنا تھا کہ انکم ٹیکس قانون کے تحت ایف بی آر کو یہ اختیار حاصل ہے۔ انہو ں نے کہا کہ اسٹیٹ بینک کے پاس ڈپازٹیرز کے اعداد و شمار نہیں ہیں۔ ایف بی آر انکم ٹیکس قانون کے تحت براہ راست اس بارے میں معلومات حاصل کرسکتا ہے۔ جس کے لئے مرکزی بینک معلومات اور معاونت فراہم کر رہا ہے۔ آزاد ٹیکس ماہرین کا کہنا ہے کہ اعداد و شمار سے استفادے کے لئے ایف بی آر کو اپنی صلاحیت کا مؤثر استعمال کرنا ہو گا اور تمام بینکوں اور ایف بی آر کو اس حوالے سے سافٹ ویئر تیار کرنا ہو گا۔ جس میں باہم رابطوں کی استطاعت ہو۔ دوسرے اس آئی ٹی صلاحیت کا حامل ڈیٹا کو سافٹ ویئر میں چپ کیا جانا چاہئے تاکہ رابطوں میں کمی کو ڈیٹا بینک میں منتقل کر کے نان فائلرز کو انہیں ہراساں کئے بغیر نیٹ میں لایا جاسکے۔

اسلام آباد (ایمرا نیوز آن لائن) اوگرا نے آئل مارکیٹنگ کمپنیوں کے لئے نیا کرائے ٹیریا جاری کر دیا ہے جسکے مطابق پاکستان میں آئل مارکیٹنگ صرف پرائیویٹ کمپنی ہی کر سکے گی۔ اسے تین سال کے لئے پرویژنل لائسنس ملے گا اس عرصے میں اسے 20 دن کی ضرورت کے تیل کا اپنا اسٹوریج تعمیر کرنا لازمی ہو گا اور اسے 500 ملین روپے کا آئل

اسٹوریج بنانا لازمی ہو گا اور اسکے پاس 10 کروڑ روپے کا رننگ کیپٹل ہونا لازمی ہے۔ اوگرا نے سروے کے بعد 39 آئل مارکیٹنگ کمپنیوں کو آئل مارکیٹنگ سے روک دیا ہے جن کمپنیوں کو آئل مارکیٹنگ کی اس بنا پر اجازت نہیں ہے کہ ان کے پاس قانون کے مطابق آئل سٹوریج نہیں ہے ان کے نام پرسن پیٹروسن پٹرولیم،

گورمے پٹرولیم، بی اے آر آئی آئل پٹرولیم، بیسٹ پٹرولیم، ایکسل پٹرولیم، اولیم، پادام پٹرولیم، میکس فیول، ہائی ٹیک لبریکینٹ و آئل پٹرولیم، انٹرنیشنل پیٹرو کیمیکل، الائیڈ پٹرولیم اور لی ون انرجی، پاک گیسولین، شمس پٹرولیم، برکلے آئل اینڈ گیس، تاج گیسولین، ٹرمینل ون لمیٹڈ (پٹرولیم) گرین انرجی پرائیویٹ لمیٹڈ، نارتھ ویسٹ پٹرولیم،

یادگار پٹرولیم، فوسل (FOSSIL) انرجی، ملت پٹرولیم، پیٹرو آئل پٹرولیم لمیٹڈ، لکی پٹرولیم، ایکو (ECHO) آئل، الحمدالی انٹرنیشنل، سپریئر پٹرولیم، راج اینڈ سن، ایچ جی پیٹرو مارکیٹنگ،
کیسین پٹرولیم، پرشین پٹرولیم، فور فرنٹ مارکیٹنگ، پیور پٹرولیم، خیبر پٹرولیم، ایس پی ای سی پٹرولیم۔

لاہور (میڈیا 92 نیوز آن لائن ) ایپل نے آئی فون کے بیزل کم از کم رکھنے کے لیے سب سے پہلے نوچ کو متعارف کرایا جو پھر اینڈرائیڈ فونز میں بھی پھیل گیا۔

اس کے بعد پوپ اپ کیمرا سسٹم سامنے آیا جبکہ سام سنگ نے پنچ ہول کیمرا سسٹم ایس 10 کے ذریعے متعارف کرایا۔

مگر اب چینی کمپنیاں شیاﺅمی اور اوپو مکمل بیزل لیس اسمارٹ فون کی تیاری کے لیے فرنٹ کیمرا سسٹم ہی ڈسپلے کے اندر لے جانے کے لیے تیار ہیں۔

جی ہاں جیسے فنگرپرنٹ سنسر کو ڈسپلے کے اندر نصب کردیا گیا ہے، اب سیلفی کیمرا بھی اسی طرح استعمال کیا جاسکے گا۔

اوپو کے نائب صدر برائن شین نے ایک مختصر ویڈیو چینی ویب سائٹ ویبو پر پوسٹ کی جس میں ایک نوچ فری پروٹوٹائپ کیمرا دکھایا گیا تھا جو ایک ڈیسک پر رکھا تھا۔

اس میں کیمرا ایپ اوپن ہوتی ہے اور اسکرین میں فرنٹ کیمرا نظر نہیں آتا مگر اسکرین پر اس جگہ کا لائیو ویو نظر آرہا ہوتا ہے جبکہ ایک انگلی کو اس جگہ رکھا جاتا ہے جہاں کسی کیمرے کی موجودگی کا امکان ہوسکتا ہے۔

اوپو کے نائب صدر نے ایک اور پوسٹ میں یہ اعتراف کیا کہ انڈر اسکرین کیمرا ٹیکنالوجی ابھی ابتدائی مراحل میں ہے اور اس مرحلے میں انڈر ڈسپلے کیمروں کے لیے عام کیمروں جیسے نتائج فراہم کرنا بہت مشکل ہے، کیونکہ اس ٹیکنالوجی میں آپٹیکل کوالٹی کم ہوجاتی ہے، تاہم کوئی بھی نئی ٹیکنالوجی اچانک ہی پرفیکٹ نہیں ہوجاتی۔

اس کلپ کو بعد ازاں کمپنی کے آفیشل ٹوئٹر اکاؤنٹ پر بھی پوسٹ کیا گیا۔

For those seeking the perfect, notchless smartphone screen experience – prepare to be amazed. ?

You are taking a very first look at our under-display selfie camera technology. RT! ? pic.twitter.com/FrqB6RiJaY

— OPPO (@oppo) June 3, 2019

یہ تو واضح نہیں کہ اس ٹیکنالوجی کو اوپو کب اور کس فون میں متعارف کرانے والی ہے مگر اس کی پہلی جھلک تو آپ دیکھ ہی سکتے ہیں۔

دوسری جانب شیاﺅمی نے صدر لین بن نے بھی ایک ویڈیو کلپ ویبو پر جاری کیا ہے جس میں مائی 9 پروٹوٹائپ میں انڈر اسکرین کیمرا سسٹم کو دکھایا گیا ہے ، یعنی ہول، نوچ یا پوپ اے کیمرے سے محروم فون مگر پھر بھی کیمرا ایپ کام کررہی ہے۔

مگر اس کمپنی نے بھی اس فون کو متعارف کرانے کی تاریخ کا اعلان نہیں کیا۔

Do you want a sneak peek at the future? Here you go…introducing you to Under-Display Camera technology!#Xiaomi #InnovationForEveryone pic.twitter.com/d2HL6FHkh1

— Xiaomi #5GIsHere (@Xiaomi) June 3, 2019

اسپاٹ ریٹ کمیٹی نے اسپاٹ ریٹ میں فی من 100 روپے کا اضافہ کرکے اسپاٹ ریٹ فی من 8800 روپے کے بھاؤ پر بند کیا

کراچی (ایمرا نیوز آن لائن) مقامی کاٹن مارکیٹ میں گزشتہ ہفتہ کے دوران روئی کے بھاؤ میں مجموعی طور پر استحکام رہا۔ اچھی کوالٹی کی روئی کی خریداری میں ملیں دلچسپی لے رہی ہیں کئی ملز عید الفطر کی طویل تعطیلات کی وجہ سے اچھی کوالٹی کی روئی کی عید شاپنگ کررہی ہیں۔ صوبہ سندھ وپنجاب میں روئی کا بھاؤ فی من 7500 تا 9000 روپے رہا۔

کراچی کاٹن ایسوسی ایشن کی اسپاٹ ریٹ کمیٹی نے اسپاٹ ریٹ میں فی من 100 روپے کا اضافہ کرکے اسپاٹ ریٹ فی من 8800 روپے کے بھاؤ پر بند کیا۔ جنرز کے پاس تقریبا تین لاکھ گانٹھوں کا اسٹاک موجود ہے جب کہ جون میں صوبہ سندھ میں دو تین جننگ فیکٹریاں نئی فصل سے چل جائے گی فی الحال صوبہ سندھ کے کپاس پیدا کرنے والے زریں علاقوں میں جزوی طور پر پھٹی کی آمد شروع ہو چکی ہے.

جس کا بھاؤ فی 40 کلو 3800 تا 4100 روپے چل رہا ہے اندرونِ سندھ سے موصولہ اطلاعات کے مطابق فی الحال کپاس کی فصل تسلی بخش ہے گو کہ صوبہ پنجاب کے کپاس پیدا کرنے والے کچھ علاقوں میں طوفانی بارشوں اور ژالہ باری کے باعث کپاس کی دوبارہ بوائی کرنی پڑی ہے تاہم فی الحال فصل غیر تسلی بخش کہی جاسکتی ہے بوائی جون تک ہوتی رہے گی۔

تاہم صوبہ پنجاب سے موصولہ اطلاعات کے مطابق وہاں کئی علاقوں میں کپاس کی فصل کے متعلق مختلف آرا سامنے آرہی ہے کپاس پیدا کرنے والے کئی علاقوں کے کاشتکار کپاس کے بجائے مکئی اور دھان کی فصل کو ترجیع دے رہے ہیں۔دریں اثنا کراچی کاٹن بروکرزفورم کے چیئرمین نسیم عثمان نے بتایا کہ حکومت کی نئی اقتصادی پالیسیوں سے برآمدکنندگان پریشان نظر آتے ہیں پانچ زیرو ریٹیڈ صنعتوں سے رعایت واپس لینے کی خبریں گردش کر رہی ہیں ٹیکسٹائل سیکٹر سے توانائی انرجی پیکیج ختم کرنے کا اعلان کردیا گیا ہے علاوہ ازیں صنعتوں پر 17 فیصد سیلز ٹیکس لگایا جارہا ہے۔

جس کے باعث صنعت کار پریشان ہیں وہ اخباروں میں اشتہارات کے ذریعے حکومت سے استدعا کر رہے ہیں کہ پہلے ہی توانائی کی قیمت میں اضافہ بینک انٹرسٹ میں اضافہ اور ڈالر کے بہاؤ میں اضافے کی وجہ سے پیداواری قیمتوں میں اضافہ ہو چکا ہے جس کے باعث برآمد بری طرح متاثر ہو رہی ہے پیٹرول مصنوعات توانائی کی قیمتوں میں مزید اضافہ کی خبروں کی وجہ سے کاروبار بری طرح متاثر ہو رہا ہے.

نئے ٹیکس سے برآمدات کم ہوجائے گی صنعت کاروں کا کہنا ہے کہ ان حالات میں صنعتیں چلانا ناممکن ہوتا جارہا ہے بیشتر صنعتکار ہڑتال کا مشورہ دے رہے ہیں ٹیکسٹائل سیکٹر کے سربراہ گوہر اعجاز نے کہا کہ حکومت زیرو ریٹیڈ کی رعایت ختم کرے گی تو برآمد کا حجم 3 ارب ڈالر کم ہوکر 24 ارب ڈالر سے کم ہوکر 21 ارب ڈالر پر آ جائے گا دوسری جانب صنعت کاروں کا کہنا کہ ملک کی معیشت کی ذمہ داری آئی ایم ایف کے درآمدشدہ لوگوں کے ہاتھ میں آگیا ہے.

انہوں نے وفاقی وزیر خزانہ کے سیکرٹری یونس ڈھاگہ کو اور وفاقی ٹیکسٹائل و انڈسٹری کے مشیر عبدالرزاق داؤد کو سائیڈ لائن کر دیا ہے کیونکہ وفاقی سیکرٹری خزانہ آئی ایم ایف کی کڑی تجاویز سے اتفاق نہیں کررہے تھے جبکہ عبد الرزاق داود برآمدکنندگان 5 سیکٹر سے زیرو ریٹڈ مراعات واپس لینے کی مخالفت کر رہے ہیں لیکن اس کے باوجود مشیر خزانہ ناصرف زیرو ریٹڈ مراعات ختم کرنے بلکہ صنعتوں پر 17 فیصد سیلز ٹیکس عائد کر رہے ہیں اس طرح حکومت کے اہلکاروں اور آئی ایم ایف کے مشیروں کے درمیان ایک قسم کی نااتفاقی چل رہی ہے۔

جس کے ملک کی معیشت پر منفی اثرات مرتب ہو رہے ہیں کیونکہ ان معاملات سے ٹیکسٹائل سیکٹر کا زیادہ واسطہ ہے اس کے اثرات کپاس کے کاروبار پر بھی پڑھ رہے ہیں ٹیکسٹائل سیکٹر میں بے یقینی کی صورتحال بڑھتی جارہی ہے یہ سب سے زیادہ زرمبادلہ کمانے والا سیکٹر فی لحال بحرانی کیفیت میں ہے جس کا اثر کپاس کے کاروبار پر بھی نظر آ رہا ہے۔

گو کہ حکومت کے سخت اقدام کی وجہ سے روپے کے نسبت ڈالر کی دوڑ میں کمی واقع ہو رہی ہے لیکن لوگوں کا خیال ہے کہ ڈالر کا بھاؤ دوبارہ بڑھ جائے گا دریں اثنا بین الاقوامی کاٹن مارکیٹ میں روئی کے بھاؤمیں اضافہ کا رجحان کہاں جاسکتا ہے نیو یارک کاٹن کے بھا میں ملا جلا رجحان رہا جبکہ بھارت میں روئی کے بھاؤ میں اضافہ کا رجحان رہا ہے چین میں ملا جلا رجحان کہا جاسکتا ہے۔ عید الفطر کی طویل تعطیلات کے باعث آئندہ پورا ہفتہ تعطیلات میں گزر جائے گا۔