Archives December 2022

الیکشن کمیشن اور وفاقی حکومت نے آج بلدیاتی انتخابات کرانے سے متعلق اسلام آباد ہائیکورٹ کے سنگل بینچ کا فیصلہ چیلنج کردیا ہے۔

اسلام آباد ہائی کورٹ میں انٹراکورٹ اپیل دائر کی گئی ہے جس میں مؤقف اختیار کیا گیا ہے کہ سنگل بینچ نے معاملے کے حقائق، قانونی پہلو مد نظرنہ رکھتے ہوئےفیصلہ سُنایا، انٹراکورٹ اپیل پر فیصلے تک سنگل بینچ کا آج الیکشن کرانے کا فیصلہ معطل کیا جائے۔

اسلام آباد ہائیکورٹ نے الیکشن کمیشن کو آج وفاقی دارالحکومت میں بلدیاتی الیکشن کرانے کا حکم دیا تھا تاہم الیکشن کمیشن نے گزشتہ رات اتنے کم وقت میں الیکشن کرانے سے انکار کرتے ہوئے کہا تھا کہ عملہ چھٹی پر جا چکا جبکہ حکومت نے بھی سکیورٹی کی فراہمی سے معذرت کر لی تھی۔

آج اسلام آباد میں کئی مقامات پر ووٹرز ووٹ ڈالنے پہنچے لیکن پولنگ اسٹیشنز پر تالے اور عملہ نہ ہونے پر مایوس ہو کر واپس لوٹ گئے، کئی مقامات پر ووٹرز نے قطاریں بھی لگائیں اور احتجاج ریکارڈ کرایا۔

دوسری جانب الیکشن کمیشن اور وفاقی حکومت نے بلدیاتی انتخابات کرانے سے متعلق اسلام آباد ہائیکورٹ کے سنگل بینچ کا فیصلہ چیلنج کرتے ہوئے انٹراکورٹ اپیل دائر کر دی ہے جس میں آج ہی سماعت کی استدعا کی گئی ہے۔

درخواست میں مؤقف اختیار کیا گیا ہے کہ سنگل رکنی بینچ نے معاملے کے حقائق اور قانونی پہلو مدنظر نہ رکھتے ہوئے فیصلہ سنایا، انٹراکورٹ اپیل پر فیصلے تک سنگل بینچ کا آج الیکشن کرانے کا فیصلہ معطل کیا جائے۔ 

گزشتہ کئی ماہ سے خبریں زیر گردش ہیں کہ کیارا اور سدھارتھ جلد رشتہ ازدواج میں منسلک ہوجائیں گے لیکن اب تک دونوں اداکاروں کی جانب سے ان خبروں کی تصدیق یا تردید نہیں کی گئی جب کہ بھارتی میڈیا پر بھی قیاس آرائیوں پر مبنی خبریں شائع ہوتی رہیں۔

لیکن اب بھارتی میڈیا دعویٰ کررہا ہے کہ اداکار جوڑی کی شادی کی حتمی تاریخ سامنے آچکی ہے۔

ٹائمز آف انڈیا کی رپورٹ کے مطابق کیارا اور سدھارتھ آئندہ برس فروری کی 6 تاریخ کو رشتہ ازدواج میں منسلک ہوجائیں گے۔

شادی کی تقریبات کا آغاز 4 فروری سے ہوگا، جب کہ 5 کو بھی کوئی تقریب منعقد کی جائے گی، جوڑے کی ہلدی، مہندی اور سنگیت کی تقریبات ہوں گی۔

رپورٹس کے مطابق کیارا اور سدھارتھ کی عالیشان شادی کترینہ کیف اور وکی کوشل کی طرح راجستھان میں ہوگی، تقریب  جیسلمر پیلس ہوٹل میں ہوگی جس کے لیے سکیورٹی کے سخت انتظامات کرلیے گئے ہیں۔

ٹائمز آف انڈیا نے اپنی رپورٹ میں یہ بھی بتایا کہ دونوں کی شادی کو خفیہ رکھا جائے گا جب کہ سکیورٹی اہلکار 3 فروری کو ہی  جیسلمر بھیج دیے جائیں گے۔

پاکستانی اداکارہ و لکھاری امر خان نے خواہش ظاہر کی ہے کہ آنے والے سال میں پاکستان میں بھی کوئی سنجے لیلا بھنسالی جیسا ہدایتکار سامنے آئے جو خواتین کردار پر مبنی فلمیں بنائے۔

اداکارہ نے جس ٹوئٹ کو شیئر  کیا تھا اس میں لکھا تھا کہ  سنجے لیلا بھنسالی نے گنگو بائی کاٹھیاواڑی جیسی خاتون کے مرکزی کردار کی فلم بنا کر یہ ثابت کردیا کہ اگر فلم اچھی بنائی جائے تو ہیرو کی جگہ ہیروئن کی فلم بھی کامیاب ہو سکتی ہے۔

ٹوئٹ میں یہ بھی کہا گیا تھا کہ گنگو بائی کاٹھیاواڑی سے یہ بات بھی ثابت ہوئی کہ اگر اچھے ڈائیلاگز لکھے جائیں تو پرانے زمانے کے ڈائیلاگز کو بھی پسند کیا جائے گا۔

واضح رہے کہ گنگو بائی کاٹھیاواڑی رواں برس ریلیز کی گئی تھی جس میں عالیہ بھٹ نے مرکزی کردار نبھایا تھا، یہ فلم رواں سال کی کامیاب ترین فلموں میں سے ایک تھی۔

بھارت کی سینئر اداکارہ سشمیا سین نے پاکستان فلم انڈسٹری کی نامور بہن اداکاراؤں سجل علی اور صبور علی کے لیے محبت بھرا پیغام بھیجا ہے۔

اداکارہ سجل علی اور  صبور علی کے بھائی سید علی نے بالی وڈ اداکارہ سشمیتا سین سے ملاقات کی اور ایک ویڈیو بھی بنائی جس میں سشمیتا سین نے پاکستانی اداکاراؤں کے لیے محبت بھرا پیغام دیا۔

بالی وڈ اداکارہ نے اپنے ویڈیو پیغام میں کہا کہ آپ کے بھائی نے کہا ہے کہ میں آپ لوگوں کو ہیلو کہوں، میری خواہش ہے کہ آپ اداکاری میں ایسے ہی کام کرتی رہیں اور آگے بڑھتی رہیں، آپ ہمیشہ امن میں رہیں۔

وفاقی دارالحکومت میں آج بلدیاتی انتخابات کرانے کا گزشتہ روز کا اسلام آباد ہائیکورٹ کا فیصلہ چیلنج کر دیا گیا۔

الیکشن کمیشن نے اسلام آباد ہائیکورٹ میں گزشتہ روز کے عدالتی فیصلے کے خلاف انٹرا کورٹ اپیل دائر کر دی ہے۔

الیکشن کمیشن کی جانب سے انٹرا کورٹ اپیل پر آج ہی سماعت کی استدعا کی گئی ہے۔

ذرائع کے مطابق الیکشن کمیشن کی انٹراکورٹ اپیل پر رجسٹرار آفس اسلام ہائیکورٹ نے اعتراض عائد کر دیا ہے۔

ذرائع کا بتانا ہے کہ رجسٹرار آفس کی جانب سے عائد اعتراض میں کہا گیا ہے کہ انٹرا کورٹ اپیل کے ساتھ دستاویزات نامکمل ہیں، الیکشن کمیشن کی قانونی ٹیم رجسٹرار آفس کے اعتراضات دور کررہی ہے۔

دوسری جانب وفاقی حکومت نے بھی اسلام آباد میں آج الیکشن کرانے کے اسلام آباد ہائیکورٹ کے گزشتہ روز کے فیصلے کے خلاف انٹرا کورٹ اپیل دائر کر دی ہے۔

یاد رہے کہ گزشتہ روز اسلام آباد ہائیکورٹ نے الیکشن کمیشن کو آج (31 دسمبر 2022) کو وفاقی دارالحکومت میں بلدیاتی انتخابات کرانے کا حکم دیا تھا تاہم وفاقی حکومت نے الیکشن کمیشن کو سکیورٹی فراہم کرنے سے معذرت کر لی تھی اور الیکشن عملہ بھی فوری دستیاب نہیں تھا۔

ذرائع الیکشن کمیشن کا کہنا تھا کہ اتنی کم مدت میں الیکشن کا انعقاد ممکن نہیں ہے۔

دوسری جانب وفاقی وزیر داخلہ رانا ثنا اللہ کا کہنا تھا کہ اسلام آباد میں بلدیاتی انتخابات کے لیے 4 سے 5 ماہ درکار ہیں۔

اسلام آباد :وزیر اعظم شہباز شریف کی مصروفیات کے باعث وفاقی کابینہ کا ہفتہ کو ہونے والا اجلاس ملتوی کر دیا گیا ،حکومتی ذرائع کے مطابق اجلاس دن 12 بجے بلایا گیا تھا جس میں توانائی کی بچت کے نظر ثانی شدہ قومی پلان کی منظوری دی جانا تھی اور اس پر وزیر دفاع خواجہ آصف نے مختلف تاجر تنظیموں سے مذاکرات پر بریفنگ دینا تھی ،اس کے ساتھ ساتھ قومی سلامتی کمیٹی کی سفارشات کی بھی منظوری ہونا تھی تاہم وزیر اعظم شہباز شریف کی لاہور میں سیاسی مصروفیات کے باعث یہ اجلاس ملتوی کر دیا گیا ہے۔

اسلام آباد :وفاقی وزیر ماحولیاتی تبدیلی شیری رحمن نے کہا ہے کہ ابھی حالات بہتری کی طرف گامزن ہیں، امید ہے 2023 میں ہم سابق حکومت کے پیدا کردہ بحرانوں سے مکمل نکل آئیں گے۔ دعا ہے نیا سال ملک اور قوم کے لیے استحکام، ترقی، خوشحالی اور خوشیوں کا سال ہو۔ہفتہ کے روز اپنے ایک بیان میں نئے سال پر اہل وطن کو مبارکباد دیتے ہوئے شیری رحمن نے کہا کہ سال 2022 پاکستان کے لیے بہت مشکلات کا سال رہا۔ تاریخی سیلاب، ماحولیاتی تبدیلی کے بدترین اثرات پر پاکستان دنیا کی توجہ کا مرکز رہا، برساتی، نہری سیلاب کے باعث ملک کا چوتھائی حصہ اور 3 کروڑ 30 لاکھ سے زائد لوگ متاثر ہوئے۔انہوں نے کہا کہ 17 سو سے زائد اموات ہوئیں، گھروں، سڑکوں اور بنیادی ڈھانچے کو شدید نقصان ہوا، ماحولیاتی بحران کے باعث ایسی تباہ کاریوں کی مثال حالیہ تاریخ میں نہیں ملتی۔ ان کا کہنا ہے کہ ان سردیوں میں ابھی بھی ہمارے لاکھوں بھائی بہنیں بیگھر زندگی گزار رہے ہیں، نئے سال میں لوگوں کو پیغام ہے سیلاب متاثریں کی مکمل بحالی میں ان کا ساتھ دیں، سیلاب متاثرین کی مکمل بحالی ہم سب کی مشترکہ ذمے داری ہے۔شیری رحمٰن نے مزید کہا کہ اقتدار میں آتے ہی ملک کو ڈیفالٹ سے بچانے کے لیے مشکل فیصلے کرنے پڑے۔ سال 2023 کے لیے ہم سب کو پْرامید ہونا چاہیے۔

اسلام آباد :تحریک انصاف کے رہنما اسد عمر نے کہا ہے کہ امپورٹد حکومت جو نظام بنانے کی کوشش کر رہی ہے اس میں جمہوریت ہو اور کوئی الیکشن نہ ہو۔عوامی رابطوں کی ویب سائٹ پر اپنے ایک بیان میں انہوں نے کہا کہ پی ڈی ایم کا یہ جمہوری نظام کہیں ان کو اور قوم کو مہنگا نہ پڑ جائے۔

اسلام آباد:تحریک انصاف کی رہنما شیریں مزاری نے کہا کہ الیکشن کمیشن کے تعصب کے بارے میں ذرا سا بھی شبہ تھا تو بے نقاب ہو چکا ہے۔عوامی رابطوں کی ویب سائٹ ٹوئٹر پر اپنے ایک بیان میں شیریں مزاری نے کہا کہ الیکشن کمیشن نے اسلام آباد ہائیکورٹ کے حکم کے باوجود آج لوکل گورنمنٹ الیکشن کی پولنگ کی اجازت نہیں دی،اس عمل سے الیکشن کمیشن نے بدمعاشوں اور سازشیوں کو خوش کرنے کے لیے توہین عدالت کا ارتکاب کیا ہے،انتخابات کے انعقاد کے معاملے پر سیاست کھیلنے پر الیکشن کمیشن کو مستعفی ہو جانا چاہئے۔

اسلام آباد :پی آئی اے انتظامیہ نے دوران پرواز پر سیگریٹ نوشی کرنے والے عملے کے ارکان پر ایک لاکھ روپے جرمانہعائد کرنے کا فیصلہ کرلیا۔قومی ائیر لائن کی جانب سے جاری بیان میں کہاگیا ہے کہ پی آئی اے کی پروازوں پر سگریٹ نوشی کرنے والے عملے پر فی کس ایک لاکھ روپے جرمانہ عائدہوگا،جرمانے کا فیصلہ یورپی سی اے اے ’’سافا‘‘ پروگرام کے تحت پی آئی اے طیارے کی انسپکشن کے دوران اسموکنگ کے انکشاف پر کیا گیا ہے، جب کہ ایئر لائن انتظامیہ نے نو اسموکنگ آن بورڈ پالیسی کی خلاف ورزی میں ملوث عملے کو ممکنہ جرمانے کا سرکلر بھی جاری کردیا ہے۔سرکلر میں کہا گیا ہے کہ پرواز پر تعینات دیگر عملے کی جانب سے سیگریٹ نوشی کرنے والے کے بارے میں رپورٹ کرنا ضروری ہے، رپورٹ نہ کرنے والے عملے کو بھی ایک لاکھ روپے فی کس جرمانہ عائد کیا جائے گا۔سرکلر میں کہا گیا ہے کہ پرواز پر تعینات عملہ نو اسموکنگ آن بورڈ پالیسی پر عملدرآمد کو یقینی بنائے، بصورت دیگر فی کس ایک لاکھ روپے جرمانہ عائد کیا جائے گا۔