Archives April 2020

وہ کوئی خوشبوتھی، بانسری کی لَے تھی یا اس کے خیال کی چھاؤں جو مجھے اپنی طرف بلا رہی تھی۔ فیصل آباد سے 17 کلومیٹر دور جڑانوالہ روڈ سے بائیں ہاتھ مڑیں تو تقریباً تین کلومیٹر کے فاصلے پر وہ بستی ہے جہاں مجھے جانا ہے۔ اس بستی میں ایک گھر ہے جس میں آزادی کے سرفروش بھگت سنگھ نے جنم لیا تھا، جس نے انگریزوں کی دشمنی وراثت میں پائی تھی۔ جس نے 24 سال کی عمر میں اپنے وطن کی آزادی کی خاطر پھانسی کے پھندے کوچوم کرگلے میں ڈالا تھا اور جس نے موت سے پہلے اپنی تمام تر توانائیوں کو جمع کرتے ہوئے نعرہ لگایا تھا۔ ’انقلاب زندہ باد۔‘

اس بستی کا نام 105 بنگا ہے۔ بنگا جانے والی سڑک کے دونوں طرف کھیتوں میں قدِ آدم فصلیں لہلہا رہی ہیں۔ گاؤں کی ٹیڑھی میڑھی گلیوں سے ہوتے ہوئے اب میں بھگت سنگھ حویلی کے سامنے کھڑا ہوں۔ پاکستان بننے کے بعد یہ حویلی وِرک خاندان کی تحویل میں آ گئی تھی۔ اس خاندان کے ہونہار سپوت ثاقب ورک نے اس حویلی کو میوزیم کی شکل دے دی ہے جہاں بھگت سنگھ اور اس کے ساتھیوں کی نادر تصاویر آویزاں ہیں۔ حویلی میں دو کمرے اور ایک وسیع وعریض صحن ہے۔ اسی حویلی میں 1907 میں بھگت کی پیدائش ہوئی۔ یہ خاندان حریت پسندوں کاخاندان تھا۔ اس کے والد کشن سنگھ اورچچا اجیت سنگھ اور سورن سنگھ انگریزوں کے تسلط کے خلاف برسر پیکار تھے۔ انگریزوں کی حکمرانی سے نفرت اس کی گھٹی میں پڑی تھی

13 اپریل 1919ء کو جب جلیانوالہ باغ میں جنرل ڈائر کے حکم پر 400 معصوم لوگوں کوموت کے گھاٹ اتارا گیا اس وقت بھگت سنگھ کی عمر صرف 12سال تھی اور وہ لاہور کے ایک سکول میں زیرِ تعلیم تھا۔ اگلے روز سکول جانے کی بجائے جلیانوالہ باغ پہنچ گیا جہاں کی مٹی میں معصوم لوگوں کاخون شامل ہوگیا تھا۔ وہ خون آلود مٹی ایک بوتل میں بھر کر گھر لے آیا۔ اس سانحے کے اثرات بھگت کے ذہن پر نقش ہوگئے۔ تحریکِ عدم تعاون کے نتیجے میں بھگت نے اپنا سکول چھوڑ دیا تھا، اس کے بعد اس نے نیشنل کالج لاہور میں داخلہ لے لیا۔

بھگت کو جو پہلے ہی جذبۂ حب الوطنی سے سرشارتھا نیشنل کالج کی شکل میں ایسی جگہ میسر آ گئی تھی جس نے اس کی سیاسی بصیرت کو پروان چڑھایا۔ نیشنل کالج کے بانیوں میں لالہ لاجپت رائے اور بھائی پرمانند کا شمار ہوتا ہے۔ یہاں بھگت نے اپنے ساتھیوں کی مدد سے نوجوان بھارت سبھا کی نام سے ایک عسکری تنظیم قائم کی، جس کا بنیادی مقصد جدوجہدِ آزاد ی میں تیزی لانا تھا۔ بھگت نے 1924 میں ہندوستان ری پبلکن ایسوسی ایشن (HRA) میں شمولیت اختیار کی۔ بھگت اور اس کے ساتھی آزادی کی اس جدوجہد میں قومی سطح پر نہایت فعال کردار ادا کرنا چاہتے تھے اور یہ موقع انہیں جلد میسر آ گیا جب 30 اکتوبر 1928 کو سائمن کمیشن نے لاہور آنے کا اعلان کیا۔

لاہور ریلوے سٹیشن پر احتجاج کے لیے ہزاروں لوگوں کا اجتماع تھا جس کی قیادت نامور کانگریسی راہنما لالہ لاجپت رائے کر رہے تھے۔ اس مشتعل ہجوم پر پولیس نے لاٹھی چارج شروع کر دیا۔ انگریز افسر سکاٹ کے اشارے پر لالہ لاجپت پر انتہائی بہیمانہ جسمانی تشدد کیا گیا حتیٰ کہ ان کے جسم سے خون بہنے لگا اور وہ زمین پر گر گئے۔ لالہ لاجپت زخموں کی تاب نہ لاسکے اور17 نومبر 1928 کو اس جہاں فانی سے رخصت ہو گئے۔ اس واقعے کا بھگت اور اس کے ساتھیوں پر بہت گہرا اثر ہوا۔ HRA کے اراکین نے ایک میٹنگ منعقد کی جس میں دو اہم فیصلے کئے گئے۔

بھگت سنگھ کی تجویز کے مطابق تنظیم کا نام بدل کر ہندوستان سوشلسٹ ری پبلیکن ایسوسی ایشن (HSRA) رکھ دیا گیا۔ دوسرا اہم ترین فیصلہ سکاٹ کے قتل کا تھا۔ جن لوگوں نے سکاٹ کو قتل کرنا تھا ان میں چندرا شیکھر آزاد، بھگت سنگھ، راج گرو اور جے پال کا نام تھا۔ لیکن شناخت میں غلطی کی بنا پر ان لوگوں نے سکاٹ کے بجائے ایک اور ASP سانڈرز کو مار ڈالا۔ بھگت اور اس کے ساتھی جائے وقوع سے فرار ہو گئے اور مزنگ روڈ پر واقع اپنے ٹھکانے پر پہنچ گئے۔ پولیس آفیسر کے قتل نے پورے پنجاب میں ہلچل مچا دی اور پولیس نے لاہور کا محاصرہ کر لیا لیکن بھگت سنگھ اور اس کے دوست ایک اور انقلابی درگا دیوی کی مدد سے کلکتہ پہنچنے میں کامیاب ہو گئے۔ کلکتہ میں بھگت کی ملاقات بہت سے انقلابیوں سے ہوئی جن میں جندر ناتھ دس بھی شامل تھا جو بم بنانے کا ماہر تھا۔

برطانوی حکومت علاقے میں بڑھتی ہوئی بے چینی اور بدامنی سے بخوبی آگاہ تھی لہٰذا اس نے اسمبلی میں دو بل پیش کرنے کا فیصلہ کر لیا جن میں سے ایک بل کا نام ’پبلک سیفٹی بل‘ (Public Safety Bill) اور دوسرے کا نام ’ٹریڈ ڈسپیوٹ بل‘ (Trade Dispute Bill) تھا۔ ان دونوں بلوں کا بنیادی مقصد انسانی حقوق کی پامالی تھا۔ اس صورت حال کے تناظر میں بھگت سنگھ اور بی کے دت نے اسمبلی ہال میں بم پھینکنے کا فیصلہ کیا تاکہ قانون سازوں کی توجہ حاصل کی جائے اور وہ حکومت سے رابطہ کریں۔ یہاں یہ امر قابلِ ذکر ہے کہ یہ دیسی ساختہ بم بے ضرر قسم کے تھے اور ارادتاً ایسی جگہوں پر پھینکے گئے جہاں کوئی آدمی زخمی نہ ہو پائے۔

پہلے سے طے شدہ منصوبے کے مطابق بھگت سنگھ اور بی کے دت نے رضاکارانہ طور پر اپنی گرفتاری پیش کی۔ ان دونوں کے اپنے ساتھی جے پال اور ہنس راج سانڈرز کے قتل کیس میں وعدہ معاف گواہ بن گئے۔ بھگت سنگھ اور اس کے ساتھیوں نے ٹرائل کورٹ کا پلیٹ فارم استعمال کیا تاکہ وہ اپنا پیغام کورٹ کی پیشیوں کے ذریعے بیرونی دنیا تک پہنچا سکیں کیونکہ ان پیشیوں کی باقاعدہ کوریج اخباروں میں ہو رہی تھی۔

عدالتی کارروائی نے بھی ڈرامے کی شکل اختیار کر لی تھی کیونکہ برطانوی راج کا بنیادی مقصد ان آوازوں کو دبانا تھا جو کہ ان کی حاکمیت کو چیلنج کر رہی تھیں۔

اس عدالتی سیاست کا نتیجہ یہ نکلا بھگت سنگھ، سکھ دیو اور راج گروکو موت کی سزا سنا دی گئی۔ یہ خبرسنتے ہی سارے ہندوستانی سکتے میں آ گئے۔ بھگت اور اس کے ساتھیوں نے ہمت نہیں ہاری اور اس امتیازی سلوک کے خلاف طویل بھوک ہڑتال شروع کر دی۔ یہ بھوک ہڑتال 110 دن تک جاری رہی۔ اس ہڑتال کا بنیادی مقصد بیرونی دنیا کوسلطنتِ برطانیہ کا مکروہ چہرہ دکھانا تھا۔ 23 مارچ 1931 کی شام کو جب بھگت اور اس کے ساتھیوں کو پھانسی دی گئی تو تختہ دار پرکھڑے انہوں نے ’انقلاب زندہ باد‘ کے نعرے لگائے۔ جیل کے افسروں کے لئے یہ بات حیرت کا باعث تھی کہ پھانسی کے تختے پر کوئی کیسے اتنی جرأت کا مظاہرہ کر سکتا ہے۔ انہیں شاید معلوم نہیں تھا کہ اس استقامت کے پیچھے گہری انقلابی فکرکار فرما تھی۔ اس جرأت کے پس منظر میں ایک طویل سفرتھا اور اس سفر کے کئی روشن سنگِ میل تھے جن میں بھگت کا اپنا خاندان، جلیانوالہ باغ کے سانحے کا اثر، نیشنل کالج کی آبیاری اور انقلابی تنظیموں سے روابط تھے۔

دوسرا اہم پہلو جس نے بھگت سنگھ کی شخصیت پر گہرے اثرات مرتب کئے۔ وہ کتابوں کا عمیق مطالعہ تھا۔ بھگت کتابوں کا رسیا تھا اس کے لیے کتابوں کے بغیر زندگی کا تصور ادھورا تھا۔ اس نے اپنے وکیل اور دوست سے بھی یہی التجا کی تھی کہ جیل میں اسے کتابوں کی رسد کبھی معطل نہ ہو۔ بھگت نے دوارکا داس لائبریری میں موجود انقلابی افکار کی تمام کتابیں کھنگال لی تھیں۔ بھگت نے انقلابی فلسفوں کو خود سے پڑھا اور سمجھا تھا۔ وسیع مطالعہ نے اسے عقلمندانہ سوچ، پُراثر دلائل اور ترغیبی مہارتوں سے لیس کر دیا تھا۔

جس دن اسے پھانسی دی جانا تھی اسی دن اس کے وکیل نے اسے ’انقلابی لینن‘ کتاب پیش کی۔ جب جیل کا ہرکارہ پھانسی کا پیغام لے کر اس کی کوٹھڑی میں آیا تو یہی کتاب پڑھ رہا تھا۔ وہ مسکراتے ہوئے تختۂ دار پر آیا ‘انقلاب زندہ باد‘ کا نعرہ لگایا اور پھانسی کے پھندے پر جھُول گیا۔

میں ماضی کی راہوں سے واپس بھگت سنگھ کی حویلی آ جاتا ہوں۔ اُس کمرے کو دیکھتا ہوں جہاں بھگت سنگھ پیدا ہوا تھا اور اس کے ساتھ وہ بیٹھک جہاں وہ اپنے انقلابی دوستوں کے ساتھ مل کر وطن کی آزادی کے منصوبے بنایا کرتا تھا۔حویلی کے صحن میں بیری کا وہی پُرانا درخت ہے جس کے سائے تلے وہ کتابوں کا مطالعہ کرتا تھا۔ ساری چیزیں اُسی طرح ہیں۔

حویلی کا دروازہ کھلا ہے جیسے وہ بھگت کا انتظار کر رہا ہو۔ بھگت تو اس حویلی میں کبھی واپس نہیں آئے گا لیکن کوئی خوشبو ہے، بانسری کی لَے یااس کے خیال کی چھائوں جواُس کے چاہنے والوں کو اپنی طرف بُلاتی رہتی ہے۔

غاڑکہ کیا ہے، کیسے بنتا ہے، کس لیے استعمال ہوتا ہے اور اس کی تاریخ کیا ہے؟ آیئے جانتے ہیں اس بارے میں کیونکہ ہماری نئی نسل کو اس کے بارے میں کوئی معلومات نہیں۔

غاڑکہ اُس وقت کی ایجاد ہے جب قبائلی لوگ خانی بدوشی کی زندگی گزارتے تھے اور ایک جگہ سے دوسری جگہ ہجرت کرکے جایا کرتے تھے۔ اس زمانے میں چونکہ پانی رکھنے کے لیے وہ مٹی کے برتن ساتھ نہیں لے جا سکتے تھے اور مٹی کے برتن عام نہیں تھے، اس لیے یہیں سے غاڑکہ کی ضرورت نے جنم لیا۔

یہ بات ہے اس وقت کی جب افغانستان، ترکمانستان، ازبکستان وغیرہ آج کی طرح الگ الگ ملک نہیں تھے، بلکہ لوگ آزادانہ ایک علاقے سے دوسرے علاقے تک آتے جاتے تھے۔

اس علاقے کے رہنے والے ازبک باشندے بھیڑ بکریاں چراتے چراتے آج کے افغانستان میں بھی آ جاتے تھے۔ یہ لوگ دنبے کے چمڑے سے قراقلی ٹوپی بناتے تھے، جسے قائداعظم کیپ بھی کہا جاتا ہے۔

قراقلی ٹوپی بنانے کا طریقہ آج کل کے اعتبار سے خاصا وحشیانہ ہے اور شاید بہت سے لوگ اسے برداشت نہ کر سکیں۔ یہ ٹوپی ان بھیڑوں کے بچوں کے چمڑے سے بنائی جاتی تھی، جو حمل سے ہوتی تھیں۔ ایسی ہی حاملہ بھیڑ کے حمل کے دوران ایک مخصوص وقت میں اس کو ذبح کر لیا جاتا تھا اور اس کے پیٹ سے بچے کو نکال کر اس کے نرم و ملائم چمڑے سے قراقلی ٹوپی بنائی جاتی تھی۔

ازبکوں نے یہ ٹوپی بنانے کا طریقہ ایجاد کیا، وہ اسے بناتے تھے اور بہت مہنگے داموں بیچا کرتے تھے۔ شاید یہیں سے انہیں غاڑکہ بنانے کا خیال آیا۔

غاڑکہ بکرے یا دنبے کے چمڑے سے بنایا جاتا ہے، اسے پانی رکھنے یا دودھ کو لسی میں تبدیل کرنے کے لیے استعمال کیا جاتا ہے۔

غاڑکہ کیسے بنایا جاتا ہے؟ یہ بہت محنت اور مہارت کا کام ہوتا ہے۔ سب سے پہلے بکرے یا دنبے کو ذبح کرکے اس سے چمڑا اتارا جاتا ہے اور پھر اس چمڑے میں راکھ ڈال کر 15 دن تک رکھا جاتا ہے۔ جب تک اس چمڑے سے بال نہ اتر جاتے وہ چمڑا راکھ سے بھرا رہتا ہے، پھر اس کے بعد ایک مہینے تک اسے دھوپ میں سکھایا جاتا ہے۔

اس دوران چمڑا تھوڑا سخت ہو جاتا ہے۔ اسے مزید سخت اور مضبوط بنانے کے لیے ایک کمرے میں 40 دن تک دھواں دیا جاتا ہے۔

یہ مرحلہ بھی گزر جائے تو اس کے بعد جنوبی وزیرستان خاص کر محسود علاقے میں چیڑئی یا سیڑئی نامی خاص درخت کے پتوں کو خوب پیس کر اس سے پانی نکالا جاتا ہے اور اس پانی میں چمڑے کو خوب ابالا جاتا ہے۔

صدیوں پرانی ایجاد غاڑکہ جو اب کم ہی دیکھنے کو ملتی ہے ۔

ان سارے مرحلوں سے گزرنے کے بعد غاڑکہ تیار ہو جاتا ہے۔ پھر اس میں دودھ ڈال کر اس میں لسی خمیر کے لیے ڈالی جاتی ہے، جب غاڑکہ ٹھنڈا ہو جاتا ہے تو اس میں گرم پانی ڈالا جاتا ہے اور جب گرم ہوتا ہے تو اس میں ٹھنڈا پانی ڈالا جاتا ہے اور جب دہی تیار ہو جاتا ہے تو اس کو تقریباً آدھے گھنٹے تک خوب ہلایا جاتا ہے، جس سے لسی اور پنیر الگ الگ ہو جاتے ہیں۔

اس غاڑکہ کو دربارہ استعمال میں لانے کے لیے اور اس کے ذائقے کو برقرار رکھنے کے لیے اس پر نمک کا چھڑکاؤ کیا جاتا ہے جس سے اس غاڑکہ کی پائیداری برقرار رہتی ہے۔

غاڑکہ کی دو اقسام ہوتی ہیں، ایک کو لسی اور پنیر بنانے کے لیے استعمال کیا جاتا ہے اور دوسری قسم کو پانی رکھنے کے لیے استعمال کیا جاتا ہے۔

جو غاڑکہ پانی کے لیے استعمال کیا جاتا ہے اس کو مشکائی کہتے ہیں، جس میں چشموں سے پانی لایا جاتا ہے یا پھر پرانے وقتوں میں جب جنگ ہوتی تھی تو یہی مشکائی بہت کام آتی تھی کیوں کہ اس کے ٹوٹنے کا خطرہ نہیں ہوتا اور اسے اٹھانا بھی آسان ہوتا ہے۔

دوسری قسم کا غاڑکہ وہ ہے جس میں پنیر تیار کیا جاتا ہے اور اسے دنبے کے چمڑے سے بنایا جاتا ہے، جب کہ مشکائی بکرے کے چمڑے سے بنتی ہے۔ دونوں میں فرق یہ ہے کہ بکرے کا چمڑا دنبے کے چمڑے سے لمبا ہوتا ہے اور اس طرح مشکائی میں زیادہ پانی سماتا ہے۔

غاڑکہ کی تیاری سخت مشقت طلب کام ہے

ویسے تو غاڑکہ بہت مضبوط اور ہر طرح کے موسمی حالات آسانی سے سہہ لیتا ہے، لیکن اس کے فوائد کے ساتھ ایک نقصان یہ ہے کہ اگر یہ کبھی پھٹ جائے تو اس کی دوبارہ سلائی نہیں کی جاسکتی، اس لیے ایک ہلکے سے چیرے سے بھی مہینوں کی محنت ضائع ہو جاتی ہے۔

اب حالات کے بدلنے کے ساتھ ساتھ غاڑکہ کا استعمال نہ صرف محدود ہو کر رہ گیا ہے بلکہ ہماری نئی نسل اس کے نام سے بھی واقف نہیں اور اس کا استعمال کم ہوتے ہوتے آج کل کے پہاڑوں میں رہنے والے خانہ بدوشوں تک ہی محدود رہ گیا ہے، بلکہ خانہ بدوشوں میں بھی بہت کم لوگ غاڑکہ کا استعمال کرتے نظر آتے ہیں۔

xosotin chelseathông tin chuyển nhượngcâu lạc bộ bóng đá arsenalbóng đá atalantabundesligacầu thủ haalandUEFAevertonxosofutebol ao vivofutemaxmulticanaisonbetbóng đá world cupbóng đá inter milantin juventusbenzemala ligaclb leicester cityMUman citymessi lionelsalahnapolineymarpsgronaldoserie atottenhamvalenciaAS ROMALeverkusenac milanmbappenapolinewcastleaston villaliverpoolfa cupreal madridpremier leagueAjaxbao bong da247EPLbarcelonabournemouthaff cupasean footballbên lề sân cỏbáo bóng đá mớibóng đá cúp thế giớitin bóng đá ViệtUEFAbáo bóng đá việt namHuyền thoại bóng đágiải ngoại hạng anhSeagametap chi bong da the gioitin bong da lutrận đấu hôm nayviệt nam bóng đátin nong bong daBóng đá nữthể thao 7m24h bóng đábóng đá hôm naythe thao ngoai hang anhtin nhanh bóng đáphòng thay đồ bóng đábóng đá phủikèo nhà cái onbetbóng đá lu 2thông tin phòng thay đồthe thao vuaapp đánh lô đềdudoanxosoxổ số giải đặc biệthôm nay xổ sốkèo đẹp hôm nayketquaxosokq xskqxsmnsoi cầu ba miềnsoi cau thong kesxkt hôm naythế giới xổ sốxổ số 24hxo.soxoso3mienxo so ba mienxoso dac bietxosodientoanxổ số dự đoánvé số chiều xổxoso ket quaxosokienthietxoso kq hôm nayxoso ktxổ số megaxổ số mới nhất hôm nayxoso truc tiepxoso ViệtSX3MIENxs dự đoánxs mien bac hom nayxs miên namxsmientrungxsmn thu 7con số may mắn hôm nayKQXS 3 miền Bắc Trung Nam Nhanhdự đoán xổ số 3 miềndò vé sốdu doan xo so hom nayket qua xo xoket qua xo so.vntrúng thưởng xo sokq xoso trực tiếpket qua xskqxs 247số miền nams0x0 mienbacxosobamien hôm naysố đẹp hôm naysố đẹp trực tuyếnnuôi số đẹpxo so hom quaxoso ketquaxstruc tiep hom nayxổ số kiến thiết trực tiếpxổ số kq hôm nayso xo kq trực tuyenkết quả xổ số miền bắc trực tiếpxo so miền namxổ số miền nam trực tiếptrực tiếp xổ số hôm nayket wa xsKQ XOSOxoso onlinexo so truc tiep hom nayxsttso mien bac trong ngàyKQXS3Msố so mien bacdu doan xo so onlinedu doan cau loxổ số kenokqxs vnKQXOSOKQXS hôm naytrực tiếp kết quả xổ số ba miềncap lo dep nhat hom naysoi cầu chuẩn hôm nayso ket qua xo soXem kết quả xổ số nhanh nhấtSX3MIENXSMB chủ nhậtKQXSMNkết quả mở giải trực tuyếnGiờ vàng chốt số OnlineĐánh Đề Con Gìdò số miền namdò vé số hôm nayso mo so debach thủ lô đẹp nhất hôm naycầu đề hôm naykết quả xổ số kiến thiết toàn quốccau dep 88xsmb rong bach kimket qua xs 2023dự đoán xổ số hàng ngàyBạch thủ đề miền BắcSoi Cầu MB thần tàisoi cau vip 247soi cầu tốtsoi cầu miễn phísoi cau mb vipxsmb hom nayxs vietlottxsmn hôm naycầu lô đẹpthống kê lô kép xổ số miền Bắcquay thử xsmnxổ số thần tàiQuay thử XSMTxổ số chiều nayxo so mien nam hom nayweb đánh lô đề trực tuyến uy tínKQXS hôm nayxsmb ngày hôm nayXSMT chủ nhậtxổ số Power 6/55KQXS A trúng roycao thủ chốt sốbảng xổ số đặc biệtsoi cầu 247 vipsoi cầu wap 666Soi cầu miễn phí 888 VIPSoi Cau Chuan MBđộc thủ desố miền bắcthần tài cho sốKết quả xổ số thần tàiXem trực tiếp xổ sốXIN SỐ THẦN TÀI THỔ ĐỊACầu lô số đẹplô đẹp vip 24hsoi cầu miễn phí 888xổ số kiến thiết chiều nayXSMN thứ 7 hàng tuầnKết quả Xổ số Hồ Chí Minhnhà cái xổ số Việt NamXổ Số Đại PhátXổ số mới nhất Hôm Nayso xo mb hom nayxxmb88quay thu mbXo so Minh ChinhXS Minh Ngọc trực tiếp hôm nayXSMN 88XSTDxs than taixổ số UY TIN NHẤTxs vietlott 88SOI CẦU SIÊU CHUẨNSoiCauVietlô đẹp hôm nay vipket qua so xo hom naykqxsmb 30 ngàydự đoán xổ số 3 miềnSoi cầu 3 càng chuẩn xácbạch thủ lônuoi lo chuanbắt lô chuẩn theo ngàykq xo-solô 3 càngnuôi lô đề siêu vipcầu Lô Xiên XSMBđề về bao nhiêuSoi cầu x3xổ số kiến thiết ngày hôm nayquay thử xsmttruc tiep kết quả sxmntrực tiếp miền bắckết quả xổ số chấm vnbảng xs đặc biệt năm 2023soi cau xsmbxổ số hà nội hôm naysxmtxsmt hôm nayxs truc tiep mbketqua xo so onlinekqxs onlinexo số hôm nayXS3MTin xs hôm nayxsmn thu2XSMN hom nayxổ số miền bắc trực tiếp hôm naySO XOxsmbsxmn hôm nay188betlink188 xo sosoi cầu vip 88lô tô việtsoi lô việtXS247xs ba miềnchốt lô đẹp nhất hôm naychốt số xsmbCHƠI LÔ TÔsoi cau mn hom naychốt lô chuẩndu doan sxmtdự đoán xổ số onlinerồng bạch kim chốt 3 càng miễn phí hôm naythống kê lô gan miền bắcdàn đề lôCầu Kèo Đặc Biệtchốt cầu may mắnkết quả xổ số miền bắc hômSoi cầu vàng 777thẻ bài onlinedu doan mn 888soi cầu miền nam vipsoi cầu mt vipdàn de hôm nay7 cao thủ chốt sốsoi cau mien phi 7777 cao thủ chốt số nức tiếng3 càng miền bắcrồng bạch kim 777dàn de bất bạion newsddxsmn188betw88w88789bettf88sin88suvipsunwintf88five8812betsv88vn88Top 10 nhà cái uy tínsky88iwinlucky88nhacaisin88oxbetm88vn88w88789betiwinf8betrio66rio66lucky88oxbetvn88188bet789betMay-88five88one88sin88bk88xbetoxbetMU88188BETSV88RIO66ONBET88188betM88M88SV88Jun-68Jun-88one88iwinv9betw388OXBETw388w388onbetonbetonbetonbet88onbet88onbet88onbet88onbetonbetonbetonbetqh88mu88Nhà cái uy tínpog79vp777vp777vipbetvipbetuk88uk88typhu88typhu88tk88tk88sm66sm66me88me888live8live8livesm66me88win798livesm66me88win79pog79pog79vp777vp777uk88uk88tk88tk88luck8luck8kingbet86kingbet86k188k188hr99hr99123b8xbetvnvipbetsv66zbettaisunwin-vntyphu88vn138vwinvwinvi68ee881xbetrio66zbetvn138i9betvipfi88clubcf68onbet88ee88typhu88onbetonbetkhuyenmai12bet-moblie12betmoblietaimienphi247vi68clupcf68clupvipbeti9betqh88onb123onbefsoi cầunổ hũbắn cáđá gàđá gàgame bàicasinosoi cầuxóc đĩagame bàigiải mã giấc mơbầu cuaslot gamecasinonổ hủdàn đềBắn cácasinodàn đềnổ hũtài xỉuslot gamecasinobắn cáđá gàgame bàithể thaogame bàisoi cầukqsssoi cầucờ tướngbắn cágame bàixóc đĩaAG百家乐AG百家乐AG真人AG真人爱游戏华体会华体会im体育kok体育开云体育开云体育开云体育乐鱼体育乐鱼体育欧宝体育ob体育亚博体育亚博体育亚博体育亚博体育亚博体育亚博体育开云体育开云体育棋牌棋牌沙巴体育买球平台新葡京娱乐开云体育mu88qh88

حکومت اور پریس کے درمیان تعلقات برسوں سے ہمیشہ ہی تلخ اور کشیدہ رہے ہیں جس میں موخر الذکر نے حریف کا کردار ادا کیا ۔ حکمرانوں کو ایسا رویہ پسند نہیں رہا۔ موجودہ حکومت بھی میڈیا سے نمٹنے اور اسے قابو میں رکھنے کے لئے ماضٰی سے کوئی مختلف نہیں ہے۔

نئے وزیر اطلاعات سینیٹر شبلی فراز اور وزیر اعظم کے معاون خصوصی برائے اطلاعات لیفٹننٹ جنرل (ر) عاصم باجوہ کو بڑے چیلنج کا سامنا ہو گا جنہیں میڈیا اور اپوزیشن دونوں سے مسائل درپیش ہیں۔ لیکن ان کا کے لئے سب سے بڑا چیلنج وزیر اعظم کا میڈیا کے بارے میں تاثر بدلنا ہو گا۔

گزشتہ حکومتوں نے اکثر َ گاجر اور چھڑی ساتھ ساتھ َ کی دو جہتی پالیسی اختیار کی، لہٰذا وزارت اطلاعات میں کون وزیر اور مشیر آتا ہے اس سے کوئی فرق نہیں پڑتا جب تک ریاست معاشرے میں میڈیا کے کردار کو سمجھ کر اسے قبول نہیں کر تی، سزا دینا مسئلے کا کوئی حل نہیں ہے۔ گاجر تو اس کے لئے رکھی ہوتی ہے جو غلط کاریوں کو چھپاتا، خوشامد اور تعریفوں پر آمادہ ہوتا ہے اور چھڑی اپنی خبروں اور تجزیوں میں آزادانہ پوزیشن اختیار کرنے والوں کے لئے ہو تی ہے۔

حکومت وقت نے سیاہ قوانین کے ذریعہ تنقید میں اٹھنے والی آوازوں کو دبایا اور سرکاری اشتہارات کو ہتھیار کے طور پراستعمال کیا۔ سابق صدر ایوب خان کے دور سے یہ پالیسی تبدیل نہیں ہوئی۔ اب اگر وزیر اعظم عمران خان یہ سمجھتے ہیں کہ حالات حاضرہ کے پروگرام عوام سے غیر متعلق ہیں اور لوگوں سے کہتے ہیں کہ وہ یہ پروگرام نہ دیکھیں اور میڈیا پر خود ساٹہ شوز کے اہتمام کا الزام عائد کیا ۔بڑے میڈیا ہائوسز مورد الزام ٹھہرایا۔

اب دیکھنا یہ ہے کہ وزارت اطلاعات میں مذکورہ تبدیلیوں کے حکومتی تاثر اور وزیر اعظم کے میڈیا سے رویہ پر کیا اثرات مرتب ہو تے ہیں؟

پاکستان کا میڈیا اس وقت اپنے مشکل ترین دور سے گزر رہا اور مکمل تباہی کے دہانے پر ہے۔ کچھ ٹی وی چینلز پہلے ہی بند ہوچکے ہیں ،اخبارات نے اپنے بعض ایڈیشن معطل کر دئے اور پانچ ہزار میڈیا ملازمین اپنے روز گار سے محروم کر دئے گئے ہیں ۔ جو کام کر رہے ہیں انہیں بھی وقت پر تنخواہیں نہیں مل رہیں بحران گہرا ہو تا جا رہا ہے حکومت نے چھہ ارب روپے کے بقایاجات روکے ہوئے ہیں بلکہ سرکاری اشتہارات اور ان کے نرخ بھی کم کر دئے گئے۔

ماضی میں مسلم لیگ ن اور پیپلز پارٹی کی حکومتوں نے بھی اپنے نقاد میڈیا کے خلاف ایسے ہی حربے اختیار کئے تھے۔اگر آج عمران خان اینکرز اور ان کےٹاک شوز کو تنقید کا نشانہ بناتے ہیں تو سابق صدر آصف علی زرداری نے تو اینکرز کو سیاسی اداکار قرار دیا تھا اور سابق وزیر اعظم نواز شریف نے بھی ان کے بازو مروڑے تھے اگر وزیر اعظم نے اپنی پالیسی جاری رکھی تو انہیں اپنے حامی سے زیادہ مخالف میڈیا کا سامنا کرنا پڑے گا۔

ہفتہ بھر قبل سوشل میڈیا ٹیم سے اپنی گفتگو میں وزیر اعظم نے میڈیا کو ہدف بناتے ہوئے انہوں نے ان پرماضی میں خود ساختہ شوز کر نے کا الزام عائد کیا اور کہا کہ پیسہ بھی استعمال ہوا ہے۔ ملک کے دو صف اول کے میڈیا ہائوسز جیو،جنگ اور ڈان کے ساتھ جو کچھ ہوا اور وزیر اعظم کا ان کے بارے میں موقف وہ کوئی راز نہیں ہے۔

ڈان اخبار کی تقسیم میں خلل ڈالا گیا۔ جیو اور جنگ حملوں کی زد میں رہے اور با لآخر 45 روز قبل ایڈیٹر ان چیف میر شکیل الرحمان کو 1986 کے پلاٹ کیس میں نیب نے گرفتار کرلیا ،ان کی درخواست ضمانت مسترد کر دی گئی اور ہنوز کوئی ریفرنس بھی دائر نہیں کیا گیا۔ اس کے علاوہ پیمرا اور دیگر ذرائع سے جیو کے نمبر تبدیل کئے جاتے رہے اور عدالتی حکم پر ہی جیو کو اپنے اصل نمبر پر بحال کیا گیا۔اب دیکھنا یہ ہے کہ دو اہل افراد شبلی فراز اور عاصم سلیم باجوہ کیا تبدیلی لا تے ہیں۔

سرکاری ٹی وی، ریڈیو پاکستان اور سرکاری خبر رساں ایجنسی کو چلا نے میں کیا تبدیلیاں لا ئی جا تی ہیں؟ تاکہ وہ انفارمیشن ٹیکنالوجی کے اس دور میں نجی ٹی وی اورایف ایم ریڈیوز کا مقابلہ کر سکیں۔ جب عمراں خان اپوزیشن میں تھے ان کے بھی میڈیا کے بارے میں ایسے ہی خیالات تھے لیکن وہ بھی اپنے پیش روئوں کی طرح تبدیلی لا نے میں ناکام رہے۔

ان کی میڈیا ٹیم میں سول اور فوجی ادوار حکومت میں خدمات انجام دی نے والے شامل ہیں۔ ان کی زیادہ تر پالیسیاں اپنے باس کو تنقیدی جائزہ پیش کر نے کے بجائے انہیں خوش کر نے پر مرکوز رہی ہیں۔

کوئی عجب نہیں حکومت کے میڈیا سے تعلقات کیوں بہتر نہیں ہوسکے اور نتیجتاَ وزیر اعظم کے پاس اس کے سوا کوئی چارہ نہیں رہا کہ یکے بعد دیگرے تبدیلیاں لا ئیں جو مزید زوالکا باعث بنی ہیں ۔ اس تبدیلی کا ایک مثبت پہلو یہ ہے کہ اپوزیشن اور میڈیا نے اس تبدیلی کا خیر مقدم کیا ہے اور میڈیا حکومت تعلقات کی بہتری کے لئے اس تبدیلی سے کس قدر استفادہ کیا جا تا ہے ، یہ حقیقی آزمائش ہوگی۔ لیکن ان کے لئے سب سے بڑا چیلنج اپنے باس کو رویہ اور تاثر میں تبدیلی لا نا ہوگا۔

جب تک وزیر اعظم عمران خان از خود میڈیا کے بارے میں اپنا بیانیہ تبدیل نہیں کر تے، ان کی میڈیا ٹیم اپنے تئیں کوئی بڑی تبدیلی نہیں لاسکتی۔ شبلی اور عاصم باجوہ کے لئے آزمائش یہی ہے کہ وہ عمران کان کو ذاتی موقف سے اجتناب کا باور کرائیں۔ اگر خواہش یا عزم ہو تو راستہ بھی نکل آتا ہے لہٓذا میڈیا کی نئی دنیا میں شبلی فراز اور عاصم سلیم باجوہ کا خیر مقدم کیا جائے۔

سال 2020 ء کو آئندہ کئی صدیوں تک یاد رکھا جائے گا۔ دنیا کی طاقتور ترین اقوام مچھر سے بھی بہت چھوٹے اور نظر نہ آنے والے ایک وائرس کے سامنے بے بس ہو گئیں۔

کورونا وائرس سے لاکھوں انسان لقمہ اجل بن گئے۔ دنیا کے بڑے بڑے شہر بند ہو گئے۔ مسلمانوں اور غیر مسلموں کیلئے اپنی عبادت گاہوں میں جانا مشکل ہو گیا۔ اس مشکل وقت میں دنیا کو زبان، رنگ، نسل اور مذہب کی تفریق مٹا کر متحد ہونے کی ضرورت تھی لیکن امریکا کے صدر ڈونلڈ ٹرمپ نے ورلڈ ہیلتھ آرگنائزیشن کے فنڈز بند کر دیے۔

بھارت کی حکمران بی جے پی کے حامیوں نے کورونا وائرس کا ذمہ دار مسلمانوں کو قرار دینا شروع کر دیا اور پاکستان میں یہ بحث شروع کرا دی گئی کہ یہ وبا میڈیا کے جھوٹ کی وجہ سے پھیلی ہے یا عورتوں کی بے حیائی سے۔ بے حیائی کا تعلق صرف عورتوں کے ساتھ نہیں ہے۔ قرآن مجید کی سورۃ الانعام میں کہا گیا ہے ’’اور بے حیائیوں کے پاس بھی نہ جائو خواہ وہ علانیہ ہوں اور خواہ پوشیدہ‘‘۔

غور یہ کرنا تھا کہ زیادہ بے حیائی غیر مسلم معاشروں میں تھی لیکن کورونا وائرس نے غیر مسلم معاشروں کے ساتھ ساتھ مسلمانوں کو اپنی لپیٹ میں کیوں لیا؟ کہیں مسلمانوں اور غیر مسلموں میں فرق ختم تو نہیں ہو گیا؟ وہ تکبر جو ٹرمپ نے دکھایا، وہ غرور جو نریندر مودی نے دکھایا کہیں وہ غرور ہمارے طاقتور لوگوں میں تو نہیں گھس چکا؟ اللہ تعالیٰ ہمیں غروروتکبر سے بچائے۔ قرآن مجید میں بار بار کہا گیا ہے کہ اللہ تکبر کرنے والے کو پسند نہیں کرتا۔ زعم تقویٰ بھی تکبر کے زمرے میں آتا ہے۔

سورۃ النجم میں کہا گیا ہے کہ ’’اور اپنے متعلق پاک بازی کا دعویٰ مت کرو۔ وہ (اللہ) خوب جانتا ہے کہ کون پاک باز ہے۔‘‘ سورۃ الماعون میں کہا گیا ہے کہ ’’سو خرابی ہے ان نمازیوں کیلئے جو نماز پڑھتے تو ہیں مگر اپنی نماز سے بے خبر رہتے ہیں اور جو ریاکاری کرتے ہیں۔‘‘ سورۃ القلم میں کہا گیا ’’آپ ایسے شخص کا کہا نہ مانیے گا جو بڑا قسمیں کھانے والا ہو‘‘۔

میں ایک عام سا مسلمان ہوں۔ مجھے اعتراف ہے کہ میں صرف رمضان المبارک میں باقاعدگی کے ساتھ قرآن پڑھتا ہوں لیکن 2020ء کے رمضان المبارک میں قرآن پاک کے مطالعے کے دوران میں بار بار کچھ الفاظ پر رک گیا اور غوروفکر کرنے لگا۔

سورۃ البقرہ میں کہا گیا ہے ’’بے شک اللہ اس بات سے نہیں شرماتا کہ وہ کسی بات کو واضح کرنے کیلئے کوئی بھی مثال دے، چاہے وہ مچھر جیسی معمولی چیز کی ہو یا کسی ایسی چیز کی جو مچھر سے بھی زیادہ معمولی ہو‘‘۔ آپ بھی ان الفاظ پر غور کیجئے۔ کورونا وائرس تو مچھر سے بھی زیادہ چھوٹی چیز ہے جو ہمیں یہ بتا رہی ہے کہ انسان کی طاقت محض ایک دھوکا ہے اصل طاقت اللہ کے پاس ہے۔

سورۃ البقرہ میں آگے چل کر کہا گیا ہے ’’حق تو یہ ہے کہ جو لوگ بھی، خواہ وہ مسلمان ہوں یا یہودی یا نصرانی یا صابی، اللہ اور آخرت کے دن پر ایمان لے آئیں گے اور نیک عمل کریں گے، وہ اللہ کے پاس اپنے اجر کے مستحق ہوں گے‘‘۔

مفتی محمد تقی عثمانی صاحب کے ’’آسان ترجمہ قرآن‘‘ میں بیان کردہ تشریح کے مطابق عرب میں یہودیوں اور نصرانیوں کے علاوہ کچھ ستارہ پرست لوگ رہتے تھے جن کو صابی کہا جاتا تھا اور اس آیت میں ان کا بھی ذکر کیا گیا۔ قرآن پاک کتاب ہدایت ہے۔ یہ ہدایت صرف مسلمانوں تک محدود نہیں۔

غیر مسلم بھی ہدایت حاصل کر سکتے ہیں۔ یہ کتاب ہمیں جھوٹ، بے حیائی، تکبر اور منافقت سے دور رہنے کے علاوہ یہ سبق بھی دیتی ہے کہ ہمیشہ حق و انصاف کا ساتھ دو۔ سورۃ الزمر میں کہا گیا ’’بے شک اللہ اسے راہ پر نہیں لاتا جو جھوٹا اور ناشکرا ہو‘‘۔ سورۃ الرعد کے یہ الفاظ انتہائی قابل غور ہیں ’’بلاشبہ اللہ کسی قوم کی حالت نہیں بدلتا جب تک وہ خود اپنی حالت کو نہ بدلے‘‘۔ ذرا سوچئے ہم اپنی حالت بدلنے کیلئے کتنے سنجیدہ ہیں؟ کیا ہم رمضان المبارک میں جھوٹ، ریا کاری اور ناانصافی سے پرہیز کرتے ہیں۔

اس رمضان میں مجھے ایسا محسوس ہوا کہ کورونا وائرس نے کچھ لوگوں کو اللہ کے قریب کردیا لیکن کچھ ایسے بھی ہیں جو رمضان میں بھی گالم گلوچ اور بہتان تراشی کر رہے ہیں۔ ان کا خیال ہے کہ صرف دوسروں نے مرنا ہے، انہوں نے نہیں مرنا۔ ہمیں شکر کرنا چاہئے کہ کتابِ ہدایت ہر مسلمان کے گھر پر موجود ہے۔ اگر ہم اس کتاب سے ہدایت حاصل کرنے کی تھوڑی سی کوشش کریں تو ہمیں بہت زیادہ ہدایت مل سکتی ہے۔

سورۃ ابراہیم میں کہاگیا ہے کہ ’’کیا آپ نے ان لوگوں کو نہیں دیکھا جنہوں نے اللہ کی نعمت کے بدلہ میں ناشکری کی اور اپنی قوم کو تباہی کے گھر میں ڈالا جو دوزخ ہے۔‘‘ سورۃ النحل میں کہا گیا ’’اور اگر اللہ انسانوں کی ان بے انصافیوں پر گرفت کرے تو زمین پر کسی بھی جان دار کو نہ چھوڑے لیکن وہ انہیں مہلت دیتا ہے ایک معینہ مدت کے لئے۔ پھر جب ان کا وقت آ جاتا ہے تو وہ ایک گھڑی پیچھے ہٹ سکتے ہیں اور نہ آگے بڑھ سکتے ہیں‘‘۔

پھر سے سوچئے کہ ہم ناانصافی کے خلاف کتنی آواز بلند کرتے ہیں؟جب 2019ء میں نریندر مودی کے حکم پر مقبوضہ جموں و کشمیر کے مسلمانوں کا لاک ڈائون کیا گیا تو کتنے مسلمان حکمران اس ناانصافی کے خلاف کھڑے ہوئے؟ اس ناانصافی پر خاموش رہنے والی تمام طاقتور اقوام 2020ء میں خود لاک ڈائون کا مزا چکھ رہی ہیں۔ کچھ مسلمان حکمرانوں نے کشمیریوں کیلئے نمائشی تقریریں ضرور کیں لیکن عملی طور پر کچھ نہ کیا بلکہ فلسطینیوں کو یرغمال بنانے والوں کے ساتھ خفیہ راہ و رسم بڑھاتے رہے۔

آج یہ سب مسلمان حکمران کورونا وائرس کے سامنے بے بس ہیں لہٰذا جھوٹ اور بے حیائی سے بچنا واقعی ضروری ہے لیکن اس کے ساتھ ساتھ ناانصافی کے خلاف آواز بلند کرنا بھی ضروری ہے۔ دنیا داری کے لئے کبھی کبھی حکمت اور مصلحت پسندی کا راستہ اختیار کرنا پڑتا ہے لیکن قرآن پاک میں دنیا کا لفظ 115دفعہ آیا تو آخرت کا ذکر بھی 115 مرتبہ ہے۔ زندگی کا ذکر 145مرتبہ اور موت کا ذکر بھی 145مرتبہ ہے۔ شیطان کا ذکر 88مرتبہ ہے تو فرشتوں کا ذکر بھی 88 مرتبہ ہے۔

کفر کا ذکر 25 مرتبہ ہے تو ایمان کا ذکر بھی 25مرتبہ ہے۔ فحاشی اور بدکاری کا ذکر 24مرتبہ ہے تو اس کے ساتھ اللہ کے غضب کا ذکر بھی 24 مرتبہ ہے۔ مصیبت کا ذکر 75مرتبہ ہے تو شکر کا ذکر بھی 75مرتبہ آیا ہے۔ ہمیں شکر ادا کرنا چاہئے کہ 2020ء کے رمضان المبارک میں ہم ابھی زندہ ہیں۔ کچھ مہلت ابھی باقی ہے۔

اس مہلت کواستعمال کرتے ہوئے اپنے اعمال کو ٹھیک کر لیں اور خوف خدا پیدا کر لیں تو شاید کچھ ہدایت مل جائے۔ ہدایت کا اصل سرچشمہ قرآن مجید ہے جو ایک معجزہ ہے۔ اسے پڑھئےاور فائدہ اٹھائیے۔

حامد میر

’کورونا سے ڈرنا نہیں لڑنا ہے‘ کا نعرہ نجانے کس ذہن کی تخلیق تھی لیکن اپنے آپ کو کبھی اس سے متفق نہیں پایا۔

لڑائی زمینی طاقتوں اور دشمنوں سے کی جاتی ہے اور انسانوں سے مقابلہ ہو تو مورال بلند رکھنے کے لئے ایسے نعرے بنائے اور لگائے جاتے ہیں لیکن قدرتی آفات اور وبائوں کی صورت میں اللہ کے حضور عجز و انکساری اور توبہ و استغفار ہی اصل ہتھیار ہوا کرتے ہیں۔

کورونا کی وبا نے چین جیسی طاقت کو چکرا اور امریکہ و برطانیہ کو نچوا دیا تو ہم کس کھیت کی مولی ہیں جو کورونا سے لڑنے کا دعویٰ کرتے رہے۔ یقیناً ہمارے پاس ایٹم بم اور دیگر ہزاروں روایتی بم ہیں لیکن کورونا سے بموں کے ساتھ لڑائی نہیں ہو سکتی۔ الحمدللہ ہم جہاز اور جدید سے جدید میزائل بنانے والے ملکوں کی صف میں شامل ہیں لیکن جہاز اور میزائل کورونا کے معاملے میں کسی کام نہیں آتے۔

ہماری فوج دنیا کی منظم ترین، طاقتور اور ایک بڑی فوج ہے لیکن کورونا سے لڑنا فوجوں کا نہیں بلکہ ڈاکٹروں کا کام ہے۔ اب ہم نے اپنے ملک میں اپنے پروفیشنلز اور ڈاکٹروں کے ساتھ جو رویہ اپنا رکھا تھا، اس کی وجہ سے ہمارے اکثر باکمال ڈاکٹر امریکا، یورپ اور دیگر ملکوں میں خدمات سرانجام دینے پر مجبور ہیں۔ ہم انہیں وہ عزت اور سہولتیں ہی نہیں دے سکتے جو بیرونِ ملک ان کو حاصل ہوتی ہیں۔

تازہ ترین مثال پی کے ایل آئی کے ڈاکٹر سعید اختر کی ہے۔وہ شریف آدمی اپنے کروڑوں ڈالروں کی آمدن چھوڑ کر پاکستان آئے لیکن ثاقب نثار صاحب نے ان کو رسوا کرنے اور پی ٹی آئی نے ان کے پروجیکٹ کا بیڑہ غرق کرنے میں کوئی کسر نہیں چھوڑی۔ یقیناً چند سو ڈاکٹر اربوں میں کما رہے ہیں لیکن مجموعی طور پر ہمارے ملک میں ڈاکٹروں کی حالت قابلِ رحم ہے۔ خصوصاً سرکاری اسپتالوں میں کام کرنے والے ڈاکٹروں اور دیگر اہلکاروں کی حالت افسوسناک ہے۔

اگر لڑائی اور جنگ کی اصطلاحات ہی استعمال کرنا ہیں تو پھر طبی حوالوں سے ہمارے اسپتال چھائونیوں کی حیثیت رکھتے ہیں اور ہم جانتے ہیں کہ ہماری ان چھائونیوں کی حالت کس قدر ابتر ہے۔ سہولتیں، طبی آلات اور ادویات تو ایک طرف، ہمارے اسپتالوں کی صفائی کی حالت بھی مغرب اور ترکی جیسے ممالک کے ٹائلٹوں سے زیادہ ابتر ہے۔ کورونا کے معاملے میں ڈاکٹر، نرسیں اور اسپتالوں میں کام کرنے والے دیگر اہلکار جن میں ٹیکنیشن سے لیکر خاکروب تک سب شامل ہیں، فرنٹ لائن پر لڑنے والے سپاہیوں کی حیثیت رکھتے ہیں۔ باقی اسٹاف تو چھوڑیں ہم نے ڈاکٹروں کی بھی یہ حالت کر رکھی ہے کہ وہ ہمہ وقت ہڑتالیں کرنے پر مجبور ہوتے ہیں۔

پنجاب میں ان کے ساتھ جوسلوک ہوتا رہا وہ تو سب کے سامنے ہے ،خیبر پختونخوا کے ینگ ڈاکٹروں کو بھی کچھ ہی عرصہ مبینہ طور پر قبل وزیراعظم کے کزن نوشیروان برکی کے حکم پر پولیس سے پٹوایا گیا اور پھر انہیں جیلوں میں ڈال کر دہشت گردوں کے ساتھ بیرکس میں رکھا گیا۔ اسی طرح کورونا کے معاملے میں ان سپاہیوں (ڈاکٹروں) کے ہتھیار خصوصی ماسکس، مخصوص حفاظتی لباس، ٹیسٹنگ کیٹس ، وینٹی لیٹر اور دیگر ضروری چیزیں ہیں لیکن جب یہ جنگ شروع ہوئی تو حفاظتی لباس تو درکنار ان ڈاکٹروں کے پاس منہ ڈھانپنے کیلئے ماسک بھی دستیاب نہیں تھے۔

گویا جنگ شروع ہو گئی اور نعرہ یہ لگایا گیا کہ کورونا سے ڈرنا نہیں لڑنا ہے لیکن حالت یہ تھی کہ چھائونیاں مضبوط تھیں، سپاہیوں کے حالاتِ کار بہتر تھے اور نہ سپاہیوں کے پاس ہتھیار تھے۔ چنانچہ نتیجہ یہ نکلا کہ سینکڑوں ڈاکٹر اور نرسیں خود اس وبا کا شکار ہوگئے اور چند ایک تو شہادت سے بھی سرفراز ہوئے۔

ہم یہ بھی نہیں سوچتے کہ اگر فرنٹ لائن پر لڑنے والے ان بہادر سپاہیوں نے لڑنے سے انکار کردیا تو پھر اس قوم اور کورونا کی وبا کی راہ میں کوئی رکاوٹ حائل نہیں رہے گی لیکن افسوس کہ آج بھی ہم ان کی فریاد نہیں سن رہے۔ وہ ہاتھ جوڑ کر لاک ڈائون کا مطالبہ کررہے ہیں لیکن حکومت ان کی نہیں سن رہی۔

انڈیا کے ساتھ جنگ ہویا پھر ملک کے اندر دہشت گردی کے خلاف جنگ، پوری قوم اور سیاسی و مذہبی قیادت وہی کچھ کرتی ہے جو فرنٹ لائن پر لڑنے والی فوجی قیادت تجویز کرتی ہے لیکن افسوس کہ کورونا کے معاملے میں کہیں سیاستدان فیصلے کررہے ہیں، کہیں مغرب سے آئے ہوئے معاشی ماہرین اور کہیں مولانا صاحبان۔ اور تو اور جو کورونا کمانڈ اینڈ کنٹرول سسٹم قائم ہے، وہاں ہر روز ہونے والی میٹنگ میں بیٹھے شرکا بغیر ماسک پہنے نظر آتے ہیں حالانکہ دوسروں کے لئے مثال بننے کی خاطر تو ان میں کوئی بھی شخص بغیر ماسک کے نظر نہیں آنا چاہئے۔

بہر حال جو ہونا تھا ہو چکا، نہ ڈاکٹروں کی پکار سنی گئی اور نہ ہم جیسوں کی۔ حکومت اگر ملک بھر کے ڈاکٹروں کی التجائوں کے باوجود لاک ڈائون کی طرف نہیں جا سکتی تو کم ازکم فوری طور پر چند اقدامات تو کرے۔

کورونا سے ڈیل کرنے والے ہر ڈاکٹر، نرس اور خاکروب وغیرہ کو اعلیٰ ترین حفاظتی کٹس فراہم کی جائیں۔ سب کی تنخواہیں ڈبل کی جائیں۔ کورونا سے متاثر ہونے والوں کے لئے الگ الائونسز اور خاکم بدہن شہادت کی صورت میں بچوں کے لئے تمام صوبوں میں اسی طرح کے پیکیج انائونس کئے جائیں جس طرح فورسز میں شہدا کو دیے جاتے ہیں۔ تمام صوبوں میں یہ فیصلہ کیا جائے کہ کورونا کے مریضوں کی خدمت کے دوران شہید ہونے والے ڈاکٹروں، نرسوں اور دیگر عملے کے افراد کو سرکاری اعزاز کے ساتھ دفن کیا جائے۔

ابھی تک حکومت میں صرف وزیراعظم کے چند ذاتی دوست ڈاکٹروں سے مشورہ کیا جاتا ہے اور وزیراعظم اس کی بنیاد پر رائے بناتے ہیں۔ کورونا کمانڈ اینڈ کنٹرول سنٹر میں ڈاکٹروں کی تنظیموں اور بالخصوص ماہر ڈاکٹروں کو بھی نمائندگی دی جائے اور روزانہ ان سے بھی مشاورت لی جائے۔

مکرر عرض ہے کہ کورونا سے فرنٹ لائن پر لڑنے والے سپاہی اگر غیر مسلح رہے یا پریشان رہے یا مالی مشکلات کا شکار رہے تو ہم یہ جنگ کبھی بھی نہیں جیت سکیں گے۔ اس لئے پہلی توجہ ان سپاہیوں اور ان کے ہتھیاروں پر مرکوز کرنی چاہئے۔ ساتھ ہی ساتھ انہیں وہ عزت دینا ہوگی جو قوم کی خاطر فرنٹ لائن پر لڑنے والے قومی ہیرو کو دی جاتی ہے۔

سلیم صافی

وزارتِ اطلاعات میں حالیہ تبدیلی کے بارے میں مَیں قدرے تفصیل سے کچھ لکھنا چاہتا تھا لیکن پرابلم یہ ہے کہ ’’جنگ‘‘ کا ایڈیٹوریل اسٹاف جلدی چھٹی کر جاتا ہے، چنانچہ بارہ بجے تک جو کالم ان تک پہنچ جائے تو وہ اگلے روز شائع ہو سکتا ہے، ورنہ نہیں۔

اس وقت سوا گیارہ ہوئے ہیں چنانچہ لمبی بات کے لئے میرے پاس وقت نہیں ہے۔ محترمہ فردوس عاشق اعوان فارغ ہو گئی ہیں اور ان کی جگہ سینیٹر شبلی فراز کو وفاقی وزیر اطلاعات اور جنرل (ر) عاصم سلیم باجوہ کو وزیر اعظم کا معاونِ خصوصی برائے اطلاعات مقرر کیا گیا ہے۔

میرے بیشتر دوستوں نے جن کا تعلق اپوزیشن کی مختلف جماعتوں سے ہے، اس تبدیلی کو خوش آئند قرار دیا ہے۔ میں بھی یہی سمجھتا ہوں مگر میرے ذہن میں اس حوالے سے ایک تجویز بھی ہے۔

شبلی فراز تو مجھے ویسے ہی بہت عزیز ہیں کہ وہ میرے دوست احمد فراز کے صاحبزادے ہیں، اس کے علاوہ پشاور میں ان سے ایک دفعہ ملاقات اور ٹی وی چینلز سے مختلف اوقات میں ان کی گفتگوئیں سن کر مجھے لگا کہ میں ایک مہذب اور پڑھے لکھے انسان کو سن رہا ہوں۔

جہاں تک عاصم سلیم باجوہ کا تعلق ہے، مجھے حیرت ہے کہ ان کے ’’استقبال‘‘ میں کچھ کمی رہ گئی ہے۔ میری ان سے دو تین ملاقاتیں ہوئی ہیں، وہ میرے خیالات و نظریات سے اچھی طرح واقف ہونے کے باوجود مجھے اس طرح ملتے رہے جیسے کوئی اچھا انسان کسی اجنبی سے بھی ملے تو اس پر اپنے اعلیٰ اخلاق کا تاثر چھوڑ جاتا ہے۔

جنرل صاحب نے ایک دفعہ کراچی کیلئے پی آئی اے کی ٹکٹ کے حصول میں بھی میری مدد کی تھی جس کے حصول کیلئے میں ہر ممکن کوشش کر چکا تھا۔

اس ابتدائیے کے بعد کہنے کی اصل بات یہ ہے کہ جس کسی نے بھی وزیر اعظم عمران خان کو ان دو حضرات کی تقرری کا مشورہ دیا، وہ ان کا حقیقی دوست ہے۔ ان کی پارٹی کے کچھ وزرا اپوزیشن سے مکالمے کے دوران جو زبان استعمال کرتے ہیں وہ ممکن ہے پی ٹی آئی کے ’’ہاکس‘‘ (HAWKS) کو پسند آتی ہو مگر اس سے ایک نیوٹرل پاکستانی کے ذہن میں پارٹی کا جو امیج بنتا ہے وہ اتنا خوشگوار نہیں ہوتا جبکہ شبلی فراز اور عاصم سلیم باجوہ اپنے فرائض ایسی زبان استعمال کئے بغیر زیادہ بہتر طریقے سے انجام دیں گے۔

ایک عمومی تاثر یہ تھا کہ خود وزیراعظم اس لب و لہجے کو پسند کرتے ہیں، اگر یہ تاثر ٹھیک بھی تھا تو ان دو حضرات کی تقرری سے یقیناً اس تاثر میں تبدیلی یا کم از کم کمی ضرور آئے گی۔ جنرل (ر) عاصم سلیم باجوہ کو بطور ڈی جی آئی ایس پی آر، الیکٹرونک اور پرنٹ میڈیا کے صحافیوں سے ڈیل کرنے کا وسیع تجربہ ہے۔ انہوں نے صحافیوں سے ایک دشمن نہیں، ایک دوست کے طور پر تعلقات استوار کئے اور یوں ان کی کارکردگی ان تمام افراد سے کہیں بہتر رہی جو اس عہدے پر متمکن رہے تھے۔

مجھے کالم نگاری کرتے ہوئے 55سال ہو گئے ہیں۔ اس کے علاوہ بہت سے انتظامی شعبوں میں بھی کام کرنے کا موقع ملا ہے، میں اپنے اس متنوع تجربات کی روشنی میں یہ بات پورے یقین سے کہہ رہا ہوں کہ اصلی صحافیوں سے آپ کو جائز کاموں کیلئے سوائے خوش اخلاقی کے کچھ بھی نہیں کرنا پڑتا۔

آپ دھونس اور دھاندلی سے ان کے نظریات تبدیل نہیں کر سکتے لیکن ان سے دوستی کی صورت میں آپ ان کے لب و لہجہ میں بہت نرمی لا سکتے ہیں اور وہ آپ کے لئے کچھ لچک بھی پیدا کر سکتے ہیں اور یہ اصول دنیا کے ہر ملک کے صحافتی حلقوں پر فٹ بیٹھتا ہے۔

تھائی لینڈ میں دو بڑے اخبارات دی نیشن اور بنکاک پوسٹ تھے جو پاکستان کے بارے میں بہت معاندانہ رویہ رکھتے تھے، میں نے جب وہاں سفارت کا عہدہ سنبھالا تو چند دنوں بعد میں نے دونوں اخباروں کے ایڈیٹروں سے باری باری ملاقاتیں کیں اور مختلف اوقات میں ان کو اپنے گھر کھانے پر مدعو کیا۔

اس سے ان کی بنیادی پالیسی تو نہیں بدلی، لیکن اتنی نرمی ضرور آ گئی کہ وہ ہمارے نقطہ نظر کو بہت نمایاں طریقے سے شائع کرنے لگے۔ انہوں نے ہماری طرف سے کشمیر ایشو پر ارسال کردہ مضامین بھی شائع کئے۔ یہ بتانے کا مقصد یہ تھا کہ ہمارا شعبہ اطلاعات ہر اس شخص کو بلیک لسٹ کرتا رہا ہے جو ان کے تابع فرمان اس طرح نہیں تھا جیسے گھریلو ملازمین ہوتے ہیں۔

چنانچہ یہ رویہ لہجوں میں نرمی کے بجائے مزید سختی لانے کا باعث بنتا رہا ہے۔ پی آئی ڈی والے اور پبلک ریلیشن کے صوبائی محکمے بھی یہی رویہ اختیار کرتے اور انہیں کسی محفل میں مدعو نہ کرتے۔ مجھے یاد ہے میں جنرل ضیاء الحق کے زمانے میں کافی الٹے سیدھے کالم لکھتا تھا مگر جب کبھی دوسرے صحافیوں کے ساتھ میری ان سے ملاقات ہوتی تو اگلے روز میرے کالم کی ’’ٹون‘‘ بدلی ہوتی تھی۔ ایک چیز آنکھوں کا لحاظ بھی تو ہوتی ہے نا۔

چونکہ بارہ بجنے کو ہیں چنانچہ میں یہ کالم ادھورا چھوڑتے ہوئے اپنے نئے مہذب دوستوں کو خوش آمدید کہتا ہوں مگر مجھے ڈر ہے کہ جس طرح تمام حلقوں کی طرف سے ان کی تقرری کو خوش آئند قرار دیا گیا ہے کہیں ان کے خلاف ابھی سے سازشیں شروع نہ ہو جائیں۔

ان دوستوں سے چلتے چلتے ایک گزارش یہ بھی کرنا ہے کہ جہاں ہر طبقے میں ضمیر کے پاسدار اور ضمیر فروش دونوں موجود ہوتے ہیں اسی طرح یہ دونوں طبقے اخباروں اور ٹی وی چینلز میں بھی موجود ہیں۔

اگر کوئی اس حکومت کے کسی اقدام کو ملک و قوم کے لئے کچھ زیادہ بہتر نہیں سمجھتا، براہ کرم اس گروہ کو سمجھا دیں کہ اس طرح کے سب لوگوں کو ’’پٹواریوں‘‘ میں شامل نہ کریں اور ’’اینٹی سوشل میڈیا‘‘ پر انہیں ماں بہن کی گالیاں نہ دیا کریں۔ یہ گالیاں حکومت کی طرف گولیوں کی صورت میں واپس آتی ہیں۔

اب یہ ذمہ داری شبلی فراز اور عاصم سلیم باجوہ کی ہے کہ وہ ایسے لوگوں کو حکومت کے دوستوں میں شامل کرتے ہیں یا انہیں حکومت کے دشمنوں میں شمار کرتے ہیں۔ اب خدا کے لئے تنگ دلی کی آگ پر پانی ڈالیں اور پاکستان کے اجڑے ہوئے گلشن میں رواداری کے پھولوں کی آبیاری کریں۔ آخر میں افراتفری میں لکھے ہوئے اس کالم میں زبان و بیان کی غلطیوں پر پیشگی معذرت!

پس نوشت: ایک گزارش یہ ہے کہ اختلافِ رائے رکھنے والوں کو غدار کہنے کی روش کی حوصلہ شکنی کریں اور دوسرے یہ کہ جو حکومت کے ناقد ہیں، ان کا مقابلہ سیاسی میدان میں کریں۔

ہماری بدقسمتی کہ ہر دور میں ان پر جھوٹے مقدمات بنائے گئے، کاش یہ سلسلہ بند کرنے کا سہرا اپنے مشوروں سے شبلی فراز اور عاصم سلیم باجوہ موجودہ حکومت کے سر باندھیں۔ آخری بات ’’لفافہ صحافیوں‘‘ کو اب ’’لفافہ صحافی‘‘ نہ کہیں، ان کی مارکیٹ ڈائون ہوتی ہے کیونکہ لفافے میں چند ہزار روپے آ سکتے ہیں، کروڑوں نہیں۔

اب انہیں پرانے طریقوں سے مطمئن نہیں کیا جا سکتا۔ اس کیلئے کوئی نیا طریقہ ایجاد کرنا پڑیگا۔ ہمارے سائنسدان فواد چوہدری صاحب سے اس حوالے سے مشورہ کیا جا سکتا ہے۔

عطااللہ قاسمی

اسلام آباد ( وقت ٹی وی آن لائن ) وزیراعظم عمران خان کا کہنا ہے بھارتی وزیراعظم نریندر مودی اتنے ڈرپوک نکلے کہ کورونا کی وجہ سےپورا ملک بند کر دیا۔

عمران خان نے کامسٹیک میں طبی مصنوعات کی نمائش کا دورہ کیا اور اس موقع اپنے خطاب میں کہا کہ خود اعتمادی لوگوں کو مشکلات سے نبرد آزما ہونےکے قابل بناتی ہے اور جب قوم خود پر اعتماد کرنا شروع کر دیتی ہے تو آگے بڑھتی ہے۔

انہوں نے کہا کہ وزارت سائنس وٹیکنالوجی میں بہت پوٹینشل ہے، جو ملک نیوکلیئرہتھیار بنا سکتا ہے اس کے لیے وینٹی لیٹر بنانا کون سا مشکل کام ہے؟ یہ کیسے ہوسکتا ہے کہ ہر چیزکو امپورٹ کریں۔

ان کا کہنا ہے کہ ہمیں اپنے اسپتال درست کرنے ہیں اور انہیں بہتر بنانا ہے، پہلے سارے لوگ علاج کرانے باہر جاتے تھے اب تو یہ لوگ باہر بھی علاج نہیں کرا سکتے۔

عمران خان نے کہا کہ جب تک وزراء سرکاری اسپتالوں میں علاج نہیں کرائیں گے اسپتال بہتر نہیں ہونگے جب کہ پیسے والے لوگ سرکاری اسپتالوں میں جانے کا سوچتے بھی نہیں، آج صاحب اقتدار چاہیں تو بھی بیرون ملک علاج نہیں کرا سکتے۔

پڑوسی ملک بھارت کے وزیراعظم کو مخاطب کرتے ہوئے عمران خان نے کہا کہ مودی اتنا ڈرپوک نکلا کہ کورونا کی وجہ سے پورا ملک بند کر دیا، مودی نے غریب لوگوں کا سوچا ہی نہیں۔

وزیراعظم نے کہا کہ کورونا امیراورغریب میں فرق نہیں کرتا، کورونا نے ہمیں سکھایا کہ اپنے پاؤں پرکھڑا ہونا ہے، حکمران اشرافیہ نے فیصلہ کیا کہ ملک میں لاک ڈاؤن کرنا ہے لیکن کسی نے لاک ڈاؤن کرتے ہوئے دیہاڑی دار طبقے کا سوچا ہی نہیں ۔

انہوں نے کہا کہ ڈیڑھ سال ملک کو ڈیفالٹ سے بچانے میں گزرگیا اب قوم کو ایک ویژن دیں گے، یہ ویژن کسی چھوٹے طبقے کے لیے نہیں بلکہ پورے ملک کے لیے ہو گا، ملک کوایک وژن کے تحت آگے لے کرجائیں گے۔

خیال رہے کہ بھارت میں کورونا وائرس سے اب تک 1079 افراد ہلاک جب کہ 33 ہزار سے زائد متاثر ہو چکے ہیں۔ بھارتی وزیراعظم نریندر مودی نے ملک بھر میں 3 مئی تک لاک ڈاؤن کا اعلان کر رکھا ہے۔

سنگا پور (وقت ٹی وی آن لائن ) سنگاپور میں کورونا وائرس میں مبتلا شخص نے پراٹھا کھانے کے لیے 30 منٹ پہلے قرنطینہ توڑ دیا۔

غیر ملکی خبر رساں ادارے کے مطابق کورونا وائرس میں مبتلا شخص نے چند ڈالرز میں پراٹھا خریدنے کی خاطر قرنطینہ کا وقت ختم ہونے سے 30 منٹ پہلے اسے توڑ دیا جس پر حکام نے اسے ایک ہزار سنگاپورین ڈالر کا جرمانہ کردیا۔

غیر ملکی میڈیا کی رپورٹ میں بتایا گیا ہےکہ سنگاپور کے رہائشی 22 سالہ نوجوان کو گزشتہ ماہ کورونا وائرس کے شبے میں گھر سے نہ نکلنے کا حکم دیا گیا تھا لیکن نوجوان نے قرنطینہ کا وقت ختم ہونے سے 30 منٹ پہلے اسے توڑ دیا اور گھر سےباہرنکل آیا اور قریب موجود ریسٹورینٹ میں پراٹھا کھانے بیٹھ گیا۔۔

نوجوان کی نگرانی پر مامور اہلکار نے اسے ریسٹورینٹ میں دیکھا تو فوری اس سے رابطہ کیا جس پر نوجوان نے بتایا کہ بھوک کی وجہ سے وہ قریب ہی موجود ریسٹورینٹ سے کھانا لینے گیا تھا۔

نوجوان کی نگرانی پر مامور اہلکار نے اس کی اطلاع حکام کو کی جس پر اسے ایک ہزار ڈالر کا جرمانہ کردیا گیا۔

سنگاپور میں کورونا وائرس کے کیسز کی تعداد 16 ہزار سے زائد ہے اور 500 سے زائد افراد وائرس سے ہلاک ہوچکے ہیں جس کے باعث وائرس کا پھیلاؤ روکنے کے لیے سخت قوانین نافذ کیے گئے ہیں۔

سنگاپور ڈیزز ایکٹ کے تحت اس طرح کی خلاف ورزیاں کرنے پر 10 ہزار ڈالرز تک کا جرمانہ اور ساتھ ہی 6 ماہ کی قید کی سزا بھی دی جاسکتی ہے۔

لاہور (وقت ٹی وی آن لائن ) کورونا وائرس کے خلاف جنگ میں پنجاب نے بہترین کارکردگی میں تمام صوبوں کو پیچھے چھوڑ دیا، پنجاب حکومت کے بارے آئی آر آئی ایس کا سروے

پنجاب حکومت نے سروے رپورٹ جاری کردی ،بہترین کارکردگی کے کریڈٹ میں سیکرٹری صحت کپٹن ریٹائرڈ عثمان سرفہرست ہیں۔

آئی آر آئی ایس کے تازہ ترین سروے کے مطابق پنجاب حکومت کی جانب سے کورونا کے خاتمے کیلئے کئے گئے اقدامات کو عوام نے دیگر صوبوں کے مقابلے میں بہترین قرار دیا ہے، پنجاب حکومت کی جانب سے جاری کردہ عوامی سروے کے مطابق 48 فیصد لوگوں کے مطابق پنجاب حکومت اپنی حکمت عملی کے تحت لوگوں سے مسلسل رابطہ رکھنے میں تمام صوبوں میں سب سے آگے رہی ۔

اپریل میں ہونے والے اس سروے کے مطابق سندھ کو 39 فیصد، کے پی کو 12 اور بلوچستان حکومت کو کمیونیکیشن کے حوالے سے 1 فیصد ووٹ ملے،سروے میں 47 فیصد لوگوں کی رائے کے مطابق پنجاب حکومت نے کوویڈ19 سے نمٹنے کے لئے اپریل میں باقی صوبوں کی نسبت بہترین و موثر کارکردگی دکھائی جبکہ سروے کے مطابق، سندھ، کے پی اور بلوچستان کو 40، 12 اور 1 فیصد ووٹ حاصل ہوئے-

سروے کے مطابق وزیر اعظم عمران خان کی کورونا وائرس کے حوالے سے کارکردگی کو 70 فیصد عوام نے تسلی بخش قرار دیا –

آئی آر آئی ایس کی جانب سے کرائے جانے والے اس سروے میں پاکستان کے دس بڑے شہروں کو شامل کیا گیا، اور رزلٹس کے مطابق پنجاب کے لئے عوامی رائے میں اپریل میں مارچ کے مقابلے نمایاں بہتری آئی – پنجاب حکومت کی بہترین کارکردگی کا سہرا سیکرٹری صحت کیپٹن( ریٹائرڈ ) محمد عثمان کے سر پر سجتا ہے جنہوں نے بہتر حکمت عملی سے صوبے کو بہترین کارکردگی کی صف میں لا کھڑا کیا-

یاد رہے ملک میں کورونا وائرس سے اب تک ہلاکتوں کی مجموعی تعداد 346 ہوگئی جب کہ نئے کیسز سامنے آنے سے مصدقہ مریضوں کی تعداد 15759 تک جا پہنچی ہے۔اب تک سب سے زیادہ اموات خیبرپختونخوا میں سامنے آئی ہیں جہاں کورونا سے 122 افراد انتقال کر چکے ہیں جب کہ پنجاب میں 103 اور سندھ میں 100 افراد جاں بحق ہوئے ہیں۔

کورونا وائرس کے اس پھیلائو کوروکنے کیلئے ملک بھر میں لاک ڈائون ہے، تعلیمی ادارے، کاروباری مراکز،سرکاری ،غیر سرکاری دفاتر ،کھیلوں کے میدان،سیاحتی مراکز،ائیر سروس ،پبلک ٹرانسپورٹ سبھی بند ہیں

لاہور (وقت ٹی وی آن لائن) لاہوررنگ روڈ سدرن لوپ تھری کی تعمیرکا معاملہ، رنگ روڈ اتھارٹی نے تعمیراتی معاہدے پر باضابطہ دستخط کی تقریب کے لئے وزیراعلی پنجاب سردار عثمان بزدار سے وقت مانگ لیا۔

محدود نوعیت کی تقریب میں رنگ روڈ اتھارٹی کے افسران اوراین ایل سی کے نمائندے موجود ہوں گے، این ایل سی نے پی پی پی موڈ کے تحت سدرن لوپ تھری کی تعمیرکی پیشکش دی تھی، تعمیراتی معاہدے کا معاملہ فروری سے التوا کا شکار ہے۔

اس سے قبل بھی رنگ روڈ اتھارٹی نے وزیراعلٰی پنجاب سردار عثمان بزدار سے معاہدے پر دستخط کے لئے وقت مانگا تھا، اڈا پلاٹ سے ملتان روڈ تک8 کلو میٹرطویل ایس ایل تھری پر10 ارب سے زائد کی لاگت آئے گی۔ این ایل سی اپنی لاگت پر منصوبہ ایک سال میں مکمل ہوگا جبکہ ٹول ٹیکس کے ذریعے لاگت آئندہ 25 سالوں میں وصول کرے گا۔

رنگ روڈ سدرن لوپ تھری کی بڈ جنوری میں فائنل کی گئی تھی، این ایل سی کو پی پی پی پراجیکٹ کے تحت معاہدہ فائنل کیا گیا،ذرائع کے مطابق رنگ روڈ کےمعاہدے پرعملدرآمد کی تاریخ بائیس فروری مقرر کی گئی تھی، رنگ روڈ اتھارٹی حکام نے معاہدے پر دستخط کی تقریب کےلیے وزیراعلی سے وقت مانگا تھا۔

وزیراعلیٰ کی مصروفیت کی بنا پر بائیس فروری سے قبل تعمیراتی معاہدہ پر دستخط نہ ہوسکے, ذرائع کے مطابق لاہور رنگ روڈ اتھارٹی نے معاہدے پر دستخط کے لیےایوان وزیراعلی سے دوبارہ رابطہ کرلیاہے۔

اس سے قبل وزیراعلیٰ کو لاہور رنگ روڈ اتھارٹی آفس کمپلیکس اور کنٹرول روم کے بارے میں بھی بریف کیا گیا تھا، وزیراعلیٰ کو بتایا گیا تھا کہ لاہور رنگ روڈ سدرن لوپ وَن اور ٹو ایک سال میں مکمل کیا گیا ہے۔ 23کلومیٹر طویل سدرن لوپ ون اور ٹو پبلک پرائیویٹ پارٹنرشپ کے تحت مکمل کیا گیا ہے۔ وزیراعلیٰ نے سدرن لوپ تھری کے منصوبے کی اصولی منظوری دی تھی اور کہا تھا کہ 8کلومیٹر طویل سدرن لوپ تھری کا منصوبہ اڈہ پلاٹ سے ملتان روڈ تک تعمیر کیا جائے گا۔

سدرن لوپ تھری پر تقریباً 10 ارب روپے لاگت آئے گی۔یہ منصوبہ پبلک پرائیویٹ پارٹنرشپ کے تحت مکمل کیا جائے گا۔ وزیراعلیٰ نے منصوبے کو ایک سال میں مکمل کرنے کی ہدایت کرتے ہوئے کہا کہ رنگ روڈ کے اردگرد 10 لاکھ درخت لگائے جائیں گے۔

لاہور رنگ روڈ اتھارٹی کے کنٹرول روم کو سیف سٹی پراجیکٹ کے ساتھ لنک کیا جائے۔ صوبائی وزراء میاں محمودالرشید، آصف نکئی، ہاشم ڈوگر، رکن پنجاب اسمبلی ملک اسد، ایڈیشنل چیف سیکرٹری، سیکرٹری اطلاعات، سیکرٹری سروسز، سی سی پی او لاہور اور متعلقہ حکام بھی اس موقع پر موجود تھے۔