Category کلاسک کارنر

(ویب ڈیسک)میری معصوم سی خواہش ہے کہ میری ایک ایسی گرل فرینڈ ہو جو سال میں چار دفعہ میری سالگرہ منائے اور ہر دفعہ لگ بھگ ڈیڑھ دو لاکھ کے تحفے پیش کرے۔ کبھی یہ نہ پوچھے کہ تم بیوی کے ساتھ شاپنگ پر کیوں گئے تھے،کبھی مجھے موبائل کا بیلنس لوڈ نہ کروائے بلکہ میرا پری پیڈ پیکیج پوسٹ پیڈ میں تبدیل کروا کے بل خود ادا کیا کرے،ہر وقت کچھ اس قسم کے میسجز کرے’’جان تم میرے ہیرو ہو‘ تم ہی سب کچھ ہو‘تمہارے بغیر میں کچھ بھی نہیں‘آج میرے خواب میں آؤ گے ناں‘‘۔

میں جب بھی کہوں کہ میرے پاس گھر کا کرایہ دینے کے پیسے نہیں ہیں تو فوراً بے قرار ہوکر کہے’’میری جان ! یہ لو ایک لاکھ روپے،پانچ ہزار کرایہ دے دینا اور باقی 95 ہزار کا اسکوٹر میں پٹرول ڈلوا لینا۔

میں جب بھی اس کا فون نہ سنوں تو زہریلے میسجز بھیجنے کی بجائے پیار سے لکھے’’جان ! جب تم اپنی فیملی کے ساتھ انجوائے کرتے ہو تو یقین کرو میں بہت زیادہ خوش ہوتی ہوں ‘‘۔میں بے شک اسے کبھی جارجٹ کا سوٹ تک نہ لے کر دوں لیکن وہ ہر ماہ میرے اور میرے بیوی بچوں کے لئے برانڈڈ سوٹ بھیجے۔ میرے بچوں کے اسکول کی فیس بھی خود ادا کرے اور ممکن ہو تو گیس بجلی پانی کے بل کا بوجھ بھی خود اٹھائے۔

چونکہ پاکستانی گرل فرینڈ کے لئے یہ سب افورڈ کرنا مشکل ہے لہٰذا میری خواہش ہے کہ میری گرل فرینڈ کم ازکم لندن یا امریکہ میں رہتی ہو،انتہائی امیر ماں باپ کی بیٹی ہو اور اُس نے اپنے موبائل میں میری تصویر کو وال پیپر کے طور پر لگایا ہو۔

میری یہ بھی خواہش ہے کہ میری ’’ہونے والی‘‘ گرل فرینڈ انتہائی سلم اینڈ سمارٹ ہو،رنگ گورا، آنکھیں موٹی اور ناک سُتواں ہو،انگریزی فر فر بولتی ہو لیکن مجھ سے ہمیشہ اُردو میں بات کرے۔انتہائی جدید فیشن کے کپڑے پہنے اور اپنی سہیلیوں کو میری تصویر دکھا دکھا کرجلائے کہ ’’یہ دیکھو! میرا شہزادہ‘‘۔

ہر وقت مجھ سے بات کرنے کے لئے ترسے‘میں اسے تھوڑا سا بھی ڈانٹوں تو میرے پیروں میں گر کر معافی مانگنے لگے۔میں اگر چھوڑنے کی دھمکی دوں تو بلا سوچے سمجھے صوفے سے چھلانگ لگا کر خود کشی کرلے۔میری گرل فرینڈ میں یہ خوبی بھی ہونی چاہئے کہ وہ ہر گورے لڑکے پر مجھے فوقیت دے، مجھے ٹارزن سمجھے، میرے ساتھ شاپنگ کرنے جائے تو اپنے لئے بے شک ایک سوئی تک نہ خریدے لیکن مجھے مالا مال کردے۔

میری گرل فرینڈ کے کم از کم دس پلازے بھی ہونے چاہئیں جس میں سے وہ چھ پلازے میرے نام لگا دے۔میری خاطر اپنے باپ کو روزانہ ذلیل کرے، میں جب بھی اسے کہوں کہ ’’جان میں بہت پریشان ہوں‘‘ تو وہ فوراً سمجھ جائے کہ مجھے پندرہ سو روپے کی اشد ضرورت ہے۔

میری خواہش ہے کہ و ہ کبھی مجھ سے شادی کی ضد نہ کرے بلکہ روز یہ باور کرائے کہ شادی تو دراصل محبت کا اختتام ہوتی ہے۔میرے فون کے میسجز کبھی چیک نہ کرے لیکن اپنا فون پوری وارفتگی کے ساتھ مجھے تھما دیا کرے۔اپنے فیس بک اور ای میل کا پاس ورڈ خوشی خوشی میرے ساتھ شیئر کرے لیکن مجھ سے ایسی کوئی گھٹیا فرمائش نہ کرے۔

میرے ہر دوست سے نفرت کرے لیکن اپنی ہر سہیلی سے مجھے ہنس ہنس کرمتعارف کرائے،روز میری یاد میں تڑپے ، آنسو بہائے اور خلاؤں میں تکتی رہے۔ آدھی رات کو جب بھی اُس کی نظر چاند پر پڑے اُسے میں یاد آؤں۔ میر اتنا خیال رکھے کہ اگر میں کہوں کہ مجھے کھٹے ڈکار آرہے ہیں تو فوراً مجھے ڈاکٹر کو چیک اپ کرانے کے لئے امریکہ لے جائے

۔اُس نے میرے کافی سارے پیار کے نام رکھے ہوئے ہوں مثلاً پرنس، ہیرو، کیوٹ، چارمنگ،ڈیشنگ وغیرہ وغیرہ۔اگر چہ اُسے کافی خوبصورت ہونا چاہئے لیکن میرے سامنے ہمیشہ خود کوکم تر ثابت کرے اور بار بار یہ کہے کہ ’’میں کتنی خوش نصیب ہوں کہ میں کچھ بھی نہیں پھر بھی مجھے تم نے دوستی کے لئے پسند کیا‘‘۔میری گرل فرینڈ کو سنی دیول، شاہ رخ خان، عامرخان،سلمان خان،ٹام کروز ، آرنلڈ وغیرہ سب کے نام سے ہی کراہت آنی چاہئے۔اُس کے خواب بھی میرے اردگرد گھومنے چاہئیں۔

اگر میں کسی دن اُس سے ناراض ہوجاؤں تو وہ کھانا پینا چھوڑ دے اور مزاروں پر جاکر میرے مان جانے کی منتیں مانے۔اُسے میری ہر چیز کا پتا ہونا چاہئے کہ مجھے مرونڈا کون سا پسند ہے، گنڈیریاں کس ریڑھی سے لیتا ہوں شوارمے میں سلاد کتنا ڈلواتاہوں،گول گپوں میں میٹھی چٹنی کا تناسب کیا رکھتاہوں،موبائل میں کتنے کاایزی لوڈ کراتا ہوں، بوٹ کب کب پالش کرتاہوں، کھانے کے کتنی دیر بعد پھکی استعمال کرتاہوں۔ہاں !ایک اور بات !میری گرل فرینڈ کو کسی بہت اونچے خاندان سے ہونا چاہئے تاکہ اُس کے اور میرے ’’اسٹیٹس‘‘ میں بیلنس برقرار رہ سکے۔میرے کئی بدخواہوں کا کہنا ہے کہ اول تو دنیا میں ایسی گرل فرینڈ ہوہی نہیں سکتی لیکن میں نہیں مانتا،ڈھونڈنے سے سب کچھ مل جاتا ہے۔

ہر مرد ایسی ہی گرل فرینڈ چاہتا ہے کیونکہ ایسی خصوصیات والی بیویاں تو کب کی آنی بند ہوگئی ہیں البتہ گرل فرینڈ سے اُمید ِ بہار رکھی جاسکتی ہے۔ یہ وہ سپنا ہے جو ہر مرد ہر وقت دیکھتاہے۔

کئی مردوں کو جب ایسی خصوصیات والی دوست نہیں ملتی تو وہ اپنے ذہن سے ہی ایک گرل فرینڈ تخلیق کرلیتے ہیں اور پھر دوستوں میں بڑے فخر سے بتاتے ہیں’’یہ لیپ ٹاپ میری شکیلہ نے مجھے سالگرہ پر گفٹ کیا ہے‘‘ حالانکہ اگر موصوف کا موبائل فون چیک کیا جائے تو اُس میں شکیلہ کاآخری میسج کچھ یوں ہوتاہے’’تم مرد ہوتے ہی کمینے ہو‘‘۔
بشکریہ جیو نیوز

ریاض (وقت ٹی وی آن لائن) سعودی عرب میں مصور نے پرانے اور بوسیدہ گھروں کی دیواروں کو مصوری کے خوبصورت اور دلکش شاہکاروں سے سجا دیا، مصور کا کہنا ہے کہ وہ ملک بھر میں ایسے نمونے تخلیق کرے گا.

سعودی عرب کے شہر طائف سے تعلق رکھنے والے مصور خالد نے مصوری کے رنگ بھرنے کے لئے علاقے کے پرانے بوسیدہ اور غیر آباد گھروں کی دیواروں کو چنا اور ان پر درجنوں مصوری کے ایسے شاہکار تخلیق کئے ہیں کہ دیکھنے والے دنگ رہ جاتے ہیں، مصور نے زیادہ تر عورت کو اسکے جمالیاتی حسن کے ساتھ نمایاں کیا ہے اور اسکے احساسات کو اجاگر کیا ہے.

سعودی مصور خالد کا کہنا ہے کہ وہ مملکت کے دیگر شہروں میں بھی جاکر پرانے گھروں کو ایسے ہی شاہکاروں سے مزین کرے گا.

اسلام آباد (ایمرا نیوز آن لائن )وزیراعظم عمران خان نے کہا ہے کہ افغانستان میں امریکا کے کامیاب نہ ہونے کا الزام پاکستان پر لگانا غیر منصافانہ ہے۔روسی ٹی وی کو انٹرویو میں عمران خان نے کہا کہ اگر ہم نائن الیون کے بعد امریکا کی جنگ نہ لڑتے تو ہم دنیا کا خطرناک ملک نہ ہوتے۔انہوں نے مزید کہا کہ سوویت یونین کے خلاف جنگ میں انہی لوگوں کو تربیت دی گئی، جس کا فنڈ سی آئی اے نے دیا تھا، یہ تربیت یافتہ لوگ تھے اور ایک عشرے بعد جب امریکا وہاں گيا تو کہا گيا کہ یہ جہاد نہیں یہ دہشت گردی ہے۔

انہوں نے کہا کہ یہ بہت بڑا تضاد تھا جسے انہوں نے محسوس کیا۔انہوں نے کہا کہ پاکستان کو اس جنگ میں غیر جانبدار رہنا چاہیے تھا، امریکا کا اتحادی بننے سے یہ گروپس ہمارے خلاف ہوگئے اور 70 ہزار پاکستانیوں کی جانیں گئيں۔وزیراعظم نے کہا کہ وہ شروع سے ہی اس جنگ کے خلاف تھے، اس جنگ سے معیشت کو 100 ارب ڈالرز سے زیادہ کا نقصان پہنچا۔وزیراعظم نے کہا کہ اب آخر میں افغانستان میں امریکا کے کامیاب نہ ہونے کا الزام ہم پر لگادیا گيا جو کہ یہ غیر منصافانہ ہے۔

چمٹے کی منفرد دھنوں اور بے مثال آواز کے جادو سے مداحوں کو محسور کرنے والے عظیم لوک گلوکار عالم لوہار کو مداحوں سے بچھڑے 40 برس بیت گئے۔

بے مثل و بے بدل لوک فنکار عالم لوہار یکم مارچ 1928 کو گجرات کے ایک نواحی گاؤں آچھ گوچھ میں پیدا ہوئے، انہوں نے کم عمری سے ہی گلوکاری کا آغاز کردیا تھا۔

عالم لوہار ’چمٹا‘‘ ان کی منفرد پہچان بنا، وہ گانے کے دوران لے کو برقرار رکھنے کے لیے چمٹا استعمال کرتے تھے، انہوں نے چمٹے کو بطور میوزک انسٹرومنٹ متعارف کروایا، ان کا یہ منفرد انداز ان کی خاص شناخت بن گیا ۔

’ہیر وارث شاہ‘ کے کلام نے عالم لوہار کو شہرت کی نئی بلندیوں پر پہنچا دیا۔ انہوں نے ہیر وارث شاہ کو موسیقی کی 30 سے زائد اصناف میں گا کر ایسا ریکارڈ بنایا جو کہ آج بھی پنجاب کی مٹی میں خوشبو کی مانند رچا بسا ہے۔

’ہیر وارث شاہ‘ عالم لوہار کا ایک انداز:

عالم لوہار نے جُگنی سے شہرت کی نئی بلندیوں کو چھوا، ان کی گائی گئی جگنی اس قدر مشہور ہوئی کہ ان کے بعد آنے والے متعدد فنکاروں نے اسے اپنے اپنے انداز سے پیش کیا لیکن جو کمال عالم لوہار نے اپنی آواز کی بدولت پیدا کیا وہ کسی دوسرے سے ممکن نہ ہوسکا۔

جُگنی کی شہرت کا اندازہ اس بات سے بھی لگایا جاسکتا ہے کہ اس دور کی اردو اور پنجابی فلموں میں بھی جُگنی کو خصوصی طور پر شامل کیا گیا جب کہ جُگنی کی پکچرائزیشن بھی انہی پر ہوئی۔

مشہور زمانہ جگنی:

https://youtu.be/3-D00MaSOmM

جُگنی کے علاوہ عالم لوہار نے کئی منفرد نغمے تخلیق کیے جن میں ویر میریا جگنی، اے دھرتی پنج دریاں دی، واجاں ماریاں، دل والا دکھڑا، موڈا مار کے ہلا گئی، جس دن میرا ویاہ ہو وے گا، قصّہ سوہنی ماہیوال اور دیگر بے شمار گانے شامل ہیں۔

عالم لوہار کو سابق صدر ایوب خان نے ’شیر پنجاب‘ کا خطاب دیا، عالم لوہار کو یہ اعزاز بھی حاصل ہے کہ ان کی مقبولیت کے باعث ملکہ برطانیہ نے اپنی 25 ویں سالگرہ پر انہیں اپنے محل میں مدعو کیا تھا۔

لوک گلوکار عالم لوہار 3 جولائی 1979 کو اس جہانِ فانی سے کوچ کرگئے۔

عالم لوہار کا انتقال قصبے مانگا منڈی کے پاس ٹریفک حادثے میں ہواجس کے بعد انہیں لالہ موسیٰ میں سپردِ خاک کیا گیا۔

ان کے انتقال کے بعد حکومت پاکستان نے ایک سڑک کو بھی اس عظیم فنکار کے نام سے منسوب کیا۔

پنجاب کی شان اس گلوکار کے بیٹے عارف لوہار آج بھی اپنے والد کے فن کو زندہ رکھے ہوئے ہیں۔

کراچی (میڈیا 92 نیوزمانٹرنگ ڈیسک ) کراچی پولیس نے دعویٰ کیا ہے کہ سپر ہائی وے کے صنعتی علاقے کے قریب چھاپہ مار کارروائی کے دوران داعش سے تعلق رکھنے والے 3 دہشت گرد ہلاک ہوگئے۔

سینئر سپرنٹنڈنٹ آف پولیس ملیر عرفان بہادر کا کہنا ہے کہ ہلاک ہونے والے دہشت گرد سندھ اور بلوچستان کے 35 سیکیورٹی اہلکاروں کے قتل میں ملوث تھے جبکہ ان میں سے ایک کراچی میں 2000 کی دہائی میں وال اسٹیٹ جرنل کے لیے کام کرنے والے امریکی صحافی ڈینیئل پرل کے قتل میں ملوث تھا۔

ان کا کہنا تھا کہ پولیس اور انٹیلی جنس اداروں نے پیر کی علی الصبح خفیہ معلومات کی بنا پر نادرن بائی پاس پر قائم خدا بخش بروہی گوٹھ پر چھاپہ مار کارروائی کی۔

انہوں نے بتایا کہ ‘کارروائی کے دوران ملزمان نے پولیس کی ٹیم پر فائرنگ کی، جوابی فائرنگ میں 3 دہشت گرد ہلاک ہوگئے جبکہ اندھیرے کا فائدہ اٹھاتے ہوئے 2 دہشت گرد فرار ہونے میں کامیاب ہوگئے’۔

پولیس نے ملزمان کے قبضے سے 2 ایس ایم جی رائفل، ایک پستول، 4 دستی بم اور ایک خودکش جیکٹ بر آمد کرلی جبکہ لعشوں کو قانونی چارہ جوئی کے لیے عباسی شہید ہسپتال منتقل کردیا۔

سینیئر پولیس افسر کا کہنا تھا کہ ہلاک ہونے والے دہشت گردوں کی شناخت شاہد، عثمان اور طلعت کے نام سے ہوئی۔

انہوں نے بتایا کہ ‘ملزمان اس سے قبل القائدہ بر صغیر سے منسلک تھے بعد ازاں انہوں نے داعش میں شمولیت اختیار کی تھی’۔

ان کا کہنا تھا کہ ہلاک ملزمان سندھ اور بلوچستان میں فوج، رینجرز اور پولیس کے 35 اہلکاروں کی ٹارگٹ کلنگ میں ملوث تھے۔

انہوں نے کہا کہ ‘ملزم شاہد امریکی صحافی ڈینیئل پرل کے قتل میں بھی ملوث تھا’۔

افسر کا کہنا تھا کہ ایک اور ہلاک ملزم عثمان چند سال قبل کورنگی کے ایک ریسٹورانٹ میں 4 پولیس اہلکاروں کو قتل کرنے میں ملوث رہا تھا، جس کے علاوہ وہ کورنگی ہی کے علاقے میں امام بارگاہ پر بھی قتل کے واقعے میں ملوث رہا تھا۔

ان کا کہنا تھا کہ عثمان اپنئے ساتھوں کے ہمراہ ضیا کالونی میں ایک پولیس اہلکار، اورنگی ٹاؤن میں 4 رینجرز اہلکار اور صدر کے علاقے میں 2 فوجی اہلکاروں کے قتل میں ملوث رہے تھے۔

انہوں نے بتایا کہ ‘تیسرے ہلاک ہونے والے ملزم طلعت محکمہ انسداد دہشت گردی (سندھ) کے ریڈ بک میں تھے ‘۔

ان کا کہنا تھا کہ طلعت القائدہ داعش میں شمولیت اختیار کرنے سے قبل القائدہ بر صغیر کے ساتھ منسلک تھا اور متعدد دہشت گردی کے واقعے میں مفرور تھا۔

ان کے مطابق یہ گروہ کراچی کے علاوہ حیدر آباد میں بھی قانون نافذ کرنے والے اداروں پر حملوں میں ملوث ہے۔

(ایمرا نیوز آن لائن لاہور)
(بشکریہ جنگ لاہور)
ہمارے نظام شمسی کے ایک سیارے کا نام زہرہ ہے، چند سال میں ایک مرتبہ یہ سیارہ زمین اور سورج کے درمیان سے گزرتا ہے، اس مخصوص وقت میں اگر زمین کے مختلف حصوں سے اس کی گردش کا مشاہدہ کیا جائے تو ہم بآسانی زمین اور سورج کے درمیان فاصلہ ماپ سکتے ہیں۔ 1769میں لندن کی رائل سوسائٹی نے اس سیارے کا مشاہدہ کرنے کی غرض سے سائنسدانوں کا ایک مشن کینیڈا اور کیلیفورنیا کے دور دراز علاقوں تک بھیجا مگر ان کی تسلی نہیں ہوئی، سو رائل سوسائٹی نے ایک ستارہ شناس چارلس گرین کو تاہیتی بھیجنے کا فیصلہ کیا، گرین اس مشن پر اکیلا نہیں گیا بلکہ اس کے ساتھ آٹھ سائنسدانوں کی پوری ٹیم گئی جن میں ماہر نباتات بھی تھے اور ایسے لوگ بھی جنہوں نے اس علاقے کی زمین، چرند، پرند، انسانوں اور حیوانات کے بارے میں تحقیق کرنا تھی، اس ٹیم کو اس زمانے کے بہترین اور مہنگے آلات سے لیس کیا گیا اور ٹیم کی کمان کیپٹن جیمز کُک کے حوالے کی گئی جو ایک منجھا ہوا جغرافیہ دان تھا۔ یہ مہم جو لندن سے تاہیتی کے لیے 1768میں روانہ ہوئے ، 1769میں تاہیتی میں زہرہ کا مشاہدہ کیا اور پھر آسٹریلیا اور نیوزی لینڈ تک گئے اور بالآخر1771میں برطانیہ واپس پہنچے۔ ان ماہرین نے صرف زہرہ کا مشاہدہ ہی نہیں کیا بلکہ یہ نباتات، حیوانیات، فلکیات، مردم شناسی، جغرافیہ اور موسمیات سے متعلق بیش بہا معلومات کا خزانہ بھی لے کر لوٹے جس کی مدد سے تحقیق کے میدان میں نئے جھنڈے گاڑے گئے۔ اس زمانے میں بحری سفر کے دوران لوگ ایک پراسرار بیماری کا شکار ہو کر مر جاتے تھے، اس بیماری میں مسوڑھوں سے خون رِسنا شروع ہو جاتا، دانت گرنے لگتے، مریض کو بخار اور یرقان ہو جاتا اور ہاتھ پیر کام کرنا چھوڑ جاتے، ایک اندازے کے مطابق سولہویں اور اٹھارہویں صدی کے درمیان اس بیماری سے بیس لاکھ افراد بحری سفر کے دوران جان سے ہاتھ دھو بیٹھے۔ 1747میں جیمز لنڈ نامی ڈاکٹر نے دریافت کیا کہ یہ بیماری بحری سفر کے دوران کھانے میں تازہ پھلوں اور سبزیوں کی کمی کی وجہ سے ہوتی ہے، طویل بحری سفر میں لوگوں کو یہ چیزیں میسر نہیں ہوتی تھیں سو وہ اس بیماری کا شکار ہو کر مر جاتے تھے۔ ڈاکٹر جیمز لنڈ کی اس دریافت کو کیپٹن جیمز کُک نے یوں ثابت کیا کہ جب وہ تاہیتی اور آسٹریلیا وغیرہ کے سمندری سفر پر روانہ ہوا تو دورانِ سفر کھانے میں تازہ پھلوں اور سبزیوں کا ڈٹ کر استعمال کیا، نتیجے میں جب یہ مشن واپس پہنچا تو ایک بھی شخص ایسا نہیں تھا جو اس پراسرار بیماری کا شکار ہو کر مرا ہو۔ اصل کہانی مگر یہ نہیں، اصل بات یہ ہے کہ جیمز کُک صرف ایک ملاح نہیں تھا بلکہ نیوی افسر بھی تھا، کُک کے مشن کے اخراجات لندن کی رائل سوسائٹی نے برداشت کیے مگر بحری جہاز برطانوی نیوی نے فراہم کیا، اس بحری جہاز میں سائنس دانوں کے ہمراہ توپ خانے، بارود اور ہتھیاروں سے لیس پچاسی نیوی افسران بھی شامل تھے جو معلومات جیمز کُک کے اس مشن نے اکٹھی کیں وہ جغرافیہ، فلکیات، موسمیات وغیرہ سے متعلق تھیں مگر ان کی عسکری اور سیاسی اہمیت کہیں زیادہ تھی۔ بحری سفر کی پراسرار بیماری پر قابو پانے اور ایسی بیش قیمت سائنسی معلومات حاصل کرنے کے نتیجے میں تاج برطانیہ کے پاس یہ صلاحیت آگئی کہ وہ دور درواز براعظموں تک اپنی فوج بھیج سکے اور سمندر عبور کرکے فتح کے جھنڈے گاڑ سکے اور یہی ہوا، تسمانیہ سے لے کر افریقہ تک انگلستان نے یونین جیک لہرا دیا۔
سوال یہ پیدا ہوتا ہے کہ یہ کام کوئی اور کیوں نہ کرسکا، مسلمان کیوں نہ کرسکے، وسائل کی کمی تھی یا ذہانت کی؟ اورنگزیب عالمگیر کے زمانے میں مغل سلطنت اپنے عروج پر تھی، اورنگزیب کا سکہ پورے برصغیر پر چلتا تھا، اس نے چالیس لاکھ مربع کلومیٹر علاقہ فتح کیا، پندرہ کروڑ لوگوں پر حکمرانی کی، ہندوستان دنیا کی سب سے بڑی معیشت تھا جس کا حجم پورے مغربی یورپ سے زیادہ تھا، مگر اس کے باوجود اورنگزیب کی فوج آسٹریلیا تک جا سکی نہ افریقہ تک، اورنگزیب نے سائنس کے میدان میں بھی کوئی معرکہ نہیں مارا، کوئی ایجاد مغل شہنشاہ نے نہیں کی اور نہ ہی میڈیکل سائنس میں کوئی قابل ذکر تحقیق کی۔ آخر یورپ کے پاس وہ کیا گیدڑ سنگھی تھی جو ہمارے پاس نہیں تھی، کون سا ایسا راز تھا جو انہوں نے پالیا تھا اور ہم محروم رہ گئے، کیا ایسی کوتاہی ہم سے ہوئی جو یورپ سے نہیں ہوئی! اور یہ صرف کوتاہی صرف مسلمانوں تک محدود نہیں پورے ایشیا کا یہی حال تھا، چین، ترکی، ایران اور ہندوستان کی سلطنتوں نے بےتحاشا فتوحات کیں، معاشی ترقی کی، 1775تک ایشیا کا عالمی معیشت میں حصہ اسّی فیصد تھا اور صرف دو ممالک ہندوستان اور چین کی پیداوار کل عالمی پیداوار کے دوتہائی کے برابر تھی، مگر پھر دیکھتے ہی دیکھتے یورپ نے ایشیائی طاقتوں کو نکیل ڈالنا شروع کی، 1900ء تک یہ حال ہوگیا کہ عالمی معیشت یورپ کے قبضے میں چلی گئی، 1950تک امریکہ اور مغربی یورپ کی پیداوار کل عالمی پیداوار کے نصف ہوگئی جبکہ چین کا حصہ پانچ فیصد رہ گیا۔

دنیا کا پہلا ریلوے نظام 1830میں برطانیہ میں قائم کیا گیا، 1850تک مغربی یورپ میں ریل کی پٹریاں چالیس ہزار کلومیٹر تک بچھا دی گئیں، جبکہ پورے ایشیا، افریقہ اور لاطینی امریکہ میں کل ملا کر چار ہزار کلومیٹر کے ٹریک بچھے، چین میں پہلا ٹریک 1876میں بچھایا گیا جو پچیس کلومیٹر طویل تھا اور یہ کام بھی یورپ نے کیا، اگلے برس چینی حکومت نے یہ ریلوے ٹریک تباہ بھی کر دیا۔ایسی بات نہیں تھی کہ ایران، ہندوستان اور چین ریلوے انجن نہیں بنا سکتے تھے، یہ ایشیائی ممالک وہ سب کچھ بنا سکتے تھے جو اس وقت یورپ میں بن رہا تھا، کوئی بھی ایجاد خفیہ نہیں تھی، جو ملک چاہتا نقل کرکے وہ سب کچھ بنا سکتا جو یورپ میں ایجاد ہو رہا تھا، مگر ہم ایسا نہیں کر پائے جبکہ فرانس، امریکہ اور مغربی ممالک نے برطانیہ کی ایجادات سے دل کھول کر فائدہ اٹھایا اور صنعتی انقلاب کے ثمرات سمیٹے۔ مرغے کی مگر پھر وہی ایک ٹانگ، آخر یہ خوش بختی یورپ کے حصے میں کیوں آئی، ہم کیو ں محروم رہ گئے! اس کا جواب اگلے کالم میں، پکا وعدہ!

کالم کی دُم:اس کالم میں جو حقائق اور واقعات بیان کئے گئے ہیں وہ نوحا حراری کی کتاب Sapiensسے لئےگئے ہیں۔

لاہور(ایمرا نیوز)

(ایمرا نیوز آن لائن)
لاہور میں ادب و ثقافت کی سرگرمیاں موسم کی خوشگوار تبدیلی کیساتھ پھر انگڑائی لے رہی ہیں. انصاف سپورٹس اینڈ کلچر فیڈریشن کے زیر اہتمام صحافی، کالم نگار شاعر حفیظ شہزاد ہاشمی کے پہلے شعری مجموعے ”میری آنکھیں نم رہتی ہیں“ کی تقریب رونمائی اور محفل مشاعرہ کا اہتمام کل کیا جائے گا۔ تقریب کی صدارت محمد اجمل خان نیازی جبکہ مہمان خصوصی پروفیسر اعتبار ساجد ہونگے.

تقریب کے آغاز میں نعت خوان یا سید سبط حسن پاشا اور بابر حسین صابری حدیہ نعت پیش کرینگے۔حفیظ طاہر، محمد رضوان بٹ، پروفیسر ڈاکٹر عمران بھی شریک ہونگے۔ محفل موسیقی میں مراتب علی خان، فہیم مظہر، استاد طاہر اقبال اپنے فن کا مظاہرہ کریں گے۔

لاہور(ایمرا نیوز)