Archives January 2023

نوشکی:نوشکی کلی بدل کاریز میں زرعی ٹیوب ویلوں کے ٹرانسفارمرز کے کوئل چوری ہوگئے ۔ تفصیلات کے مطابق نوشکی کے علاقہ بدل کاریز میں ملک احمد بڑیچ ، عبدالرشید بڑیچ، محمد یونس بڑیچ کے زرعی ٹیوب ویلوں کے بجلی ٹرانسفارمرز کے کوئل کو نامعلوم چوروں نے اتار کر لے گئے ، جب کہ دوسری جانب نوشکی میں زرعی ٹیوب ویلوں کے کوئل چوری ہونے کے دیگر واردات بھی رونما ہوچکے ہیں ۔ کلی بدل کاریز کے رہائشیوں نے پولیس اور انتظامیہ سے پرزور اپیل کی ہے کہ وہ چوروں کو فوری گرفتار کریں بصورت دیگر بدل کاریز کراس پر آرسی ڈی شاہراہ کو بلاک کیا جائے گا۔

تمبو:صدر پولیس ڈیرہ مرادجمالی نے بروقت کارروائی کرتے ہوئے قتل کے مقدمے میں نامزد دو ملزمان گرفتار کرلیا پولیس کے مطابق ڈپٹی انسپکٹر جنرل نصیرآباد رینج عبدالحئی عامربلوچ ایس ایس پی نصیرآباد میر حسین احمد لہڑی کی ہدایت پر ڈی ایس پی گلاب خان شیخ ایس ایچ او پولیس تھانہ صدر ڈیرہ مراد جمالی انسپکٹر محمد شمن سولنگی نے سب انسپکٹر بشیر احمد کھوسہ، اے ایس آئی عبد الطیف ڈومکی، ہیڈ کانسٹیبل صاحبداد، ہیڈ کانسٹیبل حضور بخش، ہیڈ کانسٹیبل صادق علی پر مشتمل ٹیم کے ہمراہ کاروائی کرتے ہوئے مقدمہ فرد نمبر 08/2023 بجرم 302c .324.34 میں نامزد ملزمان نثار احمد اور پیر بخش ہیجوانی جمالی کو آ لا ہے قتل ٹی ٹی پسٹلز کے ساتھ گرفتار کر کے مزید تفتیش شروع کردی ہے۔

فیصل آباد:جھنگ روڈ پر گلفشاں کالونی میں میٹر کی تار لگاتے ہوئے کرنٹ لگنے سے فیسکو ملازم کی حالت غیر ہو گئی، ریسکیو1122 کی ٹیم نے بروقت کارروائی کرتے ہوئے ملازم کو طبی امداد فراہم کرتے ہوئے ہسپتال منتقل کر دیا۔ بتایا جاتا ہے کہ شاداب کالونی کا رہائشی فیسکو لائن مین 28 سالہ مجاہد ولد اکرام گلفشاں کالونی مکی مسجد کے قریب گھر میں مین لائن سے بجلی کی میٹر کی تاریں لگا رہا تھا کہ اچانک کرنٹ لگنے سے بے ہوش ہو کر گر پڑا، واقعہ کی اطلاع ملتے ہی ریسکیو ٹیم نے موقع پر پہنچ کر مذکورہ لائن مین کو طبی امداد فراہم کرتے ہوئے ہسپتال منتقل کر دیا۔

پشاور:پاکستان پیپلز پارٹی کے رکن صوبائی کونسل الحاج عابد علی نے کہاہے کہ ملک میں مہنگائی نے عوام کی چیخیں نکال دیں، حکمرانوں کی ظالمانہ پالسیوں کے باعث لوگوں کے گھروں میں فاقہ کشی اور بھوک راج کررہی ہے، بد قسمتی سے ملک میں ریڑھی لگانے والے سے لے کر فیکٹری مالکان تک مہنگائی سے پریشان ہیں۔انہوں نے کہا کہ پیٹرول ، ڈیزل اور اشیائے خوردونوش کی قیمتوں میں مسلسل اضافے کی وجہ سے عوام ذہنی مریض بن چکے ہیں۔حکومتی وزرا بیانات سے آگے نکلیں اور عوامی مشکلات کا ازالہ کریں۔انہوں نے وفاقی حکومت سے مطالبہ کیا ہے کہ وہ عوام سے جینے کا حق نہ چھینے اور فی الفور قیمتوں میں ہوشربا اضافے کو واپس لیا جائے۔ انہوں نے کہا کہ قوم پہلے ہی مہنگائی کی چکی میں پس چکی ہے۔ ہر طرف پنجاب سے خیبر تک پیٹرول کی قلت کے باعث شہری خوار ہورہے ہیں۔ایک طرف پیٹرول پمپس پر گاڑیوں کی لمبی قطاریں نظر آتی ہیں اور دوسری طرف حکومت نے پیٹرول اور ڈیزل کی قیمتوں میں 35روپے فی لیٹر اور مٹی کے تیل کی قیمت میں 18روپے فی لیٹر اضافہ کرکے عوام پر پیٹرول بم گرادیا ہے۔انہوں نے کیا کہ حکمرانوں نے آئی ایم ایف کی غلامی کو ہنس کر قبول کیا ہے۔ دنیا میں کوئی ایک ملک بھی ایسا نہیں جس نے آئی ایم ایف سے قرض حاصل کر کے ترقی کی ہو۔ منافع بخش ادارے تباہی کا منظر پیش کررہے ہیں۔الحاج عابد علی نے مزید کہا کہ معاشی عدم استحکام انتہائی خطرناک صورت حال اختیار کرچکا ہے۔ اگرہنگامی بنیادوں پر عوام کو ریلیف فراہم نہ کیا گیا تو ڈیفالٹ ہونے کا خدشہ ہے۔ قرضے بڑھتے چلے جارہے ہیں جبکہ سرمایہ کاری دن بدن سکڑتی چلی جارہی ہے۔انہوں نے کہاکہ وزراء اور مشیر عوام کو ریلیف دینے کی بجائے پروٹوکول پر قوم کا اربوں روپیہ ضائع کررہے ہیں،ایسا محسوس ہو رہا ہے کہ موجودہ حکومت کو عوام کے ساتھ کوئی ہمدردی نہیں۔

اسلام آباد : وفاقی وزیر چوہدری سالک حسین نے کہا ہے کہ اللہ کا شکر ہے کہ سچ جیت گیا اور جھوٹ، فسطائیت ہار گئی ۔ا الیکشن کمشن کے فیصلے پر اپنے ایک بیان میں انہوں نے کہا کہ مسلم لیگ (ق) کی کمر میں خنجر گھونپنے والے نہ گھر کے رہے نہ باہر کے۔ اِن شاء اللہ چوہدری شجاعت حسین کی قیادت میں مسلم لیگ (ق) ہر کارکن متحد ہے ،کارکنوں اور عوام کی توقعات اور امیدوں پر پورا اتریں گے پارٹی کو کالی بھیڑوں اور سازشیوں سے پاک کریں گے

اسلام آباد:سینیٹ میں ملک میں حالیہ دہشت گردی کی جاری لہر پر بحث کے دوران سینیٹر کیشو بائی نے کہاکہ مذہب کا نام لیکر خون بہایا جاتا ہے، مذہب کا نام لیکر خون بہا کر الزام مسلمانوں اور ہندیوں کو دیا جاتا ہے،دہشت گردی کرنے والوں کا کسی مذہب سے تعلق نہیں ، پشاور واقعہ کی بھرپور مذمت کرتے ہیں، سینیٹر عبدالغفور حیدری نے کہا کہ ریاست کی رٹ کو چیلنج کرنے والی چیزیں زیادہ طاقتور نہیں ہوتی،ہماری حکومت ہے تسلیم کرتے ہیں پشاور واقع سیکورٹی لیپس ہے،عمران خان جاتے ہوئے دہشتگردی کی سرنگیں پھیلا کر چلا گیا ،تحریک انصاف کی حکومت شو پیس تھی ،باڑلگانے اور پہرے لگانے کے وجود یہ لوگ کیسے آئے یہاں ،عمران بھی بیٹھے زرداری بھی بیٹھے تمام سیاسی جماعتیں بیٹھیں یہ ملک کا مسئلہ ہے ،عزم کے ساتھ دو ٹوک فیصلے نہیں کریں گے مسائل حل نہیں ہونگے ،امریکہ اور مغرب کے سہارے کب تک جیتے رہے گے، اباو اجداد سے جنہوں نے غلامی کی ہے وہ آزادی کے نعرے نہ لگائیں،سنیٹر ڈاکٹر ثانیہ نشترنے کہا کہ ہم دہشتگردی کی بنیادی وجوہات پر نہیں جاتے، میں تین سال کابینہ میں رہی مگر اصلی فیصلے کہاں ہوتے ہیں مجھے نہیں معلوم، ہم نے یکہ طرفہ طور پر فیصلے کیے, پالیسیز ہی نہیں بنائی، آج پاکستان کی تاریخ کا سب سے بڑا سیاسی اور معاشی بحرن ہے، سینیٹر سرفراز احمد بھگٹی نے کہا کہاس وقت ملک کا سب سے بڑا مسئلہ دہشتگردی ہے،اگر بنوں پر ہوئے حملے کی تحقیقات کر لی جاتی تو پشاور واقعہ نہ ہوتا،جو وائلنس بلوچستان میں ہورہا ہے اس سے بلوچ قوم دو سوچوں میں بٹی ہوئی ہے،آج بھی بلوچستان میں کاروبار شروع کرنے کے لئے دہشتگردوں کو بھتا دینا پڑتا ہے، سینیٹر عمر فاروقنے کہا کہ عوامی نیشنل پارٹی کی جب حکومت آئی تو قربانیاں دے کر اپناعلاقہ خالی کروایا،آزاد خارجہ پالیسی تب بنتی ہے جب پارلیمان آزاد ہوتا ہے، آپ کا پارلیمان آزاد نہیں تو خارجہ پالیسی کہاں اے بنے گی، آج علی وزیر جیل میں ہے، چہرے پر کالے کپڑے ڈالے جاتے ہیں، سیاسی جماعتوں کے ہاتھ میں کچھ نہیں فیصلے کہی اور ہوتے ہیں، ہم تمام سیاست دانوں کو پارلیمان کو آزاد کرنے کے لئے اایک پیج پر آنا ہو گا،جمہوری نظام ججوں اور جرنیلوں کے احتساب سے آئے گا۔

اسلام آباد:پی ٹی آئی کے رہنما فوادچودھری کی درخواست ضمانت بعدازگرفتاری پر سماعت (آج)بدھ تک ملتوی کردی گئی جبکہ جج نے ریمارکس دیتے ہوئے کہاکہ سب کے دلائل ایک ساتھ سنیں گے۔ تفصیلات کے مطابق اسلام آباد کی مقامی عدالت میں فوادچودھری کی درخواست ضمانت بعدازگرفتاری پر سماعت ہوئی ،وکیل الیکشن کمیشن نے سماعت2 فروری تک ملتوی کرنے کی استدعاکردی،وکیل الیکشن کمیشن نے کہاکہ ہمیں درخواست ضمانت کی کاپیاں دی جائیں ، درخواست ضمانت پڑھ کر کیس میں حاضر ہونا چاہتا ہوں۔ بابراعوان نے کہاکہ آپ اپنے لئے بات کریں، پراسیکیوشن کی طرف سے بات نہ کریں ،بابراعوان نے استدعا کی کہ پراسیکیوشن آج اور الیکشن کمیشن کل دلائل دے ،جج نے ریمارکس دیتے ہوئے کہاکہ سب کے دلائل ایک ساتھ سنیں گے،کیس کی سماعت بدھ کو دن 2 بجکر15 منٹ تک ملتوی کردی گئی۔

اسلام آباد:دنیا میں کرپشن پر نظر رکھنے والے ادارے ٹرانسپیرنسی انٹرنیشنل نے اپنی تازہ سالانہ رپورٹ ’کرپشن پرسیپشن انڈیکس 2022 میں پاکستان کو درجہ بندی کے اعتبار سے 180 کی فہرست میں گزشتہ سال کی طرح بدستور 140 ویں نمبر پر برقرار رکھا ہے۔نئی رپورٹ میں اس بات کا انکشاف کیا گیا ہے کہ پاکستان میں کرپشن میں اضافہ ہوا ہے، جس کے بعد پاکستان کرپٹ ممالک کی فہرست میں 41 ویں نمبر پر ا?گیا ہے۔ٹرانسپیرنسی انٹرنیشنل کی جانب سے 31 جنوری بروز منگل کرپشن پرسیپشن انڈیکس 2022 کی رپورٹ جاری کی گئی ہے۔ٹرانسپیرنسی انٹرنیشنل کی رپورٹ کے مطابق دنیا کے 95 فیصد ممالک کرپشن میں کمی لانے میں ناکام ہوئے ہیں اور 2 تہائی ممالک میں بدعنوانی سنگین مسئلہ بن گئی ہے۔رپورٹ میں بتایا گیا ہے کہ بھارت اور بنگلا دیش کے سی پی ا?ئی اسکور میں حالانکہ کوئی فرق نہیں ا?یا تاہم یہ ممالک کالے قوانین کے ذریعے ا?زادی اظہار رائیاور حکومت پر تنقید کرنے والوں کو نشانہ بنا رہے ہیں۔پاکستان کے حوالے سے ٹرانسپرنسی رپورٹ میں کہا گیا ہے کہ پاکستان میں کرپشن میں اضافہ ہوا ہے، 10سال میں پہلی بار کرپشن پرسپشن انڈیکس کم ہوکر27 ہوگیا ہے۔رپورٹ میں کہا گیا ہے کہ پاکستان کا کرپشن اسکور 10سال کی کم ترین سطح پر ا?گیا ہے، عمران دور میں کرپشن 6 درجے تک بڑھ گئی تھی۔ عمران خان کے دور میں کرپشن بڑھتی رہی۔رپورٹ میں درجہ بندی کے حوالے سے پاکستان کا تذکرہ کرتے ہوئے بتایا گیا ہے کہ 180ممالک کی فہرست میں پاکستان کی رینکنگ 140 ویں نمبر پر برقرار ہے۔ جب کہ سال 2012 میں پی پی دور میں پاکستان کا اسکور 100میں سے 27تھا۔ سال 2018 میں پاکستان کا کرپشن اسکور 33 ، اور سال 2019 میں پاکستان کا کرپشن اسکور 32 تھا۔اسی طرح سال 2020 میں پاکستان کا کرپشن اسکور 31 رہا، 2021میں پاکستان کا کرپشن اسکور 28 پر پہنچ گیا تھا۔ 2022 میںپی ٹی ا?ئی اور پی ڈی ایم دور میں کرپشن اسکور مزید گر کر 27تک گیا۔

بیجنگ :بین الاقوامی مالیاتی فنڈ (آئی ایم ایف) نیسنگاپور میں ورلڈ اکنامک آؤٹ لک کی تازہ رپورٹ جاری کرنے کے لئے ایک پریس کانفرنس کی، جس میں 2023 میں عالمی اقتصادی ترقی کا تخمینہ 2.9 فیصد لگایا گیا ہے جس کے 2024 میں 3.1 فیصد تک بڑھنے کی توقع ہے. رپورٹ میں یہ بھی اندازہ لگایا گیا ہے کہ 2023 میں چین کی اقتصادی ترقی 5.2 فیصد رہے گی۔

بیجنگ :چینی وزارتِ خارجہ کی ترجمان ماؤ نینگ نے معمول کی پریس کانفرنس میں ایک سوال کا جواب دیتے ہوئے کہا کہ چین پاکستان کے شہر پشاور کی ایک مسجد میں ہونے والے بم دھماکے کی شدید الفاظ میں مذمت کرتاہے۔ منگل کے روز تر جمان نے کہا کہ ہم بم دھماکے میں ہلاک ہونے والے افراد سے دلی تعزیت کرتے ہیں اور زحمی افراد نیز ہلاک ہونے والے افراد کے اہل خانہ سے ہمدردی کا اظہار کرتے ہیں۔ ماؤ نینگ نے اس پر زور دیا کہ چین کسی بھی شکل میں ہونے والی دہشت گردی کی مخالفت کرتا ہے اور دہشت گردی کی مخالفت کرنے، ملک کو مستحکم رکھنے اور عوام کی جانوں کی حفاظت کرنے پر پاکستان کی کوشش کی حمایت کرتا ہے۔