Archives February 2021

کورونا وائرس سے 64 افراد جاں بحق ہوگئے، جس کے بعد اموات کی تعداد 12 ہزار 772 ہوگئی۔ پاکستان میں کورونا کے تصدیق شدہ کیسز کی تعداد 5 لاکھ 75 ہزار 941 ہوگئی۔
نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران ایک ہزار 361 نئے کیسز رپورٹ ہوئے، پنجاب میں ایک لاکھ 69 ہزار 474، سندھ میں 2 لاکھ 57 ہزار 89، خیبر پختونخوا میں 71 ہزار 490، بلوچستان میں 19 ہزار 10، گلگت بلتستان میں 4 ہزار 955، اسلام آباد میں 43 ہزار 901 جبکہ آزاد کشمیر میں 10 ہزار 22 کیسز رپورٹ ہوئے۔

لاہور(کامرس رپورٹر) پاکستان کی پہلی ورچوئل (آن لائن) ایکسپو 25 فروری کو شروع ہوگی۔ تفصیلات کے مطابق پاکستان میں پہلی بار رئیل اسٹیٹ اور کنسٹرکشن کی آن لائن نمائش رواں ماہ کی 25 تاریخ سے شروع ہوگی۔ ورچوئل ایکسپو پاکستان کی تاریخ میں پہلی بار منعقد کیا جانے والا ایک ایسا پلیٹ فارم ہے جس میں حقیقی نمائش کی طرح عصر حاضر کے جدید تقاضوں کو مد نظر رکھتے ہوئے آن لائن نمائش کی جائے گی۔ ورچوئل ایکسپو میں ملک بھر کے بڑے تعمیراتی ادارےاپنے کاروباری، رہائشی منصوبہ جات نمائش کیلئے پیش کریں گے۔ ورچوئل ایکسپو کے انعقاد کا بنیادی مقصد کورونا کے اس وبائی دور میں تعمیراتی و کاروباری سرگرمیوں کو فروغ دینا ہے ۔ ورچوئل ایکسپو سے صارفین حقیقی نمائش کی طرح گھر بیٹھے نمائش میں شامل ہونے اور منصوبہ جات کو دیکھنے کے علاوہ معلومات، سرمایہ کاری، خرید و فروخت کر سکیں گے ۔ ورچوئل ایکسپو دنیا بھر میں کاروبار کو فروغ دینے اور گھر بیٹھے صارفین تک پہنچنے کا سب سے موثر ذریعہ ہے۔
ورچوئل پلیٹ فارم کی خاص بات یہ ہے کہ نمائش میں شرکت کے لیے وقت کی قید نہیں ہے۔ چوبیس گھنٹے میں کسی بھی وقت کوئی بھی سٹال ہولڈر یا وزیٹرآن لائن پلیٹ فارم پر نمائش میں شرکت کر سکے گا۔ نمائش میںخصوصی طور پر پراپرٹی، کنسٹرکشن کے حوالے سے بلڈرز ،ڈویلپرز ، رئیل اسٹیٹ ایجنٹس اور رئیل اسٹیٹ سیکٹرسے وابستہ کمپنیاں اپنی مصنوعات کا ڈسپلے کر سکیں گی۔ورچوئل ایکسپو میں دنیا کے کسی بھی کونے میں موجود شخص صرف ایک Click سے شرکت کر سکتا ہے اور اسی وجہ سے ایکسپو کے ذریعے منصوبہ جات اور مصنوعات کی رسائی پوری دنیا تک با آسانی ممکن ہے۔ خاص طور پر بیرون ملک مقیم پاکستانی جو وطن عزیز میں سرمایہ کاری کرنا چاہتے ہیں لیکن پاکستان آنے سے قاصر ہیں یا مصروف ہیں وہ ورچوئل ایکسپو کو ترجیح دیتے ہیں اور بیرون ملک سے با آسانی ایکسپو میں شرکت کر سکتے ہیں۔
نمائش کا ذریعہ چونکہ آن لائن ہے اس لئے نمائش کے ذریعے اتنی بڑی تعداد میں لوگوں تک پیغامات و مصنوعات کوپہنچا جا سکتا ہے جو حقیقی نمائش میں ممکن نہیں ہوتا، ورچوئل میڈیم کی وجہ سے نمائش میں لاکھوں افراد بیک وقت شرکت کر سکتے ہیں اور ہزاروں Exhibitiorsاپنی مصنوعات کی نمائش کر سکتے ہیں۔ ورچوئل ایکسپو میں شامل ہونے والے افراد کو مختلف منصوبہ جات پر خصوصی رعایت دی جائے گی اور صارفین کی دلچسپی کو مد نظر رکھتے ہوئے خصوصی انعامات، لکی ڈراز وغیرہ بھی نمائش کا حصہ ہوں گے۔
واضح رہے کہ ورچوئل ایکسپو کے انعقاد کو وفاقی وزرا، اہم سیاسی شخصیات، کاروباری و سماجی شخصیات سمیت عام شہریوں نے خوب سراہا ہے اور خود کو نمائش میں رجسٹرڈ کروا رہے ہیں۔ شہری اس حوالے سے تمام تفصیلات اور رجسٹریشن کیلئے ورچوئل ایکسپو کی ویب سائٹ www.vexpo.pkوزٹ کر سکتے ہیں۔

پاکستا ن مسلم لیگ (ن) کی مرکزی نائب صدر مریم نواز نے سینیٹ الیکشن تک وفاقی دارالحکومت میں ڈیرہ ڈالنے کا فیصلہ کیا ہے۔روزنامہ جنگ کے مطابق سینیٹ انتخابات سے قبل اپوزیشن اتحاد کی سیاسی جماعتو ں سے رابطوں ،(ن) لیگ کی سینئر قیادت سے مشاورت اور اپنے ارکان قومی اسمبلی کو اعتماد میں لینے کیلئے مسلم لیگ (ن) کی مر کزی نائب صدر 26 فروری سے سینٹ الیکشن تک اسلام آباد میں قیام کریں گی، سابق وزیر اعظم نواز شریف نے اپنے صاحبزادی کو ہدایت کی ہےکہ وہ شہباز شریف کی عدم موجودگی میں انکا قائدانہ کردار ادا کرکے خلاء پر کرنے کی کوشش کریں۔

سماجی رابطوں کی سب سے مشہور ویب سائٹ فیس بک نے میانمار میں بغاوت کے بعد ان کی فوج کے زیر سایہ چلنے والا ایک پیج ڈیلیٹ کر دیا ہے۔ یہ اقدام دو افراد کی ہلاکت کے بعد اٹھایا گیا ہے۔
فیس بک حکام کا کہنا ہے کہ فوج کے زیر انتظام چلنے والے اس پیج کے ذریعے قوانین اور ضابطوں کی صریحاً خلاف ورزی کی گئی ہے۔بیان میں کہا گیا ہے کہ ہمارے کمیونیٹی سٹینڈرڈز کی لگاتار خلاف ورزیوں کی وجہ سے فیس بک پر سے ٹیٹماڈاو ٹرو نیوز انفارمیشن ٹیم پیج کو ہٹا دیا گیا ہے۔
خیال رہے کہ میانمار کی فوج کی جانب سے اس فیس بک پیج کے ذریعے مظاہرین کو متنبہ کرنے کا کام لیا جا رہا تھا۔