Archives June 2023

لاہور:سپیشل سینٹرل عدالت نے وزیر اعظم شہباز کے صاحبزادے سلیمان شہبازسمیت دیگرکی بریت کی درخواستوں پر گزشتہ سماعت کاتحریری حکم جاری کردیا۔جج بخت فخربہزاد نے گزشتہ سماعت کاتحریری حکم جاری کیا، عدالت نے منی لانڈرنگ کی تحقیقات کرنے والی جے آئی ٹی سے27 سوالات کے جوابات مانگ لئے۔عدالت نے ڈی جی ایف آئی اے کواس معاملے پر ڈائریکٹرلیول کے افسرتعینات کرنے کا حکم دیدیا۔ تحریری حکم کے مطابق ڈی جی ایف آئی اے آئندہ سماعت پر پیش ہو کر سوالات کے جوابات کی رپورٹ پیش کریں۔عدالتی سوال میں کہا گیاکہ شہزاداکبرکس قانون کے تحت زیرالتوا ء انکوئری پر روزانہ پریس کانفرنس کرتے تھے، شہزاد اکبرکو جے آئی ٹی کا کون سا ممبرخفیہ چیزیں فراہم کرتاتھا؟عدالت نے شہزاد اکبرکی پریس کانفرنس کاتمام ریکارڈ طلب کرلیا۔عدالتی سوال کے مطابق جے آئی ٹی کے پاس کونسے ٹھوس ثبوت ہیں جن کی بنیادپریہ کیس بنایاگیا؟ جے آئی ٹی نے طاہرنقوی کے خلاف کون س یشواہد پرکیس بنایا۔عدالتی حکم کے مطابق جے آئی ٹی آئی نے سلیمان شہباز اورطاہرنقوی کو اشتہاری قراردلوایا، سلیمان شہبازاورطاہرنقوی کوبعدمیں شامل تفتیش ہونے پرمقدمے میں چالان نہ کیاگیا،عدالت اپنا فیصلہ10جولائی تک محفوظ کرتی ہے۔

لاہور : انسداد دہشت گردی کی خصوصی عدالت نے عسکری ٹاور جلا ئوگھیرا ئوکیس میں پاکستان تحریک انصاف کے سینئر رہنما اسد عمر کی عبوری ضمانت میں 7 جولائی تک توسیع کر دی۔انسداد دہشتگردی کی خصوصی عدالت کے جج اعجاز احمد بٹر نے عسکری ٹاور جلا ئوگھیرا ئوکیس کی سماعت کی۔عدالت نے سابق وفاقی وزیر اسد عمر کی عبوری ضمانت میں 7 جولائی تک توسیع کر تے ہوئے پی ٹی آئی رہنما کو شامل تفتیش ہونے کا بھی حکم دے دیا۔

لاہور :انسداد دہشت گردی کی خصوصی عدالت نے جناح ہائوس جلا ئوگھیرا ئوسمیت تین مقدمات میں تحریک انصاف کے وائس چیئرمین شاہ محمود قریشی کی عبوری ضمانت میں 7جولائی تک توسیع کر دی۔انسداد دہشتگردی کی خصوصی عدالت کے جج اعجاز احمد بٹر نے شاہ محمودقریشی کی تین مقدمات میں عبوری درخواست ضمانت پرسماعت کی۔ رہنما پی ٹی آئی نے عبوری ضمانت کے لئے عدالت میں خود پیش ہو کر حاضری مکمل کروائی۔وکیل نے موقف اختیار کیا کہ شاہ محمود قریشی کو بے بنیاد مقدمات میں شامل کیا گیا، وہ اپنے خلاف مقدمات میں اپنی بے گناہی ثابت کرنے کیلئے تفتیش میں شامل ہونا چاہتے ہیں۔ عبوری ضمانت منظور کی جائے،عدالت نے مقدمہ کا ریکارڈ طلب کرتے ہوئے عبوری ضمانت میں 7جولائی تک توسیع کر دی۔پی ٹی آئی کے سینئر رہنما کے خلاف تھانہ سرور روڈ، تھانہ گلبرگ اور تھانہ ریس کورس میں مقدمات درج ہیں۔عدالت میں پیشی کے موقع پر میڈیا سے گفتگو کرتے ہوئے شاہ محمود قریشی نے کہا کہ آج یا کل بین الاقوامی مالیاتی فنڈ کا پول کھلنے والا ہے،ڈار صاحب کو آئی ایم ایف کے آگے گھٹنے ٹیکنے پڑے، جو بجٹ پیش ہوا اور جو پاس ہوا اس میں دن اور رات کا فرق تھا، کوئی پاکستانی قوم کو اس مایوسی سے نکالنے کیلئے منصوبہ بندی اور صف بندی نہیں کر رہا، دبئی بیٹھک کے بڑے چرچے ہیں،صف بندی صرف حصول اقتدار کے لئے ہو رہی ہے ،پیپلز پارٹی اور مسلم لیگ (ن) کی قیادت حصول اقتدار کے لئے دبئی میں ہیں،وزارت عظمی کے لئے بھاگ دوڑ کی جارہی ہے، بلاول بھٹو اور مریم نواز وزارت عظمی کے امیدوار ہیں۔ انہوںنے کہا کہ بھارت کے وزیراعظم کے بیان پر کسی نے اس کو جواب نہیں دیا، نریندر مودی کہتا ہے پاکستان اپنی موت آپ مررہا ہے، افسوس وزیراعظم پاکستان اس بیان پر خاموش ہیں، پاکستان کا ہر شہری پوچھ رہا ہے کیا میرے معاشی حالات کی کوئی بات کررہا ہے۔ انہوں نے کہا کہ تحریک انصاف کی کوشش ہے وہ مستقبل کی بات کرے، جیل سے جب سے رہا ہوا ہوں شخصیات پر بات نہیں کررہا۔

لاہور : 9مئی کو جلائو گھیرائو کے مقدمے میں گرفتار معروف فیشن ڈیزائنر خدیجہ شاہ نے لاہور ہائیکورٹ میں درخواست ضمانت دائر کر دی۔ خدیجہ شاہ کی جانب سے درخواست میں موقف اپنایا گیا ہے کہ انسداد دہشت گردی کی خصوصی عدالت نے حقائق کے برعکس ضمانت مسترد کی۔استدعا ہے کہ عدالت درخواست ضمانت منظور کرے۔عسکری ٹاور حملہ کیس میں خدیجہ شاہ نے درخواست ضمانت بعداز گرفتاری لاہورہائیکورٹ میں دائر کردی۔ پی ٹی آئی رہنما نے سمیر کھوسہ ایڈووکیٹ کی وساطت سے درخواست ضمانت دائر کی ۔یاد رہے کہ 19 جون 2023 کو عسکری ٹاور حملہ کیس میں لاہور کی انسداد دہشتگردی کی خصوصی عدالت نے خدیجہ شاہ کے مزید جسمانی ریمانڈ کی استدعا مسترد کرکے 14 روزہ جوڈیشل ریمانڈ پر جیل بھیجنے کا حکم دیا تھا۔

کراچی:پاکستانی ڈرامہ و لالی ووڈ انڈسٹری کی معروف اداکارہ سونیا حسین نے انکشاف کیا ہے کہ تیار ہونے پر اْنہیں کسی نہ کسی بھارتی اداکارہ سے مشابہہ قرار دے دیا جاتا ہے۔ ایک نجی ٹی وی کے شو میں شرکت کے دوران انہوں نے بالی ووڈ کی معروف اداکاراؤں سری دیوی اور پریانکا چوپڑا کے ساتھ اپنا موازنہ کیے جانے پر بات کی۔سونیا حسین کا کہنا تھا کہ وہ جو بھی نیا گیٹ اپ کرتی ہیں اْن کا موازنہ کسی نہ کسی اداکارہ سے کر دیا جاتا ہے، اکثر اوقات اْنہیں عالمی شہرت یافتہ بھارتی اداکاراؤں سری دیوی اور پریانکا چوپڑا سے مشابہہ قرار دیا جاتا ہے۔ ا نہوں نے کہا کہ آج کل لوگ کہتے ہیں کہ تم سری دیوی جیسی لگتی ہو، میں تو یہ سن کر پاگل ہی ہو گئی، میں سری دیوی کا نام سْن کر چونک جاتی ہوں کیونکہ وہ بہت خوبصورت تھیں۔سونیا حسین نے بتایا کہ مجھے پریانکا چوپڑا سے ملایا جاتا ہے، پریانکا چوپڑا بھی خوبصورت ہیں، میں پریانکا چوپڑا کو اس لیے پسند کرتی ہوں کیونکہ وہ کامیاب اور مضبوط خاتون ہیں، لیکن سری دیوی واقعی میں بہت خوبصورت تھیں۔انہوں نے مزید کہا کہ اگر لوگ سمجھتے ہیں کہ میں واقعی سری دیوی جیسی نظر آتی ہوں تو یہ میرے لیے قابلِ تعریف بات ہے۔

لاہور :پاکستان فلم انڈسٹری کے سینئر اداکار، پروڈیوسر، ماڈل، مصنف اور ہدایتکار شان شاہد نے بالی ووڈ کی فلم ’گجنی‘ میں اہم کردار کی پیشکش ٹھکرانے کے بعد اب حال ہی میں بھارت میں کام کرنے کی مشروط حمایت کردی۔ ایک ٹی وی شو میں گفتگو کرتے ہوے انہوں نے کہا کہ میں کسی کو منع نہیں کرتا اگر کوئی بھارت جا کر کام کرنا چاہتا ہے تو ضرور کرے، اپنی شناخت بنائے۔میزبان کے سوال پر اداکار نے کہا کہ ’دونوں ممالک کی فلمی صنعت کو برابری کی بنیاد پر مل کر کام کرنا چاہیئے، لیکن کشمیر کے حوالے سے میرے اپنے کچھ نظریاتی اختلافات ہیں جنہیں میں کسی اور پر مسلط نہیں کرتا لیکن میں خود بھارت میں کام نہیں کرسکتا۔انہوں نے مزید کہا کہ آپ جانتے ہیں کہ میرے والد نے کشمیر کے لیے فلم ’امن‘ بنائی تھی۔ یہ بہت افسوس کی بات ہے کہ آج بھی بھارت میں مسلمانوں کی نسل کشی کی جارہی ہے، انتخابات میں مذہب کارڈ استعمال کرتے ہیں، میں صرف یہ کہتا ہوں کہ ’آئیے برابری کی بنیاد پر ایک فلم بنائیں جہاں ہم نفع اور نقصان کو 50 -50 فیصد پر برابر تقسیم کریں گیَ، تو میں بھی کام کرنے کے لئے تیار ہوں

لاہور : حال ہی میں اپنی موت کی افواہوں کے باعث شہ سرخی میں جگہ بنانے والی پاکستان شوبز انڈسٹری کی خوبرو اداکارہ و ماڈل سعیدہ امتیاز اب ایک بار پھر تنازع میں گِھر گئی ہیں۔فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے گرجا گھر میں دعا مانگتے ہوئے تصویر شیئر کی ہے۔مذکورہ تصویر کے کیپشن میں انہوں نے دعائیہ الفاظ لکھے کہ ’اللہ ان کی تمام خواہشات کو پورا کرے، آمین‘۔اداکارہ کو متنازع تصویر شیر کرنے پر سوشل میڈیا صارفین کی جانب سے شدید تنقید کا نشانہ بنایا گیا اور کہا گیا کہ اداکارہ مسلمان نہیں بلکہ عیسائی ہیں۔ بعض صارفین نے انہیں تنقید کا نشانہ بناتے ہوئے مسلمان ہونے کے ناطے ان کے اس عمل کو شرک کے مترادف قرار دیا۔تاہم اب سعیدہ امتیاز نے اس معاملے پر خاموشی توڑ دی اور انسٹا اسٹوری کے ذریعے اس تصویر کی وضاحت پیش کردی۔

ممبئی :بھارتی فیشن ایڈیٹر، انٹرنیٹ کی مشہور شخصیت، مزاح نگار، اداکارہ اور یوٹیوبر کْشا کپیلا نے شوہر سے طلاق کا اعلان کیا ہے۔اداکارہ کشا کپیلا نے شادی کے 6 سال بعد شوہر زورآور سنگھ آہلووالیہ سے طلاق لے لی ہے۔اداکارہ نے اپنے انسٹاگرام اکاؤنٹ پر ایک پوسٹ کے ذریعے اس خبر کا اعلان کرتے ہوے لکھا مداحوں کو بتانا کہ میں نے اور زورآور سنگھ آہلووالیہ نے مشترکہ طور پر اپنی راہیں جدا کرنے کا فیصلہ کیا ہے، یہ فیصلہ بہت مشکل تھا مگر یہی صحیح وقت ہے ۔ انہوں نے مزید لکھا کہ رشتہ توڑنا ہمارے اور ہماری فیملیز کے لیے بہت مشکل تکلیف دہ عمل تھا، بہت طویل کڑا وقت دیکھنے کے بعد اب ہمارا فوکس اپنے اس کڑے وقت سے عزت و احترام، محبت اور ایک دوسرے کی حوصلہ افزائی کرتے ہوئے اس صورتحال سے باہر نکلنا ہے ۔ اداکارہ نے کہا کہ ہم اپنی بیٹی مایا کی دیکھ بھال کا فریضہ ایک ساتھ ادا کریں گے اور مستقبل میں ایک دوسرے کی حوصلہ افزائی کے لیے ستون کی طرح کھڑے رہیں گے۔

لندن:آنجہانی مائیکل جیکسن کے ہم شکل کی ٹک ٹاک پر دھوم، سوشل میڈیا صارفین نے آنجہانی امریکی گلوکار مائیکل جیکسن کا ہمشکل ڈھونڈ نکالا، جو نہ صرف آنجہانی گلوکار کی طرح دکھائی دیتا ہے بلکہ ان ہی کی طرح لباس، بالوں کا اسٹائل اور ڈانس بھی کرتا ہے۔مختصر ویڈیو شیئرنگ پلیٹ فارم ٹک ٹاک پر 30 سالہ فیبیو جیکسن نامی ٹک ٹاکر کی دھوم مچی ہوئی ہے جو بغیر کسی سرجری یا میک اپ کے ہو بہ ہو آنجہانی پاپ گلوکار مائیکل جیکسن کی طرح دکھائی دیتا ہے اور ان ہی کی طرح اسٹائل اختیار کئے ہوئے ہے۔11 ملین فالوورز رکھنے والا یہ برطانوی ٹک ٹاکر نہ صرف مختلف تفریحی مقامات پر مائیکل جیکسن کے مداحوں کے ساتھ سیلفی لیتے ہیں بلکہ فیبیو جیکسن نے 2 دستاویزی فلم فیٹل ایڈکشن، مائیکل (2022) اوردی لاسٹ 20 آورز مائیکل جیکسن (2018) میں بھی مائیکل جیکسن کا کردار نبھایا ہے۔ٹک ٹاکر فیبیو جیکسن کا کہنا ہے کہ انہوں نے کبھی آنجہانی پاپ سنگر کی طرح دکھائی دینے کے لئے کسی قسم کی سرجری نہیں کروائی بلکہ وہ بچپن سے اسی طرح دکھائی دیتے ہیں۔