Archives June 2018

ایمرا باڈی نے اینکا باڈی اور ایمپرا باڈی کے تعاون سے ایمرا سنٹر پنجاب فٹ اسٹیڈیم
میں عام انتخابات 2018 کی کوریج کے لیے ایک الیکشن سیل بنانے کا فیصلہ کیا ہے جہاں سے تمام ایمرا ممبران کو بروقت نتائج کی صورتحال سے آگاہ کیا جائے گا اور الیکشن کے حوالے سے اہم فوٹیج اور انفارمیشن بھی ملے گی اس سلسلے کے لیے ایمرا سنٹر میں سسٹم بھی لگایا جارہے ہیں اور تمام ممبران ایمرا سنٹر میں بیٹھ کر اپنے دفاتر میں خبریں بھی ٹاپ کرکے بھجوا سکتے ہیں اور تمام انفارمیشن ایمرا وٹس ایپ گروپوں میں شئیر کی جائے گی
شکریہ
صدر ایمرا آصف بٹ
صدر ایمپرا راو شاہد
صدر اینکا ملک اقبال گجر

سیکرٹری ایمرا سلیم شیخ
انفارمیشن سیکرٹری میاں داود
آفس سیکرٹری افضل سیال
اینڈ ایمرا باڈی
مزید معلومات کے لیے
ایمرا سنٹر سے رجوع کیا جائے شکریہ

(ایمرا نیوز) فرانس نے ارجنٹینا کو 3-4 سے شکست دے دی
روس میں جاری فیفا ورلڈ کپ کے ابتدائی مرحلے کے اختتام کے بعد پری کوارٹر فائنل راؤنڈ میں پہلا مقابلہ فرانس اور ارجنٹینا کے درمیان ہوا جس میں فرانس نے ارجنٹینا کو 3-4 سے شکست دے کر کوارٹر فائنل میں رسائی حاصل کرلی، دونوں سابق چیمپئنز کے درمیان مقابلہ انتہائی دلچسپ اور سنسنی خیز رہا، کھیل کے 13ویں منٹ میں انٹوئن گریز مین نے پنالٹی پر گول داغ کر فرانس کو برتری دلوائی، اس کا خاتمہ اینجل ڈی ماریا نے 41ویں منٹ میں جوابی گول سے کردیا۔
48ویں منٹ میں گیبرئیل میرکیڈو نے گیند کو جال کی راہ دکھاکر ارجنٹائن کو سبقت دلائی، 57ویں منٹ میں فرانس کے پاویرڈ نے عمدہ کراس پر گیند کو جال میں پہنچا کر مقابلہ 2-2 کردیا، تاہم اس کے بعد فرنچ ٹیم کے حملوں میں شدت آگئی اور فرنچ اسٹار پلیئر میباپ نے 64 اور68ویں منٹ میں یکے بعد دیگرے دو گول داغ کر مقابلہ 4-2 سے فرانس کے حق میں کردیا، ارجنٹائن کا خسارہ انجری ٹائم کے تیسرے منٹ میں کیلین اگیورو نے کم کیا۔

(ایمرا نیوز) دوستانہ فٹ بال میچ کے دوران نوجوان فٹ بالر کو اچانک سینے میں درد
(ایمرا نیوز) مصر میں کھیلے جانے والے دوستانہ فٹ بال میچ کے دوران نوجوان فٹ بالر محمد فاروق بنزیما کو اچانک سینے میں درد ہوا اور وہ غش کھا کر میدان میں ہی گر گئے۔ ساتھیوں نے انہیں اسپتال پہنچایا جہاں معالج طبی امداد فراہم کررہے تھے تاہم وہ جانبر نہ ہوسکے۔ ڈاکٹرز کا کہنا تھا کہ فٹبال کھلاڑی کی موت حرکت قلب بند ہوجانے کے باعث ہوئی۔

مصر کی فٹبال فیڈریشن اور مقامی کلبس سے ابھرتے ہوئے فٹبالر کی ناگہانی موت پر افسوس کا اظہار کرتے ہوئے کہا ہے کہ غم کی اس گھڑی میں ہم سب محمد فاروق کے اہل خانہ کے ساتھ برابر کے شریک ہیں۔ یہ ہم سب کا ناقابل تلافی نقصان ہے۔
واضح رہے کہ 33 سالہ محمد فاروق مصر میں بنزیما کے لقب سے شہرت رکھتے تھے اور مصری نوجوانوں میں کافی مقبولیت رکھتے ہیں۔ وہ ڈومیسٹک فٹبال میں عمدہ کارکردگی کی وجہ سے جانے سے جاتے تھے۔ انہیں بنزیما الجزائری نژاد فرانسیسی فٹ بالر کریم بنزیما سے مشابہت کی وجہ سے دیا گیا تھا۔

(ایمرا نیوز) نادرا کا حساس ڈیٹا چوری
اسلام آباد (ایمرا نیوز) نادرا کا حساس اور سرکاری ڈیٹا چوری کرنے کے الزام میں سابق ڈپٹی چیئرمین نادرا مظفر علی شاہ کے خلاف مقدمہ درج کرلیا گیا ۔
اسلام آباد کے تھانہ سیکریٹریٹ میں نادرا کے چیف آف اسٹاف طاہر مقصود کی مدعیت میں ایف آئی آر درج کی گئی ۔
مقدمہ میں کہا گیا ہے کہ ملازمت سے فارغ کئے جانے پر مظفر شاہ حساس سرکاری ریکارڈ اپنے ساتھ لے گئے ،کہنے کے باوجود واپس نہیں کیا ،ریکارڈ کے غلط استعمال کا اندیشہ ہے ۔
ایف آئی آر میں یہ بھی کہا گیا کہ نادرا کے ڈپٹی ڈائریکٹر شہزاد کمال بھی ادارے کا لیپ ٹاپ ،فلیش ڈرائیور اور ورک اسٹیشن بھی چوری کرکے لے گئے ہیں۔

(ایمرا نیوز) بلاول بھٹو زرداری کی عبداللہ شاہ غازی کے مزار پر حاضری
کراچی: (ایمرا نیوز) بلاول بھٹو زرداری نے لیاری میں انتخابی مہم کے آغاز سے قبل عبداللہ شاہ غازی کے مزار پر حاضری دی، فاتحہ خوانی کی اور پھولوں کی چادر بھی چڑھائی۔
لاول بھٹو زرداری نے عبداللہ شاہ غازی کے مزار پر حاضری دی جہاں ایک شخص نے ان کا بوسہ لیا۔ بلاول بھٹو زرداری کو ایک شخص نے اجرک پہنائی اور بوسہ لیا جس پر بلاول نے ناپسندیدگی کا اظہار کیا۔
یہ بھی پڑھیں : بلاول بھٹو کی عبداللہ شاہ غازی اور بخاری شاہ کے مزار پر حاضری
بعدازاں بلاول بھٹو زرداری نے این اے 246 میں مرکزی الیکشن آفس کا افتتاح کیا اور علاقہ مکینوں سے خطاب بھی کیا۔

(ایمرا نیوز) پٹرولیم مصنوعات پر ازخود نوٹس
اسلام آباد(ایمرا نیوز) چیف جسٹس آف پاکستان میاں ثاقب نثارنے پٹرولیم مصنوعات پر ازخود نوٹس سماعت کیلئے مقرر کر کرتے ہوئے اٹارنی جنرل،سیکرٹری خزانہ، چیئرمین اوگرا،،چیئرمین نیپرااور ایف بی آر کو نوٹسز جاری کردیئے ۔
تفصیلات کے مطابق چیف جسٹس میاں ثاقب نثار نے پٹرولیم منصوعات پر ازخودنوٹس سماعت کیلئے مقرر کردیا،،چیف جسٹس پاکستان کی سربراہی میں بنچ جمعرات کو سماعت کرے گا،،عدالت نے اٹارنی جنرل،سیکرٹری خزانہ، چیئرمین اوگرا،،چیئرمین نیپرا،، ایف بی آر،،سیکرٹری اسٹیبلشمنٹ، چیئرمین واپڈا اور چیئرمین پی ایس او کو نوٹس جاری کر دیئے۔

(ایمرا نیوز) پاکستان ہاکی ٹیم کی خراب کارکردگی
نگراں حکومت نے چیمپئنزٹرافی میں پاکستان ہاکی ٹیم کی خراب کارکردگی کا نوٹس لیتے ہوئے فیڈریشن کی 20کروڑ روپے کی اسپیشل گرانٹ روک لی ہے۔
چیمپئنز ٹرافی 2018 میں پاکستان کو بھارت، ہالینڈ، بیلجیئم اور آسٹریلیا کے ہاتھوں شکست کا سامنا کرنا پڑا جس کے بعد نگراں حکومت نے سابق وزیراعظم شاہد خاقان عباسی کی جانب سے ہاکی فیڈریشن کیلئے منظورشدہ اسپیشل گرانٹ روک لی ۔
پاکستان ہاکی فیڈریشن قومی خزانہ لٹانے میں مصروف ہے ، جبکہ 10 لاکھ سے زائد ماہانہ تنخواہ لینے والے ڈچ کوچ بھی کچھ نہ کر سکے۔ پاکستان اسپورٹس بورڈ نے بھی ہاکی فیڈریشن کی ناقص کارکردگی پر جواب طلبی کرنیکا فیصلہ کیا ہے ۔
واضح رہے کہ 2014 میں پاکستان نے چیمپئنز ٹرافی میں سلور میڈل جیتا تھا جبکہ 2012 کی چیمپئنز ٹرافی میں برونز میڈل پاکستان کے نام رہا تھا۔

(ایمرا نیوز) پی آئی اے نجکاری کیس کی سماعت کی۔
(ایمرا نیوز) چیف جسٹس کی سربراہی میں دو رکنی بنچ نے پی آئی اے نجکاری کیس کی سماعت کی۔ سماعت کے دوران سابق مشیر ہوا بازی شجاعت عظیم کے وکیل نے کہا کہ شجاعت عظیم نے 8 سال کے اکاؤنٹس کی تفصیلات جمع کروائی ہیں۔ جس پر چیف جٹس نے ریمارکس دیئے کہ شجاعت عظیم کے پاس پی آئی اے کا تمام کنٹرول تھا، ہم نے شجاعت عظیم سے کوئی دستاویزات مانگے ہی نہیں تھے، شاید آپ خبر بنوانا چاہتے ہیں کہ آپ کے دور میں کچھ غلط نہیں ہوا، آپ کا مقصد صرف عوامی سطح پر اپنے امیج کو بہتر کرنا ہے، آپ کے مقصد سے ہمارا کوئی لینا دینا نہیں۔
سماعت کے دوران عدالت کو بتایا گیا کہ 2008 سے 2018 تک پی آئی اے کو 280 ارب روپے کا نقصان ہوا ، جس پر چیف جسٹس نے ریمارکس دیئے کہ 280 ارب روپے کنویں میں نہیں گئے کوئی تو ذمہ دار ہوگا ؟، شجاعت عظیم کے وکیل نے کہا کہ پی آئی اے کے نقصانات کے ذمہ دار ایک یا پھر دو افراد نہیں۔
چیف جسٹس نے ریمارکس دیئے کہ پی آئی اے کو جو منافع حج اور عمرہ سے ہوتا ہے وہ کسی اور کو نصیب نہیں ہوتا، عدالت دس سال کا آڈٹ کروائے گی، آڈیٹر جنرل کو پی آئی اے کے نقصانات کے خصوصی آڈٹ کا کہا ہے، جس پر مہتاب عباسی نے کہا کہ آڈیٹر جنرل نقصانات کی وجوہات کا تعین نہیں کر سکتا، ان کے پاس نقصانات کی وجوہات جاننے کی صلاحیت نہیں، وجوہات جاننے کے لیے فرانزک آڈٹ کروانا ہوگا، جس پر چیف جسٹس نے مہتاب عباسی سے استفسار کیا کہ آپ کو کیسے علم کے آڈیٹر جنرل تعین نہیں کر سکتے، آپ کے پاس ایئرلائن چلانے کا کیا تجربہ ہے؟ ، آپ گورنر تھے وہاں سے ہٹا کر حکومت نے آپ کو کہیں اور لگانا تھا، اب آپ الیکشن لڑ رہے ہیں لیکن پارٹی نے ٹکٹ نہیں دیا۔ یہ سیاسی اور تلخ باتیں ہیں۔
مہتاب عباسی نے عدالت سے مکالمے کے دوران کہا کہ وزیر اور مشیر کے لئے تجربہ ہونا لازمی نہیں ہوتا، پی آئی اے میں اپنے دور کے ہونے والے اقدامات کا ذمہ دار ہوں، میں نے تمام فیصلے اپنے ضمیر کے مطابق کیے، گورنر شپ سے خود استعفیٰ دیا تھا۔
جسٹس منیب اختر نے استفسار کیا کہ ایک جہاز کے ساتھ سب سے زیادہ عملہ پی آئی اے کا ہوتا ہے، عباسی صاحب اپنے دور میں آپ نے کتنے ملازم نکالے ؟ ۔ مہتاب عباسی نے جواب میں کہا کہ عدالتی حکم امتناع ملازمین کو نکالنے میں رکاوٹ بنے، جس پر جسٹس منیب اختر نے کہا کہ عدالتی حکم امتناع آپ کے پاس سب سے آسان بہانا ہوتا ہے۔
سپریم کورٹ نے چیف ایگزیکٹو پی آئی اے مشرف رسول کو نئی تعیناتیوں اور برخاستگی کی اجازت دینے کی استدعا مسترد کردی۔ مشرف رسول کی غیر قانونی تعیناتی کا معاملہ وفاقی کابینہ کو بھجواتے ہوئے ریمارکس دیئے کہ مشرف رسول کی تعیناتی کے معاملے کا کابینہ جائزہ لے کر فیصلہ کرے، چیف جسٹس نے شجاعت عظیم کو بیان حلفی دینے کے بعد بیرون ملک جانے کی اجازت دیتے ہوئے ریمارکس دیئے کہ اگر شجاعت عظیم بغیر اجازت باہر گئے تو ان کی جائیداد کو بھی کیس سے منسلک کریں گے۔ عدالت نے پی آئی اے کو مارخور کی تصویر لگانے کی استدعا بھی مسترد کردی۔
چیف جسٹس نے آڈیٹر جنرل سے دس روز میں پی آئی اے کے 10 سال کی آڈٹ رپورٹ طلب کرتے ہوئے ریمارکس دیئے کہ مشکلات کی صورت میں آڈیٹر جنرل عدالت سے رجوع کر سکتے ہیں۔

(ایمرا نیوز) نوازشریف نے بطور وزیراعظم نامزدگی کی توثیق کی تھی،
(ایمرا نیوز) شہبازشریف نے کہا کہ پارٹی کی طرف سے مجھے وزارت عظمیٰ کے لیے چنا گیا ہے، نوازشریف نے میری بطور وزیراعظم نامزدگی کی توثیق کی تھی، اگر انتخابات جیت گئے تو میں وزیراعظم بنوں گا۔
چوہدری نثار سے متعلق سوال پر (ن) لیگ کے صدر کا کہنا تھاکہ چوہدری نثار، نوازشریف کے سب سے دیرینہ سیاسی رفیق اور دوست رہے، ان کی دوستی کا عینی شاہد ہوں، میرا بھی چوہدری نثار کے ساتھ برادرانہ تعلق تھا، کاش یہ تعلق قائم رہتا۔
شہبازشریف نے کہاکہ مجھےافسوس ہے کہ چوہدری نثار کے ساتھ دوریاں پیدا ہوگئیں، ہمیں ان دوریوں میں مزید خلیج آنے سے بچانا چاہیے، ان سے تعلقات میں ناکامی کی مثال ملک کے لیے دینا صحیح نہیں۔
ان کاکہنا تھا کہ چوہدری نثار کے ساتھ تعلق کے لیے نیک نیتی سے آخری وقت تک کوشش کی، نوازشریف کے لندن جانے سے پہلے چوہدری نثار کو ٹکٹ دینے کے لیے قائل کرلیا تھا لیکن انہوں نے ٹکٹ کے لیے اپلائی کیا اور نہ پارٹی بورڈ نے ان کے نام پر غور کیا، میں نے نوازشریف سے ذاتی حیثیت میں چوہدری نثار کو ٹکٹ دینے کی درخواست کی تھی۔
سابق وزیراعلیٰ پنجاب نے بتایا کہ نوازشریف نے میری بات کو اصولی طور پر مان لیا جس پر مجھے خوشگوار حیرت ہوئی، نوازشریف نے کہاکہ کل تین،چار لوگوں کو بلا کر اس کا حتمی فیصلہ کرلیتے ہیں لیکن دونوں جانب سے بیان بازی کی وجہ سے فیصلہ قائم نہ رہ سکا۔
ان کا کہنا تھا کہ انسان کو کبھی مایوس نہیں ہوناچاہیے اور امید رکھنی چاہیے، مگر ہر چیز کی حد ہوتی ہے اور چوہدری نثار سے تعلق کا تقاضہ یہ ہےکہ زندگی بھر اس پر بات نہیں کروں گا۔
شہبازشریف نے ریحام خان سے رابطوں کے الزامات مسترد کردیئے
ریحام خان سے متعلق سوال پر شہبازشریف ان سے رابطوں کے تمام الزامات مسترد کردیئے۔
انہوں نےکہا کہ زندگی میں صرف ایک بار ریحام خان سے ملا، اس کے بعد ان سےکوئی ملاقات نہیں ہوئی، اگر ریحام کی کتاب لکھوانے کے پیچھے میری سپورٹ ثابت ہو جائے، یا اگر میں نے ایک دھیلہ بھی بلواسطہ یا بلاواسطہ خرچ کیا ہوتو میں ذمہ دار ہوں۔
(ن) لیگ کے صدر کا کہنا تھا کہ عمران خان نے مجھ پر کرپشن کے کئی الزامات لگائے لیکن ثابت ایک بھی نہ کرسکے۔

(ایمرا نیوز) مریم نواز اپنے آبائی حلقے سےآزادالیکشن لڑیں گی
لاہور: (ایمرا نیوز) مریم نواز اپنے آبائی حلقے سے دوبارہ میدان میں اتار آئیں، این اے 125 سے آزاد حیثیت سے الیکشن لڑیں گی۔ الیکشن کمیشن نے مریم نواز کو انتخابی نشان “پینسل” الاٹ کر دیا ہے
مریم نواز آبائی حلقے سے دوبارہ میدان میں اتر آئیں، این اے 125 سے آزاد حیثیت سے الیکشن لڑیں گی۔ ریٹرننگ آفیسر آصف بشیر نے مریم نواز کو انتخابی نشان “پینسل” جاری کیا۔ پینسل کا انتخابی نشان مریم نواز کے وکیل کی درخواست پر الاٹ کیا گیا۔ مریم نواز نے این اے 125 میں آزاد حیثیت سے کاغذات نامزدگی جمع کرا رکھے تھے۔ کاغذات نامزدگی واپس لینے کا کل آخری روز تھا۔ مریم نواز نے آزاد حیثیت میں کاغذات نامزدگی واپس نہیں لیے جس وجہ سے انہیں انتخابی نشان الاٹ کر دیا گیا ہے۔ مریم نواز کے وکیل تنویر ضیا بٹ نے دنیا نیوز سے گفتگو کرتے ہوئے بتایا کہ کاغذات واپس لینے گیا لیکن تاخیر ہوگئی۔
لندن سے مریم نواز کا کہنا ہے کہ نواز شریف کا بیانیہ گھر گھر پہنچ چکا ہے، 2018 کے عام انتخابات ریفرنڈم ہیں۔ لوگ جانتے ہیں کہ کس کو ووٹ ڈالنا ہے، ووٹر کو خریدا نہیں جا سکتا، مسلم لیگ ن کا ووٹر شیر پر ہی مہر لگائے گا۔ جس پر نوازشریف کا ہاتھ ہوگا وہی جیتے گا، پاکستان ضرور واپس جائیں گے