Archives September 2017

اسلام آباد(میڈیا پاکستان) وزیراعظم شاہد خاقان عباسی کی زیر صدارت قومی سلامتی کمیٹی کا اہم اجلاس ہوا جس میں قومی سلامتی کے معاملات سمیت خطے کی صورت حال پر تفصیلی تبادلہ خیال کیا گیا۔ذرائع کے مطابق وزیراعظم شاہد خاقان عباسی کی زیر صدارت قومی سلامتی کمیٹی کا اہم اجلاس تقریباً 4 گھنٹے جاری رہا جس میں وزیر خارجہ خواجہ آصف، وزیر خزانہ اسحاق ڈار، تینوں مسلح افواج کے سربراہان، چیرمین جوائنٹ چیفس، ڈی جی آئی ایس آئی شریک ہوئے جب کہ وزیر دفاع خرم دستگیر اور وزیر داخلہ احسن اقبال بیرون ملک ہونے کے باعث اجلاس میں شریک نہیں ہوئے۔
اجلاس میں وزیر خارجہ خواجہ آصف نے دورہ امریکا، چین اور ایران پر تفصیلی بریفنگ دیتے ہوئے کہا کہ خطے کے ممالک پر واضح کیا ہے کہ افغان مسئلے کا واحد حل مذاکرات ہیں اور افغانستان میں امن، مفاہمتی عمل کے لیے پاکستان کے کردار پر بھی بات ہوئی جب کہ ایران بھی افغان امن کی مذاکراتی حکمت عملی کے لیے کردار ادا کرنے کو تیار ہے۔
ذرائع کے مطابق اجلاس میں وزیراعظم نے بھی دورہ امریکا کے دوران اہم ملاقاتوں سے متعلق کمیٹی کو اعتماد میں لیتے ہوئے کہا کہ امریکا کے ساتھ برابری اور باہمی شراکت داری پر مبنی تعلقات کے حامی ہیں۔ شرکا نے افغان مصالحتی عمل اوراعلیٰ امریکی حکام کے مجوزہ دورہ پاکستان پر غور سمیت پاک افغان اور پاک بھارت سرحدی سیکیورٹی صورتحال کا بھی جائزہ لیا۔ قومی سلامتی کمیٹی میں نئی امریکی پالیسی اور پاکستان کی حکمت عملی پر بھی غور کیا گیا۔

لاہور(میڈیا پاکستان)لاہور ہائیکورٹ نے لیکوڈیشن بورڈ میں بوگس بھرتیوں اور سرکاری اراضی کی بندر بانٹ کے خلاف دائر درخواست پر تفصیلی رپورٹ طلب کر لی، عدالت نے ریمارکس دیتے ہوئے کہا کہ بورڈ کے چئیرمین اور سیکرٹری کی ملی بھگت سے سرکاری زمینوں پرغیر قانونی قبضہ برقرار ہے دونوں عہدوں پر رہنے کے قابل نہیں۔لاہور ہائیکورٹ کے جسٹس علی اکبر قریشی نے کیس کی سماعت کی،،،، درخواست گزار کے وکیل اظہر صدیق ایڈووکیٹ نے عدالت کو بتایا کہ پنجاب لیکوڈیشن بورڈ میں سرکاری اراضی کی بندر بانٹ کر کے سرکاری خزانے کو ناقابل تلافی نقصان پہنچایا گیا،،، انہوں نے کہا کہ بورڈ میں خلاف قانون بوگس بھرتیاں کی گئیں اور من پسند افراد کو نوازا گیا،،،، لیکوڈیشن بورڈ کے وکیل کے مبہم جواب کو عدالت نے مسترد کردیا،،، عدالت نے ریمارکس دیتے ہوئے کہاکہ بورڈ نے آج تک سرکاری اراضی واگزار کرانے کے لئے نوٹس دینے کے علاوہ عملی اقدام نہیں کئے،،،،نہ ہی سرکاری جائیداد کا کرایہ وصول کیا نہ ہی غیر قانونی قابضین کو بے دخل کیا،،،، عدالت نے لیکوڈیشن بورڈ کی جائیدادوں کی تفصیل ،،،بھرتی کئے جانے والے ملازمین کی فہرست عدالت میں پیش کرنے کا حکم دے دیا،،،، عدالت نے کہا کہ چئیرمین اور سیکرٹری اس عہدے پر رہنے قابل نہیں اگر فہرست فراہم نہ کی گئی تو چیف سیکرٹری پنجاب کو آئندہ سماعت پر ذاتی حیثیت میں طلب کیا جائے گا،،، عدالت نے کیس کی مزید سماعت آیک ہفتے تک ملتوی کر دی۔

پشاور(میڈیا پاکستان) رنگ روڈ پر دھماکے کے نتیجے میں 5 افراد زخمی ہوگئے ہیں۔ایکسپریس نیوز کے مطابق پشاور میں رنگ روڈ کے علاقے شنواری ٹاون میں ایک نجی اسپتال کے قریب دھماکا ہوا ہے جس کے نتیجے میں کم از کم 5 افراد زخمی ہوگئے ہیں۔ واقعے کی اطلاع ملتے ہیں پولیس اور ریسکیو ٹیمیں موقع پر پہنچ گئی۔ زخمیوں کو لیڈی ریڈنگ اسپتال منتقل کردیا گیا ہے جہاں انہیں طبی امداد فراہم کی جارہی ہے ۔ایس ایس پی آپریشنز پشاور کے مطابق دہشت گردوں نے پہلے سے بارودی مواد نصب کررکھا تھا ۔ واقعے میں زخمیوں ہونے والوں کی حالت تشویشناک نہیں۔
دھماکے کچھ گھنٹے قبل ایس ایس پی آپریشنز سجاد خان نے میڈیا کو بتایا تھا کہ یاسین آباد کے علاقے میں حساس ادارے اور پولیس نے مشترکہ آپریشن کیا جس میں 2 دہشت گردوں کو گرفتار کیا گیا ہے۔ دہشت گردوں سے 34 کلو بارودی مواد، آئی ای ڈیز، ڈیٹونیٹرز، بال بیرنگ، پرائما کارڈ، دستی بم، بیٹری سیل اور دیگر مواد بھی برآمد ہوا ہے۔دہشت گرد شہر میں دہشت گردی کی بڑی کارروائی کرنا چاہتے تھے جسے بروقت کارروائی کرکے ناکام بنایا گیا ہے۔
واضح رہے کہ خیبر پختونخوا حکومت نے پشاور میں 10 محرم الحرام تک دفعہ 144 نافذ کرتے ہوئے موٹر سائیکل پر ڈبل سواری پر بھی پابندی عائد کررکھی ہے ۔

اسلام آباد (میڈیا پاکستان)مسلم لیگ ن کے رہنما پرویز رشید نے کہا ہے کہ عمران خان اپنی ہی جماعت گراتے چلے جا رہے ہیں ،وہ اپنے گھر کی اینٹیں اکھاڑ رہے ہیں ۔پارلیمنٹ ہاوس کے باہر میڈ یا سے گفتگو کرتے ہوئے انہوں نے کہا کہ 2013میں عمران خان وزیر اعظم کا خواب لے کر گھر سے نکلے ، اب وہ اپوزیشن لیڈر کی سیٹ کے لیے ہاتھ پاﺅں مار رہے ہیں ،2018میں عمران خان چیئر مین پی سی بی کے امید وار ہوں گے ۔پیپلز پارٹی کے حوالے سے گفتگو کرتے ہوئے ان کا کہنا تھا کہ مسلم لیگ ن اور پیپلز پارٹی کے درمیان میثاق جمہوریت ہے ۔

اسلام آباد (میڈیا پاکستان) چیف جسٹس آف پاکستان جسٹس میاں ثاقب نثار نے سرکاری ملازمتوں کیلئے ہونے والے این ٹی ایس ٹیسٹ کی فیس آدھی کرنے کا حکم دے دیا۔تفصیلات کے مطابق ایک طالبعلم کی طرف سے چیف جسٹس آف پاکستان کو خط لکھا گیا تھا جس میں اس نے کہا تھا کہ جب بھی کوئی سرکاری نوکری آتی ہے تو اس کے ٹیسٹ کی بھاری فیس وصول کی جاتی ہے جو ایک بیروزگار شخص کیلئے ادا کرنا ممکن نہیں ہوتی۔
چیف جسٹس نے طالبعلم کے خط کا نوٹس لیتے ہوئے فوری طور پر حکم دیا کہ این ٹی ایس ٹیسٹ کی نصف فیس امیدواروں اور نصف متعلقہ محکموں یا وزارتوں سے وصول کی جائے۔ چیف جسٹس نے سیکرٹری سٹیبلشمنٹ ڈویژن کو اس حکم پر 6 ہفتوں میں عملدر آمد کراکے رپورٹ جمع کرانے کا بھی حکم دے دیاہے۔

اسلام آباد(میڈیا پاکستان) سینیٹ سے منظور ہونے والے الیکشن اصلاحات بل اب 2 اکتوبر کو قومی اسمبلی سے منظور کرانے کے بعد نوازشریف مسلم لیگ(ن) کے صدر منتخب ہوجائیں گے۔ایکسپریس نیوز کے مطابق نوازشریف 3 اکتوبر کو ایک بار پھر اپنی جماعت مسلم لیگ (ن) کے صدر منتخب ہوجائیں گے۔ رواں ماہ 22 تاریخ کو سینیٹ میں الیکشن اصلاحات بل کی شق 203 منظور کرانے کے لئے پریذائڈنگ افسر نے ووٹنگ کرائی تھی جس میں بل کی حمایت میں 38 اور مخالفت میں 37 ووٹ ڈالے گئے جس کے بعد نوازشریف کے پارٹی صدر بننے کی راہ ہموار ہوگئی تھی۔
حکومت 2 اکتوبر کو قومی اسمبلی میں الیکشن اصلاحات بل 2017 منظوری کے لئے پیش کرے گی اور بل کی منظوری کے بعد اسی روز صدر مملکت ممنون حسین بل پر دستخط کردیں گے جب کہ 3 اکتوبر کو مسلم لیگ(ن) کی جنرل کونسل کا اجلاس طلب کیا جائے گا جس میں نوازشریف کو ایک بار پھر جماعت کا صدر منتخب کرلیا جائے گا۔

سیول (میڈیا پاکستان ) سمارٹ فون بنانے والی کمپنیوں کے لیے اپنی ڈیوائسز کو دیگر فونز سے منفرد بنانا مشکل سے مشکل تر ہوتا جارہا ہے اور وہ عجیب و غریب فیچرز متعارف کرارہی ہیں ۔ مگر جنوبی کورین کمپنی کے اس نئے فون نے تو ایک نئی بلندی کو چھولیا ہے جو مچھروں کو صارفین کے ارگرد نہیں آنے دے گا ۔ جی ہاں واقعی ایل جی نے کے سیون آئی نامی اسمارٹ فون متعارف کرایا ہے جس کی پشت پر مچھروں کو دور بھگانے کے لیے ایک الٹراساﺅنڈ سنسر نصب ہے ۔ اس فون میں الٹرا ساﺅنڈ سنسر سے ایسی لہریں خارج ہوتی ہیں جو انسانوں کے لیے تو بے ضرر ہیں مگر مچھروں کو صارف سے دور رکھتی ہیں ، کم از کم کمپنی کا تو یہی دعویٰ ہے ۔
ایل جی کی جانب سے یہ ٹیکنالوجی پہلے ہی واشنگ مشینوں اور دیگر گھریلو مصنوعات میں استعمال کی جارہی ہے ۔ مچھر دور بھگانے والا یہ سمارٹ فون اس سے ہٹ کر کچھ خاص فیچرز کا حامل نہیں ۔ اس میں اینڈرائیڈ مارش میلو آپریٹنگ سسٹم، 5 انچ اسکرین جو کہ ایچ ڈی ریزولوشن کی بھی حامل نہیں، کواڈ کور پراسیسر جیسے مِڈ رینج فیچرز موجود ہیں ۔

لاہور (میڈیا پاکستان ) لندن میں اپنی نوعیت کے ایک انوکھے ہوائی جہاز کی رونمائی کر دی گئی ہے جو نہ صرف دنیا کا سب سے بڑا پرائیویٹ جہاز ہے بلکہ کسی فائیوسٹار ہوٹل سے کم نہیں ۔جی ہاں ’’وی وی آئی پی ڈریم لائنر‘‘نامی اس جہاز میں تیس مسافروں کے بیٹھنے کا انتظام کیا گیا ہے جس کی تزئین و آرائش سے لے کراس میں مزیدار کھانے ، چاق و چوبند کیبن کریو،آرام دہ بیڈ ، ایکسٹرا لارج وِنڈوز ، پرآسائش صوفوں ، ٹیبلز ، باتھ رومز اور ٹیلیویژنز سمیت لاتعداد اشیا موجود ہیں جو آپ کے ہوائی سفر کو کئی گنا بہتر بنا دے گی ۔
17.5 گھنٹے میں 9,800 میل سے زائد کا سفر کرنیوالے اس طیارے میں سفر کرنا یقیناً ہر شخص کا خواب ہو گا تاہم اپنی جیب میں بیس ہزار پاؤنڈ فی گھنٹہ رکھنا نہ بھولئے گا ۔ یعنی اگر آپ لندن سے نیویارک کا سفر اس پر آسائش لگژری جہاز میں کرنا چاہتے ہیں تو اس کیلئے آپ کے پاس 1 لاکھ 60 ہزار پاؤنڈ ہونا ضروری ہیں ۔

لاہور(میڈیا پاکستان) فیس بک کی جانب سے خون کے عطیات کے حصول میں مدد دینے کیلئے نیا فیچر متعارف کرایا گیا ہے جو فی الحال بھارت میں پیش کیا جا رہا ہے ۔ یکم اکتوبر کو یہ فیچر بھارت میں فیس بک صارفین کیلئے دستیاب ہوگا جس میں لوگوں میں خون کے عطیات کیلئے نام لکھوانے کی حوصلہ افزائی کی جائیگی ۔ یہ فیچر صارفین کی ٹائم لائن پر نمایاں کیا جائیگا اور لوگ خود کو ڈونر کی حیثیت سے پروفائل میں ٹیگ کرسکیں گے اور اپنے دوستوں سے شیئر بھی کرسکیں گے ۔ اس فیچر کے ذریعے ضرورت مند افراد یا اداروں کو ایسی پوسٹ کرنے میں مدد ملے گی جس میں وہ خون کے عطیات کی درخواست کرسکیں گے اور وہ پوسٹ ایسے ٹیگ ڈونرز کے پاس نوٹیفکیشن کی شکل میں ظاہر ہونگی جو قریبی علاقوں میں رہائش پذیر ہونگے ۔ اگر ڈونر اس درخواست کو قبول کرلیتے ہیں تو ضرورت مند افراد یا ادارے ان سے فون کال ، میسنجر یا واٹس ایپ کے ذریعے نجی طور پر رابطہ کرسکیں گے ۔
یہ فیچر پہلے اینڈرائیڈ فونز اور پھر فیس بک کے موبائل ورژن میں متعارف کرایا جائیگا ۔ کیونکہ بیشتر بھارتی شہری سماجی رابطے کی ویب سائٹس کو ان ذرائع سے ہی استعمال کرتے ہیں تاہم فیس بک نے واضح نہیں کیا کہ یہ فیچر دیگر ممالک میں کب تک متعارف کرایا جاسکتا ہے یا صرف بھارت تک ہی محدود رہے گا ۔

فرانس (میڈیا پاکستان) چیمپئنر لیگ میں پیرس سینٹ جرمین کلب نے جرمنی کی بائرن میونخ کو صفر کے مقابلے میں تین گول سے ہرا دیا ۔سٹرائیکر نیمار نے شاندار کھیل کا مظاہرہ کیا ۔ چیمپئنز لیگ کا چیمپئنز مقابلہ فرانس میں ہوا جہاں پیرس سینٹ جرمین اور بائرن میونخ کلب آپس میں مدمقابل ہوئے ۔
میزبان ٹیم میچ کے دوران حریف پر چھائی رہی ۔ پہلا گول کھیل کے دوسرے منٹ میں ڈانی نے سکور کیا ۔ اکتیسویں منٹ میں کیوانی نے گیند کو جال میں پھینکا ۔