Archives March 2018

لاہور(ایمرا نیوز)عمران خان کےقافلے کےروٹ پر ٹریفک حادثہ پیش آیا۔ حادثہ رنگ روڈ کے قریب پیش آیا جہاں گاڑی کی ٹکر سے نوجوان عدنان نذیر جاں بحق ہوگیا۔ عمران خان کے سکواڈکے مطابق نوجوان قافلے کی گاڑی سےنہیں مرا

پاکپتن(ایمرا نیوز) چئیرمین پی ٹی آئی عمران خان کی اہلیہ بشری مانیکا کے سابق دیور سابق رکن قومی اسمبلی احمد رضا مانیکا نے بھی تحریک انصاف کو چھوڑنے کا اعلان کردیا۔
پی ٹی آئی پاکپتن کے ضلعی صدر احمد رضا مانیکا نے پریس کانفرنس میں کہا کہ عمران خان جتنی بار پاکپتن تشریف لائے ، کسی عہدیدار کو ملے بغیر واپس چلے گئے ، لیڈر شپ کو اپنی ٹیم کا پتہ ہی نہیں۔انہوں نے کہا کہ بلدیاتی سطح پر 8 سے 10 چیرمین ان کے ساتھ ہیں، جلد کسی جماعت میں شمولیت کافیصلہ کروں گا اور الیکشن بھی لازمی لڑوں گا۔
احمد رضا مانیکا نے پریس کانفرنس کرتے ہوئے کہا کہ پیر اور مرید کا احترام قائم رہنا چاہیے تھا، عمران خان کے فیصلے سے پاک پتن والے ناخوش ہوئے، لوگ ان آستانوں پر عقیدت کے لیے آتے ہیں، خان صاحب جتنی بار پاکپتن آئے، کسی عہدیدار سے نہ ملے.

اسلام آباد(ایمرا نیوز)حکومت نے پیٹرولیم مصنوعات کی قیمتوں میں رد و بدل کا اعلان کردیا، پیٹرول کی فی لیٹر قیمت میں 2 روپے 7 پیسے کمی کردی گئی۔
وزارت خزانہ کی جانب سے جاری نوٹیفکیشن کے مطابق کی نئی قیمت 86 روپے فی لیٹر مقرر کردی گئی ہے۔
خیال رہے کہ گزشتہ روز آئل اینڈ گیس ریگولیٹری اتھارٹی (اوگرا) نے یکم اپریل سے پیٹرول کی فی لیٹر قیمت میں 5 روپے 26 پیسے کمی کی سفارش کی تھی۔وزارت خزانہ کے مطابق ڈیزل کی قیمت میں بھی فی لیٹر 2روپےکمی کردی گئی ہے جس کے بعد ڈیزل کی نئی قیمت 96 روپے 45 پیسے فی لیٹر ہوگئی ہے۔
مٹی کے تیل کی قیمت میں کوئی تبدیلی نہیں کی گئی اور اس کی قیمت 76 روپے 46 پیسے فی لیٹرہی رہےگی۔
لائٹ ڈیزل آئل کی قیمت میں بھی کوئی کمی بیشی نہیں کی گئی اور اس کی قیمت قیمت65 روپے 30 پیسے فی لیٹر برقرار رہے گی۔
اپریل کے مہینے کے لیے نئی قیمتوں کا اطلاق رات 12 بجے سے ہوجائے گا۔
حکومت کی جانب سے گزشتہ چند ماہ سے پیٹرولیم مصنوعات کی قیمتوں میں مسلسل اضافہ کیا جارہا تھا تاہم اس ماہ حکومت نے قیمتوں میں کمی کی ہے۔
خیال رہے کہ اوگرا کی جانب وزارت پیٹرولیم کو سمری بھیجی گئی تھی جس میں پیٹرول کی قیمت میں 5 روپے 26 پیسے کمی جب کہ 65 پیسےاضافے سے ہائی اسپیڈ ڈیزل کی نئی قیمت 99 روپے 10 پیسے فی لیٹر مقرر کرنے کی سفارش کی گئی تھی۔
اوگرا نے مٹی کا تیل 13 پیسے اور لائٹ ڈیزل 55 پیسے مہنگا کرنے کی بھی سفارش کی تھی۔

لاہور(ایمرا نیوز)ڈپٹی کمشنر ایمپلائز ایسوسی ایشن لاہور سال2018-19کے انتخابات میں اتفاق گروپ کے پینل نے بھاری ووٹوں سے میدان مارلیا، جعفر علی 225ووٹ لے کر صدرمنتخب ہوگئے جبکہ رانانوید200ووٹ کےساتھ نائب صدر اور محبوب ربانی250ووٹوں کے ساتھ جنرل سیکرٹری کی نشستوں پر کامیاب قرار پائے۔ الیکشن ڈپٹی کمشنر ایمپلائزایسوسی ایشن 2018-19میں اتفاق گروپ اور رہبر گروپ کے درمیان کانٹے دار مقابلہ شروع ہوا، دونوں گروپوں کے ووٹرو اپنے اپنے گروپ کے جتوانے کےلئے متحرک نظر آئے پرجوش نعروں نے ماحول کو گرمائے رکھا جبکہ الیکشن شفاف احسن طریقے سے کروانے کےلئے ڈپٹی کمشنر لاہور سمیر احمد نے تھانہ لوئر مال سے ایس ایچ او سمیت پولیس کی بھاری نفری پولنگ بوتھ کے اردگرد کھڑی کردی، صبح9بجے شروع ہونے والے انتخابات شام پانچ بجے اختتام پذیر ہوئے جیتنے والے پینل اتفاق گروپ کے صدر جعفر علی ، نائب صدر رانا نوید الحسن اورجنرل سیکرٹری محبوب ربانی کو جیت کی خوشی میں حامی کندھوں پر اٹھا کر چکر لگاتے رہے ۔ ڈھول کی تھاپ پر بھنگڑے ڈالے گئے جیتنے والے گروپ کے صدر جعفر علی نے کہا کہ اپنے منشور کے مطابق ملازمین کی فلاح اور بہبود کےلئے احسن اقدام کریں گے رانا نوید الحسن کا کہنا تھا تھا کہ ملازمین کے ساتھ کئے گئے تمام وعدوں کو پورا کریں گے۔ ان کی امیدوں پر پورا اتریں گے اور ان کے تحفظ اور حقوق کےلئے بھرپور کردار ادا کریں گے۔ جنرل سیکرٹری محبوب ربانی کا کہنا تھا کہ ڈپٹی کمشنر ایمپلائز ایسوسی ایشن کے275ووٹوں کے تقدس کا بھرپور احترام کریں گے۔ ووٹ کو عزت دیں گے اور اپنے ملازمین کا ہرسطح ہر جگہ پر ساتھ دیں گے ان کی آواز اور بازو بن گئے۔ دوسری جانب جیتنے والے گروپ کو ایڈیشنل ڈپٹی کمشنر ریونیو طاہرفاروق ، ایڈیشنل ڈپٹی کمشنر جنرل راﺅ امتیاز اور ڈپٹی کمشنر سمیر احمد سمیت تمام انتظامی افسران نے مبارکباد دی اورنیک تمناﺅں کا اظہار کی

لاہور(وقت نیوز) اورنج لائن میٹرو ٹرین کا ٹریک اور سٹیشن مکمل ہونے پر وزیر اعلیٰ پنجاب نے ٹویٹر اکاؤنٹ پر تصاویر شیئر کر دیں۔ 22 ماہ ضائع ہونے کے باوجود منصوبہ تکمیل کی جانب گامزن ہے،شہبازشریف کا ٹویٹ۔ شہبازشریف نے عمران خان نے منصوبے میں تاخیر کا زمہدار عمران خان کو قراردیا۔

اداکارہ میرا کی جانب سے دائرتکزیب نکاح کیس کی سماعت تین اپریل تک ملتوی، عدالت نے وکلاء کو نکاح خواں کے بیان پر بحث کیلئے طلب کر لیا۔ فیملی کورٹ کے جج بابر ندیم نے اداکارہ میرا کے وکلاء کی مصروفیات کی وجہ سے کیس کی سماعت 3 اپریل تک ملتوی کر دی۔ عتیق الرحمان کا کہنا ہے اداکارہ میرا اس کی بیوی ہے۔
دوسری جانب میرا نکاح کو نہیں مانتی اور کہتی ہے عتیق الرحمان جھوٹا ہے۔ ادھر نکاح خواں حامد علی نے عدالت میں پیش ہو کر اپنا بیان قلمبند کروا تے ہوئے بتایا کہ میرا اور عتیق الرحمان کا نکاح اس نے گواہان کی موجودگی میں اسلامی شریعت کے مطابق پڑھایا۔ نکاح نامہ مکہ کالونی کی یونین کونسل میں رجسٹر ہے

لاہور(ایمرا نیوز)
بیجنگ انڈر پاس کی دیوار سے ٹکرا کر موٹر سائیکل سوار جاں بحق

لاہو(ایمرا نیوز)کینال روڈ پر آج صبح سویرے خوفناک ٹریفک حادثہ پیش آیا، تیز رفتار ڈمپر نے موٹرسائیکل سوار کو کچل دیا، پولیس نے نعش مردہ خانے منتقل کردی۔سٹی 42 کے مطابق کینال روڈ پر تیز رفتار ڈمپر نے موٹرسائیکل سوار کو ٹکر مار دی جس کے نتیجے میں ایک موٹر سائیکل سوار جاں بحق اور دو زخمی ہوگئے جبکہ ڈمپر ڈرائیور جائے حادثہ سے فرار ہونے میں کامیاب ہو گیا، حادثے کی اطلاع ملتے ہی پولیس موقع پر پہنچ گئی اور زخمی ہونے والوں کو طبی امداد کیلئے ہسپتال جبکہ حادثے میں جاں بحق ہونے والے شخص کی نعش کو تحویل میں لے کر مردہ خانے منتقل کردیا۔پولیس کا کہنا ہے کہ جاں بحق شخص کی شناخت بلال کے نام سے ہوئی ہے۔

کراچی:(ایمرا نیوز) محکمہ موسمیات نے رمضان میں شدید گرمی اور موسم خشک رہنے کی پیش گوئی کردی۔

ڈائریکٹر جنرل محکمہ موسمیات ڈاکٹر غلام رسول کے مطابق مئی اور جون میں گرمی معمول سے زیادہ رہنےکا امکان ہے جب کہ ماہ رمضان کافی گرمی اور موسم خشک رہے گا۔

ڈی جی میٹ نے بتایا کہ مارچ میں سندھ میں گرمی نے کئی سال کے ریکارڈ توڑ دیئے ہیں۔

ڈی جی میٹ کے مطابق اپریل اور مئی میں بارشیں معمول سے کم ہونے کی توقع ہے، گرمی زیادہ ہونے کے باعث پانی کی طلب میں اضافہ ہوگا البتہ جون کے آخری ہفتے میں مون سون کے آغاز پرخشک سالی میں کمی آئے گی۔

ڈاکٹر غلام رسول نے مزید بتایا کہ منگلا اورتربیلا ڈیم ڈیڈ لیول پرہیں، اپریل سے برف پگھلنے اور مئی میں گلیشیئر پگلنے سے ڈیموں میں کچھ پانی آئے گا تاہم گلیشیئر کا پانی ڈیموں میں آنے کے باوجود تمام ضرورتیں پوری نہیں ہوں گی۔

لاہور(وقت نیوز) عمران خان کا کہنا ہے پنجاب کا آدھا بجٹ لاہور پر خرچ ہوتا ہے، ملتان میں میٹرو منصوبے کی ضرورت ہی نہیں تھی، خالی بسیں چل رہی ہیں، حکمران ہسپتالوں، تعلیم اور صاف پانی کے منصوبے نہیں لگاتے کیونکہ ان میں پیسہ نہیں بنتا۔ لاہور میں پریس کانفرنس سے خطاب کرتے ہوئے چیئرمین پی ٹی آئی نے کہا لاہور پر خرچ کی جانیوالی رقم کے پی پر خرچ رقم سے 3 گنازیادہ ہے۔ انہوں نے کہا اسحاق ڈار بھی علاج کرانے باہر چلے گئے، کلثوم نواز عرصے سے لندن میں علاج کرا رہی ہیں، پشاور میں 4 ارب روپے سے کینسر کا جدید ترین ہسپتال بنا ہے۔ عمران خان کا کہنا تھا شہباز شریف نے 635 ارب روپے ایک سال میں خرچ کیے، ملتان میٹرو پر 60 ارب روپے لگائے لیکن بسیں خالی چل رہی ہیں، فیصل سبحان نے چینی کمپنی کو بیان دیا کہ وہ شہبازشریف کا فرنٹ مین ہے، انہوں نے تین چار بڑے بڑے کنٹریکٹرز لے رکھے ہیں۔ انہوں نے کہا ہم ایک بار پھر نیب سے کہیں گے کہ ملتان میٹرو کا معاملہ دیکھیں، لاہور میں صاف پینے کا پانی ہے نہ عالمی معیارکی کوئی یونیورسٹی، ہری پور میں عالمی معیارکی یونیورسٹی بنا رہے ہیں۔