Category دلچسپ و عجیب

گلوکار عاطف اسلم نے انکشاف کیا ہے کہ ایک بار انہیں ان کے اپنے شو میں گارڈ نے جھاڑ دیا تھا،،
عاطف اسلم کی سوشل میڈیا پر ایک ویڈیو وائرل ہے جس میں عاطف اسلم نے ایک سوال پر ہنستے ہوئےکہا کہ ایک بار ان کا الحمرا میں کنسرٹ تھا، ہال میں 6ہزار افراد ان کا انتظار کر رہے تھے جبکہ اس دوران وہ شو کے گیٹ پر سکیورٹی گارڈ سے اس بات پر لڑ رہے تھے کہ وہ عاطف اسلم ہیں اور انہیں اندر جانے دیں، سکیورٹی گارڈ نے انہیں کہا کہ چلیں جائیں یہاں سے نکلیں، یہاں ہر کوئی عاطف اسلم ہے۔

نیو دہلی (ویب ڈیسک) ماڈل کے بالوں کی غلط کٹنگ کرنے اور انہیں چھوٹا کرنے پر سیلون کو 2 کروڑ کا جرمانہ کردیا ہے۔ تفصیلات کے مطابق 2018 میں کنزیومر کورٹ میں ماڈل کی جانب سے ایک سیلون کے خلاف شکایات درج کرائی گئی تھی جس میں خاتون ماڈل نے موقف اپنایا کہ 2004 سے اس سیلون میں جارہی ہوں، اس بار جب سیلون گئی تو انہوں نے ایسے ہئیر ڈریسر سے بال کٹوانے کے لیے کہا جس سے میں مطمئن نہیں تھی، میرے منع کرنے پر بھی سیلون نے کہا کہ اس ہئیر ڈریسر کا کام پہلے سے اچھا ہے لہذا آپ بال ان سے کٹوالیں۔
ماڈل نے درخواست میں بیان کیا کہ ہئیر ڈریسر تقریباً ایک گھنٹے سے زیادہ میرے بالوں کی کٹنگ کرتا رہا میرے پوچھنے پر ہئیر ڈریسر نے کہا کہ میں آپ کا ’لندن ہئیرکٹ ‘ کررہاہوں تاہم جب میں نے اپنے بال دیکھے تو وہ بالکل ٹھیک نہیں تھے، میں نے سیلون سے شکایات کی تو انہوں‌نے مزید بال خراب کردیے تاہم اب چھوٹے بالوں کی وجہ سے میں نے خوداعتمادی کھودی ہے اور مالی مسائل کا بھی سامنا ہے۔
کنزیومر کورٹ نے خاتون ماڈل کی درخواست پر کارروائی کی اور فیصلہ سناتے ہوئے سیلون پر 2 کروڑ کا جرمانہ عائد کر دیا.

صومالیہ(ویب ڈیسک)اپ نے خاصی مختلف اور عجیب وغریب خبریں سنی اور دیکھی ہوں‌گی مگر کچھ خبریں اپ کو انتہائی حیران کردیتی ہیں،اس خبر میں شادی کو دو افراد کے مابین ایک مقدس بندھن سمجھا جاتا ہے جو زندگی بھر ساتھ رہنے کا وعدہ ہے، ہر مذہب اور ملک میں شادی کی مختلف رسومات ہوتی ہیں۔
ان رسومات میں سے دلہا دلہن کو کچھ شادی سے پہلے اور کچھ بعد میں ادا کرنی پڑتی ہیں، لیکن کیا آپ نے کسی ایسی رسم کے بارے میں سنا ہے جہاں دلہن کو شادی سے پہلے گنجا ہونے کے لیے کہا جاتا ہے؟یہ عجیب و غریب رسم افریقا کے ملک ایتھوپیا اور صومالیہ کے وسط میں واقعے بورانا قبیلے میں ادا کی جاتی ہے۔ یہ قبیلہ 500 افراد پر مشتمل ہے۔

اس قبیلے کی لڑکیوں کو صرف شادی سے پہلے ہی بال بڑھانے کا موقع دیا جاتا ہے، شادی سے پہلے لڑکیوں کو اچھا دلہا حاصل کرنے کیلئے بالوں کا بڑا حصہ منڈوا کر گنجا ہونا ہوتا ہے۔ مانا جاتا ہے کہ اگر وہ اپنا سر منڈوائیں گی تو انہیں ایک اچھا شوہر ملے گا۔میڈیا رپورٹس کے مطابق ایک اور عجیب بات اس قبیلے کے حوالے سے مشہور ہے اور وہ یہ کہ یہاں کے لوگ تصاویر بنوانے کو بھی برا سمجھتے ہیں۔ ان کے مطابق ایسا کرنا جسم میں خون کی کمی پیدا کردیتا ہے۔

ممبئی (ویب ڈیسک)قسمت کب کہاں کیسے انسان پر مہربان ہو جائے کوئی نہیں جانتا .ایسی ہی ایک مثال بھارت میں دیکھنے میں آئی ہے. ۔تفصیلات کے مطابق بھارتی شہر کٹھیار سے تعلق رکھنے والے 2طالب علموں کے اکاؤنٹس میں اچانک اتنی بڑی رقم آگئی کہ تما م گائوں کے افراد حیران و پریشان رہ گئے ۔بھارتی میڈیا کے مطابق چھٹی جماعت کے 2 طالب علموں گروچرن وشواس اور اشیش کمار کے اکاؤنٹ میں اچانک ایک روز 900 کروڑ سے زائد بھارتی روپے جمع ہونے کا انکشاف ہوا۔
ریاستی حکومت کی جانب سے ملنے والی یونیفارم رقم کی معلومات حاصل کرنے کے لیے دونوں طالب علموں نےاسٹیٹ بینک آف انڈیا کے سینٹرالائزڈ پراسیسنگ سینٹر کا دورہ کیا جہاں وہ اکاؤنٹس میں آئی غیر معمولی رقم دیکھ کردنگ رہ گئے۔ اشیش کمار کے اکاؤنٹ میں 62 کروڑ جبکہ گروچرن وشواس کے اکاؤنٹ میں905 کروڑ بھارتی روپے منتقل ہوئے ہیں ۔ ڈسٹرکٹ مجسٹریٹ کٹیہار نے دونوں طالب علموں کے اکاؤنٹ میں آئی خطیر رقم کے حوالے سے تصدیق کی ہےاوربتایا ہے کہ رقم کی منتقلی کے حوالے سے تفتیش کی جارہی ہے تاکہ پتہ لگایا جاسکے کہ اکاؤنٹ میں اتنی رقم کہاں سے ٹرانسفر کروائی گئی۔

انگلینڈ (ویب ڈیسک)سوشل میڈیا پر عجیب و غریب قسم کی تصاویر شئیر ہوتی رہتی ہیں جو دیکھتے ہی دیکھتے وائرل ہو جاتی ہیں.ایسی ہی کچھ تصاویر سوشل میڈیا پر گردش کرتی نظر آ رہی ہیں.تفصیلات کے مطابق انگلینڈ کے قدیم ہل نامی قبرستان میں ایک عورت راہبہ کا لباس زیب تن کیے ڈھانچوں سے کھیلتی دیکھی گئی ہیں۔قبرستان کے قریب سے گزرتے مسافروں نے اس خاتون کی خوفناک اور دل دہلادینے والی تصاویر کھینچی اوربعد ازاں یہ تصاویر سوشل میڈیا پر وائرل ہوگئیں۔
وائرل تصویر میں خاتون کو کریم رنگ کا راہبہ کا گاؤن اور اسکارف پہنے ڈھانچے کے ساتھ کھیلتے دیکھا جاسکتا ہے۔ ان مناظر کو اپنی آنکھوں سے دیکھنے والے افراد کا نجی اخبار سے گفتگو کرتے ہوئے کہنا تھا کہ خاتون کو کئی منٹ تک ڈھانچوں کے ساتھ رقص کرتے دیکھا گیا .ان تصاویر کے وائرل ہونے کے بعد جہاں کچھ لوگوں نے حیرانی کا ثبوت دیا وہاں کچھ لوگ اسے آرٹ پراجیکٹ کا حصہ قرار دیا ہے.

نیویارک (ویب ڈیسک) کیا ایسا ممکن ہے کہ آپ ایک ہی درخت سے 40 قسم کے پھل حاصل کر سکیں؟مگر نیو یارک میں ایک شخص نے ایسا کارنامہ انجام دیا ہے جس کے بعد ایک ہی درخت سے 40 قسم کے پھل اگائے جا سکتے ہیں .تفصیلات کے مطابق سیرا کیوز یونیورسٹی کے پروفیسر وان ایکن نے 2008میں نیویارک میں قدیم نسل کے پھلدار درختوں کو بچانے کیلئے قدیم درختوں کا ایک باغ خریدا اور مختلف اقسام کو ایک ہی درخت پر پیوند کرنا شروع کر دیا ، 5 سال بعد ان کی محنت رنگ لائی اور ایک ایسا درخت تیار ہوا جو سال کے مختلف حصوں میں مختلف قسم کے پھل اگاتا ہے ۔
اس درخت پر اخروٹ، بادام، کاجو، پستہ، آلو بخارا، خوبانی، آڑو اور چیری سمیت 40 قسم کے پھل لگتے ہیں۔پروفیسر سیم گرافٹنگ کا کہنا ہے کہ سردیوں کے دوران مرکزی درخت کو چھیل کر اس درخت کی شاخوں کو دیگر درختوں کی ٹہنیوں سے پیوست کر دیا جاتا ہے جس کےکچھ عرصے بعد وہ یکجان ہوجاتے ہیں۔

ہارورڈ(ویب ڈیسک) ہم سب نے بالوں والے دیوہیکل ہاتھیوں کا نام سنا ہے جنہیں میمتھ کہا جاتا ہے۔ اب سائنسدانوں نے اس کے ڈی این اے کی عام ہاتھیوں سے کلوننگ کے لیے ڈٰیڑھ کروڑ ڈالر کا سرمایہ بھی جمع کرلیا ہے۔

اس کی وجہ یہ ہے کہ میمتھ کی کئی لاشیں بہترین حالت میں روسی برفیلے خطوں بالخصوص سائبیریا سے ملی ہیں۔ کئی ایک لاشوں کی ہڈیوں میں گودا اور گوشت کے ٹکڑے بھی سلامت ہیں۔ یہ علاقہ ان جانوروں کے لیے ڈیپ فریزر کا کام کرتا ہے اور یوں وہ ہزاروں سال بعد بھی بہترین حالت میں ہیں۔

کوئی دس ہزار سال قبل میمتھ صفحہ ہستی سے مٹ گئے تھے۔ اگرچہ ان کی کلوننگ پر دس برس سے غور جاری ہے لیکن اب ’کلوسل‘ نامی بایوٹیکنالوجی کمپنی نے ہارورڈ کی شعبہ جینیات کے تعاون سے اپنے انقلابی منصوبے کے لیے ڈیڑھ کروڑ ڈالر کی رقم جمع کرلی ہے۔
نصف میمتھ اور آدھا ہاتھی

پہلے مرحلے میں جو جانور تخلیق کیا جائے گا وہ نصف ہاتھی اور نصف میمتھ ہوگا۔ چار مراحل میں یہ کام کیا جائے گا۔ پہلے منجمند میمتھ کے ڈی این اے سے نکال کر اس کا موازنہ ایشیائی ہاتھی سے کیا جائے گا۔ دوم ایشیائی ہاتھی کی جلد کے خلیات لے کر اسے جینیاتی انجینئرنگ سے بدل کر میمتھ کے جین شامل کئے جائیں گے۔

تیسرے مرحلے میں اسٹیم سیل کی مدد سے ایک بیضہ تیار کیا جائے گا۔ اب ایشیائی ہاتھی کے جلد کی خلیات سے مرکزہ (نیوکلیئس) نکال کر میمتھ کے ڈی این اے والا والا مرکزہ داخل کیا جائے گا۔ آخری مرحلے میں انڈے کی افزائش شروع کرکے اسے ایشیائی مادہ میں داخل کرکے اسے حاملہ کیا جائے گا۔ مدت پوری ہونے کے بعد ہاتھی کا ایسا بچہ جنم لے گا جس میں میمتھ کے خواص بھی ہوں گے۔

توقع ہے کہ اگلے چھ برس میں پہلا میمتھ نما ہاتھی اس دنیا میں آنکھ کھولے گا۔ اپنے دوغلے خواص کی بنا پر یہ ہاتھی سردی کی سختی جھیل سکے گا۔ تاہم سائنسدانوں نے روس کے مستقل برفیلے علاقوں سے ملنے والے میمتھ سے ایسے جین شناخت کرلیے گئے ہیں جو ان پر چربی کی دبیز تہہ چڑھاتے ہیں اور لمبے بال دیتے ہیں۔ لیکن اس کا تجربہ فی الحال قدرے دور ہے۔ پہلے مرحلے میں نیم میمتھ نما ہاتھی کی پیدائش متوقع ہے۔

تاہم بعض ماہرین نے اس تنقید پر عمل کرتے ہوئے کہا ہے کہ میمتھ کا مدتِ حمل عام ہاتھیوں سے زیادہ تھا اور یہ جاننا بھی ہوگا کہ آیا اس میں وہ خواص پیدا ہوسکیں گے یا نہیں۔

لندن (ویب ڈیسک) دنیا میں عجیب وغریب واقعات رونما ہوتے رہتے ہیں‌.اسے سلسلے میں برطانیہ میں ایک انوکھا واقعہ دیکھنے میں آیا ہے.تفصیلات کے مطابق برطانیہ کے ایک پب میں دکاندار کوایک پونڈ کا سکہ ملا جسے اس نے نیلام کر دیا .اس شخص نے وہ سکہ مشہور ویب سائٹ ای بے پر 205 برطانوی پاؤنڈ میں فروخت کیا۔یہ سکہ مے خانے کے ایک ملازم کو دیا گیا جس میں مصنوعاتی نقص تھا .عموماً سکے کےدرمیان میں چاندی کا رنگ ہوتا ہے اور اس کے کنارے سنہری ہوتے ہیں جبکہ اس انوکھے سکے میں مکمل طور پر سنہری دھات استعمال ہوا ہے .
دیکھا گیا ہے کہ برطانیہ کی شاہی ٹکسال میں ہمہ وقت سکے ڈھلتے رہتے ہیں اور لاکھوں کروڑوں سکوں میں سے کسی ایک میں غلطی کا امکان ہے تاہم کبھی کبھار ایسے غیرمعمولی سکے نایاب بن جاتے ہیں.

لاس اینجلس(ویب ڈیسک) بھاگتے دوڑے عمارتوں کو پھلانگنا اور سیڑھیوں کو تیزی سے عبور کرنے کا خطرناک کام اب تک صرف مردوں سے ہی معنون تھا لیکن چند برسوں میں ایک مسلم حجابی خاتون سارہ مدلل نے بھی اس شعبے میں بہت نام بنایا ہے۔

سارہ مدلل لاس اینجلس میں رہتی ہیں جنہیں پہلی مسلم خاتون پارکر کا اعزاز دیا گیا ہے۔ سارہ روزانہ گھنٹوں اس عمل کی مشقت کرتی ہیں۔ ان کا اصرار ہے کہ وہ مسلمان خواتین کے متعلق لگا بندھا تصور زائل کرنا چاہتی ہیں۔ لیکن اس مشکل کام کے باوجود وہ کہتی ہیں کہ حجاب ان کی رکاوٹ نہیں بلکہ ان کے لیے ایک اعزاز ہے۔

سارہ کی عمر اس وقت 24 سال کی ہیں اور انہوں نے صرف 20 سال کی عمر میں پارکر بننے کا ارادہ کیا۔ اس کھیل میں ایک سے دوسرے مقام تک بہت پھرتی سے پہنچنا ہوتا ہے۔ پارکر ماہرین مسلسل مشق سے دیوار پھاند سکتےہیں، رکاوٹیں عبور کرتے ہیں اور عمارتوں کی چھتوں سے ایک مقام سے دوسرے مقام تک جست بھرتے نظر آتے ہیں۔ اکثراوقات پارکر اپنی ہڈیاں اور دانت تک تڑوا بیٹھتے ہیں اور یوں اس شوق کی بھاری قیمت ادا کرتے ہیں۔
سارہ دوڑتی ہیں، قلابازی کھاتی ہیں، ہوا میں گھوم سکتی ہے، خطرناک مقامات پر جھولا جھول سکتی ہیں اور اب تک وہ فوجی تربیت کے رکاوٹی ٹیسٹ کئی مرتبہ کامیابی سے عبور کرچکی ہیں۔ وہ کہتی ہیں کہ اس شعبے میں مردوں کی تعداد حاوی ہے جبکہ خواتین نہ ہونے کے برابر ہیں اور مسلمان خاتون کا تو سوال ہی پیدا نہیں ہوتا کیونکہ وہ خود کو ’اقلیتوں میں اقلیت‘ قرار دیتی ہیں.اب تک سارہ کئی براںڈز کی نمائندگی کرچکی ہیں اور ان کا یوٹیوب چینل بہت تیزی سے مقبول ہورہا ہ

فلوریڈا(ویب ڈیسک) ایک امریکی کمپنی نے اعلان کیا ہے کہ اگر کوئی شخص اس کی نگرانی میں 13 ہارر فلمیں دیکھے گا تو اسے 1300 ڈالر (2 لاکھ 18 ہزار پاکستانی روپے) دیئے جائیں گے۔

یہ اعلان ’’فائنانس بز‘‘ نامی ایک میڈیا کمپنی نے کیا ہے جو عام لوگوں کو مالیاتی امور سے متعلق مشورے دیتی ہے اور اس بارے میں اپنی ویب سائٹ پر بلاگز اور مضامین بھی شائع کرتی ہے۔ہارر فلموں میں ناظرین کو خوفزدہ کرنے والی آوازیں اور مناظر پر خصوصی توجہ دی جاتی ہے لیکن ضروری نہیں کہ ہارر فلم دیکھنے والا خوف کے احساس میں مبتلا بھی ہوجائے۔اس تجربے کے ذریعے ’’فائنانس بز‘‘ یہ جاننا چاہتی ہے کہ کم اور زیادہ بجٹ والی ہارر فلمیں ناظرین کو کس حد تک خوفزدہ کرتی ہیں۔ یعنی کسی ہارر فلم پر آنے والی لاگت اور اس کے ’’خوفناک‘‘ ہونے میں کوئی تعلق ہے یا نہیں؟

اس مقصد کےلیے کسی ایک شخص کو منتخب کیا جائے گا جسے دل کی دھڑکنوں پر نظر رکھنے والے ’’فٹ بِٹ‘‘ (FitBit) آلے سے لیس ہونے کے بعد 13 ہارر فلمیں دیکھنا ہوں گی۔

یہ فلمیں اسے گھر پر اکیلے بیٹھ کر دیکھنا ہوں گی جبکہ اس دوران ’’فٹ بِٹ‘‘ سے اس کے دل کی دھڑکنوں میں ہونے والے اتار چڑھاؤ نوٹ کیے جاتے رہیں گے۔
تجربے کےلیے جن فلموں کا انتخاب کیا گیا ہے ان میں ایمٹی ویلی ہارر، اے کوائٹ پلیس (پارٹ 1 اور 2)، کینڈی مین، انسائیڈیئس، دی بلیئر وِچ پروجیکٹ، سنسٹر، گیٹ آؤٹ، دی پرج، پیرانارمل ایکٹیویٹی اور ہیلووین (2018، ری میک) شامل ہوں گی۔

منتخب ہونے والے شخص کو 1300 ڈالر کے علاوہ 50 ڈالر مالیت کا گفٹ کارڈ بھی دیا جائے گا تاکہ وہ ان فلموں کو (اسٹریمنگ سروس سے) دیکھنے کا معاوضہ دے سکے۔اس انوکھے تجربے کےلیے امریکا میں رہنے والا کوئی بھی شخص درخواست دے سکتا ہے، تاہم ایسے ایک شخص کا انتخاب ’’فائنانس بز‘‘ کی انتظامیہ حتمی طور پر خود ہی کرے گی۔

کمپنی کی ویب سائٹ پر رجسٹریشن شروع ہوچکی ہے جو 26 ستمبر 2021 تک جاری رہے گی۔ منتخب فرد کا اعلان یکم اکتوبر کو کیا جائے گا، جسے 4 اکتوبر تک ’’فِٹ بِٹ‘‘ بھجوا دیا جائے گا۔اس کے بعد منتخب فرد کو 9 سے 18 اکتوبر تک یہ تمام ہارر فلمیں (فِٹ بِٹ پہن کر) دیکھنا ہوں گی۔’’فائنانس بز‘‘ کے مطابق، اس سال ہیلووین کے تہوار پر وہ اپنے صارفین کو اُن ہارر فلموں سے آگاہ کرنا چاہتے ہیں جو صحیح معنوں میں خوفزدہ کرنے والی ہوں، چاہے ان کا بجٹ کتنا ہی کم یا زیادہ کیوں نہ ہو۔