Archives May 2019

پشاور (میڈیا 92 نیوز آن لائن)ڈپٹی کمشنر شمالی وزیرستان نے خر کمر واقعے کی رپورٹ خیبر پختونخوا حکومت کو ارسال کردی۔ رپورٹ میں پی ٹی ایم کے 2 ایم این ایز پر واقعے کا الزام عائد کیا گیا ہے ، رپورٹ میں کہا گیا ہے کہ دتہ خیل ، الواڑہ اور خر کمر کے علاقوں میں امن و امان کی صورتحال ابتر ہوئی۔

ڈپٹی کمشنر شمالی وزیرستان کی رپورٹ میں بتایا گیا ہے کہ 29 اپریل کو دتہ خیل میں آرمی قافلے پر حملہ کرکے تین سپاہیوں کو شہید کیا گیا۔ یکم مئی کو الواڑہ میں باڑ لگانے والی ٹیم پر حملے میں 4 سپاہی شہید ہوئے۔ 24 مئی کو سکیورٹی فورسز نے آپریشن کیا جس کے دوران 2 مشتبہ افراد کو حراست میں لیا گیا۔ 2 افراد کو حراست میں لینے کے خلاف خر کمر چیک پوسٹ تک ریلی نکالی گئی۔

25 مئی کو علاقہ بویہ میں 12 عمائدین کے ساتھ مذاکرات ہوئے اور دھرنا ختم کرنے کی شرط پر ایک مشتبہ شخص کو رہا کرنے پر آمادگی ظاہر کی گئی ۔26 مئی کوپی ٹی ایم کے ایم این اے 300 حمایتیوں کو لے کر چیک پوسٹ پر پہنچے، مظاہرین نے رکاوٹوں کو نقصان پہنچایا اور ریاست مخالف نعرے لگائے، فوج نے احتجاج کے دوران تحمل کا مظاہرہ کیا۔علی وزیر اور محسن داوڑ کے اکسانے پر کارکن دوبارہ چیک پوسٹ پر جمع ہوئے، علی وزیر نے سکیورٹی فورسز کے خلاف نازیبازبان استعمال کی اور مظاہرین کو چیک پوسٹ پر حملے کیلئے اکسایا۔

مظاہرین نے چیک پوسٹ پر پتھراﺅ کیا اور گولیاں چلائیں ، چیک پوسٹ پر مختلف اطراف سے گولیاں چلیں، سکیورٹی فورسز نے مختصر دورانیے کیلئے فائرنگ کی، مظاہرین نے سکیورٹی فورسز کی بندوقیں چھیننے کی بھی کوشش کی ، شر پسندوں کی گولیاں مظاہرین اور ایم این ایز کی گاڑیوں کو بھی لگیں جس کے نتیجے میں پاک فوج کا ایک جوان شہید اور 7 زخمی ہوئے، واقعے میں 13 افراد جاں بحق اور 25 زخمی ہوئے۔

لاہور (میڈیا 92 نیوز آن لائن) مریم نواز نے مکہ میں وزیر اعظم کیخلاف نعروں پر کہاہے کہ عدل و انصاف فقط حشر پر ہی موقوف نہیں ہے ، زندگی خود بھی گناہوں کی سزا دیتی ہے ۔

تفصیلات کے مطابق مکہ میں وزیر اعظم عمران خان کے خلاف نعروں پر ردعمل دیتے ہوئے مریم نواز نے اپنے ایک ٹوئٹ میں کہا کہ عدل و انصاف فقط حشر پر ہی موقوف نہیں ہے ، زندگی خود بھی گناہوں کی سزا دیتی ہے ۔انہوں نے کہا کہ اللہ میر توبہ ، دوسروں کو چورچور کہنے والے کوکہیں منہ چھپانے کی سزا نہیں ملے گی ، یہ نظام قدر ت ہے ۔

ان کا کہنا تھا کہ جھوٹے اور بہتا ن باز کوکیا کچھ سننا پڑ رہاہے ، ابھی تو آغاز ہے ۔ مریم نواز نے کہا کہ نواز شریف کو تو قید کرسکتے ہو ، اس کے نظریے کو نہیں ، اس کا نظریہ آئین اور قانون کی حکمرانی ہے ، عوام کی حکمرانی ہے ، ووٹ کی حکمرانی ہے اور یہ نظریہ کبھی ہار نہیں سکتا

جدہ (میڈیا 92 نیوز آن لائن) وزیراعظم عمران خان او آئی سی کے اجلاس میں شرکت کے سلسلے میں سعودی عرب میں موجود ہیں جہاں انہوں نے وفد اور اہلیہ کے ہمراہ روزہ رسول پر حاضری دی،

عمرہ اداکیا اور ریاض الجنہ میں نوافل بھی ادا کیے ، اب ان کیخلاف بھی شہری کی طرف سے کسے گئے جملوں کی ویڈیو سامنے آگئی ۔ واضح رہے کہ نوازشریف کی آمد کے موقع پر مسجد نبوی کی حدودمیں شہریوں نے ان کیخلاف نعرے بازی کی تھی ۔

سوشل میڈیا پر وائرل ہونیوالی ویڈیو میں وزیراعظم عمران خان کو اپنے وفد کے ہمرا ہ سیکیورٹی حصار میں آگے بڑھتے دیکھا جارہاہے اور ساتھ ہی ایک شخص یہ کہتا ہے کہ ”نیازی اللہ تجھے ہدایت دے ، جھوٹ بولتے ہو، اللہ تجھے ہدایت دے “۔ ویڈ یو اپ لوڈ کرنے والے صارف نے لکھا کہ اپنے وزیر اعظم کی گھر سے باہر عزت کرنی چاہئے کیونکے وہ آپ کے ملک کی نمایندگی کر رہا ہوتا ہے ، لیکن خان صاحب عقل والی بات سے مبرا ہیں
جو بویا تھا آج وہی کاٹ رہے ہی ، ویڈیو دیکھئے

اپنے وزیر اعظم کی گھر سے باہر عزت کرنی چاہئے کیونکے وہ آپ کے ملک کی نمایندگی کر رہا ہوتا ہے
لیکن خان صاحب عقل والی بات سے مبرا ہیں
جو بویا تھا آج وہی کاٹ رہے ہیں #SelectedPM#imranhataomulkbachao pic.twitter.com/8ZWhUmHek1

— Syed Hamid Falki (@shahfalki) May 31, 2019

لاڑکانہ(مانیٹرنگ ڈیسک) حالیہ ہفتوں میں لاڑکانہ اور سندھ کے دیگر شہروں میں ایڈز کے سینکڑوں مریض موجود ہونے کا انکشاف ہوا ہے جس پر پورے ملک میں پریشانی کی لہر دوڑ گئی۔ انہی میں ایک شکار پور کی 32سالہ شادی شدہ خاتون بھی تھی جسے اس کے شوہر نے موت کے گھاٹ اتار کر لاش درخت کے ساتھ لٹکا دی۔ ٹیلیگراف کے مطابق جب اس خاتون میں ایڈز کی تشخیص ہوئی تو اس کے شوہر نے اس پر بے وفائی کرنے اور کسی اور شخص کے ساتھ جنسی تعلق استوار کرنے کا الزام لگا دیا۔

رپورٹ کے مطابق ملزم نے بیوی کو پھندہ دے کر قتل کیا اور پھر اپنے گھر کے باہر موجود ایک درخت کے ساتھ اس کی لاش لٹکا دی۔ شکار پور کے ایک پولیس آفیسر روشن علی کا کہنا تھا کہ ”ملزم نے اس قتل کو خودکشی کا رنگ دینے کی کوشش کی تاہم اسے گرفتار کر لیا گیا ہے۔“ شکار پور پولیس کے ضلعی سربراہ ساجد سدوزئی کا کہنا تھا کہ ”قتل کے اس واقعے کی تحقیقات کی جا رہی ہیں اور ملزم کے خلاف بیوی کو قتل کرنے کے الزام کے تحت مقدمہ درج کر لیا گیا ہے۔“

بیجنگ (میڈیا 92 نیوز آن لائن) چین اور امریکہ کے مابین جاری تجارتی جنگ کے دوران چین نے کمیاب معدنیات کی امریکہ کو فراہمی روکنے پر غور شروع کردیا ہے۔ اگر ان معدنیات کی فراہمی روکی جاتی ہے تو اس سے امریکہ کی کھربوں ڈالر کی کئی صنعتیں تباہ ہوجائیں گی۔

بی بی سی نے اپنی ایک تحقیقاتی رپورٹ میں بتایا ہے کہ چین دنیا میں سب سے زیادہ یعنی 90 فیصد کمیاب معدنیات (ریئر ارتھ) کا حامل ملک ہے ۔ چونکہ سب سے زیادہ یہ معدنیات چین سے نکل رہی ہیں تو اس لیے چین ہی ان کا سب سے بڑا برآمد کنندہ بھی ہے، یہی وجہ ہے کہ امریکہ اپنی ضرورت کی 70فیصد ریئر ارتھ چین سے خرید رہا ہے۔

ریئر ارتھ 17 مختلف معدنیات کا ایک گروپ ہے جو مختلف صنعتی شعبوں میں استعمال ہوتی ہیں جن میں دوبارہ قابل استعمال ہونے والی ٹیکنالوجی، آئل ریفائنری، الیکٹرانکس اور شیشے کی صنعت شامل ہیں۔یہ معدنیات بجلی سے چلنے والی کاروں، موبائل فون جیسی مصنوعات کی تیاری میں انتہائی اہمیت رکھتی ہیں۔

چین کے سرکاری اخبار گلوبل ٹائمز نے کہا ہے کہ چین کمیاب معدنیات کی امریکہ برآمد کو روکنے پر سنجیدگی سے غور کر رہا ہے۔ امریکہ دوسرے ممالک سے بھی یہ معدنیات خریدرہا ہے لیکن اس کا زیادہ تر انحصار چین کی ریئر ارتھ پر ہی ہے۔ اگر چین کی جانب سے حالیہ تجارتی تنازعے کے دوران امریکہ کو ریئر ارتھ کی فراہمی روکی جاتی ہے تو اس کی کھربوں ڈالر کی صنعتیں تباہی کے دہانے پر پہنچ جائیں گی۔

اسلام آباد (میڈیا 92 نیوز آن لائن) تجزیہ کار حفیظ اللہ نیازی نے کہا ہے کہ عمران خان کی ساری زندگی کرپٹ لوگوں میں گزری ہے۔

جیونیوز کے پروگرام ”رپورٹ کارڈ“میں گفتگوکرتے ہوئے حفیظ اللہ نیازی نے کہا کہ بھڑکیں مارنے میں کوئی حرج نہیں ہے ، عمران خان کی ساری زندگی مبالغے میں گزری ہے ،

عمران خان کی چالیس پچاس سالہ زندگی میں جو لوگ ان کے قریب رہے ہیں ، ان میں سے کونسا بندہ ہے جو نیٹ اینڈ کلین ہے ، عمران خان کی ساری زندگی کرپٹ لوگوں میں گزری ہے ۔ آج بھی اس کے آس پاس جہانگیر ترین بدترین جیسے لوگ ہیں

بھوپال (میڈیا 92 نیوز آن لائن) بھارتی ریاست مدھیہ پردیش کے صوبائی دارالحکومت بھوپال میں ایک نوجوان لڑکیوں کو نہاتا ہوا دیکھنے کا منصوبہ بنا کر رات گئے باتھ روم میں چھپ گیا لیکن اسے ابھی تھوڑی ہی دیر گزری تھی کہ ایک لڑکی کی اس پر نظر پڑ گئی جس کے شور مچانے پر ہاسٹل کی دوسری لڑکیاں بھی آگئیں اور انہوں نے نوجوان کو پکڑ کر اس کی خوب درگت بنائی اور اسے پولیس کے حوالے کردیا۔

پولیس کے مطابق بھوپال کی ایک مارکیٹ میںیہ واقعہ پیش آیا ہے۔ گراﺅنڈ فلور پر ایک دکان ہے جبکہ دوسری منزل پر لڑکیوں کا ہاسٹل بنا ہوا ہے۔ دکان پر کام کرنے والا 20 سالہ امن کمار منڈل نامی نوجوان گزشتہ شب سیوریج کے پائپ کے ذریعے 30 فٹ بلندی پر واقع گرلز ہاسٹل کے غسل خانوں میں پہنچ گیا اور چھپ کر بیٹھ گیا۔

نوجوان رات کو ڈیڑھ بجے ہی باتھ روم میں چھپا تھا تاکہ صبح آنے والی لڑکیوں کو نہاتے ہوئے دیکھ سکے ۔ لڑکا جیسے ہی باتھ روم میں پہنچا تو اسی وقت ایک لڑکی نہانے کیلئے آگئی جس کی نظر اس پر پڑ گئی۔

لڑکی نے شور مچادیا جس پر ہاسٹل کی دوسری لڑکیاں اور وارڈن آگئیں، اس دوران ملزم نے اسی پائپ کے ذریعے بھاگنے کی کوشش کی جس کے ذریعے وہ ہاسٹل میں آیا تھا لیکن لڑکیوں نے اسے پکڑ لیا اور خوب درگت بنانے کے بعد پولیس کے حوالے کردیا۔

پولیس نے لڑکے کے خلاف مقدمہ درج کرکے اس سے تفتیش شروع کردی ہے جبکہ اس کے موبائل فون کا بھی جائزہ لیا جارہا ہے تاکہ یہ پتا لگایا جاسکے کہ اس نے کسی لڑکی کی غیر اخلاقی ویڈیو تو نہیں بنائی۔

جے پور (میڈیا 92 نیوز آن لائن) بھارتی ریاست راجستھان میں ایک لڑکی نے نشیلی چائے پلا کر نوجوان کے ساتھ جسمانی تعلق قائم کیا اور پھر اس کے خلاف زیادتی کا مقدمہ درج کرادیا۔ مستقبل خراب ہونے ، بدنامی اور سزا کے خوف سے نوجوان نے لڑکی کے گھر کے باہر زہر کھالیا۔

راجستھان کے شہر سیکر میں ایک لڑکی کی جانب سے عصمت دری کا مقدمہ درج کرانے پر نوجوان لڑکے نے زہر کھا کر خود کشی کرنے کی کوشش کی ۔ نوجوان اپنے گھر سے زہر کھا کر لڑکی کے گھر پہنچا اور قریب ہی بیہوش ہو کر گر پڑا جس پر راہگیروں نے اسے ہسپتال پہنچایا ، ڈاکٹرز نے نوجوان کا معدہ واش کرکے اس کی جان بچالی ہے۔

بھارتی میڈیا کے مطابق پرکاش نامی نوجوان انجینئرنگ کا طالبعلم ہے جو سیکر کے علاقے رادھا کشن پورا میں کرائے کے مکان میں رہتا تھا۔ کچھ سال پہلے اس کی کوچنگ کلاسز کے دوران ایک لڑکی سے دوستی ہوئی اور دونوں کا فون پر رابطہ قائم ہوگیا ، کچھ عرصہ بعد ہی نوجوان کا پنجاب کے شہر جالندھر میں انجینئرنگ کالج میں داخلہ ہوگیا ، لیکن لڑکی بھی اس کے پیچھے پہنچ گئی۔

جالندھر میں لڑکی نے نوجوان کو نشیلی چائے پلا کر اس کے ساتھ جسمانی تعلق قائم کیا اور بعد ازاں اس پرشادی کیلئے دباﺅ ڈالنے لگی۔ لڑکی نے اپنے اہلخانہ کے ساتھ مل کر نوجوان کو بلیک میل کرنے کی کوشش کی اور اس سے 20 لاکھ روپے مانگے، نوجوان نے انکار کیا تو لڑکی نے اس کے خلاف عصمت دری کا مقدمہ درج کرادیا۔ لڑکی نے اپنی درخواست میں الزام عائد کیا ہے کہ پرکاش نے شادی کا جھانسہ دے کر اس کی 4 سال تک عصمت دری کی ہے۔

دوسری جانب خود کشی کی کوشش کرنے والے نوجوان پرکاش کا کہنا ہے کہ اس نے مستقبل خراب ہونے کے ڈر سے پہلے سوسائڈ نوٹ لکھا جس کے بعد اس نے بازار سے جراثیم کش دوا خرید کر پی لی اور لڑکی کے گھر پہنچ گیا ، گھر کے نزدیک پہنچنے پر وہ بیہوش ہوگیا اور اس کی آنکھ ہسپتال میں کھلی۔ پولیس نے معاملے کی تحقیقات کا آغاز کردیا ہے۔

مکہ (میڈیا 92 نیوز آن لائن ) سعودی عرب کے فرماں روا شاہ سلمان نے کہا ہے کہ شام، یمن اور بحرین میں ایران دہشت گردوں کو معالی معاونت کے ساتھ اسلحہ بھی فراہم کر رہا ہے اور ایران کا سامنا کرنے کے لیے عالمی برادری سعودی عرب کی مدد کرے۔

بین الاقوامی خبر رساں ادارے کے مطابق سعودی فرماں روا کی دعوت پر خلیجی ممالک کے سربراہان اور عرب لیگ کا اہم اجلاس آج اختتام پذیر ہوگیا۔ اجلاس میں عرب رہنماؤں نے خطے میں امن کو نقصان پہنچانے اور تیل بردار بحری جہازوں کو نشانہ بنانے پر ایران کی سخت مذمت کرتے ہوئے عالمی برادری سے ایران کے خلاف سخت اقدامات اٹھانے کا مطالبہ کردیا۔

اجلاس کے اعلامیے میں کہا گیا ہے کہ عرب رہنماؤں نے متفقہ طور پر ایران کے شام اور بحرین میں منفی کردار کی سخت الفاظ میں مذمت کی جب کہ ایران کے بیلسٹک میزائل کے تجربات پر تشویش کا اظہار بھی کیا گیا اور متحدہ عرب امارات کے تین جزیروں پر ناجائز طور پر قابض ہونے پر ایران کو باز رہنے کی تنبیہ کی گئی۔

سعودی فرماں روا شاہ سلمان نے اجلاس سے خطاب کرتے ہوئے کہا کہ سعودی عرب قیام امن کی ہرکوشش جاری رکھے گا لیکن اس کے لیے عالمی برادری کا تعاون بھی درکار ہوگا، ایران کو خلیج فارس میں کھلی جارحیت سے روکنا ہوگا اور یمن میں باغی دہشت گردوں کو اسلحہ و مالی معاونت کا سلسلہ بند کرانا ہوگا اور یہ سب عالمی برادری کے تعاون کے بغیر ممکن نہیں۔

اسلام آباد (میڈیا 92 نیوز آن لائن ) حکومت کے اتحادی جماعت کے سربراہ سردار اختر مینگل نے دیگر اپوزیشن رہنماوں کے ساتھ میڈیا سے گفتگو کرتے ہوئے کہا کہ تبدیلی حکومت نے پیپلز پارٹی ورکرز اور کواتین کو گرفتار کرنے اور کارکنوں پر تشدد گرفتاریوں کی بھر پور مزامت کرتے ہیں

کہنے کو تو یہ جمہوری حکومت ہے لیکن اس سے جمہوریت نہیں بلکے آمریت کی بو آ رہی ہے ، سرداراختر مینگل نے اپنی اتحادی حکومت کو شدید تنقید کا نشانہ بنایا اور ججز کے خلاف ریفرنس کی مذمت کی ،

سردار اختر مینگل نے اپوزیشن کی جانب سے جمع کروائی گئی قرارداد کی حمایت بھی کی اور دستخط بھی کیے