Archives November 2020

الیکٹرانک میڈیا رپورٹرز ایسوسی ایشن (ایمرا)کے صدرمحمدآصف بٹ،سینئر نائب صدر جواد ملک، نائب صدرعرفان ملک، ایمراسیکرٹری سلیم شیخ،ایڈیشنل سیکرٹری نعمان شیخ،سینئرجوائنٹ سیکرٹری کنورعزیر،جوائنٹ سیکرٹری عبدالقادرخواجہ،آفس سیکرٹری افضل سیال، انفارمیشن سیکرٹری شفیق شریف اورایمراباڈی کاسٹی نیوزنیٹ ورک کےچینل 24نیوزکی بحالی پر”سی-ای-او- محسن نقوی” صاحب اوران کی تمام ٹیم کومبارک بادپیش کرتے ہیں۔

ایمراصدرمحمد آصف بٹ کااپنے مبارکبادپیغام میں کہناہےکہ چینل 24 نیوز کی بحالی صحافتی برادری کے لئے انتہائی خوش آئند اور خوشی کا باعث ہے۔ چینل 24 نیوز کی حکومتی بندش سے ورکرزاور انتظامیہ جن مشکلات کا شکار رہی ہے۔اس مشکل وقت میں ورکرز کو معاشی اور اخلاقی طور پر سپورٹ فراہم کرنےپرسی ای او محسن نقوی صاحب کے مشکور ہیں جنہوں اس مشکل وقت میں اپنے صحافتی ورکرز کوہرطرح سے سپورٹ کیاہے۔ چینل 24نیوز کی بحالی حق اور سچ کی فتح ہے۔ چینل 24نیوز نےہمیشہ پائیدار،مثبت اورغیرجانبدارانہ نشریات نشر کی ہیں۔چینل 24نیوزنےہمیشہ آزادی صحافت کا بول بالاکیا ہے۔ ہم امیدکرتے ہیں چینل 24 نیوز آئندہ بھی مثبت، غیرجانبداراوربے لاگ نشریات کا سلسلہ جاری رکھے گا۔ چینل 24نیوز کسی بھی طرح، سیاسی، معاشرتی اور معاشی دباو کوبروئے کار نہ لاتے ہوئے ملکی وقومی مفاد کی خاطراپنی نشریات جاری رکھے گا۔

لاہور: الیکٹرانک میڈیا رپورٹرز ایسوسی ایشن(ایمرا) کے صدر محمد آصف بٹ اورایمرا سیکرٹری سلیم شیخ وایمراباڈی نے دنیانیوزاورلاہورنیوزکے سینئر سٹی رپورٹرشیخ زین العابدین کے والد محترم سینئرصحافی شیخ طارق جاویدکے انتقال پر گہرے دکھ اورافسوس کا اظہار کیا۔

صدرایمرامحمد آصف بٹ وایمرا باڈی کاسوگوارخاندان سے دلی ہمدردی اور اظہار تعزیت کیا ۔ صدر ایمرا آصف بٹ کا کہنا ہے کہ مرحوم شیخ طارق جاوید رائے ونڈ پریس کلب کے سرپرست اعلیٰ تھے۔ ان کی صحافتی اورپیشہ ورانہ خدمات کو ہمیشہ قدرکی نگاہ سے دیکھاجائے گا۔مرحوم شیخ طارق جاوید کی وفات پیدا ہونے والا خلاءمدتوں پر نہیں ہوسکے گا۔

سیکرٹری ایمرا سلیم شیخ نے کہا کہ اللہ تعالیٰ صحافی شیخ زین العابدین کے والدکواپنے جواررحمت میں جگہ عطافرمائے اورانکے اہل خانہ کو غم کی اس گھڑی میں صبرجمیل اور استقامت عطا فرمائے۔ سینئرصحافی مرحوم شیخ طارق جاوید کی صحافت اور صحافتی برادری کے لئے خدمات کو ہمیشہ یاد رکھاجائےگا۔

ایمرا اراکین کا کہنا ہے کہ مشکل کی اس گھڑی میں ہم صحافی شیخ زین العابدین کے غم میں برابرکے شریک ہیں۔دعا ہے کہ اللہ تعالیٰ مرحوم کی مغفرت فرمائے اورجنت الفردوس میں اعلیٰ مقام عطا فرمائے اور سوگوار خاندان کو صبر جمیل عطا فرمائے۔آمین

مریم نواز نے کہا ہے کہ سٹیڈیم کے اندر ہو یا سڑک پر ضرور ہوگا، حکومت کورونا نہیں اپوزیشن سے ڈر رہی ہے، ناکوں اور رکاوٹوں سے ان کا خوف عیاں ہے۔

پاکستان مسلم لیگ نون کی رہنما مریم نواز نے ملتان روانگی سے قبل میڈیا سے گفتگو کرتے ہوئے کہا یہ جلسہ ہونے سے پہلے ہی کامیاب ہوچکا، حکومتی وزرا کی جانب سے جلسے ہو رہے ہیں، کیا جماعت اسلامی کے جلسے میں کورونا نہیں پھیلا ؟ مریم نواز جیل کاٹ چکی، دوبارہ گرفتاری سے ڈر نہیں، کسی کو شک نہیں یہ حکومت جانیوالی ہے۔

مریم نواز کا کہنا تھا رکاوٹیں دیکھ لیں، یہ سب حکومتی خوف کی علامات ہیں، جلسہ سٹیڈیم کے اندر ہو یا باہر ضرور ہوگا، گھروں پر مشکلات آتی ہیں تو بیٹیاں باہر نکلتی ہیں، ملتان میں (ن) لیگ سے پہلے پولیس کا جلسہ ہو رہا ہے، پولیس والے بھی عوام سے تنگ ہیں، حکومت کورونا سے نہیں، اپوزیشن سے ڈر رہی ہے، عمران خان اپنی نوکری بچانے کیلئے کچھ بھی کرسکتے ہیں۔

لاہور ہائی کورٹ ملتان بنچ نے پیپلزپارٹی کے رہنما یوسف گیلانی کے صاحبزادے علی قاسم گیلانی کی ضمانت منظور کر لی، ان کے خلاف مقدمہ بھی خارج کر دیا گیا ہے.

علی قاسم گیلانی کے بھائی علی حیدر کا کہنا ہے کہ ملتان جلسے کو روکنے کیلئے حراست میں لئے گئے علی قاسم گیلانی کی روبکار ڈسٹرکٹ جیل پہنچا دی گئی ہے۔ ان کے خلاف 16 ایم پی او کے تحت درج کیا جانے والا مقدمہ بھی ختم کردیا گیا ہے۔

28 نومبر کی رات ملتان میں قاسم باغ کے گرد حالات اس وقت کشیدہ ہوگئے تھے جب پی ڈی ایم کے کارکنوں نے جلسہ گاہ کے راستوں کو کھولنے کی کوشش کی تھی جس پر پولیس بھی حرکت میں آئی۔ جیالوں اور متوالوں کی پولیس کے ساتھ جھڑپوں میں کئی پکڑے گئے۔ پولیس نے یوسف رضا گیلانی کے صاحبزادے علی قاسم گیلانی کو تھانہ گلگشت منتقل کیا جس کے بعد ڈپٹی کمشنر نے 30 روز کیلئے نظر بندی کے احکامات جاری کر دیئے تھے۔۔ ان پر شر پسندی، نقص امن اور کورونا ایس او پیز کے خلاف ورزی سمیت دفعات کے تحت مقدمہ درج کیا گیا تھا۔

پاکستان ڈیمو کریٹک موومنٹ کی جانب سے ملتان میں عوامی طاقت کا مظاہرہ، کارکنوں نے گھنٹہ گھر کے اطراف رکھی گئی تمام رکاوٹیں ہٹا دیں۔ کارکنوں نے قاسم باغ سٹیڈیم کی طرف بڑھنا شروع کر دیا۔ شہر میں موبائل فون اور انٹرنیٹ سروس جزوی طور پر معطل کر دی گئی جبکہ میٹرو بس بھی بند ہے۔

پیپلزپارٹی چیئرمین بلاول بھٹو زرداری کی ہمشیرہ آصفہ بھٹو زرداری کراچی سے ملتان پہنچ گئیں۔ صوبائی وزیر تعلیم و محنت سعیدغنی، وزیر اطلاعات سندھ ناصرشاہ، ایم این اے شگفتہ جمانی بھی آصفہ بھٹو زرداری کے ہمراہ تھے۔ آصفہ بھٹو زرداری چارٹرڈ طیارے کے ذریعے ملتان پہنچیں۔ آصفہ بھٹو پیپلزپارٹی جلسے میں بلاول بھٹو کی نمائندگی کریں گی، وہ جلسے میں پی ڈی ایم قیادت کا استقبال کرینگی۔

دوسری جانب لیگی رہنما مریم نواز پی ڈی ایم جلسے میں شرکت کے لئے ملتان پہنچ گئیں۔ لاہور میں میڈیا سے گفتگو کرتے ہوئے ان کا کہنا تھا کہ سٹیڈیم کے اندر ہو یا سڑک پر ضرور ہوگا، حکومت کورونا نہیں اپوزیشن سے ڈر رہی ہے، ناکوں اور رکاوٹوں سے ان کا خوف عیاں ہے۔

مریم نواز نے کہا یہ جلسہ ہونے سے پہلے ہی کامیاب ہوچکا، حکومتی وزرا کی جانب سے جلسے ہو رہے ہیں، کیا جماعت اسلامی کے جلسے میں کورونا نہیں پھیلا ؟ مریم نواز جیل کاٹ چکی، دوبارہ گرفتاری سے ڈر نہیں، کسی کو شک نہیں یہ حکومت جانیوالی ہے۔

لیگی رہنما نے مزید کہا رکاوٹیں دیکھ لیں، یہ سب حکومتی خوف کی علامات ہیں، گھروں پر مشکلات آتی ہیں تو بیٹیاں باہر نکلتی ہیں، ملتان میں (ن) لیگ سے پہلے پولیس کا جلسہ ہو رہا ہے، پولیس والے بھی عوام سے تنگ ہیں، عمران خان اپنی نوکری بچانے کیلئے کچھ بھی کرسکتے ہیں۔

ادھر انتظامیہ نے بھی کمر کس لی، جگہ جگہ رکاوٹیں کھڑی کی جا رہی ہیں، کنٹینر لگا کر راستے بلاک کر دئیے گئے۔ ملتان میں پی ڈی ایم کا جلسہ روکنے کیلئے پولیس کی جانب سے کئی شہروں میں پکڑ دھکڑ کی گئی۔ پولیس نے ملتان گھنٹہ گھر چوک میں نواز لیگ کی ریلی نکالنے کی کوشش ناکام بنا دی، گھنٹہ گھر کو چاروں طرف سے سیل کر دیا گیا۔

فیصل آباد میں ورکرز کنونشن روکنے کیلئے سابق ایم این اے میاں عبدالمنان کے گھر پولیس نے چھاپہ مارا، ایم این اے عائشہ رجب اور رہنما این اے 109 مزمل سرور ڈوگر کے گھر پر بھی ریڈ کیا گیا۔ سٹی صدر شیخ اعجاز کے بیٹے کو پولیس نے گرفتار کر لیا۔

بلاول بھٹو نے کہا ہے کہ پیپلز پارٹی نے 5 دہائیوں سے آمروں کے خلاف جنگ لڑی، کارروائیوں نے ثابت کر دیا سلیکٹڈ حکومت آمریت کا جیتا جاگتا نمونہ ہے۔
چیئرمین بلاول بھٹو زرداری نے پاکستان پیپلز پارٹی کے 53 ویں یوم تاسیس پر اپنے پیغام میں کہا کہ پارٹی قیادت خواہ کارکنان نے آمروں اور ان کی باقیات کے مظالم کا مقابلہ کیا، قیادت و کارکنان نے ہتھکنڈوں، تشدد، قید و بند اور شہادتوں کا جرات سے سامنا کیا، پیپلز پارٹی ملک میں جمہوریت کے لئے جدوجہد کی معمار ہے۔
بلاول بھٹو زرداری کا کہنا تھا پیپلز پارٹی جمہوریت، انسانی حقوق اور مساوات کی بھی علمبردار ہے، پی پی پی عوام کی مرضی کے آئین و پارلیمان کی بالادستی کے لئے کردار ادا کر رہی ہے، شہید بھٹو اور شہید محترمہ بینظیر بھٹو کے مشن کو آگے بڑھانے کا ذمہ دار ہوں۔

پاکستان ڈیمو کریٹک موومنٹ آج ملتان میں سیاسی قوت کا مظاہرہ کرے گی۔

ملتان میں پی ڈی ایم کی جانب سے قافلوں کی آمد کا شیڈول طے پاگیا۔ آصفہ بھٹو صبح 11 بجے گیلانی ہاؤس سے ریلی کی صورت میں قاسم باغ روانہ ہونگی۔ مولانا فضل الرحمان بھی جامعہ قاسم العلوم سے 11 بجے روانہ ہونگے۔ مریم نواز ملتان 9 نمبر چونگی پر 11 بجے پہنچیں گی۔

ادھر انتظامیہ نے بھی کمر کس لی، جگہ جگہ رکاوٹیں کھڑی کی جا رہی ہیں، کنٹینر لگا کر راستے بلاک کر دئیے گئے۔ ملتان میں پی ڈی ایم کا جلسہ روکنے کیلئے پولیس کی جانب سے کئی شہروں میں پکڑ دھکڑ کی گئی۔ پولیس نے ملتان گھنٹہ گھر چوک میں نواز لیگ کی ریلی نکالنے کی کوشش ناکام بنا دی، گھنٹہ گھر کو چاروں طرف سے سیل کر دیا گیا۔

فیصل آباد میں ورکرز کنونشن روکنے کیلئے سابق ایم این اے میاں عبدالمنان کے گھر پولیس نے چھاپہ مارا، ایم این اے عائشہ رجب اور رہنما این اے 109 مزمل سرور ڈوگر کے گھر پر بھی ریڈ کیا گیا۔ سٹی صدر شیخ اعجاز کے بیٹے کو پولیس نے گرفتار کر لیا۔

پاکستان تحریک انصاف (پی ٹی آئی) کے رکن اسمبلی خالد خورشید کو نیا وزیراعلیٰ گلگت بلتستان منتخب کر لیا گیا ہے۔

وزیراعلیٰ گلگت بلتستان کیلئے اپوزیشن کی طرف سے پیپلز پارٹی کے رکن اسمبلی امجد ایڈوکیٹ امیدوار تھے۔ وزیراعلیٰ خالد خورشید کو 22 اراکین کی جبکہ اپوزیشن کے امجد ایڈوکیٹ کو 9 اراکین کی حمایت حاصل ہوئی۔

خیال رہے کہ اس سے قبل 26 نومبر کو سید امجد علی زیدی گلگت بلتستان اسمبلی کے سپیکر جبکہ پی ٹی آئی کے نذیر احمد ڈپٹی سپیکر منتخب ہو گئے تھے۔ سپیکر امجد علی نے 18 ووٹ حاصل کئے جبکہ ان کے حریف غلام محمد نے آٹھ ووٹ حاصل کئے۔

ڈپٹی سپیکر نذیر احمد نے بائیس ووٹ حاصل کیے جبکہ اپوزیشن کے نامزد امیدوار کو نو ووٹ ملے۔ بعد ازاں سبکدوش ہونے والے سپیکر فدا محمد ناشاد نے نئے منتخب سپیکر سے حلف لیا۔

قومی اسمبلی کے سپیکر اسد قیصر اور ڈپٹی سپیکر قاسم سوری نے گلگت بلتستان اسمبلی کا سپیکر منتخب ہونے پر امجد علی زیدی کو مبارکباد دی۔

رواں سال کا آخری چاند گرہن کا نظارہ پاکستان میں نہیں ہوسکے گا۔محکمہ موسمیات کے مطابق سال کا چوتھا اور آخری چاند گرہن کا نظارہ یورپ ، ایشیا، آسٹریلیا، شمال امریکا اور جنوبی امریکا کے کئی ممالک میں ہوگا۔چاند گرہن کا آغاز آج پاکستانی وقت کے مطابق رات 12 بج کر 32 منٹ پر ہوگا، جب کہ رات 4 بج کر 53 منٹ پر چاند سے گرہن ہٹ جائے گا۔ چاند گرہن کا دورانیہ 4 گھنٹے اور 21 منٹ ہوگا۔شب 2 بج کر 42 منٹ پر گرہن اپنے عروج پر ہوگا۔ محکمہ موسمیات کے مطابق چاند گرہن کا نظارہ یورپ ، ایشیا، آسٹریلیا، شمال امریکا اور جنوبی امریکا کے کئی ممالک میں ہوگا۔دوسری جانب سال 2020 کا آخری سورج گرہن 14 دسمبر کو ہوگا۔

لاہور: الیکٹرانک میڈیا رپورٹرزایسوسی ایشن ایمراکی ممبر شپ کے لئے تین سالہ تجربہ لازمی قرار۔ ممبر شپ صرف نیوز چینلز کے رپورٹرز، کاپی ایڈیٹرز، اسائمنٹ ایڈیٹرز اور نیوز پروڈیوسرز کو دی جائے گی۔ممبر شپ حاصل کرنے کے لئے فارم فل کرکے ایمرا سنٹر میں ہارڈ کاپی جمع کروائیں۔ ممبر شپ مکمل جانچ پڑتال اورادارہ سے تصدیق کے بعد دی جائے گی۔