Archives November 2020

وزیراعظم عمران خان کے زیر صدارت آئی ایس آئی ہیڈ کوارٹرز میں اعلیٰ سطح اجلاس ہوا جس میں مسلح افواج کے سربراہان شریک ہوئے۔ اجلاس میں علاقائی اور ملکی صورتحال پر بریفنگ دی گئی۔
وزیراعظم نے آرمی چیف جنرل قمر جاوید باجوہ اور چیئرمین جوائنٹس چیفس آف اسٹاف کمیٹی جنرل ندیم رضا کے ہمراہ آئی ایس آئی ہیڈ کوارٹرز کا دورہ کیا۔ لیفٹیننٹ جنرل فیض حمید نے معزز مہمانوں کا استقبال کیا۔
اس موقع پر وزیر خارجہ شاہ محمود قریشی، وزیر منصوبہ بندی اسد عمر، چیف آف ائیر سٹاف ائیر چیف مارشل مجاہد انور خان، چیف آف نیول سٹاف ایڈمرل محمد امجد خان نیازی بھی ہمراہ تھے۔ چیف آف جنرل سٹاف لیفٹیننٹ جنرل ساحر شمشاد مرزا بھی اس موقع پر موجود تھے۔
بعد ازاں وزیراعظم عمران خان کے زیر صدارت آئی ایس آئی ہیڈ کوارٹرز میں اعلیٰ سطح اجلاس ہوا۔ ڈی جی آئی ایس آئی نے اعلیٰ قومی اور عسکری قیادت کو علاقائی اور ملکی صورتحال پر تفصیلی بریفنگ دی۔

بین الاقوامی جریدے دی اکانومسٹ نے بھارتی چہرہ سے جمہوریت کا مصنوعی نقاب نوچ ڈالا۔ رپورٹ میں لکھا ہے کہ مودی ہندوستان کو ایک جماعتی ریاست بنانے پر تلا ہے۔

دی اکانومسٹ میگزین نے اپنی ایک رپورٹ میں انکشاف کیا ہے کہ مودی سرکار ہندوستان کو غیر جمہوری بنانے پر تلی ہے۔ وزرا کی اداروں کے اختیارات میں مداخلت عام ہے جس کی تازہ مثال متنازع صحافی ارناب گوسوامی کی ضمانت کا معاملہ ہے۔

بھارتی فوج کو بھی سیاست میں گھسیٹا گیا۔ سی ڈی ایس کے عہدے پر جنرل بپن راوت کی تعیناتی سیاسی امور میں مداخلت کا ثبوت ہے۔ الیکشن سے پہلے بھی مودی نے فوج کا سہارا لیا۔

لداخ میں چین کے ساتھ تنازع کا بھرپور پراپیگنڈا کیا۔ الیکشن کمیشن کی غیر جانبداری کو متنازعہ بنا کر فرض شناس افسران اور اُن کے خاندان کو نشانہ بنایا گیا۔

میگزین کا کہنا ہے کہ بھارتی عدالتیں مودی کی کٹھ پتلی بن چکی ہیں۔ ہزاروں مقدمات زیر التوا اور بے گناہ لوگ کئی سالوں سے انصاف کے منتظر ہیں۔ گزشتہ سال اگست میں مودی نے کشمیر پر غاصبانہ حکمرانی مسلط کی۔

اس دوران ہزاروں بے گناہ کشمیریوں کو حراست میں لیا گیا لیکن عدلیہ خاموش رہی۔ یو پی پی اے میں ترمیم سے مسلمانوں کو دہشت گردی کے الزام میں بھی نشانہ بنایا جا رہا ہے جبکہ آزادی اظہار پر بھی غاصبانہ قانون بنائے گئے۔

نیشنل کمانڈ اینڈ آپریشن سینٹر (این سی او سی) کی جانب سے جاری اعدادوشمار میں بتایا گیا ہے کہ کورونا وائرس کی وبا کا 70 فیصد پھیلاؤ ملک کے پانچ بڑے شہروں سے ہو رہا ہے جن میں راولپنڈی، اسلام آباد، کراچی، حیدر آباد اور پشاور شامل ہیں۔

سرکاری میڈٰیا کے مطابق نیشنل کمانڈ اینڈ آپریشن سینٹر کو آج بتایا گیا کہ اس ہفتے شرح اموات چھیالیس رہی اور ہسپتالوں میں اوسطاً دوسو سینتیس مریض داخل کئے گئے۔ این سی او سی کو بتایا گیا کہ ضرورت کے مطابق طبی سازوسامان دستیاب ہے اورباقاعدہ ترسیل کا انتظام بھی موجود ہے۔ فورمز نے مرض کے پھیلاؤ پر قابو پانے کے لئے احتیاطی تدابیر کے سختی سے نفاذ کی ہدایت کی۔

ساہیوال میں گزشتہ روز آٹھ سالہ بچی کے قتل کا ڈراپ سین ہو گیا۔ والد ،چچا،پھوپھی اور پھوپھا کمسن بچی کے قاتل نکلے۔ ملزمان نے مخالفین کو مقدمے میں پھنسانے کیلئےمعصوم کی جان لی۔

تفصیل کے مطابق ساہیوال گزشتہ روز اغوا کے بعد قتل ہونے والی دوسری کلاس کی کمسن طالبہ رخسانہ کے قتل کا ڈراپ سین ہو گیا ہے۔ مقتولہ رخسانہ کو اس کے باپ، چچا، پھوپھی اور پھوپھا نے گھر میں قتل کر کے لاش بوری میں ڈال کر گھر کے باہر پھینکی۔

پولیس ذرائع کے مطابق بچی کو چھوٹی کلہاڑی کے ساتھ رات کو گھر میں بے دردی سے قتل کیا گیا۔ پولیس نے گھر سے بچی کے جوتے، خون اور آلہ قتل برآمد کر لیا ہے۔

پولیس کا کہنا ہے کہ والد اور رشتہ داروں نے مقدمہ بازی کی رنجش پر اپنی ہی بیٹی کو قتل کیا۔ پولیس ہڑپہ نے مقتولہ کے والد اور پھوپھی کو حراست میں لے کر تفتیش کا دائرہ کار تمام رشتہ داروں تک بڑھا دیا ہے۔

وزیراعظم عمران خان نے کہا ہے کہ کورونا کے دوران غیر جمہوری سیاسی قیادت سے مقابلہ ہے۔ جب سمارٹ لاک ڈاؤن کی ضرورت ہے، اپوزیشن جلسے کرنا چاہتی ہے۔ مخالفین کو شہریوں کی زندگی کی فکر نہیں، ان کا واحد مقصد لوٹ مار کی دولت کو بچانا ہے، این آر او حاصل کرنے کیلئے کسی بھی حد تک جا سکتے ہیں۔

وزیراعظم عمران خان نے اپنے ٹویٹر پیغام میں کہا کہ سیاسی قیادت عوام کی بہتری کے لئے کسی بھی اچھے کام کا حصہ نہیں بنی۔ وزیراعظم نے کہا کہ ان “قائدین” کو عوام کے ساتھ کوئی ہمدردی نہیں، انہوں نے قومی دولت لوٹ کر انہیں مزید غریب بنایا۔ اپوزیشن کے نام نہاد “لیڈرز” بڑے محلوں میں شاہانہ زندگی بسر کررہے ہیں۔

وزیراعظم نے کہا کہ اپوزیشن رہنماوں کو یہ منصب بھی خاندان سے وراثت میں ملا ہے۔ اب ان کا واحد مقصد اپنے خاندانوں کی لوٹی ہوئی دولت کو بچانا ہے۔ جب ہم نے غریب لوگوں کے روزگار اور معیشت کو تباہی سے بچانے کے لئے سمارٹ لاک ڈاؤن کیا تو ان “لیڈرز” نے مکمل لاک ڈاؤن کا مطالبہ کیا۔ کورونا کی نئی لہر میں دوبارہ سمارٹ لاک ڈاؤن کی ضرورت ہے تو یہ جلسے کرنا چاہتے ہیں۔ یہ سمجھتے ہیں این آر او کے لئے ہم پر دباؤ ڈالنے کا یہ آخری موقع ہے۔ یہ این آر او حاصل کرنے میں کبھی کامیاب نہیں ہونگے۔

وزیراعظم عمران خان کا کہنا تھا کہ ان لیڈرز نےاپنی زندگی میں کبھی ایک دن بھی کام نہیں کیا۔ ان کے “شاہی” طرز زندگی کا انحصار براہ راست اس ناجائز، غیرقانونی طور پر حاصل شدہ دولت پر ہے۔

افغانستان کے صوبہ غزنی میں قائم ایک ملٹری بیس میں خود کش حملہ ہوا ہے۔ خود کش حملہ آور نے بارود سے بھری گاڑی کو دھماکے سے اڑا دیا جس سے لگ بھگ 30 فوجی ہلاک ہو گئے ہیں۔

خود کش حملے سے قبل فائرنگ کی اطلاع بھی ہے۔ دہشتگردی واقعے کی اطلاع ملتے ہی ریسکیو ٹیمیں موقع پر پہنچیں جبکہ سیکیورٹی فورسز نے علاقے کو گھیرے میں لے لیا۔ زخمیوں اور جاں بحق افراد کی لاشوں کو فوری طور پر ہسپتال پہنچایا گیا۔ ہسپتال ذرائع کے مطابق زخمیوں میں سے بعض کی حالت تشویشناک ہے۔

ادھر صوبہ زابل کے شہر قلات میں بھی ایک خود کش حملہ ہوا جس میں ایک شخص ہلاک جبکہ 20 زخمی ہو گئے۔ غیر ملکی خبر رساں ادارے کے مطابق حملے کا اصل ہدف زابل کی صوبائی کونسل کے سربراہ عطا جان حقبیان تھے۔ ان کی گاڑی کو نشانہ بنایا گیا، ان کے زخمی ہونے کی اطلاعات ہیں۔

یہ حملے ایسے وقت پر کئے گئے جب حکومت اور طالبان دہائیوں سے جاری جنگ کے خاتمے کے لیے امن مذاکرات میں مصروف ہیں۔ ابھی تک کسی گروپ نے اس حملے کی ذمہ داری قبول نہیں کی ہے۔

بھارتی کسانوں کا احتجاجی جلوس تمام رکاوٹیں توڑ کر نئی دلی پہنچنے میں کامیاب ہوگیا۔

پنجاب، ہریانہ اور بھارت کے دیگر علاقوں سے کسانوں کا احتجاجی جلوس کئی دنوں سے نئی دلی کی جانب رواں دواں تھا۔ راستے میں بھارتی پولیس رکاوٹیں کھڑی کر کے، آنسو گیس اور واٹر کینن کا استعمال کر کے کسانوں کو روکنے کی کوشش کی لیکن کسانوں کسی طور پر قابو میں نہیں آئے۔

مودی سرکار کی جانب سے کسان مخالقت قانون سازی کے خلاف بھارت میں کسان سراپا احتجاج ہیں۔

وزیراعلیٰ عثمان بزدار نے کہا ہے کہ پی ڈی ایم جلسوں کے ذریعے عوام کی زندگیوں سے کھیل رہی ہے، منفی سیاست کرنے والے ہوش کے ناخن لیں، ایس او پیز کی خلاف ورزی کی تو قانون حرکت میں آئے گا۔

وزیراعلیٰ پنجاب عثمان بزدار نے اپنے بیان میں کہا ہے کہ ماضی کے حکمرانوں نے شعبہ صحت کو یکسر نظر انداز کیا، صحت کے شعبے کو کبھی ترجیح نہیں دی گئی، موجودہ حالات میں اپوزیشن جماعتوں کا رویہ مایوس کن ہے، اپوزیشن محض اپنی سیاست چمکانے کے لئے خالی بیان بازی کر رہی ہے۔

عثمان بزدار کا کہنا تھا دکھی انسانیت کی خدمت محض بیانوں سے نہیں ہوتی بلکہ مشکل وقت میں عوام کے ساتھ کھڑا ہونا پڑتا ہے، تحریک انصاف کی حکومت آزمائش کی گھڑی میں عوام کے شانہ بشانہ کھڑی ہے، تحریک انصاف کی حکومت کورونا کنٹرول کے لئے اقدامات کر رہی ہے، عوام کے تعاون سے کورونا کی حالیہ وباء پر بھی قابو پائیں گے، حکومت ہر قدام عوام کے تحفظ کے لئے اٹھا رہے ہیں، حکومت کورونا ایس او پیز پر سختی سے عملدرآمد کرائے گی۔

شہباز گل نے کہا ہے کہ ملتان میں کورونا کیسز کی شرح سب سے زیادہ ہے، یہ لوگ مافیا کے کہنے پر قتل عام کو بھی تیار ہیں، قانون توڑنے پر ان کے خلاف کارروائی ہوگی۔

معاون خصوصی شہباز گل نے گفتگو کرتے ہوئے کہا لوٹ مار کی داستانوں کا سب کو پتا ہے، گیلانی صاحب نے دونوں ہاتھوں سے لوٹ مار کی، عوام چوروں اور ڈاکوؤں کو دوبارہ موقع نہیں دیں گے، ملتان میں کورونا کیسز کی شرح سب سے زیادہ ہے، قانون توڑنے پر ان کے خلاف کارروائی ہوگی۔

شہباز گل کا کہنا تھا یہ اقتدار کے حصول کیلئے ہر حد تک جانے کیلئے تیار ہیں، این آر او نہ ملنے کے باعث یہ ہنگامہ آر ائی پر اتر آئے ہیں، عمران خان دن رات معیشت کی بہتری کیلئے کام کر رہے ہیں، نواز شریف وطن واپس آئیں اور کیسز کا سامنا کریں۔

صوابی کے علاقے چھوٹا لاہور میں زمین کے تنازعے پر فائرنگ سے آٹھ افراد جان کی بازی ہار گئے۔

ڈی پی او کے مطابق دو فریقین کے مابین سابقہ ایم پی اے کے حجرے میں جائیداد کے سلسلے میں جرگہ ہو رہا تھا، اس دوران فائرنگ سے چھ لوگ موقع پر ہی مارے گئے جبکہ دو افراد زخمی ہوگئے۔