Archives February 2018

لاہور(سٹی رپورٹر میڈیا 92نیوز)لاہور بورڈ کے تحت میٹرک سالانہ امتحان یکم مارچ سے شروع ہونگے،کسی بھی طالبعلم کو بغیر شناخت داخل ہونے کی اجازت نہیں ہوگی۔
ترجمان لاہور بورڈ آف انٹرمیڈیٹ اینڈ سیکنڈری ایجوکیشن کے مطابق رواں سال تقریبا چار لاکھ اسی ہزاربچے امتحان دیں گے۔ ترجمان کے مطابق پہلے روز پانچ مضامین کا پیپر ہوگا، تمام امتحانی سینٹرزمیں دفعہ ایک سو چوالیس نافذ کی جائے گی۔ کسی بھی طالبعلم کو بغیر شناخت داخل ہونے کی اجازت نہیں ہوگی۔

راولپنڈی:(بیوروچیف ایمرا نیوز)سابق سینیٹر اور پاکستان مسلم لیگ (ن) کے رہنما نہال ہاشمی کو توہینِ عدالت کیس میں ایک ماہ سزا پوری ہونے کے بعد رہا کردیا گیا۔

اڈیالہ جیل کے باہر میڈیا نمائندوں سے بات کرتے ہوئے نہال ہاشمی نے کہا کہ ان کے ساتھ ظلم کی انتہا کی گئی اور سزا کے دن ہی اس کے خلاف اپیل دائر کی گئی لیکن سزا کا ایک ماہ مکمل ہونے کے باوجود اس پر سماعت نہیں ہوئی۔
نہال ہاشمی نے کہا کہ وہ اللہ سے ڈرنے والوں اورپاکستان کی عزت کرنے والوں سے بات کریں گے اور ان کی بات کسی منافق اور پاکستان کو اپنے مفاد میں استعمال کرنے والوں کو نہیں سنی چاہیے۔
انہوں نے کہا کہ ’آج میرے رب نے مجھے عزت دار بنا دیا لیکن کس کو کیا بنا دیا اس کا فیصلہ قوم کرے گی‘۔
سابق سینیٹر نے سوال کیا کہ ملک میں انصاف کا بول بالا کیا گیا ہے یا پھر انہیں انتقام کا نشانہ بنایا گیا ہے۔
لیگی رہنما نے قومی احتساب بیورو (نیب) کو تنقید کا نشانہ بناتے ہوئے اسے پاکستان کا سب سے کرپٹ ادارہ قرار دے دیا۔
انہوں نے کہا جیلوں میں 70 برس کی عمر کے اوپن ہارٹ سرجری والے اور نیب کے شکار زدہ لوگ قید ہیں۔
نہال ہاشمی نے کہا کہ اگر نیب کے ڈائریکٹران اور اسسٹنٹ ڈائریکٹران کے گھروں پر چھاپہ مارا جائے تو ملک کی آدھی دولت وہاں سے مل جائے گی۔سابق سینیٹر نے کہا کہ پاکستان ان لوگوں کے لیے نہیں بتایا گیا تھا جو اس وقت یہاں پر عیش کر رہے ہیں۔
جب ان سے ججز کو عبرت کا نشان بنانے کے حوالے سے ان کے بیان پر سوال کیا گیا کہ کیا آپ اپنے اس بیان پر شرمندہ ہیں تو انہوں نے کہا کہ ’شرمندہ وہ ہوتا ہے جو دو نمبر ہوتا ہے‘۔
نہال ہاشمی کی رہائی کے موقع پر انہیں لینے کے لیے مسلم لیگ (ن) کا کوئی اہم رہنما موجود نہیں تھا تاہم لیگی کارکنان کی بڑی تعداد اس موقع پر موجود تھی۔
کارکنان نے سابق سینیٹر کا پھول کی پتیوں سے استقبال کیا اور ان کے حق میں نعرے بازی بھی کی۔
نہال ہاشمی کی دھمکی آمیز تقریر
یاد رہے کہ گزشتہ برس مئی میں ایک ویڈیو منظر عام پر آئی تھی جس میں حکمران جماعت مسلم لیگ (ن) کے سینیٹر نہال ہاشمی نے اپنی جذباتی تقریر میں دھمکی دی تھی کہ پاکستان کے منتخب وزیراعظم سے حساب مانگنے والوں کے لیے زمین تنگ کردی جائے

وزیراعظم نواز شریف نے لیگی رہنما نہال ہاشمی کے متنازع بیان کا نوٹس لیتے ہوئے انہیں اسلام آباد طلب کرلیا تھا اور ساتھ ہی نہال ہاشمی کے خلاف پارٹی پالیسی کی خلاف ورزی پرانضباطی کارروائی کاحکم بھی دیا تھا۔

بعدِ ازاں گزشتہ برس 31 مئی 2017 کو مسلم لیگ (ن) کے صدر نواز شریف کی جانب سے نہال ہاشمی کی بنیادی پارٹی رکنیت بھی معطل کردی گئی تھی۔

وزیر مملکت برائے اطلاعات و نشریات مریم اونگزیب نے اس بات کی تصدیق کی تھی کہ نہال ہاشمی سے سینیٹ کی رکنیت سے بھی استعفیٰ طلب کیا تھا۔

نہال ہاشمی نے پارٹی کی رکنیت سے محروم ہونے کے بعد سینیٹ کی نشست سے بھی استعفیٰ دےت دیا تھا تاہم چیئرمین سینیٹ رضا ربانی کی جانب سے نہال ہاشمی کا استعفیٰ منظور نہیں کیا گیا تھا کہ جبکہ انہیں بحیثیت سینیٹر کام جاری رکھنے کی رولنگ دی گئی تھی۔
بعدِ ازاں مسلم لیگ (ن) کی انضباطی کمیٹی نے نہال ہاشمی کو طلب کرنے کا فیصلہ کیا تھا تاکہ ان سے عدلیہ کو ‘دھمکیاں دینے’ اور پارٹی قواعد کی مبینہ خلاف ورزی کی وضاحت طلب کی جاسکے۔
بعدِازاں چیف جسٹس میاں ثاقب نثار نے نہال ہاشمی کی دھمکی آمیز تقریر کا ازخود نوٹس لیا اور معاملہ پاناما کیس عملدرآمد بینچ کے پاس بھیجنے کی ہدایت کی تھی۔
جسٹس آصف سعید کھوسہ کی سربراہی میں جسٹس دوست محمد خان اور جسٹس مقبول باقر پر مشتمل سپریم کورٹ کا تین رکنی بینچ اس نوٹس پر سماعت کر رہا تھا جس میں گزشتہ سماعت کے دوران نہال ہاشمی نے غیر مشروط معافی بھی مانگی تھی۔
واضح رہے کہ سپریم کورٹ نے مسلم لیگ (ن) کے سینئر رہنما نہال ہاشمی کو دھمکی آمیز تقریر اور توہینِ عدالت کیس میں ایک ماہ قید اور 50 ہزار روپے جرمانے کی سزا سنائی تھی۔
2 فروری کو الیکشن کمیشن آف پاکستان نے سپریم کورٹ کی جانب سے نا اہل قرار دیئے جانے والے مسلم لیگ (ن) کے سینیٹر نہال ہاشمی کی سینیٹ نشست خالی قرار دینے کا نوٹیفکیشن جاری کردیا تھا۔
سابق سینیٹر نہال ہاشمی کو دل کی تکلیف کے باعث اڈیالہ جیل راولپنڈی کے ہسپتال منتقل کردیا گیا تھا بعدِ ازاں انہیں طبی معائنے کے بعد دوبارہ جیل منتقل کردیا گیا تھا۔

لاہور(ظہیر الحق/میڈیا 92نیوز)نیب کے اختیارات کے کم کرنے سے متعلق پنجاب اسمبلی کی قرارداد پر پی پی پی کا رد عمل ، نون لیگ کی اپنی باری آئی تو چیخیں نکل گئی ہیں، کیا عزت اور احترام صرف شہباز شریف کے لاڈلے سرکاری افسروں کا ہے ،جب سندھ میں نیب اور دیگر وفاقی ادارے اختیارات سے تجاوز کرتے تھے تب نون لیگ تالیاں بجا رہی تھی،آصف زرداری نے نواز شریف کو تب بھی کہا تھا کہ آج ہم بھگت رہے ہیں کل ا?پ کی باری آئے گی، اقتدار کے نشے میں دھت نواز شریف کو تب تو بات سمجھ میں نہیں آ رہی تھی، نون لیگ تو وفاقی اداروں کی حکومت سندھ کا رکارڈ تک اٹھائے جانے کی پشت پناہی کرتی رہی ہے، مصطفی نواز کھوکھرنے ایمرا نیوز کے نمائندہ سے بات چیت کرتے ہوئے کہا کہ سندھ نے احتساب کے متعلق قانون سازی کی تو نون لیگ نے اس کی مخالفت کی،آج ایسا کیا ہو گیا کہ نیب کے اختیارات کم کرنے کی تیاری ہو رہی ہے، شہباز شریف کے فرنٹ مین کو بچانے کیلئے نون لیگ نیب کے اختیارات کم کرنا چاہتی ہے،کیا عزت صرف پنجاب کے افسروں کی ہوتی ہے، شرجیل میمن جیسے عوامی نمائندوں کی نہیں ہوتی ؟بڑے کے بعد چھوٹے میاں کی باری ا?ئی تو اب قانون بدلے جا رہے ہیں، شریفوں نے خود عوامی نمائندوں اور منتخب ایوانوں کو بے توقیر کروایا ہے، جو گڑھا نون لیگ نے پی پی پی کیلئے کھودا تھا اس میں گر کر دفن ہونا ان کا مقدر ہے۔

لاہور(خبرنگار/ایمرا نیوز)وزیر اعلیٰ پنجاب میاں محمد شہباز شریف سے پاکستان میں ترکی کے سفیر اصحان مصطفیٰ یرداکول نے ملاقات کی اور انہیں پارٹی کا صدر بننے پر بننے پر مبارکباد دی۔

وزیر اعلیٰ پنجاب نے کہاکہ پاکستان اور ترکی کی دوستی اخوت اور بھائی چارے کے تاریخی رشتوں میں بندھی ہوئی ہے۔ ترکی کی قیادت نے سفارتی سطح پر بھی پاکستان کی غیر مشروط حمایت کی ہے، صحت، سالڈ ویسٹ مینجمنٹ اور دیگر شعبوں میں ترکی کا تعاون لائق تحسین ہے، ترکی نے ہمیشہ کھلے دل کے ساتھ پاکستان سے تعاون کی پیشکش کی ہے۔

اس موقع پر ترکی کے سرمایہ کار، صوبائی وزراء عائشہ غوث پاشا، خواجہ عمران نذیر، چیف سیکرٹری کیپٹن ریٹائرڈ زاہد سعید، مسلم لیگ نون کے رہنما خواجہ احمد حسان، لارڈ میئر لاہور کرنل ریٹائرڈ مبشر جاوید ا ور متعلقہ حکام بھی موجود تھے۔

لاہور(شیخ مبشرحسین /ایمرا نیوز) ایڈیشنل چیف سیکرٹری پنجاب عمر رسول نے چار نکاتی نیا ایجنڈا پیش کر دیا، ہم نے خود کو ہر طرح احتساب کے لئے پیش کرتے ہیں لیکن اس میں عزت نفس کا خیال رکھا جائے . ہم نے بیورویسی کے اندر نومور کی تحریک شروع کی ہے. نومور کا مطلب ہے جو کچھ پہلے ہوتا رہا وہ اب نہیں ہو گا. ہم نے کوئی ہڑتال نہ پہلے کی تھی نہ کریں گے اور نہ کوئی کر سکتا ہے اگر نیب میں کوئی بے گناہ ثابت ہوتا ہے

تو اس کا ازالہ کون کرے گا، ایسا قانون ہونا چائیے کہ نیب گرفتاری کے بعد جس کی عزت نفس مجروح ہوتو اس پر کوئی پنالٹی عائد کی جائے،احد چیمہ کی گرفتاری کے طریقہ کار پر اعتراض تھا،20 فروری تک جو کچھ ہوتا رہا اب ایسا نہیں ہو گا کوئی زبانی احکامات نہیں مانیں جائیں گے،آفسران کے حقوق کے تحفظ کے لئے ایک ایسوسی ایشن بنا رہے ہیں

ممبئی(شوبز ڈیسک/میڈیا 92نیوز) بالی ووڈ کی لیجنڈری اداکارہ سری دیوی کی آخری رسومات سرکاری اعزاز کے ساتھ ادا کی جارہی ہیں۔

آخری رسومات کے دوران پولیس کے دستے نے اداکارہ کی میت کو سلامی دی اور ان کی لاش کو بھارتی پرچم میں لپیٹا گیا۔ ہندومذہب کے رسم ورواج کے مطابق اداکارہ کو آخری وقت میں دلہن کی طرح سجایا گیا۔


بالی ووڈ اداکارہ مادھوری ڈکشٹ، ہیمامالنی، روینہ ٹنڈن، جیا بچن اور ہیمامالنی سمیت بالی ووڈ کے تمام اداکاروں نے آنجہانی اداکارہ سری دیوی کی آخری رسومات میں شرکت کی۔

چار روز قبل دبئی کے ایمریٹس ہوٹل میں آخری سانسیں لینے والی بالی ووڈ کی لیجنڈری اداکارہ سری دیوی اپنے شوہر بونی کپور اور چھوٹی بیٹی خوشی کپور کے ہمراہ اپنے بھتیجے کی شادی میں شرکت کیلئے دبئی گئی تھیں۔

لیکن کسی کو کیا خبر تھی کہ شادی کی تقریب میں خوشی خوشی شرکت کرنے والی اداکارہ سری دیوی کا یہ آخری سفر ہے۔ چار روز قبل سری دیوی کی موت کی خبر نے ان کے گھروالوں سمیت دنیا بھر میں موجود ان کے چاہنے والوں کو حیرت زدہ کردیا۔


ابتدا میں ان کی موت کی وجہ دل کادورہ قرار دیا جارہا تھا تاہم فرانزک رپورٹ منظر عام پر آنے کے بعد انکشاف ہوا کہ سری دیوی اپنی موت سے قبل نشے میں تھیں اور ان کی موت باتھ ٹب میں ڈوبنے کے باعث ہوئی ہے۔

دبئی پولیس کی جانب سے اداکارہ کی لاش تفتیش کیلئے دبئی پولیس پروسیکیوشن کے حوالے کردی گئی تھی جس کی وجہ سے ان کی لاش واپس بھارت لانے میں تاخیر ہورہی تھی، تاہم گزشتہ روز تحقیقات مکمل کرنے کے بعد ان کی لاش لواحقین کے حوالے کردی گئی۔ جسے بھارتی صنعتکار مکیش امبانی کے خصوصی طیارے کے ذریعے ممبئی لایا گیا۔

سری دیوی کی میت آج صبح ممبئی لوکھنڈوالا میں سیلیبریشن اسپورٹس کلب میں رکھ دی گئی تھی جہاں ان کا آخری دیدار کرنے کیلئے ان کے گھروالوں سمیت بالی ووڈ کی تمام بڑی شخصیات پہنچیں۔

اس موقع پر اسپورٹس کلب کے باہر سیکیورٹی کے انتہائی سخت انتظامات کیے گئے تھے۔

لاہور(سٹاف رپورٹر/میڈیا 92نیوز) پاکستان تحریک انصاف کے ممبر سینٹرل ایگزیکٹو کمیٹی انجینئر یاسر گیلانی نے کہا ہے کہ تحریک انصا ف کامشن اور منشور ملک سے غر بت کا خا تمہ اور کر پشن ‘ لو ٹ مار اور سیا سی چورو ں کو کٹہرے میں لانا ہے جس پر تحریک انصا ف کو بہت زیادہ کامیابی مل چکی ہے تحریک انصا ف مستقبل کی بڑی پار ٹی بن کر ابھر رہی ہیں عمران خان کی قیاد ت میں کارکنو ں نے کر پشن کیخلا ف جو جدو جہد کی ہے وہ تار یخ کا حصہ بن چکی ہے عمران خان کی للکار سے پہلے پاکستان میں اقتدار میں آنے جانے کی بار یا ں لگی ہو ئیں تھیں اب بار یا ں لینے والو ں کے کر پشن محلا ت میں ز لز لہ بر پا ہو چکا ہے اپنے ایک بیان میں انہو ں نے کہاکہ تحریک انصا ف بر سراقتدار آ کر ملک سے غر بت خاتمہ کیلئے کر داراداکرے گی انہو ں نے کہاکہ حکمرانوں نے عوام کے خون پسینے سے جمع ہونے والے ٹیکسز کے اربوں روپے پسے ہوئے طبقات کی حالت زار کو بہتر کرنے کی بجائے اپنے اور اپنے حواریوں کی خوشحالی اور آسودگی پر خرچ کئے ،یہی وجہ ہے کہ عوام کو پینے کے صاف پانی، تعلیم اور صحت سمیت کوئی بھی بنیادی سہولت میسر نہیں

لاہور(کورٹ رپورٹر/میڈیا 92نیوز)سپریم کورٹ کی جانب سےپینے کے صاف پانی کی فراہمی کو یقینی بنانے کے لئے تشکیل کردہ واٹر کمیشن کے سربراہ جسٹس (ر)امیر ہانی مسلم نے اپنی ٹیم کے ہمراہ شکارپور سول اسپتال سمیت مختلف مقامات کا دورہ کیا۔

واٹر کمیشن کے سربراہ جسٹس (ر)امیر ہانی مسلم نے اپنی ٹیم کے ہمراہ شکار پور میں بیگاری کینال سمیت صاف پانی کے مختلف منصوبوں کا دورہ کیااورصفائی کی ناقص صورتحال پر برہمی کا اظہار کیا۔

واٹر کمیشن کے سربراہ نے سول اسپتال کا بھی دورہ کیا،جہاں مریض خاتون نے واٹر کمیشن چیئر مین کو ادویات کی قلت اور علاج میسر نہ ہونے کی شکایت بھی کی جس پر امیر ہانی مسلم نے ایم ایس کو مسئلہ جلد حل کرنے کا حکم دیا۔

لاہور(سٹاف رپورٹر/میڈیا 92نیوز)مسلم لیگ ق کے رہنماء اور رکن پنجاب اسمبلی مونس الہٰی آج نیب لاہور میں پیش ہو ئے جہاں وہ ایک گھنٹہ سے زائد نیب کی تین رکنی ٹیم کے سوالوں کے جوابات دیتے رہے۔

مسلم لیگ ق کے رہنماء مونس الہٰی کو نیب نے آف شور کپمنی کیس میں طلب کر رکھا تھا۔

مونس الہٰی نے نیب افسران کو یقین دلایا کہ انہیں جب بھی بلایا جائے گا وہ پیش ہونگے کیونکہ وہ اور ان کا خاندان قومی اداروں کا احترام کرتے ہیں۔

اس کے علاوہ نیب لاہور میں آج ایل ڈی اے افسران بھی ایل ڈی اے سٹی کا ریکارڈ لے کر پیش ہو گئے۔

ذرائع کے مطابق نیب لاہور کی جانب سے ایل ڈی اے سٹی کے ڈیولپرز پارٹنرز کو بھی ریکارڈ سمیت طلب کر رکھا ہے۔

لاہور ایل ڈی اے حکام نے ایل ڈی اے سٹی کے لیے زمین کی خریداری ڈیولپرز پارٹنرز کے ذریعہ کی تھی اور ان کے ذریعہ ہی پلاٹوں کی خرید فروخت کی جا رہی ہے جس میں مبینہ کرپشن کے حوالے سے تحقیقات جاری ہیں۔

لاہور(سٹاف رپورٹر/میڈیا 92نیوز)مسلم لیگ ن کی جنرل کونسل کا اجلاس 6 مارچ کو اسلام آباد میں ہوگا جس میں قائم مقام صدر مسلم لیگ ن محمدشہباز شریف کو پارٹی کا باقاعدہ صدر منتخب کیا جائے گا۔

مسلم لیگ ن کےذرائع کے مطابق جنرل کونسل کے اجلاس میں شہباز شریف کو پارٹی کی تنظیم سازی کے اختیارات بھی دئیے جائیں گے۔

ذرائع کا کہنا ہے کہ مسلم لیگ ن پنجاب کی صدارت کے لئے رانا ثناء اللہ اور راجا اشفاق سرور کے ناموں پر غور کیاجا رہا ہے، تاہم یہ بھی ہوسکتا ہے کہ مسلم لیگ ن پنجاب کا صدر جنوبی پنجاب سے بھی لے لیا جائے۔