دبئی(ویب ڈیسک) آئی سی سی ٹی ٹوئنٹی ورلڈ کپ 2021 کی ٹرافی کی رونمائی کردی گئی ہے۔دبئی میں منعقدہ تقریب رونمائی کے مہمان خصوصی یواے ای کے شیخ نیہان مبارک النیہان تھے۔ ان کے ساتھ خالد زارونی اور آئی سی سی آفیشلز بھی موجود تھے۔

بھارت کی میزبانی میں 17 اکتوبر سے شروع ہونے والے کرکٹ کے عالمی میلے کے تمام تر انتظامات ایمریٹس کرکٹ بورڈ کررہا ہے، میچز دبئی، ابوظہبی اور عمان میں شیڈول ہیں، 17 اکتوبر سے ایونٹ کا سپرکوالیفائر راؤنڈ شروع ہوگا، ٹی ٹوئنٹی ورلڈ کپ میں پاکستان اور بھارت کا ٹاکرا چوبیس اکتوبر کو ہوگا۔

لاہور(ایمرا نیوز آن لائن)طویل مدت کے انتظار کے بعد بین الاقوامی کرکٹ میں قدم رکھنے والے عابد علی نے ایک اور منفرد ریکارڈ بنادیا۔ون ڈے کرکٹ میں کامیاب آغاز کرنے والے عابد علی نے ٹیسٹ کرکٹ میں اپنی موجودگی کا احساس دلاتے ہوئے ریکارڈ بک میں کئی منفرد اعزاز حاصل کرلیے۔ایک روزہ میچز کے بعد ٹیسٹ میچز میں بھی ڈیبیو پر سنچری اسکور کرنے والے دنیا کے پہلے کھلاڑے بنے۔

یہ کارنامہ انہوں نے سری لنکا کے خلاف راولپنڈی ٹیسٹ کے دوران انجام دیا اور اس میچ کے مین آف دی میچ قرار پائے۔اس کے بعد کراچی ٹیسٹ میں بھی عابد علی نے پہلی اننگز میں ناکامی کے بعد دوسری اننگز میں اپنے کیریئر کی بہترین بلے بازی کرتے ہوئے 174 رنز کی اننگز کھیلی۔اوپنر عابد علی انٹرنیشنل کیریئر کے ابتدائی 2 میچوں سنچری اسکور کرنے والے پہلے پاکستانی کھلاڑی بھی بن گئے۔

کراچی ٹیسٹ میں پاکستانی بولرز نے آؤٹ کلاس کرتے ہوئے 263 رنز کے بھاری مارجن سے شکست دی۔مزید پڑھیے: عابد علی،کیرئیر کے 2 ٹیسٹ میں 2 سنچریاں بنانے والے پہلے پاکستانی اس فتح کے ساتھ ہی 174 رنز کی اننگز کھیلنے پر عابد علی کو میچ کا بہترین کھلاڑی قرار دیا گیا۔دوسرے میچ میں بھی بہترین کھلاڑی کا ایوارڈ لینے کے ساتھ ہی عابد علی نے تاریخ رقم کردی اور وہ ٹیسٹ کرکٹ کی تاریخ میں اپنے ابتدائی 2 میچوں میں مین آف دی میچ کا ایوارڈ لینے والے پہلے پاکستانی کھلاڑی بن گئے۔سری لنکا کے خلاف 2 میچوں کی سیریز میں مجموعی طور پر عابد علی نے 321 رنز بنائے اور سیریز کے بہترین کھلاڑی بھی قرار پائے۔

(ایمرا نیوز آن لائن)
(بشکریہ جنگ لاہور)
مجھے علم نہیں تھا کہ مہوش حیات کا اور میرا محبوب ایک ہے، بھلا ہو ٹویٹر کا جس کے ذریعے مجھے یہ خبر ملی کہ مہوش حیات اپنے محبوب قائد پرویز مشرف کے لیے بہت پریشان ہیں، مس حیات نے مشرف صاحب کی ایک ویڈیو دیکھی جس میں وہ اسپتال کے بستر پر لیٹے نہایت ضعیف آواز میں یہ پیغام دے رہے ہیں کہ اُن پر بنایا جانے والا بغاوت کا مقدمہ بالکل بےبنیاد ہے۔وہ تو سچے محبِ وطن ہیں جنہوں نے ملک کے لیے جنگیں لڑی ہیں، اُنہیں بھلا بغاوت کا مجرم کیسے قرار دیا جا سکتا ہے، اور پھر انہوں نے یہ بھی شکایت کی انہیں انصاف نہیں مل رہا جو اُن کا قانونی حق ہے۔

یہ دلگدزا بیان سُن کر ہماری اسٹار اداکارہ سے رہا نہیں گیا اور انہوں نے چہکار (ٹویٹ) کی کہ سیاست کو ایک طرف رکھیں، یہ شخص کبھی ہمارا صدر تھا، مشکل وقت میں اِس نے قوم کی رہبری کی ہے، اسے بھی شنوائی کا حق حاصل ہے، قانون کے مطابق ہر شخص اُس وقت تک معصوم ہے جب تک عدالت اسے مجرم قرار نہ دے۔ تیری آواز مکے اور مدینے۔ میں نے بھی جب اپنے محبوب قائد کا یہ ویڈیو کلپ دیکھا تو مہوش حیات کی طرح میرا دل بھی تڑپ اٹھا اور ذہن میں وہ پوری فلم چلنے لگی جب میرا محبوب کمانڈو پہلی مرتبہ اکتوبر 1999ء میں قوم سے ہم کلام ہوا تھا، اللّٰہ اللّٰہ کیا گھن گرج تھی آواز میں، کیا طنطنہ تھا۔

اُس دن میں نے اپنے کمرے سے تمام فلمی ہیرو اور ہیروئنوں کے پوسٹر پھاڑ کر اپنے اِس محبوب قائد کی تصویر آویزاں کر لی تھی، اور کیوں نہ کرتا، مدتوں بعد بالآخر قوم کو خیر اندیش آمر ملا تھا۔میرے محبوب قائد کو یہ امتیاز حاصل ہے کہ آپ نے دو مرتبہ اِس ملک پر احسانِ عظیم کیا اور آئین کے نام پر بنی ایک فرسودہ کتاب سے ہماری جان چھڑوائی، پہلی مرتبہ 12اکتوبر 1999ء اور دوسری مرتبہ 3نومبر 2007ء کو۔

فرانس کا عظیم جنرل ڈیگال بھی یہ کام نہ کر سکا، صرف اِسی ایک کارنامے پر ہی میرے محبوب کا مجسمہ مادام تسائو کے عجائب گھر میں کھڑا کر دینا چاہئے مگر متعصب انگریزوں سے مجھے بھلے کی کوئی امید نہیں۔ ویسے تو میرے محبوب قائد کو کسی عہدے کا کبھی لالچ نہیں رہا مگر عوام کی بےپایاں محبت کے ہاتھوں مجبور ہو کر میرے کمانڈو محبوب نے 20جون 2001ء کو بادلِ نخواستہ اُس وقت کے آئینی صدر کو سبکدوش کرکے اپنے ہی بنائے ہوئے آئین یعنی پی سی او کے تحت حلف اٹھایا اور نا چاہتے ہوئے صدر بن گئے۔

صدر بننے کے بعد آپ راتوں کو اٹھ اٹھ کر روتے تھے کہ اتنی بھاری ذمہ داری بغیر عوامی مینڈیٹ کے کیسے نبھائیں گے، حواریوں نے بہت کہا کہ آپ کو کسی عوامی تائید کی ضرورت نہیں مگر میرا محبوب قائد دل سے جمہوریت پسند تھا ، وہ اِن باتوں میں نہیں آیا اور بالآخر اپریل 2002ء میں ریفرنڈم کروایا، دنیا نے دیکھا کہ کیسے عوام کا ٹھاٹھیں مارتا ہوا سمندر میرے محبوب قائد کے جلسوں میں آیا۔

98فیصد لوگوں نے اپنے ہر دلعزیز قائد کے حق میں ووٹ دے کر مٹھی بھر شر پسندوں کے منہ بند کر دیے۔ سی سال صدام حسین نے بھی ریفرنڈم کروایا تھا جس میں سو فیصد لوگوں نے اس کے حق میں ووٹ دیے، دنیا اُس پر خوب ہنسی اور میرے محبوب قائد کی کشادہ دلی کی تعریفیں کی گئیں۔

سری لنکن (ایمرا نیوزآن لائن)سری لنکن کرکٹ بورڈ نے دورہ پاکستان سے انکار کرنے والے کھلاڑیوں کے خلاف ایکشن لے لیا۔ذرائع کے مطابق سری لنکن کرکٹ بورڈ نے کھلاڑیوں کے انکار کو غلط قرار دیتے ہوئے کہا ہےکہ نیشنل ڈیوٹی سے انکار کوڈ آف کنڈیکٹ کی خلاف وزری ہے۔
سری لنکن کرکٹ بورڈ سینئر کھلاڑیوں کو پاکستان آنے کیلئے قائل نہ کرسکاذرائع کا کہنا ہےکہ سری لنکن کرکٹ بورڈ نے اپنے کھلاڑیوں کو این او سی نہ دینے کا فیصلہ بھی کیا ہے۔
واضح رہےکہ پاکستان اور سری لنکا کی ٹیمیں 27 ستمبر سے 9 اکتوبر کے درمیان پاکستان میں تین ایک روزہ میچز اور تین ٹی 20 میچز کھیلیں گی۔
سری لنکن ٹیم 25 ستمبر کو کراچی پہنچے گی جہاں 27 ستمبر، 29 ستمبر اور 2 اکتوبر کو 3 ایک روزہ میچز کھیلے جائیں گے۔
سری لنکا 10 سینئر کھلاڑیوں نے پاکستان آنے سے انکار کردیا ہے جس میں ون ڈے کرکٹ ٹیم کے کپتان دیموتھ کرونارتنے، ٹی ٹوئنٹی کرکٹ ٹیم کے کپتان لسیتھ ملنگا اور سابق کپتان انجیلو میتھیوز بھی شامل ہیں۔

لاہور(ایمرا نیوز آن لائن)انٹر نیشنل کشمیر پیس فورم کے زیرِ اہتمام مقبوضہ کشمیر کی آئینی حیثیت ختم کرنے کے خلاف فرانس کے دارالحکومت پیرس میں بھارتی سفارت خانے کےسامنے احتجاجی مظاہرہ کیا گیا۔مظاہرے کی قیادت معروف کشمیر رہنما زاہد ہاشمی، راجہ اشفاق احمد ، مشتاق پاشا ، عمران رشید کررہے تھے ۔

مظاہرین نے مودی اور بھارتی فوج کے خلاف ’گو بیک گو بیک انڈین آرمی گو بیک‘ جیسے 2 گھنٹے تک شدید نعرہ بازی کی، مظاہرین نےکشمیری پرچم اور بینرز بھی اٹھا رکھے تھے جن پر کشمیر کی آزادی تک جنگ جاری رہے گی جیسے نعرے درج تھے۔

میڈیا سے گفتگو کرتے ہوئے زاہد ہاشمی، راجہ اشفاق احمد،چوہدری تاج دین سکھیرا ،راجہ محمد اقبال ، چوہدری نواز تارڑ ، سردار ظہور اقبال، محترمہ آصفہ ہاشمی نے کہا کہ مودی غلط فہمی میں مبتلا ہے کہ آئینی حیثیت کی تبدیلی کسی صورت برداشت نہیں کی جائے گی۔

انہوں نےکہا کہ اس اقدام سے بھارت کے بھرم ٹوٹنے کے آثار پیدا ہو گئے ہیں اور وقت ثابت کرے گا کہ مودی کاکشمیر ہڑپ کرنے لیے آئینی حیثیت ختم کرنے کا فیصلہ بھارتی سالمیت کے خاتمے میں آخری کیل ثابت ہوگا۔

لندن (ایمرا نیوز آن لائن) آئی سی سی ورلڈکپ 2019 کا عالمی کپ میں شاندار کامیابی پر ملکہ برطانیہ اور شہزادہ فلپ نے انگلش ٹیم کو مبارکباد دی ہے۔

انگلینڈ کی شاندار فتح پر ملکہ برطانیہ نے میزبان ٹیم کو مبارکباد دینے کے ساتھ ٹورنامنٹ کی رنر اپ ٹیم کے لیے بھی تہنیتی پیغام دیا کہ نیوزی لینڈ نے بھی فائنل اور پورے ٹورنامنٹ میں متاثر کن کھیل پیش کیا جس پر وہ مبارکباد کے مستحق ہیں۔دوسری جانب انگلینڈ کی جیت پر پاکستان کی نوبیل انعام یافتہ ملالہ یوسف زئی نے بھی خوشی کا اظہار کیا اور کہا کہ شاندار پرفارمنس پر دونوں ٹیمیں مبارکباد کی مستحق ہیں۔

نیوزی لینڈ کو شکست دیکر انگلینڈ پہلی بار کرکٹ کا عالمی چیمپئن بن گیا ورلڈکپ کے سنسنی خیز مقابلے میں جب انگلینڈ پہلی مرتبہ عالمی کپ اپنے نام کرنے میں کامیاب ہوا تو گراؤنڈ سے باہر موجود فینز بھی خوشی سے نہال ہو گئے اور رقص کر کے اپنی خوشی کا اظہار کرنے لگے۔

لندن کے ٹریفالگر اسکوائر پر لگائی گئی بڑی اسکرین پر میچ دیکھنے والے شائقین نے بھی انگلینڈ کی فتح کا بھرپور جشن منایا۔

(ایمرا نیوز آن لائن)
انگلینڈ نےاعصاب شکن مقابلے کے بعد نیوزی لینڈ کو مات دے دی اور پہلی بار ورلڈکپ اپنے نام کر لیا۔

انگلینڈ اور نیوزی لینڈ کا فائنل مقررہ 50 اوورز میں برابر ہوا تو سپر اوور میں بھی میچ برابری پر پہنچ گیا، تاہم نیوزی لینڈ کا ایک کھلاڑی آؤٹ ہونے پر انگلینڈ کو فاتح قرار دیا گیا۔

لارڈز کے تاریخی میدان پر کھیلا گے ورلڈکپ کے فائنل میں نئی تاریخ رقم ہوگئی، عالمی کپ میں پہلی بار فیصلہ کن معرکہ ٹائی ہوا تو ونر کے لیے سپر اوور دیا گیا، دونوں ٹیموں نے سپر اوور میں 15،15 رنز بنائے اور میچ ٹائی ہوگیا تاہم نیوزی لینڈ کا ایک کھلاڑی رن آؤٹ ہوا جب کہ انگلینڈ کا کوئی پلیئر آؤٹ نہیں ہوا اور یوں انگلش ٹیم کو فاتح قرار دیا گیا۔

فائنل میں انگلینڈ کو جیت کے لیے 15 رنز درکار تھے، بین اسٹوک نے شاندار بیٹنگ کرتے ہوئے چھکا لگایا اور اگلی ہی گیند پر بین اسٹوک نے 2 رنز بنائے تاہم فیلڈر نے تھرو کیا اور گیند باؤنڈری پار کر گئی جس سے انگلینڈ کو 4 اضافی رنز مل گئے ۔

میزبان ٹیم کو آخری گیند پر جیت کے لیے 2 رنز درکار تھے لیکن دوسرا رن بناتے ہوئے ووڈ رن آؤٹ ہوگئے اور یوں میچ برابر ہوگیا، کرکٹ کی تاریخ میں یہ پہلا موقع ہے کہ ورلڈکپ کا فائنل ٹائی ہوا ہے۔

انگلش ٹیم کی جانب سے جیسن روئے اور بیرسٹو پر مشتمل اوپننگ جوڑی نے اننگز کا آغاز کیا تو پہلی وکٹ 28 رنز پر گر گئی، سیمی فائنل میں جارحانہ بیٹنگ سے ٹیم کی جیت میں کلیدی کردار ادا کرنے والے جیسن روئے فائنل میں ناکام رہے اور 17 رنز بنا کر چلتے بنے جب کہ 59 کے مجموعے پر جوئے روٹ کیچ آؤٹ ہوئے، انہوں نے 7 رنز بنائے۔

71 کے مجموعی اسکور پر بیرسٹو بولڈ ہوگئے، وہ 36 رنز بنا سکے جب کہ کپتان مورگن بھی ٹیم کو مشکلات میں چھوڑ گئے اور 9 رنز بنا کر چلتے بنے۔

کرکٹ ورلڈکپ 2019 کا فائنل آج لارڈز کے تاریخی گراؤنڈ میں انگلینڈ اور نیوزی لینڈ کے درمیان کھیلا جارہا ہے جس میں نیوزی لینڈ نے پہلے بیٹنگ کرتے ہوئے مقررہ 50 اوورز میں 8 وکٹ کے نقصان پر 241 رنز بنائے۔

اس سے قبل نیوزی لینڈ نے انگلینڈ کے خلاف ٹاس جیت کر بیٹنگ کا فیصلہ کیا۔ کیوی ٹیم کی جانب سے اننگز کا آغاز مارٹن گپٹل اور نکولس ہینری نے کیا، دونوں بلے بازوں نے محتاط انداز میں اننگز کو آگے بڑھایا تاہم وہ بڑی شراکت داری قائم نہ کر سکے اور 29 کے مجموعے پر اوپننگ جوڑی ٹوٹ گئی، آؤٹ آف فام مارٹن گپٹل فائنل میں بھی خاطر خواہ کارکردگی پیش نہ کر سکے اور صرف 19 رنز پر ہی چلتے بنے۔

ون ڈاون آنے والے کین ولیمسن اور اوپنر نکولس ہینری کے درمیان 74 رنز کی شراکت قائم ہوئی تاہم کپتان ولیمسن 30 رنز بناکر وکٹوں کے پیچھے کیچ آؤٹ ہوگئے جب کہ روس ٹیلر صرف 15 رنز کے مہمان ثابت ہوئے اور نکولس بھی 55 رنز پر ہمت ہار گئے۔

کیوی ٹیم کے دونوں آل راؤنڈرز اہم میچ میں بڑی اننگز کھیلنے میں ناکام رہے، جمی نیشام 19 رنز بناکر پویلین لوٹے اور کولن ڈی گرانڈ 16 رنز بناکر آؤٹ ہوئے جب کہ وکٹ کیپر بیٹسمین ٹام لیتھم 47 رنز بنانے کے بعد آؤٹ ہوئے۔ انگلینڈ کی جانب سے لیام پلنکٹ اور کرس ووکس نے 3،3 جب کہ جوفرا آرچر اور مارک ووڈ نے ایک ایک وکٹ حاصل کی۔

نیوزی لینڈ کے کپتان کین ولیم سن کا کہنا ہے کہ سیمی فائنل کی ٹیم کو برقرار رکھنے کا فیصلہ کیا ہے جب کہ گزشتہ ورلڈ کپ کا فائنل اور اس بار کا فائنل بہت مختلف ہے۔ دوسری جانب انگلش کپتان این مورگن کا کہنا ہے کہ ٹاس ہارنے پر کوئی مایوسی نہیں ہوئی، بادل موجود ہیں لہذا شروع میں فائدہ اٹھانے کی کوشش کریں گے، گزشتہ ورلڈ کپ کے بعد جس طرح ہماری ٹیم بنی وہ قابل تعریف ہے، ہم بہت سخت میچز کھیل چکے ہیں لہذا دباؤ نہیں ہے۔

ایونٹ کے لیگ میچ میں انگلینڈ نے نیوزی لینڈ کو 119 رنز سے شکست دی تھی جب کہ آج کہ میچ کی انتہائی دلچسپ بات یہ ہے کہ دونوں ٹیموں کو لیگ میچز میں پاکستان کے ہاتھوں شکست ہوچکی ہے۔

انگلینڈ کی ٹیم 27 برس بعد پہلی بار ورلڈ کپ کا فائنل کھیل رہی ہے، اس سے قبل انگلش ٹیم 1979، 1987 اور 1992 میں ٹرافی کے قریب پہنچ کر خالی ہاتھ رہ گئی تھی۔ نیوزی لینڈ کی ٹیم بھی اب تک ورلڈکپ کا ٹائٹل اپنے نام کرنے میں ناکام رہی ہے، 2015 میں نیوزی لینڈ کی ٹیم فائنل میں پہنچی تو تھی تاہم ٹائٹل آسٹریلیا نے اپنے نام کیا تھا۔

لارڈز(ایمرا نیوز آن لائن)لارڈز: آئندہ 4 برس تک دنیائے کرکٹ پر حکمرانی کیلئے انگلینڈ اور نیوزی لینڈ کی ٹیمیں آج لارڈز کے تاریخی میدان میں مدمقابل ہوں گی، جیت کسی کے بھی حصے میں آئے لیکن تاریخ ضرور رقم ہوگی کیوں کہ دونوں ہی ٹیمیں آج تک ورلڈکپ نہیں جیت سکی ہیں۔میچ پاکستانی وقت کے مطابق دوپہر ڈھائی بجے شروع ہوگا۔انگلینڈ کرکٹ ٹیم کے کپتان اوئن مورگن کا کہنا ہے کہ نیوزی لینڈ کی ٹیم خطرناک ہے اس لیے اسے کمزور حریف تصور نہیں کرتے، پرجوش ماحول میں انگلینڈ جیتے گا تو انگلش کرکٹ کو فائدہ ہوگا۔ لارڈز میں اپنے لوگوں کو فائنل جیت کر خاص تحفہ دینا چاہتے ہیں۔
انہوں نے کہا کہ ہمیں ہوم ایڈوانٹیج ہے اور 27 سال بعد لارڈز میں فائنل کھیل رہے ہیں، ورلڈکپ کا فائنل جیتنے کیلئے پرعزم ہیں۔ ہمیں اس ٹورنامنٹ میں اپنے لوگوں کی جانب سے زبردست سپورٹ ملی ہے، اسی سپورٹ کے تحت عالمی چیمپئن بننا چاہتے ہیں۔ہفتے کو لارڈز میں پریس کانفرنس کرتے ہوئے اوئن مورگن نے کہا کہ گذشتہ 4 سال کی محنت رنگ لارہی ہے، ہمارے پاس خاص موقع ہے، پوری ٹیم چاہتی ہے کہ اپنے مداحوں کیلئے کچھ خاص کرے۔مورگن نے کہا کہ فائنل پوری ٹیم کے لیے خاص ہے اور سب اس موقع پر جذباتی ہورہے ہیں، دنیا کی دو بہترین ٹیمیں ٹائٹل کے حصول کیلئے میدان میں اتریں گی، گذشتہ پانچ ہفتوں میں ہم نے بہترین کرکٹ کھیلی ہے، نیوزی لینڈ کو ہرانے کیلئے ہمیں آسٹریلیا جیسی کارکردگی دکھانا ہوگی، نیوزی لینڈ کا شمار خطرناک ٹیموں میں ہوتا ہے، ہر کھلاڑی نے ٹیم کو فائنل تک لانے میں کردار ادا کیا۔مورگن نے کہا کہ فائنل الیون میں 11 کھلاڑی ہی آسکتے ہیں ہر کوئی ٹیم میں نہیں آسکتا۔ لارڈز میں ہائی اسکورنگ میچ نہیں ہوتے اس لیے ہائی اسکورنگ میچ کی توقع نہیں ہے۔کسی خوش فہمی میں مبتلا ہونے کے بجائے اچھی کرکٹ کھیلیں گے، کین ولیم سن نیوزی لینڈ کرکٹ ٹیم کے کپتان کین ولیم سن کا کہنا ہے کہ ورلڈکپ جیتنے کیلئے ہر حد تک جائیں گے، ہمیں فیورٹ قرار نہیں دیا جارہا یہی ہمارے لیے بہتر ہے، ہمیں اپنی قابلیت کا علم ہے لیکن کسی خوش فہمی میں مبتلا ہونے کے بجائے اچھی کرکٹ کھیلیں گے، جیت کی گارنٹی نہیں دے سکتے لیکن جیت کیلئے سردھڑ کی بازی لگادیں گے۔کیوی کپتان نے کہا کہ مثبت سوچ کے ساتھ جیتنا چاہتے ہیں، تیاری مکمل ہے 4 سال میں بہت کچھ تبدیل ہوچکا ہے، ہماری ٹیم نے پچھلے ورلڈ کپ کی غلطیوں سے بہت کچھ سیکھا ہے۔پریس کانفرنس سے خطاب کرتے ہوئے انہوں نے کہا کہ ہمارے ہاتھ میں کارکردگی دکھانا ہے، بہترین کارکردگی دکھانے اور 100 فیصد کارکردگی کی ہر ممکن کوشش کریں گے، انگلینڈ بھی دنیا کی بہترین ٹیم ہے تاہم ہماری ٹیم نے بھی اپنی کارکردگی کو بہتر کیا ہے۔انہوں نے کہا کہ پرجوش کھلاڑی کمٹمنٹ دکھا رہے ہیں، جیت کے علاوہ ہمارا مقصد یہی ہے کہ کھیل پر فوکس کریں، کین ولیم سن نے کہا کہ ہمیں اپنے ملک سے بھرپور سپورٹ مل رہی ہے، لوگ مبارک باد کے پیغامات بھیج رہے ہیں۔ نیک خواہشات کا اظہار کررہے ہیں، فائنل میں سب پر دباؤ ہوگا لیکن دیکھنا ہے کہ کون اس دباؤ کو اچھے انداز میں ہینڈل کرتا ہے۔کین ولیم سن نے کہا کہ نیوزی لینڈ کرکٹ کیلئے بڑا دن ہے، مثبت سوچ اور جیت کیلئے میدان میں اتریں گے، ابھی تک ہماری ٹیم نے جو کارکردگی دکھائی ہے اس پر فخر ہے، کوشش کریں گے نتیجہ حاصل کرنے کیلئے جذباتی نہ ہوں اور ٹھنڈے مزاج کے ساتھ کھیلیں۔واضح رہے کہ نیوزی لینڈ اور انگلینڈ 2 ایسی ٹیمیں ہیں جو اب تک کوئی بھی ورلڈ کپ اپنے نام نہیں کرسکی ہیں۔ لارڈ ز کے میدان پر ورلڈ کپ 2019 کے فائنل میں جیت جس بھی ٹیم کا مقدر بنی، تاریخ ضرور رقم ہوگی۔انگلینڈ اب تک 3 ورلڈ کپ کے فائنل کھیل چکا ہے جبکہ نیوزی لینڈ کا یہ لگاتار دوسرا فائنل ہوگا۔ لارڈز میں 1979 میں انگلینڈ کو فائنل میں ویسٹ انڈیز نے شکست دی تھی جبکہ 1992 کے فائنل میں پاکستان نے انگلینڈ کو شکست دے کر ورلڈ کپ جیتا تھا۔ورلڈ کپ کرکٹ ٹورنامنٹ کی فاتح ٹیم کو 40 لاکھ ڈالرز کی انعامی رقم ملے گی۔ لارڈز میں فائنل کے ساتھ ہی آئی سی سی ورلڈ کپ کا میلہ اپنے اختتام کو پہنچے گا۔ فائنل ہارنے والی ٹیم 20 لاکھ ڈالرز کی حقدار ہوگی۔ پاکستان ٹیم کو 3 لاکھ ڈالرز ملے ہیں۔ آئی سی سی نے ورلڈکپ کیلئے ایک کروڑ ڈالرز کی انعامی رقم کا اعلان کیا ہوا ہے۔سیمی فائنل ہارنے والی بھارت اور آسٹریلیا کی ٹیموں 8،8 لاکھ ڈالرز دیے گئے ہیں۔ ہر ٹیم کو لیگ میچ جیتنے پر 40 ہزارڈالرز دیئے گئے۔ پاکستان ٹیم نے پانچ گروپ میچوں میں کامیابی حاصل کی اس لیے پاکستانی ٹیم کو 2 لاکھ ڈالرز ملے ہیں۔ پاکستان سمیت 6 ٹیموں نے لیگ مرحلے کے بعد واپسی کا ٹکٹ کٹوایا ہے۔ ان ٹیموں کو مزید ایک ایک ڈالرز ملیں گے۔ پاکستاان کرکٹ ٹیم کو ٹورنامنٹ سے ہونے والی آمدنی کا الگ سے شیئر ملے گا۔

عالمی کپ کا سب سے بڑا مقابلہ کل لارڈز کے میدان پر کھیلا جائے گا

لاہور(ایمرا نیوز آن لائن)عالمی کپ کا سب سے بڑا مقابلہ کل لوڈر کے میدان پر کھیلا جائے گا، آئی سی سی کرکٹ ورلڈ کپ کا فائنل میزبان انگلینڈ اور نیوزی لینڈ کے درمیان کھیلا جائے گا ، نیوزی لینڈ نے مسلسل دوسری مرتبہ فائنل میں آنے کا اعزاز حاصل کیا۔ ہاٹ فیورٹ انگلینڈ اس سے پہلے ایک مرتبہ ورلڈ کپ کا فائنل کھیل چکی ہے۔ دونوں ٹیمیں اس سے پہلے کبھی بھی ورلڈ کپ نہ جیت سکی ہیں یعنی ورلڈ کپ کی تاریخ میں ایک نیا چمپئن ورلڈ کپ کی زینت بڑھانے کے لئے تیار ہے۔

بابر اعظم دنیائے کرکٹ کا نمبر1کھلاڑی ویرات کوہلی کو پیچھے چھوڑ دیا

لاہور(ایمرا نیوز آن لائن)ورلڈ کپ:بابر اعظم نے دنیائے کرکٹ کے نمبر1کھلاڑی ویرات کوہلی کو پیچھے چھوڑ دیا،بابر اعظم نے ورلڈ کپ 2019ءمیں 8اننگز میں 67.71کی اوسط سے 474رنز بنائے جس میں ایک سنچری اور3نصف سنچریاں بھی شامل ہیں۔جبکہ اس کے مقابلے میں بھارتی کپتان ویرات کوہلی نے ورلڈ کپ کی 9اننگز میں 55.37کی اوسط سے443رنز بنائے جس میں 5نصف سنچریاں شامل تھیں، ون ڈے کرکٹ میں سنچریوں کے انبار لگانے والے حیران کن طور پر ایک سنچری بھی نہ بنا سکے۔