Category ہاکی

پاکستان ہاکی ٹیم کے سینئر گول کیپرز امجد علی اور مظہر عباس کو ایشین چیمپئنز ٹرافی میں شرکت کے لیے ویزے مل گئے۔
پاکستان ہاکی ٹیم کے سینئر پلیئرز امجد علی اور مظہر عباس ویزے ملنے کے بعد غیر ملکی ائیر لائن کی پرواز سے ڈھاکا روانہ ہو گئے ہیں۔
سینئر گول کیپرز کا کہنا تھا کہ پاکستان کے پہلے میچ میں قومی ٹیم کا حصہ ہوں گے اور بہترین پرفارمنس دینے کی بھرپور کوشش کریں گے۔

ایشین چیمپئنز ٹرافی میں شرکت کے لیے پاکستان ہاکی ٹیم بغیر گول کیپرکے ڈھاکا روانہ ہو گئی۔
پاکستان ہاکی ٹیم کے چار میں سے ایک بھی گول کیپر ٹیم کے ساتھ جہاز میں نہ بیٹھ سکا۔
ذرائع کے مطابق پاکستان ہاکی فیڈریشن نے ٹیم میں 2 گول کیپرز عبداللہ اور وقار کو منتخب کیا تھا، دونوں گول کیپرز جونیئر ٹیم کے ساتھ بھارت گئے تھے، جونیئر ٹیم کی مایوس کن کارکردگی پر کیمپ میں مزید 2 گول کیپرز مظہر اور امجد کو طلب کیا گیا تھا۔
امجد علی اور مظہر عباس کے بنگلادیش کے ویزے تاحال نہیں لگ سکے جس کی وجہ سے دونوں قومی ٹیم کے ساتھ روانہ نہ ہو سکے۔
ذرائع کا کہنا ہے کہ ایشین چیمپئنز ٹرافی 14 دسمبر سے ڈھاکا میں شروع ہورہی ہے اور اگر 13 دسمبر تک کسی گول کیپر نے ٹیم کو جوائن نہ کیا تو پاکستان کے لیے ٹورنامنٹ میں مسائل بڑھ سکتے ہیں۔

(ایمرا نیوزآن لائن) قومی کرکٹ ٹیم کے اوپننگ بلے باز امام الحق کا کہنا ہے کہ وہ پنک بال کے ساتھ ڈے اینڈ نائٹ ٹیسٹ میچ کھیلنے کے منتظر ہیں۔

پاکستان ٹیم برسبین سے ایڈیلیڈ پہنچ چکی ہے جہاں وہ آسٹریلیا کے خلاف دوسرا ٹیسٹ میچ 29 نومبر سے کھیلے گی۔ ایڈیلیڈ میں میڈیا سے گفتگو کرتے ہوئے امام الحق نے کہا کہ ڈے اینڈ نائٹ ٹیسٹ میچ کرکٹ کے لیے بہت اچھا ہے کیونکہ یہ ایک انٹرٹینمنٹ ہے، کراؤڈ ٹیسٹ میچ دیکھنے کے لیے بہت آتا ہے۔

انہوں نے کہا کہ میں بھی منتظر ہوں کہ پنک بال کے ساتھ ڈے اینڈ نائٹ ٹیسٹ میچ کھیلوں کیوں کہ وکٹ بہت اچھی دکھائی دے رہی ہے اس لیے اچھا ٹیسٹ میچ ہو گا۔ امام الحق کا کہنا تھا کہ ہم پنک بال کے ساتھ کھیلنے کے عادی نہیں ہیں اور اس کے ساتھ کھیلنا چیلنج ہوتا ہے لیکن ہم پروفیشنل کرکٹرز ہیں، 100 فیصد کھیل پیش کرنے کی کوشش کریں گے۔ امام الحق نے مزید کہاکہ پروفیشنل کرکٹرز ہونے کے ناطے ہمیں مشکل نہیں ہونی چاہیئے اور ڈے اینڈ نائٹ ٹیسٹ سے قبل دو دن میں پنک بال کے ساتھ اچھی ٹریننگ مل جائے گی۔

ان کا کہنا تھا کہ کہ جب آپ اسکواڈ میں شامل ہوتے ہیں تو حتمی الیون میں شامل ہونے کے لیے ہر وقت تیار رہنا پڑتا ہے میں بھی تیار ہوں، اگر کھیلنے کا موقع ملتا ہے تو میں سو فیصد کھیل پیش کرنے کوشش کروں گا۔ انہوں نے کہا کہ ٹیسٹ کرکٹ مشکل ہوتی ہے اس کے لیے بہت مضبوط ہونا پڑتا ہے ہمیں خود پر اعتماد ہے، ہم اچھے طریقے سے کم بیک کریں گے۔

‏واضح رہے کہ امام الحق کے دوسرے ٹیسٹ میچ میں کھیلنے کے روشن امکانات ہیں، انہیں حارث سہیل کی جگہ ٹیم میں شامل کیا جائے گا جب کہ امام الحق شان مسعود کے ساتھ اوپننگ کریں گے اور کپتان اظہر علی ون ڈاؤن آئیں گے، بابر اعظم چوتھے نمبر پر بیٹنگ کریں گے۔

ٹوکیو(ایمرا نیوز آن لائن) ٹوکیو اولمپکس تک رسائی کے لیے پاکستان ہاکی ٹیم کی آخری امید بھی دم توڑ گئی۔اولمپک کوالیفائرز کے دوسرے میچ میں نیدرلینڈ نے گرین شرٹس پر گولز کی برسات کر دی اور مقابلہ 1-6 سے جیت کر ٹوکیو اولمپکس سے پاکستان کو باہر اور خود رسائی حاصل کر لی۔اولمپکس کوالیفائیرز کا دوسرا میچ بھی ایمسٹلوین میں پاکستان اور ہالینڈ کے درمیان کھیلا گیا اور پہلے میچ کی نسبت دوسرے میچ میں پاکستان ٹیم کا کھیل انتہائی مایوس کن رہا۔

قومی ٹیم کی دفاعی لائن نہ تو گول روک سکی نہ ہی فارورڈز گول کرسکے جب کہ نیدرلینڈ کے کھلاڑی ایک کے بعد ایک گول کرتے چلے گئے اور پاکستانی کھلاڑی منہ دیکھتے رہ گئے۔
کھجور اور روح افزاء کےساتھ ہاکی ٹیم اولمپکس کوالیفائی کرے گی؟پہلے کوارٹر میں ہالینڈ کو 0-2، ہاف ٹائم میں چار صفر اور تیسرے کوارٹر میں 0-6 کی برتری تھی جب کہ پاکستان کی جانب سے واحد گول آخری کوارٹر میں رضوان علی نے کیا۔

واضح رہے کہ تین مرتبہ کی چیمپئن پاکستان ہاکی ٹیم مسلسل دوسری بار اولمپکس گیمز سے باہر ہوئی ہے، 2016 کے ریو اولمپکس میں بھی پاکستان ہاکی ٹیم کوالیفائی نہیں کر سکی تھی۔پاکستان ہاکی ٹیم مجموعی طور پر تین مرتبہ اولمپکس میں سونے کا تمغہ جیت چکی ہے۔

کراچی(ایمرا نیوز آن لائن)اولمپکس کوالیفائنگ راؤنڈ میں پاکستان ہاکی ٹیم نے ورلڈ نمبر 3 نیدرلینڈز کے خلاف پہلا میچ 4-4 گول سے برابر کرکے سب کو حیرت میں ڈال دیا۔ایمسٹلوین میں کھیلے گئے اولمپکس کوالیفائنگ راؤنڈ کا پہلا میچ پاکستان اور نیدرلینڈز کے درمیان انتہائی دلچسپ و سنسنی خیز رہا۔

قومی ہاکی کھلاڑیوں کا غیر ملکی دوروں پر یومیہ معاوضہ دُگنا ہوگیاپہلے ہی کوراٹر میں پاکستان کو ملنے والے پنالٹی کارنر کو مبشر علی نے گول میں بدل کر برتری حاصل کی لیکن دوسرے کوراٹر میں نیدرلینڈز نے یکے بعد دیگرے دو گول کرکے ایک گول کی سبقت حاصل کرلی۔ غضنفر علی نے 25 ویں منٹ میں شاندار گول کرکے مقابلہ پھر 2-2 گول سے برابر کردیا جو ہاف ٹائم تک برابر رہا۔

جرمن (ایمرا نیوز آن لائن)جرمنی نے پاکستان کو دو میچز کی سیریز کے پہلے ہاکی ٹیسٹ میں 1-6 سے شکست دے دی، پاکستان کی جانب سے واحد گول عمر بھٹہ نے اسکور کیا۔جرمن شہر منچن گلڈ بَخ میں ہونے والے پہلے ہاکی ٹیسٹ میں جرمن ٹیم شروع ہی سے حاوی رہی تاہم پہلے کوارٹر میں کوئی ٹیم گول نہ کرسکی لیکن دوسرے کوارٹر میں جرمنی نے ایک گول داغ کر ابتدائی برتری حاصل کرلی۔

تیسرے کوارٹر میں جرمنی نے مزید تین گول داغ کر 0-4 کی برتری حاصل کرلی۔ چوتھے کوارٹر کے آغاز میں پاکستان کے عمر بھٹہ نے گول کرکے پاکستان کا خسارہ کم کیا لیکن اس کے بعد گرین شرٹس مزید کوئی گول نہ کرسکے ۔اولمپک کوالیفائر کیلئے پاکستان کی 19 رکنی ہاکی ٹیم کا اعلان

جرمن ٹیم نے ریفری کی جانب سے میچ کے اختتام کی سیٹی بجائے جانے سے قبل مزید دو گول کرکے اسکور 1-6 کردیا ۔واضح رہے کہ پاکستان ہاکی ٹیم ہالینڈ کیخلاف اولمپک کوالیفائرز کے دو میچز سے قبل تیاریوں کیلئے جرمنی سے دو میچز کھیل رہی ہے ۔ پہلے ٹیسٹ کا نتیجہ پاکستان ہاکی ٹیم کی کمزور پوزیشن کا عکاس ہے۔

کراچی (ایمرا نیوز آن لائن) ہاکی کا کھیل لوگوں کے ذہنوں سے نکل رہا ہے، خواجہ جنید کراچی ہاکی ایسوسی ایشن کے سکریٹری سید حیدر حسین وزیر اعلی سندھ سید مراد علی شاہ سے قومی ہاکی ایونٹ کے کامیاب انعقاد پر شیلڈ وصول کرتے ہوئے قومی ہاکی ٹیم کے ہیڈ کوچ اور منیجر خواجہ جنید نے کہا ہے کہ قومی ہاکی اس وقت اپنی تاریخ کے سخت ترین دبائو میں ہے، جس سے باہر آ نے کے لئے طویل المدت منصوبہ بندی بنانا ہوگی، کھلاڑیوں کو روزگار کی فراہمی کے بغیر ہم ان سے اچھے نتائج نہیں حاسل کر سکتے ہیں، ہاکی کا کھیل لوگوں کے ذہنوں سے نکل رہا ہے، ہر کوئی مایوس دکھائی دے رہا ہے، جنگ سے بات چیت کرتے ہوئے انہوں نے کہا کہ یہ بات خوش آئند ہے کہ اس وقت فیڈریشن، سلیکٹرز اور ٹیم انتظامیہ ایک پیج پر ہیں، جن کا مقصد قومی ہاکی کو بحران سے نکال کر بہتر ٹریک پر لانا ہے۔

سندھ سافٹ بال ایسوسی ایشن کے زیراہتمام اور سندھ اسپورٹس بورڈ کے تعاون سے منعقدہ جشن آزادی سافٹ بال ایونٹ کاٹائٹل جناح کیمپس نے اپنے نام کرلیا، فائنل میں علامہ اقبال کیمپس کو فائنل میں دلچسپ مقابلے کے بعد ایک رن سے شکست کاسامنا کرنا پڑا ٹرینٹی گرلز ڈگری کالج کی پرنسپل مسزآئرین پرل نے کہا کہ کھیل کے میدانوں سے ہمارے کھلاڑیوں نے دنیا بھرمیں قومی پرچم کوسربلند کیا ہے، سافٹ بال فیڈریشن پاکستان کی چیئرپرسن تہمینہ آصف نے کہا کہ مستقبل میں کھیلوں کے معیار اور کھلاڑیوں کی کارکردگی کو بہتر بنانا ہے ۔

مئیر کراچی وسیم اختر کا محکمہ کھیل و ثقافت بلدیہ عظمٰی کراچی کے افسران محمد ریحان خان، خورشید احمد شاہ، جمیل احمد، ندیم خان اور ٹینس کوچ سعید احمد کے ہمراہ گروپ
ریس کورس میں ہونے والی آزادی کپ کی گھڑ دوڑ کے فاتحدی ٹرمینشن کے سوار سہیل احمد رہے جس کے اختتام پر مہمان خصوصی ڈاکٹر فرحان عیسی نے انعامات تقسیم کئے۔
جشن آزادی سافٹ بال خواتین میچ کے اختتام پر انعامات تقسیم کئے جارہے ہیں کشمیری عوام سے یک جہتی کے لئے جمعرات کو شہر میں کھلاڑیوں اور منتظمین نے بھی بھر پور یک جہتی کا اظہار کرتے ہوئے بازو پر سیاہ پٹیاں باندھی، جبکہ کھیلوں کے مقامات پر سیاہ پرچم بھی لہرائے گئے، نیشنل اسپورٹس ٹریننگ کوچنگ سینٹر،

ایدھی ہاکی اسٹیڈیم ،کے ایچ اے ہاکی اسٹیڈیم، کے ایم سی کے مختلف اسپورٹس کمپلکس، آرام باغ باسکٹ بال کورٹ، شہر کے مختلف والی بال کورٹس پر بھی سیاہ پرچم لہرائے گئے، جبکہ قومی پر چم سر نگوں رہا،یوم آزادی کے سلسلے میں ہونے والے مختلف کھیلوں کے مقابلوں کے دوران کھلاڑیوں نے سیاہ پٹی باندھ رکھی تھی۔جیو جسٹو کھلاڑیوں کے
بھارتی مظالم کے خلاف اور کشمیری بھائیوں سے اظہار یکجہتی کے لئے یوم سیاہ کا اجتماع انٹر نیشنل عبدالناصر باسکٹ بال کورٹ آرام باغ کراچی پر منعقد ہوا جس کی صدارت کراچی باسکٹ بال ایسوسی ایشن کے صدر غلام محمد خان نے کی اس موقع پر پاکستان ٹینس فیڈریشن کے نائب صدر خالد جمیل شمسی ، شاہدہ پروین کیانی ،سندھ اولمپکس ایسوسی ایشن کے نائب صدر انجینئر سید محفوظ الحق ، محمد سلیم خمیسانی ، خالد بروہی ، محمد ارشد سندھ محمد رفیق ، اور دئگر نے خطاب کیا،نیشنل کوچنگ سینٹر کے ڈائریکٹر رفیق پیر زادہ،کے ایچ اے اسٹیڈیم پر کے ایچ اے کے سکریٹری سید حیدر حسین نے دیگر عہدے داروں کے ساتھ سیاہ پر چم لہرائے۔

کمشنر کراچی افتخار شلوانی سندھ اولمپک ایسوسی ایشن کے سنیئر نائب صدر سید محفوظ الحق کو سرٹیفکٹ دیتے ہوئے قومی ہاکی چیمپئن شپ کی شان دار میزبانی پر پاکستان ہاکی فیڈریشن کی جانب سے کے ایچ اے کے سکریٹری سید حیدر حسین کو50ہزار روپے کیش ایوراڈ دیا گیا، پی ایچ ایف کے صدر بریگیڈیئر (ر) خالد سجاد کھوکھر اور سیکریٹری آصف باجوہ نے انہیں ایوارڈ پیش کیا۔

واہ کینٹ(ایمرا نیوز): پاکستان ہاکی لیجنڈ گولڈ میڈلسٹ اولمپئن ذاکر حسین انتقال کرگئے،ان کی نماز جنازہ آج شام ساڑھے 4 بجے مسجد گلشن انور جناح کالونی ،واہ کینٹ میں ادا کی جائیگی۔1968ءکے میکسیکو سٹی اولمپکس کے گولڈ میڈلسٹ گول کیپر اولمپین ذاکر حسین کی زندگی کا 90 سالہ باب تمام ہوا۔ اولمپین ذاکر حسین نے 1956 ءمیلبورن اولمپکس سلور میڈلسٹ، 1968ءمیکسیکو سٹی اولمپکس گولڈ میڈلسٹ، 1958 ءٹوکیو ایشین گیمز گولڈ میڈلسٹ، 1962 ءجکارتہ ایشین گیمز گولڈ میڈلسٹ ہونے کا اعزاز حاصل کیا۔
اقوام عالم میں سبز ہلالی پرچم بلند کرنے والے اولمپین ذاکر حسین دار فانی سے کوچ کرکے اپنے خالق حقیقی سے جاملے۔ مرحوم کے پسماندگان میں 2 بیٹے اور 3 بیٹیاں شامل ہیں۔
اولمپین ذاکر حسین کے بیٹے بھی قومی ہاکی کھلاڑی ہیں، مرحوم کے بڑے بیٹے تصور عباس پی آئی اے جب کہ غلام عباس واپڈا میں خدمات سرانجام دے رہے ہیں۔ مرحوم کی نماز جنازہ آج شام ساڑھے 4 بجے مسجد گلشن انور، جناح کالونی واہ کینٹ ادا کی جائیگی۔
ہاکی کے مختلف حلقوں کی جانب سے مرحوم اولمپیئن زاکر حسین کے انتقال پر لواحقین سے تعزیت کا اظہار کرتے ہوئے مرحوم کے بلند دراجات کیلئے دعا کی ہے۔

لاہور(ایمرا نیوزآن لائن)اولمپئین سہیل عباس نے پاکستان ہاکی فیڈریشن کے ساتھ کام کرنے سے معذرت کر لی۔پاکستان ہاکی فیڈریشن خواہش رکھتا ہے کہ نئے اور نوجوان اولمپئینز کو قومی ہاکی ٹیم کی کوچنگ کے ساتھ منسلک کیا جائے، اس حوالے سے فیڈریشن کے سربراہ بریگیڈئیر (ر) خالد سجاد کھوکھر نے 2000ء سڈنی اولمپکس کھیلنے والے اولمپئین سمیر حسین کو کوچنگ اسٹاف کا حصہ بنایا ہے۔

دوسری طرف سیکریٹری اولمپئین آصف باجوہ اور اولمپئین سہیل عباس کے درمیان عبدالستار ہاکی اسٹیڈیم میں ملاقات ہی نہ ہو سکی اور 42 سالہ سہیل عباس نے فون پر ہی اپنی عدم دستیابی سے سیکریٹری آصف باجوہ کو آگاہ کر دیا۔بین الاقوامی ہاکی میں پاکستان کے لئے سب سے زیادہ گول کرنے والے سابق کپتان سہیل عباس کو پنالٹی کارنر کے شعبے کا ماہر کہا جاتا ہے،البتہ اولمپئین سہیل عباس جنہوں نے بین الاقوامی سطح پر دنیا کے مختلف ممالک میں لیگ ہاکی کھیلی، پاکستان ہاکی فیڈریشن کے حوالے سے نہ صرف تحفظات رکھتے ہیں، ساتھ ہی وہ ملکی سطح پر اولمپئینز کے ساتھ بھی فاصلہ رکھتے ہیں۔

کچھ عرصے قبل کراچی میں ہاکی فیڈریشن کی ’ھال آف فیم ‘ تقریب کے ساتھ ورلڈ الیون میچ میں بھی انہوں نے آنے سے معذرت کر لی تھی۔ہاکی فیڈریشن کے سیکریٹری اولمپئین آصف باجوہ جن کے ساتھ اولمپئین سہیل عباس نے ملاقات سے بھی گریز کیا، اس تمام صورت حال پر محتاط انداز میں گفتگو کرتے ہوئے ان کا کہنا تھا کہ اولمپئین سہیل عباس ہمارا فخر ہیں اور جلد وہ ہمارے کارواں میں شامل ہو کر قومی کھیل ہاکی کی ترقی میں ہمارا ساتھ دیں گے۔

کراچی(ایمرا نیوز آن لائن)
پاکستان ہاکی فیڈریشن رواں ماہ انٹرنیشنل ہاکی فیڈریشن کی جانب سے عائد جرمانے کی ادائیگی کیلئے فکرمند ہے، پاکستان کو پہلی قسط کی مد میں 19 اگست کو نو ہزار یورو سے زائد جمع کرانے ہیں۔ پاکستان ہاکی فیڈریشن کے صدر خالد سجاد کھوکھر نے پچھلے دنوں وزیر اعلیٰ سندھ مراد علی شاہ سے ملاقات کرکے دس کروڑ روپے کی گرانٹ منظور کرائی تھی۔ اس ضمن میں اطلاعات ہیں کہ سندھ حکومت نے پہلے مرحلے میں ڈھائی کروڑ کی پہلی گرانٹ جاری کردی ہے۔تاہم پی ایچ ایف کی جانب سے پہلی قسط ملنے کی تصدیق نہیں کی گئی ہے۔سندھ حکومت نے پاکستان ہاکی فیڈریشن کوسندھ حکومت ماضی میں بھی دس کروڑ روپے کی گرانٹ دے چکی ہے۔دریں اثنا پاکستان ہاکی فیڈریشن نے پیر کو ایدھی ہاکی اسٹیڈیم میں کھیلے جانے والے قومی ہاکی چیمپئن شپ کے فائنل میں اہم شخصیات کو مدعو کرنے کا فیصلہ کیا ہے۔ امکان ہے وزیر اعلی سندھ سید مراد علی شاہ مہمان خصوصی ہوں گے، تقریب میں پی او اے کے صدر لیفٹیننٹ جنرل(ر) عارف حسن ، پاکستان اسپورٹس بورڈ اور بین الصوبائی رابطے کی وزارت کی اہم شخصیات کو بھی دعوت دی گئی ہے۔