Category ہاکی

کراچی (ایمرا نیوز آن لائن نیوز)
6ویں قومی ہاکی چیمپئن شپ منگل سے عبدالستار ایدھی ہاکی اسٹیڈیم میں شروع ہوگئی۔ چیئرمین پی آئی اے کے مشیر ایئر وائس مارشل نور عباس نے افتتاح کیا، اس موقع پر ٹورنامنٹ ڈائریکٹر اولمپئین حنیف خان اور آرگنائزنگ سیکریٹری حیدر حسین سمیت دیگر بھی موجود تھے۔
پہلے روز 5 میچز کا فیصلہ ہوا، تمام مقابلے یکطرفہ رہے، کے پی کے نے گلگت کو 11گول، پورٹ قاسم اتھارٹی نے بلوچستان کو6 گول، پنجاب نے فاٹا کو 7 گول، سندھ نے اسلام آباد کو 5 گول جبکہ پی آئی اے نے پی اے ایف کو 1-3سے ہرا دیا۔
چیمپئن شپ کا افتتاحی میچ نیشنل بینک اور پاکستان پولیس کے درمیان رکھا گیا تھا جسے بعد میں تبدیل کردیا گیا اور اس کی جگہ پی آئی اے اور پاکستان ایئرفورس کے درمیان افتتاحی میچ کھیلا گیا۔

لاہور(ایمرا نیوزآن لائن) پاکستان ہاکی فیڈریشن کے سیکرٹری اولمپیئن آصف باجوہ نے سابق اولنپینز کے ساتھ ملاقاتوں کو حوصلہ افزا قرار دیتے ہوئے کہا کہ 20جون کے بعد قومی ہاکی چیمپئن شپ کرائیں گے جس کے بعد ملک میں نان سٹاپ ہاکی شروع ہو جائے گی۔شہبازسینئر کے بعد آصف باجوہ ہاکی فیڈریشن کے دوبارہ سیکرٹری بنے تودیگر ناراض اولمپینز کو ساتھ ملانے کیلئے انہوں نے لاہور اور کراچی میں اولمپیئنر سے ملاقاتیں کیں۔

کراچی/ لاہور (ایمرا نیوز آن لائن)
پاکستان ہاکی فیڈریشن کی ناراض اولمپئنزکومنانے کی مہم میں تیزی آگئی جب کہ سیکریٹری پی ایچ ایف محمد آصف باجوہ نے لاہورکے بعد کراچی میں بھی سابق نامور کھلاڑیوں سے ملاقاتوں کا سلسلہ شروع کر دیا۔

پاکستان اولمپئنز فورم کے ایگزیکٹیوممبر و سیکریٹری کے ایچ اے حیدر حسین نے کہا کہ سندھ بھر میں قومی کھیل کی ترقی اور ترویج کے لیے دن رات کوشاں ہیں، کے ایچ اے کے پلیٹ فارم سے نوجوان ٹیلنٹ کو قومی دھارے میں شامل کرنے کیلیے انتھک محنت کررہے ہیں، اس سے قبل آصف باجوہ نے لاس اینجلس 1984 کی فاتح ٹیم کے کپتان اور پاکستان اولمپئنز فورم کے سربراہ منظور جونیئراوراولمپئن خواجہ جنید سے لاہور میں بھی ملاقات کی تھی۔

میٹنگ میں فیصلہ کیا گیا تھا کہ مذاکرات کو حتمی شکل دینے کے لیے پاکستان اولمپئنز فورم کا مذاکراتی وفد منظور جونیئر کی سربراہی میں فیڈریشن کی جانب سے دی گئی سنجیدہ دعوت پرغوروخوض اور لائحہ عمل طے کرے گا، اس سلسلہ میں پاکستان اولمپئنزفورم کے سربراہ منظور جونیئر جلد مذاکراتی وفد کا اعلان کرینگے۔

یاد رہے کہ پاکستان ہاکی فیڈریشن کی جناب سے قومی کھیل کی بہتری کے لیے تمام ناراض دھڑوں اور متوازی تنظیموں کوسنجیدگی سے مذاکرات کی دعوت دی گئی ہے،اس سلسلے میں سیکریٹری جنرل پی ایچ ایف آصف باجوہ نے عملی اقدامات کرتے ہوئے سابق اولمپئنز سے ملاقاتوں کا سلسلہ شروع کر رکھا ہے۔

ادھر ہاکی فیڈریشن کی جانب سے قومی کھیل کی بہتری کے لیے تمام ناراض دھڑوں کو یکجا کرنے اور بہتر حکمت عملی کے ساتھ آئندہ کا لائحہ عمل طے کرنے کے سلسلہ میں سنجیدہ مذاکراتی عمل کو شائقین ہاکی نے پسندیدہ اقدام قرار دیا ہے۔

لاہور(ایمرا نیوزآن لائن)ورلڈ ہاکی پرو لیگ میں عدم شرکت پر پاکستان پر ڈیڑھ لاکھ یورو جرمانہ عائد مگر پاکستان نے کیا درخواست کر دی؟ جان کر آپ کو ہنسی بھی آئے گی اور افسوس بھی ہو گا۔ ورلڈ ہاکی پرو لیگ میں عدم شرکت پر ورلڈ گورننگ باڈی ”ایف آئی ایچ“ نے ڈیڑھ لاکھ یورو جرمانہ عائد کر دیا ہے، پاکستان نے جرمانے کی رقم زیادہ قرار دیتے ہوئے قسطیں کرنے کی درخواست کر دی۔تفصیلات کے مطابق پاکستان ہاکی فیڈریشن (پی ایچ ایف) مختلف وجوہات کی بناءپر ورلڈ ہاکی پرو لیگ میں اپنی ٹیم نہیں بھیج سکا تاہم فیڈریشن کا کہنا ہے کہ فنڈز نہ ہونے کے باعث ایونٹ میں شرکت کیلئے ٹیم نہیں بھیج پائے۔جس کے باعث اس پر پابندی کا خطرہ بھی منڈلانے لگا تھا جو اب ٹل گیا ہے مگر ایف آئی ایچ نے پاکستان پر ڈیڑھ لاکھ یورو جرمانہ عائد کر دیا ہے۔پی ایچ ایف سیکرٹری شہباز احمد سینئر نے گزشتہ دنوں لوزان میں ایف آئی ایچ کے سامنے پاکستان کا موقف پیش کیا تھا۔ پی ایچ ایف ترجمان کا کہنا ہے کہ ہم نے ورلڈ گورننگ باڈی سے کہا ہے کہ جرمانے کی رقم زیادہ ہے، ہم نہیں دے سکتے لہٰذا اس کی قسطیں کر دی جائیں۔

دبئی(نیٹ نیوز) سوئٹزرلینڈ سے تعلق رکھنے والے ٹینس اسٹار راجر فیڈرر نے اپنے کیریئر میں ٹینس چیمپئن شپ جیتنے کی سنچری مکمل کرلی۔

دبئی میں ہونے والے دبئی ڈیوٹی فری ٹینس چیمپئن شپ نے لیجنڈ ٹینس پلیئر راجر فیڈرر نے مخالف کھلاڑی اسٹیفانوس سیٹسیپاس کو اسٹریٹ سیٹس میں 4-6 اور 4-6 سے شکست دے کر ٹائٹل اپنے نام کیا، یہ فیڈرر کے کیریئر کا 100 واں ٹائٹل ہے۔

اس کے ساتھ ہی 37 سالہ فیڈرر نے 5 لاکھ 23 ہزار 300 امریکی ڈالر کی انعامی رقم بھی اپنے نام کرلی۔

خیال رہے کہ راجر فیڈرر ٹینس کی تاریخ میں سب سے زیادہ 20 مرتبہ گرینڈ سلم ٹورنامنٹ جیت چکے ہیں اور وہ پروفیشنل ٹینس کے موجودہ دور میں ٹور کی سطح کے 100 ٹورنامنٹس جیتنے والے دوسرے مرد کھلاڑی ہیں۔

اب تک سب سے زیادہ 109 ٹائٹلز جیتنے کا اعزاز امریکی ٹینس کھلاڑی جمی کانرز کو حاصل ہے تاہم فیڈرر کے مداح پرامید ہیں کہ وہ جلد ہی یہ سنگ میل بھی عبور کرلیں گے۔

100 ٹورنامنٹس جیتنے پر جمی کانرز نے فیڈرر کو مبارکباد دی ہے۔

سندھ حکومت سے 20 کروڑ روپے لئے ۔ حکومت سے محاذ آرائی والی کوئی بات نہیں البتہ پالیسی کے مسائل ہیں جو وقت کے ساتھ ٹھیک ہو جائیں گے،بریگیڈیئر (ر) خالد سجاد کھوکھر
اسلام آباد(ایمرا نیوز آن لائن)پاکستان ہاکی فیڈریشن کے صدر بریگیڈیئر (ر) خالد سجاد کھوکھر نے کہا ہے کہ نومبر 2017 سے حکومت کی طرف سے مالی معاونت نہیں ملی ۔ اپنی کوششوں سے سندھ حکومت سے 20 کروڑ روپے لئے ۔ حکومت سے محاذ آرائی والی کوئی بات نہیں البتہ پالیسی کے مسائل ہیں جو وقت کے ساتھ ٹھیک ہو جائیں گے وہ گزشتہ روز صحافیوں کے ایک گروپ سے گفتگو کر رہے تھے انہوں نے کہا کہ میں پی ایچ ایف کا منتخب صدر ہوں ۔ دھونس سے کوئی استعفٰی نہیں لے سکتا ۔ تاہم کوئی اس یقین دہانی کے ساتھ آئے کہ وہ ہم سے بہتر ہاکی چلا سکتا ہے ۔ ارجنٹائن ، بیلجیئم ، ہالینڈ ، آسٹریلیا کو شکست دے سکتا ہے ۔ فنڈز میں فیڈریشن کو خود کفیل کر سکتا ہے تو پی ایچ ایف اس کے حوالے کی جا سکتی ہے ۔ انہوں نے کہاکہ ہر جگہ وقار سے کام کیا ہے عہدوں کی پرواہ کی بجائے عزت کو اولیت دیتا ہوں ۔ جب سے پی ایچ ایف کا صدر بنا ہوں ۔ذاتی کوششوں سے کروڑوں روپے کے فنڈز لایا ہوں ۔ جس کا آڈٹ بھی کرایا ہے ۔ لیکن ہماری راہ میں ہر جگہ رکاوٹیں کھڑی کی گئیں ۔ آخری وقت تک یہ معلوم نہیں ہوتا تھا کہ ٹیم بین الاقوامی مقابلوں کے لئے جائے گی یا نہیں ۔ ادھار لے کر ذاتی ذمہ داری پر بین الاقوامی کمٹمنٹس پوری کرتے رہے ہیں اب بھی کروڑوں روپے کے قرض دار ہیں ۔ ہمارے مقابلے میں بھارت کا نہ صرف ہاکی کے لئے اربوں روپے کا بجٹ ہے بلکہ ملک بھر میں بہترین انفراسٹرکچر بھی بنا رکھا ہے ۔ منظوری کے باوجود تبدیل کی جانے والی مصنوعی گھاس کی گراؤنڈز کی حالت دگرگوں ہے ۔پرولیگ کے بارے میں سوال کے جواب میں انہوں نے کہا کہ ہم نے ایگریمنٹ سائن کیا تھا لیکن بجٹ نہ ہونے کی وجہ سے ہم کیمپ تک نہ لگا سکے ۔ ہمارے ٹرینر اور کوچ فنڈز کی عدم دستیابی کی وجہ سے چھوڑ کر چلے گئے ۔ انہوں نے کہا کہ پرولیگ چھوڑنے کی وجہ سے ہمیں جرمانہ اور پابندی کا سامنا ہو سکتا ہے لیکن اس کے لئے ہم اپنا کیس پیش کریں گے اپنی مجبوریاں بتائیں گے ۔ جس کی وجہ سے امید ہے کہ ہمیں زیادہ مشکل کا سامنا نہیں کرنا پڑے گا ۔ انہوں نے بتایا کہ کراچی ہاکی سٹیڈیم کی لیز پاکستان آرمی سے ہمیں مل گئی ہے جس کی وجہ سے مستقبل میں ہم مالی طور پر خودکفیل ہو سکتے ہیں ۔پاکستان نیوی نصیر بندہ ہاکی سٹیڈیم میں ٹرف سمیت سٹیڈیم کی تعمیر اور دیگر سہولیات دینے کو تیار ہے ۔ لیکن اس کے لئے پاکستان سپورٹس بورڈ کو منظوری دینا ہو گی ۔ پاکستان آرڈیننس فیکٹری واہ نے ہمارے ساتھ ہاکی اکیڈمی اور اپنی ہاکی ٹیم بنانے پر رضامندی ظاہر کی تھی لیکن ہم معاہدے کے مطابق انہیں کچھ نہ دے سکے ۔جس کی وجہ سے معاملہ تعطل کا شکار ہے۔ انہوں نے کہاکہ پاکستان آرمی ، پاک نیوی ہاکی کے فروغ کے لئے پوری طرح ہمارے ساتھ کھڑی ہے ۔ حکومت کی سپورٹ سے ہم آگے بڑھ سکتے ہیں ہم تو یہاں تک کہتے ہیں کہ حکومت ہمیں کچھ دینے کی بجائے خود خرچہ کرے تو بھی ہم تیار ہیں ۔ انہوں نے کہا کہ کچھ لوگ سیٹوں کے لئے گند ڈالنے کی کوشش کر رہے ہیں اگر انہیں سیٹ مل جائے تو سب اچھا ہے ۔ گفتگو کے دوران پی ایچ ایف کے سیکرٹری شہباز سینئر اور خزانچی اخلاق عثمانی بھی موجود تھے ۔( جاوید/ ناصر اسلم راجہ )

لاہور(ایمرا نیوزآن لائن) پاکستان ہاکی ٹیم پرو ہاکی لیگ سے باہر پاکستان ہاکی فیڈریشن نے پرو ہاکی لیگ کے پہلے مرحلے میں شرکت سے معذرت کی تھی انٹرنیشنل ہاکی فیڈریشن نے پاکستان ہاکی ٹیم کو پرو ہاکی لیگ سے معطل کر دیا.FIH نے ایک بیان میں کہا ہے پاکستان ہاکی ٹیم FIH پرو لیگ کا حصہ نہیں بنے گی.پاکستان ہاکی فیڈریشن نے FIH کو بتایا ہے کہ وہ ناگزیر حالات کی وجہ سے وہ ارجنٹینا، نیوزی لینڈ ، اور آسٹریلیا کے خلاف میچ نہیں کھیل سکے تھے.
تفصیل کے مطابق انٹرنیشنل ہاکی فیڈریشن نے ٹورنمنٹ کے اصولوں کو نقصان پہنچائے بغیر یہ فیصلہ کیا گیا ہے کہ پاکستان ہاکی ٹیم کو FIH پرو لیگ سے معطل کیا جائے. FIH کے چیئرمین نے افسوس کا اظہار کیا کہ پاکستان نے لیگ کے پہلے 3 میچوں میں شرکت سے معذرت کی.
https://emra.tv/2019/01/24/میاں-نواز-شریف-ک…-تکلیف-ہے،-پرویز/
ان کا مزید کہنا تھا کہ پاکستان کا FIH پرو لیگ کے پہلے تین میچوں میں شرکت سے معذرت کا فیصلہ انتہائی افسوس ناک ہے اور ان کے پاس اس کے علاوہ کوئی اور راستہ نہیں ہے کہ وہ پاکستان کو FIH پرو لیگ کے اگلے میچوں سے باہر کریں. پاکستان کی غیر حاضری سے لیگ پر کوئی اثر نہیں پڑے گا . ایف آئی ایچ پرو لیگ کی باقی آٹھ ٹیمیں ایک دوسے کے خلاف گھر میں یا باہر جنوری سے جون تک کھلیں گی.

(ایمرا نیوز)
پی ٹی آئی کے 100دن ہوئے ابھی 30دن بھی نہیں گزرے ہیں کہ مسلم لیگ ن اور پی ٹی آئی کے اراکین میں تلخ جملوںکی لے دے شروع ہوگئی ہے۔ خاص طور پر محترمہ مریم اورنگ زیب کا کہنا ہے یہ حکومت جھوٹی ہے اور اس نے معیشت کا بھٹہ بٹھادیا ہے جبکہ ہماری حکومت نے 5سال میں ملکی معیشت کو مضبو ط بنایا تھا ۔جواب میں وزیراطلاعات فواد چوہدری فرماتے ہیں اُس سچی حکومت نے پورے پاکستان کے Assetsآئی ایم ایف کو گروی رکھ کر پاکستان کی تاریخ میں سب سے زیادہ قرضے لئےاور کرپشن کے تمام ریکارڈ توڑ ڈالے اور اب اس ڈر سے کہ جیل کی ہوا نہ کھانی پڑے،اسحاق ڈار لندن میں نا م نہاد بیمار بن کر نیب اور عدلیہ سے منہ چھپا رہے ہیں ۔رانا ثناء اللہ اپنا سارا بخار شیخ رشید پر اتارتے ہوئے ان کو بنارسی ٹھگ قرار دیتے ہیں تو جواب میں شیخ رشید سعد رفیق پر جملے کستے ہیں کہ اتنی کرپشن ریلوے میں کی کہ صرف ریل کی پٹریاں رہ گئی ہیں ۔شہباز شریف کے جیل جانے کے بعد مسلم لیگ ن سکتے میں ہے کیونکہ اب حمزہ شہباز کا نمبر بھی نزدیک نظر آرہا ہے اس کی وجہ ایف آئی اے نے اُن کو قطر جانے سے روک دیا ہے ۔فی الحال نوازشریف ،مریم نواز اور صفدر گم صم ہیں اور 24 دسمبر کا انتظار کررہے ہیں کہ عدلیہ سے اُن کے کیسوں کا فیصلہ آنے والا ہے ۔ پی پی پی کے سربراہ آصف علی زرداری اور فریال تالپور صاحبہ کا بھی 24دسمبر کوفیصلہ متوقع ہے مگر زرداری صاحب بہادری کا مظاہرہ کرکے اب اداروں کو للکار رہے ہیں جبکہ فواد چوہدری میڈیا پر برملا کہہ چکے ہیں کہ میاں نوازشریف اورآصف علی زرداری کی سیاست ختم ہوچکی ہے ۔ بقیہ دن اُن کو اب جیل میں ہی گزارنا پڑیں گے ۔قوم کو ان کے جیل آنے جانے سے کوئی فرق نہیں پڑتا ۔سوال یہ پیدا ہوتا ہے کہ کھربوں کی کرپشن کے پیسے کیسے وصول ہونگے ۔سب اس کرپشن سے منکر ہیں اور اس کو سیاسی انتقام کا نام دے رہے ہیں اور تو اور اب تو ہمارے چند مقبول ترین لکھاری بھی بزنس ٹائیکون سمیت سب کو بے قصور سمجھ کر اُن پر کئی کالم بھی لکھ چکے ہیں ۔قوم حیران پریشان ہے ہر روز ایک نئی کرپشن کی کہانی میڈیا سے سننے کو ملتی ہے۔ اب انور مجید کیس سب سے بڑا کرپشن کیس بن کر سامنے آیا ہے لیکن وہ بھی انکاری ہیں ۔

11سال میں حکومت سندھ کی مہربانیوں سے ایک شوگر مل سے 11شوگر ملیں اور 10بڑی انڈسٹریاں ،پائور پلانٹس کیسے وجود میں آگئے ۔اب تو سندھ کے وزیراعلیٰ مُراد علی شاہ اور سابق وزیراعلیٰ قائم علی شاہ کانام بھی سرفہرست ہے جنہوں نے انور مجید اینڈ کمپنی پر مہربانیاں کرکے ان کو پاکستان کی سب سے امیر شخصیت بنادیا ہے۔نیب اب اسپیکر سندھ اسمبلی سراج دُرانی اور ان کے خاندان کے اثاثے جمع کرنے میں لگا ہوا ہے۔ نثار کھوڑوبھی اس کی لپیٹ میں آتے نظر آرہے ہیں۔ سوال یہ پیدا ہوتا ہے ان 10سالوں میں آج تک کھربوں کے کرپشن کیسوں میں ایک سیاست دان کو سزا ہوئی نہ کوئی پیسہ اُن سے وصول ہوا تو پھر اس اُتار چڑھائو کا قوم کو کیا فائدہ ہوا؟۔قوم پر توصرف قرضوں میں اضافہ ہی ہوا ۔ہمارے قانونی جھول سے سب نے فائدہ اُٹھا یااور اب یہ پختہ کرپشن پروف ہوچکے ہیں ۔چند ماہ اخبارات ،ٹیلی وژن کی سرخیاں عوام کو دیکھنے کو ملتی ہیں اور پھر ٹائیں ٹائیں فش ۔فی الحال مولانا فضل الرحمٰن اور عبدالصمد اچکزئی، جے یو آئی کی مرکزی قیادت جن پر میاں نواز شریف نے اپنے دُور اقتدار میں عنایتوں کی بارشیںکی تھیں، ابھی تک ایف آئی اے اور دیگر اداروں کی گرفت سے دُور ہیں ۔پی ٹی آئی سے محاذ آرائی سے اجتناب کررہے ہیں البتہ بیچ بیچ میں خورشید شاہ کو لقمہ دیتے رہتے ہیں ۔اب میں آتاہوں تبدیلیوں کی طرف ۔پی ٹی آئی کی ٹیم جس کو پہلی احتسابی میٹنگ میں اپنے مرکزی وزراء کو 100فیصد نمبر دے کر اور مغرور کردیا ہے اور اتحادیوں پر تنقید کرکے اُن کو فرار کا راستہ دکھا دیا ہے ۔یہی عمل صوبائی سطح پر پنجاب میں دہرایا گیا ہے ابھی تک یہ نہیں معلوم ہوسکا کہ وزیراعلیٰ پنجاب کون ہیں ؟اگر مرکزی وزراء کی کارکردگی 100فیصد تھی تو 2مرتبہ بجلی ،گیس ،پیٹرول ،ڈیزل کے دام کیوں بڑھائے گئے ۔ڈیزل اور پیٹرول دنیا میں سستا اور بقول وزیرخزانہ سعودی عرب سے اُدھار تیل کے علاوہ 2ارب ڈالر اُدھار مل چکے ہیں تو تیسری مرتبہ 130ارب کا اضافی بوجھ عوام پر کیوں ڈالا جارہا ہے اور ڈالر کو بے لگام کیوں چھوڑ دیا گیا ہے۔یہ کیسا وزیر خزانہ ہے جس کو ڈالر کے بڑھنے کا بھی علم پوری طرح نہ ہو،باہر کے باہر اسٹیٹ بینک از خود ایک رات میں 140روپے کی سطح تک وزیرخزانہ کی منظوری کے ہیجان برپا کردیتا ہے ۔دوسری اہم تبدیلی یہ ہے کہ اس ڈالر کی وجہ سے صنعت کاری رُک گئی ہے تمام بازار اور کاروبار ٹھپ ہوچکے ہیں ۔عوام کی قوت برداشت ختم ہوتی جارہی ہے ۔ایک بڑا غلط فیصلہ توڑپھوڑ کا برداشت کرلیا مگر ایسا ہی دوسرا فیصلہ عوام کو سڑکوں پر لے آئے گا ۔کب تک پی ٹی آئی مصنوعی کندھوں پر بیٹھ کر حکومت چلائے گی کوئی مثبت تبدیلی نظر تو آنی چاہئے ۔وزیراعظم عمران خان اور وزیرخزانہ جلد خوشخبریوں کی روزِاول سے نویدیں سُنا سُنا کر کب تک عوام کو تسلیاں دیتے رہیں گے ۔ایک قدم آئی ایم ایف کی طرف بڑھاتے ہیں دوسرے دن جھٹلاکر قوم کو بیوقوف بناتے ہیں ۔ہمارے وزیراطلاعات فواد چوہدری کی زبان اور مسلم لیگ ن کی وزیراطلاعات مریم اورنگ زیب کی زبانوں میں کوئی فرق نہیں لگتا سوائے مذکر اور مونث کے ۔کیا ایسی ہی گفتار کے لئے پی ٹی آئی کو ووٹ دیئے تھے ۔سابق صدر آصف علی زرداری کہتے ہیں فوری الیکشن کرانے کا اشارہ ملا ہے ۔اب تک کی گورننس دیکھ کر تو پی ٹی آئی کا اقتدار ختم ہوسکتا ہے اس کی وجہ بھی پی ٹی آئی والوں کی نااہلی ہوگی ۔عوام انہیں اب ووٹ نہیں دیں گے یہ ایک سیاسی المیہ ہوگا ۔دوبارہ لٹیرے ایک جان بن کر اقتدار میں آئیںگے ۔یہ نادانی ہوگی جس نے بھی عمران خان کو الیکشن کروانے کا مشورہ دیا ہے وہ اندر سے اُن کا بدترین دشمن ہی ہوسکتا ہے ۔

عمران خان کو چاہئے پہلی فرصت میں اپنے اقتصادی مشیروں کو فارغ کرکے فیڈریشن اسٹاک ایکسچینج کے صدر اور چیمبرز آف کامرس کے صدور کا پینل تشکیل دیں اور ان سے مشاورت کرکے آئندہ کا لائحہ عمل بنائیں یہ وزیر خزانہ کے بس میں نہیں ان کو 20کروڑ آبادی والے ملک کا بجٹ بنانے اور چلانے کا کوئی تجربہ نہیں ہے ۔وہ جس ادارے سے وابستہ تھے اس کو بھی بینک کرپشن کا منہ دیکھنا پڑا تھا کیا وہ تجربہ اس ملک پر کرنا چاہتے ہیں؟
(بشکریہ جنگ لاہور)

لاہور(نیٹ نیوز) انٹرنیشنل ہاکی سیریز اوپن کے میچز نیشنل سٹیڈیم میں جاری ۔ نیپال نے افغانستان کو زیر کیا ۔دوستانہ میچ میں پاکستان پریذیڈنٹ الیون نے فتح سمیٹی ۔نیشنل ہاکی سٹیڈیم میں انٹرنیشنل ہاکی سیریز اوپن کا پانچواں روز ۔ نیپال اور افغانستان کی ٹیمیں ہو ئیں مدمقابل، نیپال کی ٹیم میچ پر حاوی رہی ۔ افغانستان کو 6 صفر سے شکست دے دی ۔ قازقستان کے ساتھ دوستانہ میچ میں پاکستان پریزیڈنٹ الیون نے میچ جیت لیا ۔ہاکی سیریز اوپن میں کل آخری معرکہ میں قازقستان اور ازبکستان کی ٹیمیں آمنے سامنے ہونگی ۔

لاہور(نیٹ نیوز) ہاکی ورلڈکپ میں ناقص کارکردگی کے باعث رضوان اور عرفان سینئر سمیت 7 سینئر کھلاڑیوں کو ٹیم سے فارغ کرنے کا فیصلہ کیا گیا ہے۔

ذرائع کے مطابق قومی ہاکی ٹیم سے راشد محمود کو بھی فارغ کرنے کا فیصلہ کرلیا گیا ہے۔
قومی ہاکی ٹیم کے ہیڈ کوچ توقیر ڈار عہدے سے مستعفی

ذرائع کا کہنا ہےکہ ہیڈ کوچ توقیر ڈار کے مستعفی ہونے کے بعد اب اولمپئن قمر ابراہیم کو قومی ہاکی ٹیم کی کوچنگ کی ذمہ داریاں دینے کا فیصلہ کیا گیا ہے اور اس تعیناتی کا اعلان جلد کیے جانے کا امکان ہے۔

ذرائع کا کہنا ہے کہ قمر ابراہیم کے ساتھ سمیر حسین کو کوچنگ اسٹاف میں شامل کیے جانے کا امکان ہے جب کہ اسسٹنٹ کوچ ریحان بٹ سے ذمہ داریاں واپس لینے کا بھی امکان ہے۔

قومی ہاکی ٹیم کی اگلی اسائنمنٹ پرو ہاکی لیگ ہے جس کے لیے ٹریننگ کیمپ یکم جنوری سے لگایا جائے گا۔
ورلڈ کپ میں خراب کارکردگی کے باوجود پاکستان ہاکی ٹیم کی رینکنگ میں بہتری

واضح رہے کہ ورلڈکپ کے بعد قومی ہاکی ٹیم کے ہیڈ کوچ توقیر ڈار نے ذمہ داریاں نبھانے سے انکار کرتے ہوئے عہدے سے استعفیٰ دیا تھا جب کہ قومی ٹیم کے مینیجر حسن سردار نے بھی عہدہ چھوڑ دیا۔