Archives January 2018

لاہور (سٹاف رپورٹر/میڈیا 92 ںیوز)

خود مختار اور خوشحال پاکستان کی منزل کا حصول ہمارا مشن ہے حکومت کی ٹھوس معاشی پالیسیوں کے باعث معیشت میں نمایاں بہتری آئی ہے

معیشت کو مضبوط بنانے کے حوالے سے حکومت نے موثر اقدامات اٹھائے ہیں ۔ورثے میں ملنے والی بیمار معیشت کی بحالی پاکستان مسلم لیگ(ن) کی حکومت کا عظیم کارنامہ ہے حکومت کی موثر ترقیاتی حکمت عملی کے باعث معاشی و تجارتی سرگرمیوں کو فروغ ملاہے
سرمایہ کاری بڑھنے سے روزگار کے لاکھوں نئے مواقع پیدا ہورہے ہیں چائنہ پاکستان اکنامک کوریڈور پاکستان کی ترقی اور خوشحالی کاعظیم الشان منصوبہ ہے سی پیک کے تحت پاکستان بھر میں بہت سے منصوبے مکمل ہوچکے ہیں

دنیا پاکستان میں منصوبوں کی تیز رفتاری سے تکمیل پر حیران ہے چین پاکستان اقتصادی راہداری کا منصوبہ حقیقی معنوں میں ایک گیم چینجر ثابت ہواہے

سی پیک نے پاکستان میں غیرملکی سرمایہ کاری کے دروازے کھول دیئے ہیں۔سی پیک کے عظیم الشان سرمایہ کاری پیکیج پر چین کے صدر، وزیراعظم اور چینی عوام کے شکرگزار ہیں عظیم دوست چین کا ایسا عظیم تحفہ ہے جسے پاکستان کے عوام کبھی فراموش نہیں کر سکتے ۔ سی پیک کے تحت ہونے والی سرمایہ کاری سے دونوں ممالک کے عوام کے باہمی روابط بھی بڑھے ہیں . ملک و قوم کی تقدیر بدل دیں گے۔
سی پیک ایک اٹل حقیقت بن چکا ہے اور خطے سے دہشت گردی و انتہاپسندی کے خاتمے اور غربت میں کمی لانے کے حوالے سے بھی اہم کردار ادا کریگا۔
اقتصادی راہداری سے اقتصادی و سماجی ترقی کا نیا دور شروع ہوگا، پاکستان تجارتی و معاشی سرگرمیوں کا محور بنے گا۔ سی پیک منصوبہ تاریخ کا دھارا موڑ دے گا ۔

عوام کی ترقی کے مخالفین نے سی پیک کے عظیم منصوبے کو روکنے کی کوشش کی ۔ ذاتی ایجنڈے کی خاطر قومی مفادات کو نقصان پہنچانے والے ملک و قوم کے خیر خواہ نہیں ۔
وزیراعلیٰ پنجاب شہبازشریف نے صوبے کی ترقی کیلئے بے مثال اقدامات کیے ہیں۔وزیراعظم کے مشیر برائے خزانہ مفتاح اسماعیل

مفتاح اسماعیل کا کہنا تھا کہ
پنجاب کی ترقی سب کیلئے رول ماڈل بن چکی ہے شہبازشریف نے انتھک محنت اورمثالی اقدامات سے صوبے کو بدل کررکھ دیا ہے

لاہور (سٹی رپورٹر/میڈیا 92 ںیوز)

پنجاب لینڈ ڈویلپمنٹ کمپنی میں بے ضابطگیاں اور کرپشن ہونے کے خلاف پنجاب اسمبلی میں تحریک التوا جمع

تحریک التوا تحریک انصاف کی سعدیہ سہیل رانا کی جانب سے جمع کرائی گئی پنجاب لینڈ ڈویلپمنٹ کمپنی، آشیانہ ہاوسنگ سوسائٹیز میں بے ضابطگیاں، مبینہ کرپشن قوانین کے برعکس اقدامات سے متعلق مزید کئی انکشافات بے نقاب ہو گئے۔

حکومتی افسروں نے ہی اربوں روپے کے نقصان سے متعلق انکشافات کئے حکومت پنجاب نے پنجاب لینڈ ڈویلپمنٹ کمپنی کے 3 افسرمعطل کر دئیے۔

سی ای او بریگیڈئیر(ر)امجد علی جان کو 28نومبر،چیف انجینئرعارف بٹ یکم جنوری، منیجر فنانس علی وقاص کو 13جنوری کو معطل کیا گیا

پنجاب لینڈ ڈویلپمنٹ کمپنی کے سابق چیف ایگزیکٹو آفیسر کی جانب سے چیف سیکرٹری کو خط تحریر کیا گیا تھا کہ کمپنی کاانٹرنل آڈٹ ، آڈٹ کمیٹی بورڈ موجود ہی نہیں متعدد پراجیکٹس میں کہیں ٹیکس کی ادائیگیاں نہ کی گئیں۔

اس حوالے سے آڈیٹر جنرل نے بھی متعدد اعتراضات اٹھائے یہ بھی انکشاف ہوا کہ 6500اپارٹمنٹس بنانے کا خرچہ ساڑھے 13ارب روپے آتا ہے لیکن جو زمین کی قیمت کاسا ڈویلپرز کو دی گئی وہ تقریباً 20ارب روپے سے بھی زائد ہے۔

لاہور (سٹاف رپورٹر/میڈیا 92 ںیوز)

اورنج ٹرین کے راستے میں آنے والی تاریخی عمارتوں کی مرمت و بحالی تاخیر کا شکار ہونے کے خلاف پنجاب اسمبلی میں تحریک التوا جمع

تحریک التوا تحریک انصاف کی نبیلہ حاکم کی جانب سے جمع کرائی گئی

اورنج ٹرین کے راستے میں آنے والی تاریخی عمارتوں کی مرمت تاخیر کاشکار ہے ۔

صرف بدھو کے مقبرے کی مرمت کا کام مکمل ہوسکا۔ بدھو کے مقبرے کی لینڈ سکیپ کا کام ہونا باقی ہے۔

چوبرجی کی مرمت و بحالی کا کام مکمل نہ ہوسکا۔ 4 میں سے دو میناروں پر مغلیہ طرز کی فریسکو پینٹنگ کا کام ابھی باقی اندرونی حصہ کا کام تاخیر کا شکار ہے۔

زیب النساء اور دائی آنگہ کے مقبرے پر کام ہونا بھی باقی ہے۔

ٹھیکیداروں کی جانب سے کام سست روی کا شکار ہوگیا۔ منصوبہ تاخیر کا شکار ہونے سے اب مارچ کی بجائے جون میں مکمل ہوگا۔

حافظ آباد (نمائندہ خصوصی/ میڈیا 92نیوز)

وزیر مملکت برائے اطلاعات و نشریات مریم اورنگزیب نے کہا ہے کہ ملک میں فسادی اور انتشاری سیاست کرنے والوں کو عوام نے مسترد کردیا ہے، اب پاکستان میں سیاست کارکردگی کی بنیاد پر ہوگی۔

حافظ آباد پریس کلب کے نومنتخب عہدیداران کی تقریب حلف برادری سے خطاب کرتے ہوئے مریم اورنگزیب نے کہا کہ سی پیک کا منصوبہ نواز شریف کی طرف سے پاکستان کی آنے والی نسلوں کے لئےتحفہ ہے۔

انہوں نے کہا کہ سابق وزیر اعظم نواز شریف کو اقامے کی بنیاد پر گھر بھیج دیا گیا لیکن پانچ ماہ گزرنے کے باوجود اب تک نواز شریف پر ایک روپیہ کی کرپشن بھی ثابت نہیں ہوسکی۔

مریم اورنگزیب کا کہنا تھا کہ شہباز شریف وہ شخصیت ہیں جو پاکستانیوں بالخصوص پنجاب کے عوام کے دلوں میں جگہ رکھتے ہیں اور سندھ کے عوام بھی اب شہباز شریف جیسے وزیر اعلیٰ کا مطالبہ کرتے دکھائی دیتے ہیں۔

لاہور(کورٹ رپورٹر/میڈیا 92 ںیوز)
سیشن کورٹ میں 2 گروپوں میں تصادم کا افسوسناک واقعہ پیش آیا جس کے نتیجے میں ایک شخص جاں بحق ہوگیا۔ پولیس کی بھاری نفری عدالت کے باہر پہنچ گئی۔
ذرائع کے مطابق لاش کو مردہ خانے منتقل کیا جارہا ہے جبکہ عدالت کو چاروں اطراف سے گھیر لیا گیا ہے۔

لاہور (سٹاف رپورٹر/میڈیا 92 ںیوز)

ڈسٹرکٹ ایجوکیشن اتھارٹی نے مسلسل غیر حاضری پر گریڈ 17 کے 7 اساتذہ کو نوکری سے فارغ کر دیا۔

میڈیا 92 ںیوز کے مطابق ڈسٹرکٹ ایجوکیشن اتھارٹی نے مسلسل غیر حاضری پر گورنمنٹ ہائی سکول گھونڈ کے شاہد رمضان، گورنمنٹ گرلز ہائی سکول سوڈیوال کی حاجرہ شاہد، گورنمنٹ ہائی سکول مزنگ سے فراز علی رانا، گورنمنٹ ہائر سیکنڈری سکول گھوڑے شاہ سے مبشر احمد اور گورنمنٹ انجمن اسلام گرلز ہائی سکول گوالمنڈی سے حسیبہ بٹ کو نوکری سے فارغ کردیا۔
گورنمنٹ شہدائے اے پی ایس میموریل ماڈل ٹاون سے عبدالزیشان خان اور گورنمنٹ گرلز ہائی سکول شالیمار ٹاون کی آمنہ نذیر کو بھی فارغ کردیا گیا۔

(میڈیا 92نیوز)

بالی ووڈ کے سپراسٹار اداکار شاہ رخ خان کا فارم ہائوس انکم ٹیکس ڈیپارٹمنٹ نے قر ق کرلیا ،جس کی مالیت 250 کروڑ روپے ہے۔

بھارتی میڈیا رپورٹس کے مطابق مہاراسٹر کے ساحلی قصبے کے علاقے علی باغ میں واقع فارم ہائوس 19ہزار9سو 60اسکوائر میٹر پر پھیلا ہوا ہے ۔

انکم ٹیکس ڈیپارٹمنٹ نے شاہ رخ خان پر اعتراض لگایا ہے کہ انہوں نے زمین زرعی کاشت کے لئے حاصل کی تھی لیکن اس پر فارم ہائوس تعمیر کردیا ۔

میڈیارپورٹس کے مطابق انکم ٹیکس ڈیپارٹمنٹ نے مزید کہا کہ شاہ رخ خان کی کمپنی کو 24جنوری کو ای میل بھیجی تھی ،اس کے بعد بھی متعدد بار یاد دہانیاں کرائیں ،لیکن کوئی جواب نہیں ملا۔

انکم ٹیکس ڈپارٹمنٹ نے شاہ رخ کو جواب داخل کرنے کے لیے 90 روز کا وقت دیا ہے۔

بھارتی میڈیا نے دعویٰ کیا کہ کنگ خان نے ساحل سمندر پر زمین کی خریداری کے لیے ایک کمپنی بنائی تھی اور اسے 8 کروڑ سے زائد کا قرضہ بھی دلوایا تھا ،تعمیرات کے لیے ساحلی علاقوں کے قوانین کو بھی نظر انداز کیا۔

بھارتی فلم انڈسٹری کے کنگ کہلانے والے شاہ رخ خان کا کیریئر ان دنوں مشکلات کا شکار ہے اور ان کی ذاتی زندگی میں بھی کئی مسائل درپیش ہیں۔

شاہ رخ خان کو 2 سال قبل بھارت میں جاری عدم برداشت کے خلاف بیان دینے کے آفٹر شاکس اب تک محسوس ہورہے ہیں اور وہ انتہا پسند حکومت کی آنکھوں میں چُبھ رہے ہیں۔

شاہ رخ خان کی 52 ویں سالگرہ کے موقع پر مہاراشٹرا اسمبلی کے رکن جیانت پٹیل نےکنگ خان پر چڑھائی کی تھی اور کہاتھاکہ تم سپر اسٹار ہوگےلیکن تم نے پورا علی باغ نہیں خرید رکھا اور میری اجازت کے بغیر تم یہاں داخل بھی نہیں ہو سکتے۔

مہاراشٹرا کے رکن اسمبلی کی دھمکیوں کے بعد سے ہی بھارتی حکومت نے شاہ رخ خان کی علی باغ کی اراضی کو نشانہ بنانا شروع کردیا تھا اور انہیں نوٹس بھی جاری کیا تھا، لیکن اب انکم ٹیکس ڈپارٹمنٹ نے اس اراضی کو قرق کرلیا ہے۔

(میڈیا 92نیوز)
امریکی حکومت کے سرکاری نگراں ادارے اسپیشل انسپکٹر جنرل فار افغان ری کنسٹرکشن نے ایک رپورٹ میں اعتراف کیا ہے کہ امریکا افغانستان میں کنٹرول کھو رہا ہے۔

امریکی حکومت کے سرکاری نگراں ادارے اسپیشل انسپکٹر جنرل فار افغان ری کنسٹرکشن (سگار) نے افغانستان کی صورتحال کے حوالے سے ایک رپورٹ تیار کی جو امریکی کانگریس، محکمہ دفاع اور محکمہ خارجہ کو بھیجی گئی۔ رپورٹ میں اعتراف کیا کہ امریکا افغانستان میں کنٹرول کھو رہا ہے اور امریکا کے زیر کنٹرول اضلاع کی تعداد کم ہورہی ہے، اس کے مقابل ان علاقوں کی تعداد بڑھ رہی ہے جن پر طالبان کا قبضہ یا اثر و رسوخ ہے۔

سگار کی رپورٹ کے مطابق 2017 میں بم حملوں کے اعداد و شمار 2012 کی نسبت 3 گنا زیادہ ہیں اور افغانستان میں امریکی فوجیوں کے جانی نقصان میں بھی اضافہ ہوا جب کہ سپا ہیوں کو ہلاک کیا جانا تقریباً روز مرہ کا معمول ہے، گزشتہ 11 مہینوں میں 11 امریکی فوجی ہلاک ہوئے، اکتوبر میں افغانستان میں فورسز نے دشمنوں کے ٹھکانوں پر 653 بم گرائے۔
رپورٹ میں بتایا گیا کہ منشیات پر کنٹرول کے لیے 8 ارب 70 کروڑ ڈالر دی گئی لیکن اس کے باوجود گزشتہ سال افغانستان میں افیون کی پیداوار میں 87 فی صد اضافہ ہوا اور پوست کے زیر کاشت رقبے میں بھی 63 فی صد اضافہ دیکھنے میں آیا جب کہ افغان صوبے فرح میں تشدد کے واقعات میں اضافہ ہو رہا ہے، مقامی آبادی کا کہنا ہے کہ طالبان نے کئی سرکاری چوکیاں تباہ کر دی ہیں۔

اسلام آباد (بیورو چیف / میڈیا 92نیوز) سینیٹر اعتزاز احسن کا کہنا ہے کہ تاحیات نااہلی کو سپریم کورٹ نہیں صرف پارلیمنٹ ہی ختم کرسکتی ہے۔
سینیٹر چوہدری اعتزاز احسن نے نوازشریف کی نااہلی کی مدت کے معاملے پر اسلام آباد میں میڈیا سے گفتگوکرتے ہوئے کہا کہ تاحیات نا اہلی کوسپریم کورٹ نہیں صرف پارلیمنٹ ہی ختم کرسکتی ہے، اسفند یارولی کیس میں 14 ججوں کا فیصلہ اس کی عدالتی نظیرہے، اس کیس میں سپریم کورٹ نے پارلیمنٹ کوتجویزکیا کہ نیب کے تحت نااہلی مدت 21 سال سے 10 سال کی جائے اورپارلیمنٹ نے اسے 10 سال کیا، کیا اب بھی سپریم کورٹ پارلیمنٹ کو رائے دے سکتی ہے۔

سینیٹر اعتزازاحسن نے مزید کہا کہ دباؤ کا مقصد نااہلی کی میعاد کو انتہائی کم کروانا ہے، (ن) لیگ نا اہلی کی مدت کا معاملہ موجودہ اسمبلی تک لانا چاہتی ہے اور یہ چاہتے ہیں موجودہ اسمبلی کے ساتھ ہی نااہلی بھی ختم ہوجائے۔

(سٹاف رپورٹر/میڈیا 92 ںیوز)

عوامی مسلم لیگ کے سربراہ شیخ رشید نے قومی اسمبلی سے مستعفی ہونے کا فیصلہ واپس لے لیا،اپنڈکس آپریشن کے بعد شیخ رشید احمد پہلی مرتبہ پارلیمنٹ ہاؤس پہنچے ۔

پارلیمنٹ ہاؤس میں صحافی نے سوال کیا ،آپ نے استعفیٰ جمع کرا دیا ہے؟ شیخ رشید بولے ،وقت گزرگیا اب ضرورت ہی نہیں رہی استعفے کی۔

صحافی نے ایک اورسوال کیاآپ کی طبیعت اب بھی بوجھل لگ رہی ہے؟،جس پر شیخ رشید نے کہا کہ اپنڈکس آپریشن کے بعد ابھی پوری طرح طبیعت بحال نہیں ہوئی،ایک سو دو، تین تک بخار رہتا ہے،آپ دعا کریں آج شام ٹانکے کھل جائیں گے۔