Archives March 2023

کراچی :ڈپریشن کا کوئی وجود ہی نہیں ہے، یہ اللّٰہ تعالیٰ سے دوری کا نام ہے ، اداکارہ ریشم بیان دیکر تنقید کی زد آگئیں ۔ ریشم نے حال ہی میں ذہنی کیفیت ڈپریشن سے متعلق بات کرتے ہوے ڈپریشن کے وجود سے ہی انکار کر دیا ۔ ریشم سوشل میڈیا پر کافی متحرک ہیں اور اکثر و بیشتر وہ اپنے اکاؤنٹ پر کھانا پکاتے ہوئے ویڈیوز اپلوڈ کر رہی ہوتی ہیں، اِن ویڈیوز میں ریشم کو خود اپنے ہاتھوں سے غریب عوام میں تقسیم کرنے کے لیے کھانا بناتے ہوئے دیکھا جا سکتا ہے۔ریشم ملنے ملانے اور مل بیٹھ کر کھانے کی دلدادہ نظر آ تی ہیں اسی لیے وہ آئے دن شوبز انڈسٹری کی شخصیات کے ساتھ بھی دعوتوں کی تصویریں اپلوڈ کرتی رہتی ہیں۔ ڈپریشن کے بارے میں ریشم کا بیان سوشل میڈیا کے پیجز پر کافی وائرل ہوا جسے کچھ انٹرنیٹ صارفین کی جانب سے پسند تو کسی کی جانب سے تنقید کا نشانہ بنایا گیا۔تنقید کرتے ہوئے صارفین کا کہنا تھا کہ ڈپریشن ایک واضح کیفیت ہے، یہ لوگوں کو کافی متاثر کرتا ہے اسے جھٹلایا نہیں جا سکتا۔بعد ازاں ریشم نے ایک اسی بیان سے متعلق انسٹا پر ایک پوسٹ بھی شیئر کی جس میں اْن کا کہنا تھا کہ ’ہر انسان کی اپنی سوچ ہوتی ہے اور میرے نزدیک ہر مسئلے کا حل اللّٰہ سے محبت اور اللہ سے لگاؤ میں ہے، پھر چاہے وہ ڈپریشن ہو یا کوئی اور مسئلہ، شاید کچھ لوگوں کو میری بات سمجھ نہیں آئی، گہری باتیں ہر ایک کو سمجھ آتی بھی نہیں، تنقید کرنے والوں کو میں یہ کہنا چاہتی ہوں کہ اپنی انرجی کسی مثبت چیز کے لیے سنبھال کر رکھیں، اللّٰہ آپ سب کو خوش رکھے آمین‘۔

کراچی:پاکستان شوبز کے اداکار محسن عباس حیدر نے سوشل میڈیا کو عوام کی زندگیوں کی تباہی کا سبب قرار دیدیا ۔ ایک ٹی وی پروگرام میں گفتگو کرتے ہوے محسن عباس حیدر نے کہا کہ سوشل میڈیا جعلی ہے، یہ سب جھوٹ پر مبنی ہے، سوشل میڈیا نے بہت سے گھر اور زندگیاں تباہ کر دی ہیں کیونکہ لوگ ان کے جعلی پہلو دکھا رہے ہیں، انہوں نے خوبصورتی کے جعلی معیار بنا رکھے ہیں، وہ جعلی طرز زندگی کی تصویر کشی کر رہے ہیں جبکہ حقیقت اس کے برعکس ہے۔ انہوں نے کہا کہ لوگ ہمیشہ سوشل میڈیا پر اپنا پرفیکٹ پہلو دکھانے کی کوشش کرتے ہیں جس کا کوئی وجود بھی نہیں ہوتا، وہ اپنی خامیوں اور ناکامیوں کو نہیں دکھاتے، اگر وہ حقیقت کو سامنے لائیں گے تو ہم اس سے کچھ سیکھ سکیں گے لیکن ایسا نہیں ہوتا۔

وینس: اٹلی کے دارالحکومت وینس میں ایک شخص نے 3 منزلہ عمارت سے نہر میں چھلانگ لگا دی، جس کی ویڈیو سوشل میڈیا پر وائرل ہوگئی۔غیر ملکی میڈیا رپورٹس کے مطابق اطالوی حکام کا کہنا ہے کہ اس شخص کی شناخت تاحال نہیں ہوسکی ہے تاہم وہ اس شخص اور اس کے ساتھی کی شناخت اور تلاش کے لئے قانونی کارروائی کر رہے ہیں۔وینس کے میئر نے مائیکروبلاگنگ سائٹ ٹوئٹر پر ٹوئٹ کرتے ہوئے مذکورہ شخص کو بیوقوف قرار دیتے ہوئے کہا کہ سوشل میڈیا پر وائرل ویڈیو میں جو شخص 3 منزلہ عمارت سے نہر میں چھلانگ لگا رہا ہے اسے حماقت کا سرٹیفکیٹ دینا چاہیئے اور ساتھ ہی اس حرکت پر اسے خوب مارنا چاہیئے۔وینس کے میئر نے برہمی کا اظہار کرتے ہوئے کہا ہے کہ آج کل سوشل میڈیا صارفین چند لائکس اور توجہ کے لئے اپنے ساتھ ساتھ دوسروں کی جان بھی خطرے میں ڈال دیتے ہیں۔انہوں نے موقع پر موجود عینی شاہدین سے تعاون کی اپیل کرتے ہوئے کہا ہے کہ مذکورہ شخص کی شناخت کرنے اور یہ جاننے میں ان کی مدد کریں کہ اس شخص نے رہائشی عمارت کی چھت تک رسائی کیسے حاصل کی۔ان کا کہنا ہے کہ مذکورہ غوطہ خور شخص اور اس کے ساتھی کے خلاف مقدمہ درج کرلیا گیا ہے جیسے ہی اس کی شناخت ہوگی اسے گرفتار کرلیا جائے گا۔

بیجنگ :چین کے صدر شی جن پنگ نے سعودی ولی عہد محمد بن سلمان سے فون پر بات چیت کی اور دونوں ممالک کے درمیان فالو اپ بات چیت کی حمایت سمیت مختلف امور پر تبادلہ خیال کیا ۔ غیر ملکی خبر رساں ادارے کے مطابق اس موقع پر چین کے صدر شی جن پنگ نے امید ظاہر کی کہ سعودی عرب اور ایران مذاکرات کے نتائج کی بنیاد پر اپنے تعلقات مسلسل بہتر بنائیں گے۔انہوں نے کہا کہ وہ چین اور سعودی تعلقات کو فروغ دینے، بنیادی مفادات سے متعلق مسائل پر مضبوطی سے ایک دوسرے کی حمایت کریں گے۔ انہو ں نے کہا کہ چین اور سعودی عرب مشرق وسطیٰ میں امن، استحکام اور ترقی کو فروغ دینے کے لیے مزید تعاون کریں گے۔

نئی دہلی: بھارت میں مسلمان دشمنی انتہا پر پہنچ گئی ۔ہندوؤں کے مذہبی نعرے نہ لگانے پر امام مسجد کو بہیمانہ تشدد کا نشانہ بنا دیا گیا ، جبرا ڈاڑھی بھی کاٹ دی ۔ پولیس کا بھی نے بھی انتہائی افسوسناک رویہ اپناتے ہوے تشدد کرنے والوں کو گرفتار کرنے کے بجائے انھیں انکا ساتھ دیا ۔ غیر ملکی خبر رساں ادارے کے مطابق ریاست مہاراشٹر کے ضلع جلنا میں ہندو انتہاپسند ایک مسجد میں گھس گئے اورتلاوت قرآن پاک میں مصروف امام مسجد ذاکر سید کو ہندوؤں کے مذہبی نعرے لگانے پر مجبور کیا۔مسجد کے امام صاحب کے انکار پر ہندو انتہا پسندوں نے ان پر انسانیت سوز تشدد کیا اور ان کی ڈاڑھی جبراً کاٹ دی گئی۔ واقعہ کے کچھ دیر بعد نماز کی ادائیگی کے لیے مسجد آنے والے نمازیوں نے امام مسجد کو شدید زخمی حالت میں اسپتال منتقل کیا۔پولیس نے حسب معمول ہندوانتہاپسندوں کا ساتھ دیتے ہوئے امام مسجد کو بدترین تشدد کا نشانہ بنانے والوں کو گرفتار نہیں کیا۔

نئی دہلی :چالبازمودی سرکار کا ریٹائرڈ بھارتی فوجیوں سے بھی دھوکا، مودی نے الیکشن سے قبل بووٹ بٹورنے کی خاطر ’’ایک رینک ، ایک پنشن‘‘ کا وعدہ کیا لیکن بعد میں آنکھیں پھیر لیں، مودی نے ووٹ کی خاطر ہمیں سبز باغ دکھائے ریٹائرڈ فوجیوں کی دہائی،میڈیا رپورٹس کے مطابق 2013 میں ہریانہ میں انتخابی ریلی کے دوران مودی نے ایک رینک، ایک پنشن کا وعدہ کیا تھا، پھر 2014 میں سیاچن میں فوجیوں سے خطاب کرتے ہوئے مودی نے’’ ایک رینک ، ایک پنشن‘‘ کی منظوری کا دوبارہ وعدہ کیا تھا، مودی کے وعدے کی بنیاد پر جنرلوی کے سنگھ سمیت کئی ریٹائرڈ جرنیلوں اور ہزاروں ریٹائرڈ فوجیوں نے بی جے پی کو ووٹ ڈالا، انتخابات جیتنے کے بعد احسان فراموش مودی سرکار ٹال مٹول سے کام لینے لگی، مطالبات کی نا منظوری پر جون 2015 میں ریٹائرڈ فوجیوں نے ہندوستان بھر میں مظاہرے کئے، مظاہروں کے دوران پولیس نے جنتر منتر دہلی میں احتجاج کرنے والے ریٹائرڈ فوجیوں اور بیواؤں پر بہیمانہ تشدد کیا، مظاہرین پر تشدد کے بعد 10سابقہ آرمی چیفز نے مودی کو خط میں مذمت کی اور تحقیقاتی کمیشن بنانے کا مطالبہ کیا، یکم نومبر2016 کو صوبیدار رام کشن نے مطالبات کی نامنظوری پر خودکشی کر لی تھی، اب تک 5ہزار سے زائد ریٹائرڈ بھارتی فوجی مودی سرکار کو احتجاجاََ اپنے تمغے واپس کر چکے ہیں، سپریم کورٹ کے واضح احکامات کے باوجود مودی سرکار نے ترمیم یافتہ بل منظور کر لیا، ریٹائرڈ فوجیوں نے بل کو مسترد کرتے ہوئے اسے ایک رینک پانچ کے مترادف پنشن قرار دیا تھا، مودی سرکار کے مطابق بل کی منظوری سے 40فیصد دفاعی بجٹ صرف پنشنز کی نذر ہو جائے گا ، 2008سے ریٹائرڈ بھارتی فوجی ایک رینک، ایک پنشن کے لئے احتجاج کر رہے ہیں

اسلام آباد :صدرمملک عارف علوی نے پاک فوج کے شہیداہلکار کے لواحقین سے ٹیلی فون کیا اور اظہار تعزیت کیا،صدر مملکت نے حوالدار اظہر اقبال کے والد اور نائیک محمد اس کے بھائی سے رابطہ کیا،حوالدار اظہر اقبال اور نائیک محمد اسد 20 مارچ کو ڈیرہ اسماعیل خان میں حملے میں شہید ہوئے تھے،صدر مملکت نے شہداء کو وطن کیلئے جان کا نذرانہ پیش کرنے پر خراج عقیدت پیش کیا،شہداء کے خاندانوں کو بھی اپنے پیاروں کی قربانی دینے پر سلام پیش کیا،صدر مملکت کی شہداء کیلئے بلندی درجات، ورثاء کیلئے صبر جمیل کی دعا۔