Archives April 2019

بھارت(نیٹ‌نیوز)
بھارت کے ارب پتی اور معروف کاروباری شخص 47 سالہ نیس واڈیا کو جاپان کی مقامی عدالت نے 25 گرام منشیات رکھنے کے جرم میں 2 سال قید کی سزا سنادی۔

نیس واڈیا کا شمار بھارت کے امیر افراد میں ہوتا ہے ان کے والد کے اثاثوں کی ملکیت 12 کھرب روپے سے زائد ہے۔

ان کا خاندان 283 سال پرانے کاروباری ’واڈیا گروپ‘ کا وارث ہے، جس نے ماضی میں برٹش انڈیا کمپنی کے ساتھ مل کر بھی کام کیا۔

نیس واڈیا اپنے آباؤ و اجداد کے کاروباری گروپ کے متعدد اداروں کے اعلیٰ عہدوں پر فائز ہیں اور وہ انڈین پریمیئر لیگ (آئی پی ایل) کی کرکٹ ٹیم کنگز الیون پنجاب کے شریک مالک بھی ہیں۔

اس کرکٹ ٹیم کی دوسری شریک مالک اداکارہ پریٹی زنٹا ہیں، جنہوں نے نیس واڈیا پر جنسی ہراساں کرنے کا الزام بھی لگایا تھا۔

نیس واڈیا اور پریٹی زنٹا بہترین دوست بھی تھے اور دونوں کے کئی سال سے اچھے تعلقات تھے، تاہم بعد ازاں پریٹی زنٹا نے ان پر جنسی ہراساں کرنے کا مقدمہ دائر کیا تھا۔

نیس واڈیا الزامات کو مسترد کرتے رہے تھے اور دونوں کا کیس طویل عرصے تک عدالت میں چلتا رہا، جس کے بعد دونوں کے درمیان ایک سمجھوتے کے تحت معاملات طے پاگئے اور پریٹی زنٹا نے اپنا کیس واپس لے لیا تھا۔

فنانشل ٹائمز کے مطابق نیس واڈیا ہانگ کانگ کے راستے جاپان گئے تھے اور ان کے پاس 25 گرام منشیات بھی تھی۔

رپورٹ کے مطابق نیس واڈیا کو جاپانی آئی لینڈ ہوکیڈو کے ایئرپورٹ پر گزشتہ ماہ مارچ میں اس وقت گرفتار کیا گیا تھا جب ایئرپورٹ پر سیکیورٹی اہلکاروں کے ساتھ موجود کتوں نے منشیات کی نشاندہی کی تھی۔

کتوں کی نشاندہی کے بعد سیکیورٹی اہلکاروں نے تلاشی کے دوران نیس واڈیا سے منشیات برآمد کی تھی اور بعد ازاں حراست کے دوران انہوں نے اعتراف کیا تھا کہ انہوں نے اپنے استعمال کے لیے منشیات ساتھ رکھی تھی۔

رپورٹ کے مطابق نیس واڈیا کو 20 مارچ کو عدالت میں پیش کیا گیا تھا اور عدالت نے انہیں 25 گرام منشیات رکھنے کے جرم میں 2 سال قید کی سزا سنادی۔

رپورٹ میں بتایا گیا کہ اگرچہ جاپانی عدالت نے انہیں قید کی سزا سنائی، تاہم بعد ازاں عدالت نے سزا کو 5 سال کے لیے معطل کردیا۔

رپورٹ کے مطابق عدالتی فیصلے کے بعد نیس واڈیا جاپان سے بھارت چلے آئے اور انہوں نے منشیات کیس میں خود کو سزا ملنے پر کوئی بات نہیں کی، تاہم واڈیا گروپ نے ایک بیان میں انہیں سزا دیے جانے کی تصدیق کرتے ہوئے کہا کہ عدالت نے ان کی سزا معطل کردی ہے اس لیے وہ اپنی ذمہ داریاں نبھاتے رہیں گے۔

کراچی(نیٹ نیوز)عام طور پر اداکارائیں اپنی عمر چھپانے اور ہمیشہ دلکش دکھنے کی خواہاں ہوتی ہیں لیکن سپر اسٹار ماہرہ خان نے سوشل میڈیا پر اپنی بڑھتی عمر کی خود ہی نشاندہی کردی۔

ماہرہ خان نے گزشتہ روز انسٹاگرام پر چند تصاویر شیئر کیں جس میں انہوں نے اپنی بڑھتی عمر کا تذکرہ کیا۔

ادکارہ نے لکھا کہ ’میں نے یہ تصاویر دیکھ کر سوچا کہ مجھ پر بڑھاپا آرہا ہے، جسے میں چہرے اور اپنی ہڈیوں میں محسوس کرتی ہوں، بالوں میں سفیدی بھی ہے‘۔

ماہرہ نے مزید لکھا کہ ’جتنا زیادہ مجھے اپنے اندر کا بچہ پسند ہے یہ اتنا ہی آتا جارہا ہے‘۔

اداکارہ کی بڑھتی عمر والی پوسٹ پر مداحوں نے بھی تبصرے کیے اور ان کی حوصلہ افزائی کرتے ہوئے ان کو قابل ستائش قرار دیا جب کہ دیگر شوبز سے وابستہ خواتین نے بھی ماہرہ کی تعریف کی۔

تبصرے کرتے ہوئے اداکارہ زارا نور، ایمن خان، مینال خان، ماڈل علیزے گبول نے کہا کہ آپ (ماہرہ) بہت خوبصورت ہیں اور آپ کی خوبصورتی ہمیشہ قائم رہے گی۔

حمزہ نامی مداح لکھتے ہیں سرجریز اور بوٹوکس کے دور میں سب کے سامنے حقیقت کو تسلیم کرنا ہمت کا کام ہے۔

فبیحہ خلیل نامی مداح لکھتی ہیں کہ عمر کا بڑھنا قدرتی عمل ہے اس میں کوئی گھبرانے کی بات نہیں آپ بہت خوبصورت ہیں۔

جب کہ ایک بھارتی مداح روہینا نے کہا کہ آپ ایک سب سے زیادہ بہادر اداکارہ ہیں جس نے اپنے بارے میں یہ خود کہا ہے لیکن پھر بھی آپ بہت دلکش ہیں، امید ہے کہ آپ بھارت لوٹیں گی اور جلد ہی ہم اپنی فلموں میں آپ کو دیکھیں گے۔

واضح رہے کہ کچھ روز قبل نامور گلوکارہ حدیقہ کیانی کو انسٹاگرام پوسٹ پر صارف کی جانب سے عمر رسیدہ ہونے پر تنقید کا سامنا کرنا پڑا تھا جس کا انہوں نے جواب دیتے ہوئے کہا تھا کہ افسوس ہوتا ہے کہ بڑھتی عمر کے طعنے ہیمشہ خواتین سے ہی ملتے ہیں۔

لاہور(ایمرا نیوز) ڈی سی لاہور صالحہ سعید کی زیر صدارت رمضان بازاروں کی تیاریوں کے حوالے سے اجلاس ہوا۔ اجلاس میں رمضان بازاروں میں نیشنل و ملٹی نیشنل کمپنیوں کے سٹالز لگانے کی تیاریوں اور رعایت نرخوں کا جائزہ لیا گیا۔ اجلاس میں ڈی او فوڈ (ایم سی ایل)، اسسٹنٹ کمشنر ہیڈ کوارٹر اور نیشنل و ملٹی نیشنل کمپنیوں کے نمائندوں نے شرکت کی۔ اس موقع پر ڈی سی لاہور صالحہ سعید نے کہا کہ ملٹی نیشنل و نیشنل کمپنیاں رمضان بازاروں میں عایتی نرخوں پر اپنی پراڈکٹس فروخت کریں اور ضلعی انتظامیہ لاہور، اسسٹنٹ کمشنرز اور رمضان بازاروں کے کوآرڈی نیٹر کمپنیوں کے ساتھ بھرپور تعاون کریں اور پچھلے سال کی نسبت کمپنیوں کے سامان کی اس سال حفاظت کو زیادہ یقینی بنایا جائے گا۔ انہوں نے کہا کہ نیشنل و ملٹی نیشنل کمپنیوں کی بدولت عوام الناس کو مزید ریلیف دستیاب ہو گا۔ انہوں نے کہا کہ 30رمضان بازاروں میں 29نیشنل و ملٹی نیشنل کمپنیاں اپنے سٹالز لگائیں گی اور اپنی مصنوعات 10سے20فیصد کی رعایت پر فروخت کریں گی۔

لاہور(ایمرا نیوز) وزیر اعظم پاکستان عمران خان کے وژن کے تحت کثیر المنزلہ عمارتوں کی تعمیر کی حوصلہ افزائی کے لئے لاہور ڈویلپمنٹ اتھارٹی نے اہم اقدام کیا ہے۔ ایل ڈی اے نے فنانس اینڈ ٹریڈ سنٹر جوہر ٹاﺅن میں 45منزلہ عمارت کی تعمیر کی منظوری دے دی۔44کنال اراضی پر پاکستان کا بلند ترین ہوٹل تعمیر کیا جائے گا جس کی عمارت کی اونچائی500فٹ ہو گی۔ اس میں تین تہہ خانے (بیسمنٹ) اور 42فلور تعمیر کئے جائیں گے۔ چیف ٹاﺅن پلانر سید ندیم اختر زیدی اور ایڈیشنل ڈائریکٹر جنرل ہاﺅسنگ ظریف اقبال ستی نے عمارت کا نقشہ تعمیر کنندگان اورینٹ گروپ کے حوالے کر دیا۔ عمارت کی تعمیر کے لئے محکمہ ماحولیات اور ٹیپا نے این او سی جاری کر دیئے ہیں۔ عمارت میں استعمال شدہ پانی کا ٹریٹمنٹ پلانٹ نصب کیا جائے گا۔ بعدازاں یہ پانی چلرز اور پودوں کو آبپاشی کے لئے استعمال ہو گا۔ بارش کا پانی جمع کرنے اور گراﺅنڈ واٹر چارج کرنے کا انتظام کیا جائے گا۔ یہاں بلند ترین انٹرنیشنل ہوٹل قائم کیا جائے گا اور یہ عمارت جوہر ٹاﺅن کا آئیکون ہو گا۔ لاہور ڈویلپمنٹ اتھارٹی نے فنانس اینڈ ٹریڈ سنٹر جوہر ٹاﺅن میں کثیر المنزلہ عمارتوں کی تعمیر کے پیش نظر ضلعی انتظامیہ اور ریسکیو1122کو علاقے کے لئے خصوصی اقدامات کرنے کی درخواست کی ہے۔ آتشزدگی اور ہنگامی صورتحال سے نمٹنے کے لئے ضروری انتظامات کئے جائیں۔ اس سلسلے میں تعمیر کنندہ کمپنی نے بھی اپنا پلان ریسکیو1122مہیا کر دیاہے۔

نئے مالی سال کے بجٹ میں غیرملکی سرمایہ کاروں کے لیے کپیٹل گین ٹیکس نہ لگانے کی تجویز
اسلام آباد(ایمرا نیوز آن لائن )پاکستان اسٹاک ایکسچینج نے نئے مالی سال کے لیے بجٹ تجاویز پیش کردیں۔ اسٹاک ایکسچینج نے نئے مالی سال کے بجٹ میں غیرملکی سرمایہ کاروں کے لیے کپیٹل گین ٹیکس نہ لگانے کی تجویز دی ہے۔بجٹ تجاویز میں کہا گیاہے کہ غیرملکی سرمایہ کاروں کو سہولت ملنے سے سرمایہ کاری آئے گی۔ اس سے اکاؤنٹ کھلنے اور رجسٹریشن کے مرحلہ غیرملکی سرمایہ کاروں کے لیے آسان ہوجائے گا۔پاکستان کی بہت سے ممالک کے ساتھ ٹیکس سہولت کی ٹریٹی بھی ہے۔ غیرملکی سرمایہ کاروں پر ٹیکس سے نہ صرف اضافی بوجھ کے ساتھ کاسٹ بھی بڑھ جاتی ہے۔غیرملکی سرمایہ کاروں پر کپیٹل گین ٹیکس اسٹاک مارکیٹ میں سرمایہ کاری میں بڑی رکاوٹ ہے۔

بجٹ تجاویز میں یہ بھی کہا گیا ہے کہ بہت سے ممالک نے کپیٹل گین ٹیکس شئیرز کی فروخت پر غیرملکیوں پر عائد نہیں کیا ہوا۔ ان ممالک میں بنگلہ دیش ،ملائشیا ، اور دیگر ممالک شامل ہیں۔ پاکستان میں غیرملکی سرمایہ کار اِنکم ٹیکس آرڈیننس کے تحت گوشواروں کے ساتھ ٹیکس بھی ادا کرتے ہیں۔پاکستان اسٹاک ایکچینج کی طرف سے یہ بھی کہا گیاہے کہ مقامی سرمایہ کاروں کے لیے بھی کپیٹل گین ٹیکس کی ادائیگی کے طریقہ کار کا جائزہ لیا جائے۔ ابھی نیشنل کلئیرنگ کمپنی شئیرز کے منافع پر وود ہولڈنگ وصول کررہی ہے۔ سنگاپور ، ہانگ کانگ ، ملائشیا اور موریشس میں کوئی گین ٹیکس عائد نہیں ہے۔ایہ تجویز بھی سامنے ا?ئی ہے کہ نان فائلر پر سالانہ ایک لاکھ روپے کے شیئرز کے منافع پر ود ہولڈنگ ٹیکس برقرار رکھا جائے۔

لاہور(ایمرا نیوز) وزیر صحت پنجاب ڈاکٹر یاسمین راشد کی زیر صدارت محکمہ سپیشلائیزڈ ہیلتھ کیئر اینڈ میڈیکل ایجوکیشن میں 2019-20کے سالانہ ترقیاتی بجٹ پروگرام کا اجلاس منعقد ہوا۔ اجلاس میں صوبائی سیکرٹری کیپٹن(ر) ثاقب ظفر، سپیشل سیکرٹری مظفر سیال اور چیف پلاننگ آفیسر عبدالحق بھٹی و دیگر متعلقہ افسران نے شرکت کی۔ وزیر صحت پنجاب ڈاکٹر یاسمین راشد نے اجلاس میں 55نئی شروع ہونے والی جبکہ 36جاری سکیموں کا جائزہ لیا۔ صوبائی وزیر صحت ڈاکٹر یاسمین راشد نے کہا کہ 36نئی سکیموں میں سے 26جنوبی پنجاب کے لئے مختص کی گئی ہیں۔ پنجاب کے سرکاری ہسپتالوں میں آنے والے مریضوں کو 100فیصد ریلیف دینے کی پوری کوشش کر رہے ہیں۔ بنیادی اور دیہی صحت مراکز کی بحالی کا تیزی سے کام جاری ہے۔ متعلقہ حکام کو وزیر اعظم صحت اقدامات کے حوالے سے پنجاب کے 8اضلاع میں ترقیاتی منصوبوں کو جلد مکمل کرنے کی ہدایت کی گئی ہے۔ پنجاب کے تمام سرکاری ہسپتالوں میں آنے والے مریضوں کو فراہم کی جانے والی طبی سہولیات اور ادویات بارے روزانہ کی پیش رفت کا جائزہ لیا جاتا ہے۔

لاہور(ایمرا نیوز)لاہور میں تین پی ایس پی پولیس افسران نے کروڑوں روپے بٹورنے کی غرض سے سرکاری ٹھیکیدار کے خلاف اختیا را ت کا نا جا ئز استعما ل کرتے ہو ئے یکے بعد دیگرے \بھتہ خوری اور انسداد دہشت گردی کے 16جھوٹے مقدمات درج کراکے اسے گرفتار کیا جبکہ اس پر دباو¿ڈالا گیا کہ تنویر خان نامی شخص سے اسکی گاڑیوں پر محصول چونگی وصول نہیں کرے گا۔ باوثوق ذرا ئع کے مطا بق انسداد دہشت گردی کی عدالت نے تمام جھو ٹے مقدمات خارج کر دیئے جبکہ وزیر اعلی پنجاب کی انسپکشن ٹیم کی تحقیقات میں ثابت ہو گیا کہ پولیس افسران نے اسماعیل ٹھیکیدار کے خلاف غلط مقدمات درج کر کے اسے مالی طور پرکروڑوں روپے کا نقصان پہنچایا جس کا فائدہ تنویر خان اور اسکے ساتھی اٹھاتے رہے ہیں۔ وزیر اعلی پنجاب عثمان بزدار نے انسپکشن ٹیم کی رپورٹ کی روشنی میں چیف سیکرٹری پنجاب اور آئی جی پنجاب کو سابق ایس پی صدر معاذ ظفراورایس پی صدر سید علی کے خلاف سخت محکمانہ کارروائی ،ایک خاتون ایس پی انوسٹی گیشن اقبال ٹاو¿ن ڈویڑن شازیہ سرور کو وارننگ دینے کی سفارش جبکہ5ایس ایچ اوز انسپکٹرز،نعیم انور باجوہ ،دلشاد سب انسپکٹر اسلام پورہ، جمیل قیصر وغیرہ کو ملازمت سے برخاست کر نے کی ہدایت کی ہے ،پولیس افسروں نے حاجی اسماعیل کو دباو¿میں لانے کے لئے چند روز قبل مانگا منڈی میں بھتہ خوری اور انسداد دہشت گردی کا ایک اور مقدمہ درج کرا دیا۔ ذرائع کا کہناہے کہ آئی جی پنجاب آئندہ دنوں میں ایڈیشنل ایس پی قصور معاذ ظفر اور ایس پی صدر سید علی کو او ایس ڈی جبکہ سیکرٹری اسٹبلشمنٹ ان کے خلاف تحقیقات کا حکم دے سکتے ہیں۔ٹھیکیدارحاجی اسماعیل کے مطابق اس کے پاس محصول چونگی کا سرکاری ٹھیکہ ہے ، ایس پی معاذ ظفر کی بطور ایس پی صدر تعیناتی کے بعد تنویر خان نے ان سے مبینہ ساز باز کر لی کہ 900گاڑیوں کا ماہانہ ریونیو ایک کروڑ روپے بنتا ہے اگر اسماعیل کو یہ رقم لینے سے روک دیا جائے تو یہ رقم ہماری جیب میں ہو گی ،اسماعیل کے مطابق اس نے وزیر اعظم عمران خان اور وزیر اعلی پنجاب عثمان بزدار سے ملاقات کر کے حقائق سے آگا ہ کیا تو انکوائری میں پولیس افسران کی نا انصافی ثابت ہو گئی۔ ایس پی معاذ ظفر اور سید علی سے موقف لینے کے لئے رابطہ کیا تو انہوں نے کہا کہ ان کا ترجمان موقف دے گا لیکن بار بار فون کال کے باوجود کسی نے موقف نہیں دیا۔

نیویارک( ایمرا نیوز ) بھارت کی امریکہ کی مدد سے جیش محمد کے سربراہ مولانا مسعود اظہر کو عالمی دہشت گرد قرار دینے کی کوششیں اسلیے بار آور ثابت نہیں ہو سکیں کیونکہ چین نے دنیا پر واضح کر دیا تھا کہ بھارت میں الیکشن کے بعد جو نئی حکومت آئیگی اس سے مذاکرات کر کے اس اہم ایشو کو حل کر لیا جائیگا چین ڈوکلام میں پہلے ہی اپنی دفاعی پوزیشن مضبوط کر چکا ہے۔ ماہرین کا کہنا ہے کہ چین نے امریکہ، برطانیہ اور فرانس کے سفارتکاروں سے ملاقاتیں کر کے اس ایشو پر نئی حکمت عملی پر تبادلہ خیال کیا جسکو خفیہ رکھا جا رہا جبکہ روس کا بھی موقف ہے کہ بھارت میں بننے والی نئی حکومت کے ساتھ سفارتی ذرائع استعمال کر کے اس بات کو یقینی بنایا جائے کہ پاکستان اور بھارت اپنے تصفیہ طلب ایشوز کو مذاکرات کے ذریعے حل کریں دوسری جانب واشنگٹن پوسٹ کی ایک رپورٹ میں کہا گیا ہے کہ نریندر مودی اور انکی جماعت منافرت پیدا کر رہی ہے دنیا کی بڑی جمہوریت والے ملک میں لوگوں کو تقسیم کرنے کا عمل بھارت کے مفاد میں نہیں اس الیکشن کو بھارت کی تاریخ میں نفرت سے بھرپور لکھا جائیگا اقتدار کی ہوس میں مبتلا بی جے پی نے مہذب معاشرے کی اقتدار کی تمام حدود کو پامال کر دیا ہے اگر نریندر مودی 23 مئی کے بعد بھی اپنا اقتدار برقرار رکھنے میں کامیاب ہوئے تو وہ میڈیا، کاروباری مافیا اور منقسم اپوزیشن کی مرہون منت ہو گی۔

لاہور(ایمرا نیوز)پنجاب انسٹی ٹیوٹ آف کارڈیالوجی میں گزشتہ پانچ سالوں کے دوران 4ارب 83کروڑ روپے سے زائد کی مالی بے قاعدگیاں سامنے آ گئیں،سپریم کورٹ کے حکم پر مالی سال 2013-18ئ کے درمیان ہونیوالے اخراجات کا خصوصی آڈٹ کرایا گیا۔ نیب آرڈینس کے مطابق 5کروڑ روپے اور اس سے زائد مالیت کے کنٹریکٹ کی دستاویز نیب کو بھجوائی جائیں گی لیکن ہسپتال نے ایک ارب 46کروڑ82لاکھ 99ہزار روپے کے اخراجات کیے لیکن اس حوالے سے نیب کو آگاہ نہیں کیا گیا،اسی طرح 400سٹنٹ زائد ریٹ پر خرید کر دو کروڑ32لاکھ 48ہزار نقصان پہنچایا گیا،دو کروڑ 60لاکھ5ہزار دیگر ہسپتالوں کے مقابلے میں زائد ریٹ پر خریدی۔92نیوز کو حاصل رپورٹ کے مطابق 5کروڑ99لاکھ 43ہزار مالیت کی کم شیلف لائف والی ڈسپوزبل خریدی گئی اور متعلقہ کمپنی کو ہرجانہ وصول نہیں کیا گیا۔ٹینڈر میں فائنل ریٹ مقرر ہونے سے پہلے ہی 2کروڑ52لاکھ سے پیس میکر خریدئے گئے۔94کروڑ14لاکھ کی ایسی کمپنیوں سے خریداری کی گئی جو کہ ڈرگ ریگولیٹر ی اتھارٹی سے رجسٹریشن حاصل نہ کر سکے۔69لاکھ 75ہزار روپے سے 150غیر معیاری اریٹک بیلون خریدئے گئے۔2کروڑ18لاکھ سے انجکشن ہاپرین اپنے من پسند کمپنی سے زائد ریٹ پر خریدئے گئے۔ٹینڈر میں کم بولی دینے والی کمپنی کے بجائے من پسند کمپنی کو نوازا گیا اور 2کروڑ23لاکھ 97ہزار روپے کا نقصان پہنچایا گیا۔دوکروڑ 20لاکھ کی مالی بے ضابطگی ہوئی اور ضرورت سے زائد ڈسپوزیبل خریدئے گئے۔انتظامیہ کی جانب سے 25کروڑ75لاکھ سے 3ہزار سے زائد سٹنٹ ضرورت سے ہٹ کر ایمرجنسی صورتحال دکھا کر خریدے گئے جن کی فوری کوئی ضرورت بھی نہیں تھی۔54لاکھ 93ہزار کی بے ضابطگی پکڑی گئی۔اسی طرح ایک ارب 25کروڑ69لاکھ سے سٹنٹ اور دیگر اشیا کی خریداری کی گئی جس پر آڈٹ ٹیم نے اعتراض اٹھا یا تو ہسپتال انتظامیہ کوئی مناسب جوا ب نہ دے سکی۔86لاکھ کمپنی کو گزشتہ مالی سالوں کے فراہم کیے گئے۔14لاکھ سے 30اریٹک بیلون ایف ڈی اے اور ڈریپ سے غیر رجسٹرڈ فرم سے خریدئے گئے۔ 11کروڑ89لاکھ 99ہزار روپے سے 1294پیس میکر خریدئے گئے لیکن انکو مریضوں کو لگانے کے حوالے سے آڈٹ ٹیم نے اعتراض اٹھایا۔6لاکھ 99ہزارروپے کا نقصان ٹینڈر دیر سے فائنل کرنے پر کیا گیا۔20لاکھ سے ایسے سٹنٹ خریدئے گئے جو کہ امریکہ ،پاکستان میں رجسٹرڈ ہی نہیں تھے۔ایک کروڑ7لاکھ 93ہزار زائد ریٹ پر خرچ کیے گئے۔46لاکھ 72ہزار روپے مالیت کا مشکوک ڈسپوزیبل کا استعمال کیا گیا لیکن اینجو کیتھ لیب میں انکا ریکار ڈ پورا نہ تھا۔90لاکھ 74ہزار314روپے سے زائد ریٹ پر لوکل پرچیز کے تحت ادویات خرید کر نقصان پہنچایا گیا۔52کروڑ50لاکھ سے ڈیسنٹ میڈیکل سٹور سے ادویات ، سرجری دھاگہ اور ڈسپوزیبل خریدی گئی لیکن آڈٹ ٹیم نے اس ادارے کیساتھ آفر کی جانیوالی ڈسکاﺅنٹ پر شکوک و شبہات کا اظہا ر کیا۔18لاکھ 94ہزار سے ادویات کم بولی والی کمپنی کے بجائے زائد والی سے خرید ی گئیں۔32لاکھ کی ناقص ٹائیٹینم خریدی گئی۔15لاکھ مالیت کے انجکشن ہاپیرین کا کوئی ریکارڈ نہیں ملا۔48لاکھ 84ہزار996روپے کی بغیر کسی منصوبہ بندی سے خریداری کی گئی۔3کروڑ99لاکھ 30ہزار روپے کی کمپنیوں کو ٹیکس سے چھوٹ دلوائی گئی۔33لاکھ 69ہزار وپے کیش اپنے پاس رکھے اوربنک میں جمع نہ کر ا کر منافع کے مد میں 20لاکھ 57ہزار کا نقصان پہنچایا۔ٹینڈر کے مطابق بروقت ادویات کی سپلائی نہ دینے والی کمپنیوں کو 46لاکھ 73ہزار روپے جرمانہ عائد ہی نہیں کیا گیا۔1لاکھ 61ہزار214روپے کی سٹیمپ ڈیوٹی نہیں کاٹی گئی۔

اسلام آباد(ایمرا نیوز)تحریک انصاف کی حکومت نے لاکھوں نوکریوں اور روزگار کے مواقعوں میں اضافے کا وعدہ پورا کرنے کیلئے 200ارب روپے مالیت کا ”وزیراعظم کا کامیاب نوجوان پروگرام“ شروع کرنے کا فیصلہ کرلیا ہے۔ 21سے 45سال کے افراد کو بلاسود آسان شرائط پر 5سالوں کے دوران 200ارب روپے قرض فراہم کیا جائیگا۔ وزیراعظم کی ہدایت پر وزارت خزانہ نے سمری وفاقی کابینہ کو ارسال کی۔ وفاقی کابینہ کی جانب سے وزیراعظم کا کامیاب جوان پروگرام آج منظور کئے جانے کا امکان ہے۔پہلے درجے میں 5 لاکھ روپے تک قرض دیا جائیگا۔دوسرے درجے میں 5لاکھ سے ایک کروڑ ،تیسرے درجے میں 1کروڑ سے 2.5 کروڑ تک قرض دیا جائیگا۔پہلے درجے کے قرض کیلئے قرض لینے والے کی ذاتی گارنٹی کافی ہو گی جب کہ دوسرے اور تیسرے درجے کیلئے بینک اپنی کریڈٹ پالیسی کی پیروی کرینگے۔اس پروگرام کے تحت جوان قرضے سے نئے کاروبار شروع کر سکیں گے یا پہلے سے موجود کاروبار کو مزید کامیاب بنا سکیں گے۔ 92 نیوز کوموصول وزارت خزانہ کی سرکاری دستاویز کے مطابق اس پروگرام کے تحت1 لاکھ 38ہزار نوجوان فائدہ اٹھا سکیں گے۔پروگرام کے تحت کل رقم 200ارب روپے ہو گی اور یہ پروگرام 5 سال کیلئے ہو گا۔جس کے تحت 10 لاکھ کے قریب پاکستانی نوجوانوں کو روزگار کے مواقع میسر آ ئینگے۔وزیر اعظم کے کامیاب نوجوان پروگرام کے تحت 20لاکھ ملازمتوں کے ٹارگٹ کو پورا کرنے میں مدد ملے گی جس کی وزیر اعظم نے نیشنل فنانشل انکلوڑن سٹریٹجی کے تحت منظوری دی تھی۔پہلے سال کے دوران 60 کروڑ جب کہ دوسرے سال کے دوران 3.8ارب روپے حکومت کی جانب سے مارک اپ سبسڈی اور اور کریڈٹ لاس سبسڈی کے تحت مختص کیے جانے کا تخمینہ لگایا گیا ہے۔وزیر اعظم کے معاون خصوصی برائے امور نوجوانان نے آگاہ کیا کہ انہوں نے سٹیٹ بینک آف پاکستان، نیشنل بینک آف پاکستان،بینک آف پنجاب، بینک آف خیبر کے نمائندگان کے ساتھ ملاقات کی۔میٹنگ میں وزیر اعظم کے کامیاب نوجوان پروگرام کے تحت چھوٹے اور درمیانے درجے کے کاروبار کیلئے قرض دینے کیلئے ایک پروگرام تیار کیا گیا جس پر حتمی بحث12 فروری 2019 کو وزیر خزانہ کے ساتھ میٹنگ میں کی گئی۔سٹیٹ بینک آف پاکستان نے آگاہ کیا کہ انہوں نے وزیر اعظم آفس کی ہدایات کے بعد چھوٹے اور درمیانے درجے کے کاروبار کیلئے قرض دینے کیلئے نیشنل فنانشل انکلوڑن سٹریٹجی کے تحت سکیم تیار کی ہے۔