Category سیر و تفریح

کراچی (ایمرا نیوز)اسپیشل سکیورٹی یونٹ سندھ پولیس کے ڈی آئی جی مقصود میمن کا کہنا ہے کہ پی سی بی چیئرمین رمیز راجا کی اجازت سے سیلاب متاثرین کے لیے اسٹیڈیم میں انٹری فری ہے۔
مقصود میمن نے کہا کہ سیلاب متاثرین 15 پر فون کریں انہیں اسٹیڈیم لے کر آئیں گے، ہماری ٹیمیں ٹرانسپورٹ کی سہولتیں فراہم کریں گی۔
دوسری جانب ایڈیشنل آئی جی کراچی جاوید عالم اوڈھو کا کہنا ہے کہ انگلینڈ ٹیم کے لیے بہترین سکیورٹی فراہم کی گئی ہے، سکیورٹی پلان مناسب انداز سے بنایا گیا ہے۔
جاوید عالم اوڈھو نے کہا کہ انگلش سکیورٹی آفیشلز بھی ہماری پلاننگ سے مطمئن ہیں۔انہوں نے بتایا کہ میچز کے لیے 5 ہزار سکیورٹی اہلکار تعینات کیے گئے ہیں، ہوٹل اور اسٹیڈیم کی سکیورٹی پر عملدرآمد شروع ہو چکا ہے۔
اے آئی جی پولیس نے کہا کہ تمام فورسز کے اہلکار کل ہونے والی ریہرسل میں حصہ لیں گے، کراچی کے شہری اسٹیڈیم آئیں اور ایونٹ کو کامیاب بنائیں۔

نیویارک (ایمرا نیوز) امریکا میں ایک آئس کریم کی دکان نے ایک گھنٹے سے تھوڑے زیادہ وقت میں 266 اقسام کے ملک شیک بنا کر گینیز عالمی ریکارڈ قائم کردیاہے۔
امریکی ریاست ایریزونا کے علاقے میں سیلِگمین میں موجود اسنو کیپ نامی دکان نے ایک منعقدہ تقریب کے موقع پر سب زیادہ ذائقے کے مِلک شیک بنانے کا گینیز ریکارڈ بنانے کی کوشش کی۔
جب دکان کے مالکان ڈیل گِڈیلو فیملی نے اپنی دکان کے مینو پر درج تمام زائقوں کے ملک شیک بنانے کی کوشش کی تب گینیز ورلڈ ریکارڈ کے ریفری وہاں موجود تھے۔
دکان کی جانب سے بنائے گئے غیر معمولی فلیورز میں پینٹ بٹر اور انین رِنگ، بنانا اور چلی اور اورنج اور فش برگر شامل تھے۔
ڈیل گِڈیلو فیملی نے یہ کارنامہ 1 گھنٹہ 15 منٹ میں سرانجام دیا۔

آرتک سردار کا کردار ادا کرنے والے آئبرک پکجان پھیپھڑوں کے کینسر میں مبتلا تھے

پاکستان سمیت دنیا بھر میں شہرت کی بلندیوں کو چھونے والی معروف ترک سیریز دیریلیس ارتغرل میں ارتغرل غازی کے سب سے وفادار اور رازدار آرتک سردار کا کردار ادا کرنے والے اداکارآئبرک پکجان وفات پا گئے۔ دیریلیس ارتغرل کے پروڈٰوسر مہمت بوزداغ نے اپنے سوشل میڈیا اکاؤنٹس پر اداکار آئبرک پکجان کی وفات کی تصدیق کرتے ہوئے شدید دکھ اور افسوس کو اظہار کیا ہے۔ جبکہ دیریلس ارتغرل کا مرکزی کردار نبھانے والے اداکار انگن آلتان، جلال، نورالدین سونماز سمیت دیگر کاسٹ نے بھی اداکار آئبرک پکجان کی وفات کو ایک سانحہ قرار دیتے ہوئے کہا کہ ان کی وفات پوری دنیا میں بسے ان کے پرستاروں کے لئے دکھ کی گھڑی ہے۔ واضح رہے کہ اداکار آئبرک پکجان نے ارتغرل غازی سیریز کی کامیابی کے بعد گذشتہ سال پاکستان کا دورہ کیا تھا اور اردو زبان کی بنیادی الفاظ سیکھتے ہوئے دوبارہ پاکستان آنے کی خواہش بھی ظاہر کی تھی۔

لاہور(ویب ڈیسک) اوکاڑہ کے رہائشی نوجوان عثمان ارشد نے اوکاڑہ سے خنجراب تک پیدل سفر طے کرکے ایک منفرد ریکارڈ قائم کردیا اور اس باہمت نوجوان نے 1270 کلومیٹر کا طویل سفر 34 دن میں طے کیا۔

نوجوان عثمان ارشد کا کہنا ہے کہ منزلیں بہادروں کا استقبال کرتی ہیں، بزدلوں کو تو راستوں کا خوف مار دیتا ہے، اس کامیابی پر
سب سے پہلے خداوند تعالیٰ کا شکرادا کرتا ہوں جس نے ہمت اورتوفیق عطا کی، ساری زندگی بھی شکر ادا کرتا رہوں تو کم ہو گا، اللہ تعالیٰ کا مجھ پر اتنا کرم رہا کہ 34 دنوں میں مجھے کسی قسم کا کوئی مسئلہ نہیں ہوا اور رب تعالیٰ نے ہر قسم کی مشکلات سے دُور رکھا۔

عثمان ارشد کاکہنا ہے میں اپنے والدین کا بھی شکرادا کرتا ہوں جنہوں نے مجھے اسپورٹ کیا اور پیدل سفر کی اجازت دی، گھر والوں کی اسپورٹ کے بغیر یہ اتنا لمبا اور کھٹن سفر ممکن نہیں تھا، اُس کے بعد یونیورسٹی کے اساتذہ اور یونیورسٹی فیلوز کا شکریہ، جنہوں نے اسپورٹ کیا اور دعاؤں میں یاد رکھا۔

واضع رہے کہ عثمان ارشد نے 27 جولائی کو اوکاڑہ سے پیدل سفر کا آغاز کیا تھا، وہ اوکاڑہ سے جی ٹی روڈ کے راستے مختلف شہروں سے گزرتے ہوئے لاہورپہنچے اوریہاں سے پھر خنجراب کی طرف سفر کیا۔عثمان ارشد کے مطابق وہ دن کے وقت سفر کرتے اوررات کو قیام کرتے تھے، اس طویل سفر کے دوران مختلف شہروں میں انکے دوستوں، سیاسی، سماجی شخصیات نے ان کا استقبال کیا، ان کے رات قیام اورکھانے کاانتظام بھی ان کے دوست اورچاہنے والے کرتے رہے۔ انہوں نے کہا اس طویل پیدل سفر کے ذریعے وہ دنیا کو یہ پیغام دینا چاہتے ہیں کہ پاکستان ایک پرامن ملک ہے،یہ سیاحوں کے لیے ایک جنت ہے

الہ آباد سینٹرل یونیورسٹی کی وائس چانسلرسنگیتا سریواستوا نے درخواست دائرکی کہ اونچی آوازمیں اذان پرپابندی عائد کی جائے۔

یہ پہلی بارنہیں جب بھارت میں اذان سے متعلق آوازیں نہ اٹُھی ہوں، کسی نہ کسی ہندو انتہا پسند تنظیم سمیت عام ہندوشہریوں کیجانب سے اذان پرپابندی سے متعلق کچھ نہ کچھ کہا جاتا رہا ہے۔

اس بارالہ آباد سینٹرل یونیورسٹی کی وائس چانسلرسنگیتا سریواستوا نے ضلعی انتظامیہ کوشکایت درج کرائی جس میں انہوں نے کہا کہ ہرروزصبح ساڑھے پانچ بجے اونچی آوازمیں دی جانے والی فجرکی اذان سے نیند میں خلل آتا ہے اورسرمیں درد ہوتا ہے جس کے باعث ان کا کام متاثرہوتا ہے لہذا فجرمیں اونچی آوازمیں اذان پرپابندی عائد کی جائے۔
وائس چانسلر نے مزید کہا کہ وہ کسی بھی مذہب، ذات یا نسل کے خلاف نہیں لیکن اس مسئلے کا کوئی نہ کوئی حل نکلنا ضروری ہے۔ وائس چانسلرکی جانب سے صرف مائیک ہی نہیں بلکہ رمضان میں تیزآوازمیں مخلتف اعلانات سے متعلق بھی شکایت درج کرائی گئی۔

مسجد کی انتظامیہ نے وائس چانسلرکی شکایت کے بعد لاؤڈ اسپیکر کی آوازکم کردی جب کہ مائیک کی سمت بھی وائس چانسلرکی رہائش گاہ کی جانب سے موڑکردوسری جانب کردی۔ اس کے باجود اذان کی اونچی آوازکولے کرمختلف سیاسی جماعتوں نے اذان پر پابندی کے خلاف شہر میں مظاہرے بھی کیے۔

دوسری جانب بھارتی مسلمانوں کی نمائندہ تنظیم آل انڈیا مسلم پرسنل لا بورڈ نے وائس چانسلرکی اس شکایت کی مذمت کرتے ہوئے کہا کہ بھارت میں لوگ ایک دوسرے کے مذہبی جذبات کا احترام کرتے ہیں، یہاں مسجدوں سے اذانیں اورمندروں سے بھجن فضا میں گونجتے رہتے ہیں۔ اس لیے ان باتوں سے انتہا پسندی کی ہوا کا پرچار نہ کیا جائے تو بہترہے۔

کورونا وائرس کی دوسری لہر کی روک تھام کیلئے سول ایوی ایشن نے اندرون ملک جانیوالی تمام پروازوں میں کھانے اورمشروبات پر پابندی عائد کر دی۔
این سی او سی کے فیصلے کی روشنی میں سول ایوی ایشن نے اندرون ملک جانے والی تمام پروازوں میں مسافروں کوکھانے پینے کی اشیا فراہم کرنے پر پابندی لگا دی۔ سی اے اے کے ڈائریکٹر ایئر ٹرانسپورٹ نے نوٹیفکیشن جاری کردیا جس کے مطابق پی آئی اے سمیت تمام نجی ایئرلائنز اور چارٹرڈ پروازیں عملدرآمد کریں گی۔

نوٹیفکیشن میں کہا گیا ہے کہ تمام ایئرپورٹس منیجر اوراے ایس ایف اس پر سختی سے عملدرآمد کرائیں گے۔ پرواز کے عملے اور مسافروں کیلئے ماسک کا استعمال بھی لازمی قرار دیا گیا ہے۔ سول ایوی ایشن کے مطابق تمام ایئرلائنیں ایس او پیز پر مکمل عملدرآمد کرانے کی پابند ہوں گی۔

گلگت (میڈیا 92 نیوز آن لائن ) گلگت کے علاقے نگر ہسپر میں ہسپانیہ (اسپین) سے تعلق رکھنے والا 26 سالہ کوہ پیما مہم جوئی کے دوران ہلاک ہو گیا ہے۔ پاک فوج نے ہلاک ہونے والے کوہ پیما کی میت نگر پہنچا دی ہے

تفصیلات کے مطابق نگر کی نواحی وادیٔ ہسپر میں غیر ملکی کوہ پیما جینیٹ سلووجیزک اس وقت ہلاک ہوا جب وہ وادی ہسپر میں کوہ پیمائی کررہا تھا۔ غیرملکی کوہ پیماء کا تعلق ہسپانیہ (اسپین ) سے تھا۔

ذرائع کا کہناہے کہ پاک آرمی نے غیر ملکی کی میت کو ریسکیو کرکے نگر پہنچا دیا۔ میاں بیوی کوہ پیماء ہسپر گلئیشر میں ٹریکنگ کے لئے آئے تھے۔

یاد رہے گلگت بلتستان کے ضلع غذر کے بالائی علاقے آٹر میں غیر ملکی کوہ پیما گزشتہ ماہ برفانی تودے کی زد میں آگئے ، چار غیر ملکی کوہ پیما زخمی ہوگئے ، جبکہ مقامی ٹوور آپریٹر لاپتہ ہو گیا تھا۔

اٹلی سے تعلق رکھنے والے سیاح ضلع غذر کے علاقہ آشکومن میں واقع ’میلون جونز‘ نامی چوٹی کو سر کرنے کے لئے پاکستان آئےتھے۔

چاروں غیرملکی سیاح پہاڑی کو سر کرنے کے لئے نکلے،برفانی تودے کی زد میں آنے سے چاروں سیاح زخمی ہو گئے جنھیں ریسکیو کر لیا گیا ۔

یاد رہے کہ گزشتہ سال بھی ہنزہ کی الترسر ٹاپ پر پھنسے ہوئے دو غیر ملکی سیاحوں کو بچا لیا گیا تھا۔

پاک فوج کے شعبہ تعلقات عامہ (آئی ایس پی آر) کے مطابق پاک فوج کے ہیلی کاپٹر نے ریسکیو آپریشن کے ذریعے ہنزہ کی الترسر ٹاپ پر پھنسے دو غیرملکی سیاحوں کو زندہ بچا لیا جبکہ ایک سیاح برفانی تودے کی زد میں آ کر ہلاک ہو گیا ۔

آئی ایس پی آر کے مطابق ہنزہ کے قریب 19000 فٹ بلند الترسر چوٹی پر برفانی تودہ گرنے سے تین غیرملکی سیاح پھنس گئے تھے۔

پاک آرمی کے ہیلی کاپٹر نے خراب موسم کے باوجود ریسکیو آپریشن شروع کیا، آسٹریا کا کوہ پیما کرسٹین ہیوبر برفانی تودے کی زد میں آ کر ہلاک ہو گیا جبکہ برطانوی کوہ پیما بروس نارمینڈ اور ملر ٹموتھی کو زندہ ریسیکو کر لیا گیا۔

لاہور(آن لائن میڈیا 92)
مرکزی شاہراہوں،گول چکروں ، داخلی و خارجی راستوں کو سجانے کی تیاری۔عیدِقرباں اور آزادی میلہ کی منصوبہ بندی کے تحت سجایا جائے گا۔
پیپرا نے پی ایچ اے کی طرف سے بھیجے گئے ٹینڈر پر اعتراض عائد کر دیا ہے جس کے باعث میلہ کے انعقاد کا شیڈول متاثرہونے کا خدشہ ہے۔تفصیلات کے مطابق عید ارو جشنِ آزادی کے موقع پر رنگا رنگ تقریب کے انعقادکے ساتھ شہر کو مکمل طور پر سجایا جائے گا ۔جس کے تحت شہر کے داخلی اور خارجی راستوں کو سجایا جانا ہے۔یہ میلہ یکم اگست سے 14 اگست تک جاری رہے گااور اس مسرت موقع پر آتشبازی کا مظاہرہ بھی کیا جائے گا۔
پی ایچ اے نے پنجاب پرکیورمنٹ ریگولیٹری اتھارٹی کو ٹینڈر بھجوایا جس پر سیکشن27 کے تحت اعتراض عائد کر دیا ہے اور کہا ہے کہ سکیورٹی کی رقم جوکہ 5 لاکھ روپے مقرر کی گئی ہے،مجموعی رقم کے پانچ فیصد ہونے کی وجہ سے سیکشن 27 کے سراسر خلاف ہے۔ان عوامل کی وجہ سے میلے کا شیڈول متاثر ہونے کا امکان ہے۔

لاہور (میڈیا 92 نیوز آن لائن ) 21 جون بروز جمعہ سال کا طویل ترین دن اور رات مختصر ترین ہوگی۔

پاکستان سمیت دنیا کے بیشتر ممالک میں آج سال کا طویل ترین دن ہوگا جس کے بعد 22 جون سے دن کی طوالت کم ہونا شروع جاتی ہے۔

21 جون کو سال کا طویل ترین دن اور مختصر ترین رات ہوگی جس کی وجہ سورج کی روشنی ہے جو اس دن زیادہ دیر تک رہتی ہے، 21 جون کو سورج کی روشنی کا دورانیہ 15 گھنٹے کا ہو گا۔

ماہرین کے مطابق 21 جون سے کے بعد سے دن چھوٹے اور راتیں لمبی ہونی شروع ہوجائیں گی یعنی 22 جون سے دن کا دورانیہ بتدریج کم اور راتیں طویل ہونا شروع ہو تی گی۔

22 ستمبر کو دن اور رات کا دورانیہ تقریباً برابر ہوتا ہے جب کہ 22 دسمبر کو سال کا مختصر ترین دن کہا جاتا ہے۔

دبئی (میڈیا 92 نیوز آن لائن ) متحدہ عرب امارات نے موسمِ گرما میں اپنے والدین کے ساتھ آنے والے ایسے بچوں کی ویزا فیس نہ لینے کا اعلان کیا ہے جن کی عمریں 18 برس سے کم ہیں۔

متحدہ عرب امارات کے تحت فیڈرل اتھارٹی آف آئڈینٹیٹی اینڈ سٹیزن شپ نے اعلان کیا ہے کہ 14 روزہ سیاحتی ویزا کے لیے فی کس فیس 497 درہم یعنی پاکستانی 20 ہزار روپے کے برابر ہوتی ہے اور اگر 30 روزہ بار بار آمدورفت کا ویزا لینا ہو تو اس کی قیمت 917 درہم یا 38 ہزار روپے سے کچھ زائد ہوتی ہے۔

اماراتی حکومت نے اس کا اعلان گزشتہ سال ستمبر میں گیا تھا جس پر اس سال سے عمل کیا جارہا ہے۔ امارات میں لوگوں نے اسے خوش آئند قرار دیتے ہوئے کہا ہے اس سے امارات اور خلیجی ممالک میں سیاحت کو فروغ ملے گا۔

توقع ہے کہ اس طرح موسمِ گرما کی چھٹیوں میں بھارت، پاکستان اور دیگر ممالک سے سیاحوں کی بڑی تعداد اپنے بچوں سمیت یہاں آئے گی اور اس سے سیاحت بڑھے گی۔ صرف اسی سال امارات کے تمام ایئرپورٹ پر 3 کروڑ 28 لاکھ افراد دوسرے ممالک سے اترے اور مختلف ممالک کی سیر کو گئے تھے۔