Category سیر و تفریح

ماسکو(فارن ڈیسک / میڈیا 92 نیوز) منچلے نوجوان نے جمی ہوئی جھیل پر بھاری بھر کم ٹرک کو دائرے کی صورت میں گھما کر دیکھنے والوں حیران کرڈالا۔یہ دلچسپ منظر روس میں دیکھنے کو ملا جہاں ایڈونچر کے شوقین ایک نوجوان نے ٹرک کے ذریعے آئس ڈرفٹنگ کا شاندار مظاہرہ پیش کیا اور برفیلے ٹریک پر سرکتے ہوئے شاندار اسٹنٹس پیش کر کے لوگوں سے خوب دادسمیٹی ۔اس ماہر ڈرائیور نے اپنی مہارت کا ثبوت پیش کرتے ہوئے نہ صرف ٹرک کو برف کی پھسلن سے کنٹرول کیا اس دائرے کی صورت میں گھومتے ہوئے ایسے حیرت انگیز سٹنٹس کئے لوگ حیران رہ گئے۔

لندن(ایمرا نیوز/نیٹ نیوز)کنگز کالج لندن کے82سالہ پروفیسر نور من لازارس کی قوت مدافعت (امیونٹی) کسی 20سالہ نوجوان جیسی مضبوط ہے اور بیماریوں کے خلاف زبردست جنگ کی صلاحیت رکھنے والی ہے جبکہ ایسا عمومی طور پر عمر رسیدہ افراد میں نہیں دیکھا جاتا۔ سائنس دانوں کا کہنا ہے کہ ضعیف العمری میں کی جانے والی ورزش اورکسرت ڈھلتی ہوئی عمر کے ساتھ ساتھ تیزی سے کم ہوتی قوت مدافعت کو سنبھال کر دوبارہ مضبوط بنادیتی ہے۔ ڈھلتی عمر کے ساتھ ساتھ انفیکیشن اور بیماری پھیلانے والے جراثیم کے خلاف قوت مدافعت کم ہوتی جاتی ہے۔ یہاں تک کہ معمولی نزلہ اور زکام کے بھی سینے اور پھیپھڑوں کے جان لیوا انفیکیشن میں تبدیل ہوجانے کے امکانات قوی ہوتے جاتے ہیں۔ پروفیسر نور من اس تحقیق کا مرکز تھے۔ جو ایک سائیکلسٹ بھی ہیں اور روزانہ کئی میل دور تک سائیل چلاتے ہیں تحقیق کاروں کے مطابق باقاعدہ سے کی گئی ”کسرت“ جسم کی قوت مدافعت بڑھانے کے علاوہ ذہن، پٹھوں اور ہڈیوں کی مضبوطی کا باعث بنتی ہے۔ یہی وجہ ہے کہ ضعیف العمر افراد میں انفیکیشن، ہڈیوں کے بھربھرے پن اور کینسر میں مبتلا ہونے کے امکانات بڑھ جاتے ہیں۔

اسلام آباد:(بیورورپورٹ ایمرا نیوز) محکمہ موسمیات نے اگلے ہفتے کے دوران ملک میں بارش ہونے کی پیشگوئی کی ہے۔

محکمہ موسمیات کے مطابق اتوار کے روز ملک کے بیشتر علاقوں میں موسم خشک رہے گا جب کہ منگل اور بدھ کے دوران خیبرپختونخوا، فاٹا، بالائی پنجاب (راولپنڈی، سرگودھا ڈویژن)، اسلام آباد، کشمیر اورگلگت بلتستان میں کہیں کہیں تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔

پیر سے بدھ کے دوران کوئٹہ، ژوب، لاہور، گوجرانوالہ، ڈی جی خان، ملتان، ساہیوال ڈویژن میں چند مقامات پر ہواؤں اورگرج چمک کے ساتھ بارش کا امکان ہے

دنیا کی بلند ترین چوٹیاں سر کرنے والے روسی نژاد پولش کوہ پیما ڈینس اروبکو ساتھیوں کی مخالفت کے باوجود شدید سردی میں دنیا کی دوسری بڑی بلند ترین چوٹی ‘کے ٹو’ کو سر کرنے نکل پڑے۔

پولینڈ کے کوہ پیما ڈینس موسم سرما میں ‘کے ٹو’ کے علاوہ دنیا کی تقریباً تمام بلند ترین چوٹیاں سر کرچکے ہیں اور اب انہوں نے پاکستان کی سب سے بڑی اور دنیا کی دوسری بلند ترین چوٹی کو سر کرنے کی ٹھا ن لی ہے۔

نینشل جیوگرافک کی ایک رپورٹ کے مطابق 44 سالہ ڈینس اروبکو، اپنے ساتھیوں سے مسلسل اختلافات کے بعد ہفتہ (24 فروری) کو اکیلے ہی ‘کے ٹو’ سر کرنے نکل گئے۔

رپورٹ کے مطابق ڈینس اپنی ٹیم کو فروری میں ‘کے ٹو’ سر کرنے کے لیے آمادہ کر رہے تھے تاہم ٹیم کے مسلسل انکار کے بعد انھوں نے اکیلے ہی اس کا آغاز کر دیا۔

واضح رہے کہ موسم سرما میں ‘کے ٹو’ کو سر کرنا ناممکن قرار دیا جاتا ہے اور ڈینس کی اس مہم کو ساتھی کوہ پیما انتہائی خطرناک قرار دے رہے ہیں۔

رپورٹ کے مطابق ڈینس نے اپنے ساتھ ریڈیو لے جانے سے بھی انکار کردیا، جس کے باعث ان کی ٹیم کے پاس ان سے رابطہ کرنے کا کوئی ذریعہ نہیں ہے اور نہ ہی انہیں معلوم ہے کہ وہ چوٹی پر اس وقت کہاں موجود ہے۔

ٹیم لیڈر کرزیزف ویلیسی کے مطابق ‘ڈینس کی یہ حرکت انتہائی نامناسب ہے اور انہوں نے ہم سب کو بھی خطرے میں ڈال دیا ہے، اگر انہیں کوئی مسئلہ درپیش آتا ہے تو ان کے ریسکیو کے لیے ہمیں ہی جانا پڑے گا’۔

لاہور(میڈیا پاکستان)ڈائریکٹر جنرل جنگلی حیات و پارکس پنجاب خالد عیاض خان نے کہا ہے کہ عید کے تیسرے روز لاہور چڑیا گھر اور سفاری زو میں 62 ہزار 5 سو 90 لوگ تفریح کے لئے آئے جس سے محکمہ کو 22 لاکھ سے زائد آمدن ہوئی جو گزشتہ سال سے 6 لاکھ 8 سو روپے زائد ہے۔ انہوں نے تفصیلات کا زکر کرتے ہوئے بتایا کہ عید ے تیسرے روز لاہور چڑیا گھر میں 49 ہزار 6 سو 72 افراد تفریح کے لئے آئے جس سے 17 لاکھ پانچ ہزار 480 روپے آمدن ہوئی جبکہ کار پارکنگ کی مد میں ایک لاکھ 30 ہزار سے زائد آمدن ہوئی۔ انہوں نے کہا کہ کار پارکنگ کی مد میں اتنی آمدن کا حصول ایک ریکارڈ ہے۔ انہوں نے کہا کہ گزشتہ سال عید کے تیسرے روز 40 ہزار 6 سو 57 افراد لاہور چڑیا گھر تفریح کے لئے آئے تھے اور 14 لاکھ 10 ہزار 6 سو 80 روپے آمدن ہوئی تھی جبکہ اس سال ہونے والی آمدن گزشتہ سال سے تقریبا 3 لاکھ روپے زائد ہے۔ انہوں نے کہا کہ سفاری زو لاہور میں عید کے تیسرے روز 12916 افراد تفریح کے لئے آئے، 3 لاکھ 66 ہزار 780 روپے آمدن ہوئی جبکہ گزشتہ سال عید کے تیسرے روز 6 ہزار9 سو 82 افراد سفاری زو لاہور تفریح کے لئے آئے تھے جس سے ایک لاکھ 91ہزار روپے آمدن ہوئی تھی۔ انہوں نے کہا کہ لاہور چڑیا گھر اور سفاری زو میں سکیورٹی انتظامات قابل ستائش تھے، ڈیوٹی پر موجود تمام افسران واہلکاران نے پوری تندہی سے فرائض سر انجام دیئے، اعزازیہ دیا جائے گا۔ انہوں نے کہا کہ صوبہ بھر کے چڑیا گھروں اور وائلڈ لائف پارکس میں شائقین کی آمد اور انتظامات کے بارے میں کل صبح ان کے دفتر میں اجلاس منعقد کیا جائے گا۔

پاکستانی ملبوسات کی مانگ بڑھ گئی، گزشتہ مالی سال 2016-17 کے دوران تیار ملبوسات کی قومی برآمدات میں 6 فیصد کا اضافہ ہوا،اس دوران 2.316 ارب ڈالر کی برآمدات کی گئی ہیں۔ ادارہ برائے شماریات پاکستان کے اعدادوشمار کے مطابق گزشتہ مالی سال کے دوران تیار ملبوسات کی برآمدات میں 5کروڑ82لاکھ69ہزار ڈالر یعنی 6 فیصد کا اضافہ ریکارڈ کیا گیا ہے ۔رپورٹ کے مطابق مالی سال 2015-16 کے دوران 2.195 ارب ڈالر مالیت کے تیار مبلوسات برآمد کئے گئے تھے۔
پی بی ایس کے مطابق مالی سال 2016 کی 3کروڑ27لاکھ75ہزار درجن کے مقابلہ میں گزشتہ مالی سال 2017 کے دوران 3 کروڑ 47 لاکھ 85ہزاردرجن تیار ملبوسات برآمد کیے گئے ، اس طرح برآمدات میں 20 لاکھ 10 ہزار درجن یعنی 6.13 فیصد کی زائد برآمدات کی گئی ہیں۔رپورٹ کے مطابق جون 2017 کے دوران تیار ملبوسات کی برآمدات میں 20 فیصد کا نمایاں اضافہ ہونے سے برآمدات کا حجم جون 2016 کی برآمدات 20 کروڑ 30 لاکھ 33 ہزارڈالر کے مقابلے میں 24 کروڑ 29 لاکھ51ہزار ڈالر تک بڑھ گئیں، اس طرح جون 2016 کے مقابلے میں جون 2017 کے دوران 3کروڑ99لاکھ18ہزار ڈالر کی زائد برآمدات ہوئیں

(میڈیا پاکستان) عید قرباں کی آمد سے قبل قربانی کے جانوروں کی خرید وفروخت کے لیے منڈیاں سجنے لگ گئیں ، خوبصورت جانور شہریوں کادل لبھاتے نظرآتے ہیں۔

ذرائع کے مطابق لاہور میں سگیاں پل کے قریب قائم ملک فارمز کے ساتھ واقع اس منڈی میں کئی سال سے قربانی کےجانوروں کو بیچنے کے لیے لایا جاتا ہے۔

عید آنے سے پہلے قربانی کے جانوروں کو سارا سال پالنے والے افراد شہر سے باہر بڑی بڑی عارضی منڈیاں لگا لیتے ہیں جہاں فارمنگ کے شوقین افراد اپنے بڑے بڑے جانوروں کو فروخت کے لیے پیش کرتے ہیں،

اس سال اس منڈی میں پاکستان کا سب سے وزنی قربانی کا جانور لوگوں کی توجہ کا مرکز بنا ہوا ہے، اسکے ساتھ اور بھی بہت سی نسلوں کے جانور رکھے گئے ہیں۔

ان جانوروں کو بیماریوں سے محفوظ رکھنے اور صحت مند بنانے کےلیے فارم کے ملازمین 24 گھنٹے انکی دیکھ بھال کے لیے موجود ہوتے ہیں۔

قربانی کے ان جانوروں کو رنگ برنگے زیورات سے سجاکر مزید خوبصورت اور دلکش بنایا جاتا ہے۔

جانوروں کو دیکھنے کے لیے لوگ بڑی تعداد میں یہاں آتے ہیں کہیں ننھے بچے والدین کے ساتھ ان کو چھو کر خوش ہوتے ہیں تو کہیں ان میں سب سے بڑے جانور کے ساتھ سیلفی بنا کر انہیں موبائل کیمروں میں محفوظ کر لیتے ہیں۔

لاہور/ راولپنڈی / گوجرانوالہ (میڈیا پاکستان)گزشتہ چوبیس گھنٹوں کے دوران ملک کے زیادہ تر علاقوں میں گرمی اور حبس کا زور برقرار(weather) ، پنجاب سمیت بلوچستان ، گلگت بلتستان اور کشمیر میں تیز ہواؤں ، بارش سے موسم خوشگوار ہوگیا۔
پنجاب کے علاقوں راولپنڈی، کھاریاں، گوجرانوالہ سمیت ہزارہ، کوئٹہ، ژوب، قلات ، گلگت بلتستان اور کشمیر میں بعض مقامات پر تیز بارش سے موسم خوشگوار ہوگیا .
ملک کے بیشتر علاقے گرمی اور حبس کی لپیٹ میں رہے جہاں شہری بارش کی دعائیں مانگتے رہے۔
محکمہ موسمیات نے بالائی پنجاب کے علاقوں اسلام آباد ، راولپنڈی ، گوجرانوالہ ، لاہور اور سرگودھا ڈویژن میں بارش کی نوید سنائی ہے۔
اس کے علاوہ بالائی خیبر پختونخوا کے علاقوں مالاکنڈ، ہزارہ، پشاور، مردان، کوہاٹ سمیت فاٹا میں بھی بارش کا امکان ہے۔
گلگت بلتستان اور کشمیر میں بھی محکمہ موسمیات نے آندھی اور گرج چمک کے ساتھ بارش کی پیش گوئی کی ہے۔
سندھ کے ساحلی علاقوں میں بھی ہلکی بارش اور بوندا باندی کی پیش گوئی کی گئی ہے ، ملک کے دیگر علاقوں میں موسم گرم رہے گا۔

دبئی (ویب ڈٰیسک) دنیا بھر میں ائیر لائنز (ethad airline) جہاں اپنے اخراجات میں کمی کی طرف مائل ہیں تو دوسری طرف اتحاد ائیرلائن نے اپنے نئے 380 ائیربس طیارے میں مسافروں کیلئے رہائشی اپارٹمنٹ متعارف کرا دیئے ہیں۔
تفصیلات کے مطابق اتحاد ائیرلائن نے اپنے نئے 380 ائیربس طیارے میں مسافروں کے لیے نئی سہولت متعارف کرا دی ہے جس کے تحت اب مسافر اپارٹمنٹ بک کروا سکیں گے۔
مسافر اپارٹمنٹ میں اپنے گھر کی طرح رہائش اختیار کر سکتے ہیں جس میں انہیں ٹی وی دیکھنے ، نہانے ، سونے اور دیگر گھریلو سہولیات مہیا ہوں گی۔
اپارٹمنٹ میں سونے کیلئے بیڈ بھی دستیاب ہوگا اس کے ساتھ نہانے کیلئے واش روم اور دیگر سہولیات بھی متعارف کرائی گئی ہیں جن کو مسافروں کی طرف سے کافی سراہا جا رہا ہے۔
اپارٹمنٹ میں 32 انچ ٹی وی سکرین ، دو ڈائننگ ٹیبل ، صوفہ اور بیڈ بھی رکھا گیا ہے ، ایک اپارٹمنٹ میں دو افراد وقت گزار سکتے ہیں ۔ ڈبل ڈیکر جہاز میں مسافروں کو لکژری سہولیات مہیا کی جائیں گی۔

کچھ لوگوں کو بارش میں بھیگنا پسند ہے تو کچھ اس سے بچنے کی کوشش کرتے ہیں اور جو لوگ اس سے بچنا چاہتے ہیں تو چین میں خاص طور پر ڈیزائن کے اعتبار سے خواتین کے لیے انوکھی چھتری متعارف کرادی گئی ہے۔
یہ چھتری پکڑی نہیں جاتی بلکہ پہنی جاتی ہے ۔چینی ڈیزائنرز نے اسے خصوصی طور پر رین کوٹ کا نام دیا ہے۔
اس چھتری کو صرف سر سے بازو تک پہنا جاتا ہے۔ دلچسپ رین کوٹ سر کے اوپر سے پہنا جاتا ہے اور بازو تک کور کرتا ہے لیکن یہ رین کوٹ پاوں تک نہیں ہوتا۔
انوکھی چھتری کی اچھی بات یہ ہے کہ یہ زیادہ وزنی نہیں اور نہ ہی پہننے مین مشکل ہے بلکہ اس کا تیز طوفانی ہواؤں میں اڑھنے کا بھی خطرہ نہیں ہے۔
یہ مختلف سائز اور رنگوں میں دستیاب ہے ۔یہ چھتری پی وا سے بنی ہوئی ہے جس کے تحت جراثیم لگنے کا خطرہ بھی موجود نہیں۔
اسے آسانی سے فولڈ کر کے آپ بیگ میں بھی رکھ سکتے ہیں اور بارش ہونے کی صورت میں آسانی سے پہن سکتے ہیں ۔انوکھی اور دلچسپ چھتری چینی لوگوں کی جانب سے خوب پذیرائی حاصل کر رہی ہے۔