Archives August 2018

ممبئی (شوبز ڈیسک/ایمرا نیوز) بالی ووڈ کی معروف اداکارہ جوہی چاولہ پاکستانی فلم’جوانی پھر نہیں آنی‘ دیکھنے کراچی پہنچ گئیں، انہوں نے کراچی میں گھومتے ہوئے اپنی تصویر سوشل میڈیا پر شیئر کی ہے۔
بھارتی اداکارہ جوہی چاولہ نےسوشل میڈیا پر ایک تصویر جاری کی ہے جس میں وہ اپنے قریبی سہیلیوں کے ہمراہ کراچی میں گھومتی پھرتی نظر آرہی ہیں۔

In Karachi, out for lunch to the Boat Club with family friends… and then to the movies …a delightful Pakistani romcom 'Jawani Phir Nahin Ani' … which coincidentally had a full Indian girl/ Pakistani boy love story 💕💕🤩🤩🌟🌟🌟 pic.twitter.com/UtNHyCbIhf

— Juhi Chawla Mehta (@iam_juhi) August 31, 2018

سماجی رابطے کی ویب سائٹ ٹوئٹر پر جوہی چاولہ نےتصویر کے ساتھ ایک پوسٹ شیئر کیا ہے جس میں انہوں نے لکھا ہے کہ ’وہ کراچی میں اپنی قریبی دوستوں کے ساتھ لنچ کرنے باہر آئی ہیں۔ اس کے بعد وہ کامیڈی اور رومانس سے بھرپور پاکستانی فلم ’جوانی پھر نہیں آنی‘ دیکھیں گی، جو کہ بھارتی لڑکی اور پاکستانی لڑکے کے درمیان لو اسٹوری پر مبنی فلم ہے۔ ‘
جوہی چاولہ کی اچانک پاکستان آمد پر ان کے مداح حیران ہیں۔ جوہی چا ولہ کا یہ پہلا کراچی کا دورہ نہیں ہے بلکہ وہ اس سے قبل 2013 اور 2016 میں بھی کراچی آچکی ہیں ۔

لاہور(نیٹ نیوز/ایمرا نیوز) لاہور ہائیکورٹ میں مال روڈ کو اصل حالت میں بحال کرنے کے لیے درخواست پر سماعت ہوئی ۔ جس میں جسٹس علی اکبر قریشی کے روبرو عبداللہ ملک کی جانب سے اظہر صدیق ایڈووکیٹ نے دلائل دئیے ۔درخواست گزار نے کہا کہ عدالتی حکم پر مال روڈ کو ماڈل روڈ نہیں بنایا گیا ۔جس پر ڈی سی لاہور انوار الحق عدالت میں پیش ہوئے۔اس حوالے سے ڈی سی لاہور نے عدالت کو بتایا گیا کہ مال روڈ پر کوڑا پھینکنے والے97افراد کو جرمانہ کرکے97ہزار روپے وصول کیے گئے ۔علاوہ ازیں ڈی سی او لاہور نے عدالت کو بتایا کہ مال روڈ کی تزئین آرائش کا کام شروع ہوچکا ہے۔ڈی سی او لاہور نے کہا کہ عدالت ک مال روڈ کے برآمدوں پر قبضہ کرنے والوں کے خلاف سخت نوٹس لیا جائے گا۔جس کے بعد عدالت نے ڈی سی لاہور کو فوری مال روڈ کے برآمدے خالی کروانے کا حکم دیدیا ۔جس پر تاجروں نے اپنا موقف دیتے ہوئے ڈی سی او لاہور کو بتایا کہ ہمارے پاس رجسٹری موجود ہے برآمد ے نہیں وہاں ہماری دکانیں ہیں ۔جس پر ڈی سی او لاہور نے کہا کہ آپ اپنا موقف عدالت کو سنائیں۔عدالت نے مال پر 27 بلڈنگ کو اصل حالت میں بحال کرنے کا حکم دے دیا اور کہا کہ مال روڈ کو صاف ستھرا رکھنے کے لیے عملی اقدامات بھی کیے جائیں۔ڈی سی لاہور نے کہا کہ شہر بھر میں تجاوزات کے خاتمہ کو ہر صورت یقینی بنائیں ۔عدالت نے حکم جاری کیا کہ ہال روڈ کے اندر بڑے و ہورڈنگز آج ہی اتارے جائیں۔عدالت نے مال روڑ بلڈنگ کے برآمدوں کو فوری ختم کرنے کا حکم دے دیا ۔ عدالت نے ڈی سی لاہور کو کہا کہ برآمدے نہ ختم کرنے والوں کے خلاف انسداد دہشت گردی ایکٹ کے تحت کارروائی کا حکم دے دیا۔عدالت نے حکم جاری کیا کہ اگر عدالتی حکم پر عملدرآمد نہ ہوا تو قانون کے مطابق کاروائی ہو گی، عدالت نے صدر ہائیکورٹ بار اور مال روڑ کے صدر پر مشتمل وفد کو مال روڑ پر ہونے والے کام کا جائزہ لینے کا حکم بھی دے دیا ۔لاہور کی انتظامیہ نے بتایا کہ مال پر 6 بلڈنگ پرکام شروع کر دیا گیا ہے، درخواست گزار نے کہا کہ مال روڑ کو لاہور انتظامیہ کی جانب سے اصل حالت میں بحال نہیں کیا جا رہا ہے، عدالت نے ڈی سی او لاہور کو حکم جاری کیا کہ مال روڑ کو اصل حالت میں بحال کرنے کا حکم دیا،عدالت نے ڈی سی لاہور سے عمل درآمد کی رپورٹ 3ستمبر کو طلب کرلی ہے۔

لاس اینجلس ( ایمرا نیوز) اداکارہ روز برائن کا کہنا ہے کہ پیٹر ریبٹ پر کام کرنا جادوئی تھا ،یہ انہیں ان کے بچپن کے دنوں میں واپس لے گئی۔روز برائن جنہوں نے دی انٹرن شپ، نیبرز، ایکس مین:ایپوکلپس اور انسیڈیس: چیپٹر2جیسی فلموں میں کام کیا ہے، بڑی اسکرین پر پیٹر ریبٹ کی کہانیوں کو فلم سازی کے ذریعے لانے کا موقع دینے پر خوش ہیں۔روز برائن نے آئی اے این ایس کو فون پر لاس اینجلس سے پاکستان کو ایک خصوصی انٹرویو میں بتایا کہ ایک بچے کے طور پر میرے پاس پیٹر ریبٹ کی کہانیاں پڑھنے کے حوالے سے اس کے بارے میں جادوئی یادیں ہیں۔وہ بہت خوشگوار تھا۔ میرا تعلق چار بچوں کے خاندان سے ہے لہذٰا کہانیوں میں کیا ہورہا ہے میں اس سے متعلق ہوں۔ ڈائریکٹر ول گلک پیٹر ریبٹ اور اس کی فیملی کے بارے میں بیٹرکس پوٹر کے ذریعے کلاسک کہانیاں سونی پکچرز کی پیٹر ریبیٹ اینیمیٹڈکے ذریعے سلور اسکرین پر لائے ہیں۔

فلم میں مہم جوئی کی کہانی سنائی گئی ہے جو پیٹر ریبیٹ، اور اس کی بہنوں فلوپسی،موپسی اور کاٹن اپنے گھر کو واپس حاصل کرنے کیلئے گزرتے ہیں۔اس نے انسانوں اور جانوروں کے درمیان کشمکش کو نمایاں کیا ہے۔فلم میں روز برائن نے ایک آرٹسٹ کا کردار ادا کیا ہے جو اپنے گھر کے پچھلے حصے میں خرگوش کی تصاویر بناتی ہے اور انہیں تھامس مک گریگر جسے ڈومنل گلیسن نے ادا کیا ہے، اسے بچاتی ہے۔ اس فلم نے پاکستان کے اندر تہلکہ مچا دیا ہے اور ہر گھر میں بچے اس فلم کو بہت پسند کیا جا رہا ہے اور بچے اپنے سارے پڑھائی کے کام کو چھوڑ کر بیٹھ جاتے ہیں اور اس فلم کو دیکھنے بیٹھ جاتے ہیں۔ان چوہوں کی عجیب عجیب سی شرارتوں اور ان کی حرکتوں سے بچے خوب پھولے نہیں سماتے ۔

اسلام آباد :(نیٹ نیوز/ایمرا نیوز) وزیراعظم بننے کے بعد عمران خان پہلے دورے پر آج لاہور پہنچ رہے ہیں، عمران خان خالی ہونے والی قومی اسمبلی کی دو نشستوں پر ضمنی الیکشن کیلئے پارٹی امیدواروں کا فیصلہ کریں‌ گے۔
تفصیلات کے مطابق وزیر اعظم عمران خان دو روزہ دورے پر آج لاہور پہنچ رہے ہیں، جہاں وزیراعظم کوامن و امان کی صورتحال پربریفنگ دی جائے گی اور تعلیم، صحت اور دیگر معاملات پر بھی اہم فیصلے کیے جائیں گے۔
ذرائع کا کہنا ہے انصاف کی فوری فراہمی وزیراعظم عمران خان کی اولین ترجیح ہے، وزیراعظم نے منگل کو وفاقی کابینہ کا اجلاس بھی طلب کرلیا ہے۔
اپنے قیام کے دوران وزیر اعظم لاہور میں خالی ہونے والی قومی اسمبلی کی دو نشستوں پر ضمنی الیکشن کیلئے پارٹی امیدواروں کا بھی فیصلہ کریں گے۔
لاہور کا حلقہ این اے 131 اور این اے 124 پر ضمنی الیکشن ہو رہا ہے، این اے 131 کے لیے پی ٹی آئی کے تین امیدواروں سمیت کل دس امیدواروں نے کاغذات نامزدگی جمع کروائے ہیں جبکہ این اے 124 میں بھی پی ٹی آئی کے تین امیداروں سمیت دس امیدواروں نے کاغذات نامزدگی جمع کروائے ہیں۔
عمران خان دونوں حلقوں میں پارٹی امیدوار کا حتمی فیصلہ کریں گے۔
دوسری جانب مسلم لیگ ن نے این اے 131 میں شکست خوردہ امیدوار خواجہ سعد رفیق جبکہ این اے 124 کیلئے سابق وزیر اعظم شاہد خاقان عباسی کا نام فائنل کر لیا ہے۔

ساؤتھمپٹن :(سپورٹس ڈیسک/ایمرا نیوز) ساؤتھمپٹن ٹیسٹ کےابتدائی روزبھارتی بولرزچھاگئے، انگلینڈ کی ٹیم پہلی اننگز میں
244رنزپرڈھیرہوگئی، مہمان ٹیم نے بغیرکسی نقصان کے 19رنز بنالئے۔

ساوتھمپٹن میں انگلینڈ کے کپتان جو روٹ نے ٹاس جیت کرپہلے بیٹنگ کا فیصلہ کیا جوسود مند ثابت نہ ہوسکا۔
ایلسٹر کک اورکیٹون جیننگزنے اننگ کا آغازکیا، جیننگزصفرپرپویلین لوٹے ۔
وقفے وقفے سے وکٹیں گرتی رہیں 86رنزپر6انگلش بلے بازوں کی اننگ ختم ہوچکی تھیاس موقع پرسیم کوران اورمعین علی نے 7ویں وکٹ کیلئے 81رنزجوڑکرٹیم کا اسکورقدرے بہترکیا۔
سیم کوران ذ مہ دارانہ اننگ کھیلتے ہوئے 78رنزبناکرنمایاں رہے، معین علی نے 40رنزاسکورکئے، انگلینڈ ٹیم کے بلے بازاپنی ٹیم کے اسکورکو246رنزسے آگے نہ بڑھاسکے۔
بھارت کی جانب سے جسپریت بمرا نے 3وکٹیں حاصل کیں جبکہ ایشانت شرما، محمد شامی اور روی چندرن ایشون نے 2،2کھلاڑیوں کوآوٹ کیا جب پہلے روزکا کھیل ختم ہوا توبھارتی ٹیم نے بغیرکسی نقصان کے 19رنزبنالئے تھے۔

تحصیل سٹی کے پٹوار سرکل بیلہ بستی رام میں ساڑھے تین سو فرد بدر التوا میں رکھنے کا انکشاف ، سینکڑوں پرچہ رجسٹری کے انتقالات اندراج بھی روک دیا گیا اسٹنٹ کمشنر سے نوٹس لینے کی اپیل شہری ُبلبلا ُاٹھےتحصیل سٹی کے پٹوار خانہ بیلہ بستی رام میں ساڑھے تین سو سے زائد فرد بدر زیر التوا رکھنے کا انکشاف ، پرچہ رجسٹری انتقال کی مد میں بجھے جانے والی رجسٹریوں کا انتقال اندراج کرنے سے روک دئیے گے سابقہ پٹواری جہانزیب نے ریکارڈ مکمل نہیں کیا جب تک فرد بدریں پاس نہیں ھوں گی تب تک انتقالات کا اندراج نہیں کیا جائے گا نئیے آنیوالے سٹاف نے شہریوں کو عندئیہ جاری کر دیا پٹوار خانے کے چکر کاٹنے والے شہری خواری پر بُلبلا ُاٹھے
ڈسٹرکٹ ایڈمسٹریشن کہاں ھیں نوٹس لیا جائے شہریوں کی کیثر تعداد کا مطالبہ اسٹنٹ کمشنر سٹی صفدر علی ورک سے نوٹس لینے کی اپیل

لاہور:(سپورٹس ڈیسک/ایمرا نیوز) رمیز راجہ نے احسان مانی کو بطور چیئرمین پی سی بی موزوں انتخاب قرار دے دیا۔
ایک انٹرویو میں سابق ٹیسٹ کرکٹر نے کہا کہ وزیر اعظم عمران خان کے ویژن کو پیش نظر رکھتے ہوئے بورڈ کے نئے سربراہ اپنی ذات سے بالا تر ہوکر کام کریں گے۔ انھوں نے کہا کہ عمران خان ریجنل کرکٹ کے زبردست حامی ہیں،یہ تصور پی ایس ایل میں کامیاب رہا، کئی سابق کرکٹرز بھی اس کی حمایت کرتے ہیں، اب یہ احسان مانی پر ہے کہ وہ اس معاملے میں کس نوعیت کے اقدامات اٹھاتے ہیں۔

رمیز راجہ نے کہا کہ گزشتہ دنوں بنی گالا میں ملاقات کے دوران عمران خان نے اپنی جدوجہد پر روشنی ڈالی اور بتایا کہ اس سلسلے میں کرکٹ کے پس منظر نے کیا کردار ادا کیا،ان کا وزیر اعظم منتخب ہونا صرف پاکستان ہی نہیں بلکہ عالمی کرکٹ برادری کیلیے بڑے فخر اور اعزاز کی بات ہے۔

ممبئی(شوبز ڈیسک/ایمرا نیوز) بالی ووڈ فلموں میں اکثر ہمشکل کرداروں پر مبنی کہانیاں دیکھنے میں آتی ہیں لیکن حقیقی زندگی میں بھی اکثر مشہور شخصیات و بالی ووڈ اسٹارز سے ملتے جلتے کئی چہرے سامنے آچکے ہیں۔
حال ہی میں بالی ووڈ کے نامور ہدایتکار و اداکار کرن جوہر کے ہمشکل کی سوشل میڈیا پر دھوم مچی ہوئی ہے جسے دکھ کر خود کرن جوہر بھی حیران رہ گئے ہیں۔

بھارتی میڈیا رپورٹس کے مطابق عثمان خان نامی شخص نے ٹوئٹر پر اپنی تصویر شیئر کرنے کے ساتھ دعویٰ کیا کہ لوگ انہیں کرن جوہر سے ملاتے ہیں جس کے بعد کرن جوہر نے نہ صرف ٹویٹ کو ری ٹویٹ اور لکھا کہ ’چند ٹویٹس مجھے لاجواب کردیتے ہیں اوریہ ان میں سے ایک ہے۔
اس سے قبل بالی وڈ اسٹار پریانکا چوپڑا، رنویر سنگھ، سوناکشی سنہا، ٹائیگر شروف ، عمران ہاشمی سمیت بھارتی کرکٹر ویرات کوہلی و دیگر کے ہم شکل کی بھی سوشل میڈیا پر کافی مقبول ہو چکے ہیں۔

اسلام آباد:(نیٹ نیوز/ایمرا نیوز) وزیراعظم عمران خان کا کہنا ہے کہ کراچی جیسے اہم شہر میں بعض بنیادی سہولتوں کا فقدان لمحہ فکریہ ہے لہٰذا شہر کے عوام کے مسائل سے متعلق علم ہے۔
وزیراعظم سے ایم کیوایم وفد کی ملاقات
وزیراعظم عمران خان سے وزیراعظم ہاؤس میں اتحادی جماعت ایم کیوایم پاکستان کے رہنماؤں نے ملاقات کی جن میں وفاقی وزیر سائنس اینڈ ٹیکنالوجی خالد مقبول صدیقی اور وفاقی وزیر قانون فروغ نسیم کے علاوہ امین الحق، کنور نوید، نسرین جلیل اور میئر کراچی وسیم اختر بھی شامل تھے جب کہ ملاقات میں وزیراعظم کے معاون خصوصی نعیم الحق اور گورنر سندھ عمران اسماعیل بھی خصوصی طور پر شریک ہوئے۔
وزیراعظم اور ایم کیو ایم رہنماؤں کی ملاقات کے دوران سیاسی امور اور صدارتی انتخاب سمیت سندھ کے مسائل پر تفصیلی گفتگو ہوئی۔

ذرائع کےمطابق وزیراعظم عمران خان نے ایم کیوایم کے وفد کو کراچی اور حیدرآباد کے مسائل حل کرانے کے لیے تعاون کی یقین دہانی کرائی۔
ذرائع کا کہناہےکہ ایم کیوایم کے وفد نے وزیراعظم کو صدارتی انتخابات میں پی ٹی آئی کے امیدوار عارف علوی کی حمایت کا بھی یقین دلایا۔
وزیراعظم کی گورنر سندھ سے ملاقات

دوسری جانب وزیراعظم عمران خان سے گورنر سندھ عمران اسماعیل نے بھی علیحدہ ملاقات کی جس میں انہوں نے حکومت کی جانب سے اعتماد کا اظہار اور اہم ذمہ داری دینے پر شکریہ ادا کیا۔
اس کے علاوہ وزیراعظم اور گورنر سندھ کی ملاقات میں سندھ اور خصوصاً کراچی کی موجودہ صورتحال اور عوامی مسائل پر گفتگو کی گئی۔
اس موقع پر وزیراعظم کا کہنا تھاکہ شہر قائد کی عوام کے مسائل سے متعلق علم ہے، کراچی جیسے اہم شہرمیں بعض مقامات پر بنیادی سہولتوں کا فقدان لمحہ فکریہ ہے، ملکی معیشت کی ترقی و استحکام میں کراچی کا کردار کلیدی ہے۔
عمران خان نے کہاکہ کراچی میں امن و امان کی فضا کو مزید مستحکم کرنے کے لیے پر عزم ہیں، حکومت عوام کو درپیش مسائل کے مستقل حل کے لیے ہر ممکن تعاون فراہم کرے گی۔

لاہور:(نیٹ نیوز/ایمرا نیوز) پاکستان میں پہلی بار تھیلیسمیا میں مبتلا بچی کا کامیاب آپریشن انجام پاگیا۔ متاثرہ بچی کی عمر صرف 5 سال ہے۔
تفصیلات کے مطابق تھیلیسمیا میں مبتلا 5 سال کی بچی کا پاکستان میں پہلا کامیاب آپریشن انجام پا گیا۔ ڈاکٹر معاذ نے بچی کے پیٹ سے متاثرہ تلی نکال لی۔

5 سال کی بچی ایمن کا تعلق صوبہ پنجاب کے شہر وہاڑی سے ہے، بچی پیدائشی طور پر تھیلیسمیا کے مرض میں مبتلا تھی اور اسے ایک ہفتے میں 4 سے 5 مرتبہ خون تبدیل کروایا جاتا تھا۔
ڈاکٹرز کے مطابق بچی کی تلی 80 فیصد تک بڑھ چکی تھی تاہم اب کامیاب آپریشن کے بعد بچی کو اب ہفتے میں صرف ایک مرتبہ خون تبدیل کروانا ہوگا۔
بچی کا کامیاب آپریشن کیمرے کے ذریعے کیا گیا۔ یہ پہلی بار ہے جب پاکستان میں اتنی کم عمر بچی کی تلی نکالی گئی ہے۔
خیال رہے کہ خون کا مہلک مرض تھیلیسمیا موروثی مرض ہے جو والدین سے بچوں کو ملتا ہے۔ یہ مرض خون کے خلیوں کی ابنارملٹی کی علامت ہے جس کے باعث خون بننے کا عمل رک جاتا ہے۔
تھیلیسمیا کے مریضوں کو بار بار خون کی ضرورت پڑتی ہے۔
اس مرض کا شکار افراد اور بچے تھکے تھکے اور دیگر افراد کی نسبت غیر متحرک ہوتے ہیں۔ تھیلیسمیا کے باعث ان کی جلد زرد ہوجاتی ہے جبکہ انہیں ہڈیوں میں تکالیف کے امراض بھی لاحق ہوسکتے ہیں۔
پاکستان تھیلیسمیا سینٹر کے مطابق پاکستان میں ہر سال 5 ہزار بچے ایسے پیدا ہوتے ہیں جو تھیلیسمیا کا شکار ہوتے ہیں۔