Archives August 2018

وینس (شوبز ڈیسک/ایمرا نیوز ) اٹلی کے شہر وینس میں جاری سب سے پرانے فلمی میلے میں امریکی اداکارہ “ایما اسٹون” کی ریڈ کارپٹ پر آمد نے ان کے مداحوں کے دل جیت لیے۔ وہ فلم”دی فیورٹ ” کی کاسٹ کے ہمراہ میلے میں شریک ہوئیں۔
ایما اسٹون معروف امریکی اداکارہ ہیں جو فلم ” لالالینڈ” کی کامیابی سے شہرت کی بلندیوں پر پہنچیں، ایما سٹون کی وینس فلمی میلے میں آمد پر ان کے مداحوں کا جوش و خروش دیدنی تھا۔ وہ فلم” دی فیورٹ” کی کاسٹ کے ہمراہ ریڈ کارپٹ پر آئیں اور خوب تصاویر بنوائیں۔

ایما نے اپنے مداحوں کے ساتھ سیلفیاں بنوائیں اور ان کو آٹو گراف بھی دیئے، اس موقع پر برطانوی اداکار نکولس ہالٹ بھی لوگوں کی توجہ کا مرکز بنے رہے جو گلوکارہ ٹیلر سوئفٹ کے ساتھ دوستی کے لیے بھی مشہور ہیں۔
ایما سٹون نے فلم ” دی فیورٹ” کے حوالے سے کہا کہ اس فلم میں کام کرنا ان کے لیے ایک بہترین تجربہ تھا۔ وینس فلم میلہ 9 ستمبر تک جاری رہے گا، جس میں 21 فلموں کے درمیان مقابلہ ہے۔

ممبئی(شوبز ڈیسک/ایمرا نیوز) پاکستان کے نامور گلوکار عاطف اسلم کی آواز میں فلم ’لوراتری‘کے نئے گانے’تیرا ہوا‘نے ریلیز ہوتے ہی دھوم مچادی ہے۔

’تیرا ہوا ‘نامی اس گانے کو عاطف اسلم کی آواز میں ریکارڈ کیا گیا ہے جبکہ گانے کے لیرکس منوج منشتر نے ترتیب دیئے ہیں۔

یاد رہے کہ حال ہی میں عاطف اسلم کی آواز میں ایک اور بالی ووڈ فلم ’بتی گل میٹر چالو‘ کا گانا ’دیکھتے دیکھتے‘ ریلیز کیا گیاتھا جو درحقیقت استاد نصرت فتح علی خان کا گانا ہے جس کے دوبارہ لریکس منوج منتاشر نے لکھے ہیں اور عاطف اسلم کی خوبصورت آواز میں پیش کیا گیا ہے جس نے ریلیز ہوتے ہی دھوم مچادی ۔
ابھیراج منا والا کی ہدایت کاری میں بننے والی فلم ’لوراتری‘ میں ایوش شرما کے مد مقابل نئی اداکارہ ورینہ حسین مرکزی کردار ادا کر رہی ہیں جبکہ اس فلم کی کہانی ایک پیار کرنے کے والے گجراتی جوڑے کے گرد گھومتی نظر آئے گی۔
فلم میں آیوش ایک گجراتی لڑکے کا کردار نبھارہے ہیں جو گجراتیوں کے تہوار نوراتری کے دوران فلم کی ہیروئن وارینا حسین سے ملتا ہے اور دونوں کے درمیان محبت ہوجاتی ہے۔
انٹرٹینمنٹ – فلم ’لوراتری‘ کا ٹریلر ریلیز – Latest News
دیگر کاسٹ میں رام کپور، رونت رائے، ارباز خان، سہیل خان شامل ہیں۔
فلم کی کہانی نارائن بھٹ نے تحریر کی ہے اور اسے ابھی راج مینا والا نے ڈائریکٹ کیا ہے۔
واضح رہے یہ فلم رواں سال 5اکتوبر ہی ریلیز کی جائے گی۔

ممبی (نیٹ نیوز)
بالی و وڈ لیجنڈ اداکار دھرمندر، ریکھا، سنی دیول بوبی دیول، سلمان خان ، شتروگھن سنہا اور سوناکشی سنہا سن ایک ساتھ اپنے مداحوں کو دیوانہ بنانے آرہے ہیں۔
’یملا پگلا دیوانہ پھر سے ‘ آج سے باکس آفس پر تہلکہ مچائیگی

بالی ووڈ کی طنز و مزاح سے بھرپور نئی فلم ’یملا پگلا دیوانہ پھر سے‘ آج سے سینما گھروں میں تہلکہ مچانے آرہی ہے ۔
انٹرٹینمنٹ – ’یملا پگلا دیوانہ پھر سے

بھارتی میڈیا رپورٹس کے مطابق دھرمندر فیملی نے بڑی فلمیں نہ ملنے کے سبب 2011 میں اپنی ہی پروڈکشن میں فلم ’یملا پگلا دیوانہ‘ بنائی جس میں دھرمندر، سنی دیول اور بوبی دیول شامل تھے اور مداحوں کی جانب سے فلم کو بے حد پسند کیا گیا جس کے بعد فلم کا سیکوئل بھی بنایا گیا۔

فلم کی مقبولیت کے دیکھتے ہوئے تیسرا سیکوئل بنانے کا فیصلہ کیا گیا ۔
’یملا پگلا دیوانہ پھر سے ‘ آج سے باکس آفس پر تہلکہ مچائیگی

فلم یملا پگلا دیوانہ تھری میں اس بار بولی وڈ سلطان سلمان خان سمیت، شترو گھن سنہا، ان کی بیٹی سناکشی سنہا اور ریکھا بھی مختصر کردار میں دکھائی دیں گے۔

واضح رہے فلم ’یملا پگلا دیوانہ پھر سے‘31اگست کو سینما گھروں میں نمائش کیلئے پیش کی جائیگی۔

اسلام آباد:(میڈیانیوز)دفتر خارجہ میں ہونے والے مذاکرات میں دوطرفہ امور پر تبادلہ خیال
پاکستان اور ایران کے درمیان دفتر خارجہ میں وفود کی سطح پر مذاکرات ہوئے۔
ایرانی وزیر خارجہ جواد ظریف دفتر خارجہ پہنچے تو ان کے ہم منصب شاہ محمود قریشی نے ان کا استقبال کیا۔دونوں ممالک کے درمیان دفتر خارجہ میں ہونے والے مذاکرات میں دوطرفہ باہمی دلچسپی کے امور پر تبادلہ خیال کیا گیا۔
مذاکرات میں سیکرٹری خارجہ تہمینہ جنجوعہ، ترجمان دفتر خارجہ ڈاکٹر محمد فیصل سمیت دیگر حکام بھی موجود تھے۔
ایرانی وزیر خارجہ جواد ظریف نے وزیراعظم عمران خان کی قیادت میں نئی حکومت کو مستقبل میں کامیابیوں کے لئے ایرانی قیادت کی نیک خواہشات کا بھی پیغام پہنچایا۔یاد رہے کہ ایرانی وزیر خارجہ دو روزہ دورے پر گزشتہ روز اسلام آباد پہنچیں گے اور ان کی سیاسی و عسکری حکام سے ملاقاتیں بھی متوقع ہیں۔

اسلام آباد:(نیٹ نیوز/ایمرا نیوز) پاکستان اور ایران کے درمیان دفتر خارجہ میں وفود کی سطح پر مذاکرات ہوئے۔
ایرانی وزیر خارجہ جواد ظریف دفتر خارجہ پہنچے تو ان کے ہم منصب شاہ محمود قریشی نے ان کا استقبال کیا۔
دونوں ممالک کے درمیان دفتر خارجہ میں ہونے والے مذاکرات میں دوطرفہ باہمی دلچسپی کے امور پر تبادلہ خیال کیا گیا۔
مذاکرات میں سیکرٹری خارجہ تہمینہ جنجوعہ، ترجمان دفتر خارجہ ڈاکٹر محمد فیصل سمیت دیگر حکام بھی موجود تھے۔
ایرانی وزیر خارجہ جواد ظریف نے وزیراعظم عمران خان کی قیادت میں نئی حکومت کو مستقبل میں کامیابیوں کے لئے ایرانی قیادت کی نیک خواہشات کا بھی پیغام پہنچایا۔
یاد رہے کہ ایرانی وزیر خارجہ دو روزہ دورے پر گزشتہ روز اسلام آباد پہنچیں گے اور ان کی سیاسی و عسکری حکام سے ملاقاتیں بھی متوقع ہیں۔

ماسکو:(نیٹ نیوز/ایمرا نیوز) روس کے ایک بیوٹی پارلر نے شفاف مصنوعی ناخنوں کے اندر زندہ چیونٹیاں رکھ کر اسے ایک فیشن کے طور پر متعارف کرایا جس پراب سوشل میڈیا پر شدید تنقید کی جارہی ہے۔
ماسکو نے نیل سنی بیوٹی سیلون نے خواتین کے لیے ایسے کھوکھلے مگر شفاف مصنوعی ناخن بنائے ہیں جنہیں وہ اپنے اصل ناخنوں سے جوڑ سکتی ہیں۔ اس کے اندر سیلون والوں نے زندہ چیونٹیاں ڈال دی ہیں جو اندر گھومتی رہتی ہیں۔
اس کے بعد خواتین اور خود بیوٹی پارلر والوں نے بھی انسٹا گرام اور فیس بک پر چیونٹی بھرے ناخنوں کی تصاویر اور ویڈیو پوسٹ کرنا شروع کردیں۔ سیلون والوں نے بڑے فخر سے انہیں اپنی جدت قرار دیا لیکن معاملہ الٹا ہوگیا اور سیلون کے 18 لاکھ فالوور کی اکثریت نے اس عمل پر شدید تنقید شروع کردی ہے۔

کئی افراد نے اسے بے زبان جانوروں سے زیادتی قرار دیا ہے اور کہا کہ انہیں ناخنوں میں بند کرکے کونسی خوشی محسوس ہوسکتی ہے؟ ایک اور انسٹاگرام فالوور نے اسے ’شرمناک‘ قرار دیا ہے۔ اس پر سیلون نے کہا کہ یہ کیڑے ہیں کوئی بڑے جانور نہیں۔ اس پر لوگوں نے مزید تنقید کرتے ہوئے کہا کہ کیا آپ کیڑوں کو جاندار نہیں سمجھتے؟
اس کے بعد بیوٹی پارلر والوں کو اپنی غلطی کا احساس ہوا اور انہوں نے کہا کہ چیونٹیوں کو ناخنوں سے نکال کر چھوڑ دیا گیا ہے تاکہ وہ سانس لے سکیں۔ اس کے باوجود بھی لوگوں کا غصہ ٹھنڈا نہیں ہوا اور اس عمل پر سوشل میڈیا پر شدید تنقید جاری ہے۔

(ایمرا نیوز)تین نئے آئی فونز ماڈلز متعارف
گزشتہ کئی ماہ سے ایپل کی جانب سے نئے آئی فون ماڈلز متعارف کرائے جانے کے چرچے ہورہے تھے لیکن اب ایپل کمپنی نے اس کی حتمی تاریخ کا اعلان کردیا ہے۔ایپل نے 12 ستمبر کو کیوپرٹینو کے اسٹیو جوبز تھیٹر میں خصوصی تقریب کا انعقاد کرتے ہوئے دعوت نامہ پیش کیا ہے جس میں تین نئے آئی فونز ماڈلز متعارف کیے جائیں گے۔ ممکنہ طور پر ایپل کمپنی اپنے اسپیشل ایونٹ میں ’6.1 انچ آئی فون 9‘، ’5.8 انچ آئی فون ایکس‘ اور ’6.5 انچ آئی فون ایکس پلس‘ پیش کرے گی۔ان میں 5.8 اور 6.5 انچ والے آئی فون ماڈلز میں او ایل ای ڈی ڈسپلے اسکرین ہوگی جس میں پہلے سے زیادہ تیز A12 پروسیسر کے ساتھ بہتر ڈوئل کیمرہ فراہم کیا جائے گا۔ان تینوں نے نئے ماڈلز میں چہرے کی شناخت کی ٹیکنالوجی فیس آئی ڈی بھی ہوگی۔ان فونز کی قیمت ایک ہزار ڈالرز سے کسی صورت کم نہیں ہوگی۔علاوہ ازیں نئی ایپل واچس، نئے آئی پیڈ، ایئر پاور اور نئی میک بک بھی متعارف کرائی جائیں گی۔

نیویارک (نیٹ نیوز/ایمرا نیوز) نیویارک کے برونکس چڑیا گھر میں پیدا ہونے والا منڈرل نسل کا بندر کا بچہ پہلی بار میڈیا کے سامنے لایا گیا۔
تین جولائی کو پیدا ہونے والا بچہ اپنی ماں کی زیر نگرانی ہے، چڑیا گھر انتظامیہ کا کہنا ہے اس کی ماں اس کی اچھی پرورش کر رہی ہے، ماں اور بچہ صحت مند ہیں،
برونکس چڑیا گھر میں پانچ سال بعد منڈرل نسل کے بندر کا بچہ پیدا ہوا ہے، چڑیا گھر میں معدومی کے خطرے سے دوچار منڈرل بندر کی افزائش نسل کی جا رہی ہے۔

اسلام آباد(نیٹ نیوز/ایمرا نیوز) یکم ستمبر سے پیٹرول 2 روپے اور ڈیزل 6 روپے فی لیٹر تک سستا ہونے کا امکان ہے۔ اوگرا نے پٹرولیم مصنوعات کی قیمتوں میں ردوبدل کی سمری پٹرولیم ڈویژن کو ارسال کر دی ۔
ذرائع کے مطابق قیمتوں میں کمی سیلز ٹیکس اور پٹرولیم لیوی میں کمی کے ذریعے کی جائے گی ۔
دوسری جانب مٹی کے تیل کی قیمت میں 30 پیسے اور لائٹ ڈیزل کی قیمت میں 70 پیسے فی لیٹر تک کمی کی تجویز ہے ۔

لاہور(نیٹ نیوز/ایمرا نیوز) پنجاب کے وزیر اطلاعات فیاض چوہان نے میڈیا کو گالیاں دینے اور خواتین فن کاروں کے بارے میں نازیبا گفتگو پر معذرت کرلی۔
ایک وڈیو پیغام میں فیاض چوہان کا کہنا تھا کہ نرگس اور میگھا بہت قابل احترام ہیں، لائٹر موڈ میں بات کی تھی، فلم انڈسٹری کی بہتری کے لیے فن کار مشورہ دیں۔
واضح رہے کہ صوبائی وزیر اطلاعات نے کہا تھا کہ اُن کے اختیار میں ہوتا تو اداکارہ نرگس کو حجن بنا دیتے اور میگھا کو سال میں 300 روزے رکھواتے۔
جس کہ بعد اداکارہ نرگس اور اداکارہ میگھا نے فیاض الحسن چوہان کو آڑے ہاتھوں لیا۔
اداکارہ نرگس نے وزیر اطلاعات پنجاب فیاض الحسن چوہان کے بیان پر ردعمل دیتے ہوئے کہا تھا کہ آپ ذمہ دار عہدے پر فائز ہیں، اپنے الفاظ کا چناؤ درست کریں ، میں شوبز کو مکمل طور پر خیرباد کہہ چکی ہوں اور اپنے گھر میں ہنسی خوشی زندگی گزار رہی ہوں، میں نہ کسی کو ڈسکس کرتی ہوں اور نہ چاہتی ہوں کہ مجھے کوئی ڈسکس کرے۔
انہوں نےفیاض الحسن چوہان کو مخاطب کرتے ہوئے کہا تھاکہ ایک وزیر صاحب کا مجھ سے متعلق بیان سامنے آیا ہے، منسٹر صاحب کسی بھی گھر بیٹھی خاتون کے بارے میں ایسے الفاظ استعمال نہیں کرتے، ہر شخص عزت دارہے، وزیر صاحب احتیاط کریں ورنہ ہر عزت دار شخص قانونی کارروائی کا حق محفوظ رکھتا ہے۔
دوسری جانب اداکارہ میگھا کا کہنا تھاکہ آپ خواتین آرٹسٹوں کی کردار کشی کر رہے ہیں، آپ کو شرم نہیں آتی، ہم بیٹی، ماں، بہن اور بیوی ہیں، آپ ہماری پوری دنیا کے سامنے کردار کشی کر رہے ہیں، پہلے آپ اپنی زبان تو ٹھیک کریں اس کے بعد کسی اور کو ٹھیک کیجئے گا۔
انہوں نے نجی ٹی وی کو انٹرویو کے دوران سیاسی مخالفین کو القابات سے نوازا، اینکر نے انہیں ٹوکا تو وہ سیخ پا ہوگئے اور انٹرویو ادھورا چھوڑ دیا، یہی نہیں فیاض الحسن چوہان مائیک نکالتے ہوئے گالیاں دیتے رہے جس کی ویڈیو سوشل میڈیا پر وائرل ہوگئی۔