Archives August 2017

مکہ مکرمہ (میڈیا پاکستان): مسجد نمرہ میں عالم دین شیخ ڈاکٹر سعد بن ناصر الشتری نے خطبہ حج دیا۔ خطبہ حج میں تقویٰ، حقوق العباد، عالمی امن اور والدین کی فرمانبرداری کا حکم دیا گیا۔
مسجد نمرہ میں سعودی عالم دین شیخ ڈاکٹر سعد بن ناصر الشتری نے حج کی فضیلت پر لاکھوں فرزندان اسلام کے سامنے خطبہ حج دیا۔
انہوں نے خطبہ میں مسلم امہ کو تقوی، حقوق العباد، اسلام کے معاشی نظام پر کاربند رہنے کی تاکید کے علاوہ غیر مسلموں کے حقوق اور عالمی امن کا بھی ذکر کیا۔
خطبہ حج میں والدین کے حقوق اور فرمانبرداری کی تلقین کی گئی۔ مسجد اقصیٰ کی آزادی اور مسلمان ممالک کے مصائب کے حوالے سے بھی دعا کی گئی۔

(میڈیا پاکستان):مسلم لیگ ن کی رہنما مریم نوازکامزنگ میں خواتین کنونشن میں شرکت کہتی ہیں کہ ایوان وزیراعظم میں ساڑھے چار سالوں میں بہت کچھ برداشت کیا،مجھ پر ڈان لیکس اور پانامہ لیکس کا الزام لگا، جب سے نااہلی ہوئی ہے لوگوں کے جذبے میں فرق آگیا ہے۔

مزنگ میں پی پی ایک سوچالیس خواتین کنونشن کا انعقاد کیا گیا جس میں مسلم لیگ ن کی سئنیررہنمامریم نواز، چئرپرسن شعبہ خواتین مسلم لیگ ن لاہورشائستہ پرویزملک، ماجدظہور،کرن ڈار، صباصادق، شہزادمنشی، میاں مرغوب احمد،فرزانہ بٹ،کنول لیاقت ایڈوکیٹ سمیت دیگرنےشرکت کی۔پھولوں کی پتیاں نچھاور کر کے جہاں مریم نوازکا استقبال کیا گیا وہیں لیگی کارکنان نے پرجوش نعرے بھی لگائے

مسلم لیگ ن کی رہنمامریم نواز کا کہنا تھا کہ دوہزارتیرہ کی انتخابی مہم کےدوران ہر گھر میں اندھیرے تھے اوراب اجالے ہیں عوام جانناچاہتی ہے کہ ایسےملک میں قوم کوکمزورکیوں کیا گیا۔ مسلم لیگ ن کی رہنمامریم نوازکاکہناتھاکہ دھاندلی،پانامہ سازش نہ چلی تواقامہ چل گیا۔ مریم نوازشریف کاکہناتھاکہ نوازشریف کافیصلہ اب کوئی عدالت نہیں بلکہ عوام کرئےگئی۔ مریم نوازکاکہناتھاکہ عدالتوں سے بھاگنے والا آج صادق جن کاامانت سےتعلق نہیں وہ امین ٹھہرا۔ مریم نوازکاکہناتھاکہ جنہوں نےنااہلی کافیصلہ لیاوہ آج منہ چھپائے بیٹھے ہیں۔ لیگی رہنما کہتی ہیں کہ سترہ ستمبر الیکشن نہیں ایک لکیرہیں جس کےایک طرف جمہوریت دوسری طرف سازشی کھڑے ہیں۔
مریم نوازکاکہناتھاکہ نوازشریف کامقدمہ آپکی عدالت میں لےکرآئی ہوں جبکہ سترہ ستمبرکولاہورمیں شیربولےگااوربلےوالوں کومعلوم ہوجائےگاکہ یہ گالی دینےوالوں کوووٹ نہیں دیتا،میاں نوازشریف کی نااہلی کابھی شکریہ کیونکہ اب جہاں دیکھونوازشریف نظرآتا ہے اور ڈینگی آیا تو ہمیں ڈینگی برادران کہاجبکہ آج خیبرپختونخواہ والے شہبازشریف کوآوازیں دےرہے ہیں جبکہ اس موقع پرمریم نواز شریف نے بیگم کلثوم نواز کی صحت یابی کے لیے دعا بھی کروائی ۔

واشنگٹن : امریکا کے صدر ڈونلڈ ٹرمپ نے سعودی فرمانروا شاہ سلمان سے کہا ہے کہ قطر کے تنازع کے تمام فریق مسئلے کا سفارتی حل ڈھونڈیں جس نے کئی خلیجی ملکوں کو ہیجان میں مبتلا کر رکھا ہے۔
برطانوی خبررساں ادارے کے مطابق وہائٹ ہاوس سے جاری ہونے والے ایک بیان میں کہا گیا ہے کہ صدر ٹرمپ اور شاہ سلمان کے درمیان ہونے والے ٹیلی فونک رابطہ کے دوران امریکی صدر نے دیتے ہوئے کہا ہے کہ امریکا خطے میں امن کا خواہاں ہے۔
واضح رہے کہ سعودی عرب، بحرین، متحدہ عرب امارات اور مصر نے جون میں یہ کہتے ہوئے قطر کے ساتھ سیاسی اور تجارتی تعلقات منقطع کر دیئے تھے کہ قطر داعش اور ایران کی حمایت کرتا ہے۔

اسلام آباد: انسداد دہشتگردی عدالت نے سابق وزیراعظم بینظیربھٹو کے قتل کیس کا فیصلہ سنا دیا۔ سابق صدر پرویز مشرف اشتہاری قراردے دیے گئے جبکہ دو پولیس افسران کو 17، 17 سال قید کی سزا سنائی گئی۔ عدالت نے پرویز مشرف کی جائیداد ضبطگی کا بھی حکم دیا۔
بینیظیر بھٹوقتل کیس کے فیصلے میں سابق صدر پرویز مشرف کو اشتہاری قرار دیتے ہوئے ان کی جائیداد ضبط کرنے کا حکم دے دیا گیا۔
راولپنڈی پولیس کے سابق سربراہ ڈی آئی جی سعود عزیز اور ایس پی راول ٹاؤن خرم شہزاد کومجرمانہ غفلت برتنے پر سترہ سال قید اور 5، 5 لاکھ روپے جرمانہ کی سزا سنائی گئی۔ عدالتی فیصلے کے بعد دونوں کوکمرہ عدالت سے گرفتارکرلیا گیا۔
عدالت نے دیگر 5 ملزمان اعتزازشاہ، شیر زمان،حسنین گل، رفاقت حسین اورقاری عبدالرشید کوعدم ثبوت کی بناء پر بری کر دیا۔
فیصلہ انسداد دہشتگردی عدالت کے جج محمد اصغرخان اڈیالہ جیل میں سنایا جو وکلاء کے دلائل مکمل ہونے پر گزشتہ روز فیصلہ محفوظ کیا گیا تھا ۔ فیصلہ ملزمان کی موجودگی میں سنایا گیا۔ اس موقع پر اڈیالہ جیل میں سیکیورٹی کے سخت انتظامات کیے گئے تھے۔
واضح رہے کہ بیظیر بھٹو کو ستائیس دسمبر 2007 کی شام راولپنڈی کے لیاقت باغ میں قتل کردیا گیا تھا۔ اسی روز رات آٹھ بج کر بیس منٹ پر درج ہونے والے مقدمے کی سماعت دس سال میں مکمل ہوئی۔
فروری 2008 میں حکومت کی جانب سے برطانوی تحقیقاتی ادارےا سکاٹ لینڈ یارڈ ک واقعے کی تحققیقات کا حکم دیا جس نے ایک جامع رپورٹ پیش کی جبکہ 2008 کے عام انتخابات میں برسراقتدارآنے والی پیپلزپارٹی کی حکومت نے 22 مئی 2008 کو اقوامِ متحدہ سے تحقیقات کرانے کا اعلان کیا ج کے 3 رکنی کمیشن نے یکم جولائی 2009 سے تحقیقات شروع کیں اور اپریل 2010 میں رپورٹ پیش کی جس میں کہا گیا کہ اگر سابق صدرجنرل پرویز مشرف کی حکومت نے مناسب سکیورٹی فراہم کی ہوتی تو بینظیر بھٹو کو قتل ہونے سے بچایا جا سکتا تھا۔
اگست 2009 میں کیس کی تحقیقات ایف آئی اے کو سونپی گئیں جس نے 2010 سے 2012 کے دوران چھ نامکمل چالان عدالت میں پیش کیے۔ ایف آئی اے نے اقوامِ متحدہ کے کمیشن کی رپورٹ کی روشنی میں سعود عزیز،خرم شہزاد اور پھ پرویز مشرف کو بھی ملزم نامزد کردیا جنہیں بعد میں عدالت نے بھی اشتہاری قراردیا۔
اگست 2013 میں راولپنڈی کی انسداد دہشت گردی عدالت نے پرویزمشرف اوردونوں پولیس افسران سمیت سات ملزمان پر فرِد جرم عائد کی جبکہ آٹھویں ملزم اعتزاز شاہ کا مقدمہ نابالغ ہونے کی وجہ سے علیحدہ سناگیا۔

لاہور(میڈیا پاکستان )ڈپٹی کمشنر لاہور سمیرا حمد کی ہدایت پر اے سی (رائیونڈ) علی اکبر بھنڈر اور اے سی ( کینٹ) شاہ میر نے شہر کے مختلف مقامات پرغیر قانونی طور پر لگنے والی مویشی منڈیوں کے خلاف کارروائی کی۔اسسٹنٹ کمشنرز نے کارروئی کرتے ہوئے 3درجن سے زائد بکرے قبضے میں لے لیے اور اُن کے مالکان کے خلاف متعلقہ تھانوں میں 9مقدمات بھی درج کروادیئے گئے ہیں۔

لاہور(میڈیا پاکستان):ڈی سی لاہور سمیر احمد سید کی زیر صدارت عید الاضحی پر صفائی ستھرائی دفعہ 144پرعمل درآمد اور دیگر انتظامات کے حوالے سے ایک اہم اجلاس آج ڈی سی آفس نادر ہال میں ہوا۔اجلاس میں اسسٹنٹ کمشنر ز، ایل ڈبلیو ایم سی ، ریسکیو 1122، سول ڈیفنس، ڈپٹی کونسل آفیسر میٹرو پولیٹن کارپوریشن اور دیگر محکموں کے افسران نے شرکت کی۔ اس موقع پر ڈی سی لاہور سمیر احمد سیدنے کہا کہ ایل ڈبلیو ایم سی عید الاضحی کے دنوں میں صفائی ستھرائی کو یقینی بنا ئے اورملازمین کے ڈیوٹی روسٹر جاری کریں اور جانوروں کی آلاشوں کو بھی فوری ہٹائیں ۔ ڈی سی لاہور سمیر احمد سید نے اسسٹنٹ کمشنرز کو ہدایت کی کہ وہ عید کے دنوںمیں خود فیلڈ میں موجود رہیں۔ انہوں نے کہا کہ عیدکے دنوں میں دفعہ144کی خلاف ورزی اور این او سی کے بغیر کھالیں اکھٹی کرنے والوں کیخلاف کریک ڈائون کریں۔ ڈی سی لاہور سمیر احمد سید نے کہا شہر میں غیر قانونی مویشی منڈیوں کیخلاف آج سے ہی کاروائی کی جائے۔ انہوں نے کہا کہ ریسکیو1122عید کے ایام کا پلان جاری کریں۔ انہوں نے کہا کہ سول ڈیفنس کے اہلکار عید کے ایام میں مساجد ، کنٹرول روم ناصر باغ ، مینار پاکستان ، چڑیا گھر، سفاری پارک میں ڈیوٹیاں دیں گے۔ ڈی سی لاہور سمیر احمد سید نے کہا کہ سول ڈیفنس کا بم ڈسپوزل سٹاف شہر میں عید کے بڑے اجتماعات پر ڈیوٹی سر انجام دے گا۔ ڈی سی لاہورسمیراحمدسید نے کہا کہ میٹرو پولیٹن کارپوریشن اور سیکرٹری یونین کونسلز بھی کاروائی میں حصہ لیں گئے۔

لاہور(میڈیا پاکستان) چائلڈ پروٹیکشن بیورو کی ریسکیو ٹیم کی جانب سے انسداد گداگری مہم کے حوالے سے گرینڈ ریسکیو آپریشن کیا گیا جس کے دوران چائلڈ پروٹیکشن بیورو کی ریسکیو ٹیم نے شہر کے مختلف علاقوں میںکارروائی کے دوران26بھکاری بچوں کو تحویل میں لے لیا جن میں22لڑکے اور 4لڑکیاں شامل ہیں۔ بیورو کی ریسکیو ٹیم کی جانب سے یہ ریسکیو آپریشن گزشتہ روز کیمپس پل، برکت مارکیٹ، مون مارکیٹ،کریم بلاک مارکیٹ، لبرٹی، مین مارکیٹ گلبرگ، ڈیفنس موڑ، وائی بلاک، ایچ بلاک مارکیٹ ڈیفنس، ماڈل ٹائون اورجوہرٹائون کے دیگر علاقوں اور شاہراہوں پرکیاگیا۔

لاہور(میڈیا پاکستان )ڈائریکٹر جنرل جنگلی حیات و پارکس پنجاب خالد عیاض خان نے لاہور چڑیاگھر میں نر نیل گائے کی ٹکر سے اونٹ کی ہلاکت کے واقعہ کا نوٹس لیتے ہوئے انکوائری کاحکم دیدیا ہے۔انہوں نے اس ضمن میںڈپٹی ڈائریکٹرہیڈ کوارٹرز محمد نعیم بھٹی کو انکوائری آفیسر مقرر کرنے کے احکامات جاری کردیے ہیں۔ انکوائری آفیسر کو تمام معاملات کا جائزہ لے کر تحقیقات مکمل کرنے اور ایک ہفتے میںرپورٹ پیش کرنے کی ہدایت کی گئی ہے ۔ قبل ازیںڈپٹی ڈائریکٹر بہاولپور ریجن محمد انور مان کو انکوائری افسر مقرر کیا گیا تھا مگر عید کی چھٹیوں کے دوران ان کی سکیورٹی ڈیوٹی کے باعث ان کی جگہ ڈپٹی ڈائریکٹرہیڈ کوارٹرز محمد نعیم بھٹی کو انکوائری افسر مقرر کیا گیا ہے۔

لاہور(میڈیا پاکستان )اوورسیز پاکستانیز کمیشن (اوپی سی)پنجاب کی مدد سے امریکہ میں مقیم اوورسیز پاکستانی کو اپنے3 کروڑ روپے مالیت پلاٹ کا قبضہ واپس مل گیاہے۔ وائس چیئر پرسن اوپی سی شاہین خالد بٹ نے اس ضمن میں بتایا کہ بالٹی مور، امریکہ میں مقیم زاہد منور خان نے کمیشن کو شکایت کی کہ ان کے چاہ پچھواڑہ مزنگ میں واقع 19 مرلے کے پلاٹ پرہمسائے نے3 سال سے ناجائز قبضہ کررکھاہے۔ اس شکایت کو ڈسٹرکٹ اوورسیز پاکستانیز کمیٹی لاہور کو ریفر کیا گیا جس کے ارکان خصوصاً سی سی پی او لاہور کیپٹن(ر )امین وینس،ایس ایس پی مبشر میکن اور چیئرمین عوامی سہولت کمیٹی اوپی سی ساجد چوہدری کی کوششوں سے پلاٹ سے قبضہ ختم کراکے اسے مالک کے حوالے کردیا گیا۔ زاہد منور خان نے اپنے پلاٹ سے قبضہ ختم کرانے پر وزیراعلیٰ پنجاب محمد شہباز شریف اور اوپی سی کی ٹیم کا خصوصی طورپر شکریہ ادا کیا ہے۔ زاہد منور نے کہا کہ اوپی سی کی مدد سے انہیں پلاٹ کا قبضہ واپس مل سکا ہے۔

لاہور (میڈیا پا کستان )ایل ڈی اے کے جاری کیے گئے اعداد و شمار کے مُطابق لاہور میں 109سے زائد ہائوسنگ سوسائٹیز غیر قانونی ہیں، تمام ہائوسنگ سوسائٹیز کی متعلقہ محکموں سے ڈاکیومنٹیشن مکمل نہ ہونے تک این او سی جاری نہ کیے جائیں، ریئل اسٹیٹ پروٹیکشن کونسل کے ہونے والے اجلاس میں سی ای او پراپرٹی سلیوشن بائو حافظ احمد حفیظ ، چیئرمین محمد کامران ، مارکیٹنگ ڈائریکٹر محمد افضل ملک کے مایہ ناز پراپرٹی اسٹیٹ ہولڈرز محمد ہارون، صہیب وارثی عبداللہ تنویر، محمد عرفان اشرف ، آصف زبیر بھٹی،فیصل چوہدری، مُدثر چوہدری ، ملک جمشید سمیت نامور پراپرٹی ایکسپرٹس نے ایکسپرٹس نے کہا کہ صرف دُبئی میں ریئل اسٹیٹ سیکٹر میں پاکستانیوں نے سات ارب درہم کی سرمایہ کاری کی، جنوری 2016سے جون 2017کے دوران پاکستانیوں نے ریئل اسٹیٹ کی مد میں 5358ٹرانزیکشنز کیں ملک میں شفاف ، سادہ اور آسان ون ونڈو اور کم ترین نرخوں اور اداروں کی کرپشن ختم ہو تو ریئل اسٹیٹ کا شعبہ ترقی کرسکتا ہے جبکہ ریئل اسٹیٹ کے شعبے میں زوال کی وجوہات جاننے اور آئندہ ریئل اسٹیٹ سیکٹرز میں دو نمبر ہائوسنگ سکیموں اور اربوں روپے کے گھپلے کرنے والے سرمایہ کاروں کی حوصلہ شکنی کیلئے بھی میکنزم بنانے کا اعلان کیا گیا اس موقع پر پراپرٹی سلیوشن گروپ کے چیئرمین محمد کامران، بائو حافظ احمد حفیظ کی طرف سے شفاف سرمایہ کاروں کیلئے حوصلہ افزا اقدامات کیے جائیں تاکہ سرمایہ شفاف انداز سے لگایا جاسکے