Category ہاکی

ڈھاکہ (میڈیا پاکستان) ایشیا کپ ہاکی میں قومی ٹیم کی مایوس کن کارکردگی کا سلسلہ جاری ہے اور ایونٹ کے سپر فور مرحلے میں پاکستان اور جنوبی کوریا کے درمیان میچ برابری پر ختم ہوا جس سے قومی ٹیم کے فائنل میں پہنچنے کے امکانات معدوم ہو گئے ہیں۔بنگلہ دیش میں جاری ایونٹ کے سپر فور مرحلے میں پاکستان کا دوسرے میچ میں جنوبی کوریا سے مقابلہ ہوا اور اعجاز احمد نے 15ویں منٹ میں گول کر کے پاکستان کو برتری دلائی جو اگلے دو کوارٹرز تک برقرار رہی جبکہ اس دوران قومی ٹیم نے گول کرنے کے مزید کئی مواقع بھی ضائع کیے۔میچ کے چوتھے اور آخری کوارٹر میں نمیونگ لی نے جنوبی کوریا کیلئے گول اسکور کر کے مقابلہ کردیا اور میچ کے اختتام تک یہی اسکور برقرار رہا۔یہ میچ ڈرا کھیلنے کے بعد پاکستان کے ایونٹ کے فائنل میں رسائی کی امیدیں تقریباً دم توڑ چکی ہیں کیونکہ اب تک اس کا دو میچوں میں صرف ایک پوائنٹ ہے جبکہ گرین شرٹس کو اگلا میچ فیورٹ بھارت سے کھیلنا ہے۔ادھر بھارت نے اپنی عمدہ کارکردگی کا سلسلہ جاری رکھتے ہوئے ملائیشیا کو با آسانی 6-2 گولز سے ہرا دیا۔ھارتی ٹیم میچ کی ابتدا سے ہی حاوی رہی اور پہلے ہاف میں تین گول کی برتری لینے کے بعد اگلے ہاف میں مزید تین گول اسکور کر کے ملائیشیا کو یکطرفہ مقابلے کے بعد 6-2 سے شکست دے کر فائنل میں رسائی کی امیدیں روشن کر لی ہیں۔

لاہور (میڈیا پاکستان) قومی ہاکی ٹیم کی سابق گول کیپر سیدہ سعدیہ نے ٹیم کے ہیڈ کوچ سعید خان پر جنیسی طور پر ہراساں کرنے کا الزام عائد کیا ہے۔ریلوے کی ہاکی ٹیم کی قیادت کا اعزاز رکھنے والی سعدیہ نے الزام عائد کیا کہ سعید نے آٹھ اکتوبر کی رات ایک معاملے پر بحث کے بعد انہیں جنسی طور پر ہراساں کیا۔سعدیہ کے مطابق چھ اکتوبر کو ہونے والے ٹرائلز کے بعد قومی ٹیم میں جگہ نہ بنانے پر وہ لاہور میں ہی رک گئیں کیونکہ منیجر نے کہا تھا کہ جب تک آپ کے بقایا جات ادا نہیں کیے جاتے، آپ رکی رہیں۔انہوں نے بتایا کہ واقعے کے دن رات میں سعید خان نے ان سے کہا کہ وہ فوری طور پر ہاکی اسٹیڈیم سے نکل جائیں اور اس دوران بے ہودہ زبان بھی استعمال کی۔ انہوں نے الزام عائد کیا کہ ہیڈ کوچ اس کے بعد میرے کمرے تک پیچھے آئے اور ان کے ہاتھ کو بھی پکڑا۔قومی ٹیم کی سابق کھلاڑی نے کہا کہ واقعے کی عینی شاہدین دیگر کھلاڑی فوری طور پر انہیں بچانے کیلئے آگے بڑھیں لیکن کوچ نے انہیں واپس جانے کا حکم دیا۔انہوں نے الزام لگایا کہ کوچ میرے کمرے میں زبردستی داخل ہوئے اور ہاتھ پکڑ لیا، اس موقع پر جب میں نے چیخ و پکار کی اور بھاگنے کی کوشش تو وہ مجھے چھوڑنے پر مجبور ہو گئے۔سعدیہ نے کہا کہ واقعے کے بعد میں اتنی خوفزدہ تھی کہ میں نے فوری طور پر اپنا بیگ پیک کیا اور گھر کو روانہ ہو گئی۔قومی کھلاڑی نے مزید الزام عائد کیا کہ واقعے سے چند دن قبل کوچ نے انہیں اپنا نمبر دیا اور کہا کہ ’مجھے رات میں فون کرو‘۔انہوں نے بتایا کہ اگلے ہی دن نو اکتوبر کو انہوں نے پنجاب کے وزیر کھیل جہانگیر خانزادہ کو خط لکھ کر معاملے سے آگاہ کیا اور ساتھ ساتھ ان سے مطالبہ کیا کہ سعید خان کو ٹیم کی کوچنگ سے الگ کیا جائے۔خط کے جواب میں وزیر کھیل پنجاب نے ڈائریکٹر جنرل اسپورٹس عامر جان کو معاملے کی تحقیقات کر کے دس دن میں رپورٹ جمع کرانے کا حکم دیا لیکن ابھی تک کوئی ایکشن نہیں لیا گیا۔سعدیہ نے پاکستان ہاکی فیڈریشن کے صدر کو بھی خط لکھ کر انصاف کا مطالبہ کیا۔جمعرات کو میڈیا کے نمائندوں کو بھیجے گئے ایک ویڈیو پیغام میں انہوں نے حکام سے معاملے کا سنجیدگی سے نوٹس لینے اور فوری طور پر سعید خان کو نوکری سے برخاست کرنے کا مطالبہ کیا۔’انہوں نے آج مجھے ہراساں کیا۔ اگر وہ کوچ کے عہدے پر برقرار رہے تو دیگر کھلاڑیوں کو بھی ہراساں کریں گے‘۔دوسری جانب ٹیم کے کوچ نے سعدیہ کے الزامات کو بے بنیاد قرار دیتے ہوئے کہا ہے کہ ٹیم سے ڈراپ ہونے کے سبب وہ تنازع کھڑا کرنے کی کوشش کر رہی ہیں۔سعدیہ گزشتہ پانچ سال سے قومی ویمنز ہاکی ٹیم کا حصہ ہیں۔

ڈھاکا(میڈیا پاکستان)ہیرو ایشیا ہاکی کپ میں تیسری پوزیشن کے لئے آج پاکستان جنوبی کوریا کے خلاف میچ کھیلے گا۔ بنگلادیش کے شہر ڈھاکا کے مولانا بھاشانی نیشنل ہاکی اسٹیڈیم میں دونوں ٹیمیں ایونٹ میں تیسری پوزیشن کے لئے میدان میں اتریں گے۔
گزشتہ روز سپر فور مرحلے کے پہلے میچ میں ملائشیا نے پاکستان کو 2 کے مقابلے میں 3 گول سے شکست دے کر فائنل کے لئے کوالیفائی کیا۔
سپر فور مرحلے کے دوسرے میچ میں بھارت نے جنوبی کوریا کے ہرا کر فائنل میں جگہ بنائی تھی۔

ڈھاکا(میڈیا پاکستان) دسویں ایشیا کپ ہاکی ٹورنامنٹ کے سپر فور مرحلے کا پاکستان نے مایوس کن انداز میں آغاز کیا ہے اور ملائیشیا نے پاکستان کو دلچسپ مقابلے کے بعد 3-2 گولز سے شکست دے دی۔بنگلہ دیش میں جاری ایونٹ میں بدھ کو کھیلے گئے میچ میں ملائیشیا اور پاکستان کے درمیان زبردست مقابلہ دیکھنے کو آیا تاہم قسمت نے ملائیشیا کا ساتھ دیا اور اس نے گرین شرٹس کو 2 کے مقابلے میں 3 گولز سے ہرا کر کامیابی سمیٹی۔میچ کے پہلے ہی منٹ میں پاکستان کے عمر بھٹہ نے شاندار فیلڈ گول کر کے ٹیم کو برتری دلائی تاہم 10ویں منٹ میں ملائیشیا کے رضی رحیم نے پینالٹی کارنر پر گول کر کے مقابلہ 1-1 سے برابر کر دیا۔ 19ویں منٹ میں پاکستان کے محمد یعقوب نے فیلڈ گول کر کے مقابلہ 2-1 گولز کر دیا تاہم پاکستان کی یہ برتری بھی زیادہ دیر قائم نہ رہ سکی اور چھ منٹ بعد ہی ملائیشیا کے شاہریل صباح نے فیلڈ گول کر کے مقابلہ 2-2 سے برابر کر دیا۔میچ کے 34ویں منٹ میں ملائیشیا کے فطری ساری نے گول کر کے ٹیم کو 3-2 گولز کی برتری دلائی اور پاکستانی ٹیم انتہائی کوشش کے باوجود بھی میچ کے اختتام تک ہی برتری ختم کرنے میں ناکام رہی اور اس طرح ملائیشین ٹیم 3-2 گولز سے فتح یاب رہی۔اس میچ میں فتح کے ساتھ ہی ملائیشیا نے ایشیا کپ کی تاریخ میں پاکستان کو پہلی مرتبہ شکست دینے کا اعزاز حاصل کر لیا۔ادھر سپر فور مرحلے کے ایک اور میچ میں بھارت اور جنوبی کوریا کی ٹیموں کے درمیان میچ 1-1 گول سے برابر رہا۔ایونٹ میں کھیلے گئے سپر فور مرحلے کے دوسرے میچ میں فیورٹ بھارت اور جنوبی کوریا کے درمیان زبردست مقابلہ دیکھنے کو آیا تاہم سرتوڑ کوشش کے باوجود دونوں ٹیمیں فیصلہ کن گول کرنے میں ناکام رہیں۔پہلے ہاف میں دونوں ٹیمیں گول کرنے میں ناکام رہیں تاہم تیسرے کوارٹر میں جنگ جون لی نے گول کر کے کوریا کو بھارت کے خلاف برتری دلائی تاہم بھارت کے گرجانت سنگھ نے میچ ختم ہونے سے ایک منٹ قبل شاندار فیلڈ گول کر کے مقابلہ 1-1 سے برابر کر کے کوریا کی جیت کی امیدوں پر پانی پھیر دیا۔

(میڈیا پاکستان):یونیک گروپ کی جانب سے جشن آزادی کی مناسبت سے بوائز انٹرکیمپس بیڈمنٹن ٹورنامنٹ کا انعقاد کیا گیا۔ٹورنامنٹ میں شرکا نےجہاں کھیل انجوائے کیا،وہیں آزادی کے لیےلازوال قربانیوں کو ہمیشہ یاد رکھنے کا عزم بھی کیا گیا۔
پنجاب یونیورسٹی سپورٹس کمپلیکس میں یونیک گروپ کی جانب سےبوائزانٹر کیمپس بیڈمنٹن ٹورنامنٹ کا انعقاد کیا گیا۔ ٹورنامنٹ میں شہربھرسےیونیک کے70سےزائد طلباء نے شرکت کی۔
طلباءکاکہناتھاکہ جشن آزادی کواس سےزیادہ بہترین طریقے سے نہیں منایا جاسکتا۔انہوں نے اپنے سکول کی جانب سے ٹورنامنٹ کے انعقاد کو خوش آئند قرار دیا۔ جشن آزادی کے سلسلے میں یونیک گروپ کی جانب سے لڑکوں اور لڑکیوں کے لیئے مختلف کھیلوں کی سرگرمیاں 14 اگست تک جاری رہیں گی۔

(میڈیا پاکستان )پاکستان ہاکی فیڈریشن کے سیکریٹری شہبازسینئر نے بتایا کہ پی ایچ ایف نے اسکاٹ لینڈ سے 3 سال کا معاہدہ کیا ہے جس کے تحت ایف آئی ایچ سے بڑے ایونٹ کی میزبانی بھی مانگیں گے۔

شہباز سینئر نے کہا کہ پاکستان ہاکی ٹیم ہوم سیریزنیوٹرل وینیواسکاٹ لینڈ میں کھیلے گی، پی ایچ ایف نے سرفہرست ٹیموں سے دوطرفہ سیریز کے لیے خطوط لکھ دیئے ہیں۔

ان کا کہنا تھا کہ اولمپکس، ورلڈکپ اور چیمپئنزٹرافی میں خراب پرفارمنس کی وجہ ہوم سیریزکا نہ ہونا ہے اس لیے ہوم سیریزسے میگا ایونٹس میں قومی ٹیم کی پرفارمنس بہترہوگی