Archives January 2023

واشنگٹن: امریکہ کے ستر فیصد شہر یوں کو ملک کی مستقبل کی معاشی ترقی پر اعتماد نہیں ہے۔ غیر ملکی خبر رساں ادارے کے مطابق امریکی پولنگ ایجنسی گیلپ کی طرف سے جاری کردہ تازہ ترین رپورٹ میں کہا گیا ہے۔ اعداد و شمار کے مطابق بالترتیب 38 فیصد اور 45فیصد جواب دہندگان کا خیال ہے کہ امریکہ کی موجودہ معاشی صورتحال خراب یا بہت خراب ہے، جبکہ 72 فیصد جواب دہندگان کا خیال ہے کہ امریکی معیشت “مستقبل میں بدتر ہو گی۔ سروے میں پوچھا گیا کہ امریکی معاشرے کو اس وقت سب سے بڑا مسئلہ کیا درپیش ہے ،تو جواب دہندگان میں 21 فیصد کا خیال کمزور حکومت اور قیادت، 15 فیصدکا خیال مہنگائی اور 11 فیصد کا خیال سب سے بڑا مسئلہ امیگریشن ہے ۔ رپورٹ کے 71 فیصدجواب دہندگان کا خیال تھا کہ امریکہ غلط سمت پر ہے۔

نئی دہلی:ممبئی سے ابو ظہبی جانے والی پرواز میں نشے میں دھت خاتون نے ہنگامہ مچادیا۔ غیر ملکی خبر رساں ادارے کے مطابق ممبئی سے ابوظبی جانے والی پرواز میں جہاز کے ٹیک آف سے پہلے ایک ناخوشگوار واقعہ پیش آیا جس میں نشے میں دھت ایک مسافر خاتون نے جہاز میں ہنگامہ برپا کردیا۔میڈیا رپورٹس کے مطابق جہاز میں سوار ہونے والی خاتون کے پاس اکانومی کلاس کا ٹکٹ تھا لیکن خاتون نے زبردستی بزنس کلاس میں بیٹھنے کی ضد کی، فلائٹ اٹینڈنٹ کی جانب سے خاتون کو سمجھانے پر وہ آپے سے باہر ہوگئی اوراپنے کپڑے اتارنا شروع کردیے۔اس دوران خاتون نے کپڑے اتار کر جہاز میں بھاگنا شروع کردیا اور فلائٹ اٹیندنٹ کے منہ پر مکا بھی دے مارا۔جہاز کے عملے کی جانب سے واقعے کی اطلاع دیے جانے پرسکیورٹی عملہ موقع پہنچ گیا اور خاتون کو پولیس کے حوالے کردیا۔ پولیس کا کہنا ہیکہ خاتون کو گرفتار کرکے ان کے خلاف مقدمہ درج کرلیا گیا ہے۔

جدہ :سعودی ولی عہد محمد بن سلمان نے روسی صدر پیوٹن سے ٹیلیفونک رابطہ کر کے تیل منڈی میں استحکام کے لیے اوپیک پلس ممالک میں تعاون پر تبادلہ خیال کیا ہے ۔ غیر ملکی خبر رساں ادارے کے مطابق روسی صدر سے ٹیلی فون پر بات چیت میں سعودی ولی عہد محمد بن سلمان نے تجارتی، اقتصادی اور توانائی کے شعبوں میں دوطرفہ تعاون کو مزید فروغ دینے پر بھی تبادلہ خیال کیا۔

اسلام آباد: پٹرولیم مصنوعات کی قیمتوں میں اضافے کے بعد ٹرانسپورٹر مالکان نے ملک بھر میں کرایوں میں اضافے کا اعلان کر دیا ۔لاہور سے راولپنڈی کا کرایہ 2200 روپے سے بڑھا کر 2450 کر دیا گیا، لاہور سے پشاور کا کرایہ 2500 روپے سے بڑھا کر 3000 کر دیا گیا، لاہور سے فیصل آباد کا کرایہ 980 سے بڑھا کر 1130 روپے کر دیا گیا۔لاہور سے بہاولپور کا کرایہ 2200 سے بڑھا کر 2400 روپے کر دیا گیا، لاہور سے ملتان کا کرایہ 1990 سے 2090 روپے کر دیا گیا ،لاہور سے تونسہ کا کرایہ 2100 روپے سے بڑھا کر 2400 روپے کر دیا گیا،لاہور سے کراچی کا کرایہ 6700 سے 7100 روپے کر دیا گیا،لاہور سے حیدرآباد کا کرایہ 6300 سے بڑھا کر 7000 کردیا گیالاہور سے صادق آباد کا کرایہ 3050 سے بڑھا کر 3450 کر دیا گیا۔ اسی طرح سے لاہور سے سکھر کا کرایہ 4500 سے بڑھا کر 4900 کردیا گیا ،لاہور سے سوات کا کرایہ 2600 سے بڑھا کر 3000 کردیا گیا جبکہ لاہور سے مری کا کرایہ 2450 سے بڑھا کر 2700 کردیا گیا

اسلام آباد :اسلام آباد کی مقامی عدالت نے سابق وزیر اعظم اور چیئرمین پاکستان تحریک انصاف (پی ٹی آئی) عمران خان کے خلاف توشہ خانہ ریفرنس میں فردِ جرم عائد کرنے کے لیے 7 فروری کی تاریخ مقرر کردی۔ڈسٹرکٹ اینڈ سیشن کورٹ میں اسلام آباد کے ایڈیشنل سیشن جج ظفر اقبال نے توشہ خانہ ریفرنس میں عمران خان کے خلاف فوجداری کارروائی کے کیس کی سماعت کی۔سماعت کے آغاز پر عدالت نے پی ٹی آئی کے وکیل سید علی بخاری سے استفسار کیا کہ عمران خان کی طرف سے وکالت نامہ کدھر ہے ؟الیکشن کمیشن کی جانب سے وکیل سعد حسن نے کہا کہ وکالت نامہ اس وقت تک نہیں آسکتا جب تک عمران خان خود نہ آئیں۔عمران خان کے وکیل نہ کہا کہ ہم نے گزشتہ سماعت پر عمران خان کا میڈیکل سرٹیفکیٹ پیش کیا تھا ، اس پر عدالت نے کہا کہ آج وکالت نامہ بھی جمع کرادیں۔الیکشن کمیشن کے وکیل نے کہا کہ جب تک مچلکے نہیں آ جاتے تب تک یہ وکالت نامہ نہیں دے سکتے۔اس دوران الیکشن کمیشن اور پی ٹی آئی کے وکلا کے درمیان تلخ کلامی بھی ہوئی، علی بخاری نے الیکشن کمیشن کے وکیل کو تنبیہ کرتے ہوئے کہا کہ آپ مجھے ڈائریکٹ نا کریں، کورٹ سے بات کریں۔دریں اثنا الیکشن کمیشن کے وکیل کی جانب سے عدالت سے عمران خان کے وارنٹ گرفتاری جاری کرنے کی استدعا کی گئی۔بعدازاں عدالت نے عمران خان پر فرد جرم عائد کرنے کے لیے 7 فروری کی تاریخ مقرر کر دی۔ایڈیشنل سیشن جج ظفر اقبال نے سابق وزیراعظم کو 20 ہزار روپے کے ضمانتی مچلکے جمع کرانے اور اگلی سماعت پر ذاتی طور پر حاضری یقینی بنانے کی ہدایت بھی کی۔بعدازاں عمران خان کی جانب سے آئندہ سماعت پر حاضری یقینی بنانے کیلئے 20 ہزار روپے کے مچلکے جمع کرادیے گئے۔

ممبئی : بالی ووڈ کنگ شاہ رخ خان اپنی فلم پٹھان کی دنیا بھر میں زبردست پذیرائی ملنے پر بیحد خوش ہیں ۔ میڈیا سے گفتگو کرتے ہوے انہوں نے کہا کہ فلم پٹھان کی کامیابی نے انکی گذشتہ چار سال کی وہ تمام تکالیف بھلا دی ہیں جو انہوں نے کورونا کا شکار ہونے کے علاوہ دیگر معاملات کے دوران اٹھائیں ۔ انہوں نے کہا ان چار سالوں کے دوران زیادہ وقت میں نے اپنی بیوی بچوں کو دیا ۔ ان کا کہنا تھا کہ میری گذشتہ فلم بھی باکس آفس پر زیادہ ہٹ نہ ہو سکی اور کچھ لوگوں نے یہ تک کہنا شروع کر دیا تھا کہ میری فلمیں اب زیادہ بزنس نہیں کر سکیں گی ۔ اور پھر میں نے یہ تک سوچ لیا تھا کہ اب فلمیں چھوڑ کر اٹالین کوکنگ سیکھ لوں اور وہ کھانے بنانے کا کام شروع کر دوں ۔

لاہور:معروف گلوکارہ شاہدہ منی نے اپنا نیا سونگ’میں نہ جمدی‘ کو پاکستان سمیت دنیا بھر میں ریلیز کردیا۔اس گانے کو خصوصی طور پر ریمکس کیا گیا ہے جس کو نامور میوزک پروڈیوسر نعمان روف حیدر نے پروڈیوس اور اس کا میوزک، ڈائریکٹر مجتبیٰ علی نے ترتیب دیا ہے جس میں گلوکارہ شاہدہ منی اور ماڈل علی جمشید نے ماڈلنگ کی۔گانے کو فلم انڈسٹری کے نامور میوزک ڈائریکٹر ماسٹر عبداللّٰہ کو ٹربیوٹ پیش کیا گیا ہے، ماسٹر عبداللّٰہ نے ماضی کی معروف لالی وڈ فلم ’شریف بدمعاش‘ میں شامل گانے ’میں نہ جمدی‘ کا میوزک ترتیب دیا تھا۔ اس حوالے سے میلوڈی کوئین گلوکارہ شاہدہ منی نے میڈیا سے گفتگو کرتے ہوئے کہا کہ ہر فنکار کا کوئی نہ کوئی آئیڈیل ہوتا ہے جس سے وہ بہت متاثر ہوتا ہے، گائیکی کی دنیا میں ملکہ ترنم نور جہاں میری پسندیدہ گلوکارہ ہیں اور میں انہیں اپنا روحانی استاد مانتی ہوں۔انہوں نے مزید کہا کہ آج ان کا گایا ہوا گانا اور لیجنڈ موسیقار ماسٹر عبداللّٰہ کا تیار کردہ میوزک کو ریمکس کرکے ان کو ٹربیوٹ پیش کیا ہے جس کو میوزک کی دنیا اور میرے مداحوں کی جانب سے بے حد پسند کیا جارہا ہے۔

لاہور: پاکستان شوبز اندسٹری کی خوب رو اداکارہ مہوش حیات نے ہیلی کاپٹر چلانا بھی سیکھ لیا۔فوٹو اینڈ ویڈیو شیئرنگ پلٹ فارم انسٹاگرام پر اداکارہ مہوش حیات نے اپنے دبئی کے دورے کی تصاویر اور ویڈیو شیئر کی ہیں جس میں انہیں ہیلی کاپٹر اْڑاتے ہوئے دیکھا جاسکتا ہے۔اس پوسٹ کے کیپشن کی میں انہوں نے لکھا کہ خواتین و حضرات آپ کی کیپٹن آپ سے مخاطب ہے۔اداکارہ کی پوسٹ پر کمنٹس میں تبصرہ کرتے ہوئے پاکستانی فیشن ڈیزائنر ایچ ایس وائی، کوریوگرافر عظمیٰ ذکریہ اور بھارتی ہدایت کار مْکل ابھینکر نے بھی تعریف کی جبکہ کچھ سوشل میڈیا صارفین کا خیال ہے کہ اداکارہ جلد کسی سْپر ایکشن کردار میں نظر آنے والی ہیں، جس کے لئے وہ مختلف مہم جوئی سرگرمیاں سیکھ رہی ہیں۔

لاہور: پاکستان شوبز اندسٹری سے وابستہ میزبان اور اداکارہ انوشے اشرف بلاآخر بھارتی میڈیا کی توجہ کا مرکز بن گئیں۔انوشے اشرف نے بالی ووڈ کنگ خان کی تعریف کرتے ہوئے انہیں ’یونیورسل سپر اسٹار‘ قرار دیا تو سوشل میڈیا صارفین نے انہیں ٹرول کرنا شروع کر دیا۔بعض سوشل میڈیا صارفین کے مطابق پاکستانی فنکار بھارتی فنکاروں کی تعریفیں توجہ حاصل کرنے کے لئے کرتے ہیں جبکہ ایسی ہی ایک وائرل پوسٹ پر اداکار و میزبان یاسر حسین نے بھی انوشے اشرف کو ’فین گرل موومنٹ‘ قرار دیا۔ساتھی فنکار کی جانب سے موصول ہونے والے تبصرے پر انوشے اشرف خاموش نہ رہیں اور انہیں آڑے ہاتھوں لیتے ہوئے اسی وائرل پوسٹ پر جواب دیتے ہوئے کہا کہ میں اپنی وال پر اپنی رائے کا اظہار کرتی ہوں لیکن یہاں کے کمنٹ سیکشن میں لوگ بڑے ’شاندار‘ ہیں جو کوئی رائے نہیں رکھتے۔انہوں نے مزید لکھا کہ لوگ سمجھتے ہیں میں خان کی تعریف اس لئے کی کہ میں نوٹس میں آنا چاہتی تھیں حالانکہ نوٹس میں ٓانے کے بہت سارے طریقے موجود ہیں۔

لاس اینجلس:بالی ووڈ اور ہالی ووڈ کی مشہور اداکارہ پریانکا چوپڑا کی بیٹی کی تصاویر سوشل میڈیا پرو ائرل ہوگئیں۔پریانکا چوپڑا پہلی مرتبہ اپنی بیٹی مالتی میری جونس کو منظرِ عام پر لے آئیں، اداکارہ بیٹی اور شوہر نک جونس کے ہمراہ لاس اینجلس میں منعقد ہالی ووڈ واک آف فیم کی تقریب میں شریک ہوئی تھیں جہاں ان کے شوہر کو ایوارڈ سے نوازا گیا۔اداکارہ نے اپنے آفیشل انسٹاگرام اکاؤنٹ پر بھی اپنی بیٹی مالتی کی تصاویر اور ویڈیوز شیئر کیں جبکہ سوشل میڈیا پر بھی پریانکا اور ان کی بیٹی کی ویڈیوز اور تصاویر وائرل ہو رہی ہیں۔