Category بزنس

جڑانوالہ :فیصل آباد سمیت پنجاب بھر میں کوکنگ آئل کی قیمت 600 روپے سے اوپر چلی گئی، درجہ اول اور دوم آئل کی قیمت میں بالترتیب71 سے 102روپے تک اضافہ ہو گیا۔ تفصیلات کے مطابق پاکستانی روپے کی بدترین تنزلی کی وجہ سے مارکیٹ میں اشیائے خورد و نوش کی قیمتوں کو بھی پر لگ گئے۔ اوپن مارکیٹ میں ایک ماہ کے دوران درجہ اول اور دوم آئل کی قیمت میں بالترتیب71 سے 102روپے تک اضافہ ریکارڈ کیا گیا۔اوپن مارکیٹ میں گھی اور آئل کی مختلف قیمتیں وصول کی جارہی ہیں درجہ اول آئل کی فی لیٹر قیمت 600 سے 610 روپے تک پہنچ گئی ہے۔ ایک ماہ کے دوران درجہ اول آئل کی قیمت میں71روپے تک اضافہ دیکھاگیا ہے جس سے پانچ لیٹر کی پیٹی 355روپے اضافے سے3050روپے تک پہنچ گئی ہے جبکہ درجہ اول گھی کی قیمتوں میں بھی اسی تناسب سے اضافہ دیکھا گیا ہے۔درجہ دوم آئل کی قیمتوں میں ایک ماہ کے دوران 102روپے تک اضافہ ہوا جس سے 12لیٹر کی پیٹی کی قیمت1238روپے اضافے سے 6528روپے تک پہنچ گئی ہے جبکہ درجہ دوم گھی کی قیمت میں71روپے تک اضافہ کیا گیا ہے جس سے 12کلو کی پیٹی1132روپے اضافے سے6432روپے تک جا پہنچی ہے۔رواں ماہ ضلعی انتظامیہ کی طرف سے جاری کردہ سرکاری لسٹ میں دالوں کی قیمتوں میں بھی 75روپے کلو تک اضافہ کیا گیا ہے۔ واضح رہے کہ آئی ایم ایف پروگرام کی بحالی سے قبل ہی ملک میں مہنگائی کی شرح 47 سال کی بلند ترین سطح پر پہنچ گئی۔ اس سے قبل مئی 1975ء میں مہنگائی کی شرح 27 اعشاریہ 8 فیصد تھی۔ رپورٹ کے مطابق گزشتہ ایک ماہ میں مہنگائی میں 2.90 فیصد کا اضافہ ہوا، جنوری میں افراط زر کی شرح 27.55 فیصد تک پہنچ گئی، رواں مالی سال جولائی سے دسمبر افراط زر کی شرح 25.40 فیصد ہوگئی۔

غیر ملکی میڈیا کے مطابق امریکی مرکزی بینک نے مہنگائی پر قابو پانے کے لیے شرح سود میں اضافہ کیا ہے جس کے بعد امریکا میں شرح سود 4.75 فیصد ہو گئی۔

میڈیا رپورٹس کے مطابق امریکا میں رواں سال شرح سود بلند سطح پر ہی رہنے کی پیشگوئی کی گئی ہے۔

لاہور:شہر میں پرچون سطح پر فی کلو برائیلر گوشت کی قیمت3روپے اضافے سے519روپے، زندہ برائیلر مرغی کی قیمت2روپے اضافے سے346روپے فی کلو جبکہ فارمی انڈوں کی قیمت بھی مزید 2روپے اضافے سے 299روپے فی درجن کی سطح پر رہی۔

اسلام آباد :حکومت نے آئی ایم ایف کی ایک اور اہم شرط منظور کرتے ہوئے بجلی مہنگی کرنے کا فیصلہ کرلیا،نظر ثانی شدہ سرکلر ڈیبٹ مینجمنٹ پلان بھی آئی ایم ایف کو دیدیا گیا ،آئی ایم ایف کا4100ارب روپے کا گردشی قرضہ ختم کرنے کا مطالبہ کیا تھا،حکومتی فیصلے کے مطابق بجلی کی قیمت میں آئندہ ماہ 3 روپے فی یونٹ اضافہ ہوگا،مئی میں 70 پیسے فی یونٹ مزید بڑھے گے ،نئے مالی سال کے پہلے مہینے تک بجلی 6 روپے فی یونٹ مہنگی ہوگی،گردشی قرض میں 952 ارب روپے کو ایڈجسٹ کیا جائیگا،صارفین کو ملنے والی 675 ارب روپے کی سبسڈی بھی ختم کی جائے گی ،بجلی کی قیمت میں اضافہ سے 200ارب روپے ریونیو حاصل کیا جائیگا،بجلی کے شعبے میں گردشی قرضہ 2500 ارب روپے ہے،آئی ایم ایف نے 300 یونٹ تک سبسڈی کی تجویزختم کرنے کا بھی مطالبہ کرتے ہوئے صرف 100یونٹ تک غریب صارفین کو سبسڈی کی حمایت کی ہے۔ی۴

اسلام آباد :پیٹرولیم مصنوعات کی قیمتوں میں بڑے اضافے کے باوجود پیٹرول ڈیزل ناپید ہوگیا،تیل کمپنیوں نے روپے کی قدر کا بہانہ بنا کر سپلائی محدود کر دی آئل کمپنیز ایڈوائزری کونسل نے معاملے پر حکومت کو خط بھی لکھ دیا۔پیٹرولیم مصنوعات کی قیمتوں میں ہوشربا اضافے کے باوجود پیٹرول ڈیزل ناپید،تیل کمپنیوں نے روپے کی قدر کا بہانہ بنا کر سپلائی انتہائی محدود کر دی تیل کمپنیوں کی نمائندہ تنظیم او سی اے سی نے حکومت کو خط لکھ دیا متن میں کہا گیا ہے آئل انڈسٹری تباہی کے دہانے پر پہنچ گئی ،حکومت فوری اقدامات کرے او سی اے سی کی جانب سے لکھے گئے خط میں کہا گیا ہے کہہ روپے کی قدر میں کمی سے آئل انڈسٹری کو اربوں روپے کو نقصان ہوا،ایل سیز کے نئے ریٹس اور پیٹرولیم مصنوعات کی قیمتوں میں بڑا فرق ہے،جبکہ اوگرا روپے کہ قدر میں کمی پورا اثر صارفین پر ڈالنے کی اجازت نہیں دے رہااوگرا ایکسچینج ریٹ کا فرق عوام پر ایک ہی بار منتقل کرنے کی اجازت دے،آئل کمپنیز ایڈوائزری کونسل نے آئل کمپنیوں کیلئے تیل کی موجودہ قیمتوں کے حساب ایل سیز کی ٹریڈ فنانس بڑھانے کی درخواست بھی کی ہے

اسلام آباد: پٹرولیم مصنوعات کی قیمتوں میں اضافے کے بعد ٹرانسپورٹر مالکان نے ملک بھر میں کرایوں میں اضافے کا اعلان کر دیا ۔لاہور سے راولپنڈی کا کرایہ 2200 روپے سے بڑھا کر 2450 کر دیا گیا، لاہور سے پشاور کا کرایہ 2500 روپے سے بڑھا کر 3000 کر دیا گیا، لاہور سے فیصل آباد کا کرایہ 980 سے بڑھا کر 1130 روپے کر دیا گیا۔لاہور سے بہاولپور کا کرایہ 2200 سے بڑھا کر 2400 روپے کر دیا گیا، لاہور سے ملتان کا کرایہ 1990 سے 2090 روپے کر دیا گیا ،لاہور سے تونسہ کا کرایہ 2100 روپے سے بڑھا کر 2400 روپے کر دیا گیا،لاہور سے کراچی کا کرایہ 6700 سے 7100 روپے کر دیا گیا،لاہور سے حیدرآباد کا کرایہ 6300 سے بڑھا کر 7000 کردیا گیالاہور سے صادق آباد کا کرایہ 3050 سے بڑھا کر 3450 کر دیا گیا۔ اسی طرح سے لاہور سے سکھر کا کرایہ 4500 سے بڑھا کر 4900 کردیا گیا ،لاہور سے سوات کا کرایہ 2600 سے بڑھا کر 3000 کردیا گیا جبکہ لاہور سے مری کا کرایہ 2450 سے بڑھا کر 2700 کردیا گیا

پاکستانی روپے کے مقابلے میں امریکی ڈالر کی قدر میں اضافے کا سلسلہ ڈالر پر ای کیپت ختم ہونے کے بعد سے جاری ہے۔

کاروباری ہفتے کے پہلے روز کے آغاز سے ہی امریکی ڈالر کی قیمت میں اضافے کا رجحان دیکھا گیا اور انٹر بینک مارکیٹ میں ڈالر 7 روپے مہنگا ہو گیا ہے۔

انٹر بینک مارکیٹ میں ڈالر کا بھاؤ 269 روپے 50 پیسے کا ہو گیا ہے جبکہ اوپن مارکیٹ میں ایک ڈالر کا ریٹ 6 روپے بڑھ کر 275 روپے پر پہنچ گیا ہے۔

یاد رہے کہ چند روز قبل حکومت نے آئی ایم ایف کے دباؤ پر امریکی ڈالر کو کھلا چھوڑا جس کے بعد سے ڈالر کی قدر میں اضافے کا سلسلہ جاری ہے، تین کاروباری دنوں میں انٹربینک میں ڈالر 38روپے 11 پیسے مہنگا ہو چکا ہے۔

لاہور :شہر میں پرچون سطح پر فی کلو برائیلر گوشت کی قیمت 3روپے اضافے سے501روپے ، زندہ برائلر مرغی کی قیمت 2روپے اضافے سے334روپے فی کلو جبکہ فارمی انڈوں کی قیمت بھی مزید 2روپے اضافے سے295روپے فی درجن کی سطح پر رہی۔

لاہور: پٹرولیم مصنوعات کی قیمتوں میں حالیہ اضافہ کے خلاف لاہور ہائیکورٹ میں متفرق درخواست دائر کر دی گئی ۔جوڈیشل ایکٹیو ازم پینل کی جانب سے دائر درخواست میں موقف اختیار کیا گیا ہے کہ عالمی مارکیٹ میں پٹرولیم مصنوعات کی قیمتیں کم ہورہی ہیں۔درخواست گزار نے موقف اپنایا ہے کہ عالمی مارکیٹ کے برعکس ملک میں پٹرولیم مصنوعات کی قیمتیں بڑھا دی گئی ہیں۔درخواست گزار کی جانب سے عدالت عالیہ سے استدعا کی گئی ہے کہ پٹرولیم مصنوعات کی قیمتوں میں حالیہ اضافے کو کالعدم قرار دینے کا حکم دیا جائے۔

اسلام آباد: انٹربینک میں ڈالر کی اونچی اڑان جاری ہے اور روپے کے مقابلے کی ڈالر کی قدر میں تیزی سے اضافہ ہورہا ہے۔ جمعہ کے روز بھی انٹربینک میں کاروبار کے آغاز پر ڈالر کی قدر میں ایک روپے 57 پیسے اضافہ ہوا جس سے ڈالر 257 روپے کا ہوگیا۔کاروبار کے دوران ڈالر کی قیمت میں مزید اضافہ دیکھنے میں آیا ہے اور ایک امریکی ڈالر مجموعی طور پر 6 روپے 67 پیسے مہنگا ہوکر 262 روپے تک جا پہنچا ہے۔ دوسری جانب اوپن مارکیٹ میں ڈالر8 روپے مہنگا ہوکر 265 وپے میں ٹریڈ ہورہا ہے۔