Category بزنس

جڑانوالہ :گندم کے بعد چائول کولنگ آئل،گھی اور دالوں کا مصنوعی بحران پیدا ہونے کا خدشہ، ہزاروں کنٹینرز ایل سی نہ کھلنے کی وجہ سے کراچی کے سمندر میں کھڑے ہیں، چائول اور مختلف دالوں کی قیمتیں 350 روپے فی کلو تک چلی گئی ہیں، جبکہ آٹا پہلے 140سے 170روپے فی کلو بک رہا ہے۔شہری سستے آٹے کے ایک تھیلا کے لیے ترس رہے ہیں لمبی قطاروں کھڑے ہونے پر مجبور ہیں, پنجاب میں نگران وزیر اعلی سید محسن رضا نقوی کیلئے بڑا چیلنج مصنوعی مہنگائی کو کنٹرول کرناسوالیہ نشان،گندم ہونے کے باوجود آٹے کا بحران اور مہنگاکیو سرکاری گوداموں کی گندم اوپن مارکیٹ 4800روپے من فروخت ہونے کا انکشاف،گھی اور کوکنک آئل بھی ایک بار پھر مہنگاہوگیا، دودھ، انڈے،صابن،چائے، چینی برائلرمر غی کا گو شت،پیاز اور دیگر اشیاء کی قیمتیں کنٹرول سے باہر ہوگئیں فیصل آباد سمیت صوبہ بھر میں 15کلو آٹے کا تھیلا کا 2200 روپے جبکہ فلور ملز کا کھولا اور چکی کا آٹا 140سی170روپے کلو دستیاب ہے سستے آٹے کیلئے شہریوں جگہ جگہ لمبی قطاریں، فیصل آباد سمیت پنجاب بھر میں آٹے کا مصنوعی بحران فلور ملز مالکان اور بلیک میں گندم فروخت کرنے والے پیدا کر رکھا ہے جس مقامی انتظامیہ کنٹرول میں مکمل طور نا کام ہوچکی ہے،جبکہ دیگر اشیا خوردونوش، سبزیوں اور پھلوں کی قیمتیں کسی جگہ ٹھہرنے کا نام نہیں لے رہیں تفصیلات کے مطابق، فیصل آباد سمیت صوبہ بھر میں 15کلو آٹے کا تھیلا کا 2200 روپے جبکہ چکی کا آٹا170روپے کلو دستیاب ہے۔دوسری جانب فیصل آباد سمیت دیگر اضلاع کے تندوروں پر روٹی کی قیمت میں ازخود2 روپے اضافہ کردیا،تندوروں پر روٹی 16 سے 18 روپے میں فروخت ہو رہی ہے۔یاد رہے کہ گزشتہ روز متحدہ نان روٹی ایسوسی ایشن کی جانب سے نان اور روٹی کی قیمت میں اضافے کا اعلان کیا گیا تھا، اس سلسلہ میں جماعت اسلامی کے راہنمائوںپروفیسر محبوب الزماں بٹ،میاںطاہرایوب،شیخ محمدمشتاق،انجینئرعظیم رندھاوا نے کہاکہ مرکزی اور صوبائی حکومتوں نے اپنی لڑائی میںگندم کا مصنوعی بحران پیدا کر کے عوام کو کراچی سے چترال تک آٹے کی لائنوں میں کھڑا کر دیا گیا۔لوگ ایک تھیلا آٹے کے لیے ترس رہے ہیں، ذخیرہ اندوز اور مافیا اربوں کما رہے ہیں۔ تینوں بڑی جماعتوں میں مافیاز موجود ہیں جنہوں نے نے ماضی میں بھی چینی، ادویات، پٹرول کے مصنوعی بحران پیدا کیے۔حکومت کی ناقص پالیسیوں کی بدولت پاکستان گندم برآمد کرنے والے ملک سے گندم درآمد کرنے والا ملک بن گیا ہے۔ انہوں نے کہا کہ ذخیرہ اندوز اور مافیا اربوں کما رہے ہیں۔مافیاز تینوں بڑی جماعتوں میں موجود ہیں، ماضی میں بھی مصنوعی بحران پیدا کر کے حکومتوں میں شامل مافیاز نے اپنی جیبیں گرم کیں۔ حکمرانوں نے ہمیشہ عوام سے دشمنی کی، یہ سیاسی و معاشی دہشت گرد ہیں، ان کی آپس کی لڑائیاں مفادات کے لیے ہیں۔ انہوں نے کہا کہ ملکی وسائل سے استفادہ کرنے کی بجائے حکمران کشکول لے کر در بدر ٹھوکریں کھا رہے ہیں۔یہ سیاسی و معاشی دہشت گرد ہیں۔ ان کی آپس کی لڑائیاں مفادات کیلئے ہیں۔ ملک میں سیاسی افراتفری، آئینی و معاشی بحران پی ڈی ایم، پیپلزپارٹی اور پی ٹی آئی کی بیڈگورننس، نااہلی اور کرپشن کا نتیجہ ہے۔،سیکرٹری جنرل نان روٹی ایسوسی ایشن نے کہاہے کہ اتوارسے روٹی 16، نان 30 روپے میں فروخت کیا جائے گا۔متحدہ نان روٹی ایسوسی ایشن کاکہناہے کہ حکومت سستا آٹا اور فائن فراہم کرنے میں ناکام رہی،فائن آٹے کا 80 کلو تھیلا 12 ہزار روپے میں مل رہا ہے، آٹے کا 15 کلو کا تھیلا 2 ہزار روپے تک مل رہا ہے، ایسوسی ایشن کاکہناہے کہ مہنگا آٹا اور فائن خرید کر سستی روٹی اور نان فروخت نہیں کر سکتے۔اس طرح پیاز 230 سے 260روپے کلومیں فروخت ہور ہاہے ادرک 380 روپے کلو،لہسن 332،ٹماٹر 60 روپے کلو اورآلو 130 روپے دھڑی فروخت ہو رہا ہے،سبز مرچ 56،گاجر 56، مولی 26 اورمٹر 130 روپے کلو میں فروخت ہو رہا ہے۔ضلعی سطح پر مقامی انتظامیہ منافع خوروں اور ذخیرہ اندوزوں کے سامنے بے بس ہوچکی ہے حکومت پنجاب کی جانب سے فلور ملزمالکان کو روزانہ کی بنیادوں ہر لاکھوں ٹن گندم 2300روپے من کے حساب سے دی جارہی ہے اس کے باوجودہ فیصل آباد سمیت پنجاب بھر گندم کی نئی فصل آنے سے پہلے ہی منافع خوروں اور ذخیراندزوں نے پرانی گندم دوگناہ میں ریٹ پرفروخت شروع کردی ہے جبکہ فیصل آباد سمیت پنجاب بھر آٹا چکیوں کا کوٹہ بند کررکھا ہے جس کی وجہ سے چکی مالکان گندم اوپن مارکیٹ سے خریدنے پر مجبور ہیں چکی مالکان کا الزام ہے ایک سازش تحت فلورملز مالکان کو نواز جارہاہے محکمہ خوراک اور ضلعی انتظامیہ کی ملی بھگت سے سرکاری گندم اوپن مارکیٹ فروخت ہورہی ہے اور منافع خوروںچکی مالکان اور شہر یوں کو دونوں ہاتھوں سے لوٹ رہے ہیں جس کی وجہ سے چکی مالکان آٹا مہنگا فروخت کرنے پر مجبور ہیں، سستے آٹے کیلئے شہری لمبی قطاروں میں کھڑے ہونے پر مجبور ہیں اوپن مارکیٹ مین کوکنگ آئل اور گھی کی قیمتوں ایک بار پھر 30سے 40روپے فی کلو اضافہ ہونے بعد 540روپے فی کلو تک قیمت پہنچ گئی ہے

کراچی :انٹربینک میں ڈالر 5 روپے 11 پیسے مہنگا ہو گیا۔ میڈیا رپورٹس کے مطابق انٹر بینک میں ڈالر 5 روپے 11 پیسے مہنگا ہونے کے بعد 236 روپے پر پہنچ گیا ہے،بینک ڈالر 236 روپے 50 پیسے میں فروخت ہو رہا ہے۔ فاریکس ڈیلرز کے مطابق اوپن مارکیٹ میں ڈالر 242 سے 245 روپے میں فروخت ہو رہا ہے۔ گزشتہ روز انٹر بینک میں ڈالر231 روپے سے تجاوز کر گیا تھا جبکہ اوپن مارکیٹ میں ڈالر کی قدر بڑھ کر 243 روپے کی سطح پر پہنچ گئی تھی۔ فاریکس ایسوسی ایشن آف پاکستان کی رپورٹ کے مطابق بدھ کو انٹر بینک میں روپے کے مقابلے ڈالر1 روپے مہنگا ہو گیا جس سے ڈالر کی قیمت فروخت 230 اعشاریہ 50 روپے سے بڑھ کر 231 اعشاریہ 50 روپے پر جا پہنچی اسی طرح مقامی اوپن کرنسی مارکیٹ میں 2 اعشاریہ 25 روپے کے نمایاں اضافے سے ڈالر کی قیمت فروخت 240 اعشاریہ 75 روپے سے بڑھ کر 243 روپے ہو گئی۔

اسلام آباد :سینٹرل پاور پرچیزنگ ایجنسی نے نیپرا کو دسمبر کیلئے بجلی 2 روپے 20 پیسے فی یونٹ سستی کرنے کیلئے درخواست دے دی۔سینٹرل پاور پرچیزنگ ایجنسی نے نیشنل الیکٹرک پاور ریگولیٹری اتھارٹی (نیپرا) کو دسمبر کے لیے فیول ایڈجسٹمنٹ کی مد میں بجلی 2 روپے 20 پیسے فی یونٹ سستی کرنے کے لئے درخواست دے دی۔سی پی پی اے نے اپنی درخواست میں مؤقف اختیار کیا کہ دسمبر میں 8ارب 9کروڑ 60 لاکھ یونٹس سے زائد بجلی پیدا کی گئی۔بجلی کی ریفرنس لاگت 9 روپے 3 پیسے فی یونٹ مقرر تھی جبکہ دسمبر میں بجلی کی پیداواری لاگت 7 روپے 11 پیسے فی یونٹ رہی۔ sفیول ایڈجسٹمنٹ کی مد میں 2 روپے 20 پیسے فی یونٹ کمی کی جائے۔نیپرا کی جانب سے درخواست منظور کئے جانے پر فیصلے سے صارفین کو 17 ارب 81 کروڑ روپے کا ریلیف ملے گا تاہم اس کا فائدہ لائف لائن اور کے الیکٹرک صارفین پر نہیں ہوگا۔

لاہور : امیر جماعت اسلامی پنجاب وسطی محمد جاوید قصوری نے کہا ہے کہ نیپرا کی جانب سے بجلی کی قیمت میں 4.46روپے فی یونٹ تک اضافے کی منظوری قابل مذمت ہے اس اقدام سے عوام کی مشکلات میںبھی اضافہ ہو گا ۔یوں محسوس ہوتا ہے کہ جیسے حکمرانوں نے عوام کی زندگی اجیرن بنانے کی قسم کھا رکھی ہے ۔پہلے ہی قوم بحرانوں سے نبرد آزما ہے ۔رہی سہی کسر بجلی کی قیمت میں ظالمانہ اضافہ نے پوری کر دی ہے ۔ اضافے کو فی الفور واپس لیا جائے ۔ ان خیالات کا اظہار انہوں نے گزشتہ روز مختلف پروگرامات سے خطاب کرتے ہوئے کیا ۔ انہوں نے کہا کہ ملک میں مہنگائی آسمان سے باتیں کر رہی ہے ۔ زندگی کا تسلسل برقرار رکھنے کے لئے اشیاء خوردونوش کی قیمتیں کنٹرول سے باہر ہیں۔ملک کے اندر گندم، آٹا ، چینی ، آئل ،سبزیاں ، دالیں ، پھل ،مرغی کا گوشت سمیت ہر چیز کی قیمت کو پر لگ چکے ہیں۔چیک اینڈ بیلنس کا پورا نظام ہی کرپٹ اور مفلوج ہو چکا ہے ۔حکمرانوں نے عوام الناس کوزندہ درگور کرنے کے سوا کچھ نہیں کیا ۔ظلم کی انتہا ہے کہ روٹی کی قیمت 20اور نان کی قیمت 30روپے ہو چکی ہے ۔مگر کوئی پوچھنے والا نہیں۔کرپٹ اور ناجائز منافع خوروں اور دیگر مافیا نے سسٹم کو ناکارہ بنا دیا ہے ۔شہری انتظامیہ ان کے سامنے بے بس نظر آتی ہے ۔ انہوں نے کہا کہ جن حالات کا ملک و قوم کو آج سامنا کرنا پڑ رہا ہے ماضی میں کبھی نہیں رہا ۔پی ٹی آئی اور پی ڈی ایم دونوں نے ہی عوام کو دھوکہ دیا ہے ۔کفایت شعاری کا درس دینے والے سرکاری خرچے پر عیاشیاں کر رہے ہیں ۔ملک و قوم قرضوں کی دلدل میں دھنستے چلے جا رہے ہیں جبکہ حکمرانوں کے خزانوں میں مسلسل اضافہ ہوتا جا رہا ہے۔دریں انثا ء جماعت اسلامی پنجاب وسطی کے رہنماوں محمد جاوید قصوری اور سکرٹری جنرل نصر اللہ گورائیہ نے جماعت اسلامی کے سینئر بزرگ رہنما حافظ محمد ادریس کی ہمشیرہ کے انتقال پر اظہار تعزیت کرتے ہوئے دعا کی کہ اللہ تعالیٰ مرحومہ کو اپنے جوار رحمت میں جگہ عطا فرمائے اور تمام لواحقین کو صبر جمیل دے ۔

جڑانوالہ :حکومت کی جانب سے وافر مقدار میں گندم کی درآمد کے بعد فیصل آباد میںگندم کی قیمتوں میں کمی نہ ہوسکی،کھلا آٹا کی 140سے 160روپے فی کلو فروخت جاری، ضلعی انتظامیہ شہر اور گردنواح میں آٹے کا بحران حل کرنے میںمکمل طور ناکام،سستا آٹا حاصل کرنے کیلئے خواتین،بچے اور بزرگوں کی لمبی قطاریں،فلور ملزکا کمرشل آٹے کے تھلے میں صرف 100روپے کمی،15کلو والا آٹا کا تھلہ 2100روپے،دوسری جانب چاول اور کوکنگ آئل کی قیمتیں آسمان سے باتیں کرنے لگیں۔تفصیلات کے مطابق وفاقی حکومت کیجانب سے مختلف ممالک سے گندم درآمد کرنے کے بعد پنجاب بھر کی اجناس کی منڈیوں میں گندم کی قیمتیں1200 سی1400روپے تک کم ہوگئی ہے، اس کے باوجود شہر کی آٹا چکیوں پر آٹے کی قیمتیں 160 روپے فی کلوگرام سے کم نہیں ہوسکیں۔گندم کی قیمتوں میں اضافے کو جواز بناتے ہوئے آٹے کی قیمتیں بڑھانے والا مافیا اب گندم کے نرخ کم ہونے پر خاموش ہے فلور ملز مافیا اور بلیک میں گندم فروخت کرنے والوں کے سامنے ضلعی انتظامیہ بھی کاموش ہے چکی اور کریانہ سٹور پر کھلا آٹا کی 140سے 160روپے فی کلو فروخت ہورہاہے ضلعی انتظامیہ کے اعلانات صرف دفاتروں تک محدود ہیں جبکہ شہر اور گردونواح میں،سستا آٹا حاصل کرنے کیلئے خواتین،بچے اور بزرگ لمبی قطاریوں ہاتھوں میں پیسے لے کھڑے ہیں،فلور ملزکا کمرشل آٹے کے تھلے میں صرف 100روپے کمی،15کلو والا آٹا کا تھلہ 2100روپے۔دوسری جانب چاول کی قیمتیں کہیں رکنے کا نام ہی نہیں لے رہیں۔ سپر کائنات پرانا چاول 30 روپے بڑھکر320 سے 350 روپے فی کلوگرام ہوگیا جبکہ ٹوتا چائول بھی 190روپے کلو ہوگئے، کھی اور کوکنگ آئل کی قیمتوں ایک بارپھر 40سے 50روپے کلو اضاف ہوگیا ہے۔ شہری کہتے ہیں ملکی تاریخ میں اجناس کی قیمتیں کبھی اتنی نہیں بڑھیں دیگر امور زندگی تو درکناراب کھانے کے لالے پڑے ہوئے ہیں۔شہریوں نے وفاقی اور پنجاب حکومت سے آٹا، گھی اور چاول کی قیمتیں کم کرانے کیلئے اقدامات کرنے کا مطالبہ کیا ہے۔

جڑانوالہ :فیصل آباد میں کھاد کی فروخت کے لئے ای فرٹیلائزر منصوبہ بھی ناکام ہوگیا، یوریا کھاد کا تھیلا سرکاری نرخ سے ایک ہزار روپے مہنگا جبکہ ڈی اے پی کے تھیلے کی قیمت میں ساڑھے 6 ہزار سے زیادہ اضافہ کر دیا گیا۔فیصل آباد میں کھاد کی دستیابی اور فروخت کی نگرانی کے لئے ای فرٹیلائزر منصوبہ بھی ناکام ہوگیا، 100 سے زیادہ کھاد ڈیلر رجسٹرڈ کئے گئے لیکن کاشتکاروں کو کھاد سرکاری نرخ پر دستیاب نہیں، یوریا کھاد کا 50 کلو کا تھیلا سرکاری ریٹ لسٹ میں 2 ہزار 446 روپے کا ہے لیکن مارکیٹ میں 3 ہزار 500 روپے میں فروخت ہو رہا ہے۔ڈی اے پی کی قیمت 11 ہزار 450 مقرر لیکن مارکیٹ میں 18 ہزار سے بھی زیادہ میں فروخت ہو رہی ہے، سرکاری نرخ پر کھاد کی عدم دستیابی سے گندم کی زیر کاشت فصل کو نقصان کا اندیشہ ہے۔کسان رہنما کا کہنا ہے کہ زرعی ملک ہونے کے باوجود کسان کا استحصال کیا جا رہا ہے، پہلے کاشت کے وقت سہولیات فراہم نہیں کی جاتیں بعد میں تیار فصل کی قیمت بھی پوری ادا نہیں کی جاتی جس سے کاشتکار کے گھر کا چولہا بمشکل جل پاتا ہے۔کسان رہنما نے کہا ہے کہ سرکاری موقف روایتی ہے کہ قیمتیں بڑھانے والوں کے خلاف کارروائیاں کر رہے ہیں۔کاشتکار کہتے ہیں کھاد ڈیلر محکمہ زراعت کے ای فرٹیلائزر سسٹم میں پیچیدگیوں کا فائدہ اٹھا رہے ہیں، رجسٹرڈ کھاد ڈیلر سٹاک ہونے کے باوجود سرکاری نرخ پر کھاد فراہم نہیں کر رہے۔

جڑانوالہ:ڈائریکٹر جنرل زراعت (توسیع)پنجاب ڈاکٹرمحمد انجم علی بٹر نے فیصل آباد کا دورہ کیااور جاری قومی بڑھوتری منصوبہ جات گندم،کماد،دہان اور تیل دار اجناس کی کاردگی کا جائزہ اورپیدواری اہداف کے حصول کے لئے ہدایات جاری کیں۔انہوں نے تحصیل چک جھمرہ کا دورہ بھی کیا اور پیدواری مقابلہ کماد کے حوالے سے چک نمبر 155 رب کے کاشتکار محمد عدنان سرور کے فارم کا وزٹ کیا۔اس موقع پر ڈپٹی ڈائریکٹر زراعت(توسیع) چوہدری خالد محمودنے پیدواری مقابلہ کماد طریقہ کار کے متعلق بریفنگ دی۔کاشتکاروں سے خطاب کرتے ہوئے ڈائریکٹر جنرل زراعت پنجاب نے کہا کہ پیدواری مقابلہ جات کا مقصد کاشتکاروں میں مثبت مقابلہ کو پروان چڑھانااورجدید ٹیکنالوجی کے ذریعے فصلات کی فی ایکٹر پیدوارمیں اضافہ کرنا ہے۔انہوں نے نمائشی پلاٹ گندم کا بھی معائنہ کیا اور کا شتکاروں سے کہا کہ نمائشی پلاٹ کاشت کرانے کا مقصد کاشتکاروں کو جدید ٹیکنالوجی سے روشناس کروانا ہے، تاکہ وہ اس طریقہ کاشت کو اپنا کر اپنی فی ایکڑ پیداوار بڑھا سکیں۔انہوں نے مزید کہا کہ گندم ہماری فوڈ سیکیورٹی کی علامت ہے اور بڑھتی ہوئی آبادی کے لئے خوراک پیداکرناایک بہت بڑاچیلنج ہے جسے محکمہ زراعت (توسیع) اورکاشتکارمل کرحاصل کرسکتے ہیں۔انہوں نے مزید کہا کہ ملک کو غذائی اجناس میں خود کفیل بنانا محکمہ زراعت کی اولین ترجیح ہے۔

جڑانوالہ :محکمہ زراعت پنجاب نے گندم کی پیداوار میں اضافہ کے قومی منصوبہ کے تحت پیداواری مقابلہ برائے گندم 2022-23 کیلئے کاشتکاروں کو 31جنوری تک درخواستیں جمع کرانے کی ہدایت کی ہے۔ اس منصوبے کے تحت 5 یا 5 ایکڑ سے زیادہ قابل کاشت زرعی اراضی کے مالک مرد و خواتین کاشتکار درخواست دینے کے اہل ہیں۔اس کے علاوہ مشترکہ کھاتہ رکھنے والے زمینداران بھی اہل ہیں نیز مزارعین،ٹھیکیداران بھی دستاویزات کی تحصیل کمیٹی کی طرف سے تصدیق کرانے کے بعد درخواست دے سکتے ہیں۔ آبپاش علاقوں میں پیداواری مقابلہ میں حصہ لینے والے گندم کے کاشتکار 5 ایکڑ متصل فصل جبکہ بارانی علاقوں میں 2 ایکڑ متصل ایسی فصل جس میں کوئی بھی منظور و تصدیق شدہ قسم کاشت کی گئی ہو مقابلہ کے لیے پیش کریں گے۔انہوں نے کہا کہ مقابلہ میں حصہ لینے کے لیے شرائط درخواست فارم پر درج ہیں جو متعلقہ اسسٹنٹ ڈائریکٹر زراعت (توسیع) اور زراعت آفیسر (توسیع) کے دفاتر سے مفت حاصل کیے جا سکتے ہیں یا محکمہ زراعت پنجاب کی ویب سائٹ www.agripunjab.gov.pk سے ڈائون لوڈ کیے جا سکتے ہیں۔ مکمل درخواستیں اپنی تحصیل کے متعلقہ اسسٹنٹ ڈائریکٹر زراعت (توسیع) کے دفاتر میں جمع کروائیں۔انہوں نے بتایا کہ مقابلہ جات ضلع اور صوبائی سطح پر منعقد ہوں گے۔ اراکین قومی وصوبائی اسمبلی، سینیٹرز، ان کے فیملی ممبرز اور گریڈ 17 اور اوپر کے سرکاری ملازمین درخواست دینے کے اہل نہ ہوں گے۔ جبکہ محکمہ مال، محکمہ زراعت، پنجاب کے تمام ملازمین اس مقابلہ میں حصہ لینے کے اہل نہیں ہوں گے۔ ان کے علاوہ وہ ترقی پسندکسان جو ضلعی یا ڈویڑنل کمیٹی کے ارکان مقرر ہوں گے وہ بھی اس مقابلہ میں حصہ لینے کے اہل نہیں ہو ں گے۔ مکمل درخواستیں 31 جنوری 2023 ئتک وصول کی جائیں گی۔

لاہور:لاہور میں ضلعی انتظامیہ نے نان اور روٹی کی قیمت بڑھانے سے انکار کردیا۔نان اور روٹی کی قیمت بڑھانے کے معاملے پر ضلعی انتظامیہ اور نان بائی ایسوسی ایشن کے درمیان مذاکرات ہوئے۔ضلعی انتظامیہ کے ذرائع کا کہنا ہے کہ روٹی کی سرکاری قیمت 14 اور نان کی قیمت 22 روپے برقرار ہے۔ذرائع کا کہنا ہے کہ ضلعی انتطامیہ اور نان بائی ایسوسی ایشن کے درمیان اب دوبارہ مذاکرات منگل کو ہوں گے۔ضلعی انتظامیہ کا کہنا ہے کہ مارکیٹ میں گندم کی قیمت کم ہو رہی ہے، فائن آٹے کی قیمت کا جائزہ لے رہے ہیں۔جبکہ نان بائی ایسوسی ایشن کے صدر آفتاب گل نے کہا ہے کہ احتجاج مؤخر کردیا ہے، ہماری کوشش ہے نان و روٹی کی قیمت رضامندی سے بڑھے، ہم بھی بلاوجہ عوام پر بوجھ نہیں ڈالنا چاہتے۔

لاہور :ملک کے دوسرے بڑے شہر لاہور میں آٹے اور مرغی کے گوشت کی قیمت میں مزید کمی ہو گئی۔مارکیٹ ذرائع کے مطابق مرغی کے گوشت کی قیمت 2 روز میں 100 روپے کم ہوئی ہے، مرغی کا فی کلو گوشت 471 روپے کا ہو گیا۔ذرائع کا کہنا ہے کہ 15کلو کمرشل آٹے کی قیمت 2100 روپے سے کم ہو کر 1750 روپے ہو گئی جبکہ چکی کے آٹے کی قیمت کم نہ ہو سکی۔ مارکیٹ ذرائع نے کہا کہ شہر میں انڈوں کی فی درجن قیمت 289 روپے پر برقرار ہے اور بکرے کا گوشت 1800 روپے جبکہ بیف 1100 روپے کلو مل رہا ہے۔ذرائع کا یہ بھی کہنا ہے کہ ضلعی انتظامیہ سرکاری ریٹ لسٹ پر عمل کرانے میں ناکام ہے، عام بازاروں میں دکاندار من مانی کر رہے ہیں