Category بزنس

پاکستان میں سونے کی فی تولہ قیمت میں اچانک ہزاروں روپے کمی واقع ہوئی ہے۔

سونےکی فی تولہ قیمت آج 3 ہزار 300 روپے کم ہوکر ایک لاکھ 81 ہزار 800 روپے ہوگئی ہے۔

اس کے علاوہ 10 گرام سونے کی قیمت 2829 روپےکمی سے 155864 روپے ہوگئی ہے۔

عالمی بازار میں سونے کی فی اونس قیمت 5 ڈالر اضافے سے 1876 ڈالر ہے۔

لاہور میں ضلعی انتظامیہ سرکاری لسٹ پر عمل کرانے میں ناکام ہوگئی اور شہر میں مرغی کا گوشت 650 روپے کلو فروخت کیا جارہا ہے جب کہ انڈوں کی قیمت مزید بڑھ کر 289 روپے فی درجن ہوگئی ہے۔

دوسری جانب کراچی میں بھی مرغی کے گوشت کی قیمتیں ہر گزرتے دن کے ساتھ بڑھ رہی ہیں اور شہر میں مرغی کا گوشت کہیں 640 تو کہیں 660 روپے میں فروخت کیا جارہا ہے جب کہ انڈے فی درجن 300 روپے تک جا پہنچے ہیں۔

اس کے علاوہ کوئٹہ میں بھی مرغی کے گوشت کی فی کلو قیمت 650 روپے برقرار ہے۔

گزشتہ روز مرغی کے گوشت کی فی کلو قیمت میں 30 روپےکااضافہ ہوا تھا۔

ملک میں روپے کے مقابلے میں امریکی ڈالر کی قدر میں اضافے کا سلسلہ آج بھی جاری رہا۔

انٹربینک تبادلہ مارکیٹ میں ڈالر47 پیسے مہنگا ہوکر227 روپے 88 پیسے پر بند ہوا ہے۔ انٹربینک میں گذشتہ روز ڈالر 227.41  پیسے پر بند ہوا تھا۔

اس کے علاوہ اوپن مارکیٹ میں ڈالر 25  پیسے مہنگا ہو کر  237 روپے کا ہوگیا ہے۔

پشاور: خیبرپختونخوا کے محکمہ خوراک نے بھی گندم کا یومیہ کوٹہ 5 ہزار سے بڑھا کرساڑھے 6 ہزار میٹرک ٹن کردیا۔

محکمہ خوراک کے مطابق تمام فعال فلور ملز کو آبادی کے تناسب گندم فراہم کی جائےگی، 4کروڑ7 لاکھ69 ہزار آبادی کیلئے ساڑھے 6 ہزار میٹرک ٹن گندم فلورملز کو روزانہ بھجوائیں گے جب کہ پشاور میں 49 لاکھ 84 ہزار آبادی کے لیے 760 میٹرک ٹن گندم فلار ملز کو دی جائےگی۔

دوسری جانب آٹا ڈیلرز کا کہنا ہےکہ 20 کلو مکس آٹے کا تھیلا 3 ہزارروپے میں فروخت ہورہا ہے، فائن آٹے کا 20 کلو کا تھیلا 3100 روپے میں دستیاب ہے جب کہ سرکاری آٹےکے 20 کلو تھیلے کی قیمت 1300 روپے ہے۔

ڈیلرز کے مطابق گندم کا کوٹہ بڑھنے سے وقتی طور پر مسئلہ ٹھنڈا ہوگا، حکومت کو چاہیے کے کوٹہ 10 یا 9 ہزار میٹرک ٹن تک بڑھائے۔

علاوہ ازیں صوبائی وزیر خوراک عاطف خان نے کہا ہے کہ سستے آٹے کی فراہمی کیلئے حکومت زیادہ سے زیادہ سبسڈی دے رہی ہے، ہمارے پاس گندم کا کافی اسٹاک موجود ہے، سستا آٹا صوبے کی غریب عوام کے لئے ہے۔

 انہوں نے کہا کہ مہنگائی سے جہاں دیگر چیزوں کی قیمتیں بڑھیں وہیں آٹے کی قیمت بھی بڑھی ہے۔

اسلام آباد:وزیر مملکت پیٹرولیم مصدق ملک نے کہا ہے کہ روس سے سستے تیل معاہدے کی تیاری مکمل ہے قبل از وقت غیر ذمہ دار بات نہیں کر سکتا۔ پاک روس سستے تیل خریداری معاہدے کے دوران گفتگو کرتے ہوئے مصدق ملک کا کہنا تھا کہ روس سے سستے تیل کی خریداری معاہدے کی تیاریاں مکمل ہیں ، وفد اسی وقت آتے جب تیاریاں مکمل ہوں ، روس خام تیل میں دنیا کے برابر یا اس بھی زیادہ ڈسکاونٹ دے گا، روس کے ساتھ سنجیدہ بات چیت جاری ہے۔ انہوں نے کہا کہ روس کے وزیر توانائی سمیت پورا وفد آرہا ہے ہم پوری کوشش کرینگے ملکی مفاد میں معاملہ طے ہوجائے گا ، ریفائنریز سے میٹنگ کرنے کے بعد روس کے ساتھ بات کی تھی، معاہدے کی تیاری مکمل ہے قبل از وقت غیر ذمہ دار بات نہیں کر سکتا، ریفائنریز پالیسی میں ڈیم ڈیوٹی کو سرمایہ کاری سے لنک کر رہے ہیں، ریفائنریز کو جو ڈیوٹی کی مد میں بچت ہوگی وہ سرمایہ کاری کریں گے ۔ مصدق ملک کا کہنا تھا کہ حکومت اسکا باقاعدہ آڈٹ کرے گی، ہمارے ملکی مفاد میں ہے جدت اور ریفائنریز اپ گریڈیشن میں پیسے لگے ، ہماری ریفائنریز فرنس آئل زیادہ تیار کرتی ہیں جس کی کہیں مارکیٹ ہی نہیں ہے، بلیک آئل کی وجہ سے ریفائنریز کو نقصان ہورہا ہے، ہماری ریفائنریز تیس فیصد سے زائد فرنس آئل بنا رہی ہیں ، جب ریفائنریز کو اپ گریڈ کرینگے تو پیٹرول اور ڈیزل کی فینش پراڈکٹس زیادہ بنائے گئے پریم نہ دینے سے پیٹرول ڈیزل کی قیمت کم ہوگی۔

فیصل آباد: صنعتی ادار وں کی برآمدات میں کمی کا عمل شروع ہوچکا ہے جس کے اثرات رواں سال کی پہلی سہ ماہی میں نمایاں ہوں گے، پاکستان کی آمدن میں برآمدات اور بیرون ملک مقیم پاکستانیوں کی طرف سے بھیجی جانے والی ترسیلات سر فہرست ہیں جن میں ماہانہ ایک بلین ڈالر تک کی کمی متوقع ہے ۔ انہوں نے موجودہ حالات اُن کے اپنے ادارون کی پیداوار میں تیس فیصدی کمی آ چکی ہے۔ زیادہ تر صنعتی ادارے 60-70فیصد کی استعداد کار پر چل رہے ہیں مگر اصل مسئلہ یہ ہے کہ اگر بجلی اور گیس کی قیمتیں مزید بڑھیں تو پھر کیا ہوگاآن لائن کے مطابق فیصل آباد چیمبر آف کامرس اینڈانڈسٹر ی کے زیراہتمام ایف سی سی آئی کونسل آف ٹیکسٹائلز کا پہلا اجلاس چیئرمین کاشف ضیاء کی زیر صدارت ہوا جس میں فیصل آباد چیمبر آ ف کامرس اینڈانڈسٹری کے صدر ڈاکٹر خرم طارق ، پاکستان ٹیکسٹائل ایکسپورٹرز ایسوسی ایشن کے محمد احمد ، آل پاکستان بیڈ شیٹس اینڈ اپ ہولسٹری مینو فیکچررز ایسوسی ایشن کے عارف احسان ملک، آل پاکستان ٹیکسٹائل پرنٹنگ ملز ایسوسی ایشن کے اصغر قادری ، آل پاکستان ٹیکسٹائل ملز ایسوسی ایشن کے عمران غفور، آل پاکستان کاٹن پاور لومز ایسوسی ایشن کے اعجاز احمد ناگرہ اور عبداللہ قادری نے بھی شرکت کی۔ اجلاس میں ٹیکسٹائل سیکٹر کے اجتماعی مطالبات میں یکسانیت پیدا کرنے کیلئے مضبوط اور توانا آواز اٹھانے پر غور کیا گیا۔ صدر ڈاکٹر خرم طارق نے کہا کہ ٹیکسٹائل کونسل کا مقصد اس شعبہ کے مختلف سیکٹرز میں ہم آہنگی اور یکجہتی پیدا کرنا ہے اور یہ ذمہ داری کاشف ضیاء کو سونپی گئی ہے۔ انہوں نے کہا کہ مختلف سیکٹرز کی اپنی الگ الگ ایسوسی ایشن ہیں جبکہ چیمبر کے پلیٹ فارم پر سب کے مسائل کو لے کر چلنا ایک کٹھن اور مشکل مرحلہ ہے۔ انہوں نے کہا کہ ایک سیکٹر کے مفادات کا دوسرے سیکٹر سے ٹکرائو ہو سکتا ہے اور اسی وجہ سے حکومتی سطح پر ہمارے باہمی اختلافات کی آڑ میں ٹیکسٹائل کے اجتماعی مسائل حل نہیں کئے جاتے۔ انہوں نے کہا کہ ہماری کوشش ہے کہ ہم ان اختلافات کو مقامی طور پر خود طے کر لیں تاکہ قومی سطح پر کی جانے والی کوششوں کو نتیجہ خیز بنایا جا سکے۔ انہوں نے کہا کہ ٹیکسٹائل سے تمام سیکٹرز وابستہ ہیں اِس لئے ہمیں ایسی باتوں سے اجتناب کرنا چاہیے جس سے دوسرے سیکٹرز کو نقصان پہنچتا ہو یا باہمی کشمکش کا اظہارہوتا ہو۔ انہوں نے اجلاس کے شرکاء سے کہا کہ وہ اس بارے میں اپنے اپنے خیالات کا اظہار کریں تاکہ ایک متفقہ لائحہ عمل طے کیا جا سکے۔ ڈاکٹر خرم طارق نے کہا کہ تمام ایسوسی ایشنیں اپنے مطالبات اور اعداد وشمار کے حوالے سے مکمل ہوم ورک کر کے اپنی جامع تجاویز پیش کریں تاکہ اُن کا جائزہ لے کر اجتماعی مطالبات کو حتمی شکل دی جا سکے۔ صدر نے اس تجویز سے اتفاق کیا کہ ممبران اپنے ساتھ دور اندیش اور تخلیقی فکر رکھنے والے ممبران کو بھی لا سکتے ہیں۔ اجلاس میں طے کیا گیا کہ علاقائی تجارت کو فروغ دیا جائے اور اس سلسلہ میں بھارت اور ایران سے تجارت بڑھانے کو ترجیح دی جائے۔ مزید برآں مشرق بعید کے ملکوں سے تجارت بڑھانے کیلئے بھی معاہدے کرنے کی ضرورت ہے۔ اسی طرح مغربی منڈیوں سے فائدہ اٹھانے کیلئے پائیدار مصنوعات کی تیاری پر بھی توجہ دینے کی ضرورت ہے۔ صدر نے ہیلتھ اور سیفٹی کے حوالے سے عالمی اداروں کی حکمت عملی پر تشویش کا اظہار کیا اور کہا کہ اس پر قابو پانے کیلئے ہمیں ریسرچ اینڈ ڈویلپمنٹ پر توجہ دینے کے ساتھ ساتھ جارحانہ خارجہ پالیسی کی ضرورت ہے۔انہوں نے مزید کہا کہ غیر روائتی نئی منڈیوں کی تلاش اور بزنس کے فروغ کیلئے کوششوں کو بھی تیز کرنے کی ضرورت ہے۔ صدر چیمبر نے کہا کہ صنعتوں کا فرض ہے کہ وہ ریسرچ اینڈ ڈویلپمنٹ کے اپنے ادارے قائم کریں کیونکہ پبلک سیکٹر میں ایسے ادارے اپنی افادیت کھو بیٹھتے ہیں۔ انہوں نے مزید کہا کہ جن مسائل پر اس میٹنگ میں گفتگو ہوئی ہے ان کے بارے میں متعلقہ شرکاء اپنی ورکنگ مکمل کر کے آئندہ میٹنگ میں دیں تاکہ اُن پر عمل درآمد کیلئے ضروری اقدامات اٹھائے جا سکیں۔ انہوں نے کہا کہ اس وقت بہت سے اداروں نے اپنی شفٹیں بند کرنے کے باوجود ورکرز کو ایڈجسٹ کر رکھا ہے تاکہ اُن کے گھروں کاچولہا جلتا رہے۔ انہوں نے کہا کہ اگر صورتحال مزید خراب ہوئی اور ادارے بند ہوئے تو بیروزگاری میں اضافے کے ساتھ ساتھ امن وامان کی صورتحال بھی خراب ہو سکتی ہے۔ ڈاکٹر خرم طارق نے کہا کہ وہ پہلے بھی کئی بار واضح طور پر کہ چکے ہیں کہ حکومت ٹیکسٹائل سیکٹر کو کوئی سبسڈی نہیں دے رہی۔ فیسکو کو بجلی پونے آٹھ سینٹ میں پڑ رہی ہے جسے وہ نو سینٹ میں بیچ رہے ہیں جبکہ دوسرے صوبوں میں ہونے والی بجلی چوری کا بوجھ بھی ہم اٹھا رہے ہیں۔انہوں نے کہا کہ اس مسئلے کا حل DISCOsکی نجکاری میں ہے جس پر عمل درآمد تیز کیا جانا چاہیے۔ سینئر نائب صدر ڈاکٹر سجاد ارشد نے کہا کہ درآمدات پر فلڈ ڈیوٹی کے اطلاق کا بھی امکان ہے۔ آل پاکستان ٹیکسٹائل اینڈ پرنٹنگ ملز ایسوسی ایشن کے چیئرمین اصغر قادری نے جنرل سیلز ٹیکس کی شرح کو سنگل ڈیجٹ میں لانے کا مطالبہ کیا اور کہا کہ چین مکمل نہ ہونے کی وجہ سے اُن کے ممبروں کو 17فیصد جی ایس ٹی کے علاوہ تین فیصد Further Taxبھی ادا کرنا پڑ رہا ہے۔ انہوں نے بتایا کہ ٹیکسٹائل پرنٹنگ کے بہت سے ادارے بند جبکہ باقی 50فیصد کی استعداد کار پر چل رہے ہیں۔ انہوں نے ائیر کارگو ٹرمینل اور نئی نہروں کے قیام کی بھی تجویز دی کہ تاکہ ملک میں بیکار اور بنجر زمینوں کو قابل کاشت بنایا جا سکے

غیر ملکی میڈیا کے مطابق متحدہ عرب امارات میں گزشتہ سال دسمبر میں آئندہ ماہ کے لیے پیٹرولیم مصنوعات کی نئی قیمتوں کا اعلان کیا گیا تھا۔

یو اے ای حکام نے 30 دسمبر کو پیٹرول کی نئی قیمت کا اعلان کیا جس میں سپر 98 پیٹرول 3.30 درہم فی لیٹر سے 2.78 درہم فی لیٹر کردیا گیا جب کہ سپر 95 پیٹرول کی قیمت بھی 3.18 درہم سے 2.67 درہم فی لیٹر پر آگئی۔

میڈیا رپورٹس کے مطابق متحدہ عرب امارات میں حکومت نے اگست 2015 میں پیٹرول کی قیمتوں کو ڈی ریگولیٹ کیا تھا اور اسے تیل کی عالمی قیمتوں کے ساتھ جوڑ دیا تھا جس کے بعد ماہانہ بنیادوں پر تیل کی قیمتوں کا تعین کرنے کے لیے ایک کمیٹی تشکیل دی گئی تھی۔

خلیجی میڈیا کے مطابق یو اے ای کی تیل کی قیمتیں کم ہونے پر شہریوں اور سیاحوں کے دور دراز علاقوں سیروتفریح میں اضافہ دیکھا گیا ہے

کراچی میں مرغی کے گوشت اور انڈوں کی قیمت میں بھی آئے روز اضافہ دیکھنے میں آ رہا ہے۔

شہر قائد میں فارمی انڈے 290 سے 300 روپے فی درجن تک فروخت ہو رہے ہیں جبکہ دیسی انڈوں کی قیمت 600 روپے درجن ہے اور گولڈن انڈے 400 سے 420 روپے تک میں مل رہے ہیں۔

کراچی میں زندہ مرغی کی قیمت 380 روپے کلو ہے جبکہ مرغی کا گوشت 600 روپے کلو میں فروخت ہو رہا ہے۔

شہریوں کا کہنا ہے کہ مہنگائی نے دو وقت کی روٹی کو بھی مشکل بنا دیا ہے، ہر چیز کی قوت خرید ہماری پہنچ سے باہر ہوتی جا رہی ہے۔

ملک میں سونے کی فی تولہ قیمت میں تیزی سے اضافہ جاری ہے اور آج بھی قیمت 900 روپے بڑھی ہے۔

آل پاکستان جیمز اینڈ جیولرز ایسوسی ایشن کےمطابق ملک میں فی تولہ سونے کا بھاؤ 900 روپے اضافے کے بعد ایک لاکھ 88 ہزار 600 روپے ہوگیا ہے۔

اس کے علاوہ 10 گرام سونےکا بھاؤ 772 روپے اضافے سے ایک لاکھ 61 ہزار 694 روپے ہے۔

ایسوسی ایشن کے مطابق عالمی بازار میں سونے کا بھاؤ 29 ڈالر اضافے سے 1862 ڈالرفی اونس ہے۔

کراچی:آٹے کی قیمت بڑھنے کے بعد مہنگائی میں مزید اضافہ ہوگیا،بیکری آئیٹم انڈوں اور ڈبل روٹی بھی شہریوں کی خرید سے باہر ہوئی دکاندار کہتے ہیں کہ آتا مہنگا ہونے سے قیمتیں بڑھ گئیں ہیں،انڈے فی درجن 290 سے 300 روپے درجن فروخت کئے جارہے ہیں چھوٹی ڈبل روٹی 70سے 80 ،درمیانی 90 سے 100 روپے کردی گئی، جب کہ بڑی ڈبل روٹی 120 سے 130 روپے قیمت کی بیچی جا رہی ہے، پاپے 100 سے 110 روپے پاؤ، بسکٹ 180 سے 190 روپے پاؤ میں فروخت ہو رہے ہیں،شہری کہتے ہیں کہ سردیوں میں گیس نایاب ہوجاتی ہے گھر پر ناشتہ نہیں بن پاتا اس لئے صبح کے ناشتے کا سامابیکری سے منگوالیتے تھے مگر اب لگتا ہے کہ ناشتہ بھی بن کتنا پڑے گا کیوں کہ ڈبل روٹی ہویا پاپے سب کی قیمتیں آسمان سے باتیں کررہی ہیں،ڈاکٹر کہتے ہیں روزانہ ایک انڈکھانا چاہیئے مگر اب انڈبھی ہماری پہنچ سے دور ہوگیا ہے۔