Category شوبز

ممبئی :شاہ رخ خان کی نئی فلم ’ جوان ‘ کا ٹریلر ریلیز ہوتے ہی ہٹ ہوگیا اور اس کو پسند کرنے والوں میں بالی ووڈ کے میگا اسٹار
بھی شامل ہیں۔بالی ووڈ کے دبنگ سلمان خان نے شاہ رخ خان کی آنے والی فلم ’جوان کے ٹریلر کی نہ صرف کھل کر تعریف کی بلکہ فلم کے حوالے سے اپنے مستقبل کے منصوبے کے بارے میں بھی بتا دیا۔سلمان خان نے جوا ن کا ٹریلر اپنے سوشل میڈیا پر شئیر کرتے ہوئے کیپشن لکھا کہ پٹھان جوان بن گیا۔ بہت شاندار اور غیر معمولی ٹریلر ہے جو مجھے بہت زیادہ اچھا لگا۔

استنبول : مشہور ترک ڈرامے کرولش عثمان کے ہیرو براک اوزجیفت نجی کمپنی کی دعوت پر پاکستان آئیں گے۔ ایک بڑے فیشن برانڈ کے سوشل میڈیا اکاؤنٹ پر کرولس عثمان کے ہیرو براک اورزجیفت نے ویڈیو پیغام میں کہا کہ وہ جلد پاکستان کا دورہ کریں گے اورپاکستانی مداحوں سے ملاقات کریں گے۔ انہوں نے اپنے مداحوں کو یہ اطلاع بھی دی کہ پاکستانی برانڈ نے انہیں اپنا سفیر مقرر کیا ہے۔

کراچی : پاکستانی خوبرو فلم و ٹی وی اداکارہ حمیمہ ملک نے اپنے بھائی، اداکار فیروز خان کی ناکام شادی سے متعلق خود پر لگنے والے الزامات پر پہلی بار جواب دیا ہے۔اداکار کا اپنے انسٹاگرام اکاؤنٹ پر نئی پوسٹ شیئر کرتے ہوئے بتانا تھا کہ آج اْن کی سالگرہ ہے اور پھر بھی وہ اپنی آنے والی نئی فلم ’اکھارا‘ کی شوٹنگ میں مصروف ہیں۔دوسری جانب اداکارہ حمیمہ ملک نے اپنے بھائی کے لیے ایک پوسٹ شیئر کی جس میں اْنہوں نے ایک لمبے چوڑے نوٹ میں اپنے چھوٹے بھائی کو سالگرہ کے موقع پر خوب دعائیں دیں اور اْن کی آنے والی زندگی کے لیے نیک تمناؤں کا اظہار کیا۔ حمیمہ ملک کی اس پوسٹ پر ایک انسٹاگرام صارف نے فیروز خان اور علیزا سلطان کی شادی ٹوٹنے کی وجہ اداکارہ کو قرار دے دیا۔صارف کا لکھنا تھا کہ ’میری نندیں بھی اس جیسی ہیں، وہ میاں بیوی ایک دوسرے کو وقت نہیں دینے دیتیں۔ صارف نے حمیمہ ملک کی ناکام شادی کی جانب اشارہ کرتے ہوئے مزید لکھا کہ ناکام شادی شدہ زندگی گزارنے والی خواتین، خواہ وہ ماں ہوں یا بہنیں، صرف اپنے بھائیوں پر انحصار کرتی ہیں۔ اس کے کمنٹ کے جواب میں حمیمہ ملک پھٹ پڑیں، حمیمہ کا صارف کو مخاطب کرتے ہوئے لکھنا تھا کہ ’میں نند نہیں اْن کی دوست تھی اور وہ میری بہن ہے۔ میرے بھائی کے بچوں کی ماں ہے تو براہ کرم ہمارا اپنی نندوں کے ساتھ موازنہ نہ کریں۔

کراچی : پاکستان شوبز انڈسٹری کی معروف ماڈل، میزبان و اداکارہ نتاشا حسین نے کہا ہے کہ وہ شہروز سبزواری کو اداکار نہیں سمجھتیں۔ایک نجی ٹی وی پرواگرام میں گفتگو کرتے ہوئے انہوں نے کہا شہروز سبز واری اچھے اداکار نہیں ہیں اور انہیں شوبز انڈسٹری میں کام صرف اپنے والد کی وجہ سے ملا ہے تاہم ان کے والد بہروز سبزواری بہترین اداکار ہے۔اسی طرح انہوں نے ایک اور سوال کے جواب میں آمنہ حق کو بہترین ماڈل اور بْری اداکارہ قرار دیا جبکہ سونیا امام کے بارے میں بات کرتے ہوئے کہا انہیں ماڈل نہیں سمجھتی۔

کراچی: پاکستانی معروف ٹک ٹاکر، اداکارہ، ماڈل و یوٹیوبر جنت مرزا نے ٹرولنگ کا نشانہ بننے کے بعد خود کو ڈرامہ سیریل پری زاد اور ہم کہاں کے سچے تھے۔ آفر ہونے کے ثبوت شیئر کیے ہیں۔اپنے ایک انٹرویو کے دوران انہوں نے کہا کہ اْنہیں پاکستانی ڈرامہ انڈسٹری کی تاریخ میں بلاک بسٹر ثابت ہونے والے ڈرامے پری زاد اور ہم کہاں کے سچے تھے کی آفر ہوئی تھی۔ تاہم وہ زیادہ تر جاپان میں رہتی ہیں اس لیے وہ یہ ڈرامے نہیں کر سکیں۔جنت مرزا کے اس بیان کے بعد اْنہیں سوشل میڈیا صارفین کی جانب سے خوب تنقید کا نشانہ بنایا گیا تھا۔جنت مرزا کو انٹرویو کے دوران دیئے گئے اپنے متعدد بیانات پر ٹرولنگ کا سامنا تھا جس پر انہوں نے خاموشی توڑتے ہوئے شواہد شیئر کر دیئے ہیں۔انسٹاگرام اکاؤنٹ کی اسٹوری پر اداکارہ نے واٹس ایپ چٹ شیئر کرتے ہوئے لکھا ہے کہ یہ شواہد ہیں کہ اْنہیں نجی ٹی وی چینلز سے ڈراموں کی آفرز آئی تھیں۔اداکارہ کا اپنی اسٹوریز میں مزید لکھنا ہے کہ اْنہیں سوشل میڈیا پر اپنے بیانات کی وضاحت دینے کی ضرورت نہیں تھی مگر صورتحال بہت گھمبیر اور ہاتھ سے نکلے جا رہی تھی اس لیے انہوں نے اپنی ذاتی چیٹس کے اسکرین شاٹس شیئر کیے ہیں۔

ممبئی : بھارتی اداکارہ و ماڈل اروشی روٹیلا نے معاوضہ لینے کی ریس میں کئی اداکاراؤں کو پیچھے چھوڑ دیا۔بھارتی میڈیا کے مطابق تیلگو فلم ساز بویاپتی سرینو اور اداکار رام پوتھینی کی آنے والی فلم میں ایک آئٹم سانگ پر پرفارم کرنے کے لیے اروشی روٹیلا نے 3 منٹ کے 3 کروڑ روپے مانگے ہیں۔رپورٹس کے مطابق اس مطالبے کے تحت اگر اروشی روٹیلا کو ادائیگی ہو جاتی ہے تو وہ بھارت کی سب سے زیادہ معاوضہ لینے والی اداکارہ بن جائیں گی۔رپورٹس کے مطابق اس کے علاوہ یہ بھی اطلاعات ہیں کہ اداکارہ نے فلم ’پشپا 2‘ میں ایک گانے پر پرفارم کرنے کے 6 سے 7 کروڑ روپے وصول کیے ہیں۔

ممبئی : بلاک بسٹر پٹھان کی تاریخ ساز کامیابی کے بعد فلمی شائقین بے تابی سے بالی وڈ کنگ شاہ رخ خان کی اگلی فلم جوا ن کی ریلیز کا انتظار کررہے ہیں۔ جوان کی ریلیز کیلئے پہلے رواں برس 2 جون کی تاریخ مقرر کی گئی تھی لیکن بعد میں اسے تبدیل کرکے ریلیز کی تاریخ 7 ستمبر کردی گئی اور اب یہ خبر آئی ہے کہ شاہ رخ خان کی فلم کو ہالی وڈ بلاک بسٹر کے سیکوئیل کا سامنا ہوگا۔وارنر بروس نے اعلان کیا ہے کہ وہ اپنی بلاک بسٹر ہارر فلم ’دی نن‘ کا دوسرا پارٹ 8 ستمبر کو دنیا بھر میں ریلیز کرنے جارہے ہیں۔ہالی وڈ فلم دی نن 2 انڈیا کی مختلف ریاستوں میں نہ صرف انگریزی بلکہ ہندی، تیلگو اور تامل ڈب کے ساتھ سینما گھروں میں پیش کی جائے گی۔رواں برس یہ دوسری بار ہوا ہے کہ ہالی وڈ کی فلم میگا ہندی فلم کے ساتھ ریلیز کی جارہی ہے، 21 اپریل کو سلمان خان کی ’کسی کا بھائی کسی کی جان‘ کے ساتھ ہالی وڈ کی ’ایول ڈیڈ رائز‘ ریلیز کی گئی تھی۔فلم دی نن 2 سے بڑی توقعات کی جارہی ہیں اور اس کے پہلے پارٹ نے انڈیا سے 46 کروڑ سے زائد کا بزنس کیا تھا۔

ممبئی: بالی ووڈ اداکارہ ہما قریشی نے کہاہے کہ مسلمان ہونے کی وجہ سے فلم انڈسٹری میں کسی تفریق کا سامنا نہیں کرنا پڑا۔ اپنے ایک انٹرویو میں بالی ووڈ کو ’انتہائی‘ محفوظ جگہ قرار دیتے ہوئے انہوں نے کہا کہ بالی ووڈ میں لوگوں کو ان کے نام سے کوئی مطلب نہیں ہوتا وہ صرف کام کی بنیاد پر جانی جاتی ہیں۔ مسلمان ہونے کے ناطے کبھی کسی قسم کی تفریق کا سامنا نہیں ہوا۔ انہوں نے کہا کہ بھارت میں رہتے ہوئے محسوس نہیں ہوا کہ وہ مسلمان ہونے کے باعث دوسرے شہریوں سے مختلف ہیں تاہم ایسا نہیں کہ بالی ووڈ میں مشکلات پیش نہیں آئیں۔ انڈسٹری میں بھی اقربا پروری ہے اور غلط مطالبات بھی کیے گئے تاہم ایسا معاشرے میں ہر شعبے میں ہوتا ہے۔ انہوں نے مزید کہا کہ کبھی وزن کم کرنے کے بارے میں سوچا نہیں اور نہ ہی اس بارے میں کوئی دباؤ لیا تاہم انہوں نے اعتراف کیا بالی ووڈ میں اداکاراؤں پر ہمیشہ خوبصورت اور پرکشش نظر آے کے لیے دباؤ ہوتا ہے۔ہما قریشی کا کہنا تھا کہ ’او ٹی ٹی‘ پلیٹ فارمز کے مواد میں بہت زیادہ خراب زبان استعمال ہوتی ہے اور عریاں مناظر بھی دکھائے جاتے ہیں۔

ممبئی : بالی وڈ کنگ شاہ رخ خان ائیرپورٹ پر باڈی سرچنگ کے دوران آئیکونک پوز دیتے رہے۔بھارتی سوشل میڈیا پر شاہ رخ خان کی ایک ویڈیو سامنے آئی ہے جس میں وہ ائیرپورٹ پر موجود ہیں۔ائیرپورٹ پر ڈیوٹی پر مامور پولیس اہلکار نے بالی وڈ کنگ کی جب باڈی سرچنگ کی تو انہوں نے اس دوران انتہائی خوشگوار موڈ میں باڈی سرچنگ کرائی۔

سیول: جنوبی کوریا کی مشہور گلوکارہ لی سانگ یون پرفارمنس سے چند منٹ پہلے چل بسیں۔میڈیا رپورٹ کے مطابق جنوبی کوریا کے شہر گمچیون کے کلچر سینٹر میں 46 سالہ گلوکارہ کا نام پکارا گیا تو وہ اسٹیج پر نہیں آئیں جس کے بعد انہیں تلاش کرنا شروع کردیا گیا تھا۔میڈیا رپورٹ کے مطابق ایونٹ کے ملازم نے گلوکارہ کی لاش باتھ روم میں دیکھ کر پولیس کو اطلاع دی۔پولیس کی جانب سے واقعے کی تحقیقات شروع کردی گئی ہیں جبکہ ابتدائی طور پر کسی قسم کے جرم کے شواہد سامنے نہیں آئے ہیں۔