Category بزنس

اسلام آباد :آئندہ بجٹ میں سبسڈیز کی مد میں بھاری رقم رکھنے کی تجویز ہے، فوڈ سکیورٹی کیلئے 55 ارب کی سبسڈی رکھی جائیگی، ذرائع نے بتایا کہ یوٹیلٹی اسٹورز پر سستی اشیا کیلئے 30 ارب روپے کی سبسڈی دی جائیگی،آئندہ بجٹ میں رمضان ریلیف پیکج کیلئے 5 ارب روپے رکھے جائینگے، گلگت بلتستان کو گندم کی فراہمی کیلئے 10.5 ارب کی سبسڈی کی تجویزہے،پاسکو کو گندم کی فراہمی کیلئے 10 ارب کی سبسڈی دی جائے گی۔

ملکی تبادلہ منڈیوں میں 56 پیسے مہنگا ہو کر ڈالر کی لین دین 285 روپے 75 پیسے میں جاری ہے۔ڈیلرز کے مطابق اوپن مارکیٹ میں دو روپے اضافے کے بعد امریکی کرنسی کی قیمت فروخت 305 روپےپر آگئی ہے۔دوسری جانب پاکستان اسٹاک ایکس چینج میں آج بھی مثبت رجحان دیکھا جا رہا ہے، 100 انڈیکس کی 349 پوائنٹس اضافے کے بعد 42 ہزار پوائنٹس کی حد بحال ہوگئی

روپےکی قدرروزبروز گرنے لگی، اوپن مارکیٹ اور انٹربینک میں امریکی کرنسی کی قیمت میں اضافہ ریکارڈ کیا گیا ہے۔ کاروباری ہفتے کے پہلے روز اوپن مارکیٹ میں امریکی کرنسی کی قیمت میں بڑا اضافہ دیکھا کیا گیا ہے، 8 روپے اضافے کے بعد اوپن مارکیٹ میں ڈالر 308 پر فروخت ہو رہا ہے۔ دوسری جانب انٹربینک میں بھی ڈالر کی قیمت میں 51 پیسے کا اضافہ ہوا جس کے بعد انٹربینک میں امریکی ڈالر 286 روپے 19 پیسے کی سطح پر بند ہوا ہے۔

کاروباری ہفتے کے پانچویں اور آخری روز انٹربینک میں امریکی کرنسی کی قیمت میں 13 روپے 78 پیسے کمی ہوئی جس کے بعد انٹربینک میں ڈالر 285 روپے 08 پیسے پر بند ہوا ہے۔

دوسری جانب اوپن مارکیٹ میں بھی ڈالر کی قیمت میں 11 روپے کمی دیکھی گئی ہے جس کے بعد امریکی کرنسی 294 روپے پر فروخت ہو رہی ہے۔

یاد رہے کہ گزشتہ روز انٹربینک مارکیٹ میں امریکی ڈالر کی قدر میں 8 روپے 71 پیسے اضافہ ریکارڈ کیا گیا تھا، جس کے بعد انٹربینک میں ڈالر پہلی مرتبہ 298 روپے 93 پیسے پر پہنچ گیا تھا۔

اوپن مارکیٹ میں ڈالر 7 روپے مہنگا ہو کر 305 روپے پر ٹریڈ ہو رہا تھا۔

اسلام آباد :زراعت کے فروغ کے لئے پاکستان آرمی پیش پیش،پاک آرمی کی کشمیر کی وادی ِ لیپا کے کسانوں کیلئے کاوشیں جاری ہیں،پاک آرمی کسانوں کے معاشی اور زرعی مسائل کے حل کیلئے سستے اور معیادی بیج فراہم کر رہی ہے،اس ضمن میں زراعت کی مجموعی پیداوار کو بڑھانے کیلئے جدید ترین سائنسی طریقوں کے ذریعے کسانوں میں زرعی شعور بھی بیدار کیا جا رہا ہے،پاک فوج کی طرف سے کسانوں کو ہَل کے ساتھ مفت ٹریکٹر بھی فراہم کئیجارہے ہیں ، لائن بوائی مشین کی دستیابی کے ذریعے فصل کو بڑھایا جاسکے گا،محکمہ زراعت سے اعلیٰ معیار کے بیج کی دستیابی کو بھی ممکن بنایا جائے گا، اس سلسلے میں بہترین حکمت عملی اور زراعت میں اضافے کیلئے زرعی سیمینار کا بھی انعقاد کیا جائیگا تاکہ مقامی کسانوں کو زرعی شعور سے آگاہی دلوائی جا سکے، وادیِ لیپا میں پاک فوج کسانوں کی مدد کہ لیے کوشاں ہے تاکہ کسانوں کی اس مشکل وقت میں مدد کی جا سکے ۔

لاہور :حکومت پنجاب کی خصوصی ہدایت پر پنجاب میں کپاس کی بحالی کے ایکشن پلان 2023 پر عملدرآمد کیلئے تمام وسائل بروئے کار لانے کیلئے حکمت عملی تیار کرلی گئی ہے اور اس سال کپاس کی بوائی کا ہدف50لاکھ ایکڑ جبکہ پیداواری ہدف82 لاکھ26 ہزارگانٹھ مقرر کیا گیا ہے جس میں جنوبی پنجاب کاحصہ91 فیصد ہے نیز کپاس کی فصل کو منافع بخش بنانے کیلئے جہاں حکومت کی طرف سے بوائی سے قبل 8500 روپے فی من امدادی قیمت مقرر کی گئی ہے وہیں حکومت پنجاب کپاس کی12 منتخب شدہ اقسام کے بیج پر1 ہزار روپے فی بیگ سبسڈی فراہم کر رہی ہے جبکہ صوبہ بھر میں یوریا کھاد پر سبسڈی کیلئے 11 ارب روپے بھی فراہم کئے گئے ہیں۔نظامت زرعی اطلاعات محکمہ زراعت پنجاب کے ترجمان نے بتایا کہ حکومتی ہدایت پر کاٹن سیزن کے دوران فیلڈ عملے کی زرعی سرگرمیوں کے علاوہ تمام ایکسٹرا ڈیوٹیاں ختم کر دی گئی ہیں تاکہ وہ کاشتکاروں کے شانہ بشانہ کپاس کی بوائی کے ہدف کو حاصل کر سکیں۔انہوں نے بتایا کہ کپاس کے سیزن کے دوران معیاری زرعی مداخل کی کاشتکاروں کو دستیابی یقینی بنائی جائے اور اس ضمن محکمہ زراعت توسیع و پیسٹ وارننگ کا عملہ جوابدہ ہوگا۔انہوں نے بتایا کہ نگران و زیر اعلیٰ پنجاب کی ہدایت پر محکمہ زراعت نے کپاس کے رقبہ اور پیداوار میں نمایاں کارکردگی کے حامل کاشتکاروں اور زرعی ماہرین کی خدمات کے اعتراف میں کیش پرائز دینے کیلئے طریقہ کار وضع کر لیا ہے تاکہ ان کی حوصلہ افزائی ہو سکے۔انہوں نے بتایا کہ ہر ضلع میں کھاد، بیج اور زرعی ادویات کے ڈیلرزسے متعلق معلومات کا ریکارڈ تیار کیا جائے گا۔انہوں نے کہا کہ پبلک پرائیویٹ پارٹنر شپ کے ذریعے کپاس کی بحالی کے ہدف کے حصول پر تمام اسٹیک ہولڈرز کی مشترکہ جدو جہدسے ہی کپاس کی بحالی ممکن ہو گی۔

لاہور ایل سی کی بندش سے صنعتیں اور فیکٹریاں بندہوچکی جبکہ روزگاری کا طوفان برپاہوگیا عوامی سروے رپورٹ کے مطابق ایل سی کی بندش سے پورٹ پر پڑا کروڑوں کا سامان خراب ہونے لگا صنعتیں بند ہونے کی وجہ سے کروڑوں روپے کا نقصان ہورہا ہے اس موقع پر صنعت کاروں اور فیکٹری مالکان کا کہنا تھا کہ ایل سی کی بندش کے باعث شدید مشکلات کا سامنا کرنا پڑ رہا ہے صنعتیں اور فیکٹریاں معیشت کی بحالی اور ملکی ترقی میں ریڑھ کی ہڈی کی حیثیت رکھتے ہیں دوسری جانب صنعت کار اور فیکٹری مالکان سر پکڑ کر بیٹھے گئے ہیں مختلف فیکٹری ایریا میں متعدد فیکٹری سامان نہ ملنے کے باعث بند ہوچکی ہیں عوامی سروے میں مزدوروں کا کہنا تھا فیکٹریاں بند ہوچکی ہے گھروں پر نوبت فاقوں تک آن پہنچی ہے جسم اور جان کا رشتہ برقرار رکھنا بھی مشکل ہوچکا حکومت ایل سی کھول کر فیکٹری اور صنعتوں کی رونقیں دوبارہ بحال کرے

جڑانوالہ :ماہ رمضان میں شہریوں کیلئے دالوں کا حصول بھی مشکل ہوگیا، قیمتوں میں کئی گنا اضافے سے خریدار وں کی پریشانیاں بڑھ گئیں۔رمضان المبارک میں مہنگائی کا جن بے قابو ہے، دالیں بھی عوام کی دسترس سے باہر ہوگئیں۔چنے کی دال میں 20 روپے اضافہ ہوگیا، 260 روپے کلو فروخت ہونے لگی، 270 روپے کلو والا چاول بھی 70 روپے اضافے سے 340 روپے پر پہنچ گیا جبکہ فی کلو لوبیا 380 روپے کلو میں دستیاب ہے۔شہری جو چکن اور گوشت کی قیمتوں سے پہلے ہی پریشان تھے اب دالوں کی قیمتیں بڑھنے سے مزید مشکلات کا شکار ہوگئے ہیں۔ انتظامیہ کارروائیوں کے باوجود گراں فروشوں اور ذخیرہ اندوزوں کو نکیل ڈالنے میں ناکام ہے، رمضان میں عوام کو ریلیف دینے کیلئے اس بار سستے بازار بھی قائم نہیں ہوسکی

جڑانوالہ :معاشی بحران کے اثرات، ملک کی سب سے بڑی آئل ریفائنری میں پیداوار بند ہو گئی، ملک میں تیار کردہ ڈیزل اور پٹرول مصنوعات کی کھپت میں کمی ریفائنری کی بندش کی بڑی وجہ قرار۔ تفصیلات کے مطابق ملک میں جاری ملکی تاریخ کے بدترین معاشی بحران کی وجہ سے کئی صنعتوں کا پہیہ رک گیا ہے۔پٹرولیم انڈسٹری ذرائع کے مطابق پاکستان کی سب سے بڑی آئل ریفائنری پارکو کو بند کر دیا گیا ہے۔بتایا گیا ہے کہ ملک میں تیار کردہ ڈیزل اور پٹرول مصنوعات کی کھپت میں کمی پارکو ریفائنری کی بندش کی بڑی وجہ ہے۔ پارکو کے علاوہ پاکستان کی دیگر آئل ریفائنریز بھی ملک کے معاشی بحران کی وجہ سے شدید مشکلات کا شکار ہیں۔ ریفائنریز کو ایکسچینج ریٹ کی ریکوری، آئل پرائس پر مصنوعی کنٹرول اور خام تیل کی درآمد کیلئے ایل سیز کھولنے میں مشکلات جیسے مسائل کا سامنا ہے۔دوسری جانب ایک رپورٹ کے مطابق ملک میں پٹرول کی فروخت میں جاری مالی سال کے پہلے 9 ماہ میں سالانہ بنیادوں پر16فیصدکی کمی ریکارڈ کی گئی ہے۔ پاکستان بیورو برائے شماریات اور انڈسٹری کے اعدادوشمارکے مطابق جولائی سے مارچ 2023 تک کی مدت میں ملک میں 5.59ملین ٹن پٹرول کی فروخت ریکارڈ کی گئی جو گزشتہ مالی سال کی اسی مدت کے مقابلے میں 16فیصد کم ہے۔گزشتہ مالی سال کی اسی مدت میں ملک میں 6.68ملین ٹن پٹرول کی فروخت ریکارڈ کی گئی تھی۔ مارچ میں ملک میں 0.56ملین ٹن پٹرول کی فروخت یکارڈ کی گئی جو گزشتہ سال مارچ کے مقابلے میں 28فیصد کم ہے۔ گزشتہ سال مارچ میں ملک میں 0.77ملین ٹن پٹرول کی فروخت ریکارڈ کی گئی تھی۔ فروری کے مقابلے میں مارچ میں ملک میں پٹرول کی فروخت میں ماہانہ بنیادوں پر ایک فیصد کی نموریکارڈ کی گئی ہے۔ فروری میں ملک میں 0.55ملین ٹن پٹرول کی فروخت دیکھنے میں آئی جو مارچ میں بڑھ کر0.56ملین ٹن ہوگئی۔

اسلام آباد:بجلی صارفین کیلئے بری خبر،ایک ماہ کیلئے بجلی کی فی یونٹ قیمت میں 86 پیسے اضافے کا امکان ہے ،ماہانہ فیول پرائس ایڈجسٹمنٹ کی مد میں درخواست نیپرا میں دائر کر دی گئی۔سینٹرل پرچیزنگ پاور ایجنسی کی جانب سے سرکاری ڈسکوز کے صارفین کیلئے درخواست ماہ فروری کے فیول پرائس ایڈجسٹمنٹ کی مد میں دائر کی گء ہینیپرا اتھارٹی 30 مارچ کو سی پی پی اے کی درخواست پر سماعت کرے گی منظوری کی صورت میں اضافہ سرکاری بجلی کی تقسیم کار کمپنیوں کے صارفین پر ہوگا جبکہ کے الیکٹرک کی جانب سیکراچی کے بجلی صارفین کیلئے ایف سی اے کی مد 1روپے 62 پیسے اضافے کی درخواست پہلے سے نیپرا میں دائر کی جا چکی ہے سرکاری ڈسکوز اور کے الیکٹرک کی درخواستوں پر الگ الگ سماعت ایک ہی روز ہوگی اور اس کے بعد قیمتوں میں اضافے کے حوالے سے حتمی فیصلہ ہوا۔