Category پاکستان

اسلام آباد:شہدائے کربلا کی لازوال قربانیوں کی یاد میں یوم عاشور 10محرم الحرام29جولائی ہفتہ کو نہایت عقیدت و احترام اور مذہبی رواداری کے ساتھ منایا جائے گا، یوم عاشور کے موقع پر ملک بھر میں مجالس عزاء منعقد ہوں گی جبکہ علم،تعزیے اور ذوالجناح کے ماتمی جلوس نکالے جائیں گے شام کو مجالس شام غریباں برپا ہوں گی۔نواسہ رسول ؐ ،جگر گوشہ بتول ؑ،حضرت امام حسین ؑ اورشہدائے کربلا کو خراج عقیدت پیش کرنے کیلئے10محرم کو ملک کے طول و عرض میںمجالس عزاء،علم وتعزیہ اورذوالجناح کے ہزاروں جلوس برآمد ہوں گے جس میں لاکھوں کی تعداد میں عزادار شامل ہو کر ماتم داری ور نوحہ خوانی کرکے اپنا پر سہ پیش کریں گے۔ملک بھر میں منعقدہ مجالس عزاء میں علمائے کرام اور ذاکرین فلسفہ شہادت بیان کرتے ہوئے حضرت امام حسین ؑ اور ان کے رفقاء کی دین اسلام کی سربلندی کیلئے کربلا کے تپتے ریگزار میں پیش کی گئی عظیم قربانیوںکو خراج عقیدت پیش کریں گے مجالس عزا ء کے اختتام پرشبیہہ علم وذوالجناح اور تعزیے کے بڑے بڑے جلوس برآمد ہوں گے جو کہ اپنے مقررہ راستوں سے گزر کر شام کو واپس آستانوں پر اختتام پذیر ہوں گے جہاں پر مجالس شام غریباؓ بپا ہوں گی اس موقع پر پولیس و انتظامیہ کی جانب سے انتہائی سخت حفاظتی اقدامات کیے جائیں گے پولیس اہلکاروں کی چھٹیاں منسوخ کی جا چکی ہیں۔نواسہ رسول ؐ حضرت امام حسین ؑ کا یوم شہادت ملک بھر کی طرح جہانیاںمیں بھی نہایت عقیدت و احترام سے منایا جائے گا۔شہدائے کربلا کو خراج عقیدت پیش کرنے کیلئے امام بارگاہ حسینیہ ؓ ملتان روڈ جہانیاںسے دس محرم کو صبح نو بجے علم و ذوالجناح اور تعزیہ کا ماتمی جلوس برآمد ہو گا اس ماتمی جلوس میں بڑی تعداد میں عزادار شامل ہو کر ماتم داری اور نوحہ خوانی کرکے اپنا پرسہ پیش کریں گے۔ دوپہر بارہ بجے مرکزی چوک میں مجلس عزاء منعقد ہو گی جس میں ملک کے ممتاز علماء کرام اور ذاکرین فلسفہ شہادت بیان کرتے ہوئے حضرت امام حسین ؑ اور ان کے رفقاء کی دین اسلام کی سربلندی کیلئے کربلا کے تپتے ریگزار میں پیش کی گئی عظیم قربانیوںکو خراج عقیدت پیش کریں گے جبکہ بعد از مجلس سہہ پہر تین بجے مذکورہ چوک میں زنجیر زنی ہو گی ا س موقع پر پولیس و انتظامیہ کی جانب سے انتہائی سخت حفاظتی اقدامات کیے جائیں گے حکومت کی جانب سے 9اور 10محرم الحرام کو تعطیل کا اعلان کیا گیا ہے مختلف شہروں میں پاک فوج اور رینجرز کے دستے تعینات کیے گئے ہیںمختلف اضلاع میں موٹر سائیکل کی ڈبل سواری پر پابندی اور موبائل فون سروس بھی معطل رہے گی کسی بھی ناخوشگوار واقعہ سے نمٹنے کیلئے ہسپتالوں میں ایمر جنسی کا نفاذ کرکے ڈاکٹرز اور پیرا میڈیکل سٹاف کی چھٹیاں منسوخ کر دی گئی ہیں۔

اسلام آباد:بنیادی ٹیرف میں اضافے کے بعد ایک اورجھٹکا ، نیپرا نے ایک ماہ کیلئے بجلی کی قیمت میں ایک روپے 81 فی یونٹ اضافے کی منظوری دے دی ۔صارفین پر24 ارب روپے کا اضافی بوجھ پڑے گا،چیئرمین نیپرا نے کہاکہ سستی بجلی ہونے کے باوجود مہنگی کیوں خریدی ، تمام ذرائع ہونے کے باوجود قوم کا پیسہ ضائع کیا جارہا ہے،جتنے ٹاورتباہ ہوئے اس کا ذمہ دار کون ہے ۔ ایچ فاروقی کی سربراہی میں نیپرا میں سرکاری ڈسکوزکی ایک ماہ کیلئے بجلی کی قیمت میں1روپے 88 پیسے فی یونٹ اضافے کی درخواست پرسماعت کی۔ حکام نے بتایاہ ٹرانسمیشن لائنزمیں خرابی کے باعث متبادل اورمہنگے پلانٹس چلائے گئے، چئیرمین نیپرانے پوچھاکہ بجلی چارسے سات روپے میں مل رہی تومہنگی کیوں لی؟این ٹی ڈی سی حکام بولے ہائیڈل کے ٹو اور دیگرسے بجلی لینا پہلی ترجیح ہوتی ہے، ممبر نیپرابولے کہ 2016 سے 2023 تک این ٹی ڈی سی سسٹم پر133 ٹاورتباہ ہوئے،ایسی صورتحال دنیا میں کسی اورملک ہے توبتائیں ؟ این ڈی ڈی سی نے تمام ملبہ موسمیاتی تبدیلی پر ڈال دیا

کراچی: کراچی میں دالوں کی قیمتوں میں ہوشربا اضافے نے غریبوں کی مشکلات میں اضافہ کردیا،کراچی میں آٹے اور چینی کے بعد دالوں کی قیمتوں کو بھی پر لگ گئے۔مسور کی دال 250 روپے کلو تو ماش کی دال 480 روپے کلو میں فروخت ہورہی ہے، ارہر کی دال 500 کا ہندسہ عبور کرکے 550 روپے کلو تک جا پہنچی۔2ماہ کے دوران چینی کی فی کلو قیمت میں 45 روپے اضافہ ہوا،کراچی کے شہری بڑھتی قیمتوں سے پریشان ہیں، کہتے ہیں اب تو دالیں خریدنے کی قوت بھی ختم ہونے لگی ہے۔تاجر رہنماؤں نے کہاکہ قیمتوں کو چیک کرنے کا کوئی سسٹم نہیں، جس کی وجہ سے مہنگائی بڑھ رہی ہے۔حالیہ دنوں میں دالوں کی قیمتوں میں اضافے سے دیہاڑی دار اور تنخواہ دار طبقہ سب سے زیادہ متاثر ہوا ہے۔

جھنگ ،:جھنگ میں دریائے چناب میں سیلاب کے باعث 60 دیہات زیر آب آگئے، چاول، کپاس، سبزی اور چارے کی فصلیں سیلابی ریلے میں بہہ گئیں۔امدادی سرگرمیاں جاری ہیں، سیلابی پانی میں پھنسے 300 سے زائد افراد کو محفوظ مقامات پر منتقل کر دیا گیا ہے، پی ڈی ایم اے کے مطابق دریائے چناب کے بعد جہلم میں سیلاب کا خطرہ ہے۔سیلاب کے پیش نظر 8 لاکھ گندم کی بوریاں بھی دوسرے اضلاع میں منتقل کر دی گئی ہیں، دوسری جانب دریائے ستلج بھی بپھرنے لگا ہے، ضلعی انتظامیہ نے 5دیہات خالی کروالئے ہیں۔قصورکے مختلف گاؤں میں سڑکوں اور کھیتوں پر پانی آنے سے معمولات زندگی متاثر ہو گئے ہیں، متاثرہ گاؤں میں مستے کی، احمد والا، کسوکی، بھورا ہٹھاڑ اور کنجر شامل ہیں۔ ڈپٹی کمشنر قصور کا کہنا تھا کہ دریائے ستلج میں پانی کی سطح مزید بلند ہورہی ہے، ہنگامی صورتحال سے نمٹنے کے لئے تیار ہیں،ڈپٹی کمشنر قصورنے کہا کہ الرٹ ملنے کے بعد لوگوں کو محفوظ مقامات پر منتقل کررہے ہیں۔ترجمان پی ڈی ایم اے کا کہنا ہے کہ دریائے راوی پر ہیڈ بلوکی میں نچلے درجے کا سیلاب ہے ۔

اسلام آباد:وفاقی حکومت نے بجلی 7 روپے 50 پیسے فی یونٹ مہنگی کرنے کی منظوری دے دی ۔ وفاقی حکومت کی طرف سے بجلی کے بنیادی ٹیرف میں 3 سے 7 روپے 50 پیسے فی یونٹ اضافہ کردیا گیا ہے۔ کابینہ نے سرکولیشن کے ذریعے بجلی مہنگی کرنے کی سمری کی منظوری دی ہے۔ذرائع کے مطابق وفاقی حکومت نے بنیادی قیمت میں اضافے کی درخواست نیپرا میں دائر کردی ہے۔نیپرا اب وفاقی حکومت کی درخواست پرسماعت کے بعد فیصلہ دے گا۔ جس کے بعد وفاقی حکومت اضافے کا نوٹیفکیشن جاری کردے گی۔ قیمتوں میں اضافے کا اطلاق یکم جولائی سے کرنے کی تجویز دی گئی ہے۔

لاہور: لاہور موٹروے پر سکھیکی کے قریب ڈرائیور کو کار چلاتے ہوئے نیند آ گئی، جس کے نتیجے میں پیش آنے والے والے حادثے میں تین افراد جاں بحق ہو گئے۔ترجمان موٹر وے پولیس کے مطابق لاہور کی طرف جانے والی کار کا ڈرائیور دوران ڈرائیونگ سو گیا، جس کی وجہ سے کار ایک ٹرک سے پیچھے کی جانب جا ٹکرائی، جس کے نتیجے میں تین افراد جاں بحق ہو گئے۔اطلاع ملنے پر سیکٹر کمانڈر موٹروے پولیس فیصل اکرم موقع پر پہنچے اور ریسکیو کارروائی کی نگرانی کی۔ جاں بحق ہونے والے تینوں افراد کا تعلق لاہور کا تھا، جن کی لاشوں کو موٹر وے پولیس نے مقامی اسپتال منتقل کروا دیا اور بعد ازاں موٹر وے پر ٹریفک کو بحال کروایا۔جاں بحق ہونے والوں میں علی جان، ابوذر اور رضوان شامل ہیں۔ موٹر وے پولیس کا کہنا ہے کہ دوران ڈرائیونگ سو جانے سے متعلق کئی بار آگاہی مہم بھی چلائی جاتی ہے۔

لاہور: یونان کشتی حادثے میں جاں بحق ہونے والے مزید 4 پاکستانیوں کی میتیں لاہور ایئر پورٹ پہنچا دی گئیں۔اوورسیز پاکستانیز فاؤنڈیشن کے نمائندوں نے میتیں وصول کر کے ورثاء کے حوالے کر دیں۔میتیوں کو ایمبولینسز کے ذریعے آبائی علاقوں کے لیے روانہ کر دیا گیا ہے۔ارسلان اور ابوبکر کی میتیں نوشہرہ ورکاں جبکہ عدنان کی میت گجرات اور علی اعجاز کی میت منڈی بہاؤ الدین روانہ کی گئی ہے۔ ایف آئی اے ذرائع کے مطابق 22 جولائی کو یونان سے 6 مزید میتیں پاکستان لائی جائیں گی۔واضح رہے کہ گزشتہ روز بھی 3 میتیں لاہور ایئر پورٹ لائی گئی تھیں

اسلام آباد:نیشنل الیکٹر ک پاور ریگولیٹری اتھارٹی (نیپر)ا نے رواں مالی سال میں بجلی کی پیداور اور لاسز کا تخمینہ جاری کر دیا ۔ذرائع کے مطابق رواں مالی سال میں مجموعی طور 164 ارب 39 کروڑ 40 یونٹ بجلی پیدا ہونے کا تخمینہ لگایا گیا ہے ،پیدا شدہ بجلی 39 ارب 53 کروڑ 40 لاکھ یونٹ لائن لاسز اور چوری کے نظر ہونے کا خدشہ ہے۔نیپرا نے رواں مالی سال کے لیے بجلی کا پیداور ٹیرف 22 روپے 66 پیسے فی یونٹ مقرر کیا ہیلائن لاسز اور چوری سے 895 ارب 84 کروڑ روپے کے نقصان کا خدشہ ہے۔ ذرائع کا کہنا ہے کہ بجلی چوری اور لائن لاسز کی وصولی صارفین سے کی جائے گی، صارفین سرچارجز اور ایڈجسمنٹ کی مد میں لاسز اور چوری کا بوجھ برداشت کرینگے۔

پشاور : دیر بالا میں خوفناک ٹریفک حادثے میں 2 افراد جاں بحق جبکہ 4 زخمی ہو گئے۔ دیر بالا میں دوران سفر کار ڈرائیور نے تیز رفتاری کے سبب کنٹرول کھو دیا جس کے سبب کار گہری کھائی میں جا گری، حادثے میں 2 افراد موقع پر جاں بحق ہو گئے جبکہ 4 افراد شدید زخمی ہیں۔ امدادی ٹیموں نے زخمیوں کو قریبی ہسپتال منتقل کر دیا

گھوٹکی : اوباڑو کے قریب ایم فائیو موٹروے کے مقام پر مزدہ اور ٹرالر میں تصادم کے نتیجے میں دو نوجوان جاں بحق ہوگئے۔پولیس کے مطابق تصادم کے نتیجے میں مزدہ پر سوار دو سگے بھائی شدید زخمی ہوکر بیہوش گئے تھے۔زخمی نوجوانوں کو تحصیل ہسپتال گھوٹکی منتقل کیا گیا مگر دوران علاج دونوں زخمی نوجوان دم توڑ گئے۔