All posts by Ahsan

وزیراعظم عمران خان کہتے ہیں تہذیبوں کو باہر سے نہیں مارا جاسکتا، وہ خودکشی کرتی ہیں،
وزیراعظم عمران خان نے ٹویٹ پیغام میں کہا پاکستان میں آج ہمیں اپنی صلاحیتوں کا ادراک کرنا ہے،، پاکستان کو جو چیلنج درپیش ہیں، ان میں فوری توجہ کا مستحق قانون کے احترام کا چیلنج ہے۔ طاقت ور اور مکارسیاست دان قانون شکنی کے عادی ہوگئے ہیں، انہوں نے ریاستی اداروں کوبھی کرپٹ بنایا،،
وزیراعظم کا کہنا تھا کہ یہ مافیا نظام سے خون چوسنے والی جونکیں ہیں جو ملک سے مخلص نہیں، پاکستان کی حقیقی قوت، وسائل اور صلاحیتوں کو بروئے کار لانے کیلئے ان کو شکست دینا ناگزیر ہے۔

ملک میں کرونا کا پھیلاؤ خطرناک حد تک بڑھ گیا، گزشتہ چوبیس گھنٹے میں وائرس سے مزید 7مریض جاں بحق جبکہ 4ہزار340 مثبت کیس سامنے آگئے۔
نیشنل کمانڈ اینڈ کنٹرول سینٹرکے مطابق ملک بھر میں کیس مثبت آنے کی شرح 8.71 فیصد رہی، کراچی میں مثبت کیسز کی شرح 22.3 فیصد پر آگئی، شہر قائد میں گزشتہ 24گھنٹے میں 2356افراد وائرس کاشکار ہو گئے ہیں،، حیدرآباد میں شرح 10 فیصد ہوگئی،،پنجاب میں مزید اومی کرون کے 49کیسز رپورٹ ہوئے، تعداد 511 ہو گئی،، لاہور میں مثبت کیسز کی شرح 13فیصدتک پہنچ گئی ہے جس کے باعث لاہور میں ایک ہزا ر131مزید کیسز رپورٹ ہوئے ہیں،،وزیر قانون خیبر پختونخوا فضل شکور خان کا بھی کرونا ٹیسٹ مثبت آ گیا، ‏اسلام آباد کے 2 تعلیمی اداروں میں کرونا کیسز رپورٹ ہونے تعلیمی ادارے سیل کرنے کا مراسلہ جاری کردیا گیا،،گزشتہ 24گھنٹوں میں اسلام آباد میں 443نئے کیسز سامنے آئے، رپورٹ ہونے والے زیادہ ترکیسزاومی کرون کے ہیں،، اسلام آباد میں مثبت کیسز کی شرح 10.75فیصد ہے،،ڈی ایچ او اسلام آباد کا کہنا ہے کہ گزشتہ 24گھنٹوں میں مثبت کیسز کی شرح 10.75رہی جبکہ 3ہزار 843افراد کے ٹیسٹ کیے گئے ہیں،،وزارت صحت حکام کا کہنا ہے کہ اسلام آباد میں کُل 200 آکسیجن بیڈز اور 128 وینٹیلیٹر کی سہولت موجود ہیں۔ اسلام آباد میں دستیاب وینٹیلیٹر میں سے 16 فیصد وینٹیلیٹر پر مریض زیر علاج ہیں۔

صوبائی وزرا نے کرونا سے تعلیمی اداروں کو بند نہ کرنے کا فیصلہ کر لیا۔
کرونا کی صوتحال پر بین الصوبائی وزرائے تعلیم کانفرنس ہوئی جس میں تعلیمی اداروں کو بند نہ کرنے کا فیصلہ کیا گیا ہے، وزیر تعلیم پنجاب مراد راس کا کہنا ہے کہ ویکسی نیشن کے بغیر بچے سکول نہیں آ سکتے۔ سکولوں میں بچوں کی کورونا ویکسی نیشن جاری رہے گی۔ دوسری جانب وفاقی وزیر اسد عمر کی زیر صدارت این سی او سی اجلاس میں بھی سکول کھلے رکھنے کا فیصلہ کیا گیا۔ اسلام آباد میں منعقدہ اجلاس میں وفاقی وزیر تعلیم شفقت محمود سمیت دیگر وزرائے تعلیم نے شرکت کی۔ اجلاس میں اومی کرون کے بڑھتے پھیلائو پر مشاورت اور ویکسی نیشن کے عمل کو تیز کرنے پر اتفاق کیا گیا۔
این سی او سی اجلاس کے دوران ملک میں مارکیٹیوں ، شادی ہالز اور رش والی جگہوں پر ایس او پیز کے عملدرآمد کا بھی جائزہ لیا گیا، تعلیمی اداروں کو کھلا رکھنے پر غور کیا گیا جس کیلئے تازہ ترین ڈیٹا کے ساتھ کل اجلاس دوبارہ طلب کیا گیا ہے۔

اپوزیشن لیڈر سندھ حلیم عادل شیخ نے آئی جی سندھ اور ایڈیشنل آئی جی کراچی کو خط لکھا ہے جس میں انہیں دھمکی آمیز پیغامات ملنے کی تحقیقات اور مناسب سکیورٹی دینے کا مطالبہ کیا ہے۔
اپوزیشن لیڈر سندھ اسمبلی حلیم عادل شیخ نے دھمکی آمیز ویڈیو کے خلاف ارسال خط کی کاپیاں مختلف اداروں کو بھی بھیج دیں جن میں کہا گیا کہ کچھ روز قبل سوشل میڈیا گروپس پر دھمکی آمیز ویڈیو اپ لوڈ کی گئی تھی۔ پولیس بلٹ پروف جیکٹ، رائفل، پستول اور ہتھکڑیاں دکھائی گئی تھیں۔
ویڈیو میں پس پردہ شخص خود کو پولیس اہلکار ظاہر کر رہا ہے، حلیم عادل شیخ نے کہا کہ ظاہر کیا گیا کہ سندھ پولیس اہلکار مجھ سے ناراض ہیں۔ میں عوام پر پولیس کی زیادتیوں کو نمایاں کرتا ہوں اس لئے طنزیہ دھمکیاں دی گئیں۔ تاثر دیا گیا کہ جانی حملے کی کوشش کو پولیس اہلکار کی انتقامی کارروائی سمجھا جائے۔
خط میں مزید کہا کہ معاملے کی جلد از جلد تحقیقات کی جائیں تا کہ حقائق سامنے آئیں۔ گزشتہ ماہ واٹس ایپ پر غیرملکی نمبر سے دھمکی آمیز پیغامات بھی مل چکے۔ ایف آئی اے سائبر کرائم ونگ دھمکی آمیز پیغامات کے معاملے کی تحقیقات کر رہا ہے۔ خطرات کے باعث مناسب سکیورٹی فراہم کی جائے۔

وزیراعلیٰ سندھ مراد علی شاہ نے کراچی میں کرونا کے بڑھتے کیسز پر لاک ڈاؤن سے متعلق کوئی بھی اقدام این سی او سی کی ہدایت سے مشروط کردیا۔
کراچی میں میڈیا سے گفتگو میں وزیراعلیٰ سندھ نے کہا کہ شہر میں کورونا کیسز میں تیزی سے اضافہ ہورہا ہے، کل کراچی کی تاریخ میں سب سے زیادہ کیسز رپورٹ ہوئے لیکن حالات اس وقت قابو میں ہیں، ہم صورتحال پرنظر رکھے ہوئے ہیں۔
انہوں نے کہا کہ کورونا سےاموات میں اضافہ نہیں ہو رہا، کیسز میں اضافے کے باوجود ہسپتالوں میں دباؤ میں اضافہ نہیں ہوا اور وینٹی لیٹر پر مریضوں کی تعداد بھی کم ہے۔
مراد علی شاہ کا کہنا تھا کہ شہر میں لاک ڈاؤن سے متعلق فیصلہ این سی او سی کی ہدایات پرکیا جائے گا اور تعلیمی اداروں پر پابندیوں سےمتعلق ہماری نظریں این سی او سی پر ہیں، ملکی معیشت اس قابل نہیں ہے کہ پابندیاں لگائیں۔

این سی او سی نے بوسٹر ویکسین لگوانے کے لیے عمر کی حد میں کمی کردی۔
نیشنل کمانڈ اینڈ آپریشن سینٹر (این سی او سی) نے ملک میں انسداد کورونا کی بوسٹر ڈوز کے لیے عمرکی حد کم کرکے 18 سال کردی ہے جس کے بعد 15 جنوری سے 18 سال کی عمر کے افراد بوسٹر ویکسین لگوا سکتے ہیں۔
این سی او سی کا کہنا ہےکہ بوسٹرویکسین پہلی ویکسی نیشن مکمل ہونے کے6 ماہ بعد لگوائی جاسکتی ہے اور بوسٹر ویکسین لگوانے کا کوئی معاوضہ نہیں۔
حکومت نے انسداد کرونا کی بوسٹر ویکسین کی عمر کی حد کم کر کے 18 سال کر دی۔

شہزاد اکبر نے کہا ہے کہ شہباز شریف 10سال وزیراعلیٰ رہے، کاروبار کا بچوں سے کیسے پوچھیں؟ رمضان شوگر ملز شہباز شریف نے بنائی، بچوں نے نہیں، شہباز شریف کو عدالت میں جواب دینا چاہیے۔
مشیر برائے احتساب شہزاد اکبر نے لاہور میں نیوز کانفرنس کرتے ہوئے کہا کہ شہباز شریف نے لاہور ہائیکورٹ میں درخواست دائر کی تھی، انہوں نے جتنی درخواستیں دیں وہ مسترد ہوگئیں، شہباز شریف بینکنگ کورٹ اسلام آباد میں پیش نہیں ہوئے، شوگر کمیشن کی تحقیقات میں رمضان شوگر ملز کے بے نامی اکاؤنٹس سامنے آئے، شہباز شریف پارٹی سربراہ ہیں، انہوں نے آج تک سوالوں کا جواب نہیں دیا، شہباز شریف کا مؤقف ہے کاروباری معاملات کا بچوں سے پوچھا جائے، شہباز شریف وزیراعلیٰ نہیں ہوتے تو ان کے کاروبار میں اضافہ نہیں ہوتا، شہباز شریف جب وزیراعلیٰ ہوتے ہیں ان کے کاروبار میں اضافہ ہوتا ہے۔
شہزاد اکبر کا کہنا تھا کہ شہباز شریف کا شریک ملزم مسرور انور ان کے مالی معاملات دیکھتا تھا، شہباز شریف قوم کو بتائیں ان کے اکاؤنٹس میں رقوم کہاں سے آئیں ؟ نواز شریف نے آج تک اپنی میڈیکل رپورٹس جمع نہیں کرائیں، عدالت شہباز شریف کو حکم کرسکتی ہے کہ نواز شریف کو واپس لائیں۔

فواد چودھری نے کہا ہے کہ ن لیگ اور زرداری گروپ کا 2023 کا انتخاب آخری الیکشن ثابت ہوگا۔
وزیر اطلاعات و نشریات فواد چودھری نے سماجی رابطے کی ویب سائٹ پر ٹویٹ کرتے ہوئے کہا کہ پارلیمان میں اپوزیشن کو ایک بار پھر شکست کا سامنا کرنا پڑا، انشاللہ 2023 کے انتخابات میں یہ چہرے پارلیمان سے مکمل باہر ہوں گے۔ اُنہوں نے اپنے ٹویٹ میں شاکر شجاع آبادی کا شعر بھی لکھا توں شاکر آپ سیانا ایں۔۔ ساڈے چہرے پڑھ حالات نہ پچھ ۔

حمزہ شہباز نے کہا ہے کہ ایوان میں دیگر سیاسی جماعتوں کیساتھ مل کر تبدیلی لے کر آئیں گے، ان کا سیاسی جنازہ بڑی دھوم دھام سے نکلے گا۔
اپوزیشن لیڈر پنجاب اسمبلی و مسلم لیگ نون کے رہنما حمزہ شہباز نے میڈیا سے گفتگو کرتے ہوئے کہا کہ سٹیٹ بینک کو آئی ایم ایف کے حوالے کر دیا گیا، 2 روز قبل عمران نیازی نے کہا مہنگائی ہے تو حکومت کیا کرے، عمران نیازی کی بے حسی ختم ہونے کا نام نہیں لے رہی، عمران نیازی سے عوام کے زخموں پر مرہم رکھنے کیلئے 2 لفظ نہیں بولے جاتے۔
حمزہ شہباز کا کہنا تھا کہ قومی اسمبلی اجلاس میں ان کے حواری سوال اٹھا رہے تھے، ان کے حواری بھی جان گئے عوام میں کس منہ سے جائیں گے، ہم پر منی لانڈرنگ کے جھوٹے الزامات لگاتے تھے، ہم تو 4سال سے پیشیاں بھگت رہے ہیں، الیکشن کمیشن اسکروٹنی کمیٹی کی رپورٹ نے سب بے نقاب کر دیا، ایوان وزیراعلیٰ میں عثمان بزدار رشوت کے سودے خود کرتے ہیں۔
لیگی رہنما نے کہا کہ عمران نیازی ! اپنی آنکھوں کی پٹیاں کھولو،بنی گالاکی پہاڑی سےنیچےاترو، 22کروڑعوام بنی گالا کے محل میں نہیں رہ سکتے۔

شہباز شریف نے کہا ہے کہ عوام پی ٹی آئی کو ان کی زندگیاں مشکل بنانے پر معاف نہیں کرے گی، عوام اپنے ووٹ کی طاقت سے انہیں دفن کر دیں گے۔
قائد حزب اختلاف و صدر مسلم لیگ نون شہباز شیرف نے سماجی رابطے کی ویب سائٹ پر ٹویٹ کرتے ہوئے کہا کہ گزشتہ روز ملک کی پارلیمانی تاریخ کا ایک سیاہ دن تھا، پہلے ہی تاریخی مہنگائی کی زد میں آنے والے عوام پر منی بجٹ مسلط کر دیا گیا۔