All posts by Ayaz Chaudary

انارکلی دھماکے میں زخمی تین افراد کی حالت تشویشناک ہے،، شیراز، احمد اور فیصل انتہائی نگہداشت وارڈ میں زیرعلاج، ہیں، 9زخمی سرجیکل ٹاور میں زیرعلاج ہیں،، اٹھارہ زخمیوں کو ڈسچارج کر دیا گیا،، شہر کی فضا آج بھی سوگوار ہے، جائے وقوعہ پر جلی ہوئی موٹرسائیکلیں موجود ہیں جبکہ سامان بکھرا پڑا ہے.

لاہور انارکلی دھماکے میں ملوث مبینہ دہشت گرد کی تصویر منظر عام پر آ گئی، تفتیشی ٹیموں کو جائے وقوعہ سے بال بیرنگ بھی مل گئے، وقوعہ کا مقدمہ درج کر لیا گیا ہے۔
انارکلی دھماکے کے مبینہ دہشت گرد کی شناخت کر لی گئی، سہولت کاروں کی تصاویر بھی حاصل کرلی گئیں،، دو افراد نے پہلے ریکی کی،، حملہ آور اور سہولت کار انارکلی کے قریب اکٹھے ہوئے،، دہشت گرد موٹرسائیکل پر موقع پر آیا،، بیگ رکھا اور چار منٹ بعد دھماکا ہوگیا،، تحقیقات سی ٹی ڈی کے سپرد،،6مشکوک افراد کو حراست میں لے لیا گیا،،،
لاہور گذشتہ روز خوفناک دھماکے سے لرز اٹھا جس میں 3 افراد جاں بحق جبکہ 29 زخمی ہوئے۔ دھماکے میں ڈیڑھ کلو بارودی مواد استعمال کیا گیا۔ درج کی گئی ایف آئی آر میں دہشت گردی، ایکسپلوزوایکٹ سمیت 302 اور 324 کی دفعات لگائی گئی ہیں، متن کے مطابق تین دہشت گرد بارودی مواد رکھنے کیلئے موٹر سائیکل پر آئے، تفتیشی ٹیموں کو جائے وقوعہ سے بال بیرنگ مل گئے، مزید تفتیش جاری ہے۔

افغانستان کے عبوری وزیراعظم ملا حسن اخوند نے کہا ہے کہ عالم اسلام کے ممالک افغان طالبان حکومت کو تسلیم کریں۔

پریس کانفرس میں ملا حسن اخوند نے تمام ممالک اور بالخصوص اسلامی حکومت سے طالبان حکومت کو تسلیم کرنے کا مطالبہ کیا۔ ان کا کہنا تھا ہمیں سفارتی سطح پر تسلیم کیا جائے، اس کے علاوہ ہم کسی مدد کی ضرورت نہیں۔ طالبان نے امن اور سلامتی کو بحال کرکے تمام ضروری شرائط پوری کی ہیں۔

ملک بھر میں امریکی ڈالر کی قدر دوبارہ تیزی سے بڑھنے لگی، جبکہ پاکستان سٹاک مارکیٹ میں اُتار چڑھاؤ کے بعد بڑی مندی ریکارڈ کی گئی جس کے باعث سرمایہ کاروں کواربوں روپے کا نقصان برداشت کرنا پڑا۔
سٹیٹ بینک آف پاکستان کے اعداد و شمار کے مطابق رواں ہفتے کے تیسرے کاروباری روز کے دوران ایک مرتبہ پھر انٹر بینک میں امریکی ڈالر کی قیمت میں مسلسل دوسرے روز 4 پیسے کا اضافہ دیکھا گیا اور قیمت 176 روپے 18 پیسے سے بڑھ کر 176 روپے 22 پیسے ہو گئی ہے۔
دوسری طرف پاکستان سٹاک مارکیٹ میں اُتار چڑھاؤ کے باعث 673.98 پوائنٹس کی بڑی مندی ریکارڈ کی گئی اور 100 انڈیکس 44833.43 پوائنٹس کی سطح پر پہنچ کر بند ہوا، پورے کاروباری روز کے دوران کاروبار میں 1.48 فیصد کی تنزلی دیکھی گئی جبکہ 10 کروڑ 8 لاکھ 21 ہزار 487 شیئرز کا لین دین ہوا۔

وزیراعظم عمران خان نے اعلان کرتے ہوئے کہا ہے کہ کورونا وائرس کی نئی لہر آرہی ہے، کاروبار بند نہیں کریں گے، ایس اوپیزپرعمل کریں گے۔
نیشنل سمال اینڈ میڈیم انٹرپرائززپالیسی2021کا افتتاح کرتے ہوئے وزیراعظم نے کہا کہ نوجوانوں میں کچھ کرنے کا زیادہ جنون ہوتا ہے، حکومت کا کام نوجوانوں کے لیے آسانیاں پیدا کرنا ہے، چھوٹا کاروبارکرنے والوں کو بینک قرضے نہیں دیتے، حکومت کاروبارکرنے والوں کے لیے آسانیاں پیدا کررہی ہے۔ ایس ایم ایزسیکٹرکے لیے آسانیاں پیدا کی جارہی ہیں، بدقسمتی سے کسی نے چھوٹا کاروبارکرنے والوں کے لیے آسانیاں پیدا نہیں کی تھیں۔ خسروبختیاراوران کی پوری ٹیم کومبارکباد دیتا ہوں۔
انہوں نے کہا کہ ایس ایم ایزکی راہ میں تمام رکاوٹوں کودورکریں گے، ایس ایم ایزکوسہولیات دیں گے توجی ڈی پی میں اہم رول ادا کرسکتے ہیں، کاروبارکی راہ میں تمام مشکلات کوختم کریں گے، ریگولیشن،این اوسی جیسے مسائل کوکم کرتے جا رہے ہیں، انسپیکشن بھی پیسہ بنانے کا ایک طریقہ بن چکا، آن لائن چیزیں کرنے سے مشکلات کم ہوں گی۔
وزیراعظم نے کہا کہ ہماری حکومت نے جتنا چیلنج کسی حکومت کونہیں تھا، اقتدارسنبھالا توملک دیوالیہ ہونے کا خطرہ تھا، چین، سعودی عرب نے ہماری مدد کی، ملک کودیوالیہ ہونے سے بچایا تو صدی کا سب سے بڑا کورونا آ گیا، دنیا نے پاکستان کی کورونا پالیسی کو سراہا،۔
عمران خان کا کہنا تھا کہ ہم نے پاکستان میں ایکسپورٹ بڑھانے پر زورلگانا ہے۔ جوبھی محکمہ ایکسپورٹ کی راہ میں رکاوٹیں ڈالے گا ایکشن لیں گے، یہ نہیں ہو سکتا 22 کروڑ میں سے صرف 20 لاکھ لوگ ٹیکس دیں، سب کوٹیکس دینا ہوگا۔
کورونا سے بچے توعالمی سطح پرمہنگائی کی لہرآئی، ان تمام بحرانوں کا مقابلہ کیا، کورونا کے باوجود آج ریکارڈ ایکسپورٹ، ترسیلات زر، ریکارڈ ٹیکس اکٹھا کیا، جب اقتدار سنبھالا تو 8 ہزار ارب ٹیکس اکٹھا کرنے کا اعلان کیا تو بڑا مذاق اڑایا گیا، اس وقت 6 ہزارارب ٹیکس اکٹھا کر چکے ہیں۔

ان کا کہنا تھا کہ گندم، چینی، مکئی، چاول کی ریکارڈ پیداوار ہوئی، نظرآرہا ہے عالمی سطح پرمہنگائی ہوئی ہے، پاکستان کی تاریخ میں موٹرسائیکل، گاڑیوں، موبائل کی ریکارڈ فروخت ہوئی، مانتا ہوں مشکلات ہے، آنے والے دنوں میں بہتری آئے گی۔

وزیراعظم عمران خان نے پنجاب کے 5 شہروں میں اربوں روپے کے ترقیاتی منصوبے شروع کرنے کا فیصلہ کرلیا۔
وزیراعظم کی زیر صدارت شہروں کی ماسٹر پلاننگ سے متعلق اجلاس ہوا، وفاقی وزیر فواد چودھری، وزیر صنعت خسرو بختیار، وزیر منصوبہ بندی اسد عمر نے شرکت کی جبکہ گورنر پنجاب چودھری سرور، وزیر تعلیم شفقت محمود، وزیر اعلیٰ پنجاب عثمان بزدار نے ویڈیو لنک کے ذریعے اجلاس میں شرکت کی۔
ذرائع کے مطابق اجلاس کے دوران پنجاب کے پانچ بڑے شہروں میں اربوں روپے کے ترقیاتی منصوبوں شروع کرنے کا فیصلہ کیا گیا ہے،جن شہروں کیلئے فنڈز جاری ہوں گے ان میں لاہور، راولپنڈی ،فیصل آباد، گوجرانوالا اور ملتان شامل ہیں جبکہ وزیراعظم نے پانچوں شہروں کے ممکنہ میئرز کی تفصیلات طلب کر لیں۔

پاکستان مسلم لیگ (ن) کی ترجمان مریم اورنگزیب نے کہا ہے کہ نیب نیازی گٹھ جوڑ کے پاس نہ کوئی قانونی دلیل، ثبوت اور نہ ہی شرم ہے کہ قوم سے اپنے جھوٹ پر معافی مانگیں۔
اپنے بیان میں مریم اورنگزیب نے کہا کہ نیب نے اپنے آئیں بائیں شائیں کے پلندہ میں مریم نواز شریف کی درخواست میں بیان کردہ ایک نکتے، ایک واقعے اور ایک حقیقت کا بھی جواب موجود نہیں ہے جبکہ نیب عدالت پہلے ہی نواز شریف کے خلاف کرپشن کا ہر الزام مسترد کر چکی ہے، نیب نیازی گٹھ جوڑ کے پاس نہ کوئی قانونی دلیل، ثبوت اور نہ ہی شرم ہے کہ قوم سے اپنے جھوٹ پر معافی مانگیں، معیشت کی تباہی پر جس طرح عمران صاحب کورونا کے پیچھے چھپ گئے، ویسے ہی اب ہائی کورٹ میں نیب کورونا کے پیچھے چھپ گیا ہے ۔
ان کا کہنا تھا کہ پہلے نیب نے کہا کہ مقدمے کی کارروائی روز چلائیں لیکن اب نیب کو کرونا ہوگیا، عمران صاحب اور ان کے ٹاؤٹ بہانے نہ بنائیں اور ثبوت لائیں۔

آرمی چیف جنرل قمر جاوید باجوہ نے کہا ہے کہ علاقائی امن کے لیے بین الاقوامی شراکت داروں کے ساتھ تعاون کے لیے پرعزم ہیں۔
پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق آرمی چیف جنرل قمر جاوید باجوہ سے چینی سفیر نونگ رونگ کی ملاقات ہوئی، ملاقات کے دوران باہمی دلچسپی اور علاقائی سکیورٹی پر تبادلہ خیال کیا گیا۔
آئی ایس پی آر کے مطابق چینی سفیر نے پاک چین اقتصادی راہداری (سی پیک) منصوبوں کیلئے محفوظ ماحول کی فراہمی پر آرمی چیف کا شکریہ ادا کیا اور منصوبوں پر پیشرفت اور بروقت تکمیل پر اطمینان کا اظہار کیا۔
نونگ رونگ نے کہا کہ علاقائی استحکام کیلئے پاکستان کی کوششیں قابل تعریف ہیں۔

ملک میں کرونا کے وار تیز ہو گئے، مزید 5ہزار 472افراد وائرس کا شکار ہوئے،،
کرونا کیسز کے مثبت آنے کی شرح ساڑھے 9 فیصد تک پہنچ گئی، وائرس مزید 8 افراد کی زندگیاں بھی نگل گیا، ملک میں 908کرونا مریضوں کی حالت تشویشناک ہے، گزشتہ چوبیس گھنٹوں میں 57ہزار 669 ٹیسٹ کیے گئے، کرونا کے بڑھتے کیسز کے باعث سکول ہفتے میں تین دن کھولنے کی تجویز دی گئی ہے، اسلام آباد کے طلبا کی پڑھائی مکمل آن لائن کرنے کی بھی تجویز زیرغور ہے، والدین کو بچوں کی ویکسی نیشن ضرور کرانے کی ہدایت بھی کر دی گئی، این سی او سی کے اجلاس میں یہ فیصلہ بھی کیا گیا تھا کہ ‏ایس او پیز پر عمل درآمد نہ کرنے والے تعلیمی اداروں کو سیل کر دیا جائیگا،، تعلیمی اداروں میں سٹوڈنٹس و ٹیچرز کی لازمی ویکسینیشن کیلئے اقدامات پر بھی زور دیا گیا تھا۔

اداکار عمران عباس نے ساتھی اداکار احد رضا میر کی اپنی سالی صبور علی کی شادی میں موجود نہ ہونے کی وجہ پوچھنے والے مداح کو کھری کھری سنا دیں۔
عمران عباس سے ایک مداح نے پوچھا کیا آپ جانتے ہیں کہ احد رضا میر کیوں نہیں آئے صبور کی شادی پر؟۔ اداکار نے جواب میں لکھا کہ کیا آپ جانتے ہیں کہ آپ اپنے کام سے کام کیوں نہیں رکھتے؟۔ جتنا آپ لوگوں کی زندگی کے بارے میں سوچتے ہیں اگر اپنے بارے میں سوچتے تو کہیں کے کہیں پہنچ جائیں، اس لئے دوسرے کے بجائے اپنے بارے میں سوچیں۔