Category موسمییات

لاہور، اسلام آباد سمیت ملک کے مختلف شہروں میں بادل برس پڑے، آسمان سے برستی بوندوں نے موسم کا مزا دوبالا کر دیا، گلیات، مظفر آباد میں بارش اور برفباری نے نظارے حسین بنا دیئے،محکمہ موسمیات کی بارشوں اور برفباری کا سلسلہ جاری رہنے کی پیشگوئی۔
ملک کے بیشتر علاقوں میں موسم سرما کے رنگ، لاہور سمیت کئی شہروں میں رم جھم تو کہیں موسلادھار بارش سے موسم دلفریب ہوگیا، بادل برسنے سے جاڑے کی شدت بھی بڑھ گئی،راولپنڈی، صادق آباد، قصور، وہاڑی میں ابررحمت برسا، بہاولنگر، بورے والا، منچن آباد سمیت کئی علاقوں میں بھی بارش ہوئی، گوادر میں بادل خوب برسے، موسلا دھار بارش سے سڑکیں زیر آب آگئیں، خیبرپختونخوا کے مختلف علاقوں میں بھی بارشوں کا سلسلہ جاری ہے،گلیات، ایوبیہ، ڈنگا گلی، چھانگہ گلی میں آسمان سے گرتی برف نے نظارے حسین بنا دیئے،، وادی نیلم، مظفرآباد، کالام، مالم جبہ میں برفباری سے موسم دلفریب ہوگیا، موسم کا حال بتانے والوں نے ملک کے اکثر علاقوں میں بارشوں اور پہاڑی علاقوں میں مزید برفباری کی پیشگوئی کر دی۔

بارشیں برسانے والا مغربی ہواؤں کا نیا سسٹم بلوچستان میں داخل ہوگیا جس سے کراچی سمیت ملک کے مختلف شہروں میں بارش متوقع ہے۔
محکمہ موسمیات کے مطابق نئے سسٹم کے تحت آئندہ 24 گھنٹوں کے دوران کوئٹہ، ہرنائی، کوہلو، ژوب، بارکھان، زیارت، پشین، گوادر اور لسبیلہ سمیت بیشتراضلاع میں بارش کا امکان ہے۔
محکمہ موسمیات کا کہنا ہے کہ شمالی بلوچستان سے ملک میں آنے والا سسٹم وسطی اوربالائی سندھ میں بھی داخل ہوگا جس کے باعث 7جنوری تک کراچی اور حیدرآباد سمیت سندھ کےبیشتراضلاع میں بارش متوقع ہے۔
محکمہ موسمیات کےمطابق پشاور سمیت خیبرپختونخوا کے بیشتر اضلاع میں بھی کل سے بارشوں کا نیا سلسلہ شروع ہونے کا امکان ہے ۔

موسم کا حال بتانے والوں نے ملک کے اکثر علاقوں میں موسم خشک رہنے کی پیشگوئی کی ہے، بلوچستان میں بارش اور پہاڑوں پر برفباری کا امکان ہے۔
محکمہ موسمیات کے مطابق آج ملک بھر میں موسم خشک اور بالائی علاقوں میں سرد رہے گا، خیبرپختونخوا اور گلگت بلتستان کے کئی علاقوں میں درجہ حرارت نقطہ انجماد سے بھی نیچے رہے گا۔
بلوچستان میں کوئٹہ، گوادر، قلات اور چمن میں بارش اور پہاڑوں پر برفباری کا امکان ہے۔

محکمہ موسمیات نے آئندہ ہفتے کراچی میں موسم سرما کی دوسری بارش کی پیش گوئی کردی،
چیف میٹرولوجسٹ محکمہ موسمیات سردار سرفراز کے مطابق کراچی میں 5 اور6 جنوری کو موسم سرماکی دوسری بارش کا امکان ہے اور اس سے قبل 4جنوری سے شہر میں بونداباندی بھی ہوسکتی ہے،سردار سرفراز نے بتایا کہ کراچی میں گرج چمک کے ساتھ درمیانی اور کہیں تیز بارش کا امکان ہے جب کہ بارش کا نیا مغربی سسٹم 31دسمبرکوبلوچستان سے ملک میں داخل ہوگا،چیف میٹرولوجسٹ کے مطابق کراچی میں 3 جنوری تک سرد ہوائیں چلتی رہیں گی، اس دوران دن کے وقت مطلع صاف اور رات میں سرد رہنے امکان ہے جب کہ شہر کا کم سےکم درجہ حرارت 10 سے 12 ڈگری تک رہ سکتا ہے۔

عالمی انڈیکس میں پاکستان کے آلودہ ترین شہروں میں میرپورخاص کا نام سرفہرست آیا تو ماہرین کے ساتھ شہری بھی چونک گئے،
ماہرین نے کچرا جلانے کا دھواں، رہائشی علاقوں میں مویشی باڑے اور ٹوٹی سڑکوں کے باعث مسلسل اڑتے گرد و غبار کو آلودگی کی اہم وجوہات قرار دیا،جبکہ شہری بھی اس صورت حال پر تشویش میں مبتلا ہیں،ماحولیاتی ماہرین کا کہنا ہے کہ آلودگی کی اہم وجوہات کا فوری تدارک نہ کیا گیا تو آئندہ سالوں میں صورت حال مزید پریشان کن ہو سکتی ہے،

شمال مشرقی برازیل میں شدید بارشوں سے دو ڈیم ٹوٹ گئے، متاثرہ علاقوں میں سیلاب کا خطرہ پیدا ہو گیا ہے۔
حکومت نے اتمبے کے تمام رہائشیوں کو دریائے ویروگا کے کنارے سے فوری طور پر انخلاء کرنے کی ہدایت کی ہے، برازیل کے 50سے زائد شہر نومبر سے اب تک شدید بارشوں سے متاثر ہیں۔
بارشوں سے آئے سیلاب سےکم از کم 18افراد ہلاک اور 16ہزار سے زائد بے گھر ہو چکے ہیں۔

سردی کی شدید لہر نے چین کو لپیٹ میں لے لیا، وسطی اور مشرقی علاقوں میں برفباری کے سبب معمولات زندگی بری طرح متاثر ہو گئے۔
برفباری کے باعث ٹریفک کی آمدو رفت متاثر ہوئی، بعض مقامات پر پبلک ٹرانسپورٹ کو روکنا پڑا، صوبہ شیندونگ میں محکمہ موسمیات نے “ییلو الرٹ” جاری کردیا، شہریوں کو گھروں سے باہر نکلتے وقت احتیاطی تدابیر اپنانے کی ہدایت کر دی گئی۔
آئندہ چند روز میں مزید برفباری اور بارشوں کی پیش گوئی بھی کی گئی ہے۔

جبکہ کراچی میں گرج چمک کے ساتھ بادل برسے، جس کے بعد موسم سرد ہو گیا۔ محکمہ موسمیات نے کراچی میں مزید بارش کا امکان ظاہر کیا ہے۔
کراچی میں موسم سرما کی پہلی بارش ہوئی، جس کے باعث سردی کی شدت میں اضافہ ہوگیا، گلشن حدید، سرجانی ٹاؤن، یونیورسٹی روڈ، جناح ٹرمینل، نارتھ کراچی، سعدی ٹاؤن، فیصل بیس اور اورنگی ٹاؤن میں کہیں تیز اور کہیں ہلکی بارش ہوئی۔ محکمہ موسمیات کے مطابق ہلکی بارش کا سلسلہ وفقے وقفے سے جاری رہے گا۔
محکمہ موسمیات کا بتانا ہےکہ شہر میں کل دوپہر تک وقفے وقفے سے بارش ہوسکتی ہے جبکہ بلوچستان کی ساحلی پٹی پر تھنڈرسیلز موجود ہیں جو کراچی کی جانب بڑھ رہے ہیں، یکم جنوری سے ملک میں اچھی بارش ہونے کی توقع ہے، بارش اور برفباری لانے والی ہواؤں کا تسلسل آتا رہےگا۔

گلیات میں بارش اور برفباری کے بعد سردی میں اضافہ ہوگیا۔ آزاد کشمیر میں بھی برفباری اور بارش کا سلسلہ جاری ہے، رابطہ سڑکیں بند ہو گئیں۔
ملکہ کوہسار مری میں بھی برفباری نے رنگ جما دیا۔ آسمان سے چاندی برستے ہی سیاحوں کی بڑی تعداد نے مری کا رخ کیا اور خوب انجوائے کرتے دکھائی دیئے۔
آزاد کشمیر کے علاقے باغ میں بھی بارش اور برفباری کا سلسلہ جاری ہے۔ تیز بارش اور برفباری کے باعث معمولات زندگی متاثر ہے، دفاتر میں حاضری کم، باغ کے بالائی علاقے تولی پیر، لسڈنہ، حاجی پیر اور گنگا چوٹی کی رابطہ سڑکیں مکمل بند ہوگئیں۔
سوات، مالم جبہ، مہوڈنڈ، کالام، گبیں جبہ میں دوسرے روز بھی وقفے وقفے سے برف باری جاری ہے، ہر طرف سفیدی چھا گئی، کالام میں درجہ حرارت منفی چارڈگری سینٹی گریڈ تک گر گیا۔ سوات میں برف باری سے ہرطرف سفیدی چھاگئی۔

محکمہ موسمیات نے شہر قائد میں ہلکی بارش اور سردی کی شدت میں اضافے کا امکان ظاہر کیا ہے۔
ڈائریکٹر محکمہ موسمیات کے مطابق مغربی سسٹم 25دسمبر کو ملک میں داخل ہو سکتا ہے، اس سسٹم کے تحت کراچی میں 26اور 27دسمبر کو ہلکی بارش کا امکان ہے۔
محکمہ موسمیات کا کہنا ہے کہ کراچی 28 دسمبر سے سردی کی لہر کی لپیٹ میں رہے گا اور اس دوران درجہ حرارت 9سے 10ڈگری سینٹی گریڈ تک رہ سکتا ہے۔
ڈائریکٹر محکمہ موسمیات کا یہ بھی کہنا ہے کہ جنوری کے پہلے ہفتے بھی شہر میں سردی کی لہر برقرار رہے گی۔