Category دلچسپ و عجیب

لاہور: (نیٹ نیوز/ایمرا نیوز) سنگاپور میں فیسٹیول کے موقع پر روایتی لالٹین شو کا انعقاد کیا گیا جس سے شہر رنگ برنگی روشنیوں سے جگمگا اُٹھا۔

سنگاپور میں فیسٹیول کے موقع پر روایتی لالٹین شو کا انعقاد کیا گیا جس سے شہر رنگ برنگی روشنیوں سے جگمگا اُٹھا۔ سنگاپور میں چینی کمیونٹی اور سنگاپور کی انتظامیہ کی جانب سے فیسٹیول کے موقع پر منعقد ہونیوالے اس سالانہ لالٹین شو میں مختلف مقامات کو رنگ برنگی دیو ہیکل لالٹینوں سے سجایا گیا جس نے نہ صرف شہر کی خوبصورتی میں چار چاند لگا دیئے بلکہ دیکھنے والوں کو بھی مبہوت کر دیا۔

فیسٹیول کے دوران مختلف سرگرمیوں کا بھی اہتمام کیا جا رہا ہے۔ ہر سال کی طرح اس سال بھی منعقد کئے جانیوالے اس روایتی شو کو دیکھنے کیلئے سینکڑوں افراد یہاں کا رُخ کر رہے ہیں۔

جدہ: (نیٹ نیوز/ایمرا نیوز) سعودی عرب میں ہزاروں مگ کیک سے ایک خوبصورت موزائیک بنایا گیا جسے گنیزبک آف ورلڈ ریکارڈ نے دنیا میں مگ کیک کا سب سے بڑا ڈیزائن قرار دیا ہے۔
سعودی عرب کے قومی دن کے حوالے سے جدہ کے مشہور الاُندلس مال میں اس کا عملی مظاہرہ کیا گیا۔ اس ضمن میں ’’بیٹی کروکر ‘‘ کمپنی نے اپنے مگ کیک پیش کئے۔

کمپنی کے مطابق کل 19,600 مگ کیک اس میں استعمال ہوئے اور انہیں سجا کر 112 مربع فٹ وسیع ایک موزائیک نما ڈیزائن بنایا گیا جسکی تصدیق خود گنیز بک آف ورلڈ ریکارڈ نے بھی کی اسے بنانے کیلئے 30 کے قریب شیفس نے مسلسل 8 گھنٹے تک کام کیا تھا۔

برطانیہ میں ایک خصوصی ایونٹ کا انعقاد بھی کیا گیا جس میں مختلف ممالک سے تعلق رکھنے والے پروفیشنل ببل آرٹسٹ سمیت مختلف شعبہ ہائے زندگی سے تعلق رکھنے والے سینکڑوں نوجوانوں، خواتین، بچوں اور بوڑھوں نے شرکت کی۔

300سے زائد افراد نے پانی کے بلبلے بنا کر عالمی ریکارڈ قائم کردیا
اس دوران 318افراد نے بیک وقت پانی کے بلبلے بنا کر فضاء میں اْڑائے اور عالمی ریکارڈ قائم کرڈالا۔

اس سے قبل یہ ریکارڈ 250افراد نے بیک وقت بلبلے بنا کر قائم کیا۔

کرم ایجنسی:(نیٹ نیوز/ایمرا نیوز) خیبرپختونخوا کے ضلع کرم ایجنسی میں افغان سرحد کے قریب گاؤں پیواڑ میں پاگل کتوں نے 18 افراد کو کاٹ لیا، جن میں سے چار شدید زخمیوں کو پشاور منتقل کردیا گیا۔
اسپتال ذرائع اور مقامی انتظامیہ کے مطابق 4 پاگل کتوں کا ایک غول اپر کرم کے علاقہ پیواڑ کے رہائشی افراد پر اچانک حملہ آور ہو گیا۔
پاگل کتوں نے ایک خاتون سمیت 14 افراد کو کاٹ کر زخمی کردیا، زخمیوں میں زیادہ تر بچے شامل ہیں۔
زخمی ہونے والے بچوں نے بتایا کہ انہوں نے چار کتوں کو گاؤں کی طرف آتے دیکھا، جنہوں نے دیکھتے ہی دیکھتے اُن پر حملہ کرکے زخمی کردیا۔
بعد ازاں مقامی نوجوانوں نے فائرنگ کرکے چاروں کتوں کو ہلاک کردیا۔
زخمیوں کو ڈسٹرکٹ ہیڈ کوارٹر اسپتال پارا چنار منتقل کیا گیا لیکن کتے کے کاٹے کی ویکسین نہ ہونے کی وجہ سے متاثرہ افراد کو شدید مشکلات کا سامنا کرنا پڑا۔
بعدازاں چار شدید زخمیوں کو علاج کے لیے پشاور منتقل کردیا گیا۔
ڈی ایچ کیو اسپتال کے ڈاکٹر محب اللہ جان کا کہنا تھا کہ کتوں نے زیادہ تر افراد کو ہاتھوں اور چہروں پر کاٹا ہے۔

روس(نیٹ نیوز/ایمرا نیوز) روس کی 26 سالہ لڑکی کرسٹینا کریاگینا ایسے مرض میں مبتلا ہیں جس میں وہ کھانا نہیں کھا سکتیں جس کی وجہ سے ان کا وزن 17 کلو تک رہ گیا۔
روس کے شہر برنول سے تعلق رکھنے والی کرسٹینا نے ہائی اسکول کے زمانے سے ہی کھانا پینا چھوڑ دیا تھا اور وقت گزرنے کے ساتھ کمزور ہوتی چلی گئیں اور اب ان کا وزن 4 سال کے بچے کے برابر ہے۔

26 سالہ کرسٹینا سیب کی چند قاشوں (ترکوں) اور تھوڑے سے کیلے پر زندہ ہیں اور گزشتہ کئی سالوں سے ان کی یہی خوراک ہے تاہم رواں سال سے انہوں نے معمولی خوراک کھانا شروع کی ہے۔
کرسٹینا ‘اینوریکزیا مرض میں مبتلا ہیں جس میں مریض کھانا پینا چھوڑ دیتا ہے جس کی وجہ سے اس کا وزن گھٹنا شروع ہوجاتا ہے۔
ڈاکٹر کے مطابق کرسٹینا کو صحت یاب ہونے کے لیے اپنے رویے میں تبدیلی لانی ہوگی اور ریکوری کے لیے خود کو کھانے کی جانب مائل ہونا پڑے گا۔
یاد رہے کہ ‘اینوریکزیا دماغی بیماری ہے جس میں مریض کھانا پینا چھوڑ دیتا ہے اور اس کا علاج ذہنی تھراپی اور مریض کو کھانے کے لیے مائل کرنا ہی ہے۔
اینوریکزیا میں مبتلا ایسے مریض جو اپنا علاج نہیں کراتے وہ ڈپریشن یا پھر اعضا کی کمزوری میں مبتلا ہوجاتے ہیں۔اینوریکزیا کے مریض اکثر کیسز میں خوراک کی کمی یا کچھ نہ کھانے کی عادت کی وجہ سے زندگی سے ہاتھ بھی دھو بیٹھتے ہیں۔

لاہور: (نیٹ نیوز/ایمرا نیوز) یوں تو آپ نے کئی منچلوں کو کرتب پیش کرتے اور ٹرمپولین پر اُچھلتے ہوئے دیکھا ہی ہو گا لیکن جناب انسان ہی نہیں جانور بھی کرتب دکھانے کے شوقین ہیں۔
یقین نہیں تو ویڈیو میں نظر آنیوالے اس ریکون کو ہی دیکھ لیں جو نہ صرف نو منزلہ عمارت کی دیوار پر چڑھ گیا بلکہ عمارت سے زمین پر ایسی چھلانگ لگائی کہ دیکھنے والے حیران رہ گئے ۔یہ مناظر امریکی ریاست نیوجرسی میں دیکھے گئے جب ایک شرارتی ریکون عمارت کی دیوار پر چڑھا اور پھر چہل قدمی کا شوق پورا کرنے کے بعد سیدھا نیچے زمین پر چھلانگ لگائی اور بھاگ نکلا۔

بھارت میں ایک اسپتال ایسا ہے جہاں موم بتی کی روشنی میں اور بعض اوقات اندھیرے میں مریض دیکھے جاتے ہیں۔

بھارتی ریاست اڑیسہ میں واقع ایک سرکاری اسپتال برسوں سے بجلی کی عدم دستیابی، کم والٹیج اورجنریٹر نہ ہونے جیسی مشکلات کا شکار ہے۔

اس اسپتال میں موجود ڈاکٹرز تشویشناک حالت میں لائے گئے مریضوں کا بھی اندھیرے میں علاج کرنے پر مجبور ہیں۔اکثر اوقات تو مریض کے ساتھ آنا والا اپنے ساتھ خود موم بتیاں اٹھا لاتا ہے ۔

موم بتی کی روشنی میں علاج کرنے والا اسپتال
ڈاکٹرز کئی برسوں سے بجلی کی فراہمی کا مطالبہ کر رہے ہیں۔ایک ڈاکٹر کا کہنا ہے کہ میں اس اسپتال میں روزانہ 200 کے قریب مریض دیکھتا ہوں، یہاں بجلی کی فراہمی کا بہت بڑا مسئلہ ہے، مریض جب میرے پاس آتا ہے تو بجلی نہ ہونے کی صورت میں مجھے مجبوراً اسے اندھیرے میں ہی دیکھنا پڑتا ہے۔

انہوں نے کہا کہ اگر بجلی موجود بھی ہوتی ہے تو والٹیج انتہائی کم آتے ہیں کہ ہماری مشینیں کام نہیں کرتیں۔ کم یا زیادہ والٹیج آنے کی صورت میں مشینیں خراب بھی ہوتی جا رہی ہیں۔

بیماریوں کے اس دور میں اسپتال آنے والے مریضوں کی تعداد بڑھتی جارہی ہے جبکہ ڈاکٹروں کی کمی کا سامنا ہے۔

مریضوں کی صحت کی خاطر وہاں موجود ڈاکٹرز حکومت سے اسپتال پر توجہ دینے، اور بجلی کی عدم دستیابی کے موقع پر ایمرجنسی لائٹوں اور جنریٹر مہیا کرنےکا مطالبہ کرتے نظر آرہے ہیں۔

نیویارک(نیٹ نیوز/ایمرا نیوز) امریکی شہر لاس اینجلس کی ایلی کیلی نامی 24 سالہ اس لڑکی نے گزشتہ 5 سال میں اپنے جسم میں تبدیلیاں لانے پر 25 ہزار ڈالر یعنی تقریباً 30 لاکھ پاکستانی روپے خرچ کئے ہیں اور یہ سن کر آپ دنگ رہ جائیں گے کہ اس نے اپنی زبان بھی کٹوا کر سانپ کی طرح دو شاخی بنوا رکھی ہے۔

کیلی کا کہنا تھا میں بچپن سے ہی گنیز بک آف ورلڈ ریکارڈ میں اپنا نام درج کروانے والے لیزرڈ مین سے متاثر تھی جس نے اپنے جسم میں باقی تبدیلیاں کروانے کیساتھ ساتھ اپنی زبان بھی دوشاخی بنوا رکھی تھی۔
چنانچہ شروع سے ہی میری خواہش تھی کہ میں اس جیسی بنوں اس کیلئے میں نے 18سال کی عمر سے ہی سرجری کروانا شروع کر دی تھی۔

سیئول، کوریا:(نیٹ نیوز/ایمرا نیوز) جنوبی کوریا کے باشندے اندھادھند کام کرکے شدید تناؤ اور بیماریوں کے شکار بن رہے ہیں۔ اب ان کے کندھوں سے ذمہ داریوں کا بوجھ ہلکا کرنے کےلیے ایک خاص جیل بنائی گئی ہے جسے ’انسائڈ می‘ کا نام دیا گیا ہے۔
یہ جیل جنوبی کوریا کے علاقے ہونگ چیون میں قائم کی گئی ہے جہاں موسمِ گرما کی چھٹیوں میں کئی لوگ سکون کی خاطر آتے ہیں۔ انسائیڈ می جیل ایک سابق وکیل کوون یونگ سوئک نے 2008 میں بنائی تھی، یہ جگہ ان لوگوں کےلیے ہے جو ہر ہفتے 100 گھنٹے کام کرنے کے بعد ’شدید تھکن‘ کے شکار ہوجاتے تھے۔
اس گھبراہٹ اور تناؤ کے باوجود وہ اپنی ملازمت نہیں چھوڑ سکتے تھے لیکن انہیں اچانک خیال آیا کہ کیوں نہ ایک ہفتہ ایسی جگہ گزارا جائے جہاں باس نہ ہو، نہ ہی سگریٹ اور شراب نوشی ہو اور کام نہ کیا جائے۔ اسی خیال کے تحت انہوں نے سکون آور جیل تعمیر کی۔
جیل میں اب تک 2000 افراد آچکے ہیں جن میں سے کچھ ایک دن اور بعض سات دن تک رہے۔ ان میں ہر طرح کے ملازمین، بڑے اداروں کے سربراہان، طلبا و طالبات کے علاوہ گھریلو خواتین بھی شامل ہیں۔ یہاں 28 کمرے ہیں اور مراقبے کےلیے کئی پروگرام اور رہنما کتب بھی رکھی گئی ہیں۔
ہر کمرے میں ضروری اشیا کے علاوہ ڈائری، یوگا چٹائی اور ہنگامی حالت میں خبردار کرنے والا بٹن بھی ہے۔ یہاں آنے والے 50 سالہ شخص نے کہا کہ پہلے وہ لوگوں سے عداوت اور عدم اعتماد رکھتے تھے لیکن یہاں وقت گزارنے کے بعد تمام منفی خیالات ختم ہوگئے۔
جنوبی کوریا کے دارالحکومت سے 100 کلومیٹر دور واقع اس جیل کا ہر کمرہ 6 مربع میٹر وسیع اور کوٹھری نما ہے جہاں اکثر وقت گزارا جاتا ہے ۔ یہاں موبائل فون لانا منع ہے اور دروازے اندر سے بند کیے جاسکتے ہیں۔ لوگ ساتھ مل کر بھی وقت گزارتے ہیں جبکہ کتابیں پڑھنے کی اجازت ہے اور زیادہ تر وقت مراقبہ کرایا جاتا ہے۔
واضح رہے کہ جنوبی کوریائی لوگ پوری دنیا میں فی سال سب سے زیادہ کام کرنے والی تیسری بڑی قوم ہیں۔

قطر کے شاہی خاندان نے دنیا کا مہنگا اور پر آسائش ترین بوئنگ 747-8 جیٹ ترکی کو تحفے میں دے دیا،اس بزنس کلاس طیارے میں 76مسافروں اور 18کیبن کرو کیلئے سیٹس موجود ہیں۔

دنیا کی ہر سہولت سے آراستہ اس کشادہ اور پرآسائش طیارے کی اندرونی سجاوٹ سونے اور نیلے رنگ کے امتزاج سے کی گئی ،طیارے میں پرآسائش بیڈرومز،کاروباری سرگرمیوں کے لیے میٹنگ رومز اور آٹھ باتھ رومز بنائے گئے ۔