Category سیاست

اسلام آباد: وفاقی وزیر میاں جاوید لطیف نے کہا ہے کہ نوازشریف انتخابی مہم کیلئے نہیں انتخابی تحریک کیلئے آرہے ہیں، قاضی فائز عیسیٰ کے ہوتے ہوئے کوئی واٹس ایپ پر کمیشن نہیں بنے گا،9 اور 10کے واقعات میں ملوث افراد کے ساتھ رعایت نہیں برتی جاسکتی، اسلام آباد میں پریس کانفرنس کرتے ہوئے وفاقی وزیر جاوید لطیف نے کہا کہ9 اور 10کے واقعات میں ملوث افراد کے ساتھ رعایت نہیں برتی جاسکتی، پی ٹی آئی کارکنوں کی ذہن سازی کی ، 9مئی کو شرپسندوں ریاستی اداروں کو نشانہ بنایا، ایک شخص جس کا نام عمرانخان ہے اس کی منصوبہ سازی بری طرح ناکام ہو گئی، نواز شریف نے اپنے دور میں بجلی کے پلانٹ لگائے ، لوڈ شیڈنگ کا خاتمہ کیا لوگوں کو اب بھی نواز شریف سے امید ہے کہ وہ آئیں گے اور ملک کو اندھیروں سے نکالیں گے ، نواز شریف نے ملک کو سی پیک دیا لیکن بدقسمتی سے پی ٹی آئی حکومت نے اس منصوبے کو روک دیا ، سی پیک لانے والے کے ساتھ جو سلوک کیا گیا وہ پوری قوم نے دیکھا،پندرہ سال کا بچہ نہیں جانتا کہ سی پیک گیم چینجر تھا، 2013میں ملک میں بیروزگاری، بدامنی تھی نواز شریف نے آکر بیروگازری کو ختم کیا، نواز شریف اپنے دور میں مہنگائی کو 4فیصد پر لائے، ملک انڈسٹری لگائی، انہوں نے کہا کہ نوازشریف انتخابی مہم کے لیے نہیں انتخابی تحریک کے لیے آرہے ہیں، اس مرتبہ الیکشن میں سندھ میں بھی مسلم لیگ ن کامیاب ہوگی۔ نوازشریف سے ہی امید ہے کہ وہ ملک کو اس بھنور سے نکالیں گے۔ عوام نے نوازشریف کو دو تہائی اکثریت دی تو ملک کو ناقابل تسخیر بنا کر دکھایا، نوازشریف اپنے دور میں مہنگائی 4 فیصد پر لائے، انڈسٹری لگائی۔جاوید لطیف نے کہا کہ نوازشریف نے پاکستان کو سی پیک دیا، پندرہ سال کا بچہ نہیں جانتا کہ سی پیک گیم چینجر تھا، سی پیک لانے والے نوازشریف کے ساتھ کیا سلوک کیا گیا۔انہوں نے مزید کہا کہ لوگوں کو امید ہے کہ نوازشریف آئیں گے اور خوشحالی لائیں گے، ووٹ کی عزت صرف ووٹ ڈالنا نہیں نتائج تسلیم کرنا ووٹ کی عزت ہے۔جاوید لطیف کا کہنا ہے کہ نوازشریف کی قیادت میں وہ پاکستان ملے گا جہاں مہنگائی نہیں ہوگی۔اْن کا کہنا تھا کہ قاضی فائز عیسیٰ کے ہوتے ہوئے کوئی واٹس ایپ پر کمیشن نہیں بنے گا، ان کی تعیناتی سے جو بے یقینی کی فضا تھی وہ ختم ہو گئی ہے

اسلام آباد:پی ٹی آئی کے رہنما اسد عمر نے کہا ہے کہ آئین کے اندر لکھا ہے کہ الیکشن ہونے چاہئیں، تحریک انصاف کی الیکشن کی تیاری مکمل ہے جب بھی عام انتخابات کا اعلان ہوا تو ہماری پارٹی تیار ہے۔ڈسٹرکٹ اینڈ سیشن کورٹ اسلام آباد میں پیشی کے موقع پر اسد عمر سے صحافی نے سوال کیا کہ آپ پی ٹی آئی کے ٹکٹ پر الیکشن لڑیں گے یا کسی اور پارٹی سے۔ جس پر انھوں نے جواب دیا کہ ’’ٹکٹ ملے گا تو ضرور لڑیں گے‘‘۔ اسد عمر کے جواب میں ابہام باقی رہ گیا، ان کے ٹکٹ ملنے سے مراد پی ٹی آئی کا ٹکٹ ہے یا کسی اور جماعت کا ٹکٹ مراد لیا جائے۔ میڈیا سے گفتگو میں اسد عمر کا مزید کہنا تھا کہ آئین کے اندر لکھا ہے کہ الیکشن ہونے چاہئیں۔تحریک انصاف کی الیکشن کی تیاری مکمل ہے جب بھی عام انتخابات کا اعلان ہو تو ہماری پارٹی تیار ہے۔ان کا کہنا تھا کہ کراچی میئر کا الیکشن ہو یا آزاد کشمیر کا الیکشن سب پر تحفظات موجود ہیں تمام ہی پارٹیوں نے تحفظات کا اظہار کیا ہے۔ الیکشن کمیشن نے شفاف الیکشن کی راہ ہموار نہ کی تو ماضی کے انتخابات میں جو مسائل درپیش آئے وہی مستقبل میں بھی ہوں گے۔ الیکشن ہونے کے بعد لوگ کہیں گے کہ دھاندلی ہوگئی۔تھانہ مارگلہ میں درج مقدمہ میں اسد عمر ڈسٹرکٹ اینڈ سیشن کورٹ اسلام آباد میں پیش ہوئے عدالت نے حکم دیا کہ چیئرمین پی ٹی آئی کے کیسز پر جوڈیشل کمپلکس میں سماعت ہو گی آپ بھی وہاں پیش ہوں۔عدالت نے اسد عمر سمیت دیگر ملزمان کو بھی جوڈیشل کمپلکس پیش ہونے کی ہدایت کردی۔۔۔۔۔۔۔

اسلام آباد:اسلام آباد ہائی کورٹ کے جسٹس بابر ستار نے سابق چیف جسٹس ثاقب نثار کے بیٹے کی پارلیمانی کمیٹی میں طلبی کیخلاف کیس کی سماعت کرتے ہوئے اٹارنی جنرل کو 4 ہفتوں میں جواب جمع کرانے کی ہدایت کردی۔ تفصیلات کے مطابق عدالت نے کچھ سوالات اٹھائے تھے انکے جوابات کے لیے آپکو بلایا ہے۔عدالت کا اٹارنی جنرل سے مکالمہ ،عدالت کا اٹارنی جنرل سے استفسار،کہا آپ کو عدالتی سوالات کے جواب دینے میں کتنا وقت چاہیے ہوگا۔عدالت نے ریماکس میں کہا آپ کو چار ہفتے کا ٹائم دیتے ہیں کچھ قانونی نکات ہیں ان پر آپکی معاونت چاہیے ہوگی۔ اٹارنی جنرل نے کہا وفاقی حکومت نے مبینہ آڈیو لیکس کے معاملے پر کمیشن قائم کیا۔عدالت نے جو سوالات اٹھائے وہ سپریم کورٹ کے سامنے بھی ہیں،سپریم کورٹ نے بھی ان سوالات پر فیصلہ سنانا ہے۔جسٹس بابر ستار نے ریماکس دئیے آپ ہمارے پانچ سوالات پر ہی معاونت کریں ،معاملہ بالآخر سپریم کورٹ میں ہی جانا ہے ، ہوسکتا ہے ہم کوئی فیصلہ دیں تو وہ سپریم کورٹ کے لیے معاونت ہو۔اسلام آباد ہائیکورٹ نے اٹارنی جنرل کو چارہفتوں میں جواب جمع کرانے کی ہدایت کردی۔ عدالت نے نے ہدایت دیتے ہوئے کہا کہ اٹارنی جنرل جواب کی کاپیاں فریقین کو بھی فراہم کریں۔سابق چیف جسٹس کے بیٹے کی خصوصی کمیٹی میں طلبی کیخلاف حکم امتناع میں توسیع کردی گئی۔بعدازاں عدالت نے درخواست پر سماعت 16 اگست تک ملتوی کردی۔۔۔۔۔

اسلام آباد: پی سی بی کی منیجمنٹ کمیٹی کے چیئرمین نجم سیٹھی نے اپنا عہدہ بچانے کیلئے وزیراعظم شہباز شریف سے ایک اور ملاقات کی ۔ملاقات میں کرکٹ بورڈ کے آئندہ انتخابات سمیت دیگر امورسے متعلق تبادلہ خیال کیا گیا ۔ ذرائع کے مطابق نجم سیٹھی چیئرمین پی سی بی کا عہدہ بچانے کیلئے متحرک ہوگئے ہیں اور اس سلسلے میں وزیراعظم شہباز شریف سے ملاقات کرکے مدد مانگ لی ۔ ملاقات کے دوران کرکٹ بورڈ کے آئندہ انتخابات سے متعلق بھی تبادلہ خیال کیا گیا ۔ نجم سیٹھی نے چیئرمین پی سی بی کا عہدہ بچانے کیلئے وزیراعظم سے مدد مانگ لی ہے ۔ ذرائع نے بتایا ہے کہ آصف علی زرداری نجم سیٹھی کے چیئرمین پی سی بی بننے پر راضی نہیں ہیں اس حوالے سے شہباز شریف نے نجم سیٹھی کو جلد آصف زرداری سے ملاقات کرکے اس معاملے پر پر بات کرنے کی یقین دہانی کرادی ۔

اسلام آباد : استحکام پاکستان پارٹی کی رہنما فردوس عاشق اعوان نے کہا ہے کہ 9 مئی کے واقعات میں پی ٹی آئی کی سیاسی موت ہوئی اور نئی جماعت استحکام پاکستان پارٹی نے جنم لیا۔ایک بیان میں انہوں نے کہا ہے کہ میں پونے 2 سال سیاست سے دور رہی، جس بیانیے کے ساتھ پارٹی اور چیئرمین چل رہے تھے اس کے ساتھ کھڑا نہیں ہونا چاہتی تھی۔فردوس عاشق اعوان نے کہا کہ وہ جب تک سیاسی حریفوں کو ہدف بنا رہے تھے میں چٹان کی طرح ان کے ساتھ کھڑی تھی، مگر جب انہوں نے توپوں کا رخ افواج پاکستان کی طرف کیا تو مجھے خاموش ہو کر سائیڈ پر بیٹھنا پڑا۔ ملک میں معاشی و سیاسی عدم استحکام اور ایک دوسرے سے نفرت ہے، 9 مئی کے واقعات میں شہداء کی یادگاروں کی بے حرمتی کی گئی۔رہنما استحکام پاکستان پارٹی کا کہنا ہے کہ 9 مئی کے بعد ایسا بیانیہ پروموٹ کرنے کی کوشش کی گئی کہ یہ وہ وقت تھا جب پی ٹی آئی کی سیاسی موت واقع ہوئی۔انہوں نے کہا ہے کہ استحکام پاکستان پارٹی کی اولین ترجیح پاکستان کا استحکام ہے، سیاست میں ہٹ دھرمی اور انا والا موقف لے کر آگے نہیں بڑھا جا سکتا۔فردوس عاشق اعوان نے مزید کہا کہ سیاست میں کچھ دو اور کچھ لو کے تحت، حالات اور صورت حال کے مطابق فیصلے ہوتے ہیں، ابھی ہم پارٹی سٹرکچر بنانے میں مصروف ہیں، ممبر سازی اگلا مرحلہ ہو گا۔
ان کا یہ بھی کہنا ہے کہ ہماری کھلی دعوت ہے کہ پی ٹی آئی کے متاثرین کے لیے دروازے کھلے ہیں، آئی پی پی ثابت کرے گی کہ ہم ریاست اور سیاست دونوں کے ساتھ چلیں گے

اسلام آباد:وفاقی وزیر موسمیاتی تبدیلی شیری رحمٰن نے کہا ہے کہ اللہ کا فضل ہے کہ ہم طوفان کی تباہ کاریوں سے بچ گئے ہیں، بحیرہ عرب میں بپرجوائے ماضی کے دیگر طوفانوں سے طویل رہا۔ اپنے ایک بیان میں وفاقی وزیر نے کہا کہ میٹنگ میں غور ہوگا کہ متاثرین کو واپس علاقوں میں کیسے پہنچانا ہے۔شیری رحمٰن نے کہا کہ سجاول میں متاثرین کی واپسی میں شاید کچھ وقت لگ جائے، آبادی اتنی بڑھ گئی ہے، کہاں کہاں ہم پہنچیں؟ ان کا یہ بھی کہنا ہے کہ سجاول میں لوگوں کے پاس ذریعہ معاش کافی حد تک متاثر ہوا ہے، متاثرہ علاقوں سے 8، 9 ہزار مویشیوں کو بھی منتقل کیا گیا

اسلام آباد: سابق وزیر اعلیٰ پنجاب و رہنما مسلم لیگ ن میاں حمزہ شہباز شریف کا عوامی انداز، ڈونگا گلی میں واک کے دوران انکے مداحوں نے گھیر لیا۔میاں حمزہ شہباز لوگوں میں گھل مل گئے. ان کے ساتھ سلفیاں بنوائیں. لوگوں نے اپنے درمیان پا کر خوشی کا اظہار کیا اورمیاں حمزہ شہباز انکے ساتھ گفتگو کرتے رہے ،انہوں نے بچوں کو اپنی شفقت سے بھی نوازا،عوام نے انکے پیارکو سراہتے ہوئے کہا کہ لیڈر کی لوگوں سے ایسی محبت قابل رشک ہے

محکمہ اینٹی کرپشن نے چیئرمین تحریک انصاف عمران خان اور ان کی ہمشیرہ کے خلاف ’30 فروری‘ 2022ء کی تاریخ کو زمین اپنے نام کرانے کا مقدمہ درج کرلیا۔محکمہ اینٹی کرپشن اسٹیبلشمنٹ پنجاب نے سابق وزیراعظم اور چیئرمین تحریک انصاف عمران خان کی بہن عظمیٰ خان اور ان کے شوہر احد مجید کے خلاف کرپشن کی دفعات کے تحت مقدمہ درج کرلیا ہے۔ تاہم ایف آئی آر درج کرتے ہوئے بغیر سوچے سمجھے 30 فروری 2022 کی تاریخ درج کردی گئی ہے جو تاریخ تاقیامت نہیں آسکتی۔ کیونکہ فروری کا مہینہ عمومی طور 28 دنوں کا ہوتا ہے کہ اور ہر چار سال بعد 29 دنوں کا ہوتا جسے لیپ کا سال کہا جاتا ہے۔ترجمان کے مطابق ڈاکٹر عظمیٰ خان پر ضلع لیہ میں 5,261 کنال اراضی کی خریداری میں مبینہ فراڈ کا الزام ہے، جس کی بظاہر قیمت 6 ارب روپے تھی، لیکن اراضی کی خریدداری کے لیے محض 13 کروڑ روپے ادا کیے گئے۔ اینٹی کرپشن اسٹیلشمنٹ نے کہا ہے کہ جوڑے کے خلاف کرپشن کے تحت مقدمہ درج کرلیا گیا ہے۔ڈاکٹر عظمیٰ خان اور ان کے شوہر احد مجید کے خلاف درج ایف آئی آر میں مالیاتی فراڈ سے زیادہ کا الزام لگایا گیا ہے۔کیس میں الزام لگایا گیا ہے کہ ڈاکٹر عظمیٰ خان اور احد مجید نے زمینداروں کو اپنی جائیداد ان کی مارکیٹ ویلیو سے بہت کم نرخوں پر فروخت کرنے پر مجبور کیا۔ اس کے بعد انہوں نے غیر قانونی پراپرٹی ڈیڈز کے ذریعے زمین کی ملکیت حاصل کی۔اس وقت لیہ کے مقامی تھانے میں اراضی کے اصل مالکان کی جانب سے مقدمہ درج کرایا گیا تھا جس پر اب کرپشن کا مقدمہ بھی درج کرلیا گیا ہے

راولپنڈی:جی ایچ کیو کا مونوگرام توڑنے والے شرپسند کی شناخت کر لی گئی۔حملہ آور کی شناخت راجہ دانش وحید کے نام سے ہوئی جو راولپنڈی کا رہائشی ہے۔میڈیا رپورٹس کے مطابق دانش وحید نامی شرپسند لوگوں کو توڑ پھوڑ پر اکساتا آتا رہا اور خود بھی ڈنڈوں سے جی ایچ کیو کا مونوگرام توڑ کر جی ایچ کیو میں داخل ہوا تھا۔شر پسند نے قانون نافذ کرنے والے اداروں پر شدید پتھراؤ کیا۔جبکہ پٹرول پمپ نے والوں میں بھی بھی شامل رہا۔قبل ازیں جناح ہاؤس لاہور پر حملے کا ایک اور شرپسند بے نقاب ہوگیا۔حاشر خان نامی شرپسند سند جو ناحافظ پر حملہ کے دوران انقلاب کے نعرے لگاتے رہا۔حاشر خان درانی انصاف یوتھ ونگ لاہور کا انفارمیشن سیکرٹری ہے جس نے اپنے بیان میں اعتراف کیا ہے کہ میں نے نعرے لگائے کہ لوگوں انقلاب مبارک ہو ہم فوجیوں سے جان چھڑائیں گے۔شرپسند حاشر خان درانی نے اپنے بیان میں مزید کہا کہ کور کمانڈر ہاؤس پر حملہ کی منصوبہ بندی پہلے سے زمان پارک میں کی گئی جس کے تحت ہم نے حملہ کیا۔پی ٹی آئی کی قیادت نے حملے کا منصوبہ بنایا جس میں یاسمین راشد ،محمود رشید اور شیخ امتیاز شامل تھے۔چیئرمین پی ٹی آئی نے فوج کے خلاف ہمارے ذہنوں میں جو بھرا تھا وہ اثرانداز ہوا۔میں نے حملے کے وقت وہاں ویڈیو بھی بنائی تھی۔میں نے جھنڈا لہراتے ہوئے کہا تھا کہ یہ کورکمانڈر ہاؤس نہیں بلکہ خان ہاؤس ہے۔شرپسند نے کہا کہ اس سب عمل کے دوران فوج کا رویہ بہت مثبت تھا، ہماری فوج نے کسی عام شہری کو تنکا برابر بھی نقصان نہیں پہنچایا

لاہور : چیئرمین نیب لیفٹیننٹ جنرل ریٹائرڈ نذیر احمد بٹ نے کہا ہے کہ ماضی میں نیب کو سیاسی مقاصد کیلئے استعمال کیا گیا،نیب کی ساکھ بحال کرنے کیلئے اقدامات کر رہے ہیں۔ لاہور میں ایک تقریب سے خطاب کرتے ہوئے چیئرمین نیب نے کہا کہ نیب کو مکمل طور پر غیر سیاسی بنا کر دم لیں گے،ہم نے جرم کا خاتمہ کرنا ہے ملزم کا نہیں۔سزا دینا یا ریلیف دینا عدلیہ کا کام ہے،بدعنوانی کے خاتمے میں ہمارا کوئی فیورٹ اور دشمن نہیں ہے۔ انہوں نے ہدایت کرتے ہوئے کہا کہ نیب افسران کم سے کم وقت میں کسیز نمٹائیں،کرپشن کیسز میں بالواسطہ اور بلاواسطہ ریکوریز ہو رہی ہیں۔ہمیں اپنی کوتاہیوں اور غلطیوں کا ادراک ہے،ہم عوام کا اعتماد بحال کریں گے۔چیئرمین نیب نے کہا کہ قوم نے جو ذمہ داری دی ہے اسے بخوبی نبھائیں گے،متاثرین کی مدد کیلئے نئی پالیسی بنا رہے ہیں۔دھوکہ دہی کے متاثرین کی رائے مدِ نظر رکھ کر آئندہ کی پالیسی مرتب کی جائے گی۔ لیفٹیننٹ جنرل ریٹائرڈ نذیر احمد بٹ نے بتایا کہ متاثرین کے ساتھ نیب عملہ بیٹھ کر مشاورت سے مسائل کا حل بتائے گا،نیب کو کھویا ہوا مقام واپس دلوانے کا وعدہ کرتے ہیں،کم لوگ ہیں جن کی وجہ سے ہماری نیک نامی پر دھبہ لگتا ہے۔